_
أمم يعني حاشمة
_ تنجم تقول
_ لباس
_ حمدلله بخير
_ جبد تلفون من
يدها تصدمت جات ترجع فيه)شتعمل شهاب
_ ممكن
لحظة حل تلفون
_ (بقات تخزرلو
مصدومة )علاش نحل فيه
_ حلو عندك حاجة
مخبيتها متحبش نشوفو
_ معندش ممخبيا
حلتلو تلفون وبقات تشوف فيه
_ طالع هابط في
لمسنجر يشوف...في لأسماء شنوة هاي شعب تونسي لكل حاكي معاك
_ مفهمتكش
_ شنوة مفهمتش
شكون لكنت تحكي معاه توا
_ صاحبتي هاكي
_ وأمم هذا محمد
شكونو
_ دكتور يقري
فيا
_ ودكتور يبعثلك
محلاه نهار كيف يتصبح عليك وهه وهاهي
_ ضحكت... عادي
علي خاطرو دكتور يموت مايضحكش
_ نرمال تحكي
هكا يعني لمعاك هذوم لكل تعرفهم
_ لمعايا لكل
ياقراو معايا قبل ياتوا عمري منحكي مع حد منعرفوش
_ ونرمال
_ شنوة لنرمال
مفهمتش
_ عادي تحكي مع
لولاد وأنت مخطوبة
_ أولا علاقتي
بيهم أخوية ثانيا مانيش نعمل في لعيب وعمري منتجاوز حدودي ثالثا وينو خطيبي بربي
ريتش أسمو موجود حتي فايسبوكك بعثتلك أنفي ليا فوق لعام مخليها معلقة ومقبلتهاش
اصلا ستغربت كيفاه نمرويا عندك
_ باهي باهي شهد
موش جايبك باش تبدي تحلل (يحكي ويسكر في لفايسبوك بعد بدرج مدهولها)
_ شنوة شعملت
وينو لفايس
_ سكرتو وجرب
تحلو أعمل فايس جديد فهمت
_ بربي سي شهاب
_ وراسك للة شهد
أنت خطيبتي توا متسمية عليا حلو نبدي قاعد واحد يقول خطيبتو تحكي معايا في
لفايسبوك
_ رجعي تعرف
مزلت حابس غادي
_ رجعي ههههه
قوية عليك هذي متفهمهاش أرجع وين كنت وجرب نلقاك رجعتو متلوم كان روحك
_ مشات تزرب شدت
بلاصتها بحذا أمها تلمسها من خشمها تطرشق لكلهم حسوا بيها منرفزة ..حتي سارة قامت
قاتلها نروحو ملي راتها كيفاه ساكتة وشادة دمعتها
حلقة 51
يدق في لباب
ويعاود ولاحبت تحل متأكد لهيا لداخل من ضو لشاعل في دار لكل ...دق للي فد خايف
تكون صايرتلها حاجة جبد نسخة من لمفتاح وحل لباب دخل ينادي يافااا وينك يافا
_ كانت في لبانو ماء دافي رخالها عصابها للي نسات
روحها ..صوت لموزيك بجنبها خلاها تسرح لبعيد ...سمعت حس قوي لبرا وباب دوش يتحل
علي طولو صاحت بقوة تفجعت وهيا تقول شكون
_ قلبو يردك
بقوة ملقهاش في لبيوت لكل قرب للدوش يسمع في لموسيقا دق لباب وندي مسمعتوش خاف
لاتكون تخنقت ولاداخت في دوش حل لباب ...دنيا لكلها فار يحكي ويلهث من لخوف يافا
لباس قلي مصارلك شئ
_ ياهم ياغالي
فجعتني أخرج حرام عليك (تحكي وتخبي في بدنها في لماء )
_ باهي سامحني
خفت تكون صارتلك حاجة رجع وسكر لباب ...وبقي يتنفس بعد لفجعة لكلاها خرجتلو بعد
شوية لفة روحها في كاب وتصيح
_ هبلت ياخي هد
عليا لدوش شمزال معملتوش ياخي
_ نقص حسك وأطلع
بدل دبشك غلطتك موش غلطتي من ساعة ندق لبرا ودقيت باب دوش فاش قام عليك حلا موسيقا
في بيت لبانو وتشرقع
_ حرة عاد نعمل
لنحب ونقوي لموزيكا قد منحب حلواشي والله قول نتسبب باش ندخل نراهاشي
_ شباش نرا
(تبسم ) والله ماريت شئ ماو نعرف زهري
_ ضربتو علي
كتفو بقوة ...مبلدك بليد
_ صحة دوش (بقا
يخزرلها وجها مندي وشفايفها روز يشهو يغطس فيهم عدا عينيه علي بدنها وسويقتها بيض
يلقوا ...بدات سخانة تطلعلو أي هز روحك وبدل دبشك خير منشوف لمريتوش من بكري
_ مشات تزرب
تتكعبر تبدل في دبشها وتتكرم ساعة تقد في روحها شيحت شعرها وهزتو لفوق عملت مكياج
ولبست سويت ومريول خفيف عملت برفيم ليعشقها وخرجتلو
_ شرب دبوزة ماء
باش يهدي ويطفي نار لشعتلها فيه شيطان يوسوس كيف محب وصورلو ألف سيناريو في مخو
لجم روحو وسكت زاد نارو لهبت وقت لراها خارجة من لبيت ستيلها يخبلو يهبلو ويجننو
وللبستو تقول من غير هدوم ...ريحة لبرفيم ليعشقها سبقتها أجتت أعصار في داخلو بقا
كابس علي لمخدة بيدو
_ تفضل شحاشتك
أش مجيبك..موش وعدتني ماتجيش ولا مصبرتش جمعة
_ جيت علي حكاية
نقلة
_ صححت ولا
_ مرفوض
_ وعلاش نجم
نعرف سبب يظهرلي سبب مقنع
_ مفماش سبب
مقنع أنت تحت سريتي وباش تبقي موجود ومدخلش لعلاقة لخاصة في خدمتنا
_ منجمش
_ تنجم يافا
وكنت منجمة قبل
_ قتلك لا منحبش
نبقي معاك ياريت تنقلني
_ ومهبولة لو
تتخيلني نقلك
_ بربي غالي
_ وراسك يافا
_ أسمع غالي باش
نقلك هالكلمتين وحطهم حلقة في وذنيك
_ تفضل
_ بعدني عليك
خير متحل حرب عليك
_ نحب نحل حرب
عليا ومكش منقلة ومرفوض وانت تعرف لو أنا نرفض ممنوع كيف يبداش لكولونال بيدو
موافق
_ لباب يدق قلبها
وقف معاه بقات تخزر لغالي عرفتها خلات نسات مراد لجاي ياربي شنوة لباش تعمل وشنوة
باش تقول
حلقة52
يافا
_ بقي يخزرلها
...شكون لجايك توا
_ تلعثمت منجمتش
تخرج لحروف وجها تغصر جا باش يمشي يحل وقفت قدامو ...أنا باش نحل موش قتلي دارك
وتصرف كيف متحب مايجيش ضيف انت هوني
_ بقي مركز
معاها حاسسها مربوثة وهذا لدخلو تران في مخو موش حابب حتي يفكر في لفكرة
جات ماشيا تحل
في لباب جبدها وتلكم بصوت ظاهر لهوا منرفز خليك أنا نحل لباب يافا
_ غمضت عينيها
مع كل خطوة يخطيها نحو فتح باب جهنم عليها لباب تحل وقلبها وقف تسمع في غالي يقولو
أنت
_ يحل في لباب
وكل سيناريوات جات لبالو ألا لخيانة عمرو في يوم مشك فيها لكن وقت لحل لباب وراه
جايب سيكان ماكلة في يدو كوفر شوكولاه وبوكي نوار تصدم حس كأنو شكون كب سطل ماء
بارد عليه ..خزر ليافا لكانت واقفة في بلاصتها تبسم بوجيعة كبيرة ومن غير محكا مع
مراد خرج لحقت عليه يافا ...شدها مراد في لباب يافا خليك متلحقوش
_ سيبني مراد
يعيشك مشات تجري تنادي فيه
_ غالي ستني
غالي
_ يحل في باب
لكرهبة بيد ترعش موش مصدق هارب من لراه موش منجم يقعد حتي ويعارك موش قادر حتي
يستخسر يدو تتهز عليها وعليه يدها تحطت فوق يدوا حسها شوك نطرها بقوة
_ رودبالك مزلت
تلمسني رودبالك
_ غالي يعيشك
متفهمش بالغالط جاي يطل عليا برك
_ لا ظاهر يطل
عليك لعيب موش فيك فيا وثقت فيك وانت تلعب من ورايا ..كنت لزم نعرف اللي فما حاجة
بينك وبينو من يوم لريتو شنوة عملك علي خاطرك في ليبيا وانا شاكك كمل دوسيك لنظفو
ورجعك وكأنا شيئا لم يكن صحة لعبت بيا كيف محبيت ..بصحتك حل لباب شدتو
_ يعني شاكك فيا
لنخون فيك
_ قتلك سيب ويدي
معادش تلمسها برا عوم بحرك وأعتقني ليوم دين وجرب مزلت نرا خليقتك قدامي بالحرام
منفسدها ونقلة توا نقلك فهمت ودزها وطلع لكرهبتو ...بقات تمسح في عينيها وتبكي
بصوت جاها مراد دخلها
_ يزي يافا
لباعك بيعوا مايستهلكش مدام خونك وشاك فيك
_ لا غالي مخوني
موش واثق فيا تخيلني نخون فيه
_ وعلاش تخون
فيه هو بعد عليك يافا وخرجك من حياتو أنت حرة
_ مانيش حرة
متاعو انا ليه حتي لو بعدني عليه حتي لو خذا وعرس عمري لكلو نعديه نستني فيه
_ لهادرجة تحبيه
_ وأكثر من روحي
من حياتي لو يطلب عيني نعطيها
_ موقفش معاك
يافا وموثقش فيك
_ أي حد في
بلاصتو يعمل هكا واكثر (رجعلها شاهد لعقل خزرت لمراد )غالي وين راك في لبيبا
_ مفهمتكش
_ شنوة مفهمتش
هوا قالي توا كنت متأكد لبينك وبينو علاقة ملي ريت خوفو عليك في لبيبا
_ لتعثم معرفش
شيقول ...يافا
_ غالي هو
لأنقذني موش جنود بعثتهم لوزارة موش هكا
_ يافا
_ جاوبني
وردبالك تخبي
_ هو
_ بقات تحرك في
راسها موش مصدقة تفكرت كلامها جارح سبانها وعياطها عليه ...قربت لمراد تضرب فيه
مستحيل علاش خبيتو علاش كذبت علاش عتبرتك صديق مراد علاش
_ وعدتو يافا
وراسك حلفني وقت لصارت لمواجهة هو لكان يضرب هو ومجموعة لمعاه ومن بعد فهمت لدخلو
من غير ترخيص ...وهو لجابك في طيارة خاصة وقف معاك للخر لكن في يوم جاني منهار
وقالي باش نبعد وتوعدني متقولش ليافا اللي أنا جيت وأنقذتها
_ غالي (بدات
تبكي حست روحها طعنتو في حبو موثقتش فيه خرجت تزرب لحق عليها مراد)
_ يزي يافا وين
باش تمشي فيها ليل
_ هزني لدارو
توا يعيشك
_ يافا مايجيش
_ باش تهزني ولا
نمشي وحدي
_ باهي أطلع
ثنية كاملة تاكل في صوابعها عينيها تنفخو بدموع مصدقتش وقت لوصلت هبطت وخلت لباب
محلول خلت مراد ينادي فيها ومشات تجري دق بقوة وتنادي غالي غالي حل لباب غالي
_ كانت قاعدة
هيا ورجلها في صالون يتفكروا في أيام لماضي كل مرة يطبع بوسة فوق شفايفها ..عشقهم
سرمدي لم تقتله لأيام ولا لكبر عشق أياد ويافا عشق تتحاكي بيه الأساطير صوت لباب
ليدق بقوة خلاهم يبعدو علي بعضهم مربوثين يشوفو في قمر هابطة تزرب وتقلهم صوت يافا
هو لينادي
_ وقت لحلت لباب
دخلت من غير لاسلمت لا حكات وينو غالي
_ قدمت يافا
مفجوعة بنتي شبيك علاش تبكي وشبيه غالي شعملك
_ جوبوني غالي
وين
_ قربلها أياد
يهدي فيها
_ يعيشك بنتي
أهدي قلي شبيك
_ لو جيت بنتك
كنتو قلتو لحقيقة علاش خبيتو عليا علاش عذبتوني وبعدتوه عليا علاش خليتو غالي ينكر
فيا وينساني
_ يافا بنتي
أهدي يعيشك توا نفهموك
_ متقولش بنتي
طاطا أنت بذات خسارة فيك صحبت أمي للي ماتت وهيا تقول هاكي امك نسيتني ورميتني
وحتي لحقيقة خبيتها عليا
_ يافا يعيش
بنتي لمصلحتك
_ علاش لمصلحتي
فهموني شنوة لمخبينو
_ أياد خزر
ليافا وعض شفايفو بفعلها هيا عذبت ولادهم جبد يافا حملها يزي يعيش بنتي أهدي
_ لا ياعمي
يعيشك غالي وينو نحب نكلمو يعيشك عم أياد
_ باهي قمر كلم
خوك شوفو وين
_ مسكر بابا من
بكري طلبتو
_ أطلب خطيبك
اكيد راهو معاه
_ طلبت بدر هز
عليها بعد بمدة تسمع فيه يحكي بشوي ويقلها من بعد نحكو
_ بدر متعلقش
بابا حاشتو بغالي أكيد كانو بجنبك قلو يحل تلفونو ويكلم بابا
_ هز أياد تلفون
منعندها
_ بدر قول غالي
يروح توا
_ عمي هاو قاعد
تاعب شوي توا يروح بربي لاتزيد تعبوه خليه بجنبي وتهني عليه
_ باهي ولدي
هنيني عليك
_ يافا أطلع
أرقد بحذا قمر وتو يروح غالي
_ لا عمي يعيشك
مفماش علاش باش نبقي جات ماشيا شدتها يافا ...خليك يافا متروحش عندي منحكي معاك
...
حلقة53
يافا
خانت عهدا وخانت
حبا وتركت وراءها عشقا سرمدي ...أبتعدت عني ورمت ماضي ملئ غراما ..يامن أسميتك
وطني ياغربتي وانسي ياسكني وحبي خنتي عهدا وميثاق هيام كانو يتحاكون بيه في كل
زمان ومكان
كعبات بيرا
قدامو يخزر هايم وين يتفكر لخنتو وين يتفكر لي رضات راجل غريب كان باش يسهر معاها
ناروا تشعل...هو لوثق فيها وعطاها أسموا..وتوجها سلطانة علي عرش قلبو ..هو لرما
روحو للموت علي خاطرها نساء لقسم متاعو وخان مؤسستو علي خاطر مري هنتو وجعتو
...تنهد من عروش لقلب وتكلم
_ أأأأه يا بدر
يالخو كواتني وشواتني طعنتني وطحنتني موش راجل هربت كارني قتلتها دفنتها هيا وياه
في أرضها
_ يزي غالي وراس
خويا مكبرها
_ متقوليش
مكبرها سماك (ضرب دبابز بلار قدامو) لمرا قاعدة وحدها وراجل جايها محمل ياورد
ياعشوات وأنت تقول مكبرها تي في داري يابوقلب في لخربة لكنت باش نسكنها فيها لحلمت
أنا ويااها نعيشو فيها طعنتني وغدرتني صحة ليها بنت أمها والله راني لويتلها
عنكوشها راني وريتلها رجال شتعمل
_ حاسس بيك
وراسك أما لكلنا نعرفو تربية يافا ونعرف اللي هيا عمرها ماتغلط وزيد من فوق عشقتك
_ ههههه (ضحك
بقوة) صدقتك تحبني علي شكون تجد تي أنانية تحب كان روحها متخمم كان في مصلحتها تي
موش حسبتني غلبت عليا بالقوة والعنتزة تقول حابب عزري راسها مسكر
_ كيفاه تحبها
تكون ناسي بوها وامها شكون ومتناساش لانت من صغرة مربيها علي يدك وسيادتك موش ناقص
قوة
_ خسارة تربيتي
فيها طلعت نحلب في حلاب مقعور
_ غالي أنت شارب
توا وباقي تقول في لمايجيش
_ يجي يجي واعي
فاش نقول مزلت صاحي ونعمل ستيكة أخري ونخرج منها عادي يزي لريتو من بكري يذهب شيرة
وحدوا من غير شراب يالخو سقاتني من كاس لمر حنظل وكواتني وشواتني كيف محبت ...
_ أه غالي
ياصاحبي وراسك لعملتو مع يافا غالط حقك بقيت وفهمت أش مجيبو ها سي طبل هذا بلاكا
مافي بالهاش
_ مافيبلهاش تي
لمرا دخلت بعضها أول مدق لباب نظرة لخوف لريتها في عينيها فهمتها وقريتها
_ حرت أش باش
نقلك والله
_ معندك متقول
لفي مخي توا محفور هوني وعمروا مايتمحي وممكن امي عندها لحق وقت لبعدتني عليها
ساعات ليشوفوه ناس متشوفوش أنت ويظهرلي شافت ليافا عمرها ماتصلح بيا وبطبيعتي
لصعيب نتعايشو مع بعضنا هيا تخمم بنوع وأنا بنوع..ولوم بعد لقضاء بدعة
لفما ريتو وطاح
لكاف علي ظلو خليني نروح فادد ونحب نرقد لعلا ننسي ها لوجيعة لفي صدري
**
تبوس وتحمل موش
مصدقة لهو بحذاها وتلمس فيه
_ مراد ياروحي
وينك والله توحشتك
_ حتي أنا
توحشتك وبرشا
_ وقتاه جيت
_ جيت ليا يومين
_ وعلاه ماجيتش
طلبت عليا موش وعدتي في كل مرواحا تجيني
_ وعد تعرف بحكم
خدمتي منجمش نسافر برشا
_ باش تبقي قداه
هوني
_ شهرين
_بالحق (ولات
تنقز بين يديه ) صدقني فرحانة قد دنيا لكل
_ ياروحي أنت
ربي يخليك ليا ..
_ أيجا أدخل سلم
علي ماما
_ لا وعد موش
وقتها توا حبيت نسلم عليك (جبد مفتاح من جيبو)هذي نسخة من مفتاح داري في كل قت تجي
وهذا لعنوان (مدلها ورقة )واكيد علي قريب نعملو قعدة باهية
_ باهي مراد
نحبك وبرشا وعنا برشا حديث باش نحكوه
_ باهي وعد
نخليك توا (رجع لكرهبتو صحيح شوفة أختو فرهدتو شوية أما وين يتفكر لصار ليافا نار
تشعل فيه يعني لها درجة تحبو لها دارجة روحها فيها صحة ليه بقي يتحسر لو كان جا
قلبها ليه كان ملك دنيا بسعادة للمكن تصيبو من عشق أحتله من يوم رتوات لعرقو بحب يافا وسكنت الفؤاد بقوتها
وعنتزتها وتمردها شرقي
حلقة54
يافا
أختنق حد الوجع
,حد الألم
سئمت مكابدة سر
كتما أوصالي وخنق أضلعي وأعتصر فؤادي
سر كان لحين هذه
لحظة مهمة سرية وأمانة أخوية تمت بنجاح لحد
هذه لحظة
تشوفلها وفي
عينيها لوم كبير وجيعة أكبر ...تلكمت بصوت مخنوق
-يافا نعرف اللي
أنت تلوم عليا ومخذا في خاطرك مني
_ شنوة مدام
يافا متقوليش جايبتني باش تبررلي
_ علاش وليت
عنيفة هكا في ردك
_ وكيفاه تحبني
نكون بعد لعرفتو
_ لمعرفتوش اللي
أنا لي قلت لغالي يبعد عليك وحلفت برضاية عليه
_ مفهمتكش
(عينيها طلعت وهيا تخزرلها)
_ أفهمني يافا
لنحب نقولو
_ معندك متقول
يعني غالي بعد عليك بها سهولة علي خاطر أمو خيرتو بيني وبينك
_ هذاكا صحيح
_ مستحيل طاطا
يعني أنت لمرا لنعتبرها امي سبب في شقائي وتعاستي
_ عمري مكنتش
سبب شقائك يزي بلا تخريف بنتي
_ رودبالك مزلت
تقول بنتي علي لسانك بنت غزلان انا وأكيد تعرفها منسيتهاش
_ يافا
_ كرهتو اسمي
خاطروا علي أسمك كرهت ماضيا خاطرك فيه
_ اهدي وسمعني
_ معندي منسمعك وحتي
غالي ولدك لختار يبيع مرا علي خاطر مقايضة مايلزمنيش (جات خارجة حبستها )
_ أمك هيا سبب
فيها لقرار يافا
_ (دارتلها
مصدومة ) مفهمتكش
_ شوف يافا من
عام عرفت اللي امك متورطة في منظمة بأختراقها وتجسس عليها وهيا كانت قائدة السرية
وكل الأوامر كانت من عندها في لفترة هذيكا امك جات عليها برشا ضغوطات ياتمحي برشا
ملفات ياتموت هيا وعايلتها ...فرفضت حتي لو كلفها حياتها لكن طاحت مع شبكة كبيرة
وناس واصلة في لبلاد ناس ملخر شادة لحكم وهيا لتسير وتقرر وتحكم علي غزلان بالموت
لانها عصات هكا كنا نتصورو لكل ...لكن لصار اللي غزلان هيا لختارت لموت في سبيل
أنت وبوك يعيشو وكتبت وصية وحكات فيها لموضوع من لول للخر أما لكان شاهد علي ها رسالة
منعرفوش شكون ويني ها لوصية وتبرير هل غزلان باعت ملفات ولا شرات هل غزلان خانت
لمؤسسة ولا كانت بطلة لكلنا نعرفو اللي موتت غزلان كانت مفاجئة حتي جنازة عسكرية
متقامتلهاش لكلنا وقتها ستغربنا وأولهم أنا لكن ضيعوني بأنو لبلد داخلة في حيط موش
وقت جنائز وحلان فام ملف غزلان تمحي من لوزارة وبقي يتحكي علي انها شهيدة وطن
وبطلة ولكلنا موش عارفين شنوة لعملت وشنوة لصار
_ تحب تقول أمي
خانت
_ نشك في روحي
ولا نشك فيها
_ في الفترة
هاكي غزلان كانت تخدم مع شخص علي بعض لملفات سرية ومنعرفش حتي شنوة فحواها وبعدت
علينا لدرجة معادش نراها ...كنت نشوف فيها كيفاه ذبلت ودخلت بعضها كيفاه بعدت علي
ناس لكل ونهار بطولو تخدم وتخمم حتي لو قعدت معانا راهي شاردة وهايمة في عالم اخر
_ مفهمت شئ يعني
أمي هوني في نظري بطلة هذا أولا وثانيا شدخل غالي في لحكاية
_ بشوية توا
نفهمك غالي هو الوريث للمجلس الأعلي *** حتي لو شكليا برغم بوه هو ليحضر في جل
الاجتماعات كتوكيل من غالي وانت بيدك تعرف لحكاية بظبط
_ نعرف اللي
غالي رافض دخول للمجلس وحابب يتنازل عليه وأنت رفضت بشدة
_ بالعكس أنا مصرة يكون هو لوريث علي أقل نظمنو
لحماية وحصانة دولية لكن هوا رافض وحابب يبعد ها الموضوع لكبير ومتاكدة لهو يتصور
اللي لوراثة موش منحقو هو ...واللي نحب نقولو يافا اللي ممنوع زواجك من غالي لو انت تقربلو ممكن
يموت غالي ...
_ علاش يموت
مفهمتش .(قلبها دق بقوة)
_ أنت بغباءك
سلمت رقبتك للموت تتخيل باش يبعدوك بعد مدخلت للمرتزقة وعرفت دواليبهم مستحيل
يسلموا فيك بساهل ولو انت رتبطت بغالي هوني لكارثة زوز أعداء زوز منظمات يكرهو
بعضهم في دم مجلس لأعلي ليظم اكبر كوادر جيش ورجال دولة والمرتزقة لتظم المارقين
والباحثين عن سلطة زوز بنادقهم معمرة لبعضهم يستنوا في اول طلقة وانت تصنفتي منهم
ومستحيل سجلك يتمحي من لفوق ولو باش ترتبط بالوريث باش يكون لموت ليك وليه أنت
مؤسستك تقتلك وهو كيف كيف
_ شتحكي انا
عمري منظميت لمرتزقة كنت في خدمة وأنت تعرف هذا
_ لأسف لعبو بيك
يافا وغروا بيك تتخيل مؤسستنا وقت لتقايض ناس باش يخدمو لمصالحهم وتجندهم لها
الأمور أول أمر تقوم بيه البصم علي سجل الأنسحاب من المؤسسة وأي خطئ ترتكبو
المؤسسة بريئة منك وتعتبر شخص مدني غير مبرمج بسجل لعسكري وقتها لموت من عند لعدو
ولخيانة لمؤسسة لهيا خلقتك لها لمهمة يعني ساعات باش تطلع دول وتحمي شعب لزم يمشو
أبرياء في لعفيس وتتلطخ سمعتو وترتبط فيه لخيانة وهو بطل لكن تحت مسمي الجبن
والخيانة لمؤسسة حماتو وعطاتوا أسمها
_ يعني تحكم
عليا بالموت هكا شتحب تقول
_ تمردك يافا
وقوتك لتتخيلها باش توصلك لوين تحب رماتك في فوهة بركان صعيب تخرج منها انت بغباءك
مشيت لجهنم بساقيك أنظميت لأكبر عدو لدولة ولكل دول لعالم لمرتزقة ناس لعندهم لدين
لاملة لفلوس همهم لقوة سلطة نفوذ جاه وأهمها رتبة لكلهم يخمموا لوين باش يوصلو
وشنوة باش يكونو ...وأكثرية دول لتعاملت مع جنود لمرتزقين فشلت في خططهم تكتيكية لانو
عمرك متوثق حد غريب علي بلد مايمثلو غير شغل مال وجاه قوة هذا لأغلبية دول تتعامل
بيه وها ك ريت لصار في جيش ليبي لأول مصارت ثورة طاح وكل شخص يضرب علي حسابو جيش
لكلو كان مرتزق من جميع دول وحمدلله في بلادنا مفماش وموصلناش لأدخال أي مرتزق
لمؤسسة تعتبر روح شعب وأساس دولة
حلقة55
يافا
***
قالوااا فلسفة
تثير أشمئزازي ترهات تبعثر أفكاري ...وجع يمزق شرياني تباريح صوتي تعالت في كل
الأرجاء بصوت باح وعروق كادت أن تنشف بعد سماع صاعقة نازلت فوق رأس حطمت كل أحلامي
قاعدة فوق فرشو
تعدي في يدها علي مخدة أٌقرب منها ليه مخدة تلمس في خدو وراسو وتتمتع بقربو غارت
من شئ جامد وكيف لاتغار وقد حكم علي حياتها بالموت حياة أنتهت من لحظة وجد فيها
الموت ...
_ خوفها كبر بعد
كلام يافا يعني بمجرد تفكير حتي بزواجها منو تخسروا تبعد علي راجل لعشقتو لموت
أهون ليها ولاتتمس شعرة منو دموع يافا لراتهم نزلو قسمولها ظهرها تعرف معزة غالي
عندها كأنو ولد كرشها روح ولعقل فيه...تنهدت علي قرار خذاتو في لحظة ضعف حطمتلها
حياتها برشا حقائق لزم تبان وتحل برشا ألغاز ولزم تخذ حق أمها قامت من بيتو
لدخلتها بسرقة بعد ما يافا لام عطاتها بيت ترقد فيه وبعد مشدت فرشها لقات روحها
شادة طريق بيتو وتشم في ريحتو حوايجو لمعلقين مخدتو كل حاجة تتمتع بيها قبل مايجي
...قامت خارجة خايف لا يدخل حد ولا يجيش علي غفلة ويشوفها جات خارجة بخطي ثقيلة
دوب محلت لباب ولقاتو واقف قدامها رجعت خطوتين لتالي تبلع في ريقها مفجوعة من شئ
ليستني فيها
_ مروح مهدود من
تعب نفسي ولبدني كمل عليه كعبات لبيرا لعمر بيهم راسو وخلاوه دايخ اكثر ماهو دايخ
...وصل لباب بيتو حس احساس غريب شم ريحتها بقا علي باب بيتو يتخيل فيه موجودة في
دار بقي يسئل في روحو ينجم يجي وينجم مايجيش
مزال يحكي مع روحو ولباب تحل وقت لراها تصدم يشوف في عينيها طلعت وهيا
تخزرلو وتوخر لتالي تقول حابا تهرب دخل وسكر لباب جاتوا بساقيها ليوم ولعصا ليها
مايربيها علي قاعدة كيف ماشيحتلو ريقو
جزء ثاني من
حلقة 55
يافا
تبلع في ريقها
لحستو نشف ..ترمش في عينيها وهيا ترا فيه يعض في شفتو ويطرشق في صوابعو مع كل
توخيرة قلبها يدق حست صدرها باش يضياق عليه نفس بعد مجات تلوج عليه ولات هاربة
وكيف لاتهرب بعد كل ماقيل "غالي " صوتها خرج متقطع دوب ماهو خارج من
لخوف
_ غالي مزلت تعرف أسمي (تكلم بنطرة وصوت ضعيف لكن معبي
غل )
_ وعلا ش انا
نسيتو أسمك باش نتفكروا
_ أسسس (حط صبعو
فوق شفايفوا وقربلها وهو يعدي في عينو علي بدنها ..)
_ (تلعثمت وبقات
تأتأ مع نظرتو لعراتها نظرة تعرفها مليح) شبيك تخزرلي هكا
_ شنوة حتي
لخزرة تحرمها علينا يلا أرتاح موش اعجاب راهو جسيت (هز يدو حطها فوق شعرها خافت
حطت يدها فوق وجها تبسم من فازتها ) تهني هبط يدك تصورت روحي نحلم ياخي هاك طلعت
حقيقة
_ علاش لها
دارجة شرب عاميلك عينيك
_ يعميلي شرب
عيني خير مايعمايلك تعميني
_غالي
_ سكر فمك (نحا
لفاست رماها فوق فرشو وقعد علي أطرف لفرش يناحي في صبادريه ) أخرج أش مجيبك لبيتي
_ مانيش خارجة نحب
نفسرلك لريتو من بكري
_ متفسرليش (قام
وقف قدامها وهزها من فوق لوطا) برا علي روحك سكران توا ويعلم بيا ربي خير منغلط
معاك ورب لا يفكك مني حد
_ مانيش خايفة
ومانيش خارجة الأ منفسرلك
_ (جبدها من
يدها طلعها ليه بقي قارص عليها بغل يشوف في تكميشات لوجيعة في وجها لكن نظرتها
ديما متمردة كيفاه تبان ضعيفة قدامو لحد ليوم هذا جدار لوصل علاقتهم لها لجرف هذا
...)شنوة لقوة هذي مكش خايفة معادش مقدرة وحاسبة حساب لحد دارنا هوني متحكم في
روحي بصيف اخرج يابنت ناس خير
_ لا مانيش
خارجة الإ متسمعني غالي علاش متوثقش فيا
_ منوثقش فيك
(حكا بنطرة)
_امان غالي يافا
راني
_ خاطرك يافا
منوثقش فيك خاطر لمرا لحبيتها لربيتها علي يدي ونعرف شعندها في مخها منوثقش فيك يزي تعبت منك ومنعمايلك ماينا باستا
بااااع راني طلعت منفهملكش اخرج برا عيش حياتك صاحب لتحب أسهر مع لتحب اخرج فكني
وأعتقني
_ (بقات تحرك في
راسها من لكلام ليقول فيه ) غالي
_ كرهتو أسمي
مرمدتو أسمي كنت مخدوع فيك عطيتك قلبي وعفست فيه صحه ليك (دزها قريب طيح)اخرج
لانستجرم ونفتقك من بعضك راني شادد روحي عليك بصيف
_ علي شنوة هذا
لكل خاطر راجل وقف معايا جاني لدار تقول هكا طاحت ثيقة ونسيت حبك(كانت تحكي بيدها
وانفعال كبير)
_ بو لحب لتحكي
عليه ورجال لتعرفهم (شدلها يدها وقرص عليها ) ريتهم صوابعك موش كيف كيف ورجال موش
كيف كيف موش كل راجل لبس سروال راجل راهو حطها في بالك ومدام لمرا لحبيتها يجوها
رجال لدار ننساها ونمحيها من مخي
_ منسمحلكش شنوة
رجال ليجوني لدار ياخي فهمني لها درجة زبدة باش نتلحس أنا
_ (جبدها من
فمها وبقي يحكي قريب ليها ) موش يلحسوك برك يكلوك وأنت أفهم لباقي ومفماش قطوس
يصطاد ربي ولمرا لمتقراش لعواقب متلزمنيش
_ (نطرتلو يدو
وبقات شادة فمها لوجعها ) متخلف تقول لاك قاري
_ ههه متخلف
وجبري وقعر زادة باهيشي خاطر تحبو طحانة متحبوش راجل ...برا متخلينيش نغلط مك مشيت
وخرجتني من حياتك وفا لبيني وبينك أخرج ليلة راني باش نغفسك هوني
_ تغفسني علي
كيفك هو ومنسمحلكش موش خاطر حبيتك باش تشكك في شرفي وقت لتشوف حاجة وقتها احكم
واحكي
_ عمري منحكي من
فراغ ..
_ شتقصد
_ شنقصد تحب
نكبرها سماك راجل جاي قريب تسعة متع ليل
أش جاي يعمل وتحضر في روحك دوش وجوك أحلي جو شوكولاه في يدو وبوكي نوار
وعشا ومتأنق فا ش جاي يعمل قلي لو موش (خزر لبدنها وأشار عليه)
_ من غلها ومن
كلامو لقالو هزت يدها باش تعطيه كف شدلها صوابعها بقوة للي بدات تتوجع ..جبدها من
ظهرها وقربها ليه للي لصقت فيه عينيها تعبت دموع وهيا تفارع باش يسيبها لكن عدم مع
قوتو لقات روحها مكتفة وصوابعوعمال تقرص علي صوابعها لحستهم تكسروا بين يديه )يدك
لباش تهزها عليا تتكسر معملوهاش رجال باش تعملها أنت ...وتبداش تمثل قدامي في دور
لبراءة لمرا جايا نطيشك من لبلكون وتعرفني نعملها وتو اخرج من حياتي وأنسا راجل
أسموغالي كيف معفست عليا نعفس عليك كيف مطحنتني نمحيك اخرج
_ (بدات تشهق
بدموع موش مصدقة لغالي متصورها بها درجة متصور لممكن تكون سلمت في شرفها ...قطعها
بكلامو ولات تشهق بصوت صوت بكاها علا لدرجة غالي بعد عليها ويخزر موش فاهم شنوة
لصابها
)
حلقة 56
يافا
تكويت من كلام
كان كيف سم لهاري ينهش في روحي وقلبي
تشويت بشك وظن
معشوق لقلب لحسني خنت وانا لصنت وعمري ماوطيت راسي لحد نقرالو ألف حساب ونحارب باش
يبقي أسمو في لعالي
جا ليوم لبهذل
بحالي وخلاني في شكو نعاني نبكي دم بقلم مقهور وعقل مهدود لانعرف لانخمم لا نفكر
علي لصاب الروح
(طاحت علي الأرض
تبكي بصوت وتشهق تشاورلو بيدها باش تخرج لفي قلبها كنينها تليع بشك محبوبها وكيف
لمرا تتخون وهيا عمرها ما خانت بل صانت نار تشعل وعمرها ماتطفي تبقي محفورة بطول
لعمر )
عمري مخنتك عمري
ولاسلمت روحي لحد عمري لكل محافظة علي روحي وبدني ليك عشقك كيف دم ليجري بين لعروق
انت لربيتني وكبرتني تربيت بين عينيك لهادارجة متوثقش فيا تخوني انا يافا تخون
لمرا لمتنجمش ترقد اللي متطمان عليك ماتاكل الا متخمم فيك ماترقد الا متحلم بيك
ساكن هوني (أشارت لقلبها ) وهوني (أشارة لعقلها ) وساكن فيا لكل روحك وروحي عمرهم
ماتفارقو حتي لو بعدت وموثقت نعرف غلطت أضربني عاتبني صيح وكسر وعاقبني اما
متعقبنيش بشكك متعاقبش مرا حبتك بروح ودم مرا حتي لو بعد سنين عمرها ماتفكر تخون
حتي لو بعيدة عليك نبقي ليك نبقي لواحد برك لغالي علي خاطرك غالي ومقامك أغلي
معندي في دنيا
_ تنهد من
كلامها تشوي من بكاها يعرف في داخلو ومقتنع شعندو لكن شيطان لصورلو ألف حاجة
مبادؤو مستحيل تقبل لراتو ورجولتو موش بساهل توطي لمرا داستها
_ (قامت تترهوج
من لبكاء ومن شكو لكان قاسي حكم عليها بالموت حكم عليها بأبشع أنواع العذاب شك رجل
في مرا تعشقوا كثر من روح تعشقو أكثر من ذاتها وكيانها ...(خزرتلو خزرة تحدي
قربتلو وقفت قدامو نحت مريولها بقات في سوتيان
وتكلمت بصوت جاد..) جرب وشوف مزلت شريفة وطاهرة ولا ثبت فيا مزلت نرفع راس
ولا ...هاني قدامك ومستحيل نحبسك أبدي
_ (بقي مصدوم من
جرأتها كان باش يحكي يشوف فيها تناحي في سروال تبسم من غير ما يشعر) يهديك أبنتي
ألبس دبشك وياربيش تسلك وتخرج من هوني لباس
_ منحبش نخرج
لباس نحب نخذ دليل براأْتي في يدي وأنا خارجة ) مشات تزرب حلت دريسنغ جبدت سورية
بيضا ورجعتلو حطتها قدام عينيه ريتو لبياض هذا نحبك تعبيه بشرف لتحكي عليه ورماتها
فوق لفرش وحلت يدها )أبدي
_ (شاخ في مخو
يضحك مصدوم ) يظهر فيك أنت سكرانة موش أنا
_ سكرانة من
كلامك وقلة ثيقتك
_ شوف يابنت ناس
_ أسمي يافا ولا
حتي أسمي متحبش تقولو
_ (خزرلها يحب
يقلها راني ضعيف قدامك أسمك منحبش نذكر الأسم لموشم في قلبي من داخل ميحبش يقول
لأسم لمستعمرو ومخليه يكون بها تشتت هذا والفوضي لفي داخلو بسبب ها الأسم وصاحبة
الأسم )
_
كرهتني غالي (قربتلو لصقت فيه يدها فوق صدرو لفبري بالوقت وشعل من قربها لايزي
قريبة ليه وزيد عارية ...)
_ يافا ألبس
دبشك كيف نفيق غدوة نحكو يعيشك (جا باش يبعد قربتو ليها)
_ قلي غالي قلي
مكرهتكش قلي طمني قلبي يوجع بعدت عليا خنت وغدرت خونتني وجرحت قلي غالي
_ (تنهد بقلب
يفغم ..شدلها وجها بيدو زوز هود عليها باش يوصلل لوجها لكان مقابلو بقي يحكي في
وجها بصوت مهشرج) عمري منكرهك يافا ولفي داخلي مايتحكاش ولأني منكركش نحبك تخرج
قبل منغلط فيك وفي روحي راني متحكم في روحي بصيف
_ (تفكرت موقفو
ورجولتو تفكرت كيفاه لحقها ليبيا نسا خدمتو لقسم متاعو وثق فيها ولحق عليها وهو
عارف لماشي للموت ...لكن خطار يرجعها رغم عمايلها ..قلبها قوات دقاتو يدو لقوية
لكانت شدها وجها رقيق لشعل ...بالوقت بدنها لكل شعل تحبو وتعشقو لدرجة لجنون تكلمت
بصوت باح قربتلو للي خشمها لصق في خشمو ...نحبك غالي وتوحشتك نحبك أكثر من روحي
_ ياااافااااا (يحكي
ونفس متاعو قوا)
_ روح يافاااا
(قربتلو حطت شفايفها فوق شفايفو وعدتهم بفيانة وتنفست بقوة ..) عمري مخنتك
ولاطيحتلك قيمتك حبي ليك أٌقوي من دنيا ومافيها ..نحبك غالي
_ ذاب من كلامها
من شفايفها لي لامسوا شفايفو ولهبوه خلاه من غير مايحس يجبدها ليه باسها بقوة لحب
لفي داخلو زوز أنفعلوا حد الشغف حد لهفة حد رغبة وتأججها في داخل قلبين عاشقين
حرما لشهور من قبلة حب كان يتفنن في بوسة نحا منها غل وحش يبوس بكل قوة للي هرالها
شفايفها تحدو في قبلة فرنسية خلاها تنسي أسمها هزها بين يديه وحطها فوق لفرش طلع
فوقها عشقها حد ثمالة ...أندمجو لحد أتحاد روح بروح وأنغمسوا في أهات متليعة من
قوة لحب..يدوا تتعدي علي كامل بدنها وهيو يخزر لعينيها لكانت ذابلة ساقيها مكبشة
فيه باش مايهربش زوز يتنفسو في بعضهم زوز صدوراتهم تتقاتم من ضوضاء الرغبة لتخلقت
من بركان لغيرة ...تكلم وهو يحاول يهدي في روحو يافا يزي وصلت لتوب لزم نقوم
_ خليك غالي
نحبك تتأكد
_ (باسها في
عينيها) متأكد منك وعمري منشك في يوم لوطيتلي راسي
_ ملا علاه قلت
_ غرت هبلت
وجنيت ومتتصورش باش نسامحك علي لصار زادة غالي
_ غالي (قالتها
بها دلال )
_ بوعمرو لغالي
أأأأه ياروحي توحشتك توحشتك قد دنيا
_ كان ترا أنا
غالي (نزلت دمعة من عينيها )
_ علاش دموع توا
(مسحلها بأطرف صبعو )
_ خاطر شكيت أنك
نسيتني وأنت لعملتو معايا معملوش بابا لجابني
_ مفهمتكش (بقي
يخزرلها )
_ نعرف اللي أنت
منعتني من لموت ورجعتني لتونس
_ (جا باش يقوم
من فوقها عدت ساقيها وكبشت فيه باش يبقي ) خليك غالي نحبك تكون قريب ليا خلينا
نحكو هكا
_ يافا (تنهد )
لزم نقوم شاعل توا نبرد روحي ونجيك
_ بقات تخزرلو
كيفاه قام ومشا لدوش يبرد في روحو ...تسمع في لماء يشرشر عضت علي شفتها وبقات
تتفكر في بوستو لمن لحظة طيرتها لجنة لفردوس بقات تعدي في صوابعها علي ثغر أستعمره
من لحظات
_ برد راسو وجهو
وبقي يكلمي في روحو في دوش ...خرجلها يحاول يكلمي روحو قدر لمستطاع لقاها لتوا فوق
لفرش وشادة شفايفها تبسم علي منظرها طفولي شعرها داخل بعضو من لمعركة لصارت قربلها
شايخ وهابل في مخو شنوة صغرونتي لتوا شاهيتها لبوسة
_ أممم برشاااا
_ قرب خطف بوسة
من شفايفها يزيك لدوخلي عاد
_ غالي
_ نعم
_ لتوا مغشش مني
_ منحكوش فيه
لموضوع توا يعيشك بعد مارتحت من لعصب متاعك مترجعنيش للحاجة شادد روحي بصيف باش
منعاركش
_ باهي وسع بالك
سي غالي
_ هاني موسع
بالي ...قولي شكون قالك اللي أنا لحقت
_ امك
_ امي (قالها بأستغراب
)
_ أيه وقاتلي
اللي هيا خيرتك بيني وبينك
_ تحكي بجدك
وشنوة سبب لقالتو
_ (وجها حمار
وقت لتفكرت سبب بلعت ريقها هزت شعرها حطتو ورا وذنيها وتكلمت بصوت معبي
خوف)ماقاتلي شئ علي حكاية مشياني ليبيا
_ متأكدة برك
_ علاش فما حاجة
أخري ولا تناسي فيا خيرتك أمي بيني وبينها ختارتها هيا
_ يافا
_ ياافا أسكت
يافا متحكيش عندك تبرير منسواش عندك تفشي لهادرجة تنساني
_ زاحي قداه
تحكي وليت متسواش عندي يابنتي هديت علي ليبيا باش نرجعك
_ محسوب
_ بربي
_(قامت علي
ركايبها وقربتلو لصقت فيه ) تخيل لو مجيتش
كنت توا ميتة
_ نقلبها دنيا
علي خاطرك يزي ماتقولش هكا يافا
_ غالي سامحني
لو صارتلك مشاكل بسبي
_ مستعد نهد
جبال مشاكل لمهم متتمسش شعرة منك راك روح يافا
_ ترمات عندو
تحمل فيه وتشم في ريحتو ...نحبك غالي
_ يكفي ها لكلمة
لتقولها مستعد نهد جبال علي خاطرها موش نهد علي بلاد برك راك عيوني يافا قطعة مني
من غيرك لاحياة لي
حلقة 57
يافا
_ ليلة كاملة
حاطط راسو بين صدرها راقد متمع بحظنها معشوقتو وغاليتو لتحرم منها لكن هيا عينيها
لا كحلوهم لا نوم لا رتاح لعقل لبقي يفكر في حل لدمار لخلفتو في حياتهم تعهدت
ترجعلو وتكون ليه من غير ماتتمس منو شعرة وعد حكاتو بهمس فوق شفايف تعشقهم باستو
وخرجت وقت لجات خارجة تلاقت هيا ويافا الام لكانت خارجة من بيت أياد ترا فيها
تقربلها مصدومة
_ يافا دخلت
بعضها بقات تسوي في شعرها ومهبطة عينيها
_ شكنت تعمل
لداخل
_ طاطا يافا
_ بقات تخزر
لرقبتها تشوف في تراس دامور حركت راسها موش مصدقة لممكن صار جبدت يافا لبيت
لبجنبها
_ طاطا يافا باش
نقلك
_ (قصت علاها وعصب
يهز فيها ) وثقت فيك شعملت مع غالي
_ طاطا يعيشك
حاجة تخصني بيني وبين غالي
_ متقوليش صار
_ شنوة لصار
_ متبداش تتبهلل
يافا
_ مصار شئ تهني
_ ياربي باش
تقتلوني شحكينا لبارح موش وعدتني تبعد عليه غالي
_ موعدتكش قتلك
نخمم في حل طاطا فما فرق بين لبعد وحل
_ شتقصد
_ لفهمتو مستحيل
نسلم فيه غالي حتي لو كلفني لموت
_ يافا يعيش
بنتي
_ لو جيت بنتك
راك خممت فيا
_ يافا بنت
غزلان راك بنتي لربيتها بيدي وراس بنتي كيفك كيف غالي ولادي لخرين
_ هاو ظاهر تحب
تبعدني عليه
_ نبعدك مدام
نلقاك باش تحطم روحك وتحطمنا لكل
_ يعني حبي
لغالي حطام بنسبة ليك
_ دمار يافا
دمار مكش واعية نعرف وعذرتك أما خلص سبب تهورك
_ نخلص حق غزلان
لكنت عمرك لكل تقول باش نخذلها حقها
_ غبية غزلان
حقها خذيتو من سنين تتخيل مشيتك ليبيا سايي قتلت سبب في قتلان امك
_ شتقصد
_ من غير متفهم
من سنين عمري منسيت سبب موت غزلان وتصفو برشا ولتوا نبربش علي لخيط لماسك لحكاية
لكل ونهار لنلقاه ندفنو تحت ساقيا
_ ولقتلتو
_ هو لقتل صحيح
أما لحرض اطراف اخرين
_ يعني مامشيتش خسارة
_ خسارة تمشي
لعش دبابير وانت ذكية وتعرف ليمشي لبلايص هذوم يوالي كارت محروق
_ بمعني
_ رودبالك علي
روحك لفترة جايا دولة عمرها ماتسلم في شخص مشي ودخل لمرتزقة بيدو أي مهمة اخري باش
تكون ليك لمرة جايا أسمك توسخ حتي لو نظفت في أوراق داخلية فما ملفات أخري عمرها
ماتنظاف _ خليني لو باش نموت نموت براس مرفوع
_ لطف عليك بنتي
_ لو بنتك عمرك
ماتسلم فيا لكلنا نعرفو مكانتك في دولة وبوك شكون
_ عمري ماستخدمت
نفوذي أنا جندي يافا وعمري منذل راسي لحد باش يعيش حد
_ لو كان غالي وولادك
كنت لقيت الف حل
_ متفرقش
ومتقولش هكا
_ نفرق خاطر
لريتو يكفي
_ يعني قررت تحل
حرب علينا
_ عمري منحل حرب
علي راجل لنحبو غالي روحي ولهواء لنتنفسو ولو ذطريت نعطي عمري باش مايتذرش
_ يافا
_ (قصت عليها)
رودبالك تقولي أبعد عليه رودبالك يكفي ليام لبعدت عليه كنت في جهنم اما نأكدلك
عمري منخلي غالي تتمس منو شعرة (وخرجت وخلاتها تغلي ) يافا الام بقات في بلاصتها
تخمم في دمار لممكن تخلفو علاقة حب صعيب تخرج لنور وينكتبلها تعيش
حلقة58
راسها يوجع
وخواطرها دايرة حسا روحها باش ترجع موش منجمة تكمل تركز مع لكور خرجت من غير ملمت
دبشها مدهشرة تقول سكرانة موصلت للويسي كان ماروحها طلعت ...لحظات ولحقت عليها
صحبتها جايبتلها دبشها
_ شبيك شهد لباس
_ باش نموت دوخة
وخواطري دايرة
_ ملا نقول
مبروك (خزرتلها بخباثة )
_ دا علي لونك
ياماسطة موش عارفة الي مريضة توا
_ نعرف غير ندكك
عليك تعرف يظهر فيه لبروفيسور فايق بيك ملي خرجت قالي ألحق عليها
_ زعمة (بقات
تضحك بصيف)
_ أيجا نروح بيك
يظهرلي باش دوخلي هوني وانت بقرة وليت معادش نجم نهزك
_ مخيبك انا
بقرة (تحكي وترش في لبرفان علي يدها )
_ لا عجلة صغيرة
هههه تي وراس وخيتي سمنت ها شهير لهنا باهي
_ هنا فوت خلي
عزاها سكات
_ شنوة شهد لتوا
محنش وهز تلفون وكلمك
_ كأني موش
خطيبتو
_ أيه تحرك أنت
زادة
_ شتحب نعمل
تراه
_ بدل لوك مثال
شنوة يحب مرا شقراء سمراء شنوة زين ليحبو وانت أصبغ ودبغ وأنت مكش ناقصة زين وعين
_ بربي فكني تي
خلوقي في صباطي ان شاء الله لارضي محسوب شمزال علي لعرس من غير تعب
_ههه يعطيك تقول
لاك مثقفة كيفاه ترضي تعرس براجل متحبوش
_ نحبو
_ أنانية انتي
_ سميها كيف
متحب ومتكملش عليا خليني نروح موش قادرة ناقف علي ساقيا
_ خرجت معاها
تمشي بصيف تشم في نسمة حست روحها فاقت شوية أسمها لسمعتو خلاها دور تشوف في بروفها
لاحق عليها
_ أهلا شهد لباس
_ لباس دكتور
يعيشك سامحني خرجت من غير ماشورت
_ عادي شهد
عارفة اللي انت مريضة
_ شوي
_ شنوة ليوجع
فيك لو تحب نهزك للعيادة نعدي عليك
_ لا موش مستحقه
حكاية عادية (حشمت وهبطت راسها)
_ باهي ملا
خليني نوصلكم
_ متعبش روحك
دكتور باش تروح بيا سمر
_ باهي ملا
رودبالك علي روحك
_ يعيشك دكتور
(حست بدوخة جات باش تشد يد سمر مدلها محمد يدو وشدها مفجوع عليها ) لباس شهد مكش
عجبتني شنوة صايرلك
_ لا دكتور شوي
تعب جات تجبد في يدها منو بقي مكبش فيها
_ لا والله
ماصارها لزم نهزك نعدي عليك باش نبقي متحير هكا
_ الله لا يحيرك
(صوت شهاب لقرب بحذاهم خلا سمر محمد يخزرلو مصدومين من نبرة لحكا بيها )أما شهد
لعبت عليها دوخة اكثر ملقي وقتاه يجي
_ كان متعدي
بجنب لفاك متاعهم موش عارف علاش بدل طريقو وقرر يمشي يطل علاها موش عارف علاش بقات
في بالو من اخر ليلة عشرات الأسئلة طرحت في بالو زعمة تعرف شكون زعمة تحكي مع شكون
...وقت لهبط جبد تلفونو باش يطلبها كان يصوني ومتهزش بقي مستغرب زعمة موش في لفاك
نفخ بفدة وجا راجع لكرهبتو عينو رفت يرا فيها واقفة وراجل شدلها يدها قرب نار تشعل
في داخلو كيفاه مرا متسميا عليه يد راجل اخر يلمسها وقت لقرب وسمع وعرف لهيا مريضة
مهموش غير غلو علي راجل لشادد يد خطيبتو
_ شهاب هذا
بروفيسور يقري فيا راهو (تحكي بزربة باش يفهم قبل مايعمل فضيحة )
_ اممم فهمتك
جيتك باش نروح بيك أيا (جبدها من يدها مسئلش حتي شنوة لصايبها )
_ مسيو لمدومزال
مريضة لزم نعدي عليها
_متعبش روحك
دكتور بمعرفتي نداواها بسلامة (جبد شهد لكانت تتحرك بصيف كمل جبدانو ليها حتي
الاعتذار مخلالهاش مجال باش تعتذر من بروفها ليقري فيها ...
دخلها في لكرهبة
وسكر علاها لباب بالقوي دار وقبل مايطلع بقي يخزر لمحمد لباقي في بلاصتو هز حاجب
وهبط حاجب وخزر لشهد لوين تخزر طلع في لكرهبة ينفخ
_كانت متعنكشة
علي روحها دايخة وبدنها فاشل لكلها مدقدقة
_شنوة سي محمد
هذا تلفونات ومساجات وشدان يد وقفات هاو جوكم احلا جو
_ شتقصد سي شهاب
_ لسمعتو
يلا شهد
_ والله راجل يرحم ولديه لقاني مريضة حب يعاوني
وزيد بروفي وزميل امي ونعرفو عن طريق لعايلة موش عيب كان سلمت عليه ولا ناقف معاها
_ (كان يسوق شد
فران بقوة ) شنوة لموش عيب راجل شدلك يدك ويدو لخر في كتفك مهبولة انت
_ صار هذا لبيك
مهمكش ألي أنا مريضة
_ شبيك هاك لباس
_ حمدلله ...روح
بيا لدار يعيشك قاعدة بصيف
_ خليني نهزك
لعمتي تشوفك وبعد روح
_ لا مفماش علاش
عندي دواء توا نروح ناكلو
_ دواء شنوة
علاش تاكل فيه (تفجع موش عارف علاش)
_ ناكل فيه علي خاطر (سكتت ملقاتش متقول)
_ علاش قلي شنوة
ليوجع فيك
_ مفماشئ يوجع
روح بيا شهاب يعيشك
_ اخطا نا من كل شئ شنوة ليوجع فيك بربي طمني
_ (بقات تخزرلو
في عينيه ليسحروها ويذوبوها ويدوخوها اكثر ماهي دايخة )لباس صدقني حكاية تافهة
(حشمت منو منجمتش تقول)
_( بقي يخزرلها
حاسسها مرتبكة ...هز يدو حطها علي جبينها هبط لخدها وعداه علي رقبتها )هاي عندك
سخانة
_ شوية موش برشا
توا كيف نرقد ونرتاح نبري (تحكي وترقل من لمستو لجنتها وخلاتها تحس روحها في لجنة
)
_ سملة عليك
هاني باش نهزك لطبيب باش نطمان
_ صدقني مفماشئ
حكاية وتتعدي حكاية نساء أفهمني يعيشك مفماش علاش نمشي لطبيب
_ أممم فهمتك
(بقي شادد ضحكتو قداشو دغف لمرا حشمها ولا وجها ألوان من لحشمة )باهي شقولك نتعدو
نشربو شوكولاه شو
_ لا نحب نتمد
لكلي نوجع
_ وأنا نحب نبقي
معاك ونحكو في امور لعرس
_ أيه روح معايا
لدار وتغدي معانا
_ لا وين نروح
نحشم من عمتي
_ علاش تحشم
_ هكا أخطانا من
دار باهي تو نهار أخر خلي نروح بيك وأرقد وأرتاح
_ وأنا نحب نعدي
معاك نهار هذا (هزت يدها حطتها علي معصمو)
_ هاك مريضة
_ أفف كرهت لمرض
يوم لقررت تجيني نمرض
_ هههه شقولك
نمشو لدارنا لقديمة
_ أنا وياك
_ أيه علاه
خايفة مني
لا موش مشكلة
خوف
_ متخافش أصلا
منجم نعمل شئ لفسقية تقتر ههه
_ (حشمت وجها
لخلخ ) شنوة شهاب
_ شنوة شنوة
...أخطانا أي عليك أمانة الله
_ باهي
_ بقي يسوق وكل
مرة يخزرلها شايخ عليها يخزرلصوابعها لتفرك فيهم في بعضهم تقول طفلة صغيرة وجها
لخدودو حمارت وشفايفها لمن ساعة تاكل فيها بسنيها شاخ عليها ..حبس قضا قضيات وشرا
غدا ورجعلها يلقاها تبربش في تلفون حط لقضيات وسكر لباب بالقوي
_ شنوة ديما
كونكتي أنت
_ عادي سمر كانت
تسئل عليا
_ (جبد تلفون من
يدها وبقي يشوف يلقاها سمر ) أمم وشبيه بروفك يقلها طمني عليها
_ شنوة توا شهاب
باش تقري مساجات بنات ياخي عيب راهو
_ عادي
_ ملا كي عادي
هات تلفونك
_ هههه تحلم أنت
_ علاش نحلم موش
منحقي ولا حلال عليك حرام عليا
_ اسمع لا تحلل
لاتحرم أنت مرا وانا راجل وفما فرق كبير بنتنا فهمت
_ مفماش فرق
بينتنا
_ ملا كيف مفماش
فرق بينتنا خوذ مرا كيفك وقص لهدرة
_ بربي شنوة
لحديث لتقول فيه ياخي
_ ماو حديثك
يكسر لكرايم تتصور أك لغة انا حرة وأنا مرا ونعمل لنحب تاكل معايا تحلم أنسي حبس
لكرهبة وحل لباب هبط ساشيات ودخل بقات مصدومة هبط من غير ماقلها ادخل بقات تغلي في
لكرهبة فلخر هبطت بعد مراتو حل لباب وخلاه محلول ...
حلقة 59
يافا
حبك يارجل سكن
لقلب ولعقل
متسلط متمرد
ياسيد رجال بتلك لهيبة وتلك الطلة والأنفة القرطاجية أعشقها حد ثمالة ياصاحب الفخامة
دخلت لدار
تفكرها بطفولتها دار لخلاعة لكانو كل صيف يتلمو فيها لكل يتفرهدو ويلعبو شافتو
خارج من لكوجينة وترما فوق لكنابي أقعد شبيك واقفة
_ (قربت قعدت
مقابلتو وبقات تفركت في ساكها جبدت حرابش وقامت ماشيا لكوجينة )
_ أقعد تو
نجيبلك لماء
_ لا عادي نجم
نمشي
_ (لحق عليها
كان يخزر لبدنها ومشيتها يشوف فيها تحل في لفرجيدان غمض عين وحل عين بقي يشوف في
عينيها لتحلت ومن بعد دارتلو
_ شنوة هاي تقول
بار لفيرجدان
_ عادي متهولش
لحكاية برشا
_ نهول لحكاية
متعود ديما تجي هوني تي دار نظيفة
_ ساعات في اخر
جمعة نجو نتفرهدو انا ولولاد
_ لولاد برك
_ شنوة تحقيق
شهد
_ لا موش تحقيق
شهاب سكرت لفريجدان مشات جبدت دبوزة ماء وصبت ...تشرب تبرد في نارها متأكدة لفما
بنات باقين يجو هوني متأكدة حست بفوارة
وقلبها زادت دقاتو لوجيعة كثرت عليها ..خرجت تمشي بصيف لصالة
_ تحب تتغدي شهد
_ ماعينيش
(قالتها بنطرة)
_ وسع بالك شبيك
تحولت كنت لباس
_ علاه أنا ملول
مانيش لباس
_ ولا زعمة علي
خاطر دبابز شراب
_ حر تشرب تزطل
امورك
_ ؟؟بقي مستغرب
من ردة فعلها ) تحب نطيبلك قهوة
_ لا متعبش روحك
_ مفماش تعب
لحظة نحضرها ونجي
_ يطيب في لقهوة
تلفونو صونة هز عليه أه حمودة سافا
_ وينك شهاب
_ هاني في دار
لخلاعة علاه متخدمش ليوم
_ لا ليوم مفماش
خدمة هاني باش نجي انا وأميمة حفلة عاد وعلق
_ ياحمودة أفف
منجمش يعاود يكلمو صاحبو ويعرفو لو باش يقولو ماتجيش تايفهمها حاجة أخري سكت وهز
لقهوة لشهد
_ يعيشك شهاب
_ صحة
وبشفا...أسمعني صحابي باش يجو الله غالب منجمتش نقلهم لا _ عادي شهاب خليني
نروح ومرة أخري نقعدو (جات قايمة من لعصب لركبلها)
_ لا علاش تقوم
هاي فرصة باش تتعرف علي صحابي
_ وأحنا جينا
باش نحكو علي عرسنا ولا نسيت
_ عادي اكيد توا
يروحو نهار مزال في أولو راهو ..خليك عاد ومتقينهاش
_ باهي شهاب
أعمل ليظهرلك (قامت هزت صاكها)
_ وين موش قتلك
أقعد
_ باش ندخل نغسل وجهي ممكن
_ أكيد تفضل
_دخلت غسلت وجها
سوات شعرها وحلتو وجبدت تروس لمكياج عملت
مكياج كامل نحت لفاست متاعها وبقات في مريول .وسروال ...رشت برفان علي روحها وخرجت
اول مشافها قاملها دخلت بنوع خرجت بنوع روج في شفايف شعر مهدود مريول كولفي مفصللها
كل بدنها سروال لاصق مابين تضاريسها نفخ بقوة
_ شنوة ها لحفلة
لعملتها في وجهك
_ علا ش شنوة
زايد فيا وجهي تاعب وأصفر حبيت نبدل شوي من روحي ولا يجي منو صحابك أول مرة يروني
يقولو مخيبها خطيبتو
_ بربي وشدخلني
في صحابي وفاش قام عليك تمكيج لناس ومتعودة تخرج هكا انت
_ عادي نخرج
أكثر منهكا
_ صار (لباب يدق
بقا شادد يدو من لغزول .) باهي شهد توا نحكو من بعد ونوضحو برشا حاجات
_ مشي حل لباب
سلم علي حمود وأميمة لعينيها خرجت وهيا ترا في شهد قاعدة قدامها
_ شكوني هاكي
شهاب
_ شهد
_ حتي هو ملا
شهد ياصاحبي لغول منين دبرتها تقتل أًصل ظاهر باش نتعاركو ليلة
_ يظهرلي انا
لباش نكسرلك ها شداق لتحكي بيه خطيبتي هاكي أعرف شتخرج من جلغتك
_ أه اصاحبي
سامحني والله لاقصدتها في بالي وحدة من لبنات
_ أسس ادخل
وفكنا من تبهليلك
_ دخلو سلمو
عليها حمودة بطبعو فدلاك فيسع مايدخل في جو اما اميمة من لدخلت وهيا تتشحورلها
..تخزر لشهاب وترقص حاجبها بمعني باش نتفلق
_ اه شهاب ملا
علي قريب لعرس
_ أن شاء الله
_ وفاش قام
عليكم ها زربة مزلتو لا تعرفو بعضكم لا تحبو بعضكم مفهمتش في القرن لواحد ولعشرين
فما ناس تعرس هكا (تكلمت اميمة لتغزل
وتفرك من ساعة)
_ __- شهاب
تنرفز من تصرفها ) واللهي اموري عاد هاكي نعرس بطريقة لنحب عليها
_ أيا باهي
_ (شهد بقات
تخزر لاميمة وتخزر لشهاب حست فما حاجة بينات بعضهم وموش طايقين بعضهم وكل حد يرمي
في لمعني لخر ...قامت تحب تقف لا تنفجر في وجها وهيا كل دقيقة طشها بسم كلامها
لهاري )
_ نحضر لماكلة
ونجي
_ خلي عليك شهد
انت مريضة هاني باش نقوم مع حمودة أيجا حمودة
_ (بقات مع
اميمة وحدها قربت اميمة بجنبها )واخيرا عرفنا لمرا لملزوما علي شهاب مسكين من فترة
اك حدو كل ليلة نجو نسهرو هوني ويبقي عندي ليل بطولو يحكي ويفرغ في قلبو كان في
شراب حرام عليها امو لحق مايجيش
_ أيا باهي سي
صدر لحنون كي لقاك في محنتو لقا وين يحط صدرو ويحط حجات اخري زادة تفرهدو
_ شتقصد
_ قصدي واضح
وياريت متبقاش تحكي برشا وتغزل لعرس قايم وأنت اول لمدعوين عاد (وقامت تغزل تحب
تفجرها تشدها من شعرها وتهدلها فمها جات داخلة للكوجينة تسمع في شهاب يحكي مع
حمودة
_ وسع بالك
صاحبي لو موش حابب عليها بطل منها
_ بربي شنوة
نبطل تي ملزومة عليا لو منوافقش امي مترضاش وزيد امي مريضة
_ لحقيقة شباش
نقولك ربي يكون في عونك اما لحق يقال ظاهرة طفلة دافية وحشامة وعاقلة
_ موش جوي لبنات
لكيفها اول حاجة مزلتى صغير نترزي في عمري ونخذ مرا ومن فوق كيفها
_ علاه شبيها
فهمني
_ ياسر منظمة
قراية فوق لزم كل شئ تحسبو دقق علي أتفه لأسباب ومن فوق نحس شخيصيتها ضعيفة ودلولة
برشا
_ عاد شبيه
لبنات لكل كيف هكا
_ موش لكل كيف
هكا لمرا لنحلم بيها ونحب نخذها غير لرسمها في خيالي غير نحب مرا قوية تكون ند ليا
مرا بكلمتها وصولتها مرا كيف امي متهاب شئ ومتخاف من شئ
_ موش لكل باش
يجو كيف امك وانت ادري ولو ملزوز قلها تبعدك
_ (نفخ بفدة )
وفا توا خليني ساكت مدام حاجة باش ترضي لحنينة
_ ربي يكون في
لعون هاي نخرجولهم قبل ماك اميمة تاكلها
**
_ تغسل في وجها
لتعبي دموع موش مصدقة لكلام لكان يقول فيه حست روحها ذليلة حست بكرامتها تهانت
متسوا شئ تسمع فيه ينادي عليها غمضت عينيها صوتو كيف ضجيج لمزعج في وذنيها ضربت
يدها في لافابو تكلمت لو قلبي باش يذلني ليك نحيه من صدري ونرميه للكلاب تمشمشو
ولانخليك تعفس عليه متعجرف وقح غسلت وجها ومسحتو رسمت بسمة فوق شفايفها وخرجتلهم
لقاتهم حاطين لبلا ياكلو ..جبدت كابوطها وصاكها قدملها شهاب مستغرب شتعمل
_ مروحة شهاب
(تحكي وتسكر في قفايل كبوطها )
_ وين مروحة علي
خير هبلت ياخي
_ مهبولة لو
نقعد لحظة (حكات بنطرة للي حمودة واميمة تلفتوا)
_ خلينا نطلعو
للبيت ونحكوا جبدها من يدها ودخلها لبيت شبيك كنت لباس تحولت شفما
_ مفما شئ نحب
نروح نتفرهد في داري تاعبة نحب نتمد
_ لا موش صحيح
تي وجهك هاو ابرك مريضة انت (جاباش يحط يدو فوق جبينها نطرتها بقوة وتكلمت وهيا
تتوعد) يدك مزلت تحطها عليا نتفاهم معاك
_ (بقي مستغرب
من تحول لصار) شبيك هبلت ياخي
_ مهبولة وفقت
ليوم ومرسي ياولد خالي ياا (جبدت لخاتم حطتو في يدوا ) هذا خاتمك متبقاش ملزوم
وتاعب وفادد هاني حررتك ونعتذر لانو عرفتك علي بنت ضعيفة وقنانو بنت قراية برشا
ومتربية برشا خاطر لكيفك ميستحقش بنات كان كيف سلعة لتبات في حظنها كل ليلة
_ سكر فمك لباس
ياخي
_ هاو مسكر فمي (دزتو
جات ماشيا جبدها من يدها ورجعها)_
ترص فم وردبالك تخرج
_ شنوة باش
تمنعني
_ موش عيب تتصنت
عليا
_ علاه تعرفو
لعيب واحد كيفك ألكوليك زير نساء من ملهط لملهط يعرفو لعيب لحمدلله ليوم شفتك علي
حقيقتك وحمدلله عرفت انا شكون وانت شكون وعرفت انا شكون راجل ليستحقني موش واحد
كيفك يكونلو شرف حتي حكي معايا من أصلو
_ بربي يعني
منسواش فرنك سماك (صاح بقوة ) حمودة واميمة هزوا رواحهم وخرجو بعد معرفوها خلات
ومعادش فيها قعدة
_ كل واحد يخذ
علي قد مستواه سي شهاب وانا وياك مناش فرد مستوي
_ شوف خاطر عمتي
موش باش نغفصك هوني وبرا علي روحك فهمت وهاي جات منك تي تقول قاتل روحي عليك وكيف
مقلت مناش فرد مستوي ومانيش ميت عليك
_ تعرف قداه
متمنيا لأرض تبلعني خاطر حبيت واحد كيفك وخاطر دمك يجري في دمي قداه عفت روحي
وكرهتها قداه نقمت علي روحي خاطر مسمعتش كلام رجال لتستحقني موش خليني ساكتة خير
_جبدها من يدها
بقوة سماك رجال هوما وانا شنوة أه تكلم
_ نحي يدك معادش
تلمسني
_ قاتل روحي
عليك محسوب نلمسك تي تبقي اخر مرا منفكرش حتي نحط شفايفي عليك
_ (كلامو كيف
سكين في قلبها صاحت بكل قوة ) خاطر بدني طاهر ميستحقو كان طاهر موش واحد مو ش
راجل كيفك
_ ضربها بكف
دورلها بيه وجها وجبدها من فمها وكيف بدنك طاهر نمرمدو أنا بقلة رجوليتي حط شفايفو
فوق شفايفها باش يبوسها دزتو بكل قوتها ...
_ رودبالك
تلمسني رودبالك (تحكي وتنهج كانت تحب تصيح تسبو دنيا دارت بيها وطاحت دايخة )
_ ترهوج من
ذزتها ..كان باش يطرشها بكف شافها كيفاه شادت راسها وطاحت علي الأرض قلبو دق بقوة
وجبدها مفجوع
_ شهد قوم يعيشك
شبيك طمني عليك شهد (حمل عليها يجري بيها للكرهبة ...يسوق وهو شددها من كتفها وكل
مرة يرجها باش تقوم شئ في عالم اخر
_ ياربي شعملت
شهد قوم يعيشك والله لا قصدتها نضربك قوم شهد يعيشك شهد معرفش كيفاه وصل لكلينيك
...هبط ويزرب جبدها ومشا يجري بيها عرضوه لفراملة بشريو هزوه من عندها ...بقا شادد
وجهو موش فاهم شصار وكيفاه صار كيفاه يهز يدو علي بنت عمتو خطيبتو كيفاه يضربها
ويقلها كلام جارح كيف هكا وهيا مريضة ...بقا يعدي في يدوا علي شعرو علي لفوضي
لعملها كيفاه باش يصلحها كيفاه باش يعتذر ...
يشوف في محمد
جاي يزرب عينيه طلعت شيعمل هذا لهنا ويعني هو باش يعدي عليها عرضو يفغم بلغل
_ شتعمل انت
هوني
_ ويني شهد
شصارلها تكلم
_ وانت شدخلك
_ دكتور اجري
يعيشك لمريضة تقص عليها نفس
دز شهاب ومشا
يجري ..
حلقة60
يافا
هل أخبرتك ب أن
لا أحد يجيد التحكم بنبضي غيرك
وأن ما جعل قلبي
يفرح هو حبك
دق في لباب بقلب
يرفرف متوحشتو من يومين مراتوش في يدها باكو قاتو ولبسمة مرسومة علي فمها حلت لباب
...لبون دخلت تلوج عليه بعينيها .. لقات عمها ومرتو في صالون وجها حمار حشمت وطبست
راسها تلعثمت حتي في دخول" شيعملو هوني موش يخدمو" بقات تقول بينها وبين
روحها ...
_ (قاملها
زكرياء يرحب ويمرحب كان مرتو بقات في بلاصتها تقحرلها من كثرة لغل لفي اخلها)
..اهلا بنتي وينك لباس
_ عسلامة عمو
شحالك
_ بخير ها لخطي
سعيد نورت بنتي
_ (تلعثمت وحشمت
بقات تخرج في لكلام بتوكويك ) يعيشك عمو حبيت نجي نطل عليك (قدمت سلمت علي مرت
عمها لبقات في بلاصتها
لباس طاطا
_ يعيشك لباس (حكات
من فوق قلبها)
_ أقعد بنتي (أشار زكرياء للبون باش تطلع تنادي بدر)
_ أه شنوة كان
موش علي خاطر بدر منشفوش ها لوجيه
_ لا عمي
-(قصت عليها مرت
عمها ...) وشتندب بينا احنا مدام خذات كنز ولهفتو علي سخون
_ جبينها تكمش
من كلامها ...تشوف في عمها كيفاه ضحك ضحكة صفراء وقف قالها تسبقني
_ عينيها ترغرت
من دموع زعمة شبيها علاش حكات هكا زعمة تفدلك زعمة قصدها ألف سؤال بقي في بالها
كمل صياح مرت عمها خلا قلبها يدق كانت تسمع بلكلمة شنوة تقول كأنها متعمدة تسمعها
قامت كيف لملسوع معادش قادرة تقعد رجلها موش حملينها ...مزالت مخرجتش من لباب ويد
بدر تجبدها بقوة وترجعها ليها جات في حظنو تبكي وتشهق
_ علاش طاطا
تقول هكا علاش بدر مقتليش معينهاش بياع لاش منيتني وخليتني نحلم كل يوم بيك وبدار
وصغار
_ يزي حبيبتي
ماتخوش عليها وعلي كلامها انا لباش نخذك موش حد اخر معادش تقول هكا
_ لا عمري منفكك
من امك ونغصب روحي عليك
_ يزي قمر يزي
يعيشك نعرف مجروحة أما يعيشك متخلينيش علي خاطر رأيها
_ علي خاطر
رأيها يعطيك صحة سي ولدي كبرتك وسهرت عليك جبتك رضعتك ومخليت معملت علي خاطرك في
لخر تختارها هيا (هبطت تحكي بقوة )
_ امي يعيشك
شحكينا قبل يزي يعيشك قمر نحبها ومستحيل نسلم فيها
_ اختارها يأنا
ياهيا بدر
_ أمي شتقول
_ لسمعتو
_ (بدر كان يخزر
ليد قمر لتجبد فيها وتبكي وتحرك في راسها بلا شافتلو بنظرة لخصت كل كلامها وخرجت
تزرب مقهورة بعد مجات باش تفرح مع راجل لعشقتو مكتبش حتي تفرح كيف اندادها
_ بدر جا لاحق
عليها يد امو جبدتو ..بدر امك عمرها ماتتعوض أما مرا تتعوض برضايتي عليك متوطيش
راسي لبنت يافا يعيش ولدي
_ بدر ألحق علي
بنت عمك وانت من ليوم مفماش قعاد فيها دار (قال كلامو بعد مبقي يشوف في كمية لحقد
ولكره لفي قلب مرا أمنها علي روحو وحياتو تلفتت مرتو مصدومة من كلامو بدر فلج يعني
ممكن بسبب حب في داخلو بوه وامو يطلقو )
بابا شنوة لتقول
فيه
_ لسمعتو وكيف
نقول كلمة منتراجعش فيها
_ زكرياء
_ أسمي معادش
تذكرو علي لسانك لمرا لمتحترمنيش وتكسرلي كلمتي
متلزمنيش (ورجع لبيتو يفبري من
لعصب)
_ عمري منسامحك
بدر عرفتها يافا وبنتها متخليلي دار ي
_ امي
_ رودبالك تقول
امي رودبالك برا عرس وشيخ توا وأنسي لعندك ام (وهزت كابوطها ومفتاح لكرهبة وخرجت
تمسح في دموعها ...مافي فمها كان يافا وراسك انت وبنتك منردلكم حياتكم جحيم كيف ما
خربتولي داري دارك تتخرب وليام بيني وبينك (ركبت في كرهبتها وخرجت تسوق بكل قوة
متري قدامها كان طار وولكره لعملاها لقلب قبل لعين )
**
حلقة 61
يافا
حينما يكون حبك
في قلبي مثل لاكسجين أعرف أن نوباتك بنسباتي لي نعيم فلا تختبر صدري وضيقه فقلبي
يتسع لحبك كل سنين لعمري لمتبقية لي
تخزر لمحمد بعين
ضيقة معبية حزن بعد لكريز لي جاها ..حست روحها باش تموت كل كلامو لتوا يتعاود في
وذنها تخزر لشفايف محمد كيفاه يحكو تقاسيم وجهو لمعبية خوف دمعتها لمحصور خلات
قلبو يتقسم كان يحكي وظاهر لمريضة تعنيلو برشا موش مطلوب مجهود من شهاب باش يفهم
شتعني شهد بنسباليه
شهد قلي شنوة
لنرفزك باش يصير فيك هكا
_ شئ دكتور
يعيشك متسئلنيش (لمحت خيالو وهيا تحكي شافت نظرة لحزن لمعبية عينيه تشوف فيه
يقدملها مع كل حركة قلبها يدق "أهدئ أيها لعين كيف لك ان تدق بعد كل ماقيل
كيف لك أن تنبض بأسم معذبك وأن تنفض بقرب كارهك أصمت لعلا وعسي تحفظ ماتبقي لك من
كرامة قلب مكسور علي أعتاب متمرد نرجسي محب لذات ولملذات لحياة "
_شهد لباس توا
(يحكي بصوت حاشم )
_ (حركت راسها
وبقاو يتبادلو نظرات لقطعتها عليهم سارة لدخلت خايفة علي بنتها )
_ شهد لباس
ياماما سملة عليك
_ لباس ماما
مصار شئ صدقني
_ شصار دكتور
طمني
_ عادي مصار شئ
دكتور سارة ظاهر شوية تعب موش هكا شهد (غمزها كان فاهم لموش حابة تحكي قدام امها
شئ رجعتلو شهد بتبسيمة رضا علي لقالو...اما شهاب حشم حس روحو نذل حقير يعني حتي
بعد لعملو فيها سكتت ومقالت شئ لها درجة قلبها كبير يعني حتي ضربها وصاح عليها
وسكتت وخبت عليه
_ شهاب ولدي
والله ماريتك
_ اهلا عمتي
(قدم سلم عليها)
_ كيفاه سمعت
بشهد
_ امي كنا أنا
وشهاب نحكو علي امور لعرس ياخي دخت
_ بالحق كنت مع
شهاب (ستغربت)
_ أيه امي هو
جاني لفاك بعد ماروحت بكري حتي دكتور محمد في بالو كنت مريضة شوي
_ قتلك صباح
متمشيش
_ الله غالب أمي
_ لطف علي بنتي
ياربي لا تشويني وجهك أصفر وتاعب راك مكليت شئ
_ عادي ماما
نكمل سيروم ونروح موش هكا دكتور
_ أيه هكا شهد
نخليك ملا وردبالك علي روحك (خزر لشهاب ممكن لحظة من فضلك )
_ (لحقو شهاب لبرا
وين كان محمد شادد بونية يدو من لغل ملي خرج جبدو بعيد علي لبيت وتكلم بصوت متوعد
) شوف سي شهاب نعرف اللي أنت سبب في لصاير لشهد غير علي خاطرها محبيتش نكبر لمسئلة
..نعرف اللي أنت متحبهاش ومعينيكش بيها ...وهيا مفهمتش شحبت فيك متغطرس أناني
_ شتحكي انت
لباس في مخك واعي فاش تقول
_ لو تتخيل باش
تبلفطني بكلمتين نقولك انسي ومتبداش تتبورب عليا ...أبعد عليها شهد موش ليك وموش
متاعك باش تعذبها وتعبها وشهد لزمها راجل يفهمها ويقدر لجوهرة لفي داخلها
_( جبدو من
لبلوزة متاعو)علاه تشوف فيا خنثة قدامك خطيبتي هذيكا ومزلت تحل فمك وتدخل في حاجة
متعنيكش وجهك نفسدو وشوف سي دكتور اك نظرة مزلت نشوفك تخزرها لخطيبتي نطمزلك عينيك
وتوا برا علي روحك وأعتقني خير(وسيبو ورجعلها لقي عمتو محلمتها تبكي قدملها مفجوع
لا تكون قالت لعمتو يعرف قداه شهد تعينلها )
_ علاش دموع
عمتي شفمة
_ مفما شئ ولدي
غير متحير عليها شهد ياسر حساسة وأي حاجة تأثر فيها
_ مامون يعيشك
كبرت توا معادش شهد صغيرة
_ حتي لو تكبر
وتوالي بصغارك يجرو قدامي تبقي بنتي صغرونة
_ يعيشك مامون
يخليك ليا
_ يعيش بنتي
(مدت يدها لشهاب لكان يخزر لشهد ) من قبل انتي ولدي وزيد من ليوم لوليت خطيب
نوراتي معزتك ولات كيفاها أوعدني شهاب تحميها بعدي انا وبوها معندها حد لخو لا اخت
انت هو سندها وامانها انت راجل لحبتو وختارتو نحبك تكون قدها الامانة
_ مامون (كانت
باش تقولها رانا فصالناها قص عليها صوت شهاب وفمها تحل من لكلام لقالو) وعد عمتي
نحطها في عيني شهد وشمزال جمعتين علي عرسنا ونوعدك نهنيها ونكونلها لبو ولخو (خزر
لشهد لكانت تسئل فيه بعينها ...غمض عينيه زوز وحلهم (شدلها يدها باسها وتكلم فوق
خدها .).اكبس روحك ياعروسة شمزال علي لعرس نحبك احلي عروسة عاد
_ (من صدمة قريب
يجيها شلال رباعي ياخي تحلم ولا تهتري شهاب لمن ساعة كان يقول ملزومة عليا لكان
يصيح وصل هز يدو عليها اكيد تهتري من سخانة مستحيل شنوة هذا بقات ترمش في عينيها
من صدمة امها مكنتش خير منها شنوة تطور في علاقتهم علي حسب علمها لايتقابلو لا
يخرجو شنوة لصار زعمة؟؟ اما لمهم شافت لفرحة في عينين بنتها يكفي تتبسم وتفرح
وتشيخ بسعادة
_ حلقة62
يافا
تمشي وتجي في
صالون من لطاح ليل قلبها طاح معاه ويني بنتها موش عوايدها تبقي لي ليل تطلب تلفونها
مسكر متعرفش وينها زعمة طلبت شهاب قالها
شوي في دار عمتو ...غالي ميهزش وأياد خارج
تغطية ...ملقات بيها وين كان تطلب بدر لي مهزش عليها بقات تحكي بقوة شنوة لكلكم
تفاهمتو عليا ياخي وينك قمر
_ كان داخل في
يدو يافتو كل مرة يخطف بوسة من خدها موش مصدق الي هيا معاه ..ورجعو كيف مقبل واحسن
صوت امو لكانت تحكي بقوة فيقهم من لعسل لكانو غارقين فيه قربلها مفجوع
_ شبيك امي شفما
_ غالي جيت
يابابا وينك من بكري نطلب فيك
_ سامحني تلفون
في جيبي سيلونسيو من لخدمة ماشفتوش
_ قمر لتوا
مروحت من صباح وتلفونها مسكر متقلقة عليها وبرشا
_ علا ش امي
تتحير اكيد مع حد من صاحبها ولا مع بدر
_ لا بدر ميهزش
وهيا مستحيل تسكر تلفونها
_ باهي اهدي توا
نكلم بدر (بقا يطلب مهزش نفخ بقوة زعمة شفمة يافا هزت يافا لأم قعدتها وعاطتها كاس
ماء باش ترتاح )
طاطا اكيد هوني
قمر متخافش
_ لا يافا بنتي
نعرفها قلبي واكلني متأكدة بيها حاجة موش عوايدها
_ لطف عليها
...غالي برا لدار بدر شوفو وطمنا يعيشك هاي معايا طاطا تهني عليها
_ باهي
يافا...(قدم لامو باسلها يدها ) امي متخافش توا نجيبها قمر تهني بالله لا تخمم موش
باهيلك
_ يعيش ولدي
جيبلي بنتي يزي
_ خرج يسوق يد
في لقيدون ويد في تلفون يطلب في بدر مهزش طلب عمو قالو خرج من لعشية ...طلب صحابو
مشافوشو زعمة شبيه دخل بعضو ...كلم واحد من صحابو قالو شافو في لبار لعشية دور كرهبتو ومشا يشوف
في أخر حل وقت لدخل كان دخان معبي دنيا صوت لكيسان لتتهز وتتضرب في بعضها وترو
جوجمة ناس لتشرب ليصيح ليضحك بقي يلوج بعينيه في شبه عتمة واخير لمحو قدملو يشوف
فيه حاطط فوق لكونتوار 6 كيسان قدامو
_ بدر شنوة هذا
_ غالي جيت
يالخو
_ شنوة لصايرلك
علاش تشرب هكا موش باهيلك هبلت
_ خليني نموت
بعد لصار ليوم شمزال في حياتي
_ يزي علاش تقول
شصار ليوم انطق ويني قمر
_ قمر (خزرلو
بعين ذابلة)
_ ريتها صح
متقوليش تعاركتو
_ ويني قمر
شقاتلك هيا حكاتلك اكيد
_ مصباح مروحتش
بدر علاش
_ (هبط من لكرسي
وقف قدامو مرعوب ) كيفاه مروحتش وين مشات
_ جيت نسئل فيك
وليت تسئل فيها شفما بدر شبيها اختي
_ قمر وينك (شد
راسو من دوخة )
_ (شدو وخرجو من
جوجمة يغسلو في وجهو ومتحير ) شفما احكي بدر ويني قمر
_ قمر جاتني
ليوم لدار ياخي عرفت لأمي رفضتها وامي ربي يهداها قاتلي ياأنا ياقمر
_ وقمر سمعت هذا
_ ايه غالي (حط
يدو علي وجهو )
_ بدر اختي وين(قلبو
كلاه علي اختو يعرفها قداه عاشقة في بدر )
_ وين نعرف غالي
ياربي أففف..(خزر لغالي ) غالي هزني ***توا اكيد فما متأكد
__ يسوق ومخو
لكل معاها خايف لا مايلقهاش مرعوب لو ممكن تتمس شعرة منها وقت لحبس غالي هبط يزرب
يشوف فيها قاعد ة علي حجرة كيف لعادة برشا
صيادة كانو قاعدين علي اطرف لبحر ضو كان واصل لوسط لبحر كان يخزرلها كيفاه تمسح في
عينيها عارفها مكسورة تبكي مخنوقة قربلها مخنوق اكثر منها ...صوتو خرج متقطع وهو
قريبلها
_ قمر
_ كانت هايمة
سارحة في عالم اخر من لخرجت من عندهم وهيا شادة بلاصة ليما قعدو فيها ليما حلمو
فيها بدار وصغار ليوم جاتها باش تقلها لحلم لبدي ليه أيام تمحي باش يتنسي تقرر
يموت قبل مايبدي قضاو عليه وحفرولها في قلبها بسكينة حافية ذبحوها واعلنو حكم قاسي
علي عاشقة ولهانة صوتو فيقها من شرودها خلا دقاتو تقوي دقاتو دارات لقاتو واقف وراها وقفت تتسند
علي لحجرة عينيها معبية بدموع ولوجيعة ...تشوف فيها يقدملها كانت باش تصدو وتحكي
يدو لقوية لجبدتها ليه وحظنها بقوة شلتها علي لحركة وخلاتها ترسي علي مرساه في
حظنو دافي وموطنها
_قمر فجعتني
عليك علاش تعمل هكا علاش تحير داركم وامك عليك
_ بدر
_ عيون بدر روحو
لبدر قلب بدر جبدها من وجها وباسها علي جبينها يزي بلا دموع (قرب باسها من عينيها
)عينيك خلقو يضحكو مايبكوش يزي معادش تبكي راك شويتني
_ انا لتشويت بدر
قلبي مكوي تليعت تقصف حلمي
_ أسس (حط يدو
علي فمها ) متقولش هكا حلمك قايم وموعد عرسنا في وقتو وعمرو لحد يبعدني _عليك
_ لا بدر مستحيل
نتسبب في عصيان أمك (جبدت روحها منو) عمري منخليك تعيش طول حياتك شاقي وعاصي لامك..
نرضي تعب روحي ولا نرضاه ليك حبي ليك أقوي
واطهر من انو نعيشك في عذاب وشقاء دعاء انا وياك مناش لبعضنا مكتوب نتفارقو
قبل متبدي قصتنا
_ قمر
_ (قصت عليه )
يعيشك بدر لو تحبني لزم تبعد لزم نتفارقو
_ شنوة لتقول
فيه (علا في صوتو) يعني علي خاطر كلام امي تبعد
_ امك هاكي
لجبتك أمك لتسعة شهور عنتك رضعتك قرتك سهرت عليك وحظنتك مترقدش ليل باش أنت تكون
بخير تحب في لخر تكفاها بتكسير كلامها
_ كلامها غالط
قمر يعيشك وقفت في وجها من قبل ومستعد ناقف في وجه ناس لكل
_ تقف في وجه
ناس لكل كان في وجه رحمان .و"الجنة تحت أقدام لامهات.." بدر موش تحت
ساقيا أنا رضايتها عليك قبلي انا حبيتك وتمنيت نكمل معاك حياتي ونوعدك نبقي وفية
لها دقة زايدة في قلبي لطول حياتي اما باش نكون ليك ونكون سبب شقاوتك وتعاستك
مستحيل بدر لو تحبني أنسي وأبعد وليام باش تناسيك فيا
_ قمر ماتقولش
هكا بدر راني علي خاطر كلمة تبعدني
_ رضاية ام هذي
موش كلمة بدر (تشوف في غالي قربلهم بعد مسمع كلامهم لكل قربت لغالي بعنين مدمعة
)غالي روح بيا يعيشك .
_ بدر خويا
خلينا نروحو وغدوة احكو
_ معندي منحكي
غالي لعندي قلتو قمر متاعي وخطيبتي وباش تكون مرتي علي قريب ومافما حد دخلو في
قراري رضاية امي كيف منكونش بار بيها ومنكون عاق ومنعملش واجبي اما هذا قرار يخص
حياتي ومخصهاش فيه هيا وانت قمر لو باش تختار تبعد وتخليني علي خاطر كلمة قالتها
امي نقولهالك قدام خوك ماينا يابنت لعم حبك عمرو مكان كيف ماتتصور في بالي مجرد
كلام ولعب ذر صغار من لحظة لولة تخليت
وبعدت ولاحاربت ولاوقفت معايا ليد في ليد ...كلمتين باش نقلوهم لو مزلت حاشتك بيا
باش تحارب علي خاطر ها لحب من توا قلي والإ أنساني
_( غالي نطق)
شنوة بدر موش وقتو لكلام هذا عندها لحق قمر
_ معندهاش لحق
مدام انا واقف معاها ومخليتهاش مدام من اول يوم وقفت في وجه ناس لكل وقلت مخذها
بالقوة بالحلالة وسكت وانت تعرف هذا غالي واعيها أختك أنا بيدي مريض وتاعب متكملش
عليا هيا لو باش تختار تبعد تقولها من توا
_ قمر غارسة
راسها في حظن غالي تشهق من كلامو ...
_ بدر خلي غدوة
احكو موش وقتو لكلام هذا انتم زوز منرفزين ومظغوطين غدوة تحكو وتفوضها ها لمشكلة
خلي نروح بيك
_ خليني هوني
توا من بعد نروح وحدي هزها هيا سرد بدي يهبط
_ بدر شباش تعمل
هوني هيا روح معايا يعيشك
_ لا غالي خليني
نحب نبقي وحدي
_ روحت مع غالي
بقلب مكسورو مخ معبي هموم موش عارفة شتعمل وشنوة لقرار لباش تاخذو تمشي وتتلفت ليه
كان واقف بكل شموخو يخزر للبحر لهايج كيف قلبو ..ركبت في لكرهبة وبقات تشيع فيه
بعيني مقهورة من ظلم لم تعرف لما سلط عليها
حلقة 63
يافا
عندما ينزف لقلب
وتبكي لعين دمعا ولوعتا وحرقة يكون صدر قد ضاقا عذاب لعشق لمحطم علي أعتاب نبض
يصرخ هلعا من مفارقة جاءت غصبا
ملي رات أمها
ترمات عندها تبكي بصوت وتشهق من لكبت لفي داخلها
_ وينك قمر
تفجعت عليك ياروح ماما
_ نحب نموت ماما
كرهت نعيش تعبت فديت
_ أسم الله عليك
يزي متذكرش لموت قدامي يارب يومي قبل يومكم لكل يزي يعيش بنتي قلي شفمة طمني
_ غرسو في قلبي
سكين حافي دمروني مام مشيت أنا مشيت من غير بدر منجمش نعيش
_ أسس فهمني
غالي (تحكي ومحملة بنتها لحستها باش تموت بين يديها من لبكاء )
_ أمي لحكاية
انو أم بدر رافضة تعرس قمر بدر
_ علاش
_ منعرفش سبب
امي وليوم خيرت بدر بينها وبين قمر
_ وشقال بدر
_ ختار قمر وقال
منسلمش فيها
_ وأنا منجمش
أمي نحطم قلب بدر نعرف قداه يحب امو مستحيل
نخليها تغضب عليه
_ أسس يزي قمر
كل شئ ليه حل
_ مفماش حتي حل
(تحكي وتشهق خزرت ليافا لكانت تخزرلها بشفقة ) توا فهمت عذابك يافا ربي عاقب أمي
حاضر وقت لفرقتك علي غالي لكلو منك أمي
_ قمر يزي يعيش
بنتي
_ (جبدت روحها
من أمها ) نحب نرقد أمي يعيشك خليني نطلع منحب حد يقلقني
_ قمر راك بنتي
متحطش مكتوب فوق كتافي انا
_ هذا ذنب أمي
وربي باش يعذبنا بيه لكل كيف معذبت غالي ويافا ربي باش يعذبني أنا زادة
_ (قامت يافا
حظنتها ) يزي قمر متقولش لأامك هكا طاطا يافا عندها أسباب وأنا متأكدة لمقررت الإ
لمصلحتنا أم أم بدر بلعاني من قبل متحبكومش موش مستحقة سؤال
_ نعرفها وكان
ريت كيفاه حكات معايا ليوم يافا هنتلتني كيف محبت
_( قامت يافا
لأم عينيها تتكداح نار ) سمعتك كلام جاوبني قمر
_ امي يعيشك
اخطاني من مجبدها منحبش نتفكر شقالت يعيشك
_ باهي وسع بالك
و(خزرت ليافا ) يعيش بنتي طلعها لبيتها
_ باهي طاطا
_( بقات تفرك في
يدها وتمشي وتجي بدنها لكل شعل من لعصب لركبها ) والله منسفرلها بروحها لكلبة لحد
الان منساتش وموش باش تعتقنا
_ شنوة لبينك
وبينها أمي
_ طار قديم وقيت
نفركو رمانة (جات خارجة شدها غالي )
_ وين ماشايا
أمي
_ اللي بكا بنتي
لزم يبكي دم موش دموع
_ يزي أمي
متناساش الي هيا مرت عمي وام بدر يعيشك ماتتهورش
_ يافا (صوت
أياد جاها من لباب وهو داخل ظاهر منرفز لتوب )
_ أهلا بابا
_ أهلا غالي
أطلع نحب نحكي مع امك
_ باهي بابا
(طلع وبقي متحير عليهم شنوة لفما وشبيه بوه من لباب جا منرفز)
_ شنوة يافا باش
تحير دفاتر قديمة
_ لزم مدام وصلت
لبنتي خلي نوريلها
_ يزي يافا قمر
بنتك مفماش علاش تبعد عليه بدر مدامو حاشتو بيها
_ نسيت أمو أفعي
متأكدة تسمملها حياتها مستحيل نخليه يخذها
_ يافا يزي عيب
لتقول فيه
_ لعيب أني
خليتها عايشة وحدة كيفاها من يوم لعرفت بمخططها راني قتلتها
_ منسيتش لتوا
_ ومننساش أياد
مستحيل ننسي ويظهرلي وقيت زكرياء خوك يعرف تاريخ مرتو (خلاتو يحكو وطلعت لبيتها
تزرب بقي ينادي عليها وهو لاحقها عارفها باش تقوم لقيامة لو زكرياء خوه عرف سر كيف
هذا دز لباب يلقاها تلوج علي سيدي لمخبي
من سنين
_ شتعمل يافا
يزي بلا هبال
_ مستحيل أياد
منقبل سكات علي خاطر خوك توا مفماش علاش نسكت لبكا بنتي نبكيه دم
_ بنتك بكات
نمسحولها دموعها موش نقومو نخربو بيوت
_ تتخرب بيوت
ونطيح لقشة من سماء علي صغاري بنتي هكا قطعة مني
_ علاش موش بنتي
ملي جا زكرياء وحكالي وأنا قلبي دم عليها
_ هاو ظاهر
_ شنوة يافا توا
لتوا مكش باش تبطل صحة راس ولعناد
_ خليني نخرج
أياد
_ سيب سفا لهناء
وترص مفماش خروج
_ باش نخرج
_ يافا (صاح
بقوة )
_ تقتلنيش خارجة
_ جرب ملا اخرج
وراسك لو تخرج لحكاية لعاد تقعد في داري لحظة
_ شنوة أياد
(بقات مصدومة )
_ لسمعتو عمري
لكل نطيح منك ومن تصرفاتك أما كثرتلها بها لعنتزة ولقوة هذي ياسر راك مرا مكش ذكر
تقول أنا لانثي تتحكم في كل شئ
_ يعيشك ياسي
راجلي باش طلقني علي خاطر مرت خوك لمصون ملا راك حنيت ليها ولأيام زمان
_ (ضربها بكف )
متحياش والله هذي أخرتها تقول ها لكلام
_ تضربني أياد
بعدها لعمر هذا لكل
_ موش نضربك برك
بعد لقلتو مزلت تعاود في خمج سنين مزلت تعاود في كارثة منحبش حتي نتفكرها
_ (مسحت دموعها
وشافتلو بنظرة غل ودزتو وخرجتو) لحق عليها بعد مفاق بلي عملو يافا يزي وأرجع يزي
بلا هبال لولاد يسمعوا
_ خلي يسمعو
ولادك مدام بوهم يهز في يدوا عليا خلي يسمعو بعدها لعمر أمهم تتضرب وتتهان
_ يزي يعيشك
مقصدتش كلامك كان جارح (جا يشد فيها صاحت بقوة ) متلمسنيش رودبالك أبعدني أبعدني
_ يافا يزي
مريضة راك باش تمرض هكا
_ خاطر مريضة
هزيت يدك عليا ...
_ لا رودبالك تقول
هكا (جا باش يقربلها صاحت تنادي في غالي )
_ غالي غالي
_ كان في لبيت بحذا قمر هويافا يهدو فيها يسمع في صوت امو
تناديلو خرج يزرب يلقي بوه يشد فيها قرب مفجوع
_ شبيك امي شفما
_ (ملي راتو
ترمات عندو تشهق بصوت ) ضربني بوك ضربني بعد ها سنين لكل بوك ذلني خاطر معادش مرا
كيف قبل خاطر معادش انثي نملا لعين عندك لحق
سي أياد
_ يزي يافا
يعيشك
_ لقلتو امي
صحيح ضربتها بابا
_ غالي
_ ضربتها (حكا
بقوة )
_ ضربتها لحظة
شيطان وحضر
_ والله لو
ماجيتش بابا أما يحرزلك صحة ليك
_ غالي
_ رودبالك تذكر
أسمي علي لسانك لو جيت ولدك راك قدرتني وأحترمتني تمد في يدك علي أمي وهيا مريضة
_ (أياد بقي
ساكت برغم معجبوش موقف غالي لكان حد كان يخزر ليافا لمحمللها غالي ويهدي فيها
_ يافا سامحني
_ منسمحكش
أبعدني ...غالي ولدي هزني لدارك خرجني من هوني نحس في روحي باش نموت راسي يوجع
لكلي فاشلة
_ باهي أمي (حمل
عليها بين يديه وهبط في عينو ألف دمعة ودمعة حس بمذلة حس بروح تفرفط دموع امو كوه
وشوه شهقاتها لعلات خلاتو صدرو يضياق حطها في لكرهبة ورجع يجبلها في دواها ودبش
لقي يافا تهدي في أياد لكان يرقل بكلو أول مشاف غالي داخل قاملو
_ غالي نعرف
اللي انا غلطت أما عمري منغلط في يافا هككا فما حكاية وكبيرة باش دمرنا لكل واعي
أمك غالي متخليش سيدي يمشي لبدر وعمك باش تقوم لقيامة يعيشك
_ مفهمتكش وحتي
لو باش تقوم لقيامة معندكش لحق تهز يدك عليها
_ امك روحي راهي
عينيها لهواء لنتنفسو تتخيل نكرها لحظة شيطان وحضر نقصها يدي لمهم ما تتمسش منها
شعرة
_ باهي بابا
باهي يافا اطلع جيبلي دواء وطرف دبش لامي
_ باهي غالي
لحظة (طلعت تزرب موش فاهمة لصار تعبي في دبش ودواء وهبطت لغالي لكان يستني فيها في
لكرهبة )
_ غالي نمشي
معاكم
_ لا خليك بحذا
بابا وقمر وحدهم
_ باهي غالي (قدمت
باست يافا لكانت مسوهمة في لاشئ ) طاطا عمي أياد يحبك برشا بربي لا تتغشش منو
خليتو اك حدو ويظهرلي دم طلعلو من فوق
_ شبيه (تكلمت
مفجوعة )
_ لباس طاطا
هاني انا بحذاه أرتاح ليلة وبربي لاتاخو
في خاطرك
_ (غالي جا باش
يسوق شدتلو يدو وهيا تنهج )محقكش تصيح علي بوك هككا برا اطلب منو سماح راهو قلبو
واجعو منك ليوم نعرف قداه يحبك وديما يحس أنك تحبني اكثر منو
_ بابا هكا عمري
منكرهو ومتخممش فيه توا خمم في روحك
_ لا أياد عندو
دم خايف يطلعلو من لعصب نعرفو جات تحل في لباب
_ أمي باش
تمشيلو
_ لعين متعلاش
علي لحاجب وتوا مع لوقت تفهم شنحب نقول
_ لكن ضربك أمي
_ يضربني ويضرب
عليا نعرف أياد أنا غلطت زادة لتوا متسرعة كيف عادتي (وهبطت تزرب برغم مكسورة برغم
مجروحة فكرت فيه لا تصيرلو حاجة دخلت لصالون ملقاتوش لقات يافا هابطة من دروج
_ وينو أياد
_ في بيروه طاطا
سكر علي روحو وقالي نحب نبقي وحدي
_ باهي بنتي
(طلعت تزرب دق في لباب محبش يحل ألا متكلمت) حل أياد يافا راني حل يعيشك
_ وقت لسمع
صوتها مصدقش قدم يترهوج من دوخة لصابتو حس بدنو لكل خاينو حل لباب لقاها قدامو
بعنين ذابلة وخد مبلول دموع
_ يافا
_ أياد علاش
عامل هكا (تخزر لبيرو لكلو لوطا لكتب علي الأرض )
_ ضربتك هنتك
كسرتك سامحني يدي لزمها لقص لتمدت علي ها لخد (حط يدو علي خدها لتعبي دموع)
_ سامحني يافتي
سامحني روحي والله لاقصدتها كنت متوتر برشا تاعب برشا وكملت جيت أنتي في وجهي
(جبدها حظنها بقوة)
_ أياد جرحتني
وبرشا
_ أااه ياروح
أياد نتجرح أنا وانت لا نعرف غلطت وألف أعتذار ما يكفيش باش نسامح روحي علي لعملتو
_ (جبدت روحها
من حظنو وخزرتلو ) شربت دواك
_ منحبش نشرب
خلي نموت
_ (قصت عليه)
لطف عليك يزي يعيشك
_ ميزيش يكفي
لعملتو
_ لصار صار توا
نعاقبك بطريقتي
_ الأ لبعد
عقبني بلي تحب يافا كان تبعد دار منجمش نبقي فيها دقيقة بلا بيك منجمش نعيش ثانية
بلا بيك معنديش حد غيرك أنت لام ولبو ولاخت انت كل شئ في حياتي
_ وانا شكون
عندي بخلافك أنت وصغاري يتيمة لابو لا ام
_ أنا بوك وأمك
وخوك ودنيتك (باسلها كفة يدها وحمل عليها هزها لبيت نومهم وقت لخرج شاف غالي ساند ظهرو
علي لحيط واقف بعيد عارفو خايف عليهم تبسملو ودخل هو ويافتو للبيت
حلقة 64
يافا
-(هبطت في يدها
زوز أكواب قهوة تخزرلو كيفاه سارح في سماء مدتلو لكاس وقعدت بجنبو )
_ علاش لتوا
مرقدتش غالي
_ مجانيش نوم
وأنت
_ كيفك
_( مد يدو جبدها
لحظنو وليد لخرا يترشف فيها في شوكولاه شو) وشنوة لمحير حبيبتي
_ (تنهدت وهزت
راسها تخزرلو) قداش امك تحب بوك
_ ملا حب يافا
وأياد يتحكي بيه من قبل
_ زعمة تحبني
انت كيفهم
_ توا هذا كلام
نعشقك موش نحبك برك راك روح يافا لهواء لنتنفسو ولو ماجيتش نحبك مكنتش توا في حظني
_ شتقصد
_ أنت غلطت في
حقي يافا ونسيت ولا تنجم تقول تناسيت ونحاول ننسي لعملتو معايا
_ يعني أنا
لغالطة غالي
_ أنت
متسرعة وبرشا وجرحتني برشا
_ بربي يعني أنت
مجرحتنيش
_ فاش تراه
_ خليتني وحدي
_ تحكي بجدك
_ (عوجت فمها
وقت لتفكرت اللي هو لحقها ورجعها ) شنوة توا غالي جيت باش نقعد بحذاك بديت تجبد في
لماضي (جات قايمة جبدها )
_ خليك ويزي بلا
هبال
_ مهبولة أنا
بربي
_ مهبولة بيا
قول لا تراه
_ لا
_ بربي
_ ماو مجنونة
بيك
_ يعيش حبي
_ (تنهدت بقوة )
محلاها كلمة حبي منك
_ يافا
_ نعم
_ (قرب حط جبينو
علي جبينها وتكلم ) نحب نعرس معادش صابر علي بعدك
_ شنوة غالي
شقلت (تربثت ومعرفتش شتعمل )
_ لسمعتو حبي
وقيت نفرحو ببعضنا وقيت نكتبك بأسمي ونخبيك عندي وقيت نملكك وونجيب منك أيودة
صغرون (يشوف فيها سكتت ولكلها ترقل بعد جبينو وبقا يخزرلها مصدوم موش فاهم شبيها )
علاش دموع يافا دموع فرحة موش هكا
_ غالي نحب نرقد
_ شنوة تحب ترقد
سمعتني شقلت ولا
_ سمعتك
_ أيه وجوابك
_ يعيشك غالي
_ مايعيشنيش
(رما لكاس علي الأرض وقام ) شنوة يعني تبكي علي العرض قول رافضة تعرس بيا نفهمك
وأسكت فهمت
_ غالي لا (قامت
باش تشدو من يدو نطرها بقوة ) رودبالك وأمسح دموعك مفماش علاش نعرس بيك وأعتبرني
مقلت شئ يافا
_ لا غالي أفهمني
يعيشك (لصقت فيه تبكي وتشهق ) نحبك والله نعشقك ونموت عليك من غيرك نموت غالي
يعيشك أفهمني
_ لو تحبني علاش
بكيت علاش مقلتش أيه موافقة علاش مريتش لفرح في عينيك
_ فرحانة وبرشا
ونتمني نكون ليك ليوم قبل غدوة متاعك أنا ملي كنت في لفة عمري ماريت راجل غيرك حليت
فيك عيني نحبك لدرجة متتوصفش مستعدة نهد دنيا علي خاطر بعدك موتي غالي
_ شنوة تناقض
هذا فهمني
_ غالي يعيشك
متسئلنيش
_ لا غالطة جاوب
ولا خليني نخذ قرار ونفصلوها لحكاية من توا
_ لا يعيشك لو
تبعدني عليك نموت
_ امرك عجيب أنت
لانحبك لانصبر عليك
_ غالي
_ فك سمايا قلي
تعرس بيا ولا منفهم شئ
_ لا موش وقتو
لعرس توا
_ (بقا يخزرلها
مصدوم ) باهي يافا باهي دزها ودخل
_ طاحت علي
الأرض تبكي بشهقة دموعها سقات لأرض
_ ياربي تعبت
ياربي لاتبعدني عليه ياربي قلي شنعمل نورني من غيرو منقدرش نعيش في بعدوا موت وفي
قربو موت يارب سيدي قلي شنوة لحل
_ ملي دخل لبيتو
ضرب لباب بقوة وكظم غيضو يعني هيا ترفضو ترفض تعرس بيه ألف مرا تستني حتي يخزرلها
وهيا بكل وقاحة تقول لا قلبو يناحيه ويرميه للكلاب ولاتعفس عليه وألف غيرها يشدو
بلاصتها بدل دبشو وهز مفاتح لكرهبة وخرج
مهتمش حتي بصوتها لباكي لخرج باح من منديتو ليها
حلقة 65
يافا
نهارين تعدو كل
حد في همو غارق وكل حد يفكر في عذاب لقلب لكبار وصغار لعشق دمالهم قلوبهم ...
نهارين تعدو
عليه وهو يفكر في كلام شهد لقاتلو مزال
جمعتين نلقي ألف حل باش نقلهم بطلت برغم حسها تتحدا فيه وتكسرلو في كلمتو وهو يموت
علي لعناد ..لقرار لخذاه صحيح فيه لحظة
تسرع حكا مع سارة ودارهم باش يعرس في أقرب وقت وماذابيه نهارين هذوم لكل
بقوا باهتين حتي يافا امو قتلو موش وقتو دخلين بعضنا ومفرعسين شد صحيح في لعرس
ويحب لمة صغيرة لاقاوق ولا فرح كبير لكلهم سكتو كيف شافو أصرارو لستغربوه لكل
وتصدمو من تسرعو في قرار زواج كان رافضو من أيام
شهد كانت مصدومة
شنوة باش تقول وشنوة باش تحكي وقت لقاتلها أمها وشافت لفرحة في عينيها وكلامها لممكن
شهاب حبك سكتت ومنجمتش تقول شئ في يوم بعثلها باش تختار لموبيليا وختارت صياغة
ولحوايج سوايع تجري ودنيا مقلوبة مسوهمة
موش واعية سر هاتحول اما متاكدة لعملها شماتة متأكدة لمصر يعرس بيها كردة فعل باش ينتقم من رفضها ليه
جا ليوم لموعد
ديار زوز تملي وتفرغ بالاحباب ولصحاب ناس لكل مستغربين ها سرعة وقتاه تخطبو باش
يعرسو ...من لقامت وهيا ميتة بالخوف كيفاه باش تخلي دارهم وتمشي تعيش مع راجل
يكرها ورافضها ومعتبرها واجب بقات دور من بيت لبيت تحب تشبع من دارهم من ريحة امها
وبوها لكلهم عينيهم مدمعين نورتهم ليوم اخر يوم معاهم باش تعيش مع راجل اخر خوفهم
عليها كبير يعرفو قداشها حساسة ودلولة خايفين لا شهاب مايكونش في لمستوي معاها جات
لكوافير لدار طلبت منها تكون سانبل من غير متصبغ وتبدل فيها برشااا سيبتلها روحها
سوايع وهيا تقد فيها ...قامت تخزر روحها في لمراية بعد ملبستلها روب لأختارها شهاب
علي حد قولها تخزر موش مصدقة هيا ولا كأنو روب لحلمت بيها طول عمرها روب ستيل
برنساس بذيل طويل شعرها خلتو علي جنب لفوال محليها مكياج فينو قلبها دق بقوة
وعينيها رغرغت دموع وقت لرات امها في لباب وشادة فمها وعينيها تدمع دارتلها
_ امي يزي
بلابكاء
_ محلاها بنتي
تهبل ياربي محلاك ومشبك
_ بالحق أمي
حلوة
_ عسل احلي مرا
في دنيا ماشاء الله عيني متضرك ياربي يفرحك ويهنيك يزي بلا دموع باش متفسدش مكياجك
_ منجمتش عيني
تحرق ههه
_ لطف علي بنتي
عاود تسويلك لمكياج دار خالك جو ويستنو فيك
_ شهاب جا
(قالتها بلهفة )
_ جا ويهبل أصل
توا تشوفو أيا أهبط وقيت نمشو لصالة
_ باهي أمي
_ سوات مكياجها
وخرجت لقات بوها في لباب يستني فيها كيف لعادة بوس وتعنيق ودموع مفكتهم سارة كان
بروح هبط بيها مع كل خطوة تحس في روحها باش دوخ وقت لوصلت تشوف فيه واقف بكل شموخ
كوستيم سليم" في نوار " شعرو عاملو لتالي عينيه كيف صقر كلاتها حستو
مركز مع كل خطوة معاها قلبها قوات دقاتو كبشت في يد بوها باش مطيحش وقت لوصلت
قدامو بوها مدلو يدها
_ شهاب هذي بنتي
من ليوم هنيني عليها عطيتك قمرة حافظ عليها يعيشك
_ كان دايخ من
زين ليرا فيه تقول قمرة منورة ضخامة وزين ولفيانة ريحتها سبقتها هبلتو وجنتو مع كل
تحريكة عينيه تزغلل وقت لقربتلو حس برجة غريبة في داخلو صوت بوها فيقو علي وضعو
جاوب بصوت باح دوب ماخرج
_ تهني عم رضوان
مرتي شهد من ليوم في كفالتي
_ كلمة مرتي
خرجت من فمو كيف لعسل حستها لأول مرة يقول كلمة تحسها صادقة من عندو ...هزها في
يدو طلعها لكرهبتو ...ورجع ركب حتي غالي مخلاشو يسوق قالو نحب نكون معاها وحدي
_( يسوق
يخزرلها) علاش ساكتة شهد
_ شنوة تحبني
نقول
_ يعني قلي
مبروك باش نعرسو
_ علي أنا عرس
تحكي علي تمثيلية لعملتها
_ بربي أناهي
تمثيلية
_ فهمتك حابب
تكسرلي كلمتي لمهم متتهزمش
_ بربي هكا
شفهمت أنت
_ علاش تتفهم
حاجة اخري
_ تتفهم نحب
نهني علي روحي ونعرس
_ صدقتك تعرس
بمرا غصبينها عليك
_ (بقا يخزرلها
) وانت غاصبينك عليا
_ متبدلش سؤال
_ جاوب توا
نجاوبك
_ أنت تعرف جواب
_ نحب نسمعو منك
_ (خزرتلو وبقت
فيه عينيها ) لا انا غصبتك علي دارنا
_ مفهمتكش شتقصد
_ بمعني أنا حبيتك
ودارنا يعرفو لانتي تكرهني ورفضو اني نخذك خاطر عرفين باش تعذبني ومكذبش أحساسهم
_ مزلت مجربتش
جرب بلاكا أحساسهم غالط
_ علاش تطلعشي
حبيتني بين يوم وليلة
_ شهد تتفكر وقت
لقتلي في يوم قدام رستو باش نحارب باش نخلي قلبك يكون ليا
_ نتفكر
_ ندمت يعني
_ (سكتت ونفخت )
_ شوف توا باش
نهبطو نكتبوا صداق لو رافضة لعرس تقدر متصححش فهمتي وأنا مستحيل نقول حتي كلمة
لخيار ليك أهبط تو وصلنا
_ سكت وبقات تشوفلو
كيفاه هبط ودار حللها لكرهبة مدلها يدوا باش يعاونها علي لخروج لمستو ذوبتها بقات
ترقل من أحساسها لفضاحها تمشي بجنبو صغار في يدهم شموع داخلين علي صوت لكمنجة
لحاجة لتعشقها خزرت لشهاب منين ليه انو تعشق لكمنجة قعدت قدام لعدل من لوصلت
...تخزر لبوها وامها كيفاه ميتين فرحة ناس تزغرد وتبارك بدا صوت لعدل يسئل في شهاب
_ سيد شهاب هل
تقبل بالأنسة شهد زوجة لك
_ نقبل (نطقها
من غير تفكير وبقي يخزرلها بسمة مرسوم فوق شفايفو)
_ أنسة شهد هل
تقبلين زواج من شهاب الاندلسي علي سنة الله ورسوله
_ بقات تخزرلو
عينيها فيه... فمها رزن ولسانها فلج علي نطق لو باش توافق باش تحسو غلبها ولوباش
ترفض باش تتكوي اما علي أقل تحفظ كرامتها بكلامو حطها قدام ها الامر برفض انها تصحح حستو تهكم منو بمعني متقدرش ترفض
زواجي مدام أنا قلت وانا لنتصرت قرات كلام كان في عينيه غمضت عينيها ونطقت بعد جهد
جهيد
حلقة66
يافا
أحيانا بعض الغصرات تكون مثل صواعق تجعلنا نلطم مثل
نائحات بعد مانكون تجاهلنا بعض لمواقف والكلمات وبعض دقات وبعض نظرات
هنا يكون قمة
الغباء أن نلوم حتي من أنزلا علينا تلك صاعقة وذاك لخبر
أنسة شهد نعيد
سؤال هل تقبل زواج من شهاب الاندلسي ؟
_ سؤال تعاود
علي مسمعها للمرة ثانية تشوف في أفواه ناس كيفاه توتوت ..تنبير بدا هزت عينيها
خزرت لامها لوجها صفار ولخلخ بعد مكانت باش تقول لا وتنتصر لكرامتها لمبتورة دموع
امها لمحصورة في اطرف شفرتها خلاتها تقول نقبل بغصة كبيرة لكلهم تنفسوا صعداء ألا
شهاب لنظرتو تبدلت ليها كان متأكد لكانت باش تقول لا كانت متاكد من نظرة رفض لفي
عينيها ولكلمة رجعتها في خاطر شماتة ناس سكت وقام مدلها يدو قومها وقف قدامها هز
يدو حطها علي أطرف راسها وجبدها باسها من جبينها وقرب شفايفو لوذنها وتكلم مبروك
مدام الأندلسي كلمة خلت بدنها يرقل قربو نار وبعدو حطام ...تشوف فيه كيفاه يسلم
علي صحابو ومهتمش بيها حتي باش يقعدها تبسمت علي سذجتها رجل خيارها وهيا اختارت
تبقي منصاعة ليه تستهال أكثر منهكا صوت قمر فوقها من سرحتها
_ مبروك شهود
ماحلاك ياأحلي اخت في دنيا
_ يعيشك قمر
يعيشك اختي
_ قدمت يافا
الأم باستها من جبينها وجبدت شركة لبستهالها هذي شركتي نحبك تتحتفظ بيها أغلي كادو
من عند أياد
_ يعيشك طاطا
يافا
_ من ليوم قلي
امي يافا
_ باهي أمي
(وترمات عندها باستها )لكلهم يهنو فيها لكلهم يشطحو فيها أياد عينيه من يافتو
متنحاتش ..رغم لكبر خذا منها ومن جمال انوثتها لكن جمال روحها وبرائتها وطفولتها
المعهودة مزالت علي عهدها ...
عينين كانت
تراقب فيه من لدخل كان قاعد في كرسيه بجنبو وعد وامها وعمو كل مرة وعد تقرب تحكي
معاه قريب لوجهو وكأنها تتعمد قربو بتعلة صخب لموسيقة كيف لا وهي العاشقة لملتعة ووجدت
الأهتمام الظاهر من غالي لممكن تصرف بعفوية وقت لقعد بجنب عمو وعايلتو ...
بدنها لكل يرقل
من لغزول تشوف في وعد كيفاه قريبة ليه حستو يتحدا فيها كيف قالها ألف يشدو بلاصتك
يعني ملقي كان وعد تشد بلاصتها لمرا لتمقتها تكرها وتبخر بريحتها مستحيل تخليها
تنتصر حتي علي حساب كرامتها ...كانت باش تقوم تمشيلو مزالت مخطاتش خطوة لولة وتدخل
في مراد وكأنو لجنة فتحت بابها ليها جاء في لوقت لمناسب ...هو لوحيد لخلي قلب غالي
يتكوي كيف مكواها ..
_ اهلا مراد
سافا هاك هوني
_ أهلا هاني جيت
ستدعاني عمي ريان
_ شنوة عمك
مفهمتكش
_ شنوة ياخي
متعرفش اللي مرت عم ريان أمي
_ نعم فاش تقول
يعني وعد اختك
_ أيه علاش
مستغربة
_ لا موش
مستغربة (بقات تقحرلها وتقحرلو )
_ شنوة زين هذا
لكل(بقي يعدي في عينيه علي روب للبستها مكياجها شعرها كانت فاتنة بأتم معني لكلمة
)
_ يعيشك مراد
حتي أنت تبارك الله عليك بالكوستيم
_هههه مرسي برغم
منحبذش لباس رسمي
_ يواتيك
_ عينيك لحلوين
_ يعيشك
_ تحب نمشو
نقعدو بجنب عم ريان ولا نقعدو وحدنا لو وحدك طبعا
_ وحدي (خزرت
لبوها لكان قاعد هو ومرتو ومجموعة من لكوادر ..)
_ لتوا متصلحتش
مع بوك
_ لتوا (تنهدت )
_ لطف عليك
متنهيد (هز يدو حطها علي كتفها ) نحبك تكون قوية ومتستسلمش وأرجع لبوك منتصورش فما
بو يكره بنتو
_ يعيشك مراد
ممكن منحكوش في موضوع هذا توا
_ باهي علي
راحتك جبدها من يدها وأختارو طاولة كانت مقابلة غالي لعينيه كانت تراقب فيها من
غير ماشلق عروق جبينو بارزين ويدو كانت كابسة علي لكاس من لغزول متمني يقوم يفتقهم
من بعضهم اكيد اختارتو هو علي هكا رفضتو فاش خير منو يعني هو أرجل منو أثقف منو
أغني منو سؤال قتلو حيرو يخزرلها كيفاه قاعدة وشايخة ضحك قدامو فد وتيقر .قام من
كرسيه وقفت وعد متحيرة عليه وين ماشي غالي
_ هوني وعد شوية
ونرجع
_ غالي متنرفزش
روحك يعيشك
_ مفهمتكش
_ فهمني نعرف
اللي أنت لتوا تحبها (أشارت ليافا)
_ (تنهد من عروش
لقلب ) حتي لو حبيتها لحب وحدو موش كافي باش يخليني نفكر في مرا باعتني ورماتني
علي طول يدها
_ تستحق للات نساء متخمم في شئ لرماك رميه
_ وهذا لباش
يصير(مدلها يدو ) شقولك نمشو نعملو صورة مع شهاب وقمر
_ اوكي (مدتلو
يدها بفرحة )
_(عينيها طلعت
وهيا تشوف فيه يصور مع لعرايس") يعني يتحدا فيها باهي غالي كفي وفي "
شهاب كان شايخ
يضحك مع صحابو ويعمل في تصاور كل مرة يخزر لشهد لعينيها في القاعة حسسها موش
فرحانة منجمش يكلمها برغم حس عليها ...حس أنو منغوصة في فرحتها تنهد ..ومد يدو
شقولك تعمل شطحة
_ معاك (بقات
مستغربة من طلب متاعو..مدت يدها وهبطها معاه)
_ يشطحو علي
موسيق رومنتيك ...كان حظنها ضو خافت ناس لكل تصور فيهم لكلهم يقولو قداه مواتين
بعضهم ويهبلو مع بعضهم لكن في صدور لا يعلم بيها الأ علام لغيوب ..ربع ساعة تشطح
معاه حست روحها طايرة فراشة وهيا بين يديه أحساس أخر عالم عمرها مجربتو احساس الحب
ولمسة الحبيب ..وحظن لحبيب ...شئ أخر لم تتذوقه ولم تجربه
من بعد دخلو
لكوبلوات مع لعرسان كل حد يرقص أنغام الحب
وألتقاء الأجساد وألتقاء لقلوب ودقاتها ..قلوب فرحانة وقلوب حزينة وقلب مكسور قلب
محطم يكفي انو تشوف في حظن حبيب لقلب أنثي أخري قامت تزرب موش قادرة حتي تبقي تشوف
لحق عليها مراد بعد مفهم شفما ...وتبسم علي صدفة لقدر يعني هذا هو غالي لخطيب لكسر
قلب اختو باش يقربلو ليه ولعايلتو علاش مخممش فيه من قبل علاش مربطش لخيوط مع
بعضها فرصة وجات لديه يرجع فيه طار قديم كان من شهور معلق في رقبتو وحان لوقت
يرجعو بعد متناسي او ضيق لوقت أنساه في وجع اخت بكت في يوم فوق صدره شاهقة باكية
من عاشق مثل عليها لعشق وأوهمها بأنه ولهان ولكن في الباطن مجرد مبعوث من طرف
مؤسسة تعتبر رمز لعداوة لمنظمة يترأسها أباه
حلقة 67
مجروح قلبي في
يوم زفافي
موجوع صدري في
يوم فرحي
ألمي كبير وهمي
ضيقا صدري بعد كل ماقيل وكل ماصا ر كيف لروح نزفت أن تكفف دمعها بمجرد صفة زواج
قاعدة علي فرش
بيت نومها فرش من لمفروض يجمعها هيا ورجل تحبو حبا لايوصف وعشق ليس له مثيل لكن
أوجع أنواع لحب الحب المنفرد الحب المفروض وهيا مجرد شخص ملعون أصبته لعنة الحب من
طرف واحد حست روحها بعد كل طاقة الامل أن تحارب من اجل ذاك رجل فشلت وأعلنت
الأستسلام ليس لأنها فشلت فقط بل لأنها روحها تنتفض وجعا واملها من كلام قيل علي
مسامعها "ساعات بعض صفاعات كفيلة باش تفيقنا من حلم يقظة تمنينا من فيقوش منو
موش لانو مجرد حلم لا لانه أصبح امل وتمني أن يكون مانتمناه يتحقق حتي بمجرد تمسك
في ذاك لحلم
صوت لباب تحل
ودخل بخطي رزينة عينين كعين لفهد تشوف لانثي من ساعات كانت غريبة ولهذه لحظة ولات
جزء منو ومهمة ليه قانونا وشرعا زوجتو زوجة لمن لمفروض باش تكون نصف لاخر جزء من
حياتو مرأتو ..سندو وعكازو ساس دارو تنفس بقوة موش لزم يكون فرحان من لمفروض لو كان
عاشقها راهو يضحك من عينيه راهو ملهوف باش تكون بين يديه موش مجرد واجب ..لزم يقوم
بيه لكلام امو لتقال في مسامعو
_ شهاب شهد من
ليوم مرتك شرفك وعرضك من ليوم انت بوها وخوها من حقها عليك تعطيها كل حقوقها من
حقها تحترمها وتكونلها زوج مثالي أنت قبلت وأنت ليوم لسرعت في زواج لو نشوف دمعا
في عينيها منرضاش عليك هاكي دمك ولحمك كون راجل وحطها في عينيك ....
قربلها موش عارف
هل لواجب ام تجاوب لرضاية أم أو امر معتاد
ان تكون ليلة ليلة دخلة رجل علي زوجتو يعني مجرد عمل يتقام بيه شعائر تنفذ بدون حب
بدون مشاعر ....
_شهد مبروك (قعد
بجنبها فوق لفرش)
_ يعيشك شهاب
(كانت تلهث من لخوف وتوتر موش فاهمة شنوة لصاير لغرفة لعمرها لكل تتمني تقعد فيها
بجنبو لتتمني تسكر عليهم وتختلي بيه ليوم ولات تقول قفص.. سجن ..منفي حست لحمها
ولا لكل شوك لخوف لتمكن بيها مفهمتوش يدو لتحطت فوق صوابعها وشبكهم خلا
كرون قوي يسري في يدها ويتعدي لبدنها لكل ...تنفضت وتهزت وبلعت ريقها ...
قومها وبقا
يخزرلها لعينيها شفايفها لرقبتها لشعرها لحرير لفوق كتافها لطرحة لبيضة لمزينتها
لروب لكانت مفصلة علي بدنها ...موش قادر يفهم شنوة لخبطة لفي داخلو برغم متأكد
لمتعجبوش نوع شهد لكن حاسس روحو شاهيها قرب شفايفو وباسها في خدها فوق بوسة خال
كانت مزينتها ..من قبلة ولات قبلات ..يدو تعدت لسحاب روب وجبدتها جات طايحة
للحظات كان بيها
فوق لفرش كانت مسلمة مرعوبة وخايفة بدنو لجا فوقها خلاها تتكبس وتترعب اكثر كلامو
حركاتو عدم أهتمامو بيها في سهرة خلاها تتخذ قرار أنها تثور وتكون قوية رغم لخوف
لفي داخلها رغم أنها متشوقة تكون ليه ومتشوقة باش تتحد مع رجل كان حبه شغف وولع
وحبه عبادة ..دزتو بيدها وبدات تبعد فيه يزي شهاب قوم يعيشك
_ كان متخدر
لدرجة انو نسي لتحتو مرا مايحبهاش .أندماج مع جسم لقي جسمو متفاعل معاه لدرجة لم
يعهدها من قبل ..جسم كيف ذكير حاجة غريبة تجبد فيه ليها هل هو لحلال ام عشق
الأجساد أم ماذا حل بشغف جسم فقد سيطرة وتأجتت رغبة في داخله يدها لتفارع فيها
بدات تقوم فيه من الثمول وحب الأتحاد
_ يزي شهد
متخافش يزي شدلها يدها وكبسلها علي ساقيها بساقيه وبقي يحكي وهو ينهج
_ متخافش لحظات
يوفا كل شئ
_ قوم منحبش
يعيشك موش وقتو سيبني شهاب سيبني متغصبنيش علي حاجة منحبهاش قوم قوم
_ كلامها كيف
رصاص لكان يتناطر علي مسامعو خلا قوايمو تبرد ويتمهمش صدرو علات دقاتو من ليسمع
فيه قام من فوقها وبقي مركز معها دموعها ملات خدها ..يشوف فيها كيفاه لكمتت روحها
بملحفة وقامت تزرب من فوق لفرش
_ من لحظة لقام
من فوقها غطت روحها وقامت شدت أطرف لبيت وقعدت علي الأرٍض تشهق ...
يعيشك شهاب موش
وقتو متغصبنيش
_ أسس قام من
لفرش وقربلها منرفز أسكت هبلت دارنا يسمعو فيك باش يقولو يغتصب فيها يزي سامحني
قربتلك وعد معادش نلمسك أسكت ...ودخل لدوش يبرد في حالو لماء يصبو فوقو وهو موش
مستوعب لصار شنوة لخبطة هذي موش تقول عاشقتو يعني مرا تحب راجل وترفضو شنوة لصار
تتمقصد عليه تحب تتعزز عليه اما متأكد شهد موش بها ذكاء يعرفها ياسر نية يعرف اللي
هيا طيبة لدرجة ساذجة باش تفهم هكا كمل دوشو وخرج خزر للفرش ملقهاش ترعب دار يشوف
يلقاها قاعدة في لبلكون مشا يزرب بمنشفتو وهو مبلول حل باب لبلكون وتكلم بقوة
_ هبلت ياخي
شتعمل في لبلكون وأنت مكش لابسة دبشك
_ تخنقت حبيت
نتنفس
_ ركز مع يدها
لكانت مخبية حاجة
_ شنوة لمخبيتو
_ شئ (جات باش
تدخل ...ومهبطة عينيها موش حابة تركز مع بدنو لعاري شدها من يدها وجبدها حب يعرف
شنوة خبت وقت لشاف مكينة ضيق نفس في يدها ستغرب شنوة هذا شهد
_ شئ شهاب (حشمت
وهبطت راسها )
_ عندك ضيق نفس
_ اممم
_ لطف عليك
(تنفس بقوة ) ادخل باش متمرضش
_ يعيشك شهاب
دخلت لدوش بعد مهزت بيجما متع نوم
_ بدل حوايجو
وبقي يستني فيها ...خزر لفرش كيفاه داخل بعضو تنهد وتبسم بأستهزاء كان من لحظات
باش يملكها موش فاهم علاش بعدت ....وهذا للزم يفهمو ويحط نقاط علي لحروف خرجت
تتبختر في بيجما
_ أقعد هوني شهد
لزم نحكو
_( قعدت بجنبو
وبقات تفرك في يدها )
_ شهد أنت
مخذتني علاش
_ مفهمتكش
_ يعني أنت في
يوم قلت حبيتك صح
_ قلت (قصت عليه
)
_ شتقصد (وجهو
صفار )
_ يعني لقلتو
كان مجرد كلام
_ أبون صار
وعلاش ملا قاتلة روحك علي لعرس
_ علاش قاتلة
روحي أنا لجيت قلت نعرسو ليوم أنت هو
_ أنا صحيح خاطر
كنت متصور انت زادة حابا علي ا لعرس
_ كنت حبا قبل
مانعرف اللي أنا مجرد شخص تافه وغبي ودلول
ياسر ومنعجبش وساذج
_ أه يعني
لتصرفتو توا (وأشار للفرش) ردة فعل
_ تنجم تقول
_ هههه شنوة
يعني نجم نقول
_ أنت خذيتني
مخذة خاطر في أمك ولفرش هكا مخذة خاطر مني
_ حقي هكا وأنت
مرتي وملكي توا نعمل فيك لنحب
_ هههه مرتك
يعيشك سي ر اجلي
_ علاش شاكة
قبلت راك وأنا من لول قتلك تحب ترفض تنجم تقول لا وتنهي ها المهمة
_ يعني تعتبر
زواجي منك مهمة
_بالمعني صحيح
للعلاقة لبيني وبينك
_ تعرف شهاب لو
تعتبرني بنت عمتك وتحبني كأخت نحبك تكثر في تصرفات لخايبة معايا كثر وفي نحب نوالي
نكرهك نمقتك نحب كيف نراك تقول ريت عزرائيل
_ أفف علاش
لهادرجة
_ خاطر كيف مقلت
ضعيفة أما وعد نقوي وقوتي باش تكون منك متأكدة (وقامت من جنبو دخلت لفرشها وجبدت
لغطاء ورقدت )
_ تبسم يعني
طلبت منو يقتل لحب لفي داخلها يعني مزالت تحبو مايعرفش علاش فرح بعد ها لكلام
...قام جبد لغطاء ورقد بجنبها جات باش تقوم شدها بقوة ولصقها ليه ..مرتي لحنون نحب
نرقد عندك وقوم بواجبك و أرقد خير منطلب
حقي
_ شنوة شهاب
تتمقصد عليا
_ علاش نتمقصد
عليك موش مرتي أنت
_ مرتك مرتك سي
راجلي وتبسمتلو تبسيمة صفراء ...ورضخت رقدت في حظنو لأول مغمضت عينيها رقدت راحة لحستها بقربو عمرها محستها زوز
رقدومكبشين في بعضهم وكأنهم عمرهم مكانو أغراب
_" تقول
الأساطير الأغريقية"شعاع الحب يكمن في لمسة جسد فلمسة هي من تحدد مدي حبك
لذاك لبدن وأحيانا نقول أنا العشق يكمن في دقات لقلوب كلها أمور واهية فعلاقة
الروح بالجسد كعلاقة القلب بنبض
وهنا تكمن عشق
الأجساد عشق روح لروح من بداية لمسة جسد " "(معني من عندي ان كان هناك أي ألتباس في ترجمة فهو
خطئ من لكاتب)
حلقة68
يافا
أي حب هذا الذي
أحتل قلبي ف إستعبد دقاتي،،،
أي حب هذا الذي استوطن صدري ف إمتلك انفاسي
أي حب هذا الذي أغرقني في عينيه فأضاء نور يومي..
اي حب هذا الذي سرقني فرهن بين يديه حياتي
أي حب هذا الذي سكن ليلي فأصبح كل أحلامي
أي حب هذا الذي افيق من احلامي فاراه امامي
أي حب هذا الذي بات واصبح احلامي وواقعي
اي حب هذا الذي نزع روحي فصعد بها سمائي
اهذ حب ام استعباد أم امتلاك أم غرق ام احلام
ام واقع ام حياة أم رؤية لمماتي،،
أي حب هذا الذي استوطن صدري ف إمتلك انفاسي
أي حب هذا الذي أغرقني في عينيه فأضاء نور يومي..
اي حب هذا الذي سرقني فرهن بين يديه حياتي
أي حب هذا الذي سكن ليلي فأصبح كل أحلامي
أي حب هذا الذي افيق من احلامي فاراه امامي
أي حب هذا الذي بات واصبح احلامي وواقعي
اي حب هذا الذي نزع روحي فصعد بها سمائي
اهذ حب ام استعباد أم امتلاك أم غرق ام احلام
ام واقع ام حياة أم رؤية لمماتي،،
تشهق من لكبت
لفي داخلها حست روحها وحدها حست روحها مخنوقة في لحظة نساها وباعها ورجع لمرا كان
في يوم يعتبرها مجرد مهمة لكن ولات شاكة أنو تعجبو علاش لا وعد مزيانة وفين ومثقفة
تنفست بقوة تحب تفيق منها تخميرة منها لحزن لغملها علي صدرها ...خرجت من لويسي
ورجعت لطاولة وين كان مراد يستني فيها من لخرجت من صالة أصر يسهرو مع بعضهم بعد
مشاف لحزن في عينيها رجعتلو بعد مامسحت دموعها
_ اه خيرشي شوية
توا
_ سافا مراد
_ طلبتلك
سيتروناد باش تهداء
_ يعيشك تعرف
بالحق لو ملقيتكش واقف معايا منعرفش شكون باش نلقي
_ متقولش هكا
قول باش تبقي برشا ساكنة في الأوتال
_ هاني كلمت
سمسار علي برتمان يبدي قريب من دار بابا
_ وعلاش مترجعش
_ منجمش بعد
مكسر خاطري وصدق مرتو عليا صعيب نرجع
_ غريبة في بوك
كيفاه يخليك تخرج وأنتي بنتو لوحيدة
_ (تنهدت )
مترجعليش هموم دنيا خليني موش ناقصة
_ طيب يافا أما
فما حاجة محيرتني
_ شنية
_ علاش منبكري
تبكي وتقول لو نعرس بيه غالي يموت
_ مراد حكايتي
مع غالي كبيرة برشا
_ قلي متنساش
انا شكون ونجم نعاونك
_ تنجم تعاوني
انت (بقات متعجبة )
_ جربني
_ أنا وغالي
محرمين علي بعضنا أنا كارط محروق خدمت مع لمرتزقة وغالي رئيس بالوكالة لمجلس
الأعلي
_ غالي وريث
عائلة لأندلسي (بقات متعجبة )
_ أيه
_ وهو يعرف
_ اكيد يعرف لكن
بوه هو لحد الان متحكم لأنو غالي رافض لحد لحظة يستلم مهمامو
_ فهمتك قانونهم
صعيب وأنت شخص مرتزق مستحيل يقبلو زوز منظمات يكرهو بعضهم كره اعمي أنو أشخاص منهم
تربطهم صفة
_ ولحل
_ فما حل
_ الي هو
_ تعرس بيا
_ نعم شتقول أنت
(ضحكت بأستهزاء )
_ لسمعتو بابا
هو لمدير لمنفذ وللممول أول لمنظمة هذي
_ ولمعني
_ مرت ولدو تخذ
حق لحصانة وينظاف سجلها من ها لمؤسسة وويتم عتقها من أي بنود
_ تحكي بجدك
_ وراسك
_ نعرف طلب غريب
اما لو تحب نعاونك هذا لحل اما بشروط
_ وشنية شروط
_ لزم زواج يدوم
ستة شهور (كان متردد يحب يقول اكثر لكن خاف ترفض يعرف الي ستة شهور مدة ممكن
تستصغرها وتوافق عليها ..)
_ وشنوة ها
القوانين هذي (قالتها مستهزئا)
_ جبد تلفونو
ووحكا قدامها كانت تسمع في محاميه شنوة يقول لمتاكدة منو مراد موش يكذب لكن كيفاه
باش تقبل بحل يعتبر موت بنسبا ليها موش حل مستحيل ترفض حتي لو كلفها لأمر حياتها
حتي لو تحرمت من راجل عشقتو كيفاه تقبل أسمها يتحط فيه أسم راجل غير عشقتها
_ شقلت يافا
_ مستحيل مراد
نقبل مستحيل نخون
_ متكبرهاش مجرد
وعد بيني وبينك واختار عقد زواج لتحبو انا مطلبتش منك زواج عطيتك حل تنجم لو تحب
نعملو عقد زواج فرنسي لمهم أنت تخرج منها لمنظمة وينظف سجلك
_ لا مراد منجمش
يعيشك سامحني غالي هو راجل لول في حياتي ولاخير مستحيل نوافق شنوة باش نقولو باش
يتصور لانا رفضتو علي خاطرك مستحيل نكسرول قلبو ونجرحو
_ وقف قدامها
تتصور هكا موش مكسور قلبكم زوز
_ يتكسر هكا
ولايتكسر وهو يعرف لانا وليت مرتك ومرت
راجل غيرو
_ مرتو (قالها مصدوم كان جاي باش يشوفها بعد مخرجت من
لحفلة وملقاهاش وصل دارهم ومشا لأوتال لساكنة فيه ...وقت لراها واقفة هيا ومراد
قدم يفغم من لغل وعلي زهرو يسمع اخر كلمة مرتك لجا لبالو لهيا وياه معرسين حس
بدنيا وقفت وأحساس خايب تمكنو نار شعلت في جاشوا يعني هيا مرتو يعني عرست بيه ...)
قدم كيف ثور لهايج جبدها من يدها بقوة ...وبدي يصيح للي بعض ناس كانوا ساهرين في
كافي لاوتال توجهولو
_ عرست بيه اه
وأنا نقول راجل معرض حياتو لمموت علي خاطرها ومنظفلها دوسيها وماشي وجاي عليها
بلاش
_ غالي يعيشك
أفهمني موش كيف مامتصور
_ سكر فمك جا
باش يضربها بكف يد مراد شدتو وجبدو بقوة يدك تتقص لو تتمد عليها ...رجعلو غالي
براس جابو مفروش وهبط فوق يضرب فيه لكافي لكلو تعبي برجال مسلحين ولكلهم جبدوا
غالي من فوق مراد وتحامو فيه
_ يافا قدمتلهوم
تصيح تشوف فيهم يتضاربو صوت مراد لامر رجالو يبعدو ..غالي بقا شادد واحد من رجالو
يضرب فيه برغم سلاحات مزالت لكل موجها ليه خشمو فيه دم لخلا يافا تتفجع وتقدملو
مرعوبة غالي يعيشك خشمك فيه دم
_ سكر فمك دم
مزلت مريتوش أنت وطحان متاعك جايب معاه جيش ضرب بركبة علي وجه راجل لضربو في خشمو
خلاه راعف ورماه قريب لمراد هز صبعو يهدد فيه
_ من ليوم حسابك
معايا انا وأحفظو أسم غالي لأندلسي وأنت يافا وراسك منمرمدك كيف منحب ومبروك عليك
لعرس وخرج وخلاها تنادي عليه يد مراد تمدت عليها رماتها بقوة نحي يدك بسبك غالي
متصورني مرتك ورجالك يدهم لمسخة تتمد علي غالي
_ يافا منعرفش
بامرهم راجل صدقني اكيد بابا باعثهم يراقبو فيا أمشوا من هوني صاح بقوة لكلهم مشاو
يزربو
_ _ يافا
_ موش وقتك
متحكيش توا ومشات تزرب لبيتها ليلة كاملة لرقدت لاتهدت ...يعني غالي معندوش ثيقة
فيها وفي حبها كيفاه يتصور الي ممكن تقبل تعرس براجل غيرو قداه كرهت معاملتو ليها
فدت وتيقرت لدرجة جنت ..مطلع صباح مشات تزرب لاول بلدية خذات مضمونها ومشاتلو
لقزارنا ...متحزمة فاض لكاس ماينا تعبت هيا زادة دخلت لبيروه من غير مدقت بعد
معرفت لهو غادي
_ كان متيقر
وفادد جا يخدم بصيف كاره دنيا لبارح ليلة كاملة وهو فايق يخمم في خيانة مرا عرست
وماقتلوش فد دغفتو صحة ليها ...مخو لكل معاها موش في لخدمة ولباب يتهد عليه
...يشوف فيها بلباسها لعادي موش بزي عسكري ..في يدها زوز وراق قام باش يعارك
ويحاسبها كيفاه تدخل لبيروه من غير مدق ...وتحطت لورقة قدامو
_ شنوة هذي
_ جبد لمضمون
لقاها مزالت عزباء خزرلها مستغرب ولسمعتو لبارح
_ (من غير لحكات
حطت ورقة أخري قدامو ) هذي ستقالتي من لحظة هذي اعتبرني عاصية مستحيل نخدم تحت
أمرتك وسريتك ولو رفضت توقيع باش نتجاوزك ونقدم فيك رابور لفوق وقعلي
_ تتهدد يافا
_ لسمعتو
_ وكان مصححتش
_ كان مصحتتش
باش تخدم في سريتك مع مرت عدوك
_ شنوة باش
تهبلني موش قتلي موش معرسة بيه
_ علي قريب
وتحرق كيف محرقتني لبارح (وخرجت وخلاتو يفغم من لغل)
حلقة 69
يافا
صباحي بك أجمل
وحبي لك أعظم
وقربي منك اكبر
فرحة
حلت عينيها صباح
تلقي روحها راقدة في حظنو تنفست بقوة بقات توتوت "موش نحلم أكيد "هزت
يدها عدتها علي لحيتو بقات تعدي في عينيها علي وجهو وصدرو عضت شفتها مهما يعمل
تعشقو وتفني في حبو ...تحرك غمضت عينيها وبقات تبلع في ريقها من لحشمة حست بنفس
متاعو قوي فوق وجها دخلت بعضها عينيها مسكرة أما ترمش تسمع فيه يقهقه
_ قوم يزي فايق
بيك راهو
_ حلت عينيها
جات لعين في لعين بلعت ريقها وخرجت كلمة صباح لخير بصيف
_ صباحك ورد
وياسمين
_ (دزتو باش
تقوم كبش فيها ) وين ماشيا عروستي صباحنا ليوم منعملو شئ
_ يزي شهاب سلت
روحها منو من لخوف
_ بقي شايخ ضحك
عليها يشوف فيها كيفاه تجري لبيت لبانو ومسكرة علي روحها تبسم ...تقول مزالت طفلة
صغيرة بقا حاير زعمة عمرها مجربت لحب ولا تباست تي حاسسها لو يبوسها ماتموتلو أصل
وكأي رجل شرقي حس بعريزتو تأجتت وقت لتخيلها لم تجرب لحب ولا مرة لم تخضع لشعائر
لعشق ولم يقتحم تلك شفاه أي رجل حس بالفخر قام من لفرش ...يمشي يترما من نشوة
النصر أن يكون أول رجل في حياة أنثي يدق في لباب بشوية
_ حل شهد
_ مسحت وجها
ولمت شعرها وخرجت سكر عليها باب بيدو وهز حاجبو خلص
_ شنخلص
_ ملادخول لحمام
كيف خروجو شهودة
_ أرتبكت ودخلت
بعضها حستو يلعبلها علي عصابها بكل برود طبعا هو أستاذ في هته الامور جات دز فيه
باش تتعدي شدلها يدها ولصقها علي لحيط
_ شنوة مرتي
لغالية معقول تو وين تقوم دزني يجي منو
_ يزي شهاب
عرفتك تتمقصد عليا
_ علاش نتمقص
عليك قتلك أعطي بوسة حق دخول ولخروج منستحقش انا داعش أنا
_ تبسمت داعش
أهون منك أنت
_ أبون
_ أوي علي أقل
هوما يقتلو يخرجو دم اما أنت تفور دم وتقتل لعبد بدم لبارد للي يموت بالقهر
_ هههه مزلت
مريت شئ وباسها علي خدها بوسة طولها بلعاني ودخل شايخ ضحك بعد مخلا وجها احمر كيف
كعبة طماطم لبست حوايجها وخرجت تزرب للبيت قمر ..تمشي وتتلفت لا ترا خالها ولا
مرتو توحل حلت لباب علي قمر من غير مدقت لقاتها تمكيج
_ شنوة شهد من
وقتاه تهد هككا
_ من وقت لتعملت
سرقة قمر مشات تزر لدريسنغ متاعها تلوج وتعاود
_ (قمر بقات
شادة ضحكتها بصيف ) شبيك صباح شمضيعة
_ وينو دبشي
لبعثتو معاك
_ رميتو لكل
_ شنوة رميتو
نرقد بسروال دجين أنا
_ علاش هاني
درسينغ متاعك معبي بحوايج نوم
_ أمان وين ترا
فيهم لحوايج يرحم بوك مدلي دبش
_ عطيتو لله
صدقني يابنتي موش لزم عليك ترقد بدبش أصل شهاب باش يقوم بالواجب علاش تعب فيه في
نزعان
_ أمان قمر
_ أمان قمر
(بقات تعكي عليها)
_ ياربي صار
وأنا نقول شهاب منين جايب لمساطة منك صار
_ توأمي ياروحي
نسيت
_ أفف ربي يهديك
(رجعت تفركت هزت بيجاما من عندها مستورين )
_ أي يامعلم
شتعمل
_ باش نهز حوايج
نلبسهم كيف نجي باش نرقد
_ شنوة ترقد
بهذوم بحذا خويا
_ اموري عاد
_ قلي شقولك في
لعرس طمني خويا رافع راسي ولا
_ وطاه
_ سملة تحكي
بجدك
_ هههه قتلو قوم
_ أحلفي
_ وراسك
_ يطلع منو أبكك
أبك منين ليك شهودة
_ تلميذتك
(وضربت كفها بكفها)
_ أسس لا يسمعني
يزيد يقول تحرض عليا
_ متخافش يدوش
_ أمم عملت كيف
مقتلك
_ مريقل مخليتوش
يلمسني
_ صحيت معلمة
_ ومن بعد
_ شنوة لمن بعد
_ شنعمل
_ (جبدت منها
لحوايج ) ريت لحجات لعطيتهملك لكل تلبسهم كثر من لعرا لعرا أنزل علي لعرا
_ كيفاه هذي
_ أحسب روحك في
أدغال أفريقيا طبتين (ضحكت )
_ تي يزي بلا
مساطة وقول
_ باهي أنا نعرف
شهاب شيحب لمرا لقوية لمتحررة لتكون ند ليه لتعارضو وديما لا لا لالا
_ أي حاجة لا
_ أي حاجة لا
_ راجل يحب لمرا
صعيبة يوالي يكون متشوقلها هو خذاك مايحبكش ولكلنا نعرفو وبذكائك تخليه تحبو كون
معاه وفرد وقت موش معاه
_ كيف هذي يرحم
بوك أحكي علي قد مخي أنتم عايلة الأندلسي باش تهبلوني
_ محسوب مكش
منهم عايلتنا سكري فمك وحلي مخك وأفهمي مليح شتعمل
_ ساعة وهيا
تقري فيها وتواعي فيها مخرجت الأ مقراتها درسها ...
رجعت لبيتها
ملقاتوش ...مشات تزرب جبدت روب في لون شنبانيا ...هزت شعرها لفوق وخلات خصايل من
قدام ...عملت مكياج ورشة وبرفيم وجبدت تالونها تلبس فيه قعدت علي حافة لفرش هزت
روبتها لفوق فخضها وبدات تلبس تسمع في
صوتو قرب وباش يحل لباب هبطت روبتها صوت توصيات قمر جا لبالها "عري قد متقدر
خلي يشوف بعينو ويموت بقلبو "عاودت هزت روب وبدات تلبس
أول مدخل لبييت وشاف ساقيها لبيض يعشقو أصل
عينيه طلعت وبلع ريقو وبقي يتنفس بقوة
_ وين كنت شهد
حب يحكي من غير مايخزرلها
_ هوني بحذا قمر
باهي خلينا
نهبطو نفطرو دار يستنو فينا امي قاتلي نطلعلكم لفطور لفوق قتلها لا
_ لا
_ شنوة لي لا
_ منحبش نفطر
_ علاه مكش
جيعانة
_ لا
_ شنوة لا لا
قوم دار يستنو فينا علي أقل أشرب كاس عصير برك
_ لا (قامت
وخزرت روحها في لمراية )
_ علي راحتك ها
تنقلهم قالت لا
_ خرج وخلاها
بقات تمشي وتجي في لبيت ميتة بجوع وهيا بقات تقول لا شوية وصللها مساج من عند قمر
_أهبط لا نطلع
نقعطعلك شعرك موش لا علي كل شئ في لماكلة قول نعم اهبط
_ بقات تتبسم
علي ساذجتها هبطت لقاتهم ملمومين ...عينين شهاب مركزة مع كل تفصيل تعملو سلمت علي
خالها لقام فرحان يحمل ويبوس
_ مبروك بنتي
نورت دار خالك
_ يعيشك خالو
يخليك ليا
_ ويخليك ليا
بنتي (قامتلها يافا باستها وفرحانة بيها )
_ جبدت كرسي
قعدت بحذا شهاب حطتلها لبون صحن قدامها هبطت بيدها وساقيها تاكل
_ خلق ليفترس
موش كنت تقول لا
_ سمعتو قمر
تبسمت تبسيمة صفراء علي غباءها يعني لهادرجة طيبة ..لزم تقراها وتفهمها ولا شهاب
مايكلها شيش وريش تعرفو معنتز نرجسي في طباعو قعدو ياكلو وكل مرة قمر تجبد حاجة
تضحكهم بقاو يفدلكو ويضكو للي يافا مدت زوز تيكيات لشهاب
_ شنوة هذوم امي
_ هذوم زوز
تذاكر لتركيا عدو أيامات تفرهدو وفرد وقت تعرفو بعضكم أكثر
_ امي موش وقتو
توا انتي يعيشك علي لكادو أما عندي خدمة توا منجمش
_ خوذ كونجي
لعرس عادي
_ امي موش وقتو
توا ..(قام من كرسيه )
_ وين علي خير
_ خارج امي عندي
منعمل توا لعشية نجي أيا نخليكم
_ بقات شهد في
بلاصتها ترقل من تصرفو صباح عرسو أش مخرجو شنوة باش يقولو ناس حست بأهانة كبيرة
حست روحها عمال وتغلط غرقت بعد موافقت وصعيب تنقذ روحها بعد مفات لفوت .
.
حلقة 70
يافا
قمر هزت روحها
وخرجت بعد محكات مع شهد شوية وهداتها ..برغم لبسمة ديما علي فمها أما لقلب مهموم
ويعلم بيه كان لعالي عرضها عمها زكرياء قدام باب دار
عسلامة عمي لباس
(قدمت سلمت عليه )
_ أهلا بالغالية
شحالك قمرتي لباس
_ لباس عمو
_ أياد هوني
_ أيه هوني
لداخل في صالون
_ وأنت شعاملة
_ عايشة عمي
(تنهدت )
_ الله لا ينهدك
..تعرف قلبي مقسوم عليك وعلي بدر
_ وينو بدر
(قالتها وهيا حاشمة)
_ هانو حالو
يبكي لحجر من أيام في دارو ليخرج لا يدخل
_ (عينيها ترغرغت
بدموع .) وطاطا وين عمي
_ شوف قمر أش
يهمك فيها طاطك لو حاجتك بدر متسلمش فيه ولدي عينو بيك وشاريك متخليشو نخليك توا
فكر مليح (ودخل لدار تنهيدو يتسمع علي بعد أمتار )خرجت بدمعة محصورة وين تتفكر
وجيعتها نارها تشعل قلبها مشوي تكوات من فراق هيا ختارتو ركبت كرهبتها ..وبقات
تسوق لدارو متعرفش علا ش اما كان لزم تشوفو وقيت يحكو وقيت يفركو رمانة هبطت ببدن
رزين يتحرك بصيف شنوة باش تقول وشنوة باش تحكي دق في لباب بقلب مكسور وقت لتحل
لباب ورات حالتو حلت فمها لحية هايجة ..شعر مفرفش مريول خلعة شورط حافي دار مظلمة
في عز نهار ...واللي أستغربتو حتي سلام مقالهاش حل لباب ودخل لحقتو لقاتو عاود قعد
قدام تلفزة دنيا لكلها دبابز شراب وباكوت ماكلة وراق مرمية وحوايج مطيشة
_ شنوة هذا بدر
_ شنوة تشوف أنت
_ مشات حلت
شبابك دار
_ سكر شباك نحب
نبقي في ظلام يعيشك قمر
_ كان لخفاش
يحبذ ظلام قوم حجم لحيتك وأغسل حالتك وأخرج عندي منحكي معاك
_ وانا معندي
منحكي معاك لكلام لبيني وبينك وفا
_ مزال فما كلام
وبيني وبينك موفا شئ
_ شنوة تلعب
عليا وليت (خزرلها بغل وين يتفكر كيفاه بعثتلو مساج أمشي شوف حياتك يجن )
_بدر نعرفك قوي
_ وليعرف نساء
يبقي قوي تي تهدو لواحد
_ (تبسمت ومن
بعد نفخت وقت لتفكرت وضعيتهم) باهي بدر قوم (جبدتو من يدو بقوة محبش يتحرك عاودت
جبدتو جبدها ليه جات طايحا عندو )
_ شنوة قمر هكا
حدك
_ ربي يهيدك بدر
قوم ويزي عاد خلينا نحكو (جبدت روحها منو )
_ قام لبس
شلاكتو ودخل لدوش عمل دوش خفافي حجم لحيتو ..سوا شعرو لبس حوايجو خرج لقا بيت صالة
منظمة شبابك محلولين وريحة لقهوة تفحفح في لكوزين
_ أمم شنوة
اريحة لبنينة
_ عجبتك (خزرتلو
لقاتو رجع بدر متع قبل وجهو نور وظهر) صحة
_ يعيشك
_ صبت قهوة في
فناجن ومدتلو كاس جبدت كرسي وقعدت مقابلتو
_ بدر مكنتش باش
نجي لولا كلمة عم زكرياء
_ صار فما شكون
بعثك
_ مبعثني حد
أصلا كنت نخمم نجيك وهاو سهل ليوم
_ وشنوة جايا
تقولي ليوم برا عرس
_ لطف عليك
(قالتها بوجيعة )
_ مفهمتكش أنت
والله باش تهبلني
_ شنوة مفهمتنيش
بدر خايفة عليك تتخيل قرارتي جات من فراغ
_ قرارت تافهة
جات من جبنك وضعفك تخليت عليا من أول لحظة
_ يزي مايجيش
تقول هكا
_ نقول اكثر
منهكا صدمتني فيك لحقيقة ويظهرلي هكا خير عرفت لمرا لنحب نبني معاها حياتي باش
تكمل معايا ولا ترميني بجرد عقبة جات قدامها
_ صحيت والله
مقصرت زيد لجبتو ساقيه لعصا ليه وخرجت متنرفزة لتوب جات تحل في لباب صوتو وقفها
_ أهرب زيد اهرب
حتي حوار وحقيقة هاربة منها
_ حلت لباب
هاربة منو موش حابا تغلط معاه اول محلت لباب ريحة برفان بنينة دوختها وكملت من فوق
قنبلة موقوتة وقفا قدامها جيب ميني هضاب ومنحنيات عينين قمر تحلت خزرت لبدر لقدم
يسئل فيها
_ تفضل
_ أنا جارتك
جديدة تفكرتني سي بدر بربي تنجم تعاوني
نحب كولاب كان عندك
_ كولاب (قالتها
قمر بأستهزاء)
_ أيه (تحكي
وتخزر لبدر )
_ سامحني
مدومزال معنديش لحقيقة منقعدش فيها دار برشا علي هكا معنديش لوازم هذي
_ امم فهمتك موش
مشكل تشاو
_ أنا لتشاو
(قالتها قمر بينها وبين روحها )
_ شبيك تخزرلي
هكا
_ شنوة بدر علي
هذا مخذ كونجي وراكش هوني
_ شتقصد مفهمتكش
_ شنوة تتمقصد
عليا لمد دبشك وروح توا لدراكم ودار هذي تتباع ليوم قبل غدوة
_ هههه علاه هذا لكل 
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء