راسو ثقيل يحرك فيه بصيف حاسس روحو
شكاير باركة عليه من ثقل لفي راسوا يحل في عينيو بصيف دنيا فلودور بيه حتي هيا
سخانة تقلي فيه.. دور عينيو علي جنبو لقاها راقدة فوق
كرسي راسها فوق فرشو ويدها شدا يدو تبسم يعني ساهرة عليه ونهار بطولو لاهيا بيه
قداه عزت بيه فرح قد دنيا بتصرفها نبيل دوب محركها بيدو يحب يقيمها بقا يخزر
لشعرها لكان شمدود لفوق خصايل ذهب تجهر عدا يدو عليهم وهز روحو بشوية دوب محط
شفايفو وباس شعرها شم ريحتو وأستنشقها وبقي يحرك
فيها يحب يقيمها ...زيزي قوم زيزي
_ صوتو كان بعيد حست روحها تحلم يدو لتحطت عليها هزرتها وقيمتها فاقت مفجوعة
تحط في يدها فوق جبينو لباس سي سيف خيرشي شوي معادش قراجمك توجع
_ لباس زيزي حمدلله متتفجعش تاعب شوية
_ سملة عليك هاي سخانة طاحت حطت يدها في رقبتو هاك بكلك مبلول قوم دوش باش
تناحي لعرق وهاني باش نسخنلك شربة
_ باهي دكتورة لتؤمر بيه يتنفذ
_ فجعتني عليك كنت تهتري من كثرة سخانة
_ بالحق شقلت
_ حشمت وطبست راسها وقت لتفكرت كلامو وهو يهتري بيها ...كنت تقول في كلام مايجيش حتي خليني نقوم نحضرلك دوش
_ شقلت زيزي قلي بربي
_ قلت اللي أنا نعجبك وحابب عليك و
_ و شنوة قلت حاجة خايبة
_ لا عادي سي سيف نعرف اللي أنت موش واعي خليني نمشي شوف لعشا و نحضرلك دوش تو
نجيك (كانت ماشيا وقفها كلامو )
_ بالحق تعجبني زيزي مكنتش نهتري كنت نقول في لحقيقة ونحكي لفي داخلي
_ ثلجت في بلاصتها معرفتش شتقول تنفست بقوة ودارتلو لقاتو يقدم باش يوصللها ...شقلت سي سيف
_ لسمعتو زيزي تعجبني برشا علاه عيب
_ سي سيف أدخل دوش نسخن لماكلة ونجيك مشات هاربة من كلامو بدنها لكل يرقل من
ها لأحساس لغريب موش فاهمة فرحة ولا خوف ملي باش يجي ..ربع ساعة وطاولة حضرت مشات تزرب لبيت تنادي فيه دخلت من غير مدقت لباب ...وقت لراتو عينيها تحولت قلوب لبس شورط ومزال عاري من فوق رجعت تزرب لكوزين
دايخة وذايبة زاد دقيقة ولحق عليها بعد ملبس دبشو ولبسمة فوق شفايفو
_ صحة سي سيف مقصدتش من بكري ندخل عليك
_ مصار شئ عادي ...(جبد كرسيه وقعد ياكل وعينيه متشلتش
منها يخزر لوجها لاحمر عينيها لترمش بقوة وربثتها لمخلياتو حاسا أنها هيا زاد
معجبة بيه)
_ من بكري تلفونك يصوني
_ أكيد أمي ولا واحد من لولاد
_ تحب نجيبهولك
_ لا خليه أخطاني من حسوا
_ باهي سي سيف
_ معادش تقولي سي قلي سيف حاف
_ لا ميجيش منجمش
_ لا تنجم عادي
_حاضر
_ قول سيف
سيف (قالتها بحشمة )
_ كيف لعسل خارج اسمي من فمك
_ يحلي أيامك سي سيف
_ شقلنا عاد
_ ههه الله غالب مزلت متعودتش
_ توا تتعود ...
_ بقا يحكي معاها وهو ياكل كمل تعشي بدل حوايجو وحضرو روحو لزم يروح من صباح
عندها لمشا لخدمة لا كلم امو
_ باش تروح سي سيف
_ لزم وقيت لوالدة ليوم راهي متحيرة
_ ربي يفضلهالك قداشها ناس ملاح سلم عليها
_ وين نسلم عليها تحب تحلي سين جيم
_ ربي يفظلهالك ..لف روحك مليح دنيا سرد وانت مزلت
مريض (هزت يدها سكرتلو قفايل لكبوط)
_ قداه حركتها فرحتو وخلاتوا يحب يحظنها قداشها حنينة وبريئة من غير مايشعر
جبدها ليه وباسها فوق جبينها ...لعملتو ليوم معايا مننساشو زيزي
يعيشك بلحق قداه كبرت في عيني
_ واجبي صدقني موش مزية سيف (كانت قريبة ليه بدنها لكل لاهب وجها حمار وفص عينيها غماق زوز يخزرلو
لبعضهم أنفاسهم قوات ونظرة رغبة حتلتهم من بدون مقدمات لقاو رواحهم زوز غارقين في
بوسة عبرت علي لفي داخلهم كان يبوس فيها بقوة لرغبة لمكنتو أيام وليالي كانت
شفايفها كيف لعسل شهد طعم اخر رحيق لم يتذوقة مميزة بشفاة وردية تذيب صقيع القلب ....قبلة جعلتها تلتهب وتأن ولعا ...كلالها شفايفها وذوبها بقبلة توجتها بأول رجل أشتهته بكل جوراحها ..حاول يكلمي روحو جبد روحو منها تكلم
بصوت مهشجرج فوق خدها وهو ينهج زيزي لزم نمشي معادش قادر نتحكم في روحي
_ خليك سيف تحكي وهيا تنهج من قلة نفس لقصو عليها
_ لا زيزي أنت أمانة عندي يعيشك لو باش نبقي باش نغلط لزم نمشي باسها علي
خدها وخرج محموم أكثر من نار قدحت في جاشوا نار ولعت ومتطفاشي كان مايخذ غرضو في
لوعتلو محيانو....
حلقة33
يافا
أن تعشقين رجل لا مدعي لذكورة
فخر لكي وعزة
ان تحاربي من أجل بحر غرام
حتي لو كان مستحيل فيكفيكي فخرا
ان يكون ذاك لغرام لشرقي رجولة
شادة تلفون بيدها لكانت ترعش من
لفرحة من لكلام لتسمع فيه منو موش مصدقة لنطقها خزرت لامها وتكلمت بفرحة هاو ولد
أختك قالي بطلت منها لخطبة
_ ووه يافضحيتك موش صحيح (فكت من يدها تلفون من لفجعة)
_ شبيك ياوليدي علاه تقول هكا شفما
_ وفا لمكتوب خالتي محشتيش بيها بنتك خليها عندك لقيت مرا غيرها
_ شنوة لتقول فيه ياوليدي معقول عيب مايجيش راهو
_ هاكاهو خالتي وفا لمكتوب (جات تتكلم علق عليها)مكبوب سعد ولد لحرام علق عليا
_ أيه شكنت تنظر من واحد ذكر خواف
_ والله لايجيها راجل جبان توا معقول هذا خليني نكلم خالتك ليوم منبرد فيها
غلي
_ فك علينا أمي مايجيش راهو ترخص بيا
_ نرخص بيك قدرك عالي تخذ سيد سيدو خليني نبرد ناري فيها هزت تلفون وكلمت
اختها مخلت مقالتلها بردت نارها وعلقت عليها ...أيمان ساعة وهيا تبرد في أمها لنار شعلت فيها كانت تضحك دخلاني وتحمد في ربي جات منو شكرت شقح
لقالها خليها علي ربي ...من لروحت رمات حملها علي رحمان في
ركعة ودعات يبعدها عليه بين يوم وليل ربي ستجاب قداشو مبروك كانت تحكي بينها وبين
روحها صوت امها نقبلها وذنيها
_ قوم لباب يدق مسمعتش ياخي
_ أمي سايس روحك صبر تقول لاك كبيرة صياحك تقول عزري
_ ماهو من لغل
_ قامت أيمان تحل في لباب وهيا ميتة فرحة وقت لقات خالتها صابتها لخلعة تشوف
فيها تبكي وتولول شبيك خالتي لباس
_ منين لباس ولدي مشا موش عارف شبيه
_ شبيه ولدك هاو كي سبع كان يكلم فيا ويصيح
_ جاني مدمدم حوايحو مقطعين هز فاليجتو وقالي مسافر وحتي باش يقلي وين مقاليش
_ ووه شبيه راجل موش كان يكلم فيا لباس ويصيح
_ منعرفش يانورة وخيتي كلملي سيف يطلعلي تاقزة شنية شبية ولدي ياناري علي
روحي
_ أيمان من لسمعت لهدرة ديراكت جات في مخها عرفتو وشكون غيروا يعرف يدمدم
ويهدد هدات خالتهاوطلعتها رقدت ...غفلت امها ودخلت لبيتها تكلم فيه
تلفون في يدها يرعش من لغل لو يطلع هو مولا لعملة هز عليها ...اهلا شقح وينك توا
_ في لحومة أيمان لباس
_ أيجاني لحومة وأقف في راس راس نهج
توا نستني فيك توصل اعمل أبال أوكي
_ باهي علق عليها خذا موتورو ومشالها وقت لوصل طلبها علقت عليه شوية وجات
تتسلبد تجري وتتلفت وراها ملي وصلت ضربتو بيدها علي صدرو وصاحت عليه مهبول انت ش عملت لولد خالتي
_ شنوة جاك يتشكي
_ صار انت لضربتو
_ لو كان ضربتو راهو في جلاز لعب صغار لخذاه من عندي
_ بربي قداكش فلقور وسوفاج مهبول ياخي
_ مهبول خاطر نفذتلك رغبتك
_ أمان رغبتي تنفذها بضرب
_ نفذها بلي نحب لمهم لقلقك يتمحي من لوجود
_ ياربي ياخي هبلت (بقات حطا يدها فوق شعرها ) انا لغالطة دخلتك لحياتي مجرم جبري متفهم كان بضرب
_ سكر فمك لنهدو واعرف شتخرج منو فمك لعيب فيا خاطر دافعت عليك
_ بربي دافع عليا هكا شكون حطك حامي عليا عايلتي خط احمر وردبالك تقربهم موش
خاطر حكيت معاك باش تتحل في لعريض فهمت
_ فهمت عندك لحق لعيب موش فيك فيا جبد لكاسك باش يلبسها نطرتها من يدو بقوة
جات علي الأرض يدوا تهزت باش تعطيها كف حطت يدها تغطي في وجها من لخوف ...كمش يدو وعض شفتوا علي لكان باش يعملو نفخ ورجع جبد لكاسك وتكلم شوف يابنت
ناس سامحني دخلت لحياتك ولخبطتها من ليوم وعد معادش تراني لأبد لأبدين
_ وقفت قدامو تحب تصيح تضرب تحب تعارك موش فاهمة علاش شنوة نار لفي داخلها ...تكلمت بصوت مجروح كنت باش تضربني حمزة
_ عمري ممديت يدي علي مرا وانت لزيتني
_ برافو والله تنجم تمشي وتخرج من حياتي أصلا أنا وياك معنا وين نوصلو موش
فاهمة علاش حتي نكلم فيك
_ باهي يزي أيمان متوجعنيش أكثر هاني ماشي
_ كان باش يركب في لموتور صوت كرهبة عملت فران بالقوي قدامهم
حلقة34
يافا
قلبها طاح وقت لرات سيف هابط من
لكرهبة وقفت قدام شقح تحمي فيه
_ كان مروح ناروا شاعلة ذاق شهدها ومرواش روح هارب محموم متكدر يسوق وفي بالو
كان لحظة من أروع مايكون وقت لدخل لحومة بقي مركز مع لموتور عينيه رفت وقت لشاف
اختو ونوراتو وقفة في لحومة وفي ليل عمل
فران وهبط بركان باش يتفجر ناروا شعلت وقت
لرا صغرونتو تحامي عليه وتعملو بيعينها باش يريض
_ سيف يزي بلا فضايح رانا في لحومة توا نفهمك
_ شتعمل هنا سماك شباش تفهمني شكونو سيد جبد شقح من يدو وصاح عليه شكونك
شتعمل مع اختي فيها ليل
_ شدتلو يدو وهيا تبكي يزي سيف يعيشك توا نفهمك يعيشك ناس باش تسمع ميجيش
_ وانت حكرتهم ناس (جبدها بقوة للي قريب طيح شدها شقح وصاح
علي سيف )مزلت يدك تحطها عليها نكسرها
_ تكسرني ضحك سيف بأستهزاء وعطاه بونيا علي صدرو ...شقح بقا شادد صدرو ويخزر لأيمان لتعملو بعينها لا شد بونيتو مذلول موش قادر
يلمس خو لمرا لعشقها وحبها لمرا لتليع بحبها ...
_ سيف جا باش يعاود يعطيه بونيا اخري شدتو ايمان وقفت قدام شقح يزي سيف عيب
لتعمل فيه
_ لعيب انت لعملتو وثقت فيك خارجة في نصاص ليل شكونو هذا أنطق قبل منقتلو ونباصي عليه
_ هذا راجل لنحبو سيف (قالتها من لخوف زوز خزرولها مصدومين
شقح نحا لكاسك لكانت فوق وجهو مصدوم من كلمتها سيف مستوعبش لكلمة لقالتها وزاد
تصدم من عنين راجل لقدامو صورة هاربة من مشهد كان من قريب يشوف فيه لسانو فلج
معرفش شنوة يحكي وشنوة يقول عمللها بعينو باش تكمل تحكي
_ سيف خلي حمزة يروح وتوا نحكو ونفسرلك كل شئ يعيشك امي مريضة لو باش تسمع باش تمرض
_ باهي روح قدامي فيسع
_ جات ماشيا شدلها حمزة يدها حزرلها بنظرة حب مخلطة بخوف كبير غمزتو بعينيها ..وتكلمت بصوت ضعيف متخافش سيف بابا موش خويا ميؤذنيش
_ سيف بقا يخزر لأختو ويخزر لحمزة لكأنو شايفو ومشبه عليه زوز بقاو يخزرلو
لبعضهم للحظات سيف قرا نظرة لوعيد وتهديد منو لو تتمس شعر ا من عشقتو.. شافو ركب في موترو وديمارا رجع لكرهبتو ساقها ...دخل لدارهم لقي امو راقدة في صالة مشا يزرب لبيت أيمان لأول مدخلت ترمات في
حظنو تبكي
_ أمان متسئلنيش ومتقوليش شكونو وكيفاش حبيتيه أنا بيدي منعرفش وقتاه وكيفاه
لصار أقوي مني
_ أهدي أيمان
_ واثق فيا وراسك لغلطت ولا وطيتلك راسك
_ نعرف وراسك نشك في روحي ولانشك فيك ..أحكيلي
_ بقات تحكيلو ملول لخر شكونو بلي لمعلومات لمعندها كانت تحكي وتشهق تحرق من
دموعها وجبدها ليه
_ يزي أيمان لو تحبو خوذو ومتبكيش
_ كيفاش نخذو سيف واعي فاش تقول
_ ملا شنوة تحب تلعب عليه راجل ظاهر عاشقك تي باين فصالة ضربتو ومردش عليا
ولغة رجال هذي نعرفها لو جا فرخ كانت ليلة لحومة مقلوبة ضارب مضروب
_ وهذا لعجبني فيه رجولي وصاحب موقف قوي وقت لنكون معاه نحس بأمان كبير عمري
منخاف يفكرني بيك
_ باهي أيمان نعرف لصايرلك وحاسس بيك خوذ وقتك وخمم مليح ومتنساش تفكر في
سعادتك أنت موش سعادة لغير أرتاح وغدوة نحكو
_ باهي سيف يعيشك الي وقفت معايا ومشكيتش فيا
_ باسها علي جبينها وخرج يتنهد
_ كانت تبكي وتشهق تلفونها صونا لقاتو مساج حلتو
"طمني عليك أيمان لو صارت حاجة قلي مزلت في لحومة نجيك"
_ طلبتو بتلفون
_ أيمان الو تكلم متحيرنيش
_ حمزة
_ نعم نسمع فيك
_ تاعبة نحب نرقد
_ باهي أرقد ولزم غدوة نشوفك أكيد
_ حمزة
_ نعم (تنهد وهيا تقول في اسمو )
_ نحبك
_ تنفس صعداء كلمة رجتوا هبلتو جنتوا بقا يخزر لتلفون لعلقت اول مقالت لكلمة "وانا نموت عليك"كلم تلفون وباسوا وهو يتبسم
حلقة 35
يافا
خنجر يقسمني لنصفين حده كحد السيف
يلذع كلسان أفعي سامة يحرق في بدني وينخر في قلبي بمجرد نطق حكم أعدامي حكم لهروب
وتخلي
وقت للخو يكون بو وقت لخو يكون حامي
ويعرف يشد زمام لأمور يعرف يتحكم في كل
وقت ويتصرف في كل حين ويقرر بطريقة هو يعتبرها صح نظرا لخوفو علي أمانة تركت من أب
_ شافوجا قام سلم عليه أهلا حمزة
_ صباح لخير
_ تفضل أقعد
_ (جبد لكرسي وقعد ومخو لكلو في شنوة باش يقول من لقام علي تلفونو وقالو حاشتي
بيك نتقابلو في قهوة **وهو ملهوف يحب يعرف شنوة لحديث لحب
يقولو)
_ موش باش نطول عليك أكيد راك تسئل
منين جبت نمروك ..لأسف ليوم أول مرة نلمس تلفون أختي
بسرقة (تنهد وكمل يحكي )...وجبتك ليوم زادة باش نقلك تبعد علي
أيمان
_ شنوة (قالها بنطرة )
_ لسمعتو يعيشك أسمعني نقلك وياريت متقصش عليا
_تفضل نسمع فيك (بقا يفرك في يدو ويحرك في ساقو من
توتر)
_ وقت لتوافا بابا كان عمري 20 وقتاها أيمان مزالت لتوا في لكولاج طفلة صغيرة دلولة لقات روحها يتيمة بين
يوم وليل ...ولقيت روحي أنا لمسؤول علي عايلة
برغم صغر سني حاوت نقف معاها نكون لبو لخو صاحب شخصيتها كانت منطوية شوية ومنعزلة
علي ناس كل همها تقري وتوصل ربطت حياتها بقراية ودار ..أي مشكل يعترضها تلقي روحها مدبرما ومسكرة علي روحها بيت ياسر حساسة فوق
لقيمة أي حاجة تأثر فيها دمعتها ديما فوق خدها لدرجة وليت حاسسها طفل صغير رغم
كبرها ...صحيح صاحبتها وخليتها تكون قوية لكن
ضعفها لتوا معشعش فيها وأنت وياها مستحيل تقدرو تتعايشو مع بعضكم أنت من بيئة وهيا
من بيئة مانيش نقزم فيك ولا نقول نقص من قيمتك لا أنت راجل وتعرف وتفهم لخوف علي
الاخت شنوة أيمان نوارتي وصغرونتي منطوقش حتي دمعتها نعرف لممكن تحبك ليوم أما
غدوة صعيب وباش تبقي تبكي طول عمرها
_ وعلاش حكمت (حكا بلسان رزين)
_ لمجتمع ليكحم موش أنا المستوي ثقافي هو ليحكم تربية ولعادات هيا لتحكم
نظرتنا للعبد هيا لتحكم تتصور لبارح لو كنت شخص غير كنت تنرفزت بها طريقة لا أما
احنا حكا نمشو بالمظاهر وأنت مظهرك مايدل كان (سكت منجمش يقولها)
_ قولها برك فصالة وخليقة وكلوشار
_ شوف حمزة أنا لانعرفك لاسئلت عليك وأصلا موش مطالب باش نسئل لسمعتو من
أيمان يكفي ويوفي وأنت وياها لاتتقابلو لا في سماء ولا في لوطاء باش تعبها
وتمرمدها باش تعيش ديما راسها في الأرض قدام صحابها هيا طبيبة وأنت شنوة موش نحكي
بمنطلق تقزيم ليك وراسك لا أنا نحكي كيف منخمم عمري منخذ مرا أعلي مني رتبة ولا
أقوي مني مجتمعنا ميرحمش ومتعلمناش بفكرة طبقيات وأكثر لعلاقات هذي تفشل
_ (كان يسمع فيه بقلب مكسور وعين مهزومة وراس مواطيه كلامو صواب شكونو هو مجرد
كلوشار خارج من ملاجئ كان مجرد شحات خريج سجون ماضيه أسود أكثر من ليل ..نطق وهو موجوع)ولمطلوب
_ تنسحب من حياتها تكون منك تتقبلها وتبعد وحدها نعرف أختي بكرامتها
_ وعلاش مقلتش لكلام ليها
_ مستحيل نعرف عنادها لو قلت لا كانت قومت دنيا وقعدتها كانت تحدات وقفت في
وجهي ونعرف موش باش نسكتلها يرضيك تفرقني علي أختي وتبعدني عليها
_ مايرضينيش وأعتبرو صار
سامحني سيف ووعدني متخذلنيش
_ وعد...كيف محبيتها أختك وتمنيتها وحابب
تكون سعيدة ونعرف اللي معايا عمرها ماتفرح كيف مقلت فصالة متقبلوش أوعدني أنت
تفرحها وتختارلها راجل ليفرحها (قام من كرسيه موش حابب يحكي أكثر
سلم عليه ومشا ركب في موتورو من غير ما تلفت ولا سمع كلام أخر يجرحو ويهينو
يسوق ودموع محصورة في عينيه متعودش يبكي شادد دموع لقلب لينزف من لوجع ...لكلام لقالو صحيح لو جا خوها كان يعمل اكثر منهكا علاش يحزن لزم يفرح لجا
شكون فيقو من لحلمة ...بقي يسوق يسابق في ريح لعلا وعسي
ينسي بعض لوجع ويطفئ لهيب بركان يشتعل بين ضلوع )
حلقة36
يافا
أن تفتح أبواب لماضي وأيام لوجع وأن
تستقبله بحفاوة وفرح ذاك قمة لألم
تسمع في لباب يدق خرجت تزرب فرحانة
من غير متكلمت شكون حلت لباب شافت راجل أخر غير كانت تنظر في سيف لقات شخص عمرها
لاشافتو ولا راتو هكا كانت تقول بينها وبين روحها
شكونك أنت
_ زينب نسيتني (يحكي وجهو يتبسم)
_ سامحني معرفتكش جات تسكر في لباب تكلم
زينوبتي حاتم نسيتني زيزي
_ يدها رجعت لباب وبقات تثبت فيه مستحيل نطقت بقات تخزر لعينيه هوما عينين
شهل شعرو لمارون بوسة لخال لتحت عينيو هو لكن هذا مهندم وحاطا وزين
_ تفكرتني موش هكا
_ حاتم ترمات عندو تبوس فيه ياغالي
وينك والله توحشتك سنين ماريتكش
_ كان تشوف أنا قداه توحشتك
_ أدخل (جبدتو من يدو وسكرت لباب)
_ قلي وينك شعامل سنين مريتكش من يوم (سكتت منجمتش تحكي وقت لتفكرت شصار فيه)
_ هاني عايش (تنهد من جواجيه)
كيفاه عرفت اللي انا هوني (رجعلها شاهد لعقل ليكون منهم خافت)
_ ريتك لبارح خارجة من فارمسي لحومة لنسكن فيها تبعتك وبقيت نسئل ولاحد عرفك
قلت خليني نجرب ونجي نسئل لحق ملول خفت وبعد شكيت لمتكونش أنت ليا سنين ماريتكش
لتوا تخدم معاهم
_ لا معادش نخدم معاهم وبقات تحكيلو لصارلها لكل
_ حمدلله ربي نقذك وقدرت تتخلص منهم ويعطيه صحة سيد
_ لو موش هوا راني مشيت
_ لزم تتخبي متعرفهمش كان يشدوك لامايقتلوك
_ نعرف حاتم خايفة منحبش نموت
_ متخافش بأذن الله لباس ربي موجود وهاني هوني من ليوم نحميك
_ تحميني علاش أنت معاش معاهم
_ لا معادش من يوم لتشريت وليت حر
_ مفهمتكش
_ تتفكر أخر مرة شصار
_ نتفكر وديما في بالي أما يومتها مفهمناش لحكاية بلقدا
_لصار يومتها لتوا ساكن في مخي ومننساشو
وقت لكنت نبيع في لمشوار كنت ديما
نشوف زوز رجال يتعبو فيا نظرتهم ليا غير لحكاية كبرت في كل يوم وين يشرو لمشوار
كان يشدولي يدي يقلولي ألعب معانا شوي كنت نهرب
من كلمة لعب خاطر لمعلم منبه علينا مكنتش فاهم الي لعب ليحبوه شذوذ ..في يوم مابعتش لمشوار لكل كانت دنيا مطر ضربوني ورقدوني بلا عشاء ..وصباح بعثوني نخدم دايخ من ضرب وجوع وقت لوصلت لبلاصة نلقي زوز رجال نفسهم
شاورو عليا قالولي أطلع معانا لعبو شوية طلعت قتلهم نحب ناكل جيعان هزوني واكلوني ...كنت ناكل للي شفت لمعلم لكان شاددنا جاي تفجعت وتخبيت وراهم لا يضربوني ...لا ضربني لا مسني حط يدوا علي شعري وقالهم في ليل ترجعوه مفهمتش شنوة لصار
خزرلي قالي برا ألعب معاهم ..ومشيت نلعب وياريت ممشيت تعدو عليا
وعلي طفولتي تعدو علي ولد صغير مزال عمرو 12 سنة مايفهم شئ غير ياكل ويرقد يضحك ويحلم حطمولي طفولتي وخرجوني بدمي نقطر ...وقت لروحت لميتم وريتو حالتي تعاركو في بعضهم لايتباصو ...ونسمع فيهم يحكو علي فلوس وبيعة وخلصو ذمتهم رجعوني للوحوش يومتها وليت عبد
ليهم في نهار ناكل ونشرب وفي ليل يتعدو علي برائتي للي كبرت وبديت نفهم عودي غلظ
وعرفت نفرق بين لباهي ولخايب وليجي ولمايجيش ..في يوم قررو يبيعوني كأني مومس يتزايدو عليها لكن هذا بيع جسد رجال وماألعنه من بيع ...بدني ولا ملكية عمومية لكل رجل يتعدي يخذ حقو بالوافي تقول حيوان ..صبرت للي فاض لكاس كنت لزم نهرب لكن لهروب مع هناس ممنوش مهرب ...كنت لزم نتذكي معا قطعان ذئاب صورت بعضهم لكانو رجال معروفين بنزاهة
أبتزيتهم وخذيت فلوسهم وليوم هاك تشوف
هربت من مستنقع الفساد لمستنقع ما أخيب منو ...صحيح معادش مجرد "هورس" وليت حاجة ما أفظع
_ علاش شنوة وليت تخدم توا
_ نزلت دمعة من عينيو ...لفلوس لتعطاتلي نصها مزيفة لقيت روحي
في شارع منجمش نعمل شئ شنوة باش نخدم وباش نعمل غير بها لبدن طحت بجماعة أما هذوم
نظاف يخدم علي نظيف خلوني نكون "ممتع نساء "
_ شنوة شهقت
_ لسمعتو كيف مخدمت أنت بدنك أنا خدمت بدني وهاك ترا ليوم من فترة تعرفت علي
عجوزة في ستين ليا عام مصوحبها وهاني عايش عندها عشيق نلبس نتفرهد كرهبة وحساب في
لبنكة وكل ليلة نجاهد
_ علاش عملت هكا حاتم مدام لقيت روحك لبرا نخدم نهز لحجر ولنرجع لها لوحل
_ منجمش تعبت تمرمدت لقيت روحي راجع للوسخ بساقيا ملقيتش روحي لقيت روحي ضعيف
بدني منتهك ملكية لكل من هب ودب رجال نساء وحتي شيوخ تعب للي ضاق بيا لحال أعطيني
حل كنت حابب نعيش نظيف تاعب ومهدود بدني لكل موجوع
_ لطف عليك
_ معادش نجم نرقد كان بدواء وقت لسكر عيني نشوفهم يعتادوا عليا تحمصت راني
زيزي تاعب خوك مريض مريض
_ جبدتو حملتو زوز يبكو بصوت علي حياة ماختاروهاش بيديهم حياة تفرضت عليهم ...وكيف يكون لجسد مهان في سنوات يرفع فيها صاحب لجلالة صوت انا هذا لبلد بدل
لحرية وديمقراطية لا لعبودية والعنف بلدنا حر وشعبنا مثقف كله كذب ياصاحب القانون
وصاحب لجلالة بلدنا غارق في لوحل اطفال شوارع ينادون يصرخون يتألمون ينامون تحت
القناطر وفي لحجور تونس وغيرها في مستنقع دعارة تنتفض تباريح أطفال الشوراع تعالت
في كل جانب ...شذوذ ودعر وأنتهاك للحرمات حتي
لحيوانات لم تسلم من هذا لوباء أستفيقوا لنا عند الله لقاء فكيف ستقابله يامن
تاجرت في أجساد لبشر بوجه مسود محمم بسواد ختمته علي كل جسد "ملكية عمومية لمن يشتري جسد بشر
لوجيعة لكبيرة عمرها ماتبري بسهولة
وخاصة لو كانت وجع الأستعباد يالله كم نحن متخلفون أانانيون عباد دينار يتسابقون
من الأسرع في أستجماع جبل من لمال وتباهي بأنه أغني من تلك وذاك...بقات تهدي فيه للي هدي ساعة وثنين وثلاثة تعدوا يحكو علي وجيعتهم
وأستعبادهم في كل مرة تجي بسمة أمل ترسم فوق ندبة الفم المتكدر بوجع سنين غارقون
في لوحل متؤلمون يستنجدون بذاك وذاك لكن هيهات من المستمع كلهم حثالة وكلهم ضباع
يتاجرون بمكسورين لجناح
حلقة37
يافا
كمل لخدمة مهدود تاعب مهموم موش حابب
يروح لدار ويشوف أيمان أكيد باش تكون موجوعة لو كلمها حمزة وفارقها لقي روحو ماشي
ليها يحب يحكي ويفرغ قلبو ليها حابب يراها تقول دهور مفارقها وغايب عليها وصل
للحومة هبط بخطي ثقيلة يدق في لباب وهو يتنهد تقول هازز جبل فوق ظهروا حلتلو لباب
لكن ليوم لأول مرة تحل لباب من غير ضحكتها وفرحتها بيه سلمت عليه برود دخل مستغرب
شبيه وجها مقلوب
_ لباس زينب
_ لباس سيف تفضل
_ جايناحي في لفاست متاعو لقي سوندرية فيها بونتوات دخان عينيه طلعت متأكد
لقدامو دخان ميتكيفوه كان رجال
_ شكون كان هناء (يحكي ورص علي سنيه)
_ مفهمتكش سيف
_ شنوة مفهمتنيش جايبك لداري باش دخلي رجال اه ولا لفيه طبة ماتتخبي
_ يزي سيف شتحكي أنت
_ شدها من شعرها وقربها ليه شنوة شنحكي أه شكون راجل لكان هوني ولا قول رجال
ماو نوعية لكيفك ميكفيهاش واحد أنطق تكلم داري طول عمري بقدرها دخلتلها ملهط كيفك
تزيد تخدم ببدنها هوني
_ حرام عليك سيبني جبدت روحها منو تشهق من كلامو ...لكان هوني كيفكي مكسور راجل هو صحيح لكن رجولة منتهاة يبكي علي أطلالها من
يوم لغتصبوه راجل صحيح لكن مايوخفنيش خاطر كيف لخو لمقصوص جناحو لقيتو في بلاصة حمزة خويا في بلاصة لخو لسرقوه مني
وباعوه...ملهط صحيح لكن عمري مابعتو بدني
برضايا انا عبد مجبور ويعطيك صحة حليتلي دارك وسامحني وسختها ياسي شريف ...خرجت تجري تبكي بشهقة كلامو سكاكن حامية تحرق فيها ...يدو جبدتها بالقوي ورجعتها ليه حظنها بقوة لوجع لفي داخلو تحرق وقت لتصور
ممكن تكون رجعت تخدم ببدن حرم روحو منو ..
_ سامحني مقصدتش وراسك زينب منعرفش شنوة لقلتو موش أنا لحكيت سامحني يزي بربي
لاتبكها
_ سيبني سيف يرحم بوك أنت حتويتني في دارك وخطرت بروحك يعيش ومزيتك فوق كتافي
خليني نخرج يزي مقعدت ضيف 3 أيام ويوالي ثقيل
_ مكش ضيفة دارك والله لقصدتها عمرك مثقلت عليا تي أنا نجي باش نرمي حملي
عليك
_ يعيشك سي سيف سيبني
_ لا متخلنيش زينب يعيشك حس بيا تكويت وقت لتصورت شكون جا بعدي تخيلت
_ تخيلت رجعت لعادتي نبيع في بدني
_ شيطان حضر وصورلي زيزي يعيشك أفهمني
_ جبدت روحها منو تشهق وتحكي ...كرهتو بدني نحب نمحيه نحب نموت ونرتاح راني تعبت وتعذبت ياريت لاكان عندي
بدن علاش خلقت بيه ياريت كنت تراب ولا يصير فيا لباقي يصير
_ زيزي يعيشك
_ يعيشك أنت خرجني من حياتك لعنة أنا مومس عاهرة تباع وتشتري باش نجيبلك لعنة
لها دارك وليك
_ لو كنتي لعنة أحلي لعنة دخلت لحياتي من يوم لريتك وانت ساكنة هوني "أشار لعقلو" بقيت نحارب في روحي باش نتحصل عليك لكن لعملتو لكل
ومنجمتش نوصلك للي جيتني مكسورة وحاولت نداويك موش عارف علاش وقفت معاك وكملت للخر
وجبتك لهوني
_ خاطر شفقت عليا (قالتها وهيا تشهق)
_ عمري لكل نشفق علي شحاتين والمتشردين وعمري لاجبت حد لدراي أنت حاجة أخري
حسيت روحي مسؤول عليك أمانة ومن واجبي نحميك منعرفش علاش ومتسئلنيش جبتك ومن يومها
حياتي تبدلت كل يوم وليت هوني ماشي جاي عليك تغيب ساعة نقعد نفكر فيك نعرف شباش
تقول منحبش نقولها أنا زادة (يحكي وينهج بمجرد تفكير في لخالج فيه
لقلب) _ سيف
_ غرت جنيت هبلت وقت لريت بونتات دخان حسيتك خنت لعهد لهو موش موجود حتي
حسيتك طعنتي وغدرتني
_ عمري مغدرتك ...سيف قربتلو وهزت يدها حطتها علي خدوا
...لعملتو معايا مننساشو طول حياتي
رقبتي نحطها ليك ومتغلاش عليك ...روحي موش خسارة فيك مرقدت وتهنيت كان
في دارك حسيت روحي عبد وعندي كيان وكرامة نتناقش
ويتحدث في غير لخمج ولعفن لكنت فيه عمري معشت سعادة كان وأنا معاك سيف
_ هز يدو حطها علي خدها وتكلم وهو يتنهد ...شنوة لصابني زينب
_ لصابك صابني ولصابنا مصيبة ماتجيش خليني نخرج موش قتلك راني لعنة باش تحل
عليك
_ خليك لا مستحيل نسلم فيك حتي لو لعنه قابل بيك
_ ولمجتمع وناس أهلك وماليك
_ مايهمش خليك منجمش نبعد وندور راسي ونرميك كيفاه تتصور ممكن نسلم فيك
_ سيف باش يصير كل يوم كيف هكا حتي
لو
_ قص عليها تحملني نعرف دمي سخون
الله غالب لقلتو مايجيش وعيب أما
_ أما صحيح موش ناقمة علي كلامك خاطر لكلو فيا وعندك حق مئلفتش أنت حكيت
لموجود
_جبدها حظنها بقوة ...جيت تاعب نحب نرمي حمولي عندك ظاهر
زاد تعبتك وحكمت عليك
_ حظنو نساها في وجيعتها حستو تاعب مهدود متضايق مش كيف عادتو نسات كلامو
وسبانو ...وخممت كان فيه
_ شبيك سيف شنوة لتعبك أحكلي طمني شنوة لجرالك
_ وجعت أختي ليوم وقسمتلها قلبها
_ علاش شصار
_ جبد روحو منها ومشا مترهوج رما روحو فوق لكنابي ...وبدي يحكي
_ حبيتها تخذ سيد رجال لفرحها حبيتها تخرج عروسة من درانا وهيا عاشقة موش
مكسورة
_ شنوة لصار
_ عشقت راجل موش مستواها موش نحكي لمستوي لمادي لا راجل يظهر فصالة خريج حبوس أختي ياسر
حساسة رقيقة وموش متع تمرميد نعرف حتي لو حبتو بعد بشهور باش تفيق وقتها ضربة باش
تكون قوية وأقوي لو تجيب منو صغير نعرف محقنيش نمشي نقولو يبعد أما أنا خو وبو هيا
أمانة عندي
_ محكقش تجاوزتها كنت لزم تفهمها
_ مستحيل تفهم مستحيل متعرفهاش وأصلا انسان عاشق لو تبعدو علي جبيبو يكبش
ويزيد يهبل عليه وباش تكرهني لو نقلها أبعد
_ وهو رضا منك
_ طلع راجل وقبل وأن شاء الله مايتراجعش
_ لو حبها مكنش يسلم فيها
_ بالعكس لحب عمرو مايقف في وجه لحبو وهو خمم فيها ومخممش في روحو موش لزم
يحكي عينيه حكات كل شئ
_ مسكين علاش عملت هكا سيف محقكش حكمت عليهم وجنيت بحكم مسبق
_ لاحكام لمسبقة متتبناش علي فراغ ولكلنا نعرفو مئال ها لعلاقة
_ تنهدت وبقات تخزرلو وكأنو ها لحوار جواب ليها باش تعرف علاش قادمة لو تخمم
فيه رفض ثم رفض وغير جائز حتي أن تفكر فيه
حلقة 38
يافا
نهار بطولو وهيا محروقة قلبها موجوع
من صباح مهزش عليها زعمة شبيه ...قلبها توغوش فوق ل100 مرة طلبتو مساجات علي بعضها ملقات بيها وين بدلت دبشها وخرجت مهما في شئ
غير تمشيلو ولصير يصير وصلت للحومة وقفت قدام لبلاصة لريتها فيه من غير مهبطت بقات
تسئل علي دارو وين لقات روحها قدام دار هبطت وسكرت لكرهبة لمتعدي يخزرلها وهو يدق ...قوات في دقان قلبها مقيلها خير حتي ولا د متعدين سئلتهم لو شافوه ...لكلهم مشافوشو من صباح ...طل واحد من لولاد من لحيط شاف لموتور
_ هاو هوني يمكن راقد طبطب مليح
_ هزت يدها دق بقوة للي وجعتها ...تسمع فيه يصيح
_ بشوي جيت كسرتو سما لباب
_( بعد تبلع في ريقها ..وشادة يدها لوجعتها من دقان في باب
حديد)
_ وقت لحل تصدم يشوف فيها واقفة قدام دارو ....شتعمل لهناء
_ سلام قبل ودزتو ودخلت
_ خلا لباب محلول و لحق عليها يابنتي وين داخلة
_ بربي باش طردني
_ مرحبا بيك مفماش علاش باش نطرد أما قتلك من قبل مايجيش
_ علاش متهزش في تلفون
_ مريتوش
_ بربي ...جبدت تلفونها طلبتو صونا في جيبو
_ يعني موش حابب تهز عليا
_ هاك فهمتها
_ تحكي بجدك يعني موش حابب تهز عليا
_ روح أيمان يعيشك روح وأنساني عيب لتعمل فيه
_ عيب لنعمل فيه نسيت شحكينا لبارح
_ شحكينا منتفكرش (كان يحكي برود غير لبركان لفي داخلو)
_ قتلك نحبك (قالتها بصوت ضعيف)
_ تنهد من غير مايشعر حتي لو حابب يلجم لحب لفي داخلو لحب فاضحو
_ وانت حمزة قلي (قربتلو حطت يدها علي صدرو ) شبيك ساكت مقتقهرنيش نعرف اللي تحبني ودليل بدنك لرعش تحت يدي عينيك لتحكي
وتشكي شبيك قلي حمزة قلي بردلي علي قلبي تحبني موش هكا
_ لا قالها بوجيعة كبيرة
_ تكذب تحبني مستحيل
_ يعيشك يابنت ناس روح مايجيش لتعمل فيه
_ شنوة لمايجيش يعني تتصور باش نسلم فيك بساهل وباش نصدقك شنوة لصار جابوني
_ مصار شئ فقت وعرفت لباقي نعمل فيه مايجيش لاني متاعك لاك متاعي حلمة وفات وفقت
منها
_ بدات تبكي بهسترية لا متقولش هكا يعيشك حمزة متخلنيش حبيتك والله وعمري
منخمم في لفوارق لبيني وبينك
_ لزم تخمم أنت وين وأنا وين جبدها من يدها ودخلها لدارو ..أول مدخلت لقات صالة صغيرة فيها زوز بناك لوح مهرين تلفزة صغيرة فوق طاولة كمل
دخلها لبيت وين يرقد حاطط جرايا علي الأرض وحوايجو محطوين فوق شتار ولخرين فوق
كنابي صغير قلي تقدر تسيب عزك وتجي تسكن معايا ترقد علي الأرض وتتفرج في تلفزة قد
تلفونك ولا تعلق حوايجك فوق حديد جاوب تتحمل تسكن في دار من سيمان لمقشر وحيوط
مندين ولا كوجينة ربع ميترو متلقاش حتي وين تتحرك (هزلها يدها لكانت بيض يلقوا )صوابعك تعلمو بستيلو ولورقة متعودوش ينظفو ويكنسو ويطيبوا باش تنظف ها دار
وتتحمل ها لعيشة جاوب هوني بنسباليك كابوس مستحيل تفيق منو من غير ماتصيح هوني
لحضيض هذي عيشتي وحياتي وداري أبسط حلمك دوش هوني ندوش بسطل ماء وغرافة وكان متقصش
لماء بنهارين نبقو بلاش من غير دوش هوني جهنم بنسباليك أبعد علي طريقي يابنت ناس
وشوف راجل يعيشك كيف متحلم وكيف ماتتمني
_ جات باش تحكي حط يدوا علي فمها ) خمم ومن غير متحكي في جمعة شهر عام وقت لتنجم وتقدر تعيش هوني من غير لاتكل
ولاتمل بابي مفتوح ليك وتو أخرج يعيشك يكفي لأنا فيه
_ خرجت بدموع فوق خدها مكسورة وكلامو لاتعرفو صحيح ولا غالط بنسبا ليه لقلب
دق وجائز كل شئ يصير
_ زعمة لفوارق الأجتماعية بين زوز أشخاص تنجح علاقات هل يمكن لشخص كان في
لجنة أن يسقط لحضيض ؟؟؟؟
حلقة39
يافا
حب تملك وحب ذات حب سيطرة وحب لمال
أشياء تربت عليهم فتاة مدللة ولدت في فمها ملعقة من ذهب ..فتاة ولدت في قصر عاجي تخدمها لخدمان ...
ناس قبل قالو " لهبل وحلة والعقل زريعة "لبو ولأم في بعض ساعات من كثرة حبهم لصغيرهم يفسدولو
طبيعتو من غير مايحسو وهذا لصار مع بيسان لحب بوها ليها خلاها تظن اللي ممكن لو
تطلب لقمرة يهبطهالها في طبق...وقت للقات صد ورفض من رجل قامت كل
مبادئها وتمردها المتصابي اللي أنبني علي دلال فاسد جعلها مثل زلزال يهشم كل جمال
وكل شخص يقف في وجها وكأن ناس عبيد لديها وبإشارة من أصبعها تجدهم راكعون تحت
قدميها ...لكن لصار معاها خلاها تجن شخص يرفضها
شكونو هو بتلفون بركا تمحيه وتمسحو من لكورة لأرضية أما لصار بعثرها باتت في ليلها
تساهر لقمر تناجيه لعله يكلمها وفي صباح تتناسي بنوم أو تبضع لعلا وعسي تنسي ما
فعله رجل بصدها لكن هيهات وكيف مقالو "وقت لفاس تقع في راس.. محال يتصلح .شئ حصل وفات ...
واقفا قدام لمركز تنظم في نفسها لعلا
أول موصلت دخلت تسئل عليه قالولها خرج وصعيب يروح ليوم ...فدت كل محاولتها بائت بالفشل يعني لا هز عليها تلفون وكلمها كيف موعدها
خرجت تتوعد الإ متندمو علي لعملو فيها تعارك في روحها وموش مركزة لدخلت في شكون
تسمع كان في صياحو بقات تخزرلو بتعجب شنوة ياسيد أعمي وتزيد تصيح
_ بربي يعني أنا لغالط (وقت لشافها محمد صاحب سيف تفكرها ) شتعمل هنا أنت
_ وأنت شدخلك
_ أممم شمدخلني هوني في ملعبي راك أوكي
_ بربي ياسيد ماتبداش تتفافا علي روحك تلفون من بابا ريت نحطك موش ورا لقضبان
في جلاز كان حبيت
_ ملا من حينك خوفتني يعني
_ لزمك تخاف أنت وصاحبك لحمي مر وموش كيف لبنات لكل راني أنا بيسان وماأدراك
_ فهمتك أما صاحبي جابك تحت صباط (وغمزها )
_ شتقصد (وجها حمار )
_ شنوة مفهمتنيش لو تحب أنا موجود كي صاحبي مقدركش نقوم بالواجب وجربني تحصل
_ نجربك نحصل ...(سكتت وبقات كتمها يعني هو قالوا باهي
الا منواريكم زوز)
_ وينو صاحبك
_ روح لعشية ميخدمش
_ حاشتي بيه
_ غدوة تنجم تجيه
_ وأنا حاشتي بيه توا
_ ممنوع نقلك هو وين تشاو وكان حاشتك بيا تعرف وين تلقاني (وغمزها وتعدي )
_ باهي توا نواريك ياهم ...وخرجت تعفس في طاجين تقعروا ...خرجت من باب لمركز شافت عون شادد تلفون مشاتلو عسلامة نجم نحكي معاك
_ تفضل
_( جبدت ريزمة فلوس من صاكها ومدتهالو)
_ شنوة هذا
_ تقلي علي دار سيف موش دار بوه وين
نعطيهملك
_ (بقي يبلع في ريقو )وانت علاش حاشتك بيه
_ وأنتي شدخلك (بقات تحرك في لفلوس قدامو)
_ خوذ لعنوان (ملاها عليها)
_ باز راك عرفني شكون جرب يكون لعنوان غالط
_ تهني صحيح
_ خذات لعنوان ومشاتلو ملي وصلت هبطت وهيا تفرك من لغزول قلبها معبي عليه لزم
تفضها معاه ليوم ...دقت لباب وبقات تستني بطي محلش
_ قاعد في لكوزين معاها هيا طيب وهو يشرب في قهوة عينيه من علاها متشلتش
شعرها قدها خصرها وأنحناءاتها لمغرية خلاتو يهبل عليها ويجن كمل كلامها لكيف لعسل ...ذوخو وهبلو ...صوت لباب دق فسد عليه متعة نظر خليك
زيزي توا نحل أنا
_ زعمة شكون (بقات مستغربة)
_ يمكنش واحد من جيران ساعات يبدو ينسنسو
_زعمة
_ خليك لحظة نشوف ونجي (خرج حل لباب وقت لراها عينيه طلعت ..)شتعمل لهنا
_ شنعمل تتخيل منجمش نلقاك
_ رد لباب وجبدها من يدها وخرجها طلعتلو دم في راسو ...شبيك هبلت ياخي
_ علاش هبلت شكون فينا لمهبول وينك موش وعدتني نتقابلو هربت حتي تلفون متهزوش
_ شنوة لمعرفة لبيني وبينك باش نهز عليك
_ بربي نسيت لصار يومتها
_ وشنوة لصار بربي
_ أمان سيف علاش تبدلت ياخي
_ أسمع بيسان يرحم بوك برا أخطاني وأبعد من طريقي لاني متاع جو لا قعدات
ومنتف من فوق زوالي راني نخلص في شهرية من لحاكم
_ وأنا عيني بيك
_ بربي شنوة توا خاطر رفضتك ولا لعسل فيا
_ معندكش لحق ترفضني خليك معايا ونخليك سيد هاناس وأغناهم نعطيك ديار وهناشر
لتحب عليه
_ مانيش لعبة باش تلعب بيها فهمت طير من هوني خير
_ وراسك سيف ماتكونش معايا حياتك تتحطم وردبالك تلعب معايا موش أنا ليتقالي
لا
_ لا لا لا وطير من قدامي خير ماوجهك يفسد يلا
_ فسدهولي وجهي تتخيل باش نخاف كيف نقول حاجة نعملها وقلت انت متاعي ليا
بالحلال بالحرام باش تكون معايا وجرب ترفض ولا تعاند ..كيف منخليكش تبوس ساقين وتركع تحتي
_ (ضربها بكف وجبدها من شعرها )شوف ركوع لغير الله مذلة وأنا عمري مكنت ذليل وكيف يتنحاش شطري منخزرلكش
بشطر عين وتو طير من قدامي خير منفسدلك ها لخلقة لفاسدة خلقي
_ باهي وراسك لكف لعطيتو ماتخذو ثالث ومثلث غير أصبر عليا ومشات طلعت في
كرهبتها تسوق وتتوعد تندمو علي لعملو ليوم
_ رجع فادد ينفخ من لعصب لركبتهولو أول مدخل لقاها واقفة قدام شباك وتخزر
شافتو دخلت بعضها ورجعت تزرب للكوزين لحقها
_ كنت تسمع فيها
_ بعيدة مسمعتهاش بلقدا شكوني هيا (بيسان كانت عاطية بظهر ماشافتش وجها بلقدا)
_ وحدة متعجرفة تقول ناس عبيد عندها دلال يخلف لهبال ...بالحق مهبولة هذي موش عادية
_ صاحبتك هيا
_ لطف عليا نصاحبك وحدة من راجل راجل تقول ملهط
_ (تصمتت في بلاصتها عينيها تسوهمت فيه لاعرفت تمشي لاعرفت تحكي متأكدة قالها
من غير قصد لكن مبادؤو لحكات ...خزرلها شاف لوجيعة لفي عينيها غمض
عينيه وقت لتفكر شقال قربلها ) وراسك زيزي مقصديش نعايرك طلعت من
فمي من غير منشعر
_ لاعادي سي سيف
_ شنوة هذي سي سيف
_ عادي سيف (بلعت ريقها وتبسمت )راك جعت خليني نحط (جات ماشيا شدها من يدها )
_ وجعتك موش هكا
_ عادي قلت لحقيقة
_ سامحني كل مرة نوجعك من غير منشعر
_ تعودت سيف هذا ماضيا منجمش نمحيه
_ (حط يدو علي خدها )ماضيك صحيح أسود لكن سواد برشا أيادي
فيه أطراف ستغلوك وستعملوك كقطعة لجلب نقود
_ وربحو ألاف منها القطعة لقذرة
_ البدن أمانة من رحمان ولزم نحافظو عليه ونكرموه وأنت تمارس عليه القوة وكنت
بشر ضعيف معندكش حل غير تصبر وتدعي باش ربي يخلصلك منهم حقك ها الأبالسة الجبناء عباد دينار
_ (تنهدت وسكتت موش حابا ترجع لماضي مقيت) نحطو ناكلو وياريت منحكوش فيه لموضوع
_ باهي أكيد قعدو ياكلو كان يجبد في لحديث من فمها بصيف حاسسها متقلقة وموش
مرتاحة برغم محاولتو باش يضحكها ....ساعة وأكثر تعدت كان قاعد بجنبها يخزر لشوردها ....زيزي شنوة لمقلقك
_ لا شئ سيف تاعبة برك ونحب نرقد لو مايقلقكش نخليك
_ باهي أصلا وقيت لزم نقوم (قام جبد لفاست متاعو وهو يخزرلها ..)تحبش حاجة
_ لا رودبالك علي روحك
_ هز مفاتحو وخرج ينفخ كانت شايخة تضحك جات صختة قلبت دنيا وروحت
حلقة40
يافا
قالبا دنيا بصياح موش مصدقة لباقي
صاير معاها كلام أمها نرفزها وصلها لتوب
_ لا وقتلك ألف مرة منخذ كان لنحبو ونبغيه
_ وشكونو ها لتبغيه جيبوا ولا حتي ربي ينوب
_ أمي محسستني كأني بضاعة لباس ياخي
_ مانيش لباس نحب نتهني عليك ياديني
_ هاني معاك يعيشك امي لفيا مكفيني
_ شبيك أنت شنوة لمقلقك شنوة لمخبية عليا
_ مخبية شئ وفكني توا نحب نرقد
_ مكش راقدة جماعة غدوة جايين باش يخطبو شماته في خالتك وجيران لمن يوم لسمعو
بطلت وضحكة من وجوهم متناحتش
_ خرف ياخي باش تهبلني أنت ياربي وين عايشة أمي بربي قلي
_ شبيكم صواتكم طالعة في في شارع نسمع فيكم (داخل ويسكر في باب دار)
_ أيجا شوفها امك تحب تبيعني وتوخذني في راجل بصيف
_ شنوة لتقول فيه أمي
_ فكوني عاد لعندي قلتو ياديني باش تبور طفلة ياتخذو والا تخذ غيرو لمهم تجيب
راجل ونتهني عليها
_ يعني ماتتهني عليا كان مع راجل
_ وسع بالك أيمان علاش صياح
_ بربي سيف يعيشك حلو لتقول فيه
_ موش حلو وهاني باش نحكي معاها مايجيش راهو هكا صواتكم في شارع تتسمع
_ هاو نبه عليك امي وراسك وراس بابا في قبرو لو يجي ها لخطيب منشعل في روحي
ونرتاح ونرتحك (ومشات لبيتها تزرب ملي دخلت ترمات
فوق فرشها تبكي بصوت )
_ ربي يهديك أمي عجبك هكا توا
_ خلي منك أنت عوض تقف معايا جيت معاها
_ بالهدا ولحجات هذي موش بصيف
_ خليني ساكتة طفلة باش توصل ل30 وهو يقولي بشوية خرف مع شكون نحكي تحب تبقي كيفك أنت شعرك قريب يشيب ولا
حبيت تعرس ولا تهنيني عليك
_ ياغالية برا أرتاح ديسكور هذا منهاك لعام قتلك ماتجبدوش ولعرس معرسش
ورافضوا من سنين وأنت تعرف علاش
_ لخلقها خلق غيرها لتوا منسيت
_ امي فكنا منها لمجبد يعيشك خليني نشوف أيمان
_ باهي برا وربي يبقي ستر عليكم وينوالكم لي في بالي ويهنيكم يارب
_ شوفت محلاها دعوة يزي أنت ادعي وتوا ربي يكتبنا لفيه لخير (باسلها راسها ومشا لأيمان قلبو تقطع عليها لكن هذا لحل لوحيد باش تعيش
سعيدة ...
_ امونتي قوم عاد ويزي بلا بكاء
_ نحب نرقد سيف يعيشك
_ مزال بكري تي مزال مغرب باش ترقد كيف دجاجة توا
_ راسي يوجع ونحب نبقي وحدي
_ علاش شفما
_ مفما شئ تاعبة متحط شئ في بالك
_ قبلتو ليوم موش هكا
_ قبلتو أيه (وطرشقت بالبكاء)
_ وشقالك
_ قالي لمناش فرد مستوا ومنجموش نعيشو مع بعضنا
_ وشقتلو أنت
_ منعرفش سيف تاعبة مخي ملخبط شنوة لصارلو بين يوم وليل ولا هكا حتي تلفون
رفض يهزو عليا لو ممشيتش وشفتو وكان ريت كيفاه حكا معايا صدمني
_ وين مشيت ( بقا مركز معاها)
_ غلطت وهيا تحكي ...مشيت نقصد تقابلنا
_ تكذب مشيت لدارو موش هكا
_ سيف
_ سكر فمك يعني كذبتي عليا تعرفو بعضكم وتمشيلو جاوب
_ لا موش هكا سيف أفهمني يعيشك
_ منفهمكش وثقت فيك موش قتلي عمري ممشيتلو ومنعرفوش طلعت تكذب اه أنطق وهو
ساقط يتسكبن كارني قتلتو صباح
_ وأنت وين ريتو صباح
_ (نقص حسك ومتسئلش وين ريتو ...) وحكاية مشيت لدارهم هذي توا نتفاهمو عليها ....كلوشار مشلط تمشيلو لدارو مهبولة أنت
_ لكلوشار لمشلط لتحكي عليه كيف نبدي معاه نبدي مرتاحة سيدي خويا وتوا فهمت
علاش حمزة تبدل توا عرفت علاش حمزة مكسور يعني وثقت فيك وحكيتلك حسبتك بو وخو باش
تفرح لسعادتي بعدتو عليا خسارة والله
_ سكر فمك خسارة تربيتي فيك تتخيل باش نخليك تاخذ راجل لا مستوي لاقراية ومن
فوق صاحب سوابق مجرم قتال رواح هبلت أنت
_ حياتي وانا حرة فيها مانيش أيمان صغيرة عمري 27 سنة نقرر لنحب ونعمل لنحب موش أنت لباش تقرر في بلاصتي
_ برافو والله هذي جزاء لحرية لخذيتو أيمان موش هكا
_ لحرية لعطيتهالي عمري ماتجاوزتها سيف ومحافظة علا لحدود لرسمها
_ هاو ظاهر مدام أختي تمشي لديار لمجرمين
_ مفماش عبد مايغلطش وكلنا نخطئو ولو تسجن وفا خذا عقابو وجزاؤو
_ يعني تبرر لمجرم هبلت ياخي متكفرنيش
_ سيف عيب لتعمل فيه عيب عوض تاقف معايا
_ نقف معاك في لغلط ماشيا لجهنم بساقيك واعية ولا راجل لاهو من مستواك ولا من
قيمتك شنوة لمحبك فيك فصالة تي بصوتو برك يباكيك يابنتي أمي وبابا عمري مافرضت
عليك شئ في ها دنيا لكن هاشئ لطلبتو مستحيل يصير أنساها لحكاية ونحيها من راسك
وخرج وخلاها ...تلفونو يفبري في يجبو من ساعة لدخل
بحذاها محبش يهز عليه جبدو باش يسكرو يلقاه تلفون محمد وقت لهز عليه يسمع في صوتو
وهو يحكي بربثة وخوف
_ أجريلي ياسيف خوك مشا تباصيت
_ شبيك محمد شفما
_ منعرفش كنت قاعد في دار نلقي شرطة هدا عليا فركتو دار
لقاو شكارة كوكاين خوك مشا ياسيف مشيت ...
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء