قرارت داخلية
_ ههههه قمر موش كنت باش تروح
_ معادش فما مرواح لعب ولا بعشانا
_ غايرة قمر (بقا مستغرب عمرها مغارت )
_ وعلاش منغارش مكش حبي
_ عاود شقلت
_ مقلت شئ أيا خلينا نروحو
_ وين مروحين يابنتي باقي هوني لهواء طراوة هوني شم نسمة
_ شقولك تشمها نسمة في لكلينيك
_ هههه جبدها من يدها وقربها ليه شوف قمر ريتها نساء
لعالم لكل ميملوش عيني وعمري منخزر لأنثي غيرك
_ ظاهر تي عينيك طلعت وخرجت
_ وراسك تي عندي كلاب ومعطيتهاش
_ وعلاش
_ باش معادش تعاود تجي مرة اخري تي لمرا ظاهرة تتمقصد
أمس جات وكل يوم تجي تطلب طلب عجيب
_ صار موش اول يوم تجي
_ جات مرتين
_ امم فهمتك (نارها شعلت)باهي تحب تقعد أبقي وربي معاك
توا بالحق وريتو وجهي مزلت تراه (جات باش تكلمها سكرلها فمها بوسة قتلها بيها
خلاها تفغم بعد عليها شايخ مستكوزي في مخو ) كمل مزالت نراه شنعمل
_ بوسني كل وين تراني
_ هههه مهبولتي
_ بليد نقصد أفف منك نسيتني أش باش نقول
_ (تنهد بقوة وقربلها عديت نهارات هذوم بطلوع روح حسيت
روحي في جهنم لحمراء حرام لعملتو فيا ياقمر
_ ملزومة وراسك خوف عليك
_ نحبك يعيشك خليك معايا لو باش ترجع من ليوم تقف معايا
حتي لو صارت ألف حكاية في حكاية
_ علاش شمزال باش يصير
_ منعرشف قلبي مقبوض موش فاهم شبيني
_ لطف عليك بدر معاك ونحاول نقنعو طاطا
_ جبدها حظنها بقوة للي عصرها ...توحشتك توحشت ريحتك
ولمستك
_ حتي أنا توحشتك وبرشاااا
_ قمرتي
_ أممم
_ تحبني
_ بدر
_ روحو لبدر
_ نحبك (وقربت باستو علي خدو )
_ أحلي كلمة نعطي عمري عليها
_ متعطيش عمرك هات لمفتاح
_ علاش
_ ريتها دار هذي مزلت نراك دور هوني ساقيك تتقص
_ هههه بوها شنوة ساقيك تتقص منين ليك
_ أظاكهو فما قنابل نواوية هوني
_ تي أنت احلي قنبلة تي هروشيما علي حالك تفرقعت في قلبي
وأحتليتو
_ زعمة
_ وراس نعمة
_ هههه بو حبك ربي يخليك ليا خلينا نخرجو ليوم نعدوه مع
بعضنا
_ مشات معاك (خرج ليد في ليد معاه لبسمة مرسومة علي
فامهم زوز عشاق قلوبهم مكسورة زعمة باش تلتحم لقلوب ولا كيف مقال بدر قلبي مقبوض )
حلقة71
يافا
كسرت قلبي يامن سكنت بين ضلوع
قُل لقلبي بأنك لست له
وأقنع عقلي بأن غيابك أمرٌ لابد منه
أصرخ بوجهي لكي أصحوا من خُرافة ذنب قلبي معك !
وأقنع عقلي بأن غيابك أمرٌ لابد منه
أصرخ بوجهي لكي أصحوا من خُرافة ذنب قلبي معك !
تشهق بصوت تخنقت وجيعة كبيرة في صدرها وصلت لتوب معاه في كل مرة تكون ردة
فعلو جارحة عدم ثيقة هو لوصلهم للها لحالة معادش تنجم تعبت تهدت حبو خنقها كبلها
خلاها تحس روحها تائهة بدون كرامة
عمرها مفكرت في روحها ديما تفكر فيه حبها ليه كان اكثر من ذاتها لزم تتخلص
من عقدة لحب لفي داخلها لزم تنحيه تحش عروق ها لحب لملعون لمعبي وجيعة وقهر موش
كتبلهم يعيشو موش كاتبلهم يتهنو لزم تنساه وتخلي يبعدها ...قامت تترهوج من دموع وجعها موجع حد ثمول... اختمر الألم في داخلها أصبح مثل نبيذ معتق فاض من أول قطرة ماء تصبت عليه ...وهذي اخر قطرة وجع فاضت كاسها قررت ولزم تنفذ من ليوم تنفذ لتحب عليه قامت
لمدت حوايجها لكل في لفاليز مسحت دموعها وجات خارجة اول حلت باب لبيت لقاتو قدامها
لفاليز طاحت من يدها من صدمة
_ شتعمل هوني أنتي
ملي خرجت لحق عليها موش عارف علاه وقت لشافها دخلت لاوتال بقي أكثر من ساعة
في لكرهبة بقي يكلمي في روحو ويبرد في عصابو بقي يحلل ويناقش في لخبطة لصارت بينو
وبينها لواه ها جدار لمبني بينتهم علاش علي قد حبهم علي قد مشاكلهم ألف سؤال ملقاش ليه جواب هيا لوحيدة لتجاوبو ليوم
لزم يحكي ولزم يفهم منها سر رفض ولخبطة ولخطئ لصار لبارح هبط سئل علي بيتها طلعلها
كل وين يجي باش يدق يدو حاجة تمنعها ...واخيرا لباب تحل من غير مدق وقت لرا وجها وحالتها عينيها لباكين لمنفخين
بدموع لفاليز في يدها قلبو دق بقوة
_ يافا شنوة هذا وين ماشيا
_ شدخلك انت فاش قام لحقني هوني
_ (دخل وسكر لباب )علاش تبكي علاش
جوبني
_ نبكي علي سعدي وعلي همي شنوة عجبك في حياتي (رمات لفاليز بقوة وبدات تحكي بقوة)
_ انت لعملتو بيدك
_ نستاهل يعني لصايرلي
_ مقلتش هكا
_ قلت قداكش أناني قلبك قاسي ياربي شكونك أنت
_ يزي يافا باش ترجع قساوة لقلب فيا توا لوجيت قاسي متلقانيش هوني عفست علي
كرامتي وجيتك
_ محسوب راك كيف عادتك جاي باش تعفس عليا كيف عادتك (شدتها لخنقة )
_ أففف يافا يزي يعيشك جيتك باش نفركوها رمانة باش نحطو نقاط علي لحروف
_ معادش عندي منحكي لبيني وبينك وفا من لبارح موش من ليوم
_ لبيني وبينك عمرو مايوفا يافا أنا وياك مثل لموت ولحياة مرتبطين ببعضنا
للممات
_ أكيد تعتبرني مجرد شقاء حياة عابرة
_ بالعكس أنت الموت لجميل لبيه تبدي حياتي أنت لجنة لربي رزقني بيها في دنيتي
أنت لأخرة ولجحيم أنت لعذاب ليحلي فيقلبي رغم كل مافيه من وجع وقسوة يكفي أنك فيا
ساكنة هوني (حط يدو علي قلبو) وهوني (ضرب صبعو علي راسو)أنت مرفين
لحياة بنسباليا ...أسطورة لحياة ...ترياق سعادة ..لغالي نعرف اللي صاير
لكل فما وراه أنا نعرف ومتأكد أنك تحبني كيف منحبك
_ ملا علاه تتصرف( هكا قالتها
بوجيعة )
_(قربلها موجوع ) علي خاطرك نحبك يافا
علي خاطر مهدود من غيرك وأنت بعدتني صديتني رميتني كل مرة نعدي لكن وصلت لتوب
برفضك تعرس بيا وقت لطلبت يدك كنت نتوقع باش طير بالفرحة مراعني الأ انك ترفضني
كأنك جبت سيف وحشيتو بين ضلوعي ذبحتني بسكين حافي يافا
_ وعلاش زعمة مسئلتش روحك
_ منسئلش
_ خاطرك أناني (بعدت عليه) خاطرك متكبر تحب روحك عمرك متخمم فيا زعمة شبيني وكملت ختمتها لبارح
_ ختمتها بربي يعني لصار لبارح انا مذنب فيه
_ لا خطيك أنا لغالطة أنا لشكيت وضربت وصحت وهددت
_وشوية بعد لسمعتو
يعني تتصور لممكن نكون خذيت راجل غيرك لهادرجة متوثقش فيا لهادرجة مستهين
بحبي ليك
_ يافا
_ أسس يزي أسمي معادش تقول ووتوا نحققلك شكك ونعرس ونخذو مراد
_ يافا (صاح بقوة ) حتي بالفدلكة متقولهاش
_ نقولها نقولها مدام راجل لحبيتو يشكك في حبي ومستنقصو
_ يافا متهبلنيش ياخي واعية فاش تقول من أيام رفضت تعرس بيا راك
_ نرفض وحمدلله رفضت باش نعرف حقيقتك متستهلش حبي ليك
_ يعني مصرة علي قرار رفض
_
مصرة غالي راجل لميتحرمنيش ميلزمنيش في حياتي
_مريقل يافا
فهمت كل شئ توا وأمسح دموعك ويزي بلا تمثيل ...وربي يهنيك بأي قرار باش تعمل وجا خارج حبستو
_ متنساش عاد باش
تجي لعرسي غالي
_ كان باش يخرج
قبل مايفسدلها خليقتها بعد كلمتها رمات قنبلة في قلبو رجعلها يغلي ...شدها من دقنونتها بقوة وكبس علي زندتها نجي لعرسك يافا أه وبشكون بربي قول
_ بب (جات باش تتكلم سكرلها فمها بيدو) تتهرس موش تعرس ريتها جلغتك تسكرها ...باش تعرس تي ندفنك نقتلك ولا يخذك غيري نهدها تونس عليك تعرف شمعناها
اعملها يافا وراسك منقوم لحرب عليك
_ (دزتو بقوة )نعملها غالي شماتة فيك وتعرفني كيف نقرر كيف محرقتلي قلبي نحرقلك قلبك
_ علاش قلبي موش
محروق ترا فيه قول (ضرب فاز كانت فوق
طاولة)
طحنتني وخليتني مضحكة تعمل لتحب وقت متحب موش حسبتني تي
حلال نذبحك حلال نفجرك تي تحل في فمك من فوق كار ك راك حاشمة بعد لعملتو لكل
_ غالي (كانت باش تعارك وقت لشافت بعض قطرات دم في يدو قلبها وجعها قربتلو موجوعة ) يدك فيها دم
_ خليها يدي
ياريت نفرغ من دم ونموت ونرتاح من ها لعذاب
_ لطف عليك ان
شاء الله يومي قبل يومك
_ باش تهبلني
يابنت ناس لانحبك لانصبر عليك هذي
_ (قربتلو شدتلو
يدو لتجرحت )لتوا تشكك في حبي ليك
_ يارب باش
تهبلني باش نجن لباس قلي يافا قلي راني معادش فاهمك راني بالحق تعبت تعبت تهديت
يامرا فهمني
_ نفهمك غالي غير
أقعد نداولك يدك ونحكو يعيشك
_ باش تحكي كل شئ
_ نحكي غالي نحكي
(شدتها لخنقة )
حلقة72
يافا
***
تمسحلو في دم من يدو وتمسح في دموعها تشهق من لصايرلها
متوجعة ولصاير لكل من تحت يدها ....كان يشوفلها غاضتو قد دنيا حاسس بيها حاجة
ومخبية يافا كيف لمرايا كل شئ ظاهر قدامها
يافا قلي شنوة مخبية عليا قلي شنوة سر هادموع كويتني
بيهم
_ سكرتلو "لبوندقاز" وجات قايمة شدها من يدها
وجبدها قعدها فوق حجرو ...
_ أحكي يافا أحكي
_ معندي منحكي غالي لنحب نقلك حاجة وحدة نحبك مهما يصير
ومهما تسمع ونعرف اللي انت تحبني وهذا لكويني سامحني غالي عذبتك وتعبتك والله غصبا
عني نعرف اللي نتمنو انا واياك نكون مع بعضنا من غير ها لمشاكل أما موش كاتبلنا
ظاهر ..شوف حياتك غالي تستحق مرا تفرحك وتهنيك و(منجمتش تكملها طرشقت بالبكاء
بمجرد حتي تخيل انو ممكن مرا غيرها تكون معاه )
_( هز يدو حطها علي خدها قربها ليه )وأنا حاشتي بيك أنت
حابب عليك أنتي بهمك بمشاكلك بدنيتك لكل نحبك أنت تكون لمرا لختارها قلبي نحبك
تكون مرتي
_ منجمش نكتب عليك ممنوع عليا يضروك
_ وشكون لينجم يضرني علي هكا خايفة
_ غالي أمانك
_ احكي يافا
_ معندي منحكي لو تحبني متسئلنيش طريقك وطريقي واعر ما
يتلوموش
_ وأنا نحب طريق لواعر ومعاك انت نمشي لموت موش باش نضغط
عليك ..أما من ليوم بلاصتك هوني بجنبي يافا معادش تفارقني
_ غالي
_ مشكتلك صداق حبنا أقوي ميثاق نحبك وحدك تجي تحكيلي
وتجي تطلب صداق وأما وعدني مهما يصير متفرقنيش
_ غالي و
_ (قص عليها) نحبك يافا فهمك مستحيل نقربك مستحيل نلمسك
لو
_ وأنا نحب
_ يافا(قالها متوجع)
_ غالي نحب نكون مرتك نحب نكون ليك
_ فهمني كيفاه هذي
_ شرعا نجمو نعيش في لحلال حتي وين نحل مشاكلي
_ من واجبي نحلها معاك مشاكلك قلي احكلي يافا
_ لا غالي لا وعدتني توا متسئلنيش
_ فهمتك (سكت موش حابب يصر عليها برغم متأكد من شنوة
مخوفها لزم تكون معاه من ليوم ولات تحت حمايتو ليوم فهم تاقزا وعرف شنوة لمخوفها
....
_ غالي
_ روحو لغالي
_ نحب نكون معاك تو (حطت يدها علي قلبو وقربت باستو بجنب
شفايفو)
_ لا يافا لا مستحيل موش وقتو توا بلكل
_ شتقصد
_ أنت فاهمة شنقصد
_ (قامت من عندو تصيح) عندك لحق فاهمة شتقصد منملاش لعين
موش هكا وعد أزين مني خير مني ..ولا قول راهي مكفيتك
_هبلت أنتي مكش عادية يعني مخك هكا شقالك
_ مستحيل تعديها عليا مانيش غبية ويزي مستغبيتني ..وبرا
ربي يونسك بيها وعد متاعك (مشات تهز في فاليزها لحق عليها جبدها من يدها بقوة )
_ يافا متكفرنيش شبيه سماك مسطكة فاهمة رفضي كره خايف
عليك
_ متخافش عليا خاف علي روحك أنت أبعدني خليني نخرج تعبت
أنا معادش نجم نعيش
_ أنا لنجم نعيش
_ من ليوم باش تنجم تعيش وخوذها وعد وأنا نخذ مراد وقتها
نوالو عيلة وحدا وهككا تهني
_ (شدها من فمها بقوة ولصقها علي لحيط ..) ألف مرة قتلك
تهديد هذا مايمشيش معايا ومايكلش معايا تحب نطبعك تدلل
_ سيبني غالي محسوب قاتلة روحي عليك ميات غيرك يتمنو حتي
نظرة من عيني وأنت ترفضني
_ ريتها عينك نطمزها لو تخزر لغيري (نحا يدو من يدها و
بدا يحللها في شوميزها وهو يحكي ) ريتها
لحكاية هذي تمنيتها تصير في لحلال حبيت نملكك وأنت مرتي تتخيل منحبكش تي يعلم بيا
لخالق ألف مرة نشد روحي بصيف عليك وأنت تشكك في حبي ليك
_ خاطر لغتك وكلامك وياسر عنيف
_ مزلت مريتش لعنف (هزها بين يديه وحطها فوق لفرش جبدلها
سرولها وهبط فوقها ) يافا يعلم ربي قداه نحبك ولباش يصير توا حب موش مجرد شهوة
نحبها تصير لباش يصير توا حلم تمنيتو طول عمري
_ هزت يدها حطتها فوق قلبو وأنا نحب نشوف حبك غالي نحب
نكون معاك ونتحد معاك
_ اليوم أجلس أمامك وأقدم لك أغلي الأشياء
وأقبل يديك وأرتشف الحب من شفتيك بلا أستحياء
هاهو قلبي بين يديك
هدية لأغلي وأحلي حبيب
هدية لسيد رجال
لا بل ملك علي عرش رجال
لحظات أتحاد روح بروح و ألتحام الأجسام وأرتواء العشق
لحظة لحب العذري الذي أنبي لسنون أنبني من مراحل طفولة ومراهقة وكهولة حب كان يتغذي
نظرات ولكثير من كلمات لغزل وعشق لكن ليوم أكتمال نمو عشق طفولي ترعرع بين قلب أسد
ولبوة أثنان عاشقان حبها نار حبهما هتلري نازي قوي لدرجة تحطيم القلوب لكن ليوم
فقط بداية هذه لملحمة ونضج هيام في داخل قلبين متكبرين .
كانت تنهجو تحتو أهاتها علات قمة لألم لذيذ قمة لذة
وسطوة رجولة اللي خطت فوق أحصانها أحلي النوتات وصلو لذروة نشوة زوز مكبشين في
بعضهم زوز لا تسمع من شفاهمم الإ كلمات لعشق المتؤجج بعد أتحاد الأرواح طاح فوقها
من قوة لحب
_ يحكي وينهج بصوت مهجرش مليئ رغبة
_ يافتي حبيتي
_ غالي ياعمري نحبك (تحكي وتحظن فيه)
_ (هز عينيه لكانت معبية رغبة خزر لقة جديدة في عينيها
باسها بين عينيها بوسة طول فيها ...وعدا
شفايفو باسها علي جبينها تكلم فوقهم )تاج راسي أنت ليوم أعطتني
أحلي هدية نحبك ليوم نصبتني ملك علي مملكتك وأٌقتحمت قلاعك لمسيجة قمة نصر اني
نكون أول مخترق لعفتك روحي أنت
_ غالي وأنت زادة نعرف ومتأكدة لعمرك ممسيت غيري موش هكا
_ كيفاه نجم نلمس غيرك من يوم لخلقت حبك معشعش في قلبي
لدرجة منشوفش حتي مرا راك روح يافا بو حبك مبنك نحبك نحبك
_ ساعات عدوها وهوما مكبشين في بعضهم لحظات صفاء الأذهان
وكأنهم ليوم أكتشفوا بعضهم وليوم فقط حكوا وتناقشو بكل ليونة بدون جدال وبدون
قوتهم لمعهودة ليوم كان لعشق هو سيد لموقف ومحرك لكل الأحداث
حلقة 73
يافا
يغتالني اللؤم في عينيك
كم أود أن أكون نظرة في رحاب
هذا البؤبؤ أو رمشا لعينا
تمشي وتجي في بيتها تحرق في اعصابها ..من أول يوم عرس
يخرج ولتوا لجا فدت وتقهرت لعملو مستحيل تسامح عليه ..بدلت دبشها وهيا تنفخ حياتها
موش مربوطة بيه هو كيف ماهو عايش حياتو لزم تعيشها ..كيف ماهو مهتم بخدمتو هيا
زادة تهتم بخدمتها وقرايتها ..هزت ساكها وخرجت لقات يافا في جنينة
_ عسلامة طاطا باش نخرج
_ بنتي دار هذي دارك تدخل وقت متحب وتخرج وقت متحب مكش
مظطرة باش تشاورني باهي عزيزة
_ يعيشك طاطا يافا خرجت تمشي شوية ...للي حبست تاكسي
كلمة سمر باش تجيها لقهوة لبجنب لكلية ...ملي وصلت كلمت أمها طمنتها عليها وصتها
تبعثلها كتبها واوراقها لكل شافت سمر جايا قامت سلمت عليها
_ شتعمل هنا نهار صباحك
_ علاه وين ترا فيه صباح
_ شنوة شهد متقوليش
_ من غير منقلك أفهم وحدك
_ ربي يهديك قتلك ملول ماتخذوش ميستحقكش واحد متعجرف
_ يزي سمر مفماش علاش تسب فيه
_ بربي نستاهل عامل فيها هذا لكل ودافع عليه
_ لصاير توا عرفتو ولا نغطو عين شمس بالغربال راجل
ميحبنيش من غير مانبقي نكذب علي روحي
_ وعلاش ترمي في روحك ملا للهلاك
_ (تنهدت) لصار صارتوا
_ باش ترجع تقري
_ لا جمعة هذي صعيب
_ علاه تعرف شمزال علي الأمتحانات
_ نعرف علي هكا نديتك باش تجيبلي لكور لكل
_ باهي شهد أنا لزم نمشي نخدم لعشية
_ باهي سمر
_ تحب نوصلك
_ لا باش نبقي شوية أخرين هوني ومن بعد توا نروح
_ بقات تترشف في قهوتها ..وتخمم في مستقبلها ...يد تحطت
علي كتفها قومتها من شرودها
_ دكتور محمد (ستغربت)
_ صدقني وقت لريتك قلت نحلم مستحيل
_ علاه تحلم (أقعد )
_ (جبد كرسي وبقا يخزرلها موش مستوعب شتعمل مرا نهار
عرسها في قهوة وحدها)شتعمل موش لبارح عرسك
_ جيت لسمر لحظة وكنت باش نروح توا
_ فهمتك (محبش يكمل يسئل جواب واضح من غير مايبقي يحكي
برشا) صحتك لباس
_ لباس دكتور
_ قلي محمد علاش رسميات
_ ولو تلميذتك دكتور
_ وزميلتي ولا نسيت نخدمو فرد بلاصة
_ نعرف شحال لكيب لكل
_ لباس علاهم
_ لزم نمشي توا فرحت بشوفتك
_ خليك نعرف حبا تزيد تقعد لو تحب نحكو احكي
_ معندي منحكي محمد شوي تعب وبرا
_ تحب نخرجو نتمشو شوي
_ باهي (هزت صاكها وخرجو يتمشو..)
_علاه رميت روحك هكا شهد
_ مفهمتكش (كانت تمشي حبست تخزرلو)
_ نعرف اللي زواجكم تقليدي يعني أنت انسانة مثقفة علاش
تقبل بها لوضعية هذي نتصور لا مستواك ثقافي لا لعلمي يؤهلك باش تقبل ها لوضعية
_ مكتوب (تنهدت وكملت تمشي)
_ سارة امك خايفة عليك
_ علاش شكاتلك أمي
_ شهد معرفت سنين ونعرفك ونفهمك من نظرتك وانت توا في
قمة تعاستك متخليش الحجات سلبية تؤثر فيك كون قوية تعلم أنو مفماش حاجة في دنيا
تنغص حياتنا ديما أضحك لعمر كيف يتعدي منفيقوش بيه لحجات لخايبة ممكن تتنسي لكن
مخلفاتها كبيرة ...فرهد روحك ومتعملش كيفي بقيت حابس في نفس جلباب لحب من طرف واحد
_ يعني انت حبيت من طرف واحد
_ لأسف مرتي حبيتها من طرف واحد وصدقني تشعلش صوابعك شمع
عمروا طرف لخر مايهتم بالعكس يتفرعن ويزيد يتكبر ويتضرب في روحو ويعفس فيك وهذا
لكل مخلفاتو كبيرة عليك وعلي صغار
_ أنت ولدك ماشاء الله دكتور محمد
_ حتي لو تراه ذكي وناشط لكن في داخلو حزين ممكن فراقي
انا ومرتي حسنو وخلاه يتفرهد أكثر من قبل علي هكا هو توا مستقر
_ ونجمت تبري
_ بريت (تبسم )صدقني وقت لتحب روحك انت ودللها وتشيخ
وتتفرهد وقتها تعرف اللي ليستحقك شخص ملاك باش يحب روحك الطاهرة موش شخص نرجسي
مغرور عليك
_ علاش مقلتش لكلام هذا قبل لعرس
_ لزم تجرب باش تنجم تخرج بها الأستنتجات
_ بعد شنوة تجارب ممكن تخلينا نغصوصو في مشاكل أكبر
_ بالعكس تجربة هيا أداة الشفاء لروحك نعرفك قوية غير
لزم شوية صبر ولو في يوم حسيت روحك باش تطيح أنقذها روحك وقص تجربة لأنو وقتها
فشلها باش يكونلك عقد
_ مرسي علي كلامك فرهدني برشا
_ موجود في لخدمة كل يوم ..اه حقا أنا نترانا في سونتر
دوسبور أدخل ترانا بوكس يفرهدك ويقويلك شخصيتك ويخليك تشوف دنيا بنظرة مختلفة
_ زعمة أنا نترانا بوكس
_ جرب برشا بنات معانا وأي علاج لمشاكل نفسية هيا رياضة
وأي طبيب ينصحك باش تمارسها باش تفرهد علي نفسك وأنت طبيبة وتعرف
_ يعيشك دكتور بالحق مرسي اكيد نخمم نوالي نترانا ههه
_ بقا يمشو ويضحكو وقت لقررو يرجعو لكرهبة باش يوصلها
...جاو باش يشوقو لكياس وكرهبة حبست بقوة
شهد خافت شدت يد محمد وهيا ترقل تشوف في شهاب هابط من لكرهبة كملت صدمتها
صوتو لخارج كيف صوت رعد خلا قلبها يتهز ويتنفض من لفجعة
_ شتعمل هنا هبلت أنت وشيعمل معاك هذا
_ من فضلك ياسيد ماتصيحش ناس تسمع
_ شقولك نفرج عليك ناس نكلم في مرتي نكلم فيك أنت
_ شهاب من فضلك ناس تخزر من غير صياح
_ باهي يلا هاني نحكي بالهداوة شتعمل هنا
_ في دار نحكو (حطت صاكها علي كتفها )باش تروح بيا ولا
نروح كيف ماجيت
_ جبدها من يدها بقوة وقربها ليه )أطلع في لكرهبة في دار
نتفاهمو ..(قرب لمحمد يغلي ) أبعد علي مرتي بعد سماء علي لوطاء وردبالك مزلت نراك
معاها قسما عظما ندفنك في أرضك فهمت
_ رودبالك علي مرتك (وخزرلو بنظرة أزدراء ومشا وخلاه)
رجع شهاب لكرهبة يغلي كيف طنجرة ملي ركب في لكرهبة صاح عليها ) شتعمل لبرا نهار
صباحك قول
_ سؤال هذا تسئلو روحك متسئلوش ليا
_ بربي تتمقصد عليا جايا تتمشي مع طحان وتضحك معاه
وتشدلو في يدو اخرتها هذي
_ من فضلك منسمحلكش تشكك فيا دكتور محمد أستاذي لمباشر
ونزيد ك زيادة لونكادرور متاعي من فوق يعني باش تراني معاه برشا من هنا وهكا وزيد
زميلي يعني مفماش قصة بيني وبينو هذا اولا وثانيا لو جاي تحاسب فيا حاسب روحك قبل
وتوا روح بيا لدار ولا خليني نخذ تاكسي
_ نروح بيك لدار بربي وكيف خرجت منها دار مع شكون
_ من فضلك شهاب يزي عيب لتقول فيه يعني تتصور خارجة
نقابل فيه بذمة محمد
_ يعني صدفة ناقبلك معاه وصدفة أخر مرة يهدد فيا باش
نبعد عليك
_ (جا ت باش تخرج من لكرهبة شدها من يدها بقوة وجبدها
ليه) رودبالك نبدي نحكي تعملها وتهرب
_ يدي شهاب (دموعها نزلو من شدتو لقوية )
_ (جبد يدو محسش بروحو كيفاه وجعها بقي يشوف في دموعها
)يزي بلا بكاء باش توالي كي صغار علي أقل حاجة تبكي
_ تمسح في دموعها ... للي ولات تشهق
_ يزي عاد شهد قتلك مقصدتش
_ روح بيا شهاب
_ باهي هاني باش نروح بيك اما مزال عنا كلام في دار
_ وصلها لدار ملي حبس هبطت قبلو تمسح في عينيها من دموع
عرضتها قمر في دروج
_ شبيك شهد
_ مابيني شئ قمر تاعبة نحب نطلع (وطلعت تزرب)
_ شعملتلها شهاب
_ شنوة سي المحامي من لباب
_عيب عليك والله لمرا من اول يوم تخرج وتخليها ومن فوق
تبكيها
_ أسمع فوتني أنت توا خير
_ شتتعمل تراه شقولك نمشي لبابا نقولو شوف بنت أختك
شصاير فيها
_ شنوة قمر (حكا بقوة )
_ مكش نرمال والله مفهمتش شحبت فيك شهد ربي يهداها راهي
خذات راجل يحبها ويقدر طيبتها وبرائتها مخذا متعجرف متكبر
_ أفف منك تعدا وخليها تغلي )طلع لحق عليها حل لباب
لقاها قاعدة علي أطرف لفرش تمسح في دموعها ....قرب ينفخ
_ يعني أنا لنترفز وليت أنت
_ أسمع شهاب مفماش علاش تتنرفز خرجت وحدي وقلت لطاطا
يافا مشيت لسمر (جبدت تلفونها ) تفضل شوف مساجي قتلها تجيني للقهوة باش تجيبلي كور
جمعة هذي قعدنا شوية وروحت بصدفة جا محمد سلم عليا وبقينا نحكو شوية عادي يعني
مفماشئ بيني وبينو وثاني مرة منسمحلكش تشكك في شرفي وتربيتي
_ شككت في شرفك صلي علي نبي من غير منشك لو ريت حاجة هكا
ولاهكا نقتلك طول وتربية نعرفك مكش برانية عليا متربيا علي يدي تعتبر يعني تبقاش
تؤول نحكي علي ليجي ولمايجيش
_ وأنا نعرف حدودي بلقدا ونفهم لمطلوب مني خير من غيري
_ خير مني يعني
_ أكيد مدام سيادتك خارج نهار صباحك شيقولو عليك ناس
_ يقولو ليحبو ...وخرجت بقضية وياريت متبقاش تحكي برشا
_ هاني ساكتة
_ حضر روحك ليلة عيد ميلاد غالي علي هكا خرجت من صباح
باش نحضر كل شئ
_ بالحق
_ أيه بالحق يظهر فيكم لكل ناسين
_ وعلاش مقتليش
_ بابا في بالو وقتلو
_ ولباقي
_ أمي تنسي روحها ولاتنسي عيد ميلاد غالي
_ باهي (حشمت وهبطت راسها )
_ باش نخرج شوية ونجي
_ وين خارج
_ هوني في دار شهد باش نحكي مع دار
_ باهي شهاب
حلقة74
يافا
تلعب علي خصايل شعرو وكل مرة تطبع بوسة علي خدو قامت من
لفرش وقت لشافت تلفون يصوني مشات تزرب باش تجبدو لقاتو شهاب هزت عليه توتوت
_ وي شهاب
_ يافا وينك غالي بحذاك
_ أيه هوني شهاب علاه
_ يافا تعرف الي عيد ميلادو ليلة
_نعرف مع نص ليل يقفل 30 سنة
_ صحيت نحبك تجيب غالي لعنوان***
_ باهي شهاب
_ اكيد
_ تهني (علقت فرحانة اول مرة تحس شهاب مهتم بغالي قد هكا
خزرتلو فرحانة هديتها خذاها وموش نادمة ومستحيل تندم مشات لفاليز تزرب جبدتها
حلتها وخرجت صندوق صغير فيه خاتم صغير ...مشات جبدت ملحفة قصت منها بلاصة دم وحطتها
في صندوق وحطت فوقها لخاتم وكتبت ورقة مكتوب فيها
"كل عام وأنت حبيبي كل عام وأنت لحب كل عام وأنت
سيدي ولي...ملقيتش هدية تليق بيك اكثر من حاجة مني وهديتها ليك لخاتم متنساشو من
ليوم يتنحي من صبعك يتقص "وحطتها بجنب راسو ....وجبدت ورقة أخري كتبت فيها مع
تسعة متع ليل نحب نلقاك في لعنوان *** اكيد ولو تتأخر ثانية وحدة نتغشش منك "
ولبست حوايجها وخرجت
_ عشوية كاملة عداتها بين لبوتيكات ختارت اول حاجة كوستيم وصباط وصت يتبعث لبيتها
في أوتال ...ختارت روب في لبلون صال ستيل برنساس مشات لكوافير عملت مكياج خفيف
وخلت شعرها علي جنب ...وقت لخزرت روحها حست روحها عروس ...حبت تعمل حاجة علي غير
لعادة حاجة خاصة بيه هو
**
كان راقد في سابع نومة محمل مخدة صوت
لباب فيقو من سرحتو قام متروهوج يخزر لفرش ملقهاش بجنبو حل عينيه بقوة ونادي يافا
يافا مجوبتوش مشا يزرب لبس سروالو وتعدي حل لباب لقاه راجل شادد في يدو صيكان
_ تفضل
_ مسيو غالي الأندلسي
_ أيه أناهو
_ تفضل تبعثلك من طرف الأنسة يافا
_ هزو من عندو ودخل حلو لقاه كوستيم وصباط شوميز بقي
مستغرب موش مستوعب شفما ...هز عينيو يلوج علي تلفونو لمح صندوق صغير تعدي جبدو أول
محلو عينيه زغلت بدموع وقت لرا دم عذريتها هز لورقة وبقي يقرا ...
_ اخر كلمة حبيت نهديلك حاجة مني خلاتو يحس روحو ملك باس
لورقة وجبد لخاتم حطو في صبعو يعني ديما بعدتها من سنين كانت تهنيه قبل ناس لكل
تنهد زعمة امو تفكرت نهار ميلادو ...جبد لورقة ثانية شاخ ضحك حتي في كلامها فيه
تهديد ..بقي يتمتم غير منشدك يافا منلويلك عنكوشك ونوريلك تهديد علي قاعدة بوحبو
لقوي هو ...دخل دوش وحضر روحو لزم تسعة يكون في لعنوان ولا يتعاقب يعرفها مجنونة
تهد عليه هوني ...
حلقة 75
يافا
تضحك من عينيها وهيا تكبس في كرفات أياد
_ علا تضحك يافتي
_ خاطر ليوم بلحق حسيت الي شهاب ولا يتعمل عليه قداه عز
بيا كيف قالي قلت تاعبة مكش باش تحضر عيد ميلاد غالي كيف عادتك
_ لكلو تخطيطي
_ زعمة
_ لحق يقال هو متفكر وقت لقلتو هو لفكر نعملو حفلة في
بلاصة خاصة ونتفرهدو ونستدعو لعايلة
_ حتي هو غالي وليدي ها لفترة تاعب موش قد بعضو
_ ليلة يتفرهد أن شاءالله
_ صحة حبي (خزرتلو وهزت يدها حطها علي لحيتو ليكسوها
لبياض ) تعرف كل يوم تزيد تحلي
_ كان ترا انت شوف زين تقول طفلة بنت عشرين
_ صدقتك
_ هزها بين يديه شنوة صدقتك توا تشكك في كلامي شوف روحك
يافتي
_ مزلت نعجبك
_ شنوة تعجبني تي كل يوم نزيد نحبك ونعشقك
_ ربي يخليك ليا
_ أيا باش نبقو يظهرلي نتمعشقوا وتسعة قريب تجي
_ ههه خلينا نهبطو نشوفو لبنات حضرو ولا
_ ينادي فيهم ريقو نشف مزالت ربع ساعة علي تسعة وهوما
لتوا لاخرجو بوه وامو قربلو.... قربلهم يزفر
_ شنوة يافوتا هذا وانت أمبراطور أياد شنوة هالوهرة وهرة
ملوك
_ يزي بلابلادة وينهم لبنات
_ محبوش يطلعو بابا باش نهبل
_ امي صحة محلاك
_ يعيش ولدي (قربت كبستلو كرافاتو) ماشاء الله علي ولدي
عيني متضرك
_ شوفت ولدك بوقوس
_ غزال أًصل
_ مضربو في روحو كان دلالك يلا يافا
_ شعندي من غيرو باش مندلوش
_ خرجت قمر تقول قمرة علي حالها ..شهاب بقا يزفر ويافا
تبارك وتعاود شنوة ها زين قمر
_ يعيشكم حلو (دارت قدامهم )
_ عسل بنتي عيني ما تضرك
_ يعيشك بابا يااحلي راجل في دنيا
_ كان بوك
_ حتي أنت ماما عسل تي أزين مني أُصل بربي بابا موش تقول
اختي
_ صغيرة نسيتها (قالتها يافا تتهكم
عليهم )
_ شهد وينك (قالها شهاب فاد د اما وقت لراها حل عينيه
وفمو طاق )
_ عيناك سماء ثامنة ..بيهما سحر أسرا عيناك مشفرة
ياساحرة
أياد حل يدو حملها شهودتي بنتي لغالية شنوة هازين لكل
_ شقولك بابا موش قنبلة أصل حقك شهد تشارك في مسابقات
ملكات جمال تي تطلع لولة علي عالم
_ سيبو طفلة حشمتوها تبارك الله علي كنتي زين وعين
وتربية ربي يحميك
_ يعيشك طاطا حشمتوني (هزت عينيها تخزر لشهاب لكلاها
بعينيه أما بغباءها مفهمتش شئ من نظرتو حستو كيف لعادة وزيد من فوق حمحم وقالهم)
بنطرة أيا فيسع لوقت وفا واحنا مزلنا هوني
طرمت شفتها يعني حتي كلمة محلاك مسمعتهاش منو
ركبت معاه في لكرهبة طريق كاملة تفرك في صوابعها كل مرة
تسرق نظرة ليه تشوف فيه يرخف في كرافاتو هزت عينيها تخزر لوهرتو قداه تعشقو
...علاش لهادرجة مجافها ومتكبر عليها حبس لكرهبة وقت لوصلو ...دارلها لقاها تخزلو
_ هبطت من غير محكات خرج وناداها ستني ندخلو مع بعضنا
_ بقات حابسة تستني فيه ...وقف قدامها ...بقي مركز مع
عينيها ..(دخلت بعضها ملقات متعمل كان هزت
يدها سواتلو كرافتو لحلها جات باش تبعد يدها ...شدهالها
وجبدها باسها قريب دوخ في بلاصتها
_ محلاك ليوم شهد وغمزها ومد يدو (قريب تتشل في بلاصتها
بقات تبلع في ريقها وترمش في عينيها (أنا بضيع ياوديع هههه)
دخلت عينيها من عليه من تشلتش
عرضتها يافا سلمت عليها
_ محلاكم مع بعضكم ربي يهنيكم
_ يعيشك يافا حتي أنت تقول عروس
ماشاء الله عليك
_ يعيشك شهد
_ أه يافا وينو غالي
_ قريب يوصل
_ متأكدة
_ عندك كان نسي عاد تهني شهاب
**
وصل في لموعد دخل كل شئ مزين بقي
مستغرب شبيه رستو علي غير لعادة مزال غير مدخل وضو يطفي وصوات عايلتو بدات تصيح
_ كل عام وأنت حي بألف خير غالي
_ بقي شايخ ضحك موش مصدق يعني دارهم
منسوشو يعني لمفاجئة موش من يافا (تحل ضو بقي يشوف في عايلتو لكل قدامو لكلهم
يصفقوا ويزفرو قرب لامو باسها من جبينها
_ امي ربي يخليك ليا
_ يعيشك ياغالي ربي يحميك يارب
تعيش بخير وفي لهناء وربي يفرحك
_ فرحان برضايتك عليا بوجدك في
حياتي يكفيني
_ سلم عليهم لكل وسلم علي يافا
لكلاها بعينيه حسها منورة وازين ليلة علي غير لعادة شدها من يدها باسها بوسة
مرصوصة وقالها "ربي يخليك ليا يافتي ومرسي علي لعملتو
_ غالط موش انا لعملتو فكرة شهاب
_ بالحق (بقا مستغرب وخزر لشهاب
لبقي يحك في راسو )
_ شبيكم جموع لكل تخزرولي وكأني
خترعت صاروخ
_ مصدومين لحق أنت تعمل حاجة تصلح
_ شنوة توا قمر توالها في بدر
وأعتقني بربي شدها راهي ركبتلي جاير أصل
_ بقي بدر شايخ ضحك عليه ..وهمس
لقمر ياصعيب انت ياقوي
_ ملا نلعبو سي بدر ومزال دورك
تهني
_ نرجعو لغالي لقدم حظن شهاب بقوة
) خويا لغالي ربي يخليك برغم عريس ومنسيتنيش
_ ياولدي راك لخو شننساك
_ يعيشك ربي يخليك ليا
_ عدوها شطيح وغناء لكوبلوات لكل
تشطح لعشاق لكبار ولعشاق صغار ...لكلهم في لحب لعنكوش كان شهد حست روحها دخيلة
برغم شطحت مع شهاب أما نظرة لعشق لراتها عند لعشاق لخرين تمناتها تكون عند شهاب
دعات من كل قلبها ينوالها في يوم تشوف معاه يوم حب ومن بعد مستعدة تموت في سبيل
حلم ولحظة حب بينها وبينو
***
نصف ليل غير دقيقة حطو قدامهم
لقاتو وبدا لعد تنازلي ضو طفا كان ضو شموع بدا لعد تنازلي
_ 1-2-3-4-5-6-7-8-9-10
صوت بجنبو وذن غالي تكلم
(Game over)
تحل ضو وبقي يتبسم علي لكلمة لمعطاهاش اهمية بقي يسلم
علي اخوتو وبوه ولعايلة لكل ويخذ في لهداية منهم ...عينيه تخزر ليافا يلوج عليها
وين مشات
_ لكلهم يحكو ويهنو فيه قلبو نقزوا سئل شهاب بحيرة
_ ويني يافا
_ منعرفش غالي (بقا مستغرب ويلوج بعينيه عليها )كانت
بجنبك هوني
_ يافا وين صاح بقوة للي كلهم خزروا مصدومين
_أنتهت لعبة كلمة جات في مسامعو كلمة مايعرفش شكون نطقها
بجنب وذنو بعد مكانت فرحة أنقلب لحفل لصدمة أين يافا ؟؟
ومن هذا سؤا ل ننطلق للعبة ثانية صفحة ثانية في حياة
عاشقين كتب عليهم لفراق ولعذاب بالحياة ...
_ _
حلقة76
يافا
تمر علينا لحظات نقف عاجزين أمام مصير مقدر محتم من قبل
خالق وبفعل بشر دنس الانسانية وأصبح ممثل لأبليس وأعوانه في لأرض وهذا ما يحصل كل
يوم
من خراب ودمار ...قتل وسفك دماء قتلو لانسانية فينا
بتعلة ضغينة أو ثئر
بيت لكلها بيضا
فيها فرش حديد فوقو بدن ضعيف مهدود بدن مغمي عليه في عالم اخر عالم مغيب لا يعرفه
غير لقدير ...تحل لباب ودخل أكيب كامل من المختصين ...لكلهم مركزين مع لمهة
لتكلفتلهم تحطت لفاليز قدامهم جبدو معداتهم وبدأت مهمة تفيقها ...يخزرو لكل لبعضهم
لمترئس لكيب يشوف في عينيها بدات تتحل خزر للكاميرا وتبسم ليوم يبدو لمرحلة جديدة
في مهمة طلبت منه لحديد تحط في يدها تهز سرير لعين تحلت تخزر للبياض لفقدا تركيزها
...تخزر لفريق لكل لابس في لأبيض ملامحهم مخفية ....راسها ثقيل وعينيها مزغلة من
قوة لوجيعة جات تهز في يدها تشدت في حاجة
ثقيلة هبطت راسا بصيف تلقي يدها في لمينوت ..تبسمت قريب تنسي لعذاب لعايشا فيه من
أسابيع ...خزرتلو وتكلمت بصوت خافت
_ شنوة دكتور هذي أخرتك مقدرتش تغيبني
_ خزر لصاحبو باش يزرقلها تبسم علي قوتها وثيقة نفس لفيها
...برغم لا يعرفها لاتعرفو لكن هو شخص مؤجور وهذي خدمتو وهيا شخص عميل وخارج علي
لمنظومة ومن واجبو يستل كل معلومة تفيد لمنظمة لقراتو وصرفت عليه ...تحطت لميكنات
لكل في راسها صوت قوي كيف دقة ساعة كيف صفارة بدا يفقدها في صوابها نفس لوجيعة متع
كل يوم ...رغم حاولت تقاوم لكن بدنها تهد تعبت وتهدت لدرجة معادش قادرة تتنفس بدات
تصيح بقوة تتفركس باش تتنحي لألة لفي
راسها كاميرا كانت توثق في كل شئ لكلهم يخزرلو لدقة ساعة مرت ربع ساعة ...بدا
تحقيق بعد مفقدت صوابها بالكامل جراء أستعمال ألات حديثة خصصت لجعل لشخص يفقد
صوابو جراء جرعات من مواد مخدرة وألات تجعل لعاقل لباطن هو لمسيطر علي لعقل ككل
...
خرج لفريق بقي دكتور يخزر لمن كلفه بالمؤمورية
_ ليوم نقدرو نتعدو لمرحلة ثانية من الأسئلة
_ خلينا وحدنا
_ حاضر (خرج وبقي يستني لبرا )
***
أسابيع مرت كأنها دهور قلبو مكسور ومتكدر لعقل غايب حاسس
روحو ميت بالحياة أسابيع تعدت لخبر عليها وكأنو لم يكن لها وجود رغم قوتهم رغم معارفهم رغم قوة يافا وأياد
ولمكانة لعندهم في دولة وخارجها لكن يافا ختفات ولم يعد لها أثر ...لكلهم يسخفو
حالتهم تاعبة لدرجة حتي ماكلة مطيبش في دار وكيفاه طيب وغالي وصل لمرحلة حتي لفرش
مايرقدش عليه حتي لماكلة مايحطهاش في فمو الأ مايتهد ويطيح ويتعلقلوا سيروم لكلهم
متحسرين يافا الأم وجيعتها كبيرة ليكفي
أمانة غزلان وليزيد ولدها عايش في جهنم متعذب
تسمع في صوتو كيفاه يتراني للفجاري قامت من فرشها بعين
دامعة ...قلبا متشقق تحس في روحها باش تستنقط علي عذابو دوب محلت لباب ترا فيه
كيفا يضرب بيدو بساقو عرقو يقطر صدروا يتهز ويتحط نزلت دمعة من عينيها ودخلت
قربتلو غالي يزي يعيشك لفجر قريب يذن يزي راك تهديت موش هكا نرجعوها يافا
_ كان يضرب متخدر موش حاب بحتي يسمعها يحب يخرج لكبت لفي
داخلو يفضلو يضرب يكسر ولا يحكي شنوة باش يحكي باش يقول عجزت نرجع حب حياتي نرجع
لمرا لعشقتها لمرا نتنفسها مرتي حبيتي هزوها وأنا شايخ ونضحك
_ يزي غالي يعيش ولدي يزي راني تعبت وأنا را فيك محطم
هكا غالي نكلم فيك قربتلو شدتو بقا واقف
في بلاصتو ينهج بقوة
_ يزي نكلم فيك وينو ولدي لقوي وينو ولدي لمستحيل يخلي
حاجة تهدو وتعبو يافا باش ترجع موش بها طريقة
_ قلي شنية طريقة باش ترجع قلي أمي قلي(خزرلها بعين
مكسورة نظرتوا خنقتها )
_ مزال ألف حل في حل فمي أمل توا نلقوها
_ وينو لحل لتحكي عليه واعية شتقول فما باب مديقتوش فما
شخص ملكمتوش قلي امي يافا منعرفش ويني شنوة لصابها مرتي وين أمي مرتي مشات هزوها
نهار فرحتي بيها
_ غالي يعيش ولدي وراس ولدي لا ينفع هكا لوم بعد لقضا
بدعة
_ امي يعيشك حاسس روحي في جوجمة باش نموت ضعيف مشلول يدي
مكتفة (هز يدو يخزرلها ) مربطة يدي أمي شنعمل من غير يافا نموت نموت
_ جبدتو ليها حظنتو يزي غالي تشويت يافا بنتي ولدت علي
يدي وراسك قلبي مشوي قدك ..
_ شنوة نفع شويان جبد روحو منها (طيش لقون متع لبوكس
وقرب لشباك يخزر لنجوم ) زعمة متغطية ...زعمة متعشية واكلة زعمة شنوة صاير فيها
امي
_ غالي
_ ربي يعاقب فيا محفظتش عليها خليتها تمشي من بين يديا
منستهلهاش ضعيف أنا امي ضعيف خليتهم يخطفوها ا بين يدي (قعد علي الأرض بعين مزغلة
دموع وين يتفكر أخر كلمة تقالتو يتقهر يجن شكون عندو جرأة يقربو لا درجة ويحكي في
وذنو أنتهت لعبة تكلم )أمي لخطف يافا شخص قريب منا وبرشا شخص لعب لعبتو وأنتهات
_ شتقصد غالي
_ لنقصدو عمرو مايقدر يقربلي شخص لها درجة وانا منعرفوش ومن فوق يافا تمشي من غير
متصيح ولا تعمل أي ضجة
_ تقصد يافا تخطفت برضاها
_ يافا خرجت برضاها لصار في لحظات يعني مستحيل متصيريش
أي لفت لأنتباه أو حتي ضجة لصار غريب وبرشا ولخطف يافا عندو مصلحة بيها
_ وانت شاكك ف شكون
_ لشاكك فيها صعيب تكون هيا اما قلبي نقزني من نحيتها
_ شكون (بقات حايرة)
_( تنفس بقوة )خليها في وقتها توا تعرف ...
_ غالي عندي ثيقة فيك باش ترجع يافا ومتأكدة
_ أن شاء الله امي أن شاء الله (قرب حط راسو عندها مقهور
مذلول موجوع وجعو لو تفرق علي الأرض لكل مايغرقها في لهموم )
حلقة 77
يافا
كملت لمهمة وخرجت بوجه مقلوب ...خزرت لأكيب لقاعد يستني
لبرا
_ مزالت لتوا مقاتليش علي حاجتي بيه شنوة تقصير هذا
_ مدام يافا شخص عسكري ومدرب علي ا الامور هذي يعني موش بساهل باش نقدرو نفتكو منا أي معلومات
_ تقصد يعني جبتها علي لفاضي
_ لا موش لقصد لفترة هذي لو تحبو نزودلها في لكيمة متع الادوية اما باش تكون عندها مخلفات
كبيرة وبرشا علي هكا لزم نتريثو
_ ماتريثش أعمل لزم
_ واعية شتقول لو باش ننتقل لمرحلة ثانية دماغها ينجم
يصيرو نزيف ولا تلف كامل لجهاز لعصبي
_ مايهنيش أفهمو يافا تمثل خطر كبير علينا وعلي لمنظومة
ككل لمعلومات لعندها تخلينا نمشو ورا شمس لزم نعرفو كل حاجة تعرفها علينا وكامل
لملفات وين مخبين نحب جمعة هذي يكون عندي بلاصة لملف ولا تعرفو لعرف لكبير شينجم
يعمل فيكم
_ حاضر تهني
_ مشات تزرب دخلت لغرفة لتراقب في بيت يافا اول مشافها
لمراقب دخلت وقفلها
_ نحبك تخذ اكثر مواقف فيها يافا متعذبة وتركب فيه فيديو
_ حاضر مدام
_ في لحال في يدك ربع ساعة يكون عندي لفديو
_ تهني مدام
(شعلت سيقار وبقات تخزرلها من لبلار بسمة نصر وأخيرا
قدرت تحقق لتحب عليه وراتها مهدودة قدامها ...تبسمت وهيا تشوف في صور لفيديو كيفاه
يتحضرو ليوم تشوي قلب غالي ويافا و ليوم تخذ ثئرها لصبرت سنين لباب تهد خلا سيقار
يطيح من يدها من لفجعة تخزر موش مصدقة شتعمل لهنا قدمتلها تتسائل
_ شمجيبك هوني هبلت
_ هبلت أنا ولا انت (قدمت تخزر ليافا من ورا شباك) شنوة
لعملتو فيها
_ لكان لزم يتعمل من سنين
_ مهبولة انت وبابا مساندك في هذا
_ هههه طبعا بوك
داعمني وأنا نجم نعمل حاجة من غير مايعرف بوك
_ نرهان باقيا تلعب بنار راك
_ شنوة وعد تتخيل جيبتها هوني باش نلعبو لغميضة معاها
يافا نتصور أنت قلت بيدك نحبها تتعذب يافا
_ موش بطريقة هذي قلت بعدوها علي غالي موش تضرها مهما
كان هيا بشر
_ شوف بغض نظر بشر ولا وقت لنعرف لوصية وين وقتا نسيبها
يافا ...
_ نرهان بقيا تلعب بنار وين باش تعرف يافا لوصية تي يافا
كانت صغيرة حسب ماقلت
_ _ غزلان قبل متموت عطاتني وراق علي أساس فيهم وصية وتم
تسليما قدامي لمحاميها وكنت نتصور الي انا وقتها نعرف شنوة موجود في لوصية لكن
طلعت غالطة غزلان بيدها لعبت بيا لخريطة لتمدت للمحامي غالطة وموثقتش فيا ...وقت لسلمهالي كانت مجرد اوراق
بيضاء و بيدو تصدم بمعني غزلان كشفتني لكن قبل متموت كانت ديما تقول بير أسراري
يافا يعني يافا لتعرف لوثائق وين ولوصية لممكن تهزني انا ووبوك وبرشا ناس للفينقا
_ نرهان غلطت وقت للعبت معايا رغم لقلتو لكل ميسمحلكش
تلعب بيا باش تخليني نطلب من بابا يعطيك كل صلحيات باش تكون با لقوة
_ نسيت انا شكون
_ حتي ولو مجرد شخص تخدم فينا متنساش روحك بكلمة مني أنا
تمشي
_ كبرت وعد عمتك راني
_ حتي ولو عمتي منسمحلكش دغفني
_ وعد يافا هذي عدوتك موش تحب تحرق قلبها كيف محرقتلك
قلبك نسيت شعانيت في جرتها وفي جرت غالي
_ غالي رودبالك تلمسو
_ شنوة لتوا عاشقتو
_ شوف عمتي
_ من سنين مقلتهاش
_ علاش من وقتاش مسموح لينا نقولو عمتي من يوم لبديت
نعرفك نلقاك مرت عم صدام وكان ممنوع حتي نقولو انت شكون حتي مقابلتك لينا في فرنسا
كانت شب سرية وحتي كيف رجعنا هوني كنت متخفية ورا أسم اخر شكل أخر ولقب اخر تي
مراد ميعرفكش
_ مراد خليه هكا حكايتو حكاية غير منتوالها بيه
_ شنوة عمتي درت لمراد تو
_ مراد خوك راس لبلا تتصور الي كان باش يعرس بيافا
_ شنوة (بقات مصدومة )
_ أيه وطلب منها زواج
_ وهيا أش قالت
_ رفضت لكن عملت حاجة ما أقوي
_ لهيا
_ رقدت مع غالي
_ شنوة شتقول أنت شنوة لتحكي فيه مستحيل
_ هههه وراسك لكلام لكل قالتو هيا تحت تخدير
_ يعني (شدت غصتها )غالي خاني
_ فيق غالي عمرو مخانك غالي مثل عليك لحب واعتبرك مجرد
مهمة باش ينجم يوصل لبوك
_ وانتم كنتوا تعرفو وخلوتوني نغرق (رمات صاكها علي
الأرض)
_ كان لزم نضحو بيك برغم نعرفو لمكش باش تتضرر ياخي طلعت
دغفة وحبيتو غالي
_ بظبط كيف ماأنت حبيت صدام ولا نسيت
_ منسيتش (وجها تحول ) مفماش علاش تدخل في خصوصياتي
_ ندخل لو تتصورا لانا مريونات في يدكم تحلمو انا وعد
بيدي نجم نمحيكم لكل أنا لوريث بنص لمملكة بابا وأنا لنحكم رودبالك لصار لكلو انت
سبب فيه ...خلتوني نغرق وقتل لكملتو مهمتكم خلوتوني ومشيتو
_ عمري منخليك من ليوم غالي ليك
_ غالي يعشقها يافا مستحيل ينساها موش بطريقة هذي باش
ينساها
_ شنوة تحب نعملك مخليت معملت بعثتهاا ليبيا ...دخلتها
في معامع وتهمت بأفظع جرائم الأرهابية وسي غالي متاعك رجعها وسي خوك نقذها ونضفلها
سجلها
_ يعني يافا باش تبقي في حياتي طول لعمر
_ هاني باش نخلصك منها
_ غالطة هكا باش غالي يعشقها اكثر نحب غالي يكرها نحب
يبخر بريحتها وانا لزم نقف معاه ونسيه فيها ونبينلو لفرق بينو وبينها
_ شتقصد
_ نقصد لزم غالي يفد من تصرفتها نحبها تخرج من هوني
دروقيست
_ هههه تخرج لكن قبل هذا نحرقلو قلبو غالي كيف محرقلي
قلبي (مدت يدها خذات سيدي )
_ ليوم تنجم تواسيه غالي بشوية دموع (وضحكت بقوة وخرجت
تقهقه وتخزر لسيدي )
حلقة78
يافا
يدق في لباب ببدن مهدود حلتلو نرهان بقي مركز مع تفاصيل
وجها حتي قاتلو سلام رجع عليها بعنيه
_ وينو عم صدام
_ لداخل غالي في بيروه
_ دخل يزرب لقاه كيف عادتو لوجه شاحب أصفر كان سيقار في
جرت خوه تصويرة يافا في يدو ...أول مشم ريحتو تبسم وخزرلو
_ غالي ولدي جيت
_ عم صدام لباس ليوم
_ كيف لحال هاك ترا فيا جهامة بلا روح (قالها بخنقة)
_ (حط يدو علي يديه يصبر فيه وتنهد بقوة )يافا تو ترجع
وعد عم صدام تأكد ليافا مزالت عايشة وبخير
_ (صوت نرهان قص عليهم لحديث )نحضرلكم قهوة
_ لا (قالها غالي بنطرة) باش نخرج انا وعم صدام لبرا
شوية
_ علاش خارجين شفما
_ شدخلك نرهان (قالها صدام بنطرة)
_ علي راحتكم (تنفست بشوية وخزرت للوقت من لمفروض يهبط
لفيديو في لموعد لمطلوب تبسمت وبعدت باش تخليهم يتعدو ....بقات حابسة في نفس
لبلاصة تحسب في لوقت لزم تبرد غيضها وتشوف غالي مقهور لزم تحرقو كيف محرقها
...بقات تخزرلو كيفاه قعد في كرهبتو وبقاو حابسين ستغربت هزت ريدو تخزر وتثبت
شيقصدو يعني غالي شاكك فيها ولا صدام علاش خرج لبرا ومحكوش في دار مشات تزرب لبيرو
لقات ألة تسجيل في بلاصتها بقات تثبت في كل بلاصة لكلهم في بلايصهم يعني مستحيل
يكونو يعرفو أكيد شاكين شئ لخلاها تدخل بعضها...
**
غالي ولدي شعملت في لقتلك عليه
_ لا شئ سجلها نظيف تلفونتها عادية كل يوم تخرج تمشي
لسوق تقضي قضياتها وتروح عادي حتي علاقتها محدودة
_ باش نهبل متأكد لنرها ن ورا لحكاية
_ عم صدام لو نرهان ورا لحكاية يعني لزم نكونو حاضرين
_ علي هكا صابر شهور هذي من لحظة لفقت بألات تسجيل وانا عارف لهيا مخبية
حاجة
كيفاه عرفت لهيا
_ شفتها بعيني
_ عم صدام منين عرفتها نرهان
_ عن طريق غزلان كانت صحبتها لأنتيم ووكانت قريبة لينا
خاصة في لفترة لأخيرة حتي وقت لبعدت غزلان علينا كانت نرهان هيا لقايمة بيافا بنتي
وعلي هكا نتصور خلت في وصيتها أنو أنا نعرس بنرهان باش تربي يافا
_ غريبة عم صدام
_ شنوة لغريب
_ كيفاه مرا كيف طاطا غزلان تصاحب مرا وفي اخر لمطاف
تخليا تكون لوصي علي بنتها وتخلي راجل لعشقتو يعرس بيها يعني حسب مفهمت منك
مقاتلكش
_ أبدا جيست في لوصية متاعها لخلاتها عند لمحامي ممكن
غزلان كانت تعرف حبي ليها ولعمري منخونها
_ بمعني
_ أنا ونرهان عرسنا كان علي لورق عمري لكل نعتبرها اختي
_فما أنٌا وسر كبير عم صدام نرهان عندها ضلع في خطف يافا
أسمحلي لزم نحكي معاها
_ رودبالك عدوك قدام عينيك خير مايفيق لانتي فايق بيه
تتخيل سكوتي عليها بلاش عمري لكل عمري مشكيت فيها لأنو كانت منظمة لفترة لخرة
حسيتا تبدلت برشا ومن فوق الاتصال لسمعتو وقتلك عليه
_ مفماش حتي أتصال
_ هذا لخليك تشك اكثر
_ عم صدام (كان باش يحكي تلفونو صونة يلقاه بدر )
_عم صدام لحظة نهز علي بدر
_ تفضل ولدي
_ هبط من لكرهبة متأمل أنو يبشرو بخبر باهي وقت لهز
تلفون سمع صوت عشيرو لكان معبي حزن
_ غالي حل ليتيوب توا وشوف لفيديو
_ فيديو شنوة بدر أنطق
_ يافا غالي (قالها
بغصة )
_ سكر تلفون بيد ترعش يحل في الأنترنات ولكلو يرقل كل
سيناريوات جات لبالو ...يخزر لعشقتو كيفاه ممدودة في فرش لكلها خيوط يديها لكل
بلايص زرق ...يشوف في كل لحظة من قمة الألم دي كريز تقطيع شعر صياح واخرها شئ لخلا
قلبو يقف يشوف في خيال موش واضح يمدلها في غبرة بيضا فوق ورقة وهيا تشم فيها شد وجهو بيني يديه
يبكي من لقهر صوت صدام لهبط من لكرهبة خلا يمسح دموعو ...ويخزرلو بسمة كاذبة فوق
شفايفو
_ شفما ولدي لباس
_ لباس عم صدام ...لزم نمشي توا لخدمة طلبتني متعمل شئ
حتي شئ فهمت توا من بعد نحكو و( يحكي مهبط راسو موش حابب يخزر لعينيه دخل حل باب لكرهبة مايعرفش كيفاه ساق ميعرفش كيفاه
فات لحومة وبدا يضرب في لفلون ويصيح
_ يافا ياروحي شعملو فيك ياروحي شكون لعذبك شكون لعمل
فيك هكا كان يسوق موش شايف لكميون لقدامو ...مايسمع كان في تزمير ...دور لفلون
بقوة للي دخل في سياج تعجنت لكرهبة من قدام ...لعباد جات تجري باش تشوفو عاود خدم
لكرهبة من غير مهبط ورجع يسوق مايعرفش كيفاه وصل مايعرفش كيفاه دخل عرضو بدر في
لباب
_ غالي
_ موش وقتو تواسيني منين خرج لفيديو
_ مفما حتي دليل غالي لفيديو هبط من فرنسا ومن محل عمومي
_ بمعني
_ بمعني مفما حتي حل غير نفذو لقلتو
_ لفيديو يتفسخ توا
_ برشا برتجوه غالي
_ شقلت انا كلمم لفوق قلهم يحجبو لفيديو فورا
_ حاضر غالي توا نتصولو بشركة يوتيوب أما لزم امر من
داخلية
_جبد تلفونو عمل اتصالاتو طلب بوه ليوم لزم يخذ قرار من
سنين هارب منو ليوم لزم يكون في مكان قوي باش يقدر يرجع مرتو وعشيرة عمرو
***
واقف يسمع في كلام بوه غمض عينيه وقت لعلق وقالو مبروك
غالي
_ علاش تباركلي بابا علي حرب باش تقوم بيني وبين شهاب
_ عمرو شهاب مايكون بها لحسد غالي يافا أهم من هذا لكل
صحيح لفيديو تحجب لكن بعض صحف باش تنشر ها لفيديو حتي لو مفماش حاجة ملموسة
_ بابا سامحني خذيت بلاصتك وانت مزلت عايش
_ كون قد ها لمنصب غالي. هذا ورث لعايلة لكل ..وأعرف
كيفاه تتصرف
_ خرج يزرب عيلتو لكل كانت قاعدة في صالة لكلهم عينيهم
حمراء جمر بدموع عرضتو يافا تشهق
_ غالي
_ مبتكيش أمي اكيد باش نعرف ويني وعد منعفس دار كان يافا
معايا
_ نعرف ولدي راجل
_
***
بدأت لمهمة فريق كامل تبعث ليه خصيصا لكلهم علي أجهزة
تنصت لكلهم يلوجو علي لفيديو ...منين تبعث كان يحرق في دخان وكل مرة يجري اتصال
...
سيدي
_ نعم
عرفنا منين خرج لفيديو الأصلي
_ منين
_ من تونس وهذا لعنوان لتبعث منو
_ في ربع ساعة كانو في لبلاصة هدوا علي مجموعة من شباب
لكانوا عاملين مخزن صغير شباب من مجموعة "ليكريز "لكانو ضالعين في تسويق
لفيديو ...تهزت لاجهزة لكل وبعد بحث مطول عرفو الي هوما نفسهوم لكانو مساهمين في
نشر لفيديو سابق ...وقرصنة لعديد من لمواقع لأستغلالها لمصالح خارجية لادخال لفوضي
للبلاد لكلهم شباب معندهومش علاقة غير بالاوامر لتجيهم من طرف شخص ملثم يخدمو
ويقبضو لفلوس
_ ضرب طاولة بقوة ...لزم يعرف وينها حتي لو يظطر يقلب
دنيا تلفونة صونا صوت صوت يعرفو مليح صوت يافتوا
_ غالي أنا في دارك أيجاني خايفة وحدي أيجا غالي (وتقص
تلفون بقا يخزر مصدوم خزر لبدر موش مصدق ) يافا في دار رجعت يافا
حلقة 79
يافا
قدري وقدرك مختلفان انا وانت كنار وماء لا نلتقيان انت
جنتي وبقربك جهنمي كيف لي ان اعيش بتنقاضات هته لمتدعيات كيف لي أن اكون عابرة
سبيل امام حضورك ودقة قلبك التي تؤسر لفؤاد حتي وأن كنت غائبة حتي وان كنت في
ضوضاء هته لحياة حتي وان عشت جميع تنقاضات فلي معك ماضي لايستهان بيه لي بداخلي حب
لايمكن ان يوجد مثله لا يمكن ان يكون عاشق في هته لارض عشق حد ثمالة مثلي حد
لهذيان حبك سرداب حبك عذاب طيب حبك شامة اعلقها فوق صدري قل لي يامن أسميتك وطني
كيف لي بعد كل هذا لعذاب بعد هذا التضارب وهذا الجرف من الشتات ان اعيش واتنفس
واطلب لمزيد من عذابك لحلو لمر فحبك تناقض حبك ضوضاء حبك جهنم حبك عشق وهيام وغرام
يستحيل ان يوجد منه حتي وان كان في لاحلام
أن تكون مجرد جسد تلاعبت بيه أيادي..أبلسية أيادي تبحث
عن لخلود في ذاكرة شر في زمن انتشر فيه مرض الصعود لسلم لمجد ان تكون في لقمة ان
تكون لاول ولا يهم من تدوس من تقتل من تظلم لمهم لمركز القوة الجبروت انها لحياة
انها بوابة شر أنها معسكرات الشيطان معسكرات لمكر والظلم من هنا تبدء قصة تبدء
حكاية اخري حكاية كتبت لي بعض من لأشخاص ان يقولو ان لمخططات انتهت وان لعبة أنتهت
لكن كيف للعبة انتهت بنسبة لأبالسة ان تنهي لرجل يعتبر لجبن ولوهن وضعف مرض وان لا
يثؤر وان لا يستبسل كجندي كعسكري كان ولازال يحارب شر يحارب عدو يهدد امن دولة
فكيف لا يحارب عدو يحارب قلبا عشقه وقلبا هو ترياق سعادته قلبا أسماه وطنه ...قلبا
هو لحياة وهو لممات هو رمز لخلود وألهة لعشق لقلبه
نهار ثنين ثلاثة وأيام لكلها أرقام تعدات لكلها لحظات
دقائق كسهم بنسبا ليه كسم قاتل ..مررلو حياتو وهدلو بدنو ولأهم وجيعة سم لبين ضلوع
لدقة قلب تشرخت تصدئت من قوة لألم ..قوة لوجيعة لعين تدمع ولعروق تنشف لمجرد شوفت
بدن مرا تعشقو مرمي فوق فرش لكلها خيوط لكلها مكينات بين لحياة ولموت وان عاشت باش
تعيش دروقيست باش تعيش بعذاب كبير عذاب باش يدمرلها حياتها ومستقبلها لمهني أمرأة
بنسباليها تحية لعلم بزيها لعسكري أمر اهم حتي من لاكسجين ..بنسباليها سلاح هو رمز
لوجود وقت لتكون تحت مسمي منظمة يعشقها كل شخص رمز مؤسسة تعتبر قدوة ومثال للوطنية
عسكرية كلمة يما عشقتها كلمة ليوم صعب انها تنمتمي ليها بعد لصارلها
يد تحطت فوق كتفوا خزر بعين حمرا بعين معبية وجيعة بنظرة
مكسورة شافها قدامو تبسم بوجيعة _ غالي برا أرتاح لزم ترقد
_ كيفاه نرقد كيفاه نرتاح امي و روحي هوني مرمية
_ غالي هاني هوني يافا بنتي معزتها بمعزتك
_ امي خليني هوني يعيشك
_ غالي موش حل تبقي بسوايع تخزرلها شنوة باش تربح لزم
تقف علي ساقيك ليوم تحملت مسؤولية منصب لزم تكون قدو لزم تكون فايق اعدائك كثرو
ليوم غالي نعرف لوجيعة لفي قلبك اما خليها في لقلب وأبكي في داخلك وفرد وقت تخذ
حقك تخذ حقها يافا
_ متخافش أمي واراسك حقها ميرجعلها ولمس شعرة منها باش
يتمحي من لوجود
_ هذاكا شنحب
_ (تلفونو صونا لقاه شهاب خوه ) اهلا شهاب
_ غالي تنجم تجي للفيلا توا فما حركة غريبة في دار عم
صدام
_ شفما شهاب
_ منعرفش لزم تجي توا
_ امي بحذاك يافا (خرج يجري يخرج في مفاتح كرهبتو ويطلب
في عمو صدام قلبو يدق بقوة خايف تصيرلو حاجة تلفون يصوني وهو مايهزش ركب في كرهبتو
ويسوق بكل قوة )
**
يخزر لتلفون لصوني شاف صورة غالي فيه تبسم ليوم ينفذ
وبيدو لزم يخذ حق بنتو صغرونتو حق لحاجة لوحيدة لتجمعو بعشقتو نوارتو لخرج بيها من
دنيا ...دور راسو يخزرلها كانت معلقة حوايجها لكل مقطعين دمها يجري من كل بلاصة من
بدنها عينيها زرق ...شفايفها مفلوقين يومين وهيا معلقة بين هواء وفضا لاماكلة
لاشراب ...كان ضرب عذبها بشتي أنواع لعذاب لأفتكاك اكثر معلومات لكن شئ وكأنو حجر
متأ كد هيا ورا خطف يافا بنتو متأ كد بعد مسمعها تحكي بتلفون" تخلص منها
"
خزرلها بنظرة كره وشدها من شعرها قرب وجهو يحكي معاها
دوب محلت عينيها بعض قطرات دم طاحو من حواجبها جاو في عينيها ولات حمراء دم ..)
تكلم شكون لبعثك تابعة انا منظمة قول
_ صدام لتعمل فيه باش يقتلك (تحكي بصوت ضعيف ودوب متخرج
في لكلمات) باش تتباصي معندي حتي دخل
_ (ضربها بكف دورلها بيه مخها) وشكون لزرع ألات تجسس
هوني اه انطق تكلم
_ منعرفش موش أنا صدقني موش أنا
_ مكش أنتي علاش تكذب تتخيل باش نصدقك لكلام لسمعتو
نهارين لتالي يؤكد انت ورا لعملية وراسك لاتخرجها من هوني حية
_ صدام سيبني (تحكي وتنهج من كثرة لوجيعة وبدنها لفاشل
من قلة لماكلة ) صوت حركة خلاه يخزر لبلار لوراه عاود خزر لبلكون زاد سمع حس ما
أقوي جا باش يخرج يشوف شكون شاف خيالات ورا لباب جبد سلاحو ومشا يزر ب ورا لباب
ثواني ولباب تحل بقوة حل صمام لامان وتهئ لدخول اول متطفل ..سمع صوت رصاص
بالقوي في لباب و صوت واحد فيهم خرج يحكي
بلغة لبنانية بصوت واضح لصدام
_ مايدخل حدي لجوي بدنا ياها عايشة
_ صدام دوب مخرج يدو من لباب وضرب رصاصتين في جرت بعضو
...
_ مافينا في حدا مسلح
جوا سيدي (صوت تكلم)
_ ائتلوه لمهم كارولين تطلع عايشة ماتتمس منها أي شعرة بسرعة ولا يصبا مكروه
_ تكلمت نرهان بصوت قوي رودوبالكم تتمس منو شعرة (وبقات
تخزر لصدام لكان شادد سلاح متهئ لدخول أي شخص خزرلها مصدوم يعني بعد لصار فيها لكل
دافع عليه ..توا تأ كد انها هيا ورا لصار ليافا علي جثتو تخرج لباس ...
_ يعني انت ورا لصار ليافا
_ حبيتك صدام وربي شاهد علي لنقول فيه
_ مستحيل تخرج عايشة من هوني علي جثتي
_ ضربها برصاصة في صدرها ..وعاودلها بأخري بدا رصاص بقوة
من طرف لمجموعة لخرا ..كان يضرب في فراغ وين يفرغ خزان يعاود يعبي واحد اخر يخزر
لدم نرهان كيفاه علي الأرض لكن غليلو مشفاش كان عايش مع أفعي مايعرفش شتكون مرا
لعبت بيه مرا متأ كد من قوتها ودليل لصاير توا
**
من لعلق من عند غالي طلع جبد سلاحو وهز خزانات رصاص حطهم
في جيب جكاتو خرج لبرا يخزر لزوز كراهبة كحل واقفين قدام دار صدام يشوف في حركة
غريبة في جنينة رجع علي طريقو وطلع فوق سور دارهم من تالي ونقز لجنية جارهم وتعدا
لجينية دار صدام من تالي بقا يثبت يشوف في خيالات ملثمين لكلهم بالأسود يتسلهبو مع
لحيوط وبين لأجشار ومن بعد دخلو لدار توا تأكد لفما خطر كبير علي عمو صدام طلب
غالي فهمو شنوة شاف هو علق ويسمع في صوت رصاص قلبو تنقز وقف يجري داخل من لباب
يشوف في زوز قاعدين في باب دار وزوز قدامو ...لزم يتصرف جبد لكاتم ركبو ...وتخبي
ورا عرسة وصوب علي اول واحد مقابلو جات رصاصة في راسو وقت لتلفت صاحبو لبجنبو هز
سلاحو باش يصوب كمل عليه شهاب برصاصة اخري في راسو ......قدم داخل لدار موش عارف
قداه قدامو من شخص لعارفو مستحيل يخلي عمو عشير بوه وهو محتاجلو
**
ملي وصل لحومة شاف زوز كراهب متركيل أجنبي حبس كرهبتو
وخرج سلاحو عمرو للكرهبة لقدامو كان فيها زوز أشخاص ...جبد سلاح
أخر حطو بجنبو وساق لكرهبة بقوة وضرب فيهم من تالي جبد زوز سلاحات وخرج صوب علي
اول راجل خرج وبسلاح لخر ضرب علي شخص لاخر لكرهبة لكانت قدام لكرهبة بأمتار ساقت
بقوة وبعدت .. خرج يزرب بعد متأ كد مفما حد دخل لدار صوت رصاص كان ماكل بعضو
...مزال داخل في لباب يشوف كان في دخان معبي دنيا وصوات رصاص في لهواء ...
_ شهاب عم صدام وينكم يضرب في رصاص في لهواء .
صوت حثلة خلاتو يتلفت يشوف في ملثم واقف في لباب موجهلو
سلاح هبط علي الأرض وصوب علي ركبتو وقت لطاح كمل رصاصة اخري في راسو ...لثواي كان
باش يتصاوب لولا ألطاف الله ...دخل يتسرسب .. لداخل برغم دنيا لكلها دخان موش ظاهر منها شئ قلبو يدق ليكون خوه وصدام
صارتلو حاجة ...صوت شهاب خرج ضعيف غالي هوني (كان يحكي ويكح ) غالي اخرج من لبلكون
خطفو نرهان ...
خرج يزرب يسمع في صوت فران اول مخرج من باب دار شاف زوز كراهب انطلقو بقوة
مشا يزرب لكرهبتو صوت بوه وقفو ...
_ غالي متمشيش يحكي وهابط من لكرهبة هو ومجموعة من رجالو
_ بابا مستحيل نخليهم
_ أقعد حشاتهم بنرهان وهزوها وفات لحكاية
_ كيفاه وفات واعي شتقول ممكن هيا سبب في لصاير ليافا
_ حتي لو هيا سبب احنا غلطنا وثقنا فيها وخلينها تدخل
لحياتنا ...نحا سلاح من يد غالي وقدم لشهاب لكان يجبد في صدام للهواء لكلهم مشاولو يزربو
_ عم صدام لباس
_ عشير عمري لطف عليك لباس مصارلك شئ
_ لباس لباس مصار شئ (يحكي وينهج ويخزر لشهاب ولغالي )
لباس عليا متخافوش
_ دخلوه لدار أياد وبقاو يحكو ...
(يشرب في لماء ويخزر لغالي ) غالي ولدي حاشتهم بيك انت
موش بنتي
_ شتقصد
_ نرهان تخدم معاهم يظهرلي هيا سبب في خطف يافا
_ هيا قاتلك
_ محبتش تنطق برغم انواع لعذاب لذاقتو من يدي يظهرلي
مدربة علي أقوي طراز
_ تحكي علي مرتك صدام واعي لدرجة سنين مفقتش بيها
_ علاش شكون فاق بيها من سنين عايشة معانا علي أساس منا
وفينا اخت غزلان بروح وين باش يخطر بالي في يوم باش تكون بها لخباثة
_ متخافش عم صدام باش نشدها ونقتلها بيدي
_ تهني خذيت حقي ماتت وشبعت موت
_ قتلتها (سئلوه مستغربين )
_ تتخيلو نخليها تخرج حية بعد معرفت اللي هيا سبب ومن
فوق اسمها كارولين راجل لتكلم لبناني وقال اسمها كارولين ومن فوق تؤمر فيهم باش
مايمسوش مني شعرة
_ وهوما عرفو اللي انت قتلتها وقتلوك
_ منعرفش وقت لسمعت صوت رصاص من برا خافو يكون فما فرق
تدخل اطلقو لقاز ...ودخلو هزوها وهبطو من لبلكون مشفت شئ أنا كنت متمني حتي جثتها
متتهزش اما خسارة هزوها
_ لمهم خرجت لباس عم صدام
_ بفضلكم ولادي (ربت علي يد شهاب وغالي ) ربي يحميلك
هاصيودة أياد
_ ولادك هاكم صدام
_عم صدام لزم تتخبي لفترة هذي
_ مستحيل نتخبي
_ يعيشك يافا محتاجتك لفترة هذي لو تفيق متلقاكش باش
تكمل عليها وتتعب اكثر
_ لقول فيه غالي صحيح صدام لزم تختفي فترة
_ وبنتي منجمش نخليها
_ عم صدام يافا في عيني متوصيش عليها
_ باهي غالي (قام يتعكز علي شهاب ) بنتي امانة في رقبتك
مبقالها حد في دنيا بخلافي وانت شخص لوحيد لنوثق فيه ...
_ كنت تعرف الي نرهان خطر عليك ومتصرفتش صدام (سئلو أياد
مستغرب)
_ اياد من فترة صغيرة طاحلي ستيلو تحت بيرويا جيت نجبد
فيه بصدفة ومنعرفش علاش هزيت راسي تحت طاولة لقيت جهاز تنصت ستغربت ملول وقفت فركت
دار لكل لأسف في كل بيت في بيت نوم بيت صالة بيت يافا ولكوزين لكلها اجهزة تنصت
...وقتها شكيت يكون شخص من برا ..لكن في يومتها شفت نرهان تحكي في تلفون وظاهر
خايفة ...من بعد مهبطت تلفونها مشيت شفت شكون لطلبت نلقي رقم مشفر وتقنية هذي
مايستعملوها كان أشخاص معينين ومدربين وقتها خفت بلحق وبديت نجمع في الادلة شكونها
وعلاش معرسة بيا وشنوة لمخبيتو ...بديت نفتعل في لمشاكل مع يافا خاصة بعد رجوعها
من ليبيا باش تحرج من دار لحاسس لفيها كارثة وشئ هذا كان يعلم بيه غالي ..وعطيتو
الة من جهاز تنصت قام بتحليل البصمة وكانت بصمة نرهان عليها وهذا من أيام وتحطت
نرهان تحت لمراقبة لكن كانت قوية وذكية لدرجة مكناش نعرفو شتكون وشنوة مهمتها لحد
مصار ليافا ها لكارثة وقتها كنت لزم نقتلها بيدي قتلتها صحيح لكن مفتكيتش حتي
معلومة منها
لكلهم مستعربين شكون نرهان وشنوة لقوة للتمتع بيها وعلاش
مثلت سنين باسم مستعار وجه مفبرك ؟
حلقة 80
يافا
تطلاطم امواج لخوف في مخيلتي لهوجاء
تتصارع دقاتي لتبرير كسرتي فؤادي
تتماوج حيرتي في داخلي كيف لي ان اعيش
ليوم بعيدة عن رجل عشقته حد نخاع
من لحظة لسمعت لشهاب كان مع صدام قلبها يوجع عينيها
بدموع متعرفش علي روحها كيفاه روحت وكيفاه وصلت لدار دزت باب بيت نومها بعد مقلتلها
لبون راهو لفوق ..اول مدخلت لقاتو واقف يبدل في دبشو متعرفش كيفاه رمات روحها عندو
_ كان يبدل في دبشو مزال كي غير لبس لخلعة ويتهد لباب ..
مصدوم للحظة دخولها وشاف دموعها ..شاف لخوف لفي عينيها صوت لخارج يرعش من لخوف
_ شبيك شهد قلي لباس
_ انت لباس قلي تفجعت عليك كيف قالولي (تحكي وتشهق وتلمس
فيه في وجهو في يدو تشوف تلقاش جرح )متجرحتش موش هكا
_ لباس عليا متخافش أهدي شهد (جبدها حطها علي لفرش وقعد
بجنبها يخزر لوجها لاحمر بدموع يشوف فيها كيفاه تتنفس بقوة جا قايم باش يجيب كاس
ماء شدتو من يديو مخضوضة )
_ وين ماشي
_ باش نجيب كاس ماء اخزر لحالتك كيفاه
_ (جبدت يدها ومسحت خدها بكفتها بقات تخزرلو كيفاه يصب
في لماء في لكاس وقت لدار هبطت عينيها وبقات تفرك في صوابعها )
_ خوذ واهدي شهد (شدتو من عندو شربتو )
_ بشفاء
_ يعيشك
_ ياسر حساسة طلعت
_ خوفت عليك ولا موش من حقي
_ من حقك اما موش بها طريقة
_ وكيفاه تحبها طريقة (قامت من فوق لفرش مصدومة ) وألا
عندك لحق موش منحقي نخاف عليك ب أنا صيفة خاطر مرتك فقط مرتك علي لورق
_ يزي شهد مكنش قصدي هكا كان قصدي انا شرطي وخدمتي تتوجب
عليا نتعامل بسلاح وندخل في أشتباكات وممكن نتصاوب وممكن حتي نموت
_ لطف عليك (قربتلو مفجوعة ) معادش تذكر لموت علي لسانك
أمان
_ لزم تفهم وكنت لزم تخمم ملول أنا شنخدم مانيش رجل عادي
نخدم في شركة هذي خدمتي
_ علاش أنا خممت ولا فكرت
_ يعني ندمت (بقي يخزرلها يستني في أيجابتها)
_ لا مندمتش أما منحبكش تتأذي ولا يصيبك مكروه ولا أي
شخص كيفك
_ شهد (تنهد بقوة ) نعرف اللي أنا وياك حكاياتنا مختلفة
وضعنا موش كيف كيف انت تربيت في عيلة عادية غير لتربيت فيه أنا .. يعني كنت لزم
تفهم اللي باش تدخل لمرحلة جديدة في حياتنا لكل ولزم تفهم اللي لوضع لفي دارنا غير
بحكم منصب بابا وبحكم تاريخ عايلتي بالمختصر حط بين عينيك كيف منجم نعيش 100 سنة
كيف منجم نموت بعد بدقيقة ولكلو بمشيئة ربي ..خليك فكر لو تحب تكمل في ها لوضع هذا
مرحبا بيك مرتي علي راسي وعيني ولو تحب تبعد تبقي بنت عمتي كيف امس كيف ليوم ..لزم
نخرج توا عندي خدمة (جبد مريولو لبسو وجبد لفاست جا خارج وقفتو )
_ عمري لكل معاك شهاب مفماش فرق بين امس بين ليوم وحتي
لو كنت في بير غارق معبي شوك نعيش فيه معاك (دارلها وبقي يخزرلها قداه كبرت في
عينو برغم يعرف طبيعتها يعرف لبيئة لتربت فيها يعرف قداشها حساسة لكن خيرتو شنوة
ها لحب لفي داخلها ليه زعمة محظوظ بها لحب ولا حبها حمل ثقيل موش باش يقدر يكفيه
خرج بعد متبسم بسمة رضاء علي كلامها ..)
_
حلقة81
يافا
ســأأكتفي بنبض حبــــــــك لي
لتكوون بذآكرتي
ونبض قلبي
وعشقي
وســـآآآنقش حـــرووف أســمك
على ورق آلــورد ســرآآ
وآحآآآورك كل لـيـله بين نفسي شـوقـآآآ
وآستنشقك عبيرآ وحنيناًآ
وآهـمـس لـكى بـحـبي وعـشـقي/♡
لـقـلـبـك وحبــــــــــــــك
لتكوون بذآكرتي
ونبض قلبي
وعشقي
وســـآآآنقش حـــرووف أســمك
على ورق آلــورد ســرآآ
وآحآآآورك كل لـيـله بين نفسي شـوقـآآآ
وآستنشقك عبيرآ وحنيناًآ
وآهـمـس لـكى بـحـبي وعـشـقي/♡
لـقـلـبـك وحبــــــــــــــك
يسمع في كلام عمتو ويتنهد حاسس بثقل قد جبل فوق كتفو
خزرلها بنظرة بؤس وحرقة علي عشقتو
_ يعني عمتي حتي لو كان باش تقوم باش تبقي دروقيست
_ لفترة تنجم تكون عام ثنين شهر شهرين تنجم تكون اكثر
لمادة لتزرقتلها قوية برشا علي هكا موش بساهل في يوم وثنين تتناحي أحني عملنالها
تصفية دم طول ها لفترة باش دمها يرجع صافي علي أقل بنسبالعادية لشخص دمو مخلط بالهروين ..
_ بمعني
_ لفترة هذي باش تكون صعيبة لزم تدخل لمصحة تتعالج لفترة
جايا لزم نقومها ليوم ولزم نعوضولها نقص لفي بدنها بمواد اخري
_ يعني مفماش حل
_ مفماش حل كبير غير صبر لكلنا نعرفو لهروين شينجم يعمل
في دماغ لانسان ويافا شربوها بنسب كبيرة باش يفتكو منها اكثر معلومات وليوم لاخير
تم اعطاها جرعات ما اكبر كان قصدهم يقتلوها لكن من ألطاف لله بقات لباس ومخها
متضرش
_ ولمطلوب مني عمتي توا
_ شوف غالي نعرف يافا مرا قوية برشا ونعرف مستحيل تستسلم
حتي لها لخبث لفي داخل بدنها واكبر دليل تجاوب بدنها مع لعلاج جمعة هذي
_ كيفاه بدنها متجاوب وانتم تعمدوتو ترقدوها
_ رقدناها باش متكونش في قمة لألم حبينا نخلصوها من اكثر
سموم وينظاف بدنها بطريقة عادية للفرد لعادي لمتعاطي يعني هيا توا رجعت شخص يتعاطي
لتسلية موش شخص دمو معبي هروين
_لزم لمصحة
_ لزم اخصائين يتعاملو معاها
_ وين
_ عنا مركز واحد في تونس لأسف ***
_ مستحيل تبعد عليا منجمش
_ غالي لمصلحتها
_ لعلاج يطلب ألات
_ لا يطلب صبر وادويات وطبة
_ انا نجيبلها لكادر طبي لحاجتها بيه ونهيئلها مكان
لعلاجها لمهم تبقي بجنبي
_ تنجم أما باش تتعب
_ تعبها يهون
_ باش تتعب شهر لول غالي لدرجة متتخيالهاش
_ عادي عمتي
_ باهي غالي أيجا معايا لبيرويا نعطيك نصائح لباش تتبعها
ونتصلو بالأخصائين لينجمو يعاونو يافا ومن بعد نرجعو نفيقو يافا ليوم يلزمها تفيق
_ باهي عمتي (يمشو في لكلوار ..عرضتهم فرملية تجري )
_ شفما
_ مدام جاء كادر طبي من لمتشفي لعسكري ومعاهم تصريح من
لوزراة
_ تصريح حول شنوة
_ يحبو يخرجو يافا تتعالج في أي مصح عسكري ويقومو بتحليل
دمها
_ شنوة (خزر غالي لعمتو)
_ غالي شنوة لباقي يصير
_ (غمض عينيه علي لباش يصير لزم يتصرف لزم يعرف شنوة يعمل
باش مايخليش يافا تخرج من لمصحة
_ عمتي ملف يافا شنوة مكتبوفيه
_ مكتوب اللي هيا تعرضت لحادث خطير أفقدها ذاكرة
_ باهي عمتي كمل في كلامك وامنعهم لمصلحتها تخرج من هوني
_ كيفاه باش نمنعهوم انت تعرف قانون لعسكر ويافا تخص
مؤسستها
_ يافا تخصص لمؤسسة صحيح لكن تخص انا قبل أي مؤسسة لو
يافا تعرضت علي تحليل مشات مستقبلها وباش تعاقب عقاب كبير عن طريق لمحكمة لعسكرية
لمنظومة داخلية متعلبش مع لحجات هذي
_ باهي شنعمل
_ تصرف لزم لكادر طبي لمعاك يرفضو رفض بات (ومشا يزرب
جبد تلفونو يحكي ويخزر من بعيد كيفاه عمتو بقيا تتحكي ..هبط تلفون بوجة حزين عمرو
متلاعب بالقانون لكن لقانون ليوم باش يكون سيف قاتل لجندي شريف جندي لاعملت يدو
لاساقو بل لكبار لعبو بيه كان لزم يتصرف ويؤمر تبسم وقت لشاف واحد فيهم هز تلفون
وبقي يحكي
_ (قربلهم صبح عليهم )
_ غالي سايي أقتنعو يخلوها لكن رفضو يخرجو من غير مايهز
عينة من دم
_ خليهم يهزوها عادي عمتي
_ خزرتلو سارة بعين خايفة تعرف لو هز عينة مشات
يافا (غمزها غالي وتعدي لبيت لراقدة فيها
ياقا حط يدو علي لبلار وتكلم ) مستحيل نخلي أي أذي يصيب وعد ترجع لخدمتك وترجع
لدنيا بروح جديدة بروح يافا نظيفة يافا لقبل ميلعبو بيها
_ ربع ساعة وخرجو بالعينات متع دم
_ غالي شعملت هبلت
_ مهبلتش نعرف شنعمل لو رفضنا يهزوا عينات دم كانو شاكو
في القانون لعسكري مفماش تدخلات كبيرة لو باش يكون فما تدخل باش يكون عرضي وهذا
لطلبتو
_ ولعينة لتهزت
_ باش تتبدل عمتي متخافش
_ واعي فاش تقول وشكون باش يبدلها لكلنا نعرفو وين باش
يتحلل دمها في أقوي سبيطار منظم في تونس
_ عادي ساعات بعض نظام لزم يسودو لفوضي باش نجمو نرجعو
نتنظمو اكثر متخافش عمتي يافا ليوم لزم تفيق موش هكا
_ لزم لو حبيت طبعا
_ لعشية تفيق لزم نحضر لقتلي عليه لكل
_ باهي غالي وأنا توا نتصرف
_ يعيشك عمتي (باسها من جبينها وخرج ...)
**
بعد ساعة كان في لفيرمة يخزر لخدامة لجابهم لكل يخرجو في
دبش للقراجات دار بقات خلا وقيفار كان صالون فيه ديفون لكوزين فرغت من كل شئ لبيوت
لكلها فارغة كان زوز بيوت فيه جراري علي الأرض تنفس بقوة وخرج ليخدمو منحب شئ
محطوط هوني أي حاجة ممكن تجرح ممكن نستعملوها في جرح رواحنا
_ تهني سي غالي
_ لريدو لمزالو في لبيوت نحبهم يتنحو لكل
_ حاضر
_ خرج وخلاهم بعد متهني دار فرغت من كل شئ ...
حلقة 82
يافا
تمر مراحل لحياة علينا كمقراض يقرض كل لحضاتنا منها لجميلة
ومنها لحزينة فكل لحظة تخزن في داخلنا لكن بعض لحظات تعيسة تبقي مخلدة في وجداننا
ومخيلتنا لا تنمحي حتي بعد عقد من زمن بطبعنا لا ننسي لألم وكل لحظة وجع
**
طاقم طبي واقف يستني فيها باش تفيق لكلهم عينيهم عليها
علي كل حركة يعملها صبعها تعملها عينيها
..عينيه كانت مركزة علي كل تفصيل وهيا باقيا تفيق تنفس بقوة وهو يشوف في عينيها
تحلت ..قدملها شدلها يدها وبقا يخزرلها عينيها كانت تايهة ضايعة راسها رزين من قوة
لوجع وقوة لألم ..تخزر لبرشا وجوه قدامها متعرفهاش خزرت لسارة لكانت تتبسم صوابعها
كانو قراب يلمسو في حاجة دافية دورت راسها جات عينيها في عين صيدها حبيبها
ومعشوقها تبسمت بمرارة صدرها بدا يتهز ويتحط عينيها تغمضت وقت لتفكرت شنوة لصار ...كبست
في يدو بقوة وبدات تنهج دموعها نزلت علي جنب ..حرقت قلب غالي لقعد علي ركايبو ومسح
دمعتها
_ قوم يافا قوم أنا هوني
_ غالي تكلمت وهيا في ظلام في جهنم تغرست في راسها من
داخل
_ هوني نسمع فيك حمدلله علي سلامتك
_ أنسة يافا بشنوة تحس تنجم تقلنا
_ (حلت عينيها تخزر لطبيب لقدامها )راسي يوجع برشااا
وبدني لكل رزين
_ عادي ليك أيام
راقدة
_ خزرت لغالي وهزت يدها حطتها علي يدو ...حبو يقتلوني
غالي
_ لطف عليك هاني هوني مستحيل نخلي حد يلمسك من ليوم
_ يافا (قدمت سارة تحب تفحصها ) خلي غالي يخرج لزم
نفحصوك
_ لا خليه غالي معايا يعيشك
_ باهي هاو هوني موش باش يخرج
_ بقاو يسئلو فيها ويفحصو فيها غالي كان واقف بجنبها
يخزرلها ...عينيهم زوز تحكي ألف وجيعة في وجيعة
**
بعد ساعة كان
يلبسلها في حوايجها ...قفللها لفاست وهبط نحالها شلاكتها ولبسلها صبادريها
....كانت تخزرلو كيفاه مهتم بيها رفض تدخل لفرملية تلبسها كان مصر هو ليقوم بكل
تفصيل يخصها ...بعد مكمل جبد مشط مشطلها شعرها ...
_ نحبو مظفور غالي (تبسمت )
_ منعرفش يافا
_ لتوا متحفظت
_ وعد نتعلم لمرة جايا شدلها شعرها ولبسلها بوني قعد علي
ركايبو قدامها بعد مكمل لبسها
_ صحة يافتي
_ يعيشك غاليا
_ ميوجع فيك شئ
_ لا شئ علاش لكلكم من ساعة شنوة يوجع فيك
_ خايفين عليك
_ لباس خلينا نروحو وينو بابا
_ باش يجي غدوة لدار خلينا نخرجو
_ باهي
_ هز صاك وخرجها في يدوا ...عرضتو سارة في طريق
_ اكاهو يافا باش تروح
_ لزم تروح عمتي كيف متفهمنا
_ باهي غالي (تبسمت وقاتلو تهني بعينيها) خرج ركبها في
كرهبة ودار باش يركب في كرهبتو خزر لكرهبة لحراس لمعاه من ليوم تقيدت حريتو من
ليوم لزم يحمي يافا حتي لو كلفوا لأمر حياتو
**
من لوصلت بقات مصدومة دارت لغالي تسئل في بعينيها
_ شنوة هذا
_ شنوة يافا
_ علاش دار خلا وقيفار
_ يافا
_ احكي خايف لنظر روحي
_ هاك فهمت
_ لدرجة
_ (تنفس بقوة ) وعد تبري غير شوي صبر وعزيمة لزم قوة وصبر
يافا نعرف لفترة لباش نمرو بيها صعيبة شوية لكن لزم منها
_ وشكون باش يهتم بيا
_ انا
_ وخدمتك
_ خديت كونجي 15 يوم توا ومن بعد يحلها ربي
_ تعبتك موش هكا
_ تعبك راحة يافتي راك روح
_ قربت حظنتو بقوة بدات تبكي
_ علاش لبكاء توا
_ مكنتش نتصور باش نراك ونلمسك ونحظنك كنت نتصور معادش
باش نرجع بعد لشفتو
_ شكون احكي يافا
_ غالي (بعد ت عليه تمسح في دموعها)
_ لو تحب غالي قول كيفاه خرجت من لحفلة من غير معملت حس
(رجعت بيها ذاكرة ليلة لحادثة ليلة مستحيل تنساها غمضت عينيها تتفكر في لصار عضت
شفتها وخزرتلو بنظرة غضب وبقات تحكي بينها وبين روحها "لحرب بدات ويا أنا
ياهيا علي ها الأرض ")
_يافا احكي لزم تقلي لزم نعرف شكون لخطفك
_ منعرفش غالي( دارت جات داخلة جبدها من يدها دوها ليه )
مستحيل تقول منعرفش متاكد تعرفها شكون
_ ملا كي متأكد موش لزم تسئل نحب نرتاح يعيشك غالي
_ باهي يافا موش وقت لكلام توا ادخل
_(دخلها لبيت ستغربت) شنوة هذا غالي
_ يافا لزم لفترة هذي تبعد علي كل حاجة ممكن تؤذيك
_ علاش مجنونة أنا
_ يافا يظهرلي فهمك طبيب
_ فهمني وباش نتعالج بشوية بشوية
_ من ليلة يبدا لعلاج يافا علي هكا لزم نكونو متحضرين
_ شنوة باش يصيبني غالي
_ متخافش انا هوني وباذن الله معاك ومنخليش مكروه يصيبك
_ بدلت دبشها وقعدت هيا وياه تحكي ليلة كاملة يهرو
ويضحكو للي رقدو مكبشين في بعضهم
**
4 متع صباح بدات تتحرك بدنها لكل برد وبدا ينمل قامت
راسها رزين تقول فوقو شكاير حست برعشة بقيا تسري لوجيعة كثرت عليها للي بدات تحك
في بدنها قامت ترقل من لفرش تخزر لغالي كيفاه راقد مشات تزرب لصاك تلوج علي لحرابش
ملقات شئ شدت شعرها عينيها طلعت شفايفها يرقلو بقوة خرجت تزرب تفركت في ديار لكل
لكلها مسكرة صوت انينها علا تضرب في كل باب ولا حيط يعرضها ..
راقد يسمع في حركة مد يدو يشوف فيها ملقهاش حل عينيها
مخضوض مايعرفش علي روحك كيفاه قام يزرب حافي وينادي عليها مزال غير مهبط يلقاها
قاعدة علي الأرض في باب صالة شادة شعرها وغرستو بين ركبتها ...قدملها مخضوض هبط
علي ركايبو قدامها شدها من يدها
_ يافا شبيك علاش قمت من لفرش
_ موش تسمع فيه صوتو كيف ذبذابات لبعيدة تحس في حاجة تخض
فيها قامت من تخميراتها هزت راسها بعين طالعين لبرا عين حمر جمر نظرتها كانت تخوف
وجها لكل مكمش
_ يافا شبيك أسم الله عليك
_ اعطيني دواء توا
_ يافا غدوة صباح تخذ موش توا يعيشك قوم أرقد
_ لا لا لا توا (دزتو جا طايح قامت تصيح )مدلي ولا نقتلك
مدلي
_ يافا باهي توا نمدلك (قام من لأرض يخزرلها بعين مكسورة
وقلب مجروح ) خلينا نمشو للبيت توا نعطيك
_ باهي تعطيني موش هكا راسي يوجع غالي باش نموت (تحكي
وتحك في شعرها بكل قوة )
_(هزها للبيت حطها فوق جراية )وين غالي
_( هبط شدها من يدها وفكساها تحتو )يافا مفماش دواء كان
مع لفجر لزم تتحمل معايا يعيشك
_ لا غالي لا (تحكي وتصكك باش يبعدها) أمان غالي لو
تحبني باش نموت اعطيني حربوشة وحدة أمان
_ يافا حبيبي يعيشك لزم تبري لزم تتحمل معايا شوية
_ لا سيبني نكرهك سيبني ياكلب ياحيوان والله منقتلك
سيبني
_ كان تتصكك تحتو وتخبش حاول قد مايقدر باش يكلمي روحو
مع سبنها وبزقانها صياحها وجعلو قلبو دموعها ذبحوه وشووه بعد ساعة من صياح ولكريز لقوي داخت جبدها
ليه حظنها بقوة
_ ياروحي لطف عليك وراسك مندفعهم ثمن غالي منشرب مندم كل
حد كانت عندو يد في لصايرلك يحكي ويبوسلها في راسها ....حطها علي لفرش سوالها
شعرها ومسحلها دموعها ...خرج من بحذاها يهدي في روحو علي لتعدي بيه ...
_ شمس زرقت يخزر لخضار لقدامو ويرحي في دخان سرد لفجر
لكل تعدي عليه ...وهو يخمم في لي قررو جبد تلفونو وتكلم
_ حاجتي بمراد يجيني للفيرمة توا نحبو مسلسل كيف لكلب
...
غالي من أجل حب ومن أجل وجع امرأة عشقها حد نخاع ..فتح
علي نفسه أبواب جهنم
زعمة علاش غالي طلب الأتيان بمراد بأبشع طرق ؟؟
حلقة83
يافا
في بعض لأحيان تكون سعادتنا مرتبطة بشخص دخل لحياتنا
صدفة أو مقدر أن يكون ذاك شخص جزء منا
قاعدين لكلو يترشفو في قهوة وجوهم ماتتفسرش كل حد تقري
في ملامحو صخت وتعب لفترة صعيبة لمرت عليهم ..تكلمت شهد حبت تبدلهم شوية جو
خالي لو تحب نحضرلكم قاطو باش تتفرهدو شوية
_ لا يعيشك بنتي متعبش روحك
_ (بقا يحرك في راسمو مستغرب) تحكي بجدك وقت قاطوات وحلو
تقول طفلة صغيرة مكش فاهمة ش باقي صاير
_ علا ش هكا شهاب مقصدتش شئ حبيتكم تبدلو جو وتخرجو من
لحزن لأنتم فيه لأ أكثر لا أقل (قامت شادة دموعها متحبش تضعف قدامهم جات ماشيا
وقفها بستهزاء )
_ وين ماشيا متقوليش غضبت
_ لا سي شهاب مغضبتش أم صغار ميقعدوش مع لكبار (ومشات
وخلاتهم لكل يعايبو فيه)
_ عيب عليك شهاب محقكش تكسر بخاطرها حبت تفرهدنا وتخرجنا
من جو لحزن لأحنا فيه ولا عجبك عروسة من يومها نهار بطولو محبوسة في دار (تكلم
أياد بنطرة وقام)
_ بابا خليك أقعد شيهمك فيه شهاب الله يهديه (وقفت قمر
باش تقعدو)
_ خليني قمر نحب نطلع نرتاح شوية (خزر ليافا لكانت سارحة
في عالم أخر) يافا تنجم تطلع معايا حاشتي بيك
_ باهي أياد هاني جايا (قامت خزرت لشهاب بغش ) شوف شهاب
ولدي شهد موش خديمة عندك باش تنطر عليها وتعاملها ها لمعاملة هذي عيب احترم روحك
_ امي (جا باش يحكي قص عليه بوه )وراسك ياشهاب نهار نرا
دموع فوق خد بنت اختي لا عاد طول ظفرها
_ شنوة ياخي تلاقيتو عليا لكل
_ وانا معاهم سي خويا
_ باهي بربي خليني نطلع أصلا موش ناقص مخي تاعب ملي صاير
_ طلعو كل حد شد بيتو ...قمر هزت روحها وخرجت تحكي مع
بدر بتلفون
_ حبيبي وينك توحشتك
_ روحو لحبيبك هاني متوحشك برشا
_ كان ترا أنا تخدم توا
_ نخدم علاش
_ كنت حبا نمشي لغالي ويافا
_ وين تمشي هبلت تعرف حالت يافا ملزمش تكونتاكي أي حد
_ مانيش أي حد يافا أختي ومتناساش طبيبة راني وعندي علم
بلي تمر بيه ونجم نعاونها ومنجمش نخلي غالي وحدو (كانت تحكي منفعلة يد حوطتها من
تالي من لحظة غضب ترسمت لبسمة فوق شفايفها كيف لا وحبيب لقلب بقربها ) حبيبي
_ روحو لحبيبك (حظنها يبوسلها في شعرها )توحشتك
_ (دارتلو باستو علي خدو وتبسمت من لفرحة ) موش قلت تخدم
_ والله نخدم خطفت روحي ساعة قلت نجي نبوسك ونرجع
_ جاي علي خاطر بوسة موش علي خاطري
_ جاي علي خاطر بوسة أحلي حب في دنيا
_ توحثتك راهو (تحكي وتلعب علي قفايل لكونبا متاعو)
_ زعمة قدي
_ اكثر منك
_ شكون هوني (بعد بعد متفكر الي هو في دارها )
_ لكل
_ تحكي بجدك لا يكون شفونا (يحكي ويخزر لبلكونات وشبابك
)
_ مرانا حد تهني لكلهم لاهين
_ غدوة نكمل لخدمة بكري شقولك نخرجو نعدوه نهار مع بعضنا
_ منجمش غدوة ماو قتلك
_ قمر خايف عليك
_ متخافش عليا تهني صاحبك راجل
_ شنوة هذي راجل منين ليك ها لغة
_ لغة لحوم علاه
_ أسمع يرحم بوك نحبك انثي لا صاحبي لا ك لغة يزي لفاصيل
لنخالط فيهم في لخدمة نزيد نلقاك تحكي هكا نحبك أنثي
_ علاه انا شنوة (طرمت شفتها)
_ احلي أنثي (قرب ضرب خشمو بخشمها ) حبي لزم نرجع حبيت
نجي نطل عليك ستناني غدوة توا نجي أنا نهزك باهي
_ باهي بدورتي يخليك ليا
_ يعيشها لحب (خذا بوسة علي خدها وخرج يزرب كل مرة يتلفت
يلقاها تخزرلو غمزها وخرج لخدمة )
***
أول مدخل شافها تحكي في تلفون حسها تربثت ودخلت بعضها
وعلقت بقي مستغرب ومركز معاها ...قربت هزت صاك وجات خارجة شدها من يدها ورجعها
_ وين علي خير من غير متشاور
_ خارجة عندي منعمل
_ شنوة باش تعمل (بقا يخزر لوجها ولعينيها لكانت ظاهر
تبكي )
_ مدخلكش شهاب (جبدت يدها وجات خارجة رجعها بقوة وحطها
قدامو)
_ شنوة هذي مدخلكش ملا شكون دخلو بربي تحكي بجدك ولا
تفدلك ..وشكون كان يكلم فيك
_ مكان يكلم فيا حد ويظهرلي كل حد حر يعمل لحب
_ غالط مفماش شكون حر مرتي راك متنساش
_ يزي مرتك لا نصدق بربي
_ يشوف فيها كيفاه تحكي بقوة ستغربها (جبد تلفون من يدها
جات تبجد فيه مخلاهاش اول مشاف نمرو ولأسم وجهو تبدل لونو ..
_ علاش تحكي معاه
_ مد تلفون ومنسمحلكش فهمت
_ شنوة متسمحليش يابنتي متخلينيش نهبل واعية فاش تعمل
مرت راجل راك
_ (جبدت تلفون من يدو بقوة ) مرتك ونعرف حدودي واجبي سي
شهاب ومنسمحلكش وقتلك من قبل سي محمد لنكادرور متاعي يعني أنا وياه علاقة تلميذ
وأستاذ مفماش حاجة اخري ومن فضلك عطلتني لزم نمشي (وخرجت وخلاتو يغزل يعني باش
تقابلو وتشوفو كل يوم وتحكي معاه وتتقابل معاه حس بنار طلعت راسو برغم طبيعتو
لحادة وبرغم برشا يعتقدو الي هو متفتح لكن شهاب في داخلو طباع رجل شرقي رجعي بأتم
لكلمة لمرأة لمتزوجها ولا لتكون معاه مستحيل تكون في علاقة حتي لو كانت اخوية بأي رجل أخر مهما كانت صيفتومبادء تربي عليها
ومستحيل يبدلها لاجل مين من كان ..خرج ركب كرهبتو ولحق عليها وين باش تتقابل معاه
كان يسوق في لكرهبة وعينيه علي كرهبتها اول موصلو لنادي شافو كيفاه عرضها سلم
عليها وبقاو شوية يحكو واقفين من غير مدخلت
من لكلمها وقالها تجي عندو بعض الاوراق باش يعطيهملها
مهمين وهو متشوق يراها كان يقدر يبعثهم مع امها لكن معرف علاش كلمها وأكد عليها
تجي ملي شافها هبطت من لكرهبة قدملها حللها لباب وسلم عليها بيدو بحرارة
_ لباس شهد
_ حمدلله دكتور محمد شنوة حوالك
_ بخير يعيشك ادخل نعملو قهوة لو حبيت ونحكو
_ لزم نمشي عندي منعمل جبتلي لوراق لقتلي عليها
_ أي عندي هوني فوق طاولة كنت متصور باش نقعدو نحكو
_ مرة اخري اكيد عندي شوية ظروف في دار خالي علي هكا لزم
نكون في دار
_ يعني خرجتك وأنت مظغوطة
_ عادي دكتور علي مصلحتي
_ باهي لحظة نجيبلك لوراق (دخل يزرب جابهم ورجعلها ...)
_ يعيشك دكتور
_ نحاها دكتور قلي لباس ليوم
_ حمدلله بخير يعيشك
_ حسيتك من عينيك مكش لباس
_ (تنهد وتبسمتلو بمرارة ) تاعبة أكيد توا نحكو
_ في كل وقت شهد نعرف لفترة لتمر بيها صعيبة أما لزم
تكون قوية باش تقدر تنجح ها لعلاقة مزلت في لول لزم ديما تضحك
_ اكيد
_ أضحك
_ تبسمت حبت تجاملو
_ لا نحبك تضحك علاش تخبي في ها ضحكة (مد يدو رسملها ضحكة علي وجها ..عنين شهاب طلعت
من ليشوف فيه قرص علي لباب باش يهبط يفتقو من بعضو شافها كيفاه بعدت وكأنو حكات
معاه بنطرة )
_ ميجيش دكتور لعملتو لزم نمشي
_ مقصدتش شهد حبيت نراك تضحك
_ اكيد باش نضحك ونخذ بنصيحتك ورجعت ركبت في كرهبتها
...تحمد في ربي شهاب مراشو ولا كان فتقو من بعضو موش عارفة نار لفي داخلو بركان
شاعل ميطفي كان ميبردو بطريقتو
حلقة 84
يافا
أعصار أنا وبداخي حرب وزلازل بداخي نار لاهبة
بداخلي رماد يتأكل لا ينطفئ الأ برد أعتبار
صوت طبول تقرع في مسامعي تدحضني لخوض نزاع
سيكشف لي عن ما حصل وماسيحصل في لأبان
لبسمة فوق شفايفو بسمة كره بسمة غضب ’حزن ,ورد أعتبار
جبد كرسي قلبو وقعد عليه يحرك في لبستولي لفي يدو ..تكلم بصوت معبي غل
_ نورت سي مراد
_ (كان مكبل بمينوت في يدو وقاعد علي كرسي حديد يدو
مقلوبة ساقيه مربوطين وفمو مربوط يخزرلو بعين حايرة عين معبية غضب )
_ أكيد تقول أش مجيبني نجاوبك من غير لف أنت تعرف وأنا
نعرف شكون لعمل في يافا هذا
_ (بقا مراد يحرك في راسو يحب يحكي حرك حاجبو لراجل لورا
مراد باش ينحي لكمامة من فمو وقت لنحاها صاح مراد من لوجيعة )
_ لتعمل فيه باش يكلفك غالي برشا
_ خليه يكلفني سي مراد نحبو يكلفني
_ تتخيل لممكن نعرف شكون أذي يافا ونسكت
_ علاه تطلعش من بقية عيلتك يافا
_ يافا حياتي (قالها بعين صحيحة موش خايف من راجل يعرف
شتعينيلو يافا )
_ هبلت أنت (قام غالي من كرسيه رماه علي طول يدو) ضربو
بونيا لجابو طايح علي القاع بكرسيه بقي مراد يتبسم ويحرك في فمو
_ رجلة هذي تضرب وأنا مقيد
_( جبدو من مريولو) رجلة تعرفها أنت أه يافا أسمها معادش
تذركو علي لسانك
_ حتي لو مجبدتهاش في فمي قلبي يذكرها في كل دقة سي غالي
مشاعرنا منجموش نتحكمو فيها
_ (ضربو بونيا اخري فلقو بيها خشمو )ريتها لمشاعر لتحكي
عليها نمحسها من قلبك ناكلو قلبك ني فهمت
_ (بزق دم وبقي يكح ويشوفلو )من غير مطورت روحك برشا
غالي بيا متنساش انا شكون ولد شكون منصبك جديد معندوش مايحميك لقوة لينا
_ بأمارة هاك مكتف عندي كف لعلوش
_ لغدرة عاد
_ لغدرة مستميا عليكم عاد
_ بينتنا طار قديم غالي ولا نسيت لعبك بمشاعر وعد اختي
_ ملا خوذ طارك من حينك نستني فيك
***
في فرنسا
يحرك في يدو علي لبيكاكيتا وينقر عليها بتوتر كبير يسمع
في رجالو كيفاه ينقلولو في خبر خطف ولدو ...تبسم ودور كرسيه خزرلهم نظرة قاتلة
لكلهم هبطو عينيهم
_ يعني جايني تبشرو فيا بخطف ولدي
_ سيدي
_ حرك صبعو باش يسكت ...خزر لراجل لبجنبو وينو مراد
_ لحظات ونعرفو شكون لخطفو سيدي
_ لها درجة تقصير منكم نخدم في بهم معايا تعرفو شكون
مراد ولي لعرش ولدي ولي مملكتي ولوريث لوحيد هبلتو أنتم
_ سيدي حطين أكثر من 20 راجل يحرسو فيه من غير علمو كيف
مطلبت لخطفو يعرفو الي الحراسة متدخلش معاه لدار داخل من لحظة لدخل سي مراد مخرجش
وقتها شكينا يكون بيه حاجة منعرفوش وين وشكون هزو بظبط
_ بهايم (قام وطاحت لبكيتة لمن لخشب لهندي فوق لبرتار صدي صوتها كان في كامل لبيرو ) توا
تعرفو وين خير منسفر بروحكم تلفون لبيرو صونا هز منرفز
_ وقت لسمع لولدو عند غالي طيح تلفون بقوة ..وصاح يعني
غالي الاندلسي تتحدا فيا خلقت أمس في لأيام دوس علي حاجة ليا
_ سيدي لو تحب نقضو عليه هو وعيلتو لكل
_ مغفل تعرف علي شكون تحكي مكش خادم خدمتك مليح ..بهايم
تخدمو معايا اطلبوه فورا
_ حاضر سيدي
_ خرجو يزربو مرعوبين في دقاق تبعثلهم رقم غالي طلبوه
وعدوهولو ....
**
كان يحكي بكل برود معاه
في كل مرة يخزر لمنقالة في يدو وأخيرا تلفونو صونا من غير ماشاف نمرو كان
متأ كد الي حب عليه وصلولو ..
_ (هز مع بسمة رضاء قدر يحرك الذئب من مخبئو ) كنت نستني
في مكالمتك
_ يعني عارف الي انا باش نكلمك
_ ولو لوريث لوحيد لممتلكات زويا موجود مسلسل قدامي
ولكينق ميكلمنيش
_ طلباتك (كان يحكي بهدوء )
_ تسلملي لكادر طبي لبعثتو ليافا وكل شخص مسؤول علي
لصارلها
_ ههههه شكون يافا
_ شوف وقتي ثمين ولدك مايخرج من هوني حي الأ ماكل شخص
كان سبب في لصار ليافا موجود وين نقلك انا حتي لو كان عساس باب فهمت (صاح بقوة )
_ فهمت أما واعي مع شكون تحكي
_ واعي وانت زادة أكيد تعرف مع شكون تحكي متنساش انا
شكون
_ ولو غالي الاندلسي ولا نقولو خليفة عائلة الأندلسي
_ صحيت يعني غالي متع امس موش نفسو غالي متع ليوم ورب
لكعبة ميكونوش قدامي في خلال ساعتين أسمع أول رصاصة وصوت ألم خليفتك في لملك
_ باش يكونو عندك غالي لأنهم مايهمونيش وجرب ولدي تتمسلو
شعرة واحدة تونس نحرقها وأنت تعرف رمز زويا شكون
_ لنا لقاء اخر وعن قريب في زنرزانة أنا لباش نخترهالك
بيدي
_ هههههه (ضحك بأستهزاء ) معملوهاش لكبارات باش تعملها
انت غالي الأندلسي
_ يوجد في نهر ملا يوجد في لبحر ولقبلتهوم لكل موش رجال
بالمعني الأصح لرجولة احذر مني زويا رمزك باش يكون رمز قبرك ...عطاه لعنوان لجيبلو
فيه لمذنبين في حق يافا وعلق عليه خزر لمراد لكان يخزرلو مصدوم من لقوة ليحكي بيها
مع اكبر زعيم مافيا
_ واعي شكنت تعمل حليت عليك باب جهنم بابا متعرفوش وقت
ليحط حد في بالو
_ وأنت زادة متعرفنيش كيف نحط حد في بالي فكو وخليه يغسل
وجهو (أمر واحد من رجالو ) متأكد بوك باش يبعث لحاجتي بيه (قام ماشي حبس وخزرلو )
شوف مراد أبعد علي مرتي من ليوم لو نلقاك دور بيها وراسك نمحيك
_ مرتك (قالها بصدمة كبيرة )
_ مرتي يافا من ليوم أسمها يافا الأندلسي
**
حلقة 85
يافا
أيتها الأنثے
جئتك عاشق
متمرد علے كل الأزمان
ثائر علے خجلے بكل عنفوان
لأغازل رغباتك
و أنثر شغفے بأحضانك
فإنثرينے و بعثرينے بين أجزاءك
يا ساكنة بين حركات صدرے
يا أنشودة أحلامے..نفذ صبرے
ﺃﺭﻳﺪ منكے ﻋﻨﺎقاً ﻃﻮﻳﻞٌ ياقدرے
اريد ان اسجن جسدك في جسدے
جئتك عاشق
متمرد علے كل الأزمان
ثائر علے خجلے بكل عنفوان
لأغازل رغباتك
و أنثر شغفے بأحضانك
فإنثرينے و بعثرينے بين أجزاءك
يا ساكنة بين حركات صدرے
يا أنشودة أحلامے..نفذ صبرے
ﺃﺭﻳﺪ منكے ﻋﻨﺎقاً ﻃﻮﻳﻞٌ ياقدرے
اريد ان اسجن جسدك في جسدے
كلمة مصدومة لا تكفي علي كل كلمة يقول فيها غالي ليها
_ غالي واعي شتقول
_ لسمعتو عمتي
_ غالي باش تحل عليك باب بلاء
_ متخافش كل خطوة محسوبة لو باش تقف معايا وتكون سند ليا
يا أعتبرني مقلت شئ
_ وأمك وبوك
_ منحب حد يسمع بخلافك أنت عمتي يافا لزم تكون مرتي لحظة
هذي قبل غدوة لزم تكون بأسمي باش معادش حد يقربلها
_ ولمنظمة ولمجلس الاعلي** شنوة باش تقلو وامك لو تسمع
_ حاليا موش باش يسمع حد في لوقت صحيح نخبر ناس لكل
ونعمللها عرس يافا
_ وبوها
_ في بالو هو باش يشهد علي هكا لزم ليوم تعطيها دواء
لخليها تكون راكزة واعية في لباش تقولو
_ باهي غالي لتحب عليه يصير لمهم متضرش روحك وتحمي يافا
حتي هيا بنتي
_ نعرف عمتي حاجة صعيبة وموش بساهل باش تكون فرحتي بها
طريقة وزيد من فوق أمي موش معايا اما لضرورة احكام
_ لتشفو صالح اعملو غالي
_كانت قاعدة علي الأرض شادة راسها من قوة لوجيعة بدنها
لكل مرضرض سيروم في يدها ..تخزر لفوق بعين محوقة دخل موجوع لوجيعتها شدتو سارة يدو
_ فترة وتتعدي بدنها فارغ بعد كريز لبارح شوية وتفيق
_ باهي عمتي كيف تفيق لبسلها روب لفي سانتر (أشار لشباك
)
_ باهي غالي
_ خليني نهبط نشوف لعدل وصل ولا
_ هبط لقي عمو صدام ولعدل وبدر ...قاعدين يحكو وقف صدام
جاه
_ ويني يافا
_ لفوق عمي شوية وتفيق
_ غالي وقت لكلمتني صباح وقتلي مكنتش مصدق لقلتو
_ عم صدام لزم هاكا يصير منجمتش نكتب عليها وانت موش
موجود وعد نحميها يافا وبها طريقة نحميها اكثر وتكون عندها حماية خاصة
_ نعرف غالي فرحان لبنتي باش تعرس براجل للتتمناه ومتمني
راهو فرح كبير
_ وعد اول متفيق وتوالي لباس نعمل اكبر عرس في دنيا
_ زعمة تبري
_ اكيد مفماش حاجة أسمها زعمة فما باذن الله وربي كبير
ويافا باش ترجع أقوي من قبل
_ ان شاء الله ولدي
_ غالي مبروك يالخو
_ عشير عمري متقوليش هاك بالكونبا
_ الله غالب نخدم خذيت ساعة علي خاطرك لزم شوية ونرجع
_ يعيشك بدر انك مخليتنيش
_ ولو يالخو راك خويا وعشيري متقولش هكا رقبتي ليك
ويشرفني نكون شاهد علي فرحتك
_ يعيشك
_( جبدو بعدو علي صدام وتكلم بشوية )نعرف الي فرحان برغم
لوضعية ونعرف لفرحتك كبيرة خاطر باش تملك لمرا لعاشقها
_ فوق ماتتخيل موش مهم كيفاه تكون يافا لمهم تكون مرتي
وهكا نحميها من ناس ومن دنيا ومن روحي
_ غالي نعرف صاحبي راجل
_ غالي يافا تناديلك (ندتو سارة )
**
تخزر لكفة يدها كيفاه حمراء جمر وكل مرة تهز عينيها تخزر
لدنيا لقدامها حطت يدها علي لفورفرجي ودخلت خشمها تتنفس في هواء من طبيعية دنيا
خضراء عصافر تزقزق ..صوت طبيعة هدالها عصابها تاعبة ريحتو لسبقتو خلاتها تنطق بوحش
_ محلاها طبيعة هوني غالي
_ انت محليتها يافتي (بقا يخزر لروب للبستها برغم سانبل
لكن مميزة شعرها لكان ممشوط علي جنب ومحطوط فوقو تاج صغير من ورد ومزين كامل شعرها
كيف لحورية
_ موش باش تورينا ها لوجه (قدملها )
_ دارت تخزرلو بعين معبية حب
_ محلاك (برغم بساطتها كان شوية فوندوتان مغطي بيه لحوق
لفي عينيها روج في شفايفها لكانو ظاهرين شايحين ...وجها كان شاحب وتاعب لدرجة توجع
لقلب قدملها بعين معبية عشق وهيام
_ يافتي محلاك وردتي (هز يدو حطها علي تاج لياسمين لكان
في شعرها )
_ أنت ختارتهم محلاهم
_ لورد لا يليق الا بالورد حبيت تكون يافتي بكل اناقتها
_ وين باش تهزني بها لمنظر (تحكي بصيف)
_ تاعبة موش هكا
_ كيف ريتك رتحت (هزت يدها حطتها علي خبش تحت عينيو) انا
جرحتك موش هكا
_(جبدلها يدها باس كفتها)..وهبط علي ركبة ونص قدامها جبد
خاتم فصو ديامون مدو
_ يافا ليوم نحب نتوجك ملكة علي عرش قلبي نحب نول شرف
أتحادك بأسمي نحبك تكون مني جزء لا يتجزء من كل حياتي ...نحب نكمل معاك حياتي
نجيبو صغار ونبنو دار مع بعضنا نحلمو ونكبرو ونشيبو مع بعضنا يافتي روحي نعرف لا لوقت
مناسب ولا زمان لكن هذا أحسن وقت باش نكونو فيه مع بعضنا احسن وقت نتحدو فيه قوتي
وقوتك ضعفي وضعفك مع بعض يتخلقو
قمري وشمسي هل
تقبلين زواج بي
_ كانت عينيها تقطر بدموع موش مصدقة طلب لطلبو في حلتها
في وضعها هذا وهيا في عجزها وضياعها يطلب باش يتحد معاها باش تكون ليه ومرتو هزت
يدها حطتها علي فمها تكتم في شهقتها ..
_ من غير مستني أجابة منها حط لخاتم في صبعها وجبد يدها
باسها ...قام جبدها ليه حظنها بقوة متبكيش حبيبي متبكيش مرتي وروحي
_ مرتك (قالتها تشهق ) باش نكون مرتك واعي غالي شوفني
مليح دروقيست مريضة ممكن نهبل ممكن منبراش باش تتعب باش تتضر في جرتي
_ (حط صبعو علي فمها ) أسسسس قول أيه ولا يهمك في لباقي
_ لكن
_( قص عليها) لو أنا نكون هكا تخليني
_ نفديك بروحي غالي
_ وانا روحك ونحب نفديك بيها خلينا نكونو ليد في ليد قول
أيه
_ حركت راسها وهيا تتبسم عينيها تجري دموع
_ بكايا يزي تضحك ولا تبكي
_ زوز هبلت خاطر ألمس قلبي
_ حط يدو علي قلبها كان يدق بقوة تبسم بفرحة نحبو قلبك
_ حتي هو يحبك وبرشااا
_ خلينا نهبطو ناس تستني
**
تصحح وعينيها تقتر بدموع يدها كانت ترعش من لفرحة وقت
لصححت قامت تخزر لبوها كيفاه يصحح ومن بعد بدر بقات تخزر لعدل تثبت في شفايفو
كيفاه باش ينطقها واخيرا قالها قالها قالها
_ أعلنكما زواجا وزوجة
_ لبسمة ترسمت علي شفايفهم لعيون لكل تعبت دموع غالي
جبدها حظنها بقوة وتكلم بجنب وذنها مرتي متبكيش من ليوم مفاش دموع ..
بعد بنص ساعة ناس لكل روحت بقات غالي ويافا وحدهم
...قربلها باسها من جبينها ...
_ مبروك حبيتي
_ يبارك فيك غاليا نحبك
_ احلي كلمة ياروحي بون باش نهيدلك هدية باش تحبها برشا
_ بلحق شنية
_ أيجا معايا (قدم جبدلها كابوط حطو فوق روبة ..وجبدها
من يدها تبع فيه تخزر لدبو كبير معبي برشا رجال لبرا ...خزرتلو مستغربة ...غمض
عينيه طمنها وقت لدخلت كانو ا كثر من 6 رجال معلقين بين هواء وفضا لكلهم معذبين
_ تخزرلو موش مستوعبة لتشوف فيه غالي شنوة هذا
_ كل شخص حاول يضرك وكان شاهد عيان علي عذابك باش يصير
فيه كيف مصارلك
_ لا غالي متكونش وحش كيفهم
_ هوما وحوش ألف غيرك صارلو هكا ومزال باش يصير سم لعطوه
للعباد لزم يذقوه هذا هديتي ليك طارك مرت بوك قتلها بوك أرتاح وتهني
_ ماتت (تبسمت بفرحة )
_ ماتت وكل شخص يمس شعرة منك يتمحي من دنيا لكل جبدها
حظنها
_ كيف مقتلكم قومو بالواجب وحطوهم قدام مشفي يهتم
بالمدمنين خلي يذقو سم لزرقو فيه للعباد ويعرفو اللي القسم لمهني كيف يتكسر يكلف
غالي يكلف صحة ودم
**
بعد متهني علي ولدو قام من كرسيه وخرج بخطي ثابتة من
بيروه مع كل خطوة يضرب لأرض بلباكيتا متاعو قصر متاعو تقول سجن في كل بيت زوز حراس
..أول موصل للبيت تحل لباب لقا شكون لبسلو تيني ودخل يخزر لميكنات ولخيوط لكل
معلقين في جسد مرمي لكلو خيوط
_ تكلم بصوت حزين أيام وتفيق وقتها باش تكون فرحتي ونصري
...هود باسلها يدها وجبد كرسي قعد فيه ..
حلقة86
يافا
فوضي تعم مشاعري وتخنق أفكاري
ملل سجن كل طقاتي وجعلني أندثر
أحلم أن اتنفس وأنا مرتاح لبال
أحلم أن تستقيم حياتي داخل هته الضوضاء التي صنعت
حيرتي
أشار بيدو باش يهبطلو كاس اخر راسو قاشعو لتالي علي
لكرسي وهو يخزر في سقف لبار ..دخان كان معبي دنيا ..حس وترو اكثر ماهو متوتر جبد
سيقار شعلو ونفخ صوت لكاس لتحط فوق لكنتوار خلاه يهود يجبدو ويحطو لكل في فم واحد
...نار شاعلة في داخلو وكأنو حاسس روحو في ضوضاء كبيرة نارو مستحيل تبرد قام من
كرسيه جبد خلص وخرج ليلة لزم يفضها معاها ليلة يواريلها كيفاه تقلل منو ومن
احترامو
**
عشوية كاملة عديتها في لكنيك مع امها برغم كونجي أما
توحشت لخدمة بقات تهر هيا وصاحبتها وكل مرة تخرج تتفقد لمرضة معاهم ...
شهد من صباح وأنت هوني بنتي مايجيش برا روح تي قريب ستة
وودنيا قريب تظلم
_ فادة امي وتوحشت لخدمة
_ أرجع جمعة جايا مسالش ودار خالك محتاجينك توا لزم تمشي
_ باهي أمي هاني باش نمشي بوسلي بابا برشا
_ باهي روح ماما (باست امها وخرجت هزا صاكها في يدها
وتلفون في يدها تبسمت بأستهزاء يعني حد عقلها تصورت باش يتفكرها ويطلبها جات
متعدية تسمع في صوت محمد حبست في بلاصتها وهيا تسمع فيه يتوجع ...دقت لباب ودخلت
من غير مستأذنت لقاتو في صال دوسوان يتعالج تشوف في يدو مربوطة قدمت مفجوعة
_ شبيك دكتور لباس كنت صباح بخير
_ (وقت لراها حس بنار كملت شعلت فيه )لباس شهد حكاية
خفيفة
_ شنوة لصار
_ مصار شئ حادث بسيط (خزر لفرملية لتنظفلو في جراحو
شكرها وقالها خلينا وحدنا)
_ يدك توجع
_ شوية ترضريض في صوابعي نهارين ويبروا
_ (مدت يدها لتحت عينيو )شكون ضربك محمد
_ مضربني حد قتلك حادث بسيط
_ حادث تي ظاهر ضرب
_ شنوة شهد وعلاش باش نكذب زعمة (حكا بنطرة)
_ عادي وسع بالك من خوفي عليك صدقني
_ يعيشك وانت شتعمل هوني موش قلت مروحة
_( حشمت هزت شعرها ورا وذنيها )حبيت نطمن علي أمي وباش
نروح
_ فهمتك
_ تحب نروح بيك
_ لا هاني تنكلم تاكسي يوصلني
_ لا والله مصارها نوصلك ومن بعد نروح
خرجت هيا وياه طريق كامل وهو ساكت علي غير لعادة ..كل
شوي تخزرلو مستغربة وصلتو قدام دار وقت لهبط هبطت
_ دكتور محمد تستحق حاجة كلمني
_ ان شاء الله شهد رودبالك علي روحك (ومشي وخلاها
واقفة..رجعت مستغربة تسوق وكل مرة تخمم فيه وصلت لدار لقات قمر تحكي في تلفون في
جنينة ..ملي راتها سكرت وقدمتلها
_ وين كنت شهد
_ اهلا كنت بحذا امي علاه
_ شهاب جا من بكري يلوج عليك وظاهر منرفز
_ وعلاش جديدة هذي مك تعرفو خوك ديما منرفز
_ ليوم علي غير لعادة
_ بربي أخطاني منو توا قلي وينو خالي وطاطا
_ منعرفش كلموني قالو ليلة موش جاين عندهم خدمة
_ ملا وحدنا ليلة
_ وحدك أنا خارجة مع بدر نسهرو
_ امان باش تخليني وحدي مع خوك
_خويا راجلك وعاد شبيه كلام هذا
_ وينو هو لفوق
_ لفوق أيه اطلع خلي نمشي نحضر روحي
_ طلعت تجر في ساقيها جران قلبها موجوع منو حسا روحها
داخلة لقفص موش لبيتها أول مدخلت ملقاتوش ستغربت زعمة وينو هزت كتافها شيهمها جبدت
بدلت دبشها ..ودخلت نحبت مكياجها خارجة من دوش تهز ف شعرها لفوق وقت لخرجت لقاتو
وقف قدامها من لفجعة نحت يدها من شعرها جا لكل فوق وجها..
_ ملي راها دخلت للفيلا وهو يخزرلها بعين حمراء تتناطر
من لعصب برد دمو وخرج من بيرو بوه مع كل خطوة ناروا تشعل وين يتفكر يدو لتمدت
لوجها وقت لحل لباب كان يسمع في لماء في دوش وقف قدام دوش يستني فيها ...وقت لراها
خارجة شعرها لفوق ...حس بدقة غريبة في قلبو كملت دقتو قوات وقت لشاف ربثتها وشعرها
لحرير لطاح فوق وجها يشوف فيه كيفاه تسوي في شعرات ..وتحكي بتعلثم
_ اهلا شهاب وينك لباس
_ لباس وأنت لباس
_ حمدلله (تحكي وتسوي في شعرها وتخرزلو )
_ متأكدة لباس
_ لباس صدقني علاش
_ هككا حبيت نسئل وبرا
_( لباب يدق تكلمت شهد )شكون
_ شهد انا قمر أمان لحظة حاشتي بيك
_ خرجتلها تزرب أهلا قمر لباس
_ لباس لباس أعطبيني روج متاعك
_ لحظة (تجبد في صاكها وعينها تخزر علي جنب لشهاب لكان
مركز معاها علي غير لعادة ..مدتهولها وبقات تشوفلها )
_ شقولك فيا
_ تهبل محلاك واتك روج
_ حتي احنا لينا فترة مخرجناش قلت خلي ليلة علي أقل نسهر
شوية
_ صحة تفرهدلي معاك
_ شهوب نخليك خويا لغالي منوصيكش علي شهودة
_ متبطاش قمر (قالها بنطرة )
_ باهي تهني (بقات تسئل في شهد بعينيها )
_ (عوجت فمها "متعرفش")
_ (قربت قمر باستها من خدها )ربي معاك ظاهر منرفز
_ باهي قمر رودبالك علي روحك
تحب نحطلك تتعشي شهاب
_ منحبش (نحا لفاست متاعو رماها فوق لفرش ...)وين كنت
صباح
_ كنت بحذا امي شهاب باش نهبط ناكل حاجة جعت
_ وعلاش متغديتش مع امك (يحكي ويقدملها)
_ تغديت سابعة توا ولا نبقي علي غداء نص نهار
_ وقتاه مشيت لأمك
_ قتلك مشيت لدكترو محمد هزيت وراق وروحت
_ تقابلت معاه في لفاك
_ أيه اكيد (دخلت بعضها لو كان باش تقولو مشاتلو لنادي
باش يبقي يؤول فيها)
_ بربي (قالها بنطرة جبدها من يدها بقوة للي صاحت )
_ يدي شهاب هبلت ياخي
_ هبلت تكذ ب عليا اه تخيل تتعدي عليا ومنعرفش وين
مشيتلو
_ شتقصد
_ لفهمتو كيف أنت تتقابل معاه في نوادي ويدو تتهز تتحط
علي وجهك ماو ملول خوذو علاش تمثل عليا قول
_ نحي يدك أخرتها تراقب فيا وليت
_ نراقبك وياربيش نسلك باش تواطيلي راسي نمحيك من ها لأرض انت ونذل
لمصاحبتو 
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء