مكسورة في قلبي جرح ينزف ..أتلوي كغصن اخضر قطع من شجرة ترويه ومن قطع سعادتي أبن أمي اخي وسندي رماني
في لحضيض بقرار يعتبره مصلحة وانا أعتبره موت يومي
يدها لشادة تلفون ترعش موش قادرة
تشدو من لحظة لشافت سيف ركب لكرهبة ومشا وهيا تطلب في حمزة رفض باش يهز عليها ...بعثتلو مساج لو ماتجيش ل*** نجيك لدارك توا
خرجت من دارهم تتسرسب من شباك بعد
ماقالت لامها باش نرقد منحبش شكون يقلقني ...طلعت في كرهبتها ومشات تبكي خرجت في حوايج دار عينيها منفخة دموع شعرها
داخل بعضو وجها مغصور من لعصب لركبها في نهار ليوم وقفت تستني فيه قدام لكورنيش
تعدات ربع ساعة ومجاش بعثتلو مساج درج لو متكلمنيش وتقولي جاي باش نجيك لدار "
_ مزالت كي غير بعثت لمساج وبلار شباك متع لكرهبة دق قلبها دق من لفجعة وزادة
دقاتو وقت لراتو هو حلت لباب وهبطت وقفت تخزرلو بعين منفخة بدموع
_ كان يشرب يبرد في ناروا يحب يطفي جاشوا لوالع
من فراق معشوق مكتبش حتي يدوم أيام عشق موش عارف وقتاه تزرع في قلبو ونبت لعروق
وصلو مساج قام من غير ما يشعر خايف لاتجي للحومة فيها ليل برد وجهو وشرب قهوة من
قهوة لحومة باش يفيق ومشالها طاير وقت
لوصل وشاف عينيها بدموع قلبو وجعو عليها دقاتوا قوات وريقو نشف
_ شبيك شكون لبكاك
_ أنت لبكيتني علاش حمزة علاش
_ أيمان قلي شنوة ها دموع حرقوني يزي يعيشك
_ وقلبي لمحروق
_ لطف عليك
_ وقلبك حمزة مرتاح ولا صايبو لصايبني (هزت يدها وحطتها علي صدرو فوق قلبو لقوات دقاتو علي لمسة يديها)
_(تنهد من جواجيه غمض عينيه وأستسلم لقلبو لحكا علي لسانو)قلبي مكوي ومشوي روحي متليعة من فراقك تمنيتك ليا نحوزك بين يديا تمنيتك
حلالي نصونك ونخبيك بين عينيا فكوك مني قبل مانكمل حلمة عذبوني وبعدوك عليا
_ معاك وعمري منبعد عليك حمزة غير قلي حاشتي بيك وراسك نكون ليك وبين يديك
وحتي قوة متبعدني عليك
_ لقوة هو هذا (حط يدو علي راسها ) لفي مخك غير لفي مخي أنا نخمم بنوع وأنت بنوع انا فقري وانت غنية
_ لغاني ربي متقولش هكا ولفي راسي يرفعلك راسك موش يواطيه
_ يواطيني لو كانت لمرا لعشقها أقوي
مني فلوس وقراية تلعمت نكون راجل ومنواطيش كيفاه تحب نهز فيك عيني وانا لمستخسرك
في روحي مانيش متاعك يابنت ناس زوالي وفصالة ومعندي لاوالي لاتالي وحداني لاميمة
لاوخية ...طريقي مسدود وحياتي ظلمة عايش في
داموس صانعو بيديا خليك بعيدة خير ماتتحرق خليك ومصيرها نار لفي داخليك تطفي
_ وناري لشاعلة باش طفيها متكونش أناني حط يدك في يديا خليك معايا نبدو من
جديد
_ مريض طريقي اظلم معبي شوك
_ نداويك ونعالجك ونبريك نحيلك شوك من ثنيتك ولو لزم نهز فوق كتافي ونحاذيك
غير خليك معايا ومتفارقنيش
_ لا يعيشك يابنت ناس لو عندك عقل خمم متغركش لحظة ليوم لحب ممكن يكون برشا
لكن غدوة كيف تنصدم بالواقع تنسي وتكره نهار لريتني فيه
_ عمري منكرهك معشعش في داخلي سكنت قلبي وصالي صحيح لأيام شوية لكن من يوم
لريتك وأنت مستعمر كياني ومعذب محايني ومخليني نتلوي بين عيونك لبحرهم غارق
وتناهيدك لتهد لقلب حط يدك في يدي أنتي يتيم وأنا يتيمة وعد نكونلك لبو ولأم وأنت
بابا لتحرمت منو من سنين ولو ريت مني اه عاديها ممكن تكون أه دلال أما لفي قلبي
مستحيل يندثر بسهولة يعيشك حس بيا حمزة متخليش كلام سيف يبعدك عليا
_ أيمان
_ نحبك حمزة (قربت ليه وقفت علي طراطش صوابعها
طبعت بوسة علي خدوا وتكلمت ) قلي نحبك قلي نحب نسمعها كسر جبل
لبانيه بيني وبينك ذوب لجليد لمخبي فيه حبك بردلي ناري بكلمة قلي حبك حتي مرة قلي
حمزة
_ ذاب من كلامها وريحتها بدنها صغير للصق فيه بوستها لطبعتها علي خدها وكلمة
نحبك لزلزت الفؤاد وهيجت القلب والمشاعر المقيدة بتعلة الفوارق ...خرجت منو أه قوية ...داخ دوخان ثمالة ودوخان لحبيب لريحتو
عبت خناشنو وخلاتو يسوخ كملت بوستها لجات فوق شفايفو فجئتو بيها بوسة خلاتو ينصاع
لها لمجنونة صغيرة العاشقة المتهورة والمتمردة التي جعلته يهزم أمام رحيق شفتيها
وأصابعها التي كانت تعزف فوق أوتار صدرها وفوق رأسه
_ قبلتك ياأمرأة قادتني لجنون ذوبتني زعزعتي رجتني وسلبتني كامل حريتي وأنفتي
وجلعتني كخاتم يدور بين الأصابع وينصاع لغرور عشقك وقبلتك لعذرية
مخممت في شئ غير في لحب اللي لاهب
بين ضلوع ...حب تقيد بفوارق وفكر ومادة ترفضها
مبادئها واخلاقها ...كانت قوية كلبوة دافعت عن حبه وهاجمت
بكل الأساليب فقط لتلين قلبه وسماع كلمة تجعلها ملكة فوق عرش ذاك لقلب الذي دق تحت
يديها وكأنه ناقوز أنذار لم يصمت ولا للحظة هاجمت بشفاهها بلغة لعشاق ولغة لحب
القبلة كالحرب صامتة لكن مؤثرتها كبيرة تزعزع عروش البدن وتأجج براكين الرغبة في
جسد لمعشوق ...حطت شفايفها فوق شفايفو وغاصت في
قبلة لم تريد الأستفاقة منها لأبد لأبدين
حلقة 42
يافا
شارد وهايم ..في عجب ربي حال يبكي قول يندب وجيعتو كبيرة وحسرتو أكبر مصيبة حلت فوق راس
نار شاعلة في داخلو من ذنب حاسس روحو هو لمرتكبو ...يشوف في صاحبو يتغصور موش عارف شيحكي وشيقول دليل واضح وممنوش مهر ب وجريمة
أثباتها واضح كل زملاؤهم فامهم محلولة في عجب ربي شكون ليصدق محمد شمام وتاجر
هروين سم هاري يما شد مجرمين علي خاطرو ...سيف من بيرو لبيرو تلفونات في يدو مسكتتش كل شوية يكلم حد ويحاول يلقاش حل ..موش عارف شنوة لحل ليقصدو يرفض شنوة لصاير شكون لموصي عليه محمد ...طلب يقعد معاه وحدوا
_ سيف مصدقني (وجهو ملخلخ أصفر عينيه شاردة في
لمصيبة لحلت عليه )
_ مصدقك محمد وراس خويا نشك في روحي ولانشك فيك
_ لعبوها عليا ياصاحبي باش يباصوني ونمشي فيها ومعادش نخرج
_ متقولش ها لكلام يالخو وعد تخرج مدام برئ
_ شكون لباش يصدق
_ فهمني شكون لجاك متتفكرش شصار
_ شاكك في وحدة
_ شكون
_ بيسان
_ (ملي قالو لأسم ضربت في مخو طول تفكر تهديدها شبيه غبي ماجاتش علي بالو...وجهو حمار وعينيه طالعت من لعصب ...)وراس خويا لو هيا منتوبها علي لعملتو
_ سيف هيا ليوم قاتلي منباصيك بالحرف لواحد وزيد
_ زيد شنوة أنطق
_ من بكري جاتني ..لدار
_ جاتك (بقا مستغرب )
_ سيف لحقيقة قتلها لو مقامش معاك سيف بالواجب أنا نقوم بيه ...ياخي ليوم جاتني قاتلي جايا نسهر معاك وقعدنا فوق ساعة مع بعضنا ومن بعد
قامت قالت بوها كلمها مريض
...وخرجت
_ صحيت سي دغف بربي ياخي عندك فكرون في مخك ولا شعندك
_ بربي سيف نعرف عليها زعمة هيا
_ متكونش كان هيا ...أسمع سي دغف خليني توا نتصرف باهي (وخرج وخلاه وصي صحابو عليه حتي يشوف شنوة لحل )
***
تلفون في يد ويد فيها سيقار ...لبسمة علي فمها تعد في الوقت بدقيقة ودرج ...قلبها دق وقت لرات نمروه خلاتو يطلب ويعاود ...هزت وهيا شايخة في مخها مزالت غير محطت تلفون في وذنها وصوتو نقبلها طبلة
وذنها ...
_ وينك تكلم
_ وسع بالك سي سيف شفمة
_تتمقصد عليا سماك
_ سيفون حبيبي أنا في ***
أقعد فما هاني جيت
بقات تعاود في مكياجها وغرقت روحها
بالبرفان ...درجين وكان بحذاها ...تشوف فيه كيف ثور لهايج يقدملها مزالت باش تحكي ويجبدها من يدها بقوة
وقربها ليه وهو يصيح في وجها
_ والله لو مايخرجش محمد توا وراس بابا الأ مندفنك في أرضك
_( مغمضة عينيها وهو يصيح وقت لكمل كلامو .خزرتلو .) سيفون روحي أهدي لا يتقطعلك عرق
_ (ضربها بكف وجبدها ليه )شنوة تتمقصد عليا
_( بقات شادة وجها ومطرمة شفتها ...)تعرف إلي نموت علي راجل وخاصة لعنيف وخاصة لكيفك
_ مريضة أنت ماكش عادية
_ مرضت بيك شنعمل لعمري هاي شهوتي جات عليك وقتلك عيني بيك
_ مهبولة أنت
_ نقصروها وهيا طويلة تحب محمد يروح توا
_ لمطلوب يعني
_ تخطبني
_ ههههههه مهبولة أنت ناخذ مرا كيفك منخزرش لزبلة غيري حطها في بالك يانخذ
مرا من لباكو يانحلش عليها سروالي ونكتبها علي أسمي فهمت
_ بربي وشكون لقالك مانيش من لباكو
_ هههه عاد خبرة تي لمرا من مشيتها نفهمها
_ باهي ملا ربي يخفف عليه
_( شدها من شعرها )ملا قلت نخطبك وكيفاه تحب لخطبة
_ شوف سيف لسمعتو لمهم تكون معايا والا وراسك لايخرجها ورودبالك تلفون مني
ندفنو ورا شمس ويدك لمن بكري تهز فيها عليا بكيفي زادة بأشارة من صبعي ..تشوف لعنف علي قاعدة
_ بقي يخزر لها لفعة لقدامو ..لسانها يقطر سم ..شيطان قدامو موش بشر ...جا بين نارين بين صاحبو عشيرو لي باش يمشي ورا شمس ومستقبلو لمهني علي لمحك
وبين كرامتو وراسو لباش يطيح في لوحل
_
_ حلقة43
يافا
ما زلت لا أدري أيهما يؤلمني أكثر
الأشياء التي أفعلها رغماً عن قلبي أم الأشياء التي يفعلها قلبي رغماً عني.
من ساعة ساكتة تخزرلو قاعدة علي
حجرة تشوف في لبحر لهايج ...
_ (يحرق في دخان حرقان بعد
بوستها لهبتو وشعلتو ...كلمة نحبك لتوا ترن في وذنو ...أسمو خرج من مفمها حركلو
بركان في داخلو)
_ حمزة جاوبني
_ (بقي يشوفلها يعدي في عينيه
علي كامل وجها تنهد من جواجيه)أيمان
_ نعم (مدت يدها وشبكتهم في
صوابعو زوز صدوراتهم تتقاتم من قوة لحب
لفي داخلهم ...)حمزة قلي نحبك طفيلي ناري مستعدة نعيش معاك في حفرة لمهم نكون في
حظنك
_ أيمان حبك نفحة وراسك لاتقدر
تعيش يوم معايا لاني متاعك لاني ليك أنسان مريض ماضيا خايب وباش يبقي يتبعني شنوة
مصيرك معايا ومستقبلك خمم في لتقول فيه خمم كيفاه تخرج كلمة كبيرة لراجل كيفي خوك
عندو لحق خايف عليك يحب يراك مع راجل يستحقك
_ مفماش شكون يستحقني قدك نعرف
مستواك ونعرف اللي أنت زوالي حط يدك في يدي نبنو مستقبلنا مع بعضنا ...متخليش
حواجز شكلية دمر حب في داخلنا
_ أناهو لحب لتحكي عليه يعيشك
_ متحبنيش يعني (قامت من فوق لحجرة
ترقل من لعصب)
_ (قاملها وقف قدامها ) أيمان
_ قلي نحبك وأبقي معايا علي طول
ولو ماتحبنيش قلي وعد معادش تراني
_ (تنهد وبقي يخزرلها قلبو تشقق
وهو يرا في دموعها نازلة فوق خدها )علاش دموع يزي لو عندي خاطر عندك
_ محسوب همك فيا وفي دموعي
خليني نموت ونرتاح ولا نبقي فيها لعذاب
_ لطف عليك يزي أيمان وراسك
غلاوتك مايعلمها كان ربي
_ حطت يدها فوق قلبو لكان يدق
بقوة) وغلاوتي هوني ولا وين
_ (حط يدو فوق يدها وكبس عليها
تنهد وجبدها من شعرها حشالها راسها في رقبتو )أمونتي غلاوتك ومعزتك سكنت قلبي عمري
مخممت في حد كيف مخممت فيك صورتك عمرها مافرقت خيالي وليت نفيق بيك ونرقد بيك
..تهديت من تخمام عليك ضعيف قدام عينيك ريحتك ساكنة في خناشني وخيالك مايفارق
ناظري كل يوم نفيق علي صوتك ليجول بخاطري وصورتك لتتراقص قدام نواضري ...هايم كنت
ضايع لا حلم لا امل ومن يوم لسكنت فيا ولا عندي هدف
_ كلامو يدغدغ لقلب مشاعرها
ثارت وقلبها قوات دقاتو تبلع في ريقها من قربو وكلامو لذوبها وخلاها تفغم لمستو
همستو وقربو للي دخلها بعضها وخلا مشتاقة لسماع كلمة تطفي نارها وتبرد جاشها لوالع
..
_ قرب شفايفو لوذنيها وتكلم
بصوت مخنوق ...أنت كيف نجمة لعالية لنشوفك ونتمني نحوزك تبهر لعين وتفرح لقلب
بنورها زاهي.. قمرة تخلي لعين تتراقص من نورها ساحر نشوفها نحكي عليها نحلم بيها
لكن عمري منمد يدي ونحاول حتي نلمس قمرة معلقة في سماء لفوق شمس أنت بنسبا ليا
تحرق لو قربتلك نارك قوية ولو قربت ندفي بوجودك ونزهي لكن لو تماديت نتحرق ونتكوي أنا وياك بعاد كيف بعد سماء علي
لوطي شتان بين ثري وثريا كيف شخص كيفي يخمم حتي بمجرد تفكير في مرا كيفك أنا
مستخسرها في روحي وحاسسها بعيدةعليا لدرجة نحس روحي تفشة وأنت نسمة ربيع معبية ورد
وفل وياسمين معندي لحق نشم كان ريحتك لتكفي ها ذليل أما نحوزك هذا حلم وأنا منخممش
حتي يتحقق لعجزي وقلة حيلتي
_ نعرفك قوي نعرف لراجل عمرو
ماينهزم لو جيت تحبني وتخمم فيا كنت تدعي كل يوم باش نكون ليك وحلالك أما انت بنيت
جدار عازل بيني وبينك وسكرت عليا ..تحب
روحك تعيس مفماش شكون باش يكون أتعس مني لو باش تخمم ماتربطش روحك بيا وحتي عيشتي
هوني صعيب نبقي في بلاد سماءها فوقك وقمرتها تنور عليك وشميستها دفيك
_ أيمان معادش يبقي لحب
_ جربني مفماش حاجة تجي بلكلام
شوف أفعال وشوف حبي ليك لو منستهالش حبك وعد ننسحب لفائدة متفدش لأمل ...
**
تخزر لدار وقلبها يرفرف بالفرحة
واخيرا قالها وحط يدو في يدها ..ليوم قررت تبدي من جديد مع راجل دقلو قلبها
واختارتو بكل جوارحها ...
يدو تعدت علي كرشها وقربها ليه
حط شفايفو علي رقبتها وتكلم بصوت معبي فرحة نورت دارك أحلا امونتي
_ (ذابت من أنفاسو ودارتلو )
موش باش تقلي نحبك قلي احبك قول قول
_هههه مهبولة مزال بكري جبتك
مخذا في خاطر هوني صباح نروح بيك ونمشي نخطبك من دراكم
_ حمزة شقلنا أحنا
_ لقلتو كوم ولباش نعملو كوم
اخر شكون يحكم هوني
_ حمزون هو ليحكم
_ صحيت (فرفشلها شعرها وقرب
باسها علي خدها حسها تفغم وجها حمار وشعل بسخانة شاخ عليها كان متأكد قليلة خبرة
فيها لأمور ..عزت بيه وفرح بيها وبعفويتها وبرائتها لحسها نابعة من قلبها لكان
ساعات يسمع دقتو لفضحتها )
حمزونتي
_ نعم (بقا يعدي في عينيه بحب علي وجها لكان
ينور )
_ تاعبة نحب نرقد
_ باهي امونتي أيجا أرقد
_ وأنت وين باش ترقد
_ توا نفرش هوني
_ لا نحب نرقد بجنبك
_ شنوة (بقي مستغرب )
_ وراسك نبقي عاقلة ومنعمل شئ
_ مهبولة حتي لوانت تبقي عاقلة أنت ضامنة أنا شنعمل
_ عندي ثيقة فيك لو مكنتش ناثق فيك منجيش معاك لهوني با ش نقلك سر
_ قول
_ في حياتي عمري مانثق في حد ولانصاحب حد ولانمشي لدار حد وأنت من يوم لريتك
رتحتلك وحسيتك قطعة مني حاجة فيك تحركني وتجبذني كيف ذكير
_ أيمان ياسر بريئة راك متثقش في ناس برشا مزلت متعرفنيش
ومتعرفش تخمامي متوثق في حد فيها دنيا كان روحك
_ باهي تهني باش نخذ بواصيتك ونثق في روحي وأنا هاني واثقة فيك ياروحي
_ أمونة
_ روحها (ضيقت عوينتها )موش باش نرقدو
_ دخل للبيت هبط جراية وحطها بجنب جرايتو وفرشها (بقات تخزرلو بفرحة لحب لفي داخلها لو توزع علي لكورة لأرضية كان يزازيها ...دخلت للفرش وقعدت تخزرلو كيفاه واقف موش حابب يرقد
_ باش تبقي برشا واقف
_ هاني نشوف فيك كيفاه راقدة
_ نحبك ترقد بجنبي
_ أيمان
_ وعد منعمل شئ شهوة صبية
_ (حط راسو وبقي يتمتم ) خايف توالي أخر ليلة وأنت صبية
_ شقلت حمزة
_ مقلت شئ جبد لغطاء ودخل لفرش بجنبها ...جبدها حظنها وبقي يحكي معاها ويعبلها بشعرها للي هزها نوم ..خزرلها يملي في عينو منها ومتمني قربها ومتفرهد برشا بيها ) يخزر لعينيها لمغمضين تقول ملايكة كيفاه راقدة مسلمة بجنبو لها درجة واثقة
فيه مسملة روحها من غير لاخافت لا ترعبت من وجودو بحذاها ...قرب باسها فوق خدها وتكلم بصوت باحح (نحبك وبرشاااا أمونتي نحبك ياعسل )ليلة كاملة ساهر يملي في عينو منها حاسس روحو ملك دنيا بكلها يكفي منورة
دارو وراقدة بجنبو وفي فرشو يكفي كلمة نحبك لسمعها منها يكفي ختارتو تكمل حياتو
معاه ..عشقها وحبها لدرجة لجنون وقرر تكون
ليه ومايخيبش امالها قرر يحارب باش يوصللها يتغلب علي ضعفو وجبنو ويكسر لحواجز لكل
..وجبل لجليد يذوب مع لوقت كيف زوز
يعرفو تفكير بعضهم وكل واحد فيهم يقبل تغير من اجل أسعاد لأخر
حلقة44
يافا
أن تعيش في قوقعة الضغط يعني أن تكون
ذليلا لبعض قرارات أبلسية تكبلك في ضوضاء العجز وتأنيب ضمير ..وأن تتنازل عن بعض المبادئ في سبيل فرد ذلك قمة العجز والجبن وخيانة مبدئ
بنسباتي لك
يحظن في صاحبو بكل قوة موش مصدق لخرج
واخيرا تحرر
_ كفارة ياصاحبي حمدلله علي سلامتك
_ يعيشك يالخو مزيتك مننساهاش
_ أنا سبب موش مزية
_ هيا موش هكا
_ وشكون غيرها لفعة
_ والله قاتلها
_ متوسخش يدك بيها عقارها عندي الأ من توبها خلي يفوت ها نهارين وتوا تشوف
منعمل في عذابها صنعة
_ بنت لحرام يخلي دارها ملقاتش ماتبليني كان بلوة دروق
_ قول لفعة عارفة شغلها وراسك دروق اللي تهمتك بيه ماندحيها عليه للحبس
_ فكك منها سيف ناس واصلة ومقتدرة ومتخافش ربي لفي روسهم يعملوها وزوالي
لكيفنا يتمحي ورا شمس
_ (جبدوا وخرجو من لمركز ) متخمم في شئ غير تخرج منها دار وشوف
دار اخري وأقعد أرتاح أيام بعيد علي هم لخدمة ودنيا
_ والله قداه ليا شاهي نروح للبلاد نشوف لخضار ونشم ريحة لغالية
_ ملا من حينك من غدوة روح
_ روح بيه لدارهم حطو في بيتو باش يرقد ويرتاح ودخل دوش لماء يصب عليه وهو
يخمم في لقرار لخذاه لواتلو يدو صحة ليها.... جا صبعو تحت زرسة مكنش عنو حتي حل غير يرضي باش يخرج عشيرو من ورطة
**
كمل دوش وخرج لقي أمو قاعدة تفطر
باس جبينها و وصب قهوة ليه
_ من لبارح وينك سيف
_ هوني امي عندي خدمة لباس انتي
_ هاني منين لباس بعد لقالتو أختك لبارح
_ وينها هيا علي ذكرتها
_ مفقتش من لبارح حتي دقيت علي لباب محلتش
_ توا نصف نهار متعودة ترقد
_ وين نعرف
_ متأكدة امي راقدة (ضربت في مخو كرهبتها موش لبرا ولا في
لقراج قام دق لباب بقوة ) أيمان حل لباب
_ شبيك هبلت صاحبك راقد مايجيش راهو
_ فما نسخة متع مفتاح اخر امي
_ فما أيه (مشات جبتلو نسخة من لمفتاح خطفها من
يدها بنطرة يحل في لباب ويدو ترعش ) وقت لدخل ملقي شئ بخلاف شباك لكان محلول نفخ بقوة وخزر لأمو )
_ لو مشاتلو قاتلها ليوم
_ برضايتي عليك وليدي فهمني وين مشات
_ سيبني امي معرفتش نربيها بنتك وخليتها تتصرف كيف لعزري خرج هز مفاتح كرهبتو
يحل في باب لكرهبة ويجبد في تلفونو يلوج علي نمروه ..ركب في لكرهبة يلعن ويسب ...
**
كانت راقدة لبسمة فوق شفايفها
يشوفلها كيفاه مطمنة كيفاه وثقت فيه لها درجة علي خاطر دقة قلب مسلمة روحها لراجل
بري لاعندو لا عايلة لا اهل لامالي مجرم وفصالة ...تبعت شعور موش عارفة وين أخرتو باش يوصلها ...خرج يخمم في حياتو كيفاه تقلبت 180/ درجة من يوم لشافها... شري قضيات لفطور صباح ودخل حضرلها
فطورها ...يد تعدت علي كرشو خلات بدنو لكل يرعش
تحت يدها ذاب من لمستها ومن قربها ليه
صباحو حموزتي
_ دارلها يشوف في صغرونة لقدامو تقول طفلة صغيرة شعرها كان داخل بعضو وحافية
مريولها طايح علي كتفها تبسم وقرب باسها علي خدها
_ صباحو حبيبي
_صباحو حمزون (طرمت شفتها )
_( عدا يدو ورا ظهرها وبقا يخزرلها )شبيه طروم
_ خاطر مفيقتنيش وخليتني راقدة لتوا
_ صحة كسول محبيتش نحيرلك نومك
_ بالعكس ياريت حيرلي نومي باش نتصبح عليك
_ توا تعيا وانتي كل صباح ترا فيا وتبدي تقول لهم هذا مخيبو
_ حرام عليك (ضربتو علي كتفو) ساحا محلاك أنت بوقوس عينين زرق وشعر (خزرت لقرعتو) هههه نسيت مفماش شعر ياخي علاش تقرع
_ طول عمري نحبو أقرع علي خاطرو لونو بني فاتح نحسو يخليني نظهر متربي برشا
_ ههه علاه أنت تحب تظهر بليد
_ موش هككا (جبد روحو منها وتنفس بقوة ..شعل علي لقلاي وبدي يفقس في لعظم
_ شنوة طيب ياخي
_ شتري أنت
_ متقوليش عجة علي صباح
_ انا منفطر كان عجة صباح الله غالب هكا شتعودت وأنت هاني حضرتلك قهوة وهانو
لوازم لفطور لكل
_ منفطرش كان قهوة برك (جبدت زوزة حطت لحليب وبقات تحضر في
نسكافي ) علاش تحب روحك تبان اللي أنت كلوشار
برغم ورا ها لمظهر شخص ياسر دافي وحنين
_ خاطر لزم تكون هكا ولا ياكلوك
_ احكيلي ممكن نعاونك
_ شنوة أمونتي باش تعدي عليا
_ لا حبي والله مقصدتها
_ (بقا يخزرلها بفرحة كيفاه قالت حبي قربلها سرق بوسة من شفايفها ذوبها بيها
وخلاها تفغم بعد عليها يتبسم ) وقت لتقول كلمة عسل كيفك باش ناكلك
هاشفايف لعسل
_ حمزونتي (وجها حمار وهبطت عينيها من الدغديغة
لبنينة سرات في كرشها وخلاتها تذوب "أني أغرق أغرق في شهد شفاهك يارجل "
_ لحليب فاض فوق لقاز جا حمزة يجبد في زوز تتحرق يدو أيمان بقات تضحك لحليب
تكب علي الأرض وترا فيه يتوحوح
_ شنوة أمونتي لقاز حرقتها من أول يوم
_ هههه ومزال حمزون عندك أعتراض (خرجت لسانها تعكي عليه)
_ معنديش اعتراض مدام قلبي فايض هايض ومخي محروق وانا نخمم فيها زين لكل تعرف
موش مصدق اللي أنتي في داري متاعي ليا
_ حتي أنا حبيبي حاسا روحي نحلم أقرصني راني طايرة لفوق لفوق (مدت يدها تقول طير)
_ مهبولتي (حمل عليها بين يديه وخرجها لبرا ) أقعد هوني توا نحضرلك قهوة اخري ونجيب لفطور
_ لا حبيبي خليني نعاونك
_ لا أنت ليوم لملكة يدك متمدهاش راسك فهمتي
_ حاضر (مدت يدها عدتها علي خدو)
_ جبدلها يدها باسهاوقام )عاودلها قهوة وهو يزفر حط لفطور في
سينية وخرجلها لقاها تخزر لسماء
_ فاش تخمم (حط سينيه قدامها )
_ نخمم فيك
_ فاش قلي
_ سر
_ أممم يعيشو سر (لباب دق بقي يخزر لوجها للخلخ حط يدو
علي يدها )متخافش هاني هوني قام حل لباب لقاه
صاحبو دخل يدز مستناش حتي حمزة يحكي
_ أه سعيدة سي شقح (وقت لدخل شاف أيمان قاعدة كلاها
بعينيه يد جاتو فوق رقبتو فيقتو دار كي روبو يسئل في شقح بعينيه )
_ مرتي هاكي طير توا لنفقصلك عينيك
_ صحة يالخو ومبروك سمحنا عاد (مدلوصاك فيه فطاير وباقات )
_يعيشو سكر لباب وراك
_ تشرب في لقهوة وتخزرلو بعد مسكر لباب علي صاحبو طرشقت بضحك
_ علاه هكا مسكين
_ مسكين بربي (قحرلها )
_ يعيشو لي غار هو
_ ملا هوني تواريلهم لعين لحمراء وياربيش يحترموك رودبالك تحكي مع حد ولا
تضويلو هاني نبه عليك
_ حاضر فماش أوامر عليا سيدي رئيس
_ كمل أفطر
_ تدلل
_من بعد باش نمشي لداركم
_ شنوة (كانت تشرب في لقهوة شرقت )
_ شنوة تتخيل باش نعيش معاك في دار من غير صداق
_ دارنا موش باش يوافقوا
_ وانت موافقة ولا
_ اكيد موافقة حمزة
_ وفا خليك معايا وأسكت
_ بقات تترشف في قهوتها وساكتة عارفة لسيف مستحيل يعديها بساهل وخايفة
لاتوالي ضارب ومضروب
حلقة45
يافا
تمسح في يدها من لماء وخارجة تحل في
لباب لكان يدق أول محلت لباب وشافت أيمان
ومعاها راجل سكتت بعد مكنت باش تتفلق عليها
_ وين كنت وشكون لمعاك
_ عسلامة طاطا أنا حمزة و حابب علي
بنتك في لحلال وجاي طالبها منك ومن خوها
_ بقات تخزر لبنتها مصدومة شكونو هذا
_ أمي ندخلو لداخل ونحكو يعيشك
_ تفضل
_ دخلو لصالون وبقات تخزرلو وأنت شتخدم ولدي ومن عايلة شكون جاي تخطب هككا
_ أيمان داخلت بعضها تعرف لباش تصير كارثة توا صوت حمزة خرج وقلبها دق مستني
البركان لباش ينفجر
_ معنديش عايلة يتيم امي توفات وانا صغير وبويا تخلا عليا ورماني
_ نعم (حلت فمها من لكلام لقول فيه) وشتعمل في حياتك ومنين عرفتك بنتي (تحكي داخلة بعضها ليكون لفي مخها صحيح)
_ نخدم لموجود كل يوم وقسمو
_ نعم (شهقت وضربت صدرها خزرت لأيمان وخرجت
فيها عينيها )شيحكي راجل هذا ولقول فيه صحيح ولا
كاميرا خافية تفدلكو موش هكا
_ ماهومش يفدلكو امي (سيف داخل من لباب بعد مقلب دنيا علي
حمزة ومعرفش دارو وقت لدخل للحومة ورا لكرهبة هبط متحلف فيها لكن لراها صدمو وجود
حمزة في دارهم ولسمعو خلاه يجن
_ شنوة للا أيمان اخرتها وليت هاربة من دار
_ سيف يعيش خويا انت لظطريتني نعمل هكا
_ (جبدها من يدها بقوة كان باش يعطيها كف علي صحة رقعتها يد حمزة شدتلو يدو
_ رودبالك تضربها وهيا معايا رودبالك
_ سيف رجع عليه بونيا في خشمو وبقي يحرك في صبعو وعينيه تتشاعل نار )اخر مرة مزلت تدخل بيني وبين اختي وتوا هز روحك واخرج من هوني ولو تحب تظهر
رجولتك اخرجلي لبرا خلي ندفنك في أرضك نواريلك كيفاه تلعب معايا
_ حرام لعملتو سيف قتلو حمزة خليني نكتب صداقي ومن غير منقلك رفض وقالي أبدا
منعملش حاجة من وراهم تقوم تضربو
_ ونكسرلو خليقتو زادة وشكون لباش تعرس بيه واعية فاش تقول أيمان
_ واعية وانا كبيرة وهذا قراري وياريت ميدخل حد
_ ياناري علي روحي مستحيل تكون هذي بنتي شعملك ها لفصالة باش طيح فيه هكا
_ منفضلك امي حمزة راجل وسيد رجال حبيتو ويارت تقفو معايا موش تبدو تحللو
وتحرمو يجي ومايجيش
_ تكلم حمزة لكان عارف صعوبة لموقف لهو فيه ) نعرف اللي منملاش لعين ونعرف اللي انا فقري أما كونو متأكدين نحافظ عليها
في عيني ومنخليها ناقصة شئ
_ شناقصة تخليها ريتها هذي يدها لراسها متمدهاش وقت لجيتك للقهوة وقتلك نقعدو
قعدة رجال وفهمتك وقلت فهم وبعد علي خاطر حبو نظيف طلعت اناني تي اخزرلها مليح تي
لبستها تشريك منين باش تعيشها باش تلبسها باش داويها كيف تمرض انت وياها بعاد بعد
سماء علي لوطاء تعرف شمعناها معناها لاتجو لا في حلم لافي خيال
_ سيف علاه تقول هكا تي أنت حابب وحدة متسواش فرنكين كانت
_ (قص عليها ) حابب شكون هبلت أنت فما فرق بين شفقة
وبين لحب وبين لواجب ورجلة يلا موش كل شخص نشفقو عليه رانا حبينا ه موش كل شخص
عجبنا نجمو نعيشو معاه هذا عرس أفهم أفهم راك بقيا تغرق ومكش عارفة
_ خليني نغرق نحب نغرق معاه عمرك لكل مخليلي حرية لأاختيار مكش باش تجي
توا تفرض عليا رايك حتي لو هو صحيح ممكن
خليني نغلط نطيح ونفيق خليني نختار كيف ماعمري لكل نختار
_ باش تتعب موش متاعك راجل فصالة من حبس لحبس هبلت ياخي
_ (وعلي هاك لكلمة أمها جنت ) شنوة يعني هو مجرم وشاد حبوسات ياناري علي روحي ياربي بنتي جنت مشات ياسيف
ولدي باش نموت باش تقتلني ناقصة عمر دلالك فيها ياناري عليك ياسيف باش تواطيلك
راسك في الأرض
_ امي يعيشك (قربتلها أيمان باش تهداها بعدتها
بيدها ) متلمسنيش مكش بنتي أخرج من داري
_ حمزة بقي ساكت يخزر لموقف لتحططت فيها مرا عاشقها نزل علي قلبو كان باش
يخرج يد أيمان شدتو ) رودبالك تخليني وعدتني تكمل معايا
_ امك وداركم عندهم لحق موش منستواك أيمان لايزي لفقر وليتم زيد ماضايا
ميشرفش
_ احنا ولاد ليوم وموش انا لباش نحاسبك ولكلنا يتامة ولغنا بيد ربي متخلينيش
وعدتني حمزة
_ شدلها يدها ...وبقات تخزر لسيف لكان شاعل دلالو
فيها خلاها تتمرد لمرا عمرها 27 سنة كبيرة واعية وتعرف تفكر تعرف
تتخذ قرارتها حتي لو كانت غالطة هيا لمسؤولة عليها
_ أمي سيف نعرف لتحلمو نعيش مع راجل غني ونعرف اللي انا نرفزتكم مني اما هذا
راجل لباش يعيشني سعيدة نحب أمي أفهمني يعيشك سيف
_ قص عليها (هز روحك واخرج ومن ليوم معادش نحب
نراك
_ لا سيف يعيشك لا اختك راني
_ شقتلك انا لو تحب تكمل حياتك معاه وخذيت
قراراك هز روحك واخرج ولو تحبنا تبقي هوني
_ من غير لاخممت جاوبت بصوت معبي دموع )لو حبيتني كأخت عمرك ماتخيرني بيني وبين راجل لحبيتو نحب نقلك لمستحيل بعد
موعدتو نتخالا عليه ولأيام تثبتلك اللي ختياري صحيح وهزت حمزة وخرجت ملي خرجت
وسكرت باب دارهم طرشقت بالبكاء
دموعها لتفجرو خلو قلبو يوجعو جبدها
ليه ايمان مزلت هوني مخلصك من كل وعد داركم وخوك اولي من كل شئ
_ لا حمزة سيف يجي يوم ويسامحني نعرف قلبو حنين وامي توا تنسي مع لأيام خلينا
نخرجو يعيشك هزني من هوني
**
قاعد فوق لكنابي يرعش في رجلو عمرو ا
مكان يتصور اختو تاخذ راجل كيف هذا وين باش تعيش وكيفاه باش يعيشها لتربي في لقطن
كيفاه يتفرش لحصير كيفاه باش تعيش في مستوي أقل ملي عاشت فيه قلبو وجعو يعني بعد 27 سنة أخوة ورابط دم جات في شهر ختارت راجل مايربطها بيه شئ شنوة لصار لها
لها درجة تهورت لهادرجة سحرها وخلاها تنسي اهلهم اهلها وماليها لخو لرابا وكبر
ولام لجابت ورضعت تنهد من جواجية علي لصابو يخزر لامو لراقدة فوق لكنابي برغم
راقدة ولعين تبكي حتي هيا من لحظة لمشات وخرجت أيمان وهيا تبكي وتكسر عندها
لحق وشكون يلوم ام علي ظنا تتمنالو اعلي
لمراتب واحسن لبلايص
حلقة 46
يافا
جمعة تعدات كان عايش علي عصابو وخاصة
بعد مجاتوا ورقة صداقها يعني لفي راسها
عملتو كان متصور تلين متصور ترجع قلب دنيا ولاحد يعرف شخص أسمو حمزة..يتكيف ويرحي في دخان رحيان راسو حاسو باش يتفلق تعدي شرا كعبات وقعد قدام
شط مخو لكل مع اختو وين يتفكر ها نارو تلهب وين يتفكر طيحتلو كلمتو يفد ويتيقر
ومعادش حابب يروح لدار ويواجه أمو شنوة باش يقلها نهار بطولو وهيا رابطة راسها
بمحرمة ياتبكي ياتنوح علي سعد بنتها راقد... دار ولات جحيم معادش تايق حتي يروحلها ...فد اكثر تفكر زينب لجمعة مشالهاش ...خدم كرهبتو وتعدالها هبط يجر في ساقيه جران يدق في لباب محلو حد ضو طافي
قلبو توغوش زعمة مشات هربت ولا زعمة شنوة صارلها رجع لكرهبتو يلوج علي نسخة من
لمفتاح صوت جارتو خلاه يتلفتلها وهو مخضوض
_ عسلامة حاجة
_ تلوج علي زينب ولدي
_ أيه ياحاجة ريتها انت
_ أيه هاي عندي
_مفهمتكش
_ من يومين دقت عليا لباب سخانة تقلي فيها ملي دخلت ترمات عندي مسكينة خذات
بورنشيت قوي وزيد بدنها فارغ من لماكلة يومين قاتلي مكليتش وليدي عيب عليك كيفاه
تخلي مرتك هكا وحدها
_ ويني هيا (قلبو وجعو عليها هموا نساه في دنيا
لكل ونساه في امانة خلاها توصل تقعد بلاماكلة بقي يتبع في لمرا داخل لقي زوز صغار
قاعدين يلعبوا دخلتو لبيت أول مدخل لقاها راقدة متلكمتة علي روحها وجها لكل عارق
وجها أصفر ملخلخ قرب قعد علي الأرض بجنبها وتكلم بصوت باح زيزي قوم هاني جيت أسم الله عليك
_ خليها ترقد وليدي من لقريب هكا نهار بطولو راقدة
_ لزم نهزها لطبيب
_ ولدي جابلها طبيب عدا عليها متخافش
وخذات دواها ولباس غيرشي لبرودة خذات فيها مسكينة تي لمرا دمها لقيناه 8 وظاهر مكلتشي شئ وجها كان أصفر نكتة دم مافيهشي مسكينة قول كيفاه سقيها
وصلوها لينا
_ يعيشك ياحاجة علي لعملتو لزم نهزها لدار توا انا نتوالها بيها
_ وليدي علي راحتك أنا موش مقلقتني كيف بنتي راهي
_ يعيشك توا انا نتوالها بيها نحالها لغطي وحمل عليها كانت فاشلة راقدة موش
واعية بشئ خرج بيها لدارو لحقت عليه لحاجة بصاك دواء ...
_ يعيشك مدام علي لعملتو
_ معنديش مزية ملا باش جيران احنا
_ ممكن تكمل تحلي لباب خاطر في يدي موش باش نجم نحل
_ تدلل ولدي (حلتلو لباب وشعلت ضو ودعتو وخارجت توصي وتعاود عليها )
ملي حطها في لفرش غطاها بقي بجنبها
يتويل يعني لو ماتت في دار مكنش يدري عليها حد هو سبب امانة عندو يخليها هكا ...قام باش يجبلها كمادات حل لفيرجيدان ملقاش فيه شئ ...نسي حتي أنو اخر مرة ما قضاش يعني شكانت تاكل كل ها لفترة ضرب راسو علي
بهامتو ا تقول محبوسة ومعاقبة وحتي كيف يجي كانت لبسمة فوق شفايفها متتناحش وهو
ناسي اللي لمرا من مسؤوليتو واجب عليه يوفرلها كل شئ ...لمشاكل نساتو حتي باش يتوالها بها تفاصيل لبرغم تافهة لكن اهميتها جزء من
حياتنا ...طلب صاحبو وصاه يقضيلو قضيات ويجب
ماكلة معاه ...حضرلها كمادات وبقي يحطلها فيهم علي
راسها وكل شوي يقيسلها سخانة ...تلفونو دق لقاه صاحبو خرجلو خذا
منعندو لقضيات ومدلو حقوا حكا معاه شوية دخل لكوجينة يخبي في لقضيات ..صوت تختريش خلاه يخرج لقاها خارجة من لبيت دوب ماتتحرك
_ زينب علاه قمت من لفرش خليك
_ سيف (بقات تخزرلو ) كنت نتخيل روحي نتوهم لي أنا في دارك
_ سامحني انا سبب في لصارلك (حمل عليها رجعها لفرشها )
_ وينك جمعة كاملة (وقت لحظنها حست بروحها كيف ريشة
طايرة خفيفة حست بسعادة وكأنو منفي رجع من
غربتو)
_ هاني جيت نعرف طولت وخليتك اما صارتلي مشاكل خلاتني نبعد مكنتش نعرف اللي
انت مريضة وباش يصير فيك هكا
_ عادي سيف (تحكي وتكح )
_ أسس متحكيش برشا باش متتعبش مزلت مريضة خلي نجيبلك مكلتك باش تاكل دواك
_ دوايا في قربك خليك بحذايا (شدتلو يدو من غير ماتشعر وبقات تخزرلو بعين ذابلة عين عمات بوحش محبوبها
لجمعة مفارقها ومكحلتش بيه نوظرها )
_ كلمتها خلات بدنو لكل يفبري حس أحساس عمرو ماحسو تبسملها وبدل لموضوع أكيد
راك جيعانة طلبتلك حوت مشوي نعرفك تحبو موش هكا
_ حركت راسها بأيه وبقات تخزرلو كيفاه دخل بعضو وبدل لحكاية
_ مشي جابلها بلا فيه شربة وحوت وقعد قدامها يوكل فيها وكل مرة يمسحلها فمها
كان يخزرلها كيفاه تاكل وين تقول يزي يحلف باش تزيد قدمة اخري ...بعد مكمل بقي يمسحلها فمها لحمار وهو يمسح فيه
_ سيف يزي نظاف
_ حمحم وجبد يدو معرفش علاش سرح فيهم دخل بعضوا وهز سينية هارب من لفكرة
لجاتو ستغفر ربي ورجعلها وكلها دواها ...بقي يشوفلها حاسس وجها تزرع فيه دم
_ تحسش في روحك خير
_ ملي ريتك بريت
_ أيا باهي لزم تبري فيسع باش ترجع عاد تصنف وتعاود توحشت ماكلة من يدياتك
_ لو تحب وشاهي حاجة نقوم توا نطيبها
_ لا زينوبة وقت لتبري توا ممنوع تقوم من لفراش
_ تعبت من لفراش نهار بطولو فيه
_ مسالش لزم ترقد وترتاح باش تتنحي لبرودة عليك
_ باهي سيف وعد كي نرقد ونفيق نلقاك
هوني
_ هوني زينب متخافش
_ (دخلت في فرشها قام غطاها وجبد كرسي قعد قدامها ) سامحني زيزي نعرف اللي مرضتك بسبب اهمالي انا
_ لا بالعكس لعملتو معايا أنت عمروا مايعملوا حد أخر
_ معنديش مزية لمهم أنت تكون لباس
_ليلة كاملة عداها بجنبها متحركش كل شوي يقيص سخانة ماتهني الأ مسخانة طاحت
ومرجعتش بلكل خذاتو عينيو ورقد فوق لكرسي ...
**
قامت صباح لقاتو ا راقد فوق كرسي
راسو أعوج قامت تحس في روحها خفيفة تحرك فيه باش يقوم
_ سيف قوم
_ يحرك في راسو رزين وبدنو لمكسر من قلة نوم حل عينيه لقاها قدامو منورة كيف
عادتها قاملها يسئل ويحرك في رقبتو لحسها عواجت
_ لباس زيزي توا
_ لباس سي سيف حمدلله قوم رصاتلك
راقد فوق كرسي
_ مسالش علي خاطرك نرقد فوق شوك
_ (تبسمتلو بفرحة )لطف عليك سيف
_ يعيشها (قام من كرسيه وحط يدو علي جبينها ) أيا حمدلله هاو مفماش سخانة
_ طاحت وحاسا روحي خفيفة نحب ندوش نحس في روحي قرصت من لعرق
_ باهي لحظة نحضرلك دوش
_ لا سيف متعبش روحك أتو ندخل نحضر وحدي
_ باهي صحة مسبقا
_ دخلت دوشت نحت خمجة علي قلبها تفرك في روحها وتخمم فيه يعني ليلة كاملة
ساهر بجنبها وهيا راقدة موش حاسا بيه محلاه قداه عز بيها تنهدت وقت لتفكرت قداه
توحشتو جمعة صار فيها من غيرو ومن بعدو لخلالها مكان كبير توحشتو توحشت ريحتو صوتو
كلامو حضورو وكل حاجة فيه توا تأكدت لطاحت لوف فيه
حلقة 47
يافا
راقدة في حظنو راسها حشايتو في رقبتو
تشتنشق في ريحتو لتخبلها ..عضت شفتها وقت لتفكرت ليلة لبارح
بدنها لكل شعل قرصت علي يدو بقوة لي تنهد
_ حبي
_ أممم
_ سافا سوا روحو وتكي علي جنبو بقا يخزرلها
عدا صوابعو علي خصلات شعرها وبقي يعشق فيها وفي زينها
_ صباحو يأحلي عسل
_ صباحو حموزتي
_ بو حبك وبوعسلك ومحلاه أسمي من عندك (قرب طبع بوسة علي خدها)
_ حموزتي خلي نقوم نطيب لفطور
_ لا أنت أميرتي ممنوع تهز يدك لراسك خلي توا نطيب أنا
_ لا عاد جمعة كاملة وأنتي طيب أنت
_ مسالش (قام من لفرش عاري غمضت عينيها بقي
شايخ عليها )شنوة لتوا منحيتها لحشمة
_ هههه حموزتي مزال بكري نحشم راهو
_ بو عثلو لحشام هو ...(جبد لبس شورط وخرج لكوجينة يحضر في لفطور ويدندن"يا لحبيبه قولي جوتيم
يالحبيبه قولي نبغيك
" )
"
تسمع فيه يغني تبسمت وقامت لفة روحها
في ملحفة مشات لدوش تحب تناحي تعب معركة عشق عاشتها مع حبيب لقلب أول محلت باب دوش
رجعت للواقع نفخت لو جات في دارهم كانت دخلت تحت دوش من غير تعب تنفست وهزت
كاسارول عبتها ماء وحطتها فوق قاز صغيرة حطها في دوش ...خرجت جبدت حوايجها بعد مضربها لبرد كل يوم في نفس لحالة وين تقوم باش دوش
صباح تبقي تستني لماء يسخن ودار مندية معبية برد نفخت لزم تتصرف علي أقل تعمل
حاجات تخليهم يعيشو مرتاحين ومتبقاش تتعذب ...
كملت دوشت نشفت شعرها ولبست حوايجها
عملت شوية مكياج وخرجتلو لقاتو حاطط طاولة بلخيرات ...
_ صحة روحي
_ يعيشو حموزتي (بقات ترقل من لبرد)
_ بردانة
_ أممم برشاا وزيد لماء برد عليا في دوش خايفة لنمرض
_ لطف عليك (وجهو تكمش وفد عارفها بنت عز كيفاه
باش تتحمل تعيش معاه في لعذاب هذا لكل )
_ ياكل ويخمم في حل لزم يسعدها كيف متخلت علي أهلها علي خاطر لزم يفرحها
فطرها بيدو وبقي يفدلك شوية معاها ...)
حبيتي لزم نمشي عندي قضية نعملها
ونجي
_ متبطاش حموزتي
_ تهني حبي متخرجش ومتحل لباب لحد هوني
_ باهي تهني
_ باسها علي جبينها دخل هز قضية وخرج
خذا موتورو..) كمل قضياتو كلم واحد من صحابو عندو
كرهبة باش يروح بلقضيات لشراهم كمل قضي لوازم دار وروح فرنك ربي لا
_ نهار بطولو تنظف وتخمل برغم بساطة لحجات لعندها الأ انو تفنت فيهم تزين بلي
تقدر ولبسمة فوق شفايفها تسمع في لباب تحل عرفتو هو خرجت تجري لقاتو داخل معاه ولد
عينيها جات علي سطول دهن وسخان وكوفيرتات جديدة ..تبسمت عرفتو علي خاطرها اكيد سمعها تأفف صباح وحس بيها تنهدت ورجعت جبدت
كبوطها وخرجتلو...
_ حمزة قلي لو تحب فلوس يالخو متحشمش (صاحبو لجابو في لكرهبة)
_ مريقلة صاحبي خير ربي موجود
_ والله توا سمعت اللي انت عرست حقك قتلنا رانا فرحنا بيك
_ حكاية جات فيسع بربي نزيد نحل علي روحي باب بلا عرس وقاوق
_ ربي يهنيك لفايدة في لهنا ومنوصيكش أي حاجة تستحقها تقلي منسمحش خوك راني
_ يعيشو يالخو نعرف صاحبي راجل
_ دخل يلقاها تشوف في تنايك حبي اهلا
_ شنوة هذا قربت باستو من خدوا
_ قلنا ندهنو دار وهكا سخان باش متبقاش كل صباح تسخن في لماء واحلة
_ يعيشك حموزتي تعبتك
_ تعبك راحة غير أصبر شوي دار هذي نردها جنة كل مرة نقد حاجة وعد
_ يدنا في يد بعضنا نخلوها قصر ويد وحدة متصفقش أنا نخدم وشهريتي باهية
حموزتي شقولك
_ (قص عليها من غير مخلاها تكمل ) رودبالك تقول كلمة أنساها لحكاية فرنك دخلو لها دار تخرج منها فهمت
_ شنوة نخرج منها كلام هذا
_ لسمعتو من اول يوم شقتلك انا راجل وانا لنخدم حتي نهز لحجر فهمت وردبالك
تحتاج حاجة متقولهاش
_ باهي اهدي متنرفزش روحك (وجها تكمش دخلت يدها في جيب كابوطها
وجات داخلة ) جبدها ورجعها ليه ) سامحني مقصدتش أما انت تعرف شقلت وقتلك تصبر معايا تعرف ظروفي وخذيتني هكا
_ علاش تشرطت انا
_ نعرف متتشرطش أما
_ يعيشك حمزة متكبرهاش مرتك راني انا عايلتك خليني نكون مرايتك وأنت كون
مرايتي ملزمش تبقي تبرر وتبقي تتغصور وانا قادرة نقف معاك
_ أقف معايا بلكلمة طيبة وبروحك طاهرة يكفي
_ معاك حبي (شكون باش يدهن حقا)
_ انا شكون حسب رايك من كثرتها تي زوز بيوت لحظة وندهنهم
_ يا بلحق (بدات تنقز)
_ أيا خليني نبدو بيت نومنا وبعد نمشو لصالة
_ مريق لبوها
_ هههه أسمع يطلعو منو شقناص هو
_ مشني شقنا ص انا (حكات بصوت خشين )
_ لا هاو ظاهر جبد تناكات دهن ودخل لدار لقاها تلق خزرلها ) يظهرلي تعبك باش يمشي خسارة )
_ موش مشكلة نظفها
_ نهار بطولو عدوه يدهنو كانت شادة رولون بيدها وهو شاددها من تالي وتدهن
اخرها طلعها فوق رقبتو باش تدهن سمايا وكل دهن جا علي وجهو ...
_ يابنتي راك تدهن في دار موش فيا
_ صعيبة راهو قالولك عليا ستا انا
_ أي أهبط شلزك ربي تتفافا
_ حموزتي نحب ندهن داري أمان
_ ياربي دهن فسد ومشا
_ مهبطت كان مشيحتلو ريقو بقي يدهن وكل مرة يرميلها غمزة وهيا تهز خشمها وطرم
منرفزة
_ أسمع طروم موش كان طيبت عجة خير من تطريم اك شفة لنجي ناكلها
_ لا باش تبات بلعشا
_ باهي لبيت لخرا هاني شاحت ليوم نتعاشاك انت في دوبل عاد
_ تبسمت وبدنها لكل فبري قداشو سيس ومحلا عشقو تحس روحها فراشة طايرة بين
يديه رماتلو بوسة ومشات طيب في عجة لباب دق مشات تزرب تحل فيه لقات مرا ومعاها زوز
نسا أخرين سلمت عليهم وهوما يبوسو ويعاودو تقول يعرفوها من سنين حمزة سمع حسهم خرج
يزرب
_ خالتي دوجة اهلا نورت
_ خالتك يا حلوف هاكا تعرس بساكتة
جبدت عصا باش تضربها بيه تخبي ورا جارتهم خالتي والله محبيت نحيركم ونتعبكوم
_ علاه وليدي تعبني ميمتك راني
قربلها باسها وبقي يشوف في أيمان كيفاه تتبسم فرحانة كيفاه خدوج شدتلو وذنيه
...عرست وكتبت صداق
_ في لحلال ملا والله هاو صداقي لداخل
_ هنيتني أيا باهي ...وشتعمل شبيك ملبز بدهن
_ قلت نظف دويرة
_ اممم فهمتك سيب من يدك وادخل دوش توا لولاد يجو يكملو في بلاصتك (خزرة لأيمان )وانتي بنيتي شاح شاح زين وعين محلاها منين بنتي من هنا
وشتكوني
_ من هوني طاطا من عايلة ***
_ تشرفنا شاح مضخمها تقول طبيبة أًصل
_ جبت فيها
_ ...اوخي تبصر عليا
_ وراسك لا طبيبة خدوج متع اك لمهبلة
_ لطف وليدي شر برا وبعيد
_ ههه سملة عليك طاطا
_ واشي هذا اطا قلي خالتي دوجة ولا امي حمزة هذا راهو ولدنا لكل ..وانت مليوم بنتنا
_ أيا نساوين هزوها خلي توالي عروسة كيف ميشتهي وليدي ويحب
_ خالتي دوجة وين هزينها
_ وشد خلك انت باهيشي توا برا امشي نحي ها لحفلة لفي وجهك وانت تقول اك
لمبرقط بالابيض ولأكحل
_ دب تقصد
_ لا لا ولد بنتي نقولو دب يقلي لا أجاهلة دادة
_ تقصد علي باندا حمزة
_ هههه باهي من نفس لفصيلة
_ خرجت شايخة ضحك موش عارفة وين هزينها تسمع فيهم يحكو ويفدلكو لقات روحها
قدام حمام عربي ورجال يستنو باش يدخلو ونسا دز فيهم بقات باهتة وهيا تسمع
_ أيا مرت شقح حمامها ليوم مفماش دخول
_ شنوة خالتي دوجة حمام رجال توا تخرجنا ياخي عيب (رجال لحومة)
_ اخرج وهف ساعة وتخرج ومزال ليلة كاملة تحل في فمك نكلمك شقح يجيك
_ لا متكلمش شقح ادخل هنا نستنو
_ملي دخلت وانبهرت كان زغاريد ودربيك تقول عرس نحت حوايجها ستلمتها مرا نقتها ومن بعد دخلت لبيت لكلها فار متشوفش فيها كان
لخيالات ...ملي دخلت شدوها زوز حرزات لواحدا قد
لفيل عطوها طريحة يحكو ويعاودوا تقل شوليقة بين يديهم من بلاصة لبلاصة للي خرجوها
تقول عمرها لادوشت في حياتها حست روحها خفيفة طايرة لفوق ...لبست حوايجها وخرجت كيف لعادة بزغاريد ولبخور يعجعج ...دخلت لحجامة "حفافة "لقات لحرقاصة تستني فيها ولحجامة ...ساعة بين مكياج وتجبيد شعر طلبت منهم حاجات فينو عملت نقشة صغيرة متع حنة
في يدها من داخل وشبعت بلحرقوس ...لبست روب ختارتها من عند لحجامة خزرت
روحها في لمراية روب في لبلان صال ...تقول عروسة برغم كل شئ سانبل اما احلا أحساس حستو ..حست روحها تحلم تخزر كيفاه واقفو معاها برغم متعرفهومش مافي فمهم كان احنا
جيران عيلة وحدة معناش مزية علي بعضنا ناس لكل تعاون وهذا واجب عملت مقارنة بين
لحومة لتربت فيها عمرها لكل جيران تسلم عليهم من بعيد ولا نهار يطولو علي بعضهم
ولا يسلمو تقول موش موجدين ..لكن هذا عالم اخر هذا عالم لحضارة
لألاف لأشخاص يقولو حثالات لمجتمع مخطئ هنا جنة لأرض رغم لفقر رغم لاحتياج رغم
دمعة ولوجع تلقي كان كلمة لحمد لله فوق شفاه وضحكة مرسومة فوق خد تشقق بدموع. هوني تلقي جار واقف معاك فرح ولا حزن رغم لمشاكل وضغائن رغم ورغم تلقي لفزعة
هوني متبقاش وحدك هوني الأصالة هوني العادات والتقاليد اللي تغرست فينا من حب لجار
ولواجب ويجي ومايجيش هوني تعاون وتعطي في عرس ولا حزن هوني ألتقاء الحضارات لو لم
تزر الاحياء الشعبية ولم تكتشف اهلها وتلتمس لفقر لجميل لفقر المادي ليس فقر لعقول
لهنا تتصنع رجال ونساء وتولد من رحم الاحتياج كلمة من حرفين يعيش بيها مجتمع
بكامله "حب " هنا لحب مسير لكل هته الاحياء
حلقة48
يافا
أحلي احساس تحس بدقة زايدة علي قلبك
دقة جديدة قلبتلك كل موازين حياتك ومشاعرك اللي في يوم كان مجرد قلب يضخ في دم
ومعبي شراين معندو حتي دور
تفطر وتشوفلو كيفاه يشرب في قهوتو
ويتكيف في سيقار حستو موش قد بعضو موش كيف عوايدو ..(هزت يدها حطتها فوق يدو)
_ سيف لباس مكش قد بعضك
_ (بقي يخزر ليدها مدفها ومحلاها)لباس فادد شوي متخافش
_ شنوة لمحيرك قلي
_ اختي عرست
_ بلحق مبروك
_ من غير متقول مبروك عرست من غير رضايتنا
_ علاش
_ خذات واحد مجرم فار حبوسات تي شئ ينطق باش نهبل هبلت أيمان
_ علاش تقول هكا سيف حبتو اكيد
_ حب شنوة واعية فاش تقول تي راجل
فصالة لو تغششو عادي يدغرها
_ ووه موش لدرجة عاد
_ لهادرجة واكثر راجل ونعرف ها لمارك كيفاه
_ صدقني سيف ريتهم لفصايل هاكم مفماش ما احن من قلوبهم غيرشي دنيا تلقاه راجل
بألف راجل وياقف معاك وعمرو مايتعدي عليك
_ خبيرة عاد انت فيهم (قالها بنطرة))
_ (هبطت راسها وتنهدت )
_ زيزي سامحني مخي تاعب والله موش بقصدي (نفخ بقوة)
_ عادي مقلتش لعيب صحيح نعرفهم وعمرهم ماضروني بلعكس ياقفو معاك خير ماك ولاد
بابا وماما تلقاهم رجولة يسمعو بيها سمعان
_ مانيش ضد انو فقير أنا ضد ماضيه
_ مفماش انسان من غير ماضي سيف
_ فما ماضي من ماضي عاد
_ لدرجة متغفرش
_ عمرو متلقي راجل قلبو مسامح كيفي اما فما ليميت منتجاوزهاش احنا علية كبيرة
وتربينا في مستوي معين متنجمش بسهولة باش تهبط لأقل من مستواك وتتمرمد وتعيش لفقر
وجهل من فوق وأيمان حبت راجل لغالط حتي لو فما حب باش يندثر موش بساهل تتأقلم نعرف
اختي نفاحة وأيام وتمل أما وقت لتفيق موش باش تلقي حد
_ وانت باش تخلاها
_ أأأأه قلبي مكوي علاها مزالت صغيرة ومتسرعة وكيف تحب نعرف معاش تخمم كان في
لتحبو ويتصورلك لهو ملاك موش بشر
_ باركلها واقف معاها سيف متخليش اختك وحدها
_ (تنفس بقوة ) بدل عليا لموضوع هذا أصل بسبها هيا امي شرطت عليا نعرس تخيلي
_ شنوة (قالتها بوجيعة كبيرة) وانت وافقت
_ مقلت شئ شتحب نقول بعد منهارين لماكلة محبتش تحطها في فمها انا ديما نخدم
وساعات نبات بليل تبقي وحدها
_ يعني لحل تعرس (قالتها بخنقة)
_ أفففف فادد وبرشا موش عارف شنقول زيزي تاعب مهموم جبل فوق كتافي
_ لطف عليك (قامت وقفت بجنبو وجبدت راسو حطتو علي
صدرها )خليها علي ربي تو ربي يفرجها متخممش
برشا كل شئ مقدر ولمكتوب علي جبين لزم تراه لعين
_ دارلها وعدا يدو ورا ظهرها هز راسو يخزرلها تعرف وين نجيك ونحكي نحس روحي
تفرهدت حمول دنيا لكل تنزاح عندك طاقة عجيبة تخليني نعيش فرحان زعمة تطلعشي
تعويذتي دنيوية
_ تنجم تقول( هزت يدها حطتها فوق خدواا وتكمت بصوت
حنين ) غبت جمعة عليا حسيتهم دهر مخيب دار
بلا بيك وأكيد علي قريب لزم نتعود مدام باش تعرس باش تجيب مرتك وتعيش هوني
_ (كان حاسس أحساس غريب وهيا قريبة ليه كلامها وصوتها لحنين لانجذاب اللي غير
طبيعي من لحظة ليراها يحس روحو مؤسور ميخمم في شئ كان فيها وفي ضحكة وكلمة تخرج من
فيهها كلمة تعرس ونخرج من حياتك فيقتو كانها صفعة جاتو يعني تنجم في يوم تمشي
ومايراهاش يعني تنجم تخرج من حياتو ليوم ولاغدوة باش تقول نخرج من سجن لهيا فيه
قام وقف قدامها يشوف في نظرتها لمعبية أنكسار عينيها لمرغرة دموع ...) معندك وين ماشيا هذي دارك وانت من مسؤوليتي
_ الي متي لزم نخرج ونمشي نعمل علي روحي نعرف فرعستلك حياتك وكثرت عليك برشا
_ معنديش مزية واجبي
_ اناهو لواجب شكون انا مجرد طفلة تبيع في بدنها وانت عاونتها ولزم تخرج من
حياتك يزي كثرت لزم نتصرف
_ شنوة تتصرف تحب ترجع للخمج لكنت فيه
_ سيف لخمج لتحكي عليه عمري مدخلتلو بساقيا انا جسد عمومي ملكية لناس حبو
وباعو فيا كيف محبو ويجي يوم ويلقوني
_ مستحيل انا هوني وقضيتك بقيا تمشي ومناش ناسينها فريق كامل يحقق فيه لموضوع
وعلي قريب نلقو راس لكبير
_ وأنا شنوة دوري شنعمل هوني سؤال انا بيدي ملقيتلوش جواب فهمني
_ تحبى تخرج من حياتي أنت
_ لا اما لزم
_ مفماش حاجة لزمة زيزي وليت مهمة برشا في حياتي يعيشك متمشيش وتخليني كيف
أيمان محتاجك
_ سيف
_ خليك وعد نوفرلك لتحب عليه
_ بأنا صيفة
_ أختار صيفة لتحب عليها لمهم خليك خليك زيزي
_ نزلت دموع من عينيها كواتوا جبدها حظنها بقوة ...يزي علاش دموع توا قلي
_ دموع لفرحة خاطر لقيت راجل كيفك معاملتك ليا حسستني كأني من عايلتك
_ يزي بلا باكا (بعدها ومسحلها دموعها من عينيها ) من ليوم فما كان ضحك بكاء لا يزي لأنا فيه
_ باهي سيف
_برا أغسل وجهك ونحب تجي نشوف كان ضحكة هاني باش نلوج علي فيلم باهي
_ كانت باش تمشي متعرفش علي روحها كيفاه جاتها جرأة وقفت علي أطرف صوابعها
وعدت يد ورا رقبتو ويد شدتو بيها من كتفو وباستو بوسة عاشت فيها في لحظات في عالم
وردي عالم لم تزره ولا يوم برغم عشرات لعلاقات لقامت بيهم بعدت عليه تنهج بقوة
وتكلمت ) من يوم لريتك شتهيتها منك سامحني
طاولت عليك
(جات ماشيا شدها من يدها وجبدها ليه
هزلها دقنونتها وبقا يخزر لعينيها لمعبية دموع رغبة وحزن قرب باسها من شفايفها بوسة خفيفة ذوبتو وذوبتها
وتكلم فوق شفايفها ) من ليوم نحب علاقتي بيك تكون هكا
_ مفهمتكش
_ نحب عليك نحب نكون معاك نحب نحس بيك وتحس بيا نحب دار هذي تكون جنتي نعرف
اللي علاقتي بيك باش تكون في حدود ها لبيت اما متحرمنيش اني نكون قريب ليك أسبوع
تعدي وانا بعيد تقول دهور وزيد وقت لنجي نتكوي ونروح فما حاجة غريبة تجذبني ليك رغبتي
فيك كبيرة حد العجب حد شغف فوق ماتتخيل زيزي
_ ذابت بين يديه ورمات روحها في حظنو حظن حستو موطنها حست براحة وامان بفرح
كبير)
_ دقان لباب فيقهم من اجمل لحظات لحظات كانت تفصلهم علي ألتحام الأرواح ...بعد عليها مكره ومشي يحل في لباب ومع كل خطوة يخطيها للباب وراه قدر اخر باش يتغير في حياتو وحياة زيزي قدر شرا
كان ام خير فكلها أقدار ومكاتيب ولي مكتوب علي جبين لزم تشوفو لعين
_ حلقة49
يافا
تباريح الماضي تتخبط في داخلي ..ألم يعتصروا وجداني عند ملاقات لعيون تهمس دقة لقلب راقد مايجول بماضي ملئ
بالحسرات والطعنات والخيانات من اجل رجل أغني ورصيد أكبر
يحل في لباب ويخزر لزيزي لسلبتلو عقلو ...ريحة يعرفها ريحة من زمن قريب زمن عشقه حد ثمالة زمن كان ولازال عالق في
طيات زمن لغابر وقت لتلاقت لعين بالعين لقلب دق لعين رفت وجفون ثقلت صدر تكدر من
مشهد يما تمناه يما ستناه مشهد من سنون بحث عنه ليثؤر لكرامته لمسلوبة لقلبه
لمجروح وروحه شريدة وفؤادة النازف من خبث ضغائن
مكنتش خير منو صوتها خرج متقطع "سيف"
_ مزلت تتفكرو أسمي
_ سيف يعيشك أفهمني
_ منفهمكش شمجيبك لهوني أنطق
_ توحشتك
_( خرجلها لبرا شدلها فمها غفصو) شنوة توحشت بهلول قلت نرجع نعديها
عليها أه تكلم بعد لرموك جايتني
_ يزي سيف يعيشك أسمعني وأفهم علاش سيبتك وبعدت عليك
_ أخرج برا حياتي ومنحبش تبررلي خير منفسدلك وجهك اخرج اخرج (حكا بصوت عالي )
_ خرجت زيزي تجري مفجوعة يلقاه شاد وجه طفلة بدات تشد فيه من ذراعو سيف سيبها
مايجيش باش تقتلها
_ خليني نقتلها خليني نشرب من دمها وحدة كيفها طحنتني وخلاتني مضحكة لزم تموت
-جبدتو بقوة بقات تخزر لطفلة كيفاه تتنفس بصيف تخزر لملامحها كانها تعرفها وكانو
تلاقت معها لكن وين وفين الله اعلم بقات
تهدي في سيف وتريض فيه ترا في عروق وجهو كيفاه مطنشين وبانين ...يزي سيف
_ أخرج نور من هوني خير منشتجرم فيك
_ لا موش باش نخرج الإ متسمعني يعيشك سيف وراسك لاغدرتك ولابعتك علي خاطر
لفلوس بابا وخويا هوما للزوني وباعوني باش نخذ راجل غني وراسك حبيتك من قلبي وعلي
خاطرك رجعت منجمتش نعيش معاه هربت وجيتك متخلنيش وحدي يعيشك
_ تمثيلية جديدة هذي
_ لا وراسك لاهي تمثيلية سيف أفهمني وعندي وثائق (جبدت من صاكها اوراق ) خو أقري وشوف الي موش نكذب حتي زواجي
موش انا لصححت عليه بابا صحح في بلاصتي شوف هاني شكيت بيه خاطر زورو لعبو بيا كيف
محبو يعيشك أفهمني سيف
_ بقي يقري موش مستوعب لكلام ليقري فيه زعمة صحيح زعمة مزالو فما عباد بها
دنائة ولوساخة هذي
**
زوز عينيهم علي سيف كيفاه قاعد علي
ديفون يحك في لحيتو ويخزر للقاع رجلية تفبري من لغزول لكن عينين زيزي تخزر لكل مرة
لنور ها لمرا لفهمت من كلام سيف الي هيا حبيتو لقديمة لمرا لجرحتو وهربت وخلاتو
لمرا لكره جنس حواء من خلاها لكن ها لمرا لدخلت عليهم من غير سابق انذار تعرفها
اما ناسية وين زعمة وين شافت ها لملامح للعقل متأكد لمرت في سجل لماضي متاعو
قص علي تخمامها صوت سيف لخارج متشنج
شنوةتحب مني نور توا
_ نحب حمايتك متخلينيش سيف
_ وعلاش ممشيتش لبو ك وخوك رئيس دولة انا باش نحميك عارفة راجلك شكون
_ عارفة علي هكا جيتك راجلي واحد باندي صحيح اما خواف من لقانون وانت لقانون
_ أنا قانون متصدقش ها لغة لبندية ليوم هوما ليحكمو في لبلاد يالا
_ متقولش هكا سيف مدام مزالو ناس شرفاء حتي كمشة لبندية يبقي يتبلدو من حيط
للحيط
_ تحلم صحاب شارات هوما لتحت لحيط يمشوا لكبارات شادين لبلاد هوما لحمينها
احنا مريونات في يدهم نلعبو علي لورقة رابحة ليهم ولفتات لبرئ فينا يتمحي ويتعجن
كيف يدز صدرو ويعمل فيها شريف وصاحب مبدئ لعملتو غالط وجيت للعنوان لغالط مكش
صغيرة باش توافق علي عرس كيف هذا وكون قد اختيارك
_ يعني تخليني سيف نرجع للموت
_ أمشي اخرج لأي بلد اخر
_ مزلت مركبتش في طيارة نلقاه قدامي صحابو لكل في كل بلاصة أي حركة نعملها
يقولو عليها
_ يعني تحب نهد علي جبل بقادومة اه وتحب نخبيك انت عندي
_ يظهرلي مبقيتش سيف متع قبل لمهما يصير لا يخاف لايهاب يرمي روحو في لموت في
سبيل لعباد وخاصة ناس حبيتهم
_ نرمي روحي في سبيل عبد يستحق يلا موش في سبيل مرا خانت وباعت
_ وراسك لا بعتها سيف ولا خنت تعرف قداه حبيتك عشقتك قد دنيا خيالك مرسوم في
عيني وأسمك محفور في قلبي وبدني ...(وهزت مريولها وراتلو أسمو مكتوب في يدها) راجلي يكره يدي يقلي نحب نقصها يكرهك وهو مايعرفكش وأنت تحب ترجعني ليه تحب
تحكم عليا بالموت ...هاني ماشيا ومنجم نقلك كان خيبت ضني
سيف (جات خارجة نداها ) حكا بصوت مهزوم شنوة باش يقول وشنوة باش يحكي قدام ها لموقف مرا ستنجدت بيه
مينجمش يرجعها للموت ..
_ باهي نور أقعد هوني توا نتصرف ونشوفلك صرفة كيفاه تخرج برا لبلاد باش راجلك
ما عادش يلقاك
_ باهي (تبسمت أبتسامة نصر علي شفاه ماكرة
خزرت لزيزي لمنتبهتش لوجودها كان وقت لحققت هدفها لكن نظرة تحولت لصدمة شتعمل هذي
هوني وشنوة لرماها علي سيف ملا صدفة زعمة عقتلها زعمة عرفتها اكيد لا ...كانش راهي حكات لسيف سكتت وبلعت سكينة بدمها وبقات ترقص في عينيها تخمم في
لباش تعملو وتنفذ لطلب منها
حلقة50
يافا
مهزوز فوق لكتاف تخزر لولاد لحومة
كيفاه يرقصو فيه صوت طبال يضرب ولمزود لكان يشرقع ناس تشطح كبار وصغار لفرحة ماليا
عينيهم من لاشئ وفي ساعات عملو عرس وفرحو ليتيم وفرحوه بحاجة ولو بسيطة في نظرهم
لكن كبيرة في نظر لكثير لبسمة مفرقتش لفم لعين تدمع بالفرحة دخلوهم لدار متسمع كان
دعاء لخير بالهناء ولعمار دخلت تقول ليوم لعرس بالحق تقول دخلتها علي راجل ختارو
لقلب ورضخ لعقل بحب برغم موش في مستوي تطلعاتو لكن تجاوز المبادئ تخزر لدار كيفاه
كانت وكيفاه ولات زوز بناك في وسطهم زربية تلفزة اكبر ريدوات جديد في شباك دار تلق
تقول جديدة دخلت لبيت نوم بعد مجبدها حمزة بيدو ولفرحة كانت باش تنطق اول مدخلت
لقات بيت نوم جديدة خزرتلو مصدومة من لفرحة بقات تسئل فيه بعينيها
_ ولاد لحومة لكل جملو فلوس وشراو لبيت نوم وصالة وفريجدان جديد وقاز وحتي
غسالة
_ ياااا بالحق
_ حشموني لولاد
_ يعطيهم صحة حمزة تستحق اكثر منهكا محلاهم ناس حومتك
_ ناس حومتي متلقاهمش بدنيا لكل ناس وعليهم لكلام وقت لزوالي باش يعرس كل
واحد يمد بلي يقدر ويلمدولو ويفرحوه ويفرحو بلي موجود وهذا قليل لعملوه ولكلهم
حاشمين
_ تستحق نعرف مايعمل حد علي خاطر حد الا اذ ستحق
_ ولاد حومتي نفديهم بروحي جيتهم وانا فرخ صغير قبلوني في وسطهم وحسبوني منهم
_ يعيشو فرخ صغرون
_ (خزرلها بخباثة ونحا لكابوط بانت روبة وبان شئ بقي يزفر ويعاود ) هاي رجلة ولا لوح
_ ضربتو علي كتفوا انا رجلة بربي
_ نقصد علي رجلة نساء لحومة كيفاه
قامو بيك وزينوك شنوة هذا زين زين وين كان
شئ مخبي
_ علاه قبل خايبة (طرمت شفتها)
_ من قبل عسل وزيد توا وليت شهد وسكر سايس عليا راهو قلبي فايض هايض ااااه
ظاهر باش نهبل ليلة انا
_ حموزتي
_ روحو لحموزتك شقولك ندشنوها لبيت نوم جديدة
_ لا شقولك ندشنو لفريجدان لولة
_ أيجا توا نوكلك أنا قالو فريجدان وهزها بين يديه ورماها فوق لفرش باش ناكلك
ونمشمش ونقرمشك وهبط عليها عشقها وجننها بوساتو بقبلاتو لكان مرة يكبس مرة يرخف
هبلتو بريحة لحرقوس برتابة وزين وشهد لفيها خلاها تأن حب ومتنادي كان بيه وبعشقو
لسرا في روح ودم
**
بعد ساعة كانت راقدة علي صدرو تتنفس
بقوة وتنهج من قوة ممارسة طقوس لعشق يدها تمشي وتجي فوق صدرو ...غمضت عينيها وحشات راسها في رقبتو ..وتكلمت بصوت باح ونفس سخون
_ محلاك حموزتي نحبك ياروح روح
_ عسلتي انت نحبك وبرشا زادة
_ تعرف اللي غدوة باش نرجع نخدم وموش شاهية نرجع زاح
_ تنفس بقوة ودورها جابها تحتو بقا يخزر لعينيها ...لمعبين دموع متع رغبة باسهم وتكلم ...تعرف لو لامر ليدي متخرجش منها دار اما مستحيل ناقف في وجهك وفي خدمتك برغم
انا ضد مرتي تخدم
_ علاش ضد معندكش ثيقة فيا
_ لا عندي ثيقة فيك اما هكا نحب مرتي انا لي ندللها ونخدم عليها ونقفلها
ونحققلها شهوتها
_ تهني باش تحقق شهاوي للي تفد ومنهم توا جيعانة راني حققلي شهوتي زعمة جماعة
لحومة عبو لفريجدان وحضورلنا عشا
_ ثواني ويجيك لعشا وحتي لو مفماش نطيبلك بيدي نقصلك من لحمي ونعطي
_ سملة علي حبي
_ روح حبك انت وعسلك
قام يجبيلها في لعشا بقات متعنكشة في
لمخدة تخزرلو قداه تحبو كل يوم تتأكد للقرارها موش من فراغ لكن يبقي سؤال
_ هل لحظات لحب تتمثل في لحظات فرح فقط أو عند دخول
عوامل اخري يندثر لحب حتي لو كان هذا لحب تحول لعشق ؟؟
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء