اسميتك وطني جزء الأول

لسان تعود علي ترتيل كلمتان .....امرك سيدي ..........علم سيدي ...........تعدا اكثر من عام علي خروجي من الوكالة موش من حقي اني ننتسب لمنظمه خائنه لها ماديا ومعنويا .....انا قمر اسمي نور وحياتي ظلام فحتي مصيري كتب باسطر من قصدير ..........اكنت مع الوطن ام ضد الوطن  .......... لآن يا وطـني أعود إليك
تـوصد في عيوني كل باب
لم ضقـت يا وطني بـنـا
قد كـان حلـمي أن يزول الهم عني‏..‏ عند بابـك
قد كان حلمي أن أري قبري علي أعتابـك
الملح كفـنني وكان الموج أرحم من عذابـك
ورجعت كـي أرتاح يوما في رحابك
وبخلت يا وطني بقبر يحتويني في ترابك
فبخلت يوما بالسكن
والآن تبخـل بالكفـن

كانت الاوامر اني نخرج من بلادي مكنش عندي حل غير نفذ اكثر من عام وانا عايشة في غربة في سجن صنعته بنفسي ......احساس ذنب كان ملاحقني...........اختياري لسعادة وسلامة بعض ناس في سبيل سكوتي ......كان قرار مصيري من بعدو قدمت استفالتي مكنتش نجم نكذب علي روحي ونمثل علي اني عنصر برئ بعد لعرفتو.......حتي لوكنت نعرف كل ها لمعلومات مكنش عندي صلاحية والقوة باش نوقف في وجه اطراف نصبوا انفسهم دولة بعض الاطراف نافذه هيا لتقرر مصيري ومصير غيري هيا لتبرا وتجرم هيا لبيدها مفاتيح الكل تسكر وتحل وقت ماتحب ..........كيف مايقولو دنيا مع الواقف ..........بعد هذا الكل يتم امري برجوع الفوري لبلد خرجت منها مكرها .........اول محطيت ساقي في تونس حسيت انو رجعت فيا روح  اشتغلت حواسي لكانت شبه منفية .........خذيت تاكسي لداري رجعت لموطني ...........لقيت منجية موجوده في دار .....سبحان الله وكاني لم اغادر .........نظرت لي وقالت اوامر ..........حتي انت تنفيذين الاوامر ............

ضحكت لحد البكاء حسبت اني تحررت لكني رجعت لدوامه لادري هل صنعتها ام صنعها القدر.................طلعت لبيتي وانا شبه مغيبه ...ممررت بجانب غرفة عائشة .......لثواني حسبت وان الماضي يعيد نفسه ............عائشه في بلكون تترشف القهوه ............مشيتلها بكل خطي ثابته ....علمني زمن ان اكون قاسية .......

عسلامه مدام عايشة

_خزرتلي بعينين حمراء بين كانت تبكي ....قدمتلي حبت تعانقني ....دموعها في لحظات عبت خدها وتعالقت شهاقتها .........وقفتها بيدي ..........

_ شتعمل هوني

_ بنتي قمر يعيشك متحرمنيش اني نحضنك مصدقتش وقت لقالولي انك باش ترجع يابنيتي لا تكويني راني محروقه ياكبدي ...تشويت عليك كنت كي المجنونه بلا بيك .....

_ كملت تمثيلك برافو (بديت نصفق)برافو روعه قريب باش نبكي من كلامك .........زاد قربت حلا يدها تحبني نحظنها

رود بالك تقرب انتي مجرد عون نفذ مهما وخذا علاها فلوس ..........متبداش تمثل عليا الي انتي حبتني وها لغة الفارغه شبعت منها ...........ويظهرلي رجعوك لمهمه جديده هاك هوني علي حد علمي تمت مهمتك معايا............

_لا يابنيتي متقول ها لكلام انتي قلبك حنين وتسامح سامحني لعملتو كل كنت مجبوره عليه .........تتخيل 28 سنه من عمرك نكذب فمحبتي ليك

_ يزي معاد نحب نسمع شي

لا ياقمر لزمك تسمعني

_ ههههه مقولكش الي معادش اسمي قمر ..........اسمي ماريا كبريال  ..........حتي ابسط حقوقي تحرمت منو ديني بدلوه جنسيتي كل حاجه تخصني شوف منظري كيفاه بدلوه انا نفسي معادش عقلتها قولي تنجم ترجعلي روحي المكسوره .......متنجمش تعبت فديت كليت مليت وانا كي الميريونات كل مره تحركوني في اتجاه علي خاطر شنوا علي خاطر شخص مريض معقد لعب بيا كيف محب دمرني وقتل كل حاجه حلوه في داخلي .........نحب نرقد ونرتاح نحب نفيق من الكابوس لعيشتوني فيه ..........

قمر بنتي اغفرلي ياكبدي

_ لا لا مستحيل ..........باش نعتبرك زميل تخدم في خدما مدام اكتشفت اوراقنا اخدم خدمتك .........وخرجت وخليتها تتخبط في دموعها ........قلبي قسا حتي دموع نشفت من عيني وجافتني قررت اني نكون قوية ونواجه مصيري .........

طلعتي لبيتي ديراكت رميت روحي في الفرش رقدت بحوايجي من تعب ....فقت صباح عملت فوتينق تعديت للبحر حبيت نسلم عليه بعد فراق طويل ...........رجعت لدار دوشت ريقلت روحي وخرجت عد مع عايشه حاولت حتي انها تكلمني ............اول حاجه عملتها مشيت لدار غالي كان لزم نخزورلو حتي من بعيد .......عام عشت علي بعض صور لكانت موجوده في صحف ...........وعشت مع حب سري في دمي لحد نخاع فاسميتك وطني بدون نزاع  كان خارج وفي يدو اياد يمشي بكل اعتزاز نفس الغزرة ونفس الوهرة ماتبدل فيه شي غير لحية لكانت موش محصوره علي غير العاده

اياد زاد كبر تبارك الله علي ولدي قداش زيان نسخه من غالي ''''طريق كامل وانا نتبع فيه ""حط اياد في روضة وتعدي للكلينيك """"تمنيت نمشي نحظو نقول والي انا جيت نطلب منو سماح علي لعملتو فيه نقول والي انا من دمو ولحمو زعمه كي يعرف اني بنت عمو شنوا باش تكون ردة فعلو """زعمه يفرح ""اكيد لتوا نقم عليا اكيد والا يكرهني  منعرفش قداش تعدا وقت وانا قدام لكلينيك معنديش جراءه باش نتواجهو توا لزم نخذلو حقو قبل من قبلو ***تعديت للوكالة لزم نقابل عصام حتي هو افتقدتوا''' دخلت لقيت كل زملائي ولاواحد فيهم عرفني لها دارجه تغيرت  ** كنا كيف للاخوه ناس الكل وقف مع بعضها لكن للاسف بقا كل شي ماضي وقفت قليلا اما اطلال مكتبي في يوم ما كنت اعطي الاوامر كنت عنصر فاعل  شنوا نجم نقول غير اقدار

_____عصام يحكي

_ من اكثر من عام مريتش قمر تعذبت في بعدها قلبي كان يتقطع من فراقها من اخر لقاء بينتنا كانت تبكي في حضني للحظات كنت باش نعترفلها بحبي تمنيت لو اعترفتلها لكن هيهات ضعفي وجبني اني نخسرها منعني اني نتجرا ونترجم مشاعر قلب مجروح مكنتش نظن انو من يومها قمر باش تختفي كل لنعرف والي هيا خرجت من تونس لكن وين وكيفاه خرجت منعرفش عملت كل اتصالتي وكانوا ارض وكنتلها بلعا لاكثر من عام مريتهاش محسيتش بوجودها لكن ليوم منعرفش علاش حسها قريبه قريبه لدرجه وليت نشم في ريحتها في خشمي خرجت للكلوار نثبت منعرفش علاش رجلي هزيت لبيروها علي الاقل نحط يدي علي كرسي كانت تقعد عليه وعلي قلم كان يلامس اصابعها ****اول موصلت لبيروها لقيتو محلول تفاجات من اكثر من عام ممنوع اي شخص يدخلو من يوم لقدمت استقالتها مكنش مسموح لحد يدخولو كنت كل يوم قبل مندخل نخدم نتعدي لبيروها نشم ريحتها لكانت موجوده في المكان كنت نستمد نشاطي منها '''زربت في خطوتي حبيت نعرف شكون لتجرا وعصي اوامري لكن مع كل خطوه كنت نحس مغنطيس يجبد فيا ريحتها عبت المكان دزيت لباب وانا ندعي اني احساسي ميكونش غالط قمر موجوده في البيرو هيا (كانت حطه راسها علي بيرو وجها موش ظاهر شعرها اصفر للحظات منيتونفسي بوجود قمر لكن من هذه صاحبة شعر الاصفر تقدمت بجنبها حطيت يدي علي ظهرها باش نفيقها مدام سامحني شتعمل هنا ''''هزت وجها وهنا كانتلي صدمه قمر بشحمها ولحمها قمر لكن في ثوب جديد وكيف لي حبيب ان يتيها في صفاتي معشوقته )

عصام (وقفت نخزورلو تبسمتلو وحليت يدي باش نحظنو مكنتش نصدق الي اخيرا باش نقابلو بعد ماتم نفيي )

_قمر مانيش مصدق الي نرا فيك اقرصني قولي الي انا مانيش نحلم

_مكش تحلم عصام (كان محملها كابس علاها كانو خايف لا تضيع منو من جديد)

_توحشتك قمر صدقني كنت عايش في ظلام من غيرك وين كنت وين مشيت قلي طمني عليك صحتك لباس

_لباس عصام لباس هك ترا فيا حتي مسمن سمنت ههههه

_ اول ماريتك حطه راسك علي بيرو معرفتكش لكن ريحتك واحساسي عمرو ما يكذبني هههه يارب حمدلله مانيش مصدق انك لباس متتخيلش سيناريوات كل جات لبالي صدقني كنت ضايع

_ (بعدت عليه بقا شدلي وجهي بيدو وكانو باقي يحفظ في تقاسيم وجهي من جديد وكل مره يبوسني من خدي )حمدلله عصام صدقني لباس ايامات الا ليعيدها هاني رجعت

_ باش ترجع تخدم معانا

_لا مستحيل نرجع نخدم هوني

_ باهي موش وقتو توا اش باش تخدم المهم انك رجعت هكا لفايده وشنوا ني ولوك جديد بلندا مره وحده شعر اصفر وعينين زرق ههههه صدقني قريب منعقلكش

__(قعدنا علي ديفون وهو شدلي يدي تقول باش نهرب عليه )هههه اوامر ياعصام كيف لعاده

_ اما المره هاذي اوامر للمصلحه الخاصة ظاهرلي

_ ههههه قولي داركم لباس وعرست والا وقريبش نوالي عمه(جبد ايدو من يدي وتكبس في قعدتو كانو سؤال فبقوا علي وضعوا)

_ لا مكتبش متفاهمناش كل واحد مشا علي روحو

_ يالطيف علاش

_ حكاية طويلة معلينا فها شقولك نمشو نعملو قهوه لبرا شعندك تعمل اليوم

_معندي منعمل اليوم باش نعديه معاك نحب نخيط شوارع العاصمه الكل نحبك تنحيلي وحش شهور اي شقولك

_ تدلل شعندي نعمل اوامرك طاعة سلطانتي قمر

_اه وخلاص عليك بطال هانا

_ هههه تدلل ايه نتعدي نجيب تلفوني ومفاتح  ونجي

_ باهي هاني لوطه نستني فيك

_بقيت نستانه فيه في الكرهبة للي جاء قالي اهبط

_علاه ''اطلع سوق انتي منجمش نخلي الكرهبة هوني

_ لا ماناش مشين بالكرهبة باش نمشو في الموتور

_ ياجو عصام تعرفني نموت علي ركبة الموتور

_ باهي البس الكاسك

_ لبست لكاسك وطلعت وراه وانا ميته بالفرحه

_ شد فيا بالباهي لا طيح

_ متخافش سوق نحبك ترحي الكيا س

_ تعدي نهار ولا في الاحلام من بلاصه لبلاصة واحنا بالموتور نسيت روحي عصام انسان جاويست يصنعلك جو من لا شي خلاني ننسي هم سنين وكاني تولدت من جديد *****تعدا نهار ولا في احلام وصلني قدام الفيلا

_اهبط هك وصلت

_ افف عصام بالحق منحبش نروح حسة الي باش نرجع لسجني

_ العاشره قمر توا ماعييتش شوف حالتك كيفاه ولا تحتي تعب ظاهر من عينيك نوعدك غدوه صباح  من الفجاري نكون عندك شقولك

_ لا ايجا ادخل اسهر هاو مزال بكري امان

_ مايجيش قمر نحشم من عايشة مره اخري نجي

_ لا مزال ماعنديش نوم ايجا ادخل امان

_ باهي يلا علي خاطك ربع ساعه ونروح

_ هههه ادخل ادخل قالو ربع ساعه لصباح ان شاء الله

_ دخلنا لدار كانت عايشة راقده علي ديفون ظاهره تستنه فيا سخفتني حاله عملت حس بالقوي باش تفيق

_ بنيتي وقتا ش جيت  وشكون لمعاك

_ جيت توا وهذا عصام كنت نخدم معاه اطلع ارقد هاني جيت

_ باهي بنيتي علي راحتك تحيرت عليك علي هكا رقدت هوني وانت ولدي مرحبا بيك

_يعيشك مدام (قدملها بسلها يدها )

_ يعيش ولدي تحب نعملكم قهوه

_ لا حاجه ارتاح كنت نشرب يعيشك

_ لا ووه مايجيش دقيقة نعملك قهيوه تفضل اقعد

_ باهي ملا عصام انا نبدل دبشي ونجيك اوكي

خوذ راحتك

_ طلعت لبيتي باش نبدل دبشي وخليت عصام بحذا عايشة

عايشة _ سامحني ولدي نجم نحكي معاك

_ اكيد تفضل مدام عايشة

_ قمر متخليهاش وحدها وحاول تبعدها علي غالي ياوليدي جدها مستحيل يسكتلها لو تحاول تتصل بيه والا بعايلتو

_ مفهمتكش وشنوا دخلو جدها في لحكاية واصلا انت منين ليك متقليش انت لتوا تخدم تحتو

اصلا هو لحطني في طريق قمر ومستحيل يحط حد غيري منجمش نفسرلك برشاا حاجات جدها موش باش يرتاح الا ميدمر عايلة القادري وحاب ينتقم منهم عن طريق قمر مره اخري منجمش نقول لقمر شي توا هيا اصلا رفضة تكلمني اما لنحب نقولهولك لو قمر حاولت ترجع لدار غالي جدها ممكن يؤذاها يعيشك احمها متحرقليش كبدتي علاها ياوليدي

_ فهمني

_ اسس توا اكيد توا نكلمك فما برشاا حكايات لزمني نقولهملك قمر امانه عندك حسها جاي قهوتك كيفاه تحبها

_ متوسطه (بقيت نخزرلها وانا متاكد انو فما كارثة باش تصير معادش متهني علي قمر خاصة بعد كلام عايشة )

_____-اهلا عصام متقوليش بطيت عليك

_لا عادي مبطيتش صحه محلاك صغرون

_يعيشو لكبير عايشه مجبتش القهوه

_ اه لا لا اهوكا طيب فها جات سالتني كيفاه نحبها

_ جات عايشه حطت قهاوي وصجن حلو ديراكت نقزت علي كعك ورقة نموت عليه وخاصة من يدايات عيشوش

_اممم قداه ليا علا كعيبة هكا

_ صحه لبنتي

_ يعيشك عيشوش (طلعت مني من غير منشعر)

اه نقصد مدام عايشة

_ باهي بنيتي نخليكم علي راحتكم تشرفت بيك ولدي مرحبا بيك

_ يعيشك مدام ليا شرف

تصبح علي خير

_ علي خير

_ اه شنوا هبط كي صقر علي صحن يابنتي خلي معاك كعبه صبر تقول مكنوش يوكلو فيك

_ ههههه ياولدي اولا انا مع كرشي منفهم شي ثانيا كعك ورقة نعشقو موش لعب

_ صحه ليه كعك الورقة ياريتني جيت كعك ورقة

_ ههههه ياولدي انت غلاوتك وحدها صدقني عصام فقدتك وتمنيت تكون معايا اما هكا لكتب هاني رجعت ومدام حال

_حمدلله باهي احيكلي شصار

فاش

_علاش قدمت استقالتك وين مشيت

_ حكاية طويله

_احكي هاني نسمع

_ بعد ماتقبلت مع مختار هددني بعايلتي لكنو ماتبانيني وبعايشة كان حجزهم قالي لزم نخرج من القضية وهوما باش يتكفلو بالباقي والا يقتلو عايلتي  بعد مروحت منك تتفكر خرجت لقيت كرهبت مختار تستني فيا ركبوني في الكرهبة وحطولي شوليقة علي عيني هزوني  لكنيسة مهجوره كلها ظلام بارده صقيع كان صوت ماء لفي مذبح يشرر غديكا مشاو خلوني جيت هاربة حسيت الي نهايتي سايي وباش يقتلوني لكن في لحظه سمعت صوتو يتكلم امرني باش نخرج من تونس والا غالي ولدو يموتوا لو كان نرفض محبش يواريلي وجهو حتي كيف قالي تمنيت انك تكون موش موجوده قالي الي يعتبرني مذنبه كيف بابا خاطر حرمتو من قمر بنتو

قالي باش تخرج من تونس وقت لانا نقرر ترجع ترجع

_ انا لوجت عليك في سجلت المطار الكل مفماش

_ غيرولي اسمي اسمي تو ماريا كابريال جنسيتي ايطاليا اوراقي ثبوتيه لفي تونس الكل تمحا تواكان تلوج توا متلقاش حتي معلومه عليا كاني مكنتش موجوده في يوم  وخرجت ومخلنيش حتي مشوف وجهو كيف خرجت لمختار عطاني وثائقي جديده وقالي انو دارك غادي حاضره قبل منخرج للمطار جابولي مرا بدلتلي شكل كل حبوني كيف نخرج من تونس منهزش منها حتي شكلي لقديم

_ هذا كل صار معاك

_ شعندك ريت '''اما انا توا متاكده اليم تقرر روجوعي الا الامر

_ متخافش هاني معاك باذن الله معاد ييرلك شي

_غالي لباس

_ وردبالك تحاول تقربلو حتي من بعيد يعيشك جدك ينجم يعملك اي حاجه ويضرك

_ موش مهم انو يضرني انا المهم هو يكون لباس

_ لتوا تحبو

_ علا ش انا بطلت ثانية علي حبو'''حبو عشعش في داخلي معادش ليه دوا سايي حبو مشا مع دمي اصلا هو دمي

_ (كبس علي كاس في يدو قريب يطرشق )مستحيل يسامحك قمر انسيه طريقك وطريقو مايتقبلوش

_ انت قلت بالعكس اكبر تحدي اني طريقنا يتقبلو مايكسر جدي كان هكا

_ علاش فاش تخمم

_ توا تعرف مع الايام

_ نحبك تعاوني في حاجه ممكن

_ شنيه

_ نحبك تشوفلي   شقه صغيره علي قدي دار هذي تفكرني في ماضيا منحبش نقعد فها

_ باهي من غدوه توا نتصرف وكان تحب عندي بورتمان تنجم تسكن فيه اصلا منستعملش فيه

_ لا منحبش نكثر عليك

_ شنوا تكثر عليا حديث معاش تعاودو من غدوه جيب حوايجك واسكن توا نبعث شكون ينظفو اواهوكا علي اقل نبدي مطمان عليك

_علاه باش تسكن معايا

_ههه شخص نقصد لا اما جيران انا نسكن فوقك

_ اه فهمتك معناها نكريه من عندك

_ جرب تعاوده لكلمه هاذي منخليك تعيطلي عثام

_ ههههه تخيل

باهي برا ارقد صباح نجي نهز اوكي

_ باهي

بونوي (باسني علي خدي )

_رجعت رقدت كي العاده ملي فقت مشيت لغالي علي اقل نشبع منو حتي من بعيد كملت مراقبتي صباحيه تعديت للعصام باش يهزني للبرتمان لقالي عليه علي اقل نبعد فتره من دار نحس اني مراقبة فها معادش نجم نتصرف علي طبيعتي

_ صباح الخير قميرا والا نقول ماريا ههه

_اهلا هههه يزي بلا دك علي صباح" قلي فطرت

_ لا نستني فيك

_ملا نمشي نعملو فطور قمقوم ونمشو للبرتمان

_ باهي اهبط نتمشو علي ساقينا شقولك

_ مشات معاك

_ خلينا الكراهب في بركينغ الوكالة مشينا علي سقينا دخلنا لقهوه قريبا  عصام مخلا مهبطلي

_ يزي ياودي باش تفلقني هذا كول فطور

_ يابنتي افطر راك ضعفت هز صحتك

_ تتمقصص سي عصام شيحب يقول راك سمنت

_ توا انا قلت هكا

_ قلت في قلبك

_ اباباب يقوي عليك ربي دخلت قلبي اصل

_ ملا انا اصلا في قلبك قول لا تراه

_ لا

_بالله

_ ههههه يعيشو صغرون كي يتغشش يبنتي والله انت موش في قلبي برك انت القلب بيدو غير كول وخطاني لان والي واحل

_ سمله عليك

_ عدينا نهار بين فدلكه وضحك بعد مشينا عملنا شوبينق وتعدينا قضينا قضيات لدار هكا شرط سي عصام مسكين عصام يدو وين زراقت بهزان

_موش كان جيت هزيت موش خير

_ اوه عصام قداكش مكش جنتلمان هكا انا انثي ضعيفه نهز سيكان ثقال

_ يعيشو انثي ضعيفة ليسمع يصدق علي اقل حبس تاكسي توصلنا للكرهبه شوي اخر ميتفرتو سيكان من يدي

_ باهي باهي صبر ليشوف البدن يقول يهز فيل بيد واحده

_ياربي صبرني ملا شمايتيه طيحني فها ربي تحرك حبس تاكسي لترصيلك تهز

_ باهي تاكسي

_علي صوتك ومد يدك حبسهم شنوا ياخي باش يسمعوا بالهمسه

_ اه باهي تاكسيييييييييييييييييييييييييييييييييييييييييييييييييي

_ ياربي جنتن يمعنها لزم تخلاها هكا ناس كل سمعتك

_ هاك قتلي صيح

_ انا قتلك صيح ابعد ابعد كي قدر عليا ربي انا نشوف تاكسي

_ مركبنا في تاكسي كان مشيحتلو ريقو مسيكن وصلنا لكرهبتي حطينا القضيا في المان وقت لخلص تاكسيتي مولا تاكسي يتخيلنا معرسين قالوا نستك بالمدام اف قداه حشمني لا وسي عصام قالو يعيشو خويا

_ شنوا عصام علاه مقتلوش موش مرتك

_ بالله باش نبقي نفسرلوو نبررلو

_ ايه لا ماو مايجيش هكا حققك راك وضحتلو والا انت ماصدقت

_ ههههه علاه انتي طولي

_ ايه نطول ونطول اكثر من هكا (هو اطول مني قربتلو وهزيت صوابع رجلي باش نلحق علي وجهو )

ههههه ريض ريض ملا مهبوله

_ ياحسره عليك هيا اركب هاك سوق انتي

_ ركبنا في الكرهبة حل عصام راديون لقينا غنيه محلاكي يامحلاكي بدا عصام يعني فيها هههه ملا مهبول

ملا صويت ياسيدي يطلع منك

_ملا نلعبو احنا

_ سخنت ياخي نحيت جاكات جيت نحط فها في الكرس تالاني لقيت صندوق محطوط استغربت اول مره نراه وصباح مكنش موجود

_ عصام شنوا هذا

_علمي علمك ترا شوف

_ جبدت الصندوق حليتو وديراكت خزرت لعصام

_ تكلم شفيه

_ اكيد منو هو اكيد بدت المهمه

بعد سته شهور

مبروك قمر والا نقول ماريا وليت بالقانون  من العائلة لكن مستحيل تكون فرد منها

_غالي امان سمعني يعيشك غالي (خرج من المحكمه لبس ليناتو ومخزرش حتي لتالي برغم نداءها ليه سرع في خطواتو معادش يحب حتي يواجها ويخزر في عينيها يزي ماجرحتو ركب في كرهبتو وديمارا خلي كان لعجاج وراه

_غالي يحكي

اكثر عامين تعبت فيهم في حياتي ملي تخلقت موتت بابا لقسمتلي ظاهري لكن بدخول قمر لحياتي حسيت انو روح رجعتلي حسيت بالقوه حبها لجاني علي غفله خلاني نحس اني مالك دنيا وما فيها نسيت همومي لكن خيانتها ليا وتمثيلها عليا عاود قسملي ظاهري من جديد وخيانة منال واتهامي بافظع الجرائم خلاني ندخل في حيط  مكنتش نتوقع بعد العذاب والفوضي لصارت في حياتي من زوز نسا انا اخترت باش ندخلهم لحياتي منال مرا حبيتها مرتي وام ولدي ظهرت تحفرلي من تحت لتحت وقمر لمرا لعاود قلبي دقلها وكانو عمرو ماحب سجني ومذلتي لهيا سبب فيهم فضيحتي لصارت علي كل لسان اسم عايلتي لتمس وكرامتنا لمشات في ساقين قمر هيا سبب فيه ***كنت لزم نكرها وننقم علاها لكن بعد معاملتها ليا وانا محتجز دخلتني في حيط شككتني الي انا نعنيلها حاجه برغم هيا لقالتلي اني مثلت عليا الحب كنت منتظر بعد منخرج باش تبررلي والا تقف معايا وتساندني لكن غابت كانها لم تكن يوما """************

_ مصايب كل جات مع بعضها صمعت كلينيك ولات في الحضيض خسارتنا مالية فادحه وليت منعوت بصبع برغم انو ظهرت براءتي لكن احنا شعب منشدو كان لخايبه وفيسيع منصدقو الاشاعه ونعتبرها حقيقة مهما كانت قاسية في حق شخص

ولا يزي جيني برقيه من المحكمه انو عندي بنت عم طالبه اثبات نسب كنت نتصور لعبه جديده لكن تاكيد امي للحكاية لخلاني نشك بالحق انو بنت عمي ليما عمي لوج علاها قبل مايتوفي وكان ديما يوصي باش نلقوها وتاخو حقها وكنت نستني وقتاش نراها _ عمري ما كنت نتصور بعد عام ونص من الانتظار باش تجي وتقف قدامي من غير حتي ماتبررلي شنوا لصار وعلاش صار هكا عام نص من العذاب مخليتني في دوامه في عذاب تجي تقف قدامي كل صحه رقعه وتقول انا بنت عمك جمله هبطت عليا كاصاعقة وزيد تكلمت معايا كاني عمري مكنت في حياتها لها درجه عمري ماعنيتلها حتي شي مناش مخلوقه ها المرا قلبها مثل حجر منافقه مخادعه كالافعي ندمت اني في يوم اعطيتها قلبي وحبتها نتمني نمحيها من عقلي ومن ماضيا من قلبي لعشعشت فيه كانها زيتونه فلسطينة ****وقت لقرر القاضي صحة اثبات نسب كنت نشوف في اطراف عينيها دمعه كانت محبوسة كانت تكابر لتضعف ماسر الحزن في عينيك ياقمر لما كل الغموض حتي كيف حبيت نكرهك منجمتش علاش رغم كذبك وغداعك علاش قلبي موش متقبل حتي صوره اخري علاش ديما قلبي يلوجلك في الاعذار *****مستحيل نكون مهزوم ليك كيف عشت من غيرك عام ونص نجم نعيش من غيرك

*****قمر عارفة علاش قادمه باش تمشي تعيش معاه فرد دار

_ نعرف عصام ومتاكده من قراري

_اكيد جدك لظغط عليك قولي باش مخوفك باش نوا هددك لمره هاذي يعيشك جاوبني

_معندو باش مخوفني عصام يعيشك موش لزم تسال لو كان تخاف عليا معادش تسال حتي شي ليوم لزمني نمشي نسكن في دار غالي انتي تعرف الي غالي كتبلي سايي مراث بابا ونص لفيلا متاعي علاش نسلم في حقي

_ باش تهبلني اناهو حق غالي قلك نشري من عندك نص الفيلا

_مفماش علاش باش نبعها حقي وباش نخليه ويعايشك وصلني

_باهي قمر اعمل ليظهرلك

_ كل ناس خيرت في قراراتها الا انا صيرت في جلها كل شي تفرض عليا ممكن امر ساكني مع عايلة غالي امر يجب تطبيقه لكن من داخل انا فرحانه لاول مره افرح لتنفيذ قرار فرض عليا

وصلت للقصر دخلي عصام لفاليزا لجنينه خذاتها من عندو حليمه طلبت منها باش تحطها في بيت لكنت نسكن فها من قبل

بقي عصام يوصي فيا علي روحي باسني من جبيني """قمر رودبالك علي روحك اي حاجه تحتاجها كلمني تستحقني ديما تلقاني في جنبك رودبالك علي روحك

_ باهي عصام متخافش عليا قوية راني

_هههه نعرف صغروني قوي (شدلي وجهي بيدو )نحبك تعرف الي مستعد نضحي بروحي علي خاطرك رودبالك تتخيل انك وحدك فيها دنيا باهي (حطلي راسي علي صدرو باسني بوسه خفيفة علي شعري) نخليك توا رودبالك علي روحك

_ جيت دخله لدار كنت نشوف في غالي واقف ورا شباك يخزرلي هبطت عيني معنديش جراءه باش نخزورلو دخلت لدار خديجه ام غالي سلمت عليا بكل برود متاكده لغالي موصيها اخر مره كي تقابلنا في المحكمه مخلات مقاتلي

طلعت لبيتي تعديت من قدام بيت غالي بقيت  حابسه قدامو هو الحاجز ليمنعني باش نملي عيني منو جاتني حليمه قاتلي الي غالي عطاني طاق ثالث باش نتصرف فيه  '

_ مسيو غالي طلب مني باش نحطلك دبشك في طابق ثالث

_باهي حليمه تنجم تمشي تمنيت نبقي في البيت لقريبه لاياد ''اياد في بيتو

_لا مدام لتوا مجاش من روضه "كان تحب حاجه ناديلي

_باهي يعيشك حليمه منحتج شي

_ طلعت لفوق طاق كامل يقولش عليه دار فيه صالون وبيت نوم وفما بيت اخري لضياف  وكوجينة دخلت لبيتي جديده كانت كبيره وفخم باتم معني الكلمه حطيت ساكي وتعديت للبلكون ليطل علي جنينه كبيره بقيت نتفكر في بعض كلمات لقالهم جدي الي لتوا منجمتش نعرف حتي اسموا قالي كيف مخرجت بنتي وهيا حبلة بيك مطرده ترجعلها انتي شماتة فيهم

_ تعدا يومي في بيت محبيتش نخرجو منحبش نقابل غالي ملزمش نضعف لكن فكرة اني انا وياه فرد دار موش مخليتني ركز في حتي شي

_سمعت دقديق خفيف علي باب نلقاه اياد فرحت برشاا كيف لقيتو ديراكت هزيتو في حضني وانا ندور بيه

_ توحستك برثا ميمي علاش مشيت وخليتني

_ ياماما علي ولدي مابنو قداه كبر وليت راجل انا مخليتكش هاني جيت ومعادش باش نخليك وحدك بالكل

_ وعد معادش تخليني

_ وعد ايودي محلا ريحتك قولي تعشيت

_ ايه ميما مامتني

_ شكون قالك الي انا هوني

_ بابا قالي الي انت هوني ياخي انا زيتك نجري اصلا ديما نقول بابا يهزني ليك وهو مايحبش

_ هاني جيت انا ومعادش نخليك

_بقينا انا واياد نلعبو وعملين جو للي جات حليمه قاتلي الي يستانو فيا علي عشا قتلها منحبش توا

_ هزت اياد معاها بقيت في البلكون نخمم في ليجي كيفاه باش نتقابل مع غالي وباش نعيش معاه فرد دار

_ لحظات والباب تهد عليا

_ شبي كسي غالي معلموكش دق الباب

_ لا معلمونيش علاش مجيتش تتعشي

_ منحبش نتعشي وظاهرلي مانيش شخص مرغوب فيه باش نقعد معاكم فرد طاوله متبداش تمثل في الكرم

_ صحيتي انتي توا باش تعلمني كيفاه يكون الكرم """"اسمع شوف باش نقصوها وهيا قصيره انتي مل يوم بنت عمي مرحبا بيك في دار تجي تتعشي وتتغدا وقت لاحنا نتلامو علي طاوله

_ لا يعطيك صحه ياولد عمي متعبش روحي نجم ندبر راسي حتي بكسكروت

_ موش علي كيفك فما قوانين باش تواصل تعيش معانا

_ بالله وشنوما ها القوانين

_ اولا وقت للتحط الماكله تهبط ثانيا دخول والخروج في ليل لا ثالثا البوس وتعنيق ميجيش قدام دار عيب احنا ناس عنا قدارنا وقيمتنا اعرف كيفاه تتصرف

_ بالله شتقصد وشكون لقيتني نعنق

_ في الحيط لجيباتو معاك صباح والا نسيت

_لا مانسيتش وحاجه متخصكش اوكي

_ لا تخصني يالا وحطها في بالك رود بالك تعبني تحب الحاجات هذوكم اعملهم البرا فهمت

_ فهمتك سي غالي كملت كلامك

_كلامي مزال مكملش موش وقتو توا باش نقول لفي قلبي الكل اما ريت حسابك مزال موفاش معايا

جيتني بساقيك الا مندمك علي نهار لعرفتني فيه (قدام شدني من يدي بكل قوتو للحسيت ايدي باش تتقص عينو في عينو تكدح نار )وردبالك تلعب معايا لعبه جديده وتحاول تستفزني وعايلتي خط احمر فهمت (صاح بالقوي في وجهي للي ترهوجت من نفس متاعو لفي وجهو مكنتش نخمم في الالم لفي يدي قد مكنت فرحنا بقربو حتي لو كان في قمة الغضب متاعو اما كان احلا احساس حسيت بدغديغه سرت في بدني الكل كنت كيف لمخدره في عالم اخر قداش تمنيت اني نقربو ونلمسو حتي لو لمسة غضب لكن تكفيني )نكلم فيك جاوب فهمت

_ فهمت (نحي يدو وبعد عليا وحط صبعو قدام عيني وهو يتوعد فيا )رودبالك تنسي اني نسيت اش عملت اما موش وقتو مع الايام نتحاسبوا ومشا طربق الباب قريب يخلعو بقيت نتخيل في قرب حتي في قمة غضب متاعو مغري اه كام اعشقه عديت ليله وانا فرحنا يقولش عليا سمعت منو كلام العشق

_تعادو ايامات وغالي يحاول يتجانبني انا منهبط كان للفطور لكن كانت لاتخلو من بعض نظرات كنت نعدي في اغلب وقتي مع اياد علي اقل يفكرني بيه

نهار كلمت عصام باش نتقابلو باش نمشو نشوف لوكال نحب نحل صال دوسبور علي اقل نعمل حاجه في عوض ماني قعده جا هزني بالموتور عجبني اللوكال شريتو ريقلنا اوراق شريان وصينا علي متريال وتعدينا ختمناها بعشا وقهيوه علي البحر تفرهدنا شوي الوقت تعدي ماحسيناش بيه قتلو يروح بيا ""_اهبط قميرا وصلنا

_ هههه قريب نرقد( كنت مكبشه فيه من تالي )

اكاهو غدوا نتقابلو لعشيه

_ باهي مالا نتعدي عليك رودبالك علي روحك

_ بونوي بيزو

_ طلعت لبيتي دار كلها مظلمه صبر كي دجاج يرقدو من توا

نحيت ّحوايجي  لبست شورت وخلعة """وجبدت البيسي باش نكونكتي شوي وكي العاده زلزال ضرب هد عليا غالي وعينو تكدح شر "بقيت لثواني نخزورلو شبيه هبل هذا

_ياخي شبيك معلموكش دق

_سكر فمك تحل في فمك لتوا وين كنت

_ مايهمكش فيا شدخلك مالا حاله هاذي

_ (شدلي طبقلي وجهي بيدو)مدخلنيش اه مالا شكون دخلو طرطور انا جايا في عقابات ليالي وانت متعنكشتلي في واحد طحان

_ (دزيتو بقوه)احترام روحك معادش تقول حتي كلمه عليه

_ دافع عليه اه كان جا يخاف عليك مايروحش بيك توا وانت كي العاهرة ركبة وراه في موتور

_ (قصيت عليه وانا نصيح) شحرق شعيرك انا طفلة منصلحش نروح وقت مانحب وكيف مانحب فهمت وتوا اخرج عليا واخر مرا نسمحلك تدخلل فيا

_تحلم لو كان تتخيل باش نخليك علي راحتك

_ هههه ضحكتني ليسمع يقول راجلي سيد

_ تحلم منتشرفش باش مرا كيفك تكون مرتي

_ كلمة نزلت علي قلبي كي سكينة""" شوف عاد اك شخصية انا لمنتشرفش بيك واخرج عليا توا

بديت ندز فيه لبرا وهو كانو حجره محبش يتحلحز """اخرج معادش نحب نراك نكرهك نكرهك اخرج

_تكرهني كي تكرهني  اخزر في عيني وقولي نكرهك هز عينيك وقولي (شدلي دقنونتي )جاوب قمر اه قولي نكرهك

_ سيبني واخرج غالي كيف متتشرفش بياع لاش حتي تحاور فيا

_ علاش دافعت عليا وقت لشدوني علاش بكيت وحظنتي وقوتلي سامحني راني مجبوره شكون لجبرك علاش وثقة فيا برغم كل ادله كانت ضدي قولي لو كان تكرهني علاش حرصت باش نخرج وبرائتني في كل جرائد (قربلي لدرجه ولينا نتنفسو في نفس بعضنا عيني في عينو بدني لصق في بدنو )

_ امان سيبني غالي (بدني فشل سخانة ضربتلي عظامي نفس متاعو في وجهي وفي لحظه وقف زمن دخلنا في قبلة ملحمية لخصت وحش شهور كان يتفنن في قبلة خلاتني نعيش في الاحلام افقدني ذاكره قيدني وشلني جعلني اخرج ضد تيار )

---

قبّلني حبيبــي ...
قبلنى حبيبى قبله رقيقه بريئه آريد قبله من تلك آلشفآه آلحنونه ؛
قبلني حتى الهذيان قبلني حتى النسيان ؛
قبلني حتى اختلاط الريق بالدمع وامتزاج الموت بالحياة ؛
قبلني قبلة واحدة فقط لكن طويلة .. طويلة بطول العمر ولا تبتعد ولا تسأل ؛
بل قبلني حبيبي وخذي حبيبي بين ذراعيك
حتى تتوقف الحياة ..
اريد لمسة كفوفك ونظرة عيونك قبلينى حبيبى .. قبلاتك تحيينى تثرى قلبى
... تنير جبينى تفرح قلبى ... تجمل سنينى إن كنت مجروح ...
فهى تداوينى وتكثر من حبى ... وشوقى وحنينى
قبلنى حبيبى ... أريد أن أرتوى فقبلاتك شهد ؛
.. وأحلى من الشهد كقبله أب لطفله فى المهد
كل القبلات بعدك دون المستوى قبلة واحدة منك تساوى الشمس والهوى ..
قبلنى حبيبى وأطبع رسم شفتيك على خدى ؛
دعنى أقف فى وجه العالم وأعلن التحدى
أعلنهم أن قبلتك هى شهادة ميلادى
أعلنهم أن قلبك أصبح هو بلادى
فـ بقبلتك حبيبى سأعيش بلا ماضى ..
قبلنى حبيبى .. حتى أتحمل الآلام ؛
أترك لى قبلة تنسينى فى بعدك الآثام وتقوينى على بعدك وسط سباق الأيام
تجعلنى أستريح وتأخذنى لعالم الأحلام ..
قبلنى حبيبى وأرتاح بصدرى قبلاتك حبيبى تقوى صبرى ؛
فضربات الأيام قد تقسم ظهرى ..
ولكن لن تقوى علىَ لو أنك قدرى أترك لى قبلة ؛
لتكون سلاحى أدافع بها عن نفسى !
أداوى بها جناحى تنسينى أى الآلام تئن بها جراحى !
قبلنى حبيبى فهكذا فقط سآنسى آحزآنى سآترك
مملكتى وهمى وآبعد عن آلآمى وآريد فقط منك قبلة صغيره .

-قعدت ليلة كامله تحلم بالي صار موش مصدقا الي كانت مابين يديه شفايفها لمسو شفايفو نفسهم تخلط مع بعضهم لذه لحستها خلتها طير وتجنح خلاتها تنسي عذاب عام نص فراق محي كل الم حست بيه في حياتها ليلة كا مله تعدي في صوابعها علي شفايفها كانها تحب ترسخ لحظه تمنتها من نهار لبعدت عليه مركزتش حتي كيفاه خرج وخلاها المهم عندها انو حست بحبو لها من غير مينطق عيونو لكانت ذايبة فها وانفاسو لكانت سخونه وصدرو لكان يتهز ويتنفض من قوة اللذه لحسها وصوتو لمهشرج لكان خارج متقطع وهو يعبرلها علي عذابو ****ساعات بعض الحركات وبعض الكلمات تخفي وراها معاناة القلب وصراع العقل

غالي مكانش حالو غير من حالها مكنش مصدق انو هرب من قوة المشاعر لخانتو اول ملمس شهد شفتيها مكنش مصدق ضعفو معرفش كيفاش يلملم كيانو لبعثراتو في ثواني وكانو كوران فيقو خرج هرب من ضعفو كان جايها نقم متحزم باش يعارك يلقي روحو مسلوب الاراده

في حضورها

غالي يحكي _ ايام وانا ناسي في روحي بعد اخر مره ريت عصام يحمل فها عادي وكان يخزرلي بنقمه كانو يحب يقولي ملكية خاصة والي قمر متاعي """" كنت ضايع وكانوبركان تفجر في داخلي نار تحرق في جواجيا '''ماكنش عندي حل غير اني نسكت اصلا اش دخلني بعد لعملتو فيا شمزلت نستنا منها

لكن لشفت اليوم حرقلي جاشي ميكفيش نهار كامل عداتو لبرا وزيد مروحه في عقابات ليالي فوق موتور ومكبشه فيه كنت نتمنا نهبط نفشخهم اما بصيفتي شنيا انا مجرد ورقة محروقة لعبت بها كيف محبت كان عندها هدف وصلاتو من خلالي بقيت نهدي في روحي باش منتهورش ميلزمنيش نبين ضعفي قدامها قررت نخرج البرا نسهر باش ننسي علي اقل نطفي النار لشعلا فيا لكن صورتها وهو يبوس في خدها طلعتلي دم راسي منعرفش كيفاه ساقي هزتني لبيتها مكنتش واعي بروحي شنعمل والا شنحكي وليت كي المجنون مركزتش مع حتي كلمة ملي قلتهم غير نكرهك لخلتني نفقد سيطره علي روحي كلمت نكرهك عطاتني صعقه رجتلي بها قلبي منعرفش كيفاه ضعف وبستها بستها بحب بنقمه بغل بقهره بضعف تخدرت نسيت انا علا ش جيت تاهت نفسي ووتهتو في بحر شهدها في انفاسها ثملت لحد العشق وقت لتفاعلت معايا حسيت دنيا وقفت ومبقيناش في دنيا كان احنا انا وحبيتي المغرورة معذبتي التي صنعت طوقا يكبلني فجعلتني اسيرا هواها لكن دمعه نزلت علي خدها المتورد فيقتني علي وضعي دمعه جات تاكيد علي كلمة نطقت بها "نكرهك" بعدت علاها وانا نثبت في عينيها المغمضة لخرجت منها تلك الدمعه الثائره حطيت وجهي بين يدي موش مصدق الي انا كنت نعمل فيه خرجت هارب من ضعفي ومن نفسي لخانتني من اليوم لزم نخرجها من حياتي لزم ننسها

_بعد شهر

شفمه حليمه علاش دنيا خايضة

_ مسمعتيش مدام قمر اليوم خطبت سي غالي

_ كلمة خرجت من فم حليمة يقولش علاها نفخت سم في وجهي بدني فشل عصابي ترخفت تركزت علي كرسي باش منطيحش

_عاود حليمه شقلت خطبت شكون

_ خطبت سي غالي مدام قمر لباس

_ حسيت نفس بدا يضياق عليا بديت نعدي في يدي علي صدري نحس في نفس ضياق عليا قلبي باش يخرج من صدري كنت نسمع في حليمه تتكلم "مدام قمر لباس شبيك " صوتها كان ضعيف منعرفش كيفاش هزاتني ساقي لبيت غالي لزم نعرف علاش وقتاش عرفها علاش مثل عليا الحب والغيره كي نتفكراسابيع لتالي كيفاه كان يعامل فيا غيرتو كانت بينا من عينيه معاملتو ليا كلامو تصارفاتو وخاصة  يومين لتالي  وين نتفكر  شصار نار تشعل في جواجيا

فلاش باك

___خرجت انا وعصام يومتها شتهيت حوت مشينا عملنا مشوي حوت ملي روحت وانا كرشي تقطع من الوجيعه قد ماحاولت ناسي روحي شربت كالمون باش تنقص لوجيعه وشي مع نص ليل شدني كريز معادش نجم بالوجيعه بديت نصيح وشي ما سمعني حد هبطت بصيف لبيت غالي وانا ندق وندي عليه خرجلي وهو عينو بنوم وقت لشافني وجهي احمر مغصور جبيني يقطر بالعرق عيوني بدموع ونئين بالوجايع  تفجع

_ قمر شبيك

_ امان غالي باش نموت معادش نجم كرشي توجع اجريلي ديراكت  خطفني في حملتو وهو عريان لبس كان سروال ورجلو حفيانا حطني في الكرهبه ورجع يجري يجيب في المفتاح وطار بيا للكلينيك طريق كامل هو مرعوب نظرة الخوف لفي عينو باينه مره يشدلي يدي ومره يعملي مساج علي كرشي معادش قادر حتي يركز قدامو كل شوي الكرهب تهرب بيه كان خايف علاها لدرجه انو هبل وجن معادش قادر يتحكم في روحو نسي حتي طريق لكلينيك موش حامل يشوف دموعها ووجيعتها

_ قمر يزي يعيشك استحمل حبيبي هنا قريب نوصل لطف عليك

_امان غالي باش نموت سكاكن تقطع فيا

_ شنوا كليت اليوم

_ كليت حوت

_ باهي باهي اكيد حوت فاسد وقعلك تسمم

وصل للكلينيك خطفها طار بيها طيران مستناش حتي يجيبو شريوا كان يجري بها وينادي علي فرامله

اول مشفوه وهو عريان وحافي وكشاكشو طالعه عرفوها خلات جو يرقلو طبة وفرامل  عمرهم ماشفوه هبل بها طريقة  عرفهم عمرو كامل رزين وعاقل في لحظه تقلب والا انسان اخر ديراكت دخلوها تعمل في تصاور مسيبهاش حتي لحظه حتي كيف دخلو يعملولها في غسيل لمعدتها كان شدد جنابها وشدلها يدها هو لعمرو كامل عايش في دمومات وشقان حس ايدو مربطه كانو لقري ولا تعلم حتي يشد زريقه "كان كابس علي يدها عروق يدووجبينو  مكبوسين رجلو لحافيانه في القاعه يخض فها وكل شوي يصيح وينطر علي طبه لفما فرامل مكانوش مركزين حتي طرف عينيهم تخبلت وهوما يشوفو فيه عاري من فوق بدنو كل مسكل وشوي شعار مبعثر علي صدروا زاد حلاه  شعرو كان مبعثر زاد عطاه لمحة طفوله حتي من طبيبة كل دقيقة وهيا تسرق في نظرات برغم عرفها وزميلها لكن شئ لتشوف فيه قدامها حوللها عينيها هوما يروه لبس يدخلو بعضهم خلي يا هكا

_ هوا مكنش هموا شعمل في قلوب العذاري كان همو كان في قمر لكانت تان من الوجايع ""وقت لحطولها تيوات في خشمها وفمها بدا  يصيح باش ميوجعوهاش كانو مستغربين شبيه داخل بعضو هكا كانو عمر مقري ومحضر علي غسيل معدا مكنش منجم يستحمل   عذابها خرج لبرا حط ايدو علي جبينو وهبط قعد في القاعه مع كل انين كان صدرو يتهز ويتحط تمني لوكان في بلاصتها مرتاح كان كي خرجت طبيبه وطمنتو الي نظفولها معدتها وعطوها مهدئ باش ترتاح ويرقدها لصباح 'دخل لقاها مممدوده فوق الفرش فاشلة وجها وبدنها الكلو عرق عيونها وخدودها معبيه بدموع وجها والا اصفر مفيشو قطره دم

مشا قعد بحذاها شدلها يدها وقربها ليه حملها بكل قوتو

_ لطف عليك ياروحي سمله عليك ياريتني انا ولا انتي منحمل فيك دقة شوكه انت لهوي لنتفسوانتي دمي ليجري في عروقي انت نبض راك روح يا  قمري كان يمسحلها علي شعرها بيديه ويدو لخرا كانت يمشي فها علي ظهرها باش تهدي حاسها ترخات في يدو حطها علي الفرش وبقا كل مره يطبع بوسه في وجه مره في عينها مره في خدها للهبط لشفايفها سرق بوسة خفيفة غطاها وقعد بجنبها يملي في عينو بها من اخر مره باسها فها حاول يتجنبها كان يتهرب منها حتي كيف يكلمها ميحبش يخزرلها باش ميضعوفش وين يتفكر كلمة نكرهك كان يفد وينقم علاها خاطر خلاتو يحبها ويتعلق بها تعب لاكان يرقد لا ليل لانهار وزاد كمل عليه عصام لكان كل يوم يجي يهزها من قدام دار وضحكهم كان عامل قبب  كان بين الحب من عينيهم برغم انو مجروح منها لكن كان كي يرا فرحتها معاه كان ينسي عذابو المهم عندو هيا تكون مرتاحه حتي مع غيرو المهم سعادة قمر حتي لوتتبني علي سعادتو هوعلي هكا خذا قرار باش ينسي ويداوي جراحو    (كانت مكبشه في ظهرو ودموع خارجه كان نفس طالع هبط ليزي غسيل فشلها وهدها وزاد المهدئ بدي يرخيلها في عصابها كانت تسمع فيه يقولها روحي وحبيبي ويطمن فها كانت تحب تحل عينيها بصيف لكن صوتو بدا يبعد تمنت لو تتكلم وتسالو كان هيا سمعتو بصيح موش مجرد حلم  )

_خلاها راقده في البيت مشا يزرب للبيروه يشوف يلقاش مريول يستر بيه روحو مفاقش بروحو كان بعد لرقدت قمر انو هو عاري من فوق وحافي من لوطه

_ دخل لبيروه لبس كلاكت لخدمه وحل الخزنه لقا مريول ابيض لبسو مشا قعد علي بيرو يحب يكلمي روحو موش مستوعب شوك للكلاها كان راقد يحلم بها في لحظه لقاها قدامو تتوجع قلبو تخلع موش بسهل تشوف وجع حد عزيز علي قلبك غالي يتحمل دقة شوكه فيه ولا فيها راسو بدا يسطر عليه من الوجيعه ثالثة متاع ليل وهو فايق هز روحو ومشا راجعلها لقا طبيبه بحذاها

_ اهلا دكتور

_اهلا مسيو غالي لباس

_ لباس توا

_ لا متخافش شوي اخر تفيق هاني عملتلها كنترول كل شئ مريقل متخافش مسيو غالي ليشوفك كيفاه تتتصرف تقولش عليك لاك طبيب

_ الله غالب ساعات تجينا حاجات اقوي منا تناسينا حتي في اسامينا

_ حاجه بسيطه ملا لاقدر الله لو

_ عملها بيدو باش تسكت موش مستحمل تزيد تفاول علاها قص علاها

_ حمدلله جات خفيفة شوكها اكثر منها هك علاه دخلت بعضي

_ ظاهر فها تعنيلك برشا

_ سؤالها حيرلو مواجعو كانو كان مستاني فاش شكون باش يحددلو هيا شنية بنسبة لية اكتفي بتبسيمه وحط جبينو بين يديه وقالها بصوت ضعيف بنت عمي دكتوره

_ ابون صار هيا من العايلة

_ ضحك بكل اعتزاز كيف قاتلو هيا من العايلة حب يقولها لا هيا عايلتي دنيتي روحي لنتنفس بها مهما كبرت مستحيل ننكر قوة الحب لفي داخلي وكي العاده اكتفي بصمت ونظرة سخرية ترسمت علي فمو كيف قاتلو وهيا خارجه

ربي يفضلهالك سي غالي

_قعد بجنبها متحركش للي طلع صباح كان شدلها يدها وكل دقيقة يبوسلها صوابعها وكف يدها يعدي فها علي خدو يحب يحسه قريبه ليه تمني لو القدر يكتبهالو وتكون ليه تمني يفرح بها تمني لو هيا زاده حباتو لكن موش كل لنحبوه نحصلو عليه

طلع صباح مزلت راقده كي لملايكه جات طبيبة باش تعاود طمن علاها لقاتو شدلها يدها ويخزرلها محس شبها حتي كيف دخلت حمحمت تربث رجعلها يداها في بلاصتها بقا  يتفرج علاها كيفاه تعدي علاها وجهو كان تعب ظاهر مرقدش عينيه محوقين من قلة نوم

_مسيو غالي ظاهر مرقدتش كان تحب برا ارتاح كيف تفيق توا نادولك

_لا يعيشك خلي عليك مرتاح هكا تلفت للمرضة لمعاها وطلب منها بادب تجيبلو قهوه خلوه وخرجو وهوما يتمتمو في صحه لها قداش يحبها وكل واحده حسدتها فيه

_جابتلو الفرمليه سينيه فيها ياغورت وجي وقهوه وكايك مسكينه للقاتو في الكافيتيريا جابتو وهيا تذبل في عوينتها شكرها وهز من عنده سينيا وهو حتي شوفه مشفهاش

منجمش يكل شي غير القهوه قلبو مهموم ماعينو لا في ماكله لافي فطور هات يطمن علاها يزي بقا يعشق في نومتها كي لملايكه وجها بدا يرجع فيه دم كان شدلها يدها حسها بدات تتحرك وتحل في عينيها بصيف _كانت تحل في عينيها ضو جهرها دنيا تشوف فها فلو بدات تسترجع في ذاكرتها شنوا لصار حلت عينيها لقاتو فوق راسها وهو يتبسم بقومتها كان مركزه مع شفايفو يتحركو تسمع في صوتو بعيد حست بيد شدتلها يدها للعرقت بقات تخزرلو وتتكلم بصيف غالي

_ حمدلله علي سلامتك قمر ارتاح متعبش روحك

_ شبيه راسي رزين وشبيني هوني

_ متخافش هكا من المهدئ نسيت لبارح جاك كريز ظاهرت متسمي وحمدلله هك لباس

_ اه تفكرت راسي منجمش نحل عيني قومني غالي

_ سوالها مخدتها طلعلها الفرش باش تقعد وترتاح بنوم

ارتاح توا تجي طبيبه تشوفك وتروح باهي

_ يعيشك غالي منعرفش كيفاه باش نرجعلك مزيتك

_ مابينتناش قمر معادش تقول هكا راك """كان باش يقول راك حبي " راك بنت عمي

_ دخلت طبيبه عملتلها منترول طمنتها قتلها تكمل دبوزة سيروم وتروح

_ باهي مالا نجم نمشي نجيبلك حوايجك باش تروح باهم ونبدل دبشي مدام كملتي سيروم باهي قمر اهوكا تستحق حاجه كلم طبيبة دكتوره منواصيكش علاها سويعه ونجي

تهني ميسيو غالي مشا وخلاها مع طبيبة

_ ان شاء الله لباس قمر اهوكا تستحق حاجه اقرص علي القرص لبجنبك نجوك اوكي

يعيشك دكتوره

_تكلمت الفرملية لمعاها صحه ليك مدام قمر سي غالي قريب يهبل عليك ليلة كامله وهو فايق بجنبك وكان تراه وقت لجابك صياحو قبب وزيد جا حافي وموش لبس مريولو دخل بعضو مسكين بالعمل شكينا الي هو عرفنا لنخدمو عنا سنين صحه ليك

_ من غير متشعر تبسمت الفرحه ظهرت من عينيها وسالتها بلهفه بالحق تحكي وبقات تحكيلها وتوصفلها توا بدات تسترجع في ذاكرتها وقت لكانت في الكرهبة قالها روحي وحبيبي كلامو وهيا باش ترقد كانت تتفكر انو حضنها فرحت للعينها زغلت بدموع موش مصدقه زعمه تحلم خوفو صباح كان ظاهر من عينيه حتي حوايجو ركزت فاهم كانت ديما تراه مهندم لكن حستو علي غير العاده ضحكت للبانو سينيها واك الفرملية تتبهلل وتتكلم وهيا موش لهيا بها

ستانتو للجا جبلها حوايجها قال لفرمليه تعاونها مدلها تلفونها قالها من لدخلت البيتك نلقاه يصوني محبش يسكت وليت سكرتو حستو وجهو متبدل علي غير العاده لكن مهتمتش كلام الفرميله لتوا في بالها فرحنا لدرجة نسات باش تحل تلفونها اعطاها تخرجلو وتروح معاه

ركبت في الكرهبه بجنبو لكن كان البرود ظاهر عليه محبتش تقلقو ظاهر منرفز للي وصلو لدار مقالها كان كول دواك واستحفظ علي روحك هيا هبطت ولقات عصام قدامهاخارج من الفيلاه غالي ملي راه جنون ركبتو زاد شعل ليزي العركه لصارت مابين امو كيف روح قاتلو غدوا خطبتك  ومنرضاش عليك كان طيحلي كلمتي خرج وخلاها كلام امو رجعو لواعيو فكرتو بلي عملتو فيه شافو كيفا شجا يجري وحملها

_ سمله عليك قمر فجعتني عليك قلي لباس توا شنوا يوجع فيك كان حضنها وشدلها وجها بيديه

لباس عصام صدقني لباس

_ منين لباس مخي شوشط كي قاتلي لمرا لتخدم هوني راك تسممت انا سبب هزيت كليت حوت ( غالي كان كابس علي بونيتو ميحبش يتهور وهو يشوف في الخوف في عينيه وزاد قال هو سبب معناها سيادتها تتمشور معاه لتوا وتتعشا طرف لعقل لمزالو زاد طيرو )

_ والله عصام هاك ترا فيا صدقني بخير

_ باهي ادخل ارتاح توا وخوذ دواك

_ باهي ايجا ادخل معايا هاني وحيد ي (وعلي الكلمه كلب معادش يفرز من غير مايشعرنطق  هويشوف فيه يرعش عليها وهيا تقولو ادخل هاني وحدي   صكر باب الكرهبه بغل وقدملو متحزم)

_ صار انتي سبب فلي صاير فها كي انتي موش قد المسؤوليه علاش تخرج فها

_ فاش تحكي ياسيد زعمه بلعاني انا اعرف شتخرج من فومك

_ بالله وبصح رقعه تجاوب مرا قريب تموت وانتي سيادتك مكش هوني

_(قمر تهدي في غالي)مصار شي غالي هدي روحك هوكا روحت لباس منين ليه عصام الي الحوت فاسد

_- (زاج جان من كلامها دافع عليه من غير مايشعر صاح علاها)اسكت انتي افاكاتو حطوك عليه

_ عصام- اسمع  غالي منسمحلكش تصيح علاها مزلت مريضه وانتي سيادتك من الباب تحزمت تشري في شبوك

_(عارف روحو كثرلها ) اطلع قمر ارقد ارتاح وانتي سي عصام مرا اخرا اطلق ايديك وعشاها في رستو نظيف

_ امانكم يزيو راني واقفه بصيف شبيكم ياخي

_ (غالي حشم علي روحو عرف روحو كثرلها ) باهي قمر اطلع الله غالب كي ريت حالتك هككا تقلقت اكا علاش (وقحر قحره العصام بمعني سيب وبرا روح'' عصام حسب روحو ماشوفو شد يد قمر ودخلها )

نهار كامل عداتو هيا عصام في البيت مخرجوش نسات حتي لهيا مريضه ولزمها راحه غالي وين يطلع يسمع ضحكهم وتفدليكهم يرجع موش متمني حد اخر يضحكها غيرو زاد تاكد لهيا تحبو علي هكا خذا قرار باش  ينسي ويحمي حالو يوقلو ما يناسي لمرا كان مرا علي هكا كان انسب حال ليه يوافق علي طلب كانت امو تزن عليه من شهور باش يوافق

_ نرجعو لقمر لمن لحظة ما عرفت انو اليوم غالي خطبتو هبلت معادش عرفه شتعمل طلعت لبيتو هدت عليه من غير مدق ملقاتوش موجود سمعت صوت ماء في دوش عرفتو يدوش بقات تستني فيه ليوم لزم تفضها شبيه مابين ليلة ونهار خذا قرار كيف هذا بقات تشيع في عينها في البيت لتمنات تكون في يوم بيتها يجمعهم فرش واحد وغطا واحد علي تلفيتتها لقات كوستيم في نوار محطوط فوق الفرش عرفتو لباش يلبسو ليلة من غير ماتشعر طيشتو في القاعه وعفست عليه مستحيل تخليه يخطب مستحيل يبعد وتخطفو واحده اخري موش مشكلتها انو تعيش طول عمرها كبنتو عمو تعيش معاه في نفس دار اما فكرة انو يعرس ويدخل علي مرا اخري موش قبلتها مسحت دمعه خانتها ملزمش تكون ضعيفة لزم تخذ موقف الحاجه الوحيده لحبتها في حياتها وتمنتها باش يخطفوه منها ***** قعدت علي فرش تستانه للي خرج لفف روحو في منشفة ومنشفه فيشعرو يمسح بها بدنو كان يفور مزال مبلول اول مهز عينو شافها قعدا علي فرش وهيا مسهمه فيه والكوستيم مطيش في القاع كرز من تصرفها

_ شتعمل هنا قمر حاجتك بحاجه

_ وقفت قدمتلو بقات مركزه مع كل تفصي في بدنو مخها في عالم اخر اول مرا تراه شبه عاري سرحت لبعيد كان يحكي معاها وهيا موش تسمع فيه حواسها الكل تخدرت نسات علاش جات نسات غشها كل همها تشبع من شوفتو وتملي منو عينها ريحة جال دوش دخلت لخناشنها سكرتها قلبها يرقص دغديغة بنينه سرات في بدنها هو كان مركز معاها موش فاهم شبها تمصمرت قدامو حتي ترميش مرمشت وكيفاه ترمش تخاف ترمش يضيع علاها من غير ماتشعر هزت يدها وحطتها علي صدرو بدنو زرفل من لمستها شعلت فيه نار كان يرا في نظرة رغبة لفي عينيها تسلطن بلمسة يدها لبدت تمشي وتجي علي صدرو شعل من لمسة عينيها كان باش يجبدها ليه لكن صوت اياد وامو فيقهم سطل ماء وتكب عليهم لثنين في لحظه حس تالي كانت تحلم مكنتش تتصور انو تتجراء وتحط يدو علاها هيا لكانت شاعله من عملتو في لحظه ذابت وزاد دخول امو وشفتها في الوضعيه هذيكا خلاها تحشم وتلعن حظها لمسود  غالي هز حوايجو ودخل لدوش حاشم من امو

خديجه بقات تقحر لقمر قاتلها ايجا حاجتي بيك شدتها من يدها وخرجت هزتها لبيتها

_ اسمع قمر يعيشك يزي ملي تعمل فيه مايجيش (جات قمر تتكلم سكتتها بيدها)ابعد علي ولدي خليه يعيش نهار متهني ملي دخلت علينا وانتي كي البومه مجبت خير عرقوبك كي امك وقتاش باش نرتاحو من مشاكلكم ليزي لفضايح لعملتها لعايلتو دخلتو للحبس فضحتنا  مرمدتنا في جرتك عذبتيه ابعدو اعتقوا خليه يعيش نهار متفرهد اصلا مستحيل نخليه يخذك ناسيا روحك شكون لقيطه بنت حرام كلبة حاكم ملي دخلت لولدي سودتلو عيشتو رودبالك تتخيل انك تستغفلني عرفا الي انتي عينيك بيه اما نجوم سماء اقربلك اصلا لكيفيك متاع ليلة وعدي اخرج من حياتنا ابعدنا نتمني تفهم لكلام هذا خرجت خلاتها تغفص في دموعها قلبها مكوي ومحروق تعدات سوايع وهيا في بلاصتها ماضيها كلو تعدي قدام عينيها ليزي دنيا ظلمتها زيد ناس بقات تسمع في تزغريد جاي من جنينه حست دنيا دارت بها وقفت في البلكون تتفرج فيه كيفاه خارج بكامل اناقتو مشيك ومكستم امو تزغرد وتصلي علي نبي خواتو شدين الكادوات يطلعو فها في الكراهب تمنات تكون تحلم دموعها ماحبست

كان فادد من تصرف امو تزغرد وتعاود مخو موش فوقو ليزي معينوش زيد جايت قمر لبيتو دخلت ترا في مخو بقا يخمم يطلعلها '''' لكن حاول يرزن روحو عطا كلمه لناس موش اي ناس دار خالتو مينجمش يتراجع هو عمرو كامل معروف بكلمتو """بقا يتمني وقتاش يوفي ها اليوم خلي يرتاح علي هزت عينو يري فيها في البلكون عيونها حمراء بالبكاء صدرها يتهز ويتحط بين تبكي كان باش يطلع يشوفها ميحملش يشوف دموعها لكن امو شدتو من يدو وكيف لعاده عجزتو برضايتي عليك ياوليدي دار خالتك يستانو هيا مبقاش وقت طلعتو بصيف عيونو بقات مرشوقه عندها وقلبو مشغشب عليها

.........فقط اعذرینی........
قال اعذرینی حبیبتی فالقدر غدی عدوی و لیس حلیفی
اعذرینی وعدت و لم أفی بوعد کان أعظم لی من صدیقی
اعذرینی أحببتک و حبک سکن قلبی لکن بعدی عنکی رغما عن أنفی
اعذرینی ان جرحتک أو أبکیتک یوما فذلک رغما منی و عنی
اعذرینی جعلتک تعشقی رجلا کان لکلام أمہ حبیا
اعذرینی جعلتک تنتظری رجلا حیاتہ کانت کالحائط مبنیا
اعذرینی احببتک و ما جمعنا کان حقیقیا،
ولکن حبی لک سیجعل منی ابنا منفیا،،
اعذرینی، ألف مرۃ اعذرینی فقد حلمنا بعرسنا علی الحلال مبنینا

غابت مواكبو جنازتي  شيعت روحي للجحيم الازلي قراءت تراتيل عزائي علي روفاتي وضعو الاشواك علي بابي ودعوني بابتسامة شاقية  اخاطو كفاني ولفوني في سراديق احزاني

عمرهاكامل ماحست كان بالظلم والقهر علاش دنيا عكستها علاش لاعمرها فرحت علاش مكتوب علاها شقا """""اول مخدم كرهبتو ومشا وخلاها جنت وهبلت بدات تكسر في كل حاجه قدامها دخلت يدها في بلار دبشها الكل قطعاتو دمها يقطر كلام امو لتوا يرن في وذنها عيرتها وسبتها مخلات ماقلت فها مستحيل نرضخلك غالي ليا انا انا تسمع فيا ليا هزت روحها ومشات لبيت خديجه كتبت  بدمها علي مرايت بيتها "غالي ليا "

خرجت وعينيها تبكي دم تمشي هايمه موش عرفا علي ساقيها وين هزينها مشات سوايع وموش حاسة لا بتعب ولا برد لقات روحه قدام دار عصام شكون لعندها غيرو تشكيلو شكون صدر لحنين ليحوطها لخو لعطاتهولها دنيا اول محل الباب مكنش مصدق ليرا فيه  شعرها دخل بعضو عينيها منفخا وحمراء بدموع لبسه مريول خفيف معبي بدم  ايدها تقطر بدم

_ قمر شبيك شصارلك دخلها وهو مفجوع  علي قد مسال محبتش تجاوبو قتلو احضني نحب نرقد

_ كيفاه ترقد شوف ايديك كلها دمومات لزمك غرز قوم نهزك لطبيب

_ امان منحب نرا حد داويني انتي وغرزهم انتي (قد ماحول كبشت والا رضخ ودواها هو )

_ مشي جاب دوا نظفلها جرحها وعقمو جاب ابره وخيط وبدا يغرزلها كان موجوع اكثر منها علي قد مغرز لا توجعت لا حست بدنها تخدر الالم لفي قلبها اقوي من اي الم  بعد مكمل قاتلو نحب نرقد طلعها لبيتو غطاها وبقا بجنبها علي قد مسال حب يطمن لا ردت ولا بات طفيلو نار اكتفت انها لباس غدوه نحكيلك

تعادت سوايع وهو شاد جنبها عينها مرشوقة الفوق كان نفس طالع هابط هايمه في عالم اخر شريط حياتها باقي يتعدي قدام عينيها 'قعد بجنبها ايدو علي شعرها يقرا في القران ويدعي ربي باش يحميها ويخفف عليها عارف الي هيا مقهوره موجوعه كان حاسسس بتنهيداتها يعرف الي قمر من نو الكتوم لمتحكيش لمتخرجش اسرارها يعرفها تتحمل لعذاب ولا تحكي وهذا لزاد عذبو ساعات لانسان كي يحكي يرتاح يحس حمل ونزاح علي قلبو لكن هيا تربت يتيمه عمرها لاحست بالحنان وجيعتها ديما مدفونه في القلب لام حنينه تواسيك ولا بو يمسح دمع العين لخو يساند ويضرب عليها كان لزم تعلمت تكون هيا عايلة ذاتها صنعت من ضعف قوا للكبرت ولات بالمكانه والمركز هذا كانت سارحه للي سمعت نداء الله ""االلله اكبر الله اكبر الله اكبر " اذان الفجر شرحلها صدرها كانت محتاجا تناجي ربي قامت توضات بعد ماعطاها عصام سجاده وملاحف باش تصلي بهم اول موقفت قدام الباري حست بحمل ثقيل نزاح حست بغمه تنحات ركعت وهيا مسلمة طائعه حست براحه والامان رمات حملها للعالي دموعها كانو سبالة كانت تشكي للخالق وتدعيلو قلبها طمن وشنوا خير من تقرب لله ترمي حملك عليه تشكيلو وتسجد ليه لخلاقها عمرو مايضيعها حمدتو علي ابتلائو قامت والبسمه علي فمها طلبت مصحف من عند عصام وبقات ترتل في القران كان يسمع فها وهيا ترتل والغصة شدتلها حلقها تبكي بحرقه بالم عينيها ظلمت من دموع باست كتاب القران حطتو بجنبها رفعت يدها للعالي وبدات تدعي وتترجي فيه انو يخفف الابتلاء لتصبت فيه كان وقف يرا فها ودموع مالية عينيه يشوف في المرا لحبها لعشقها مكسوره ومذلوله تبكي بشهقه بحرقة بغصة سنين "" تربع بحذاها وبقا يتفرج فها دموعها حرقولو قلبو شووه يتمني يهز عذابها يتحمل الامها لمهم البسمه ماتفرقش حياتها """"" كملت دعات شافت  دموعو علي خدية قربت منو مسحتلو دموعو تبسمتلو بحرقة بقهر صوتها ضاع تحب تفرغ لفي قلبها تحب تبكي تصيح

كان حاسس بها تصارع باش تفرغ لفي قلبها حسها تكابر وهذا لشواه موش عارف علتها شنوا جبدها لحظنو حطها علي قلبو حب يقولها راك انتي لقلب اسمع قلبي شعملت فيه """ سمع تنهيده خرجت من جواجيها ذبحتو وكملت بجملة نطقتها شعلت نار في قلبو

انا منصلحش عصام نا بنت حرام انا متاع ليلة وعدي انا عاهرة فاسد هانا معنديش خلاق

_ اسس قمر علاش تقول هكا يزي يعيشك

_ لا منيزيش (دزتو وقفت مشات للمرايا لبجنبها نحت لملحفه من فوق راسها ) انا منصلحش انا فاسده  (تخاطب في روحها في المراية عصام كان يخزرلها حط يدو علي فمو يبكي بساكته عمرو مراها منهاره هكا ) ملي تولدت مريت خير بنت حرام تبع فيا من سنين ظلوني وحطموني قمر اعمل قمر نفذ قمر امشي قمر ايجا قمر قمر لا فرحت كي ندادي لا لقيت صدر حنين  كبرت وكبر همي حياتي مسطره تسطير ذلوني وعذبوني كنت نخدم في الوطن ظهرت نخدم لاجندات دخيلة حياتي مرار وقت لفرحت وحبيت خطفولي فرحت استخسروا فيا يوم نضحك نكون فرحنا نعيش كي ندادي نسهر نلبس نخرج في لخر نطلع منسواش ومنشرفش باش يخذوني ظهرت فاسده مليقش بعايلة الاندلسي انا مانليقيش بيه علي هكا خذاتلو بنت لحساب ونسب مشا وخلاني خطب ياعصام معناها باش ياخو غيري باش يعيش مع غيري باش يتكتب اسمها علي اسمو وانا ا ه انا منسواش امو كواتني كواتني اه اه نار تحرق هوني هوني (تضرب في صدرها)اش باش يطافي جاشي شكون باش يخولي حقي شكون ليبردلي ناري (هبطت علي ركايبها تنتش في شعرها وتضرب في فخذها) قربلها يحبي شدلها يدها وحملها من تالي

_ انا نخولك حقك انا عايلتك وناسك عمري مانخليك ومانسلم فيك انت شرف بيدو انت نوراه دموعك غالين قمر يزي عمرها دموع ما تطفيلك نار اصبر اصبر

_ صبر مل مني مليت مليت نحب نفرح (دارت جات مقابلا وجهو شدتلو وجهو بيدها )فرحني عصام موش انتي عايلتي موش قلت نعمل اي حاجه علي خاطر عاوني نحب نرتاح طفلي النار لفي قلبي رجعلي غالي ياعصام انت تعرف اني نحبو مسالش قابله نكون صحبتو عشيقتو المهم نكون معاه

_ يزي قمر لو كان جا يحبك راهو ماسلمش فيك

_ لا يحبني انا نعرف انا جرحتو انا عذبتو وغدرتو هو مكوي كيفي امان قولو لانا نحبو قولو لانا نعشقو قولو عصام قولو (تقهر عليهاوعلي حالو هو بيدو مقهور منها يعرف شمعنها عشق يعرف شمعنها عذاب حس سبها يحب يواسيها لكن روحو بيدها ضايعه ومجروحه دموعو محبوش يكفو عمرو مابكا في حياتو عمرو ماتقهر وتعذب قد ماهو مقهور علي مرا حبها وعشقها راحتها من راحتو فرحتها من فرحتو عذابها من عذابو ولاول مره تطلب منو طلب تحب علي غالي تحب علي حاجه سكنت جواجها ملكتها واستعبدتها عشقتها لحد الجنون

ليلة كامله عداها ذليل مقهور يشوف في وردتو ذابلة ماهدات كان كي كلم طبيب عطاها مهدئ خايف علاها خايف علاها من دنيا ومن ناس وتوا والا خايف علاها من قمر قمر لقوية لهو يعرفهامتكبرة ومغروره يعرف الي ضعفها بعدو زلزال

نرجعو الغالي الي ليلة تعادات حموم مخو كان في قمر حزين مقهور قلبو مقبوض حسس لحاجه صاير لقمر كان قعد يتقلي يقولش عليه علي جمر دوب ماعطي الكلمه اعتذار منهم الي كلينيك حاشتهم بيه حتي الخاتم ملبسوش هز روحو وخرج امو تندب في وجها قدام اختها وراجلها خرجت معاه وهيا تلوم فيه مكانش مركز معاها كان هممو انو يروح لقمر يشوفها يلمحها حتي من بعيد امو بدات تعلي في صوتها وصلت تدعي بيه

(طيش الكارفات حل مقافل سوريتو حس روحو مخنوق وصل لدار طلع يجري امو واخواتو حارو فيه شبيه هبل في لحظه غالي رزين وين اول مدخل لبيتو لقاها كلها مقلوبه حوايجها مقطع بلار مكسر شاف دم في القاع قلبو تخلع كان عرف الي صرتلها حاجه قلبو خبيرو بقي ينادي باعلي صوت قمر وينك قمر ولا كل مجنون من بيت لبيت خواتو لحقوه شافو شصاير في البيت تصادمو امو ولا علي بالها بالعكس فرحت وقاتلو حمدلله جات عنده نيف وسمعت لكلام وتلفت منها دار اياه مالا راحه

مكنش مصدق الي يسمع فيه كان باش يصيح تفكر الي هيا امو رص علي سنيه مايحبش يغلط معاها

_ عاود شقلت امي

_ كانها مسمعتوش تعدت من بحذاه دخلت لبيتها وهيا تقولو حمدلله ربي استجاب لدعايه قلتلها تخرج من حياتنا واهيكا هجت ومشات وجه البومه

_ دخلت لبيتها حطت ساكها قعدت علي حفت الفرش باش تنحي سباطها مزالت كي قعدت رات كتبتها علي بلار غالي ليا وكتبتها بدم عروقها نشفت هبلت هاذي ساييي للحظه خافت عارفة الي قمر اعلنت علاها الحرب بالقوة بسياسة باش ترجعو غالي وقفت قدام لبلار تكلم في كلامها مستحيل نخليك تخو ولدي كيف ماحرمتني امك من حب حياتي انا نحرمك من ولدي نكرهك نعيفك تسمع فيا قمر رودبالك تتحداني

وقت لسمع كلام امو كلب ليجي قدامو طيشو ولدو تفجع بدا يبكي اختو تهدي فيه هو كي ثور الهايج لا حب يسمع لا يفهم لحق علي امو لزم يفضها معاها سايي وصلت لطوب مزل موصلش يسمع فها تعارك دز الباب لقها موجها صبعها للبلار بقي يقرا ويعاود موش مصدق ليقرا فيه "غالي ليا"وبين مكتوب بدم نار لكانت شعل في طفات برد فرح جنح واخيرا عرف الي هيا تحبو كان مستاني منها في كلمة اشارة فعل يخليه يهد دنيا علي خاطرو في لحظه محا كل حاجه خايبه عملتها قرب يلمس في دمها بيديه بقا يقول "انا ليك اقمر دمك هو دمي ياقمر –امو هلبلت عليه قاتلو نجوم سما اقربلك تحلم لو طول ظفرك ياانا ياهيا نقتل روحي ولا تفرح بيك

بقا يهدي فها رقدها في الفرش هبط يشوف في لي كاميرا لفي دار شافها خارجه وحلتها حليلة معرفش شيعمل حتي كرهبتها مهزتهاش مايعرف علاها شي حتي عصام معندوش رقمو ليلة كامله لا رقد يدور بالكرهبه كي المهبول سته رجع لدار مايس حب يشوف رجعتشي شي ملقهاش هو هككا ويسمع في الباب تهد من طبطيب امو خرجت تجري هبط يجري سبقها حل لباب لقاه عصام هايج كي ثور اول محلو الباب عطاه بونيا علي حنكو جابو طايح

ريتها البونيه هاذي علي خاطر دموع قمر وهز صبعو لخديجه لمزلت وقفه في دروج

وانتي مزلت تتعدي علي قمر والا تسبها نمحيك من دنيا

غالي ديراكت قام رجعلو بونيا محملش في امو كيفاه يهدد فها

كون راجل وكلمني انا علاه تعلي في صوتك علي امي مخلقش ليمس امي بكلمه وشدو في خناق بعضهم زوز يخزرو لبعضهم بنظرة كره وحقد زوز تجمعهم صفه واحده الي هوما حبوا نفس شخص

عصام هبط يدو سوي مريول وجاكاتو عمل مساج علي حنكو ليوجع فيه قالو اخلط عليا نحب نحكي معاك راجل لراجل

_ غالي جا خارج امو مخلتوش مكنش همو بكا امو لخايفة عليه همو باش يعرف قمر فين حتي لو كان اليوم قاتل ومقتول

_ عصام وقف  البرا من جنينه وين مراكي كرهبتو بقا يحضر في الكلام لباش يقولو كلام رغم صعبو لكن من اجل عيون حبيبتو مستعد يمشي للجهنم بسقيه

_ مزال موصل بحذاها بدا يحكي وحط صبعو ينبه فيه

_ شوف جيتك ليوم باش نطلب منك طلب رجال نحبك تخذ قمر (غالي جا باش يحكي )اسس خليني نكمل قمر حبتك لدرجة الجنون تعذبت وتعبت وشقات نعرف الي باش نقولك حاجات محنيش نقولها لكن قمر دخلت للمهمه مجبره وحاربت باش تخرجك منها وتثبت برائتك تحدات جدها لحب ينتقم منكم بعدت عام نص علي في سبيل انك تعيش انت وعايلتك ضحت بروحها علي خاطرك خرجت من خدمتها رضات بالظلم علي روحها باش انتي تعيش مرتاح من حقها ترجعلها شويا مني لعملتو نعرف الي البارح خطبتك لكن قمر من البارح وهيا في حالة جها نهيار عصبي من البارح وهيا تحب عليك وعدتها كي تفيق وتحل عينها تلقاك بجنبها ندفعلك لتحب عليه المهم كون مع قمر خلاها تعيش مرتاحه حتي يوم كان موافق تلقاني في العنوان() وجا طلع الكرهبتو تحبها لدرجا هاذي

_ خزرلو بنظرة كلها قوة نعشقها موش نحبها لو كان ليدي نخبها في قلبي اما هيا خطرت كوانا معليا كان سكوت يكفي سعادتها تكفيني فرحتها نتمني تحس بنعمه لعطهالك ربي قمر جوهرة نادره صعيب باش تلقاها اليوم ياريت تحافظ علاها وتناسها في عذاب سنين

رجع مقهور مشا بيدوي ترجا فيه سلم في نوارة لتزرعت في قلبو كان يسوق باقصي سرعه دنيا فلو قدامو عينيه حمر بالبكاء موش همو روحو قد مهمتو قمر عمرو ماتخيل روحو يحب انسان مايحسبهاش بالقلب انسان حربي تعلم يسطر حياتو تسطير لكن ملي دخلت قمرتو لحياتو عشعشت فيه سكنت في بالو ورواريه 'وقف قدام البرتمان سوا روحو حك عينيه مسح وجهو رسم بسمه علي وجهو دخل يزرب يحب يراها قبل ما يتحرم منها اكيد غالي باش يجيها هو متاكد من حبو لها علي هكا سلملو دخل ماشي لبيتها يسمع في حس في الكوجينه ماشي في بالو جارتهم لوصها باش طل عليها كل شي رجع داخل للكوجينه لقي قمر نصبة طاوله طول عرض تاكل وكانو شي لام يكون قدم يزرب ليها حط يدو علي خدها

_ صباح الخير شنوا ها نشاط الكل

_ صباحك ورد وفل ياسمين يااحلي عصوم في دنيا نصبلك قهوه اكيد راك مفطرتش

_ (بقي مستغرب في نشاطها والفرحه لباينا في عينيها موش مستوعب شنوا لصار زعمه غالي كلمها مستحيل حتي تلفون معندهاش بقي يخزرلها يحب يسالها اما خايف يوجعها )

_خزرتلو وتبسمت كانها قرات شنوا يدور في عقلو تبسمتلو حطت يدها علي يدو ''متخممش برشا ليلة البارح مشات في البارح احنا ولاد اليوم متركزش معايا برشا '

_ نار طحتت علي يدو ايدها دغدغتلو حواسو معرفش كيفاه جبد يدو منها مشا يجبد في كاس باش يصب القهوه "شنوا متعرضش عليا بالكذب تفطر وحدك "

_عرفتو حاب يتلف لحكاية قمر ذكية عمرها متتعدي علاها عارفة انو عصام يحبها وزاد تاكدت من تصرفاتو لبارح عمرو راجل ليبكي علي خاطر مرا ماتعنيلو كان صداقة ملي دخل ورات نظرت الحزن لفي عينيه ومتاكده لهوا باكي عينيه جمرة وجهو مغصور قلبها شواها عليه هيا تعرف شمعناها تحب وتتعذب وقفت جات وراه حطت يدها علي ظهرو بدنو فبري تحت يدها ""رست شفايفها ' متحبش تجرح انسان يعنيلها برشاا متحملش تعذبو –حطت راسها علي ظهروا يدها علي بطنو شعلتو طرف لعقل لفية ضاعو قربها موش طايقو نفسها سخون يحرق في ظهرو بدنو فشل لبو العرق لزم يكون قوي وميضرهاش حاب يملص روحو منها لكن كبست عليه ''سامحني عصام سامحني انا سبب في عذابك تعبتك معايا ' دارلها بقي يخزر في عينيها يشوف في نظرة الانكسار لفي عينيها حط جبينو علي جبينها بقي يتنهد 'مسامحك قمر مسامحك المهم انتي تكون مرتاحه منحبش نشوفك حزينه نحبك تعيش فرحانه نتمني نشيل همك ونحطو عندي المهم انتي

_ لدرجه عصام

_واكثر واكثر دموعك سكاكن تتغرس في قلبي حزنك يظلملي حياتي منحملش فيك دقة شوكه راك عايلتي ياقمر غالية علي قلبي بلاصتك محفورا فيه

_ حطت يدها علي قلبو 'قلبك كبير وفرحنا الي انا فيه قلبك نظيف وطاهر

_ شكونو هذا طاهر

_ههههه يزي بلا دوك عصام

_ بو اك ضحكه ندفع عمري باش تبقي مرسومه علي شفايفك

_ عصام باقي تعذب فيا بطيبتك

_ باهي باش نوالي شرير المهم متتعذبش انتي

_ ههههههه مهبول (ضحكتها خلاتو يسرح في برائتها رنة خلاتو متسلطن وزاهي قلبو ضحك من داخل عينيه تلمع من الفرحه يزي انها تضحك يزي تفرح هكا لحبو هكا ليتمناه)

_ اي موش باش تفطرني شو ملا مشحاحه

_ سامحني خلي نعاود نسخن القهوه عدوها صبحية بين ضحك ولعب كان يملي في عينيه منها يرسخ فها في ذاكرتو عينو علي الباب خايف من لحظه لباش يهزها غالي

_عصام وين سارح ياخي

_ اه شقتلي

_ قتلك نحب نبدل دبشي وندوش

_اه باهي برا دوش

_ ايه نحب حوايج باش نبدل شوف حوايجي كيفاه مسخين بدم

_ باهي لحظه نلقالكش حوايج تجي قدك مشا لوج علي اصغر حاجات عندو مدلها مريول وسرفات خلاها دوش علي راحتها خرج للبلكون يتكيف شاف كرهبت غالي تحت البلاص طايش سيقارو من يدو كان متاكد الي باش يجي حط يدو علي بريار البلكون نفخ بقوه موش حامل يشوفهم مع بعضهم لزم يخرج ويخليهم قلبو موش حمل عذاب هز جاكتو ومفاتحو وخرج يستني فيه في الباب ''' غالي كان يزرب موش مصدق الي باش يراها امو سمعت حديثو هو عصام مخلت ماقتلو تحداها وقالها نموت ومنخوش كان قمر بدات تمثل انو دايخه كان فهمها خذا بهواها للهدات خلي اختو بحذاها طلع لبيتو هندم روحو حصر لحيتو خرج موهر اليوم لزم يطلب ايدها تعدي شرالها خاتم ديامون وشركه هز بوكي نوار في يدو ركب في كرهبتو يسابق في ريح يزي ما بطي اول موصل قدام باب البرتمان لقا عصام قدامو بين حزين ومقهور عصام خزرلو بضعف عمرو ماتذل يشوف في خصمو ندو قدامو في كامل اناقتو بوكي نوار في يدو عارف الي قمر سايي باش تخرج من حياتو تعدي بجنبو مايحبش حتي يخزر في عينيه ''''غالي كان عذروا عارف شمعنها راجل مهزوم حط يدو علي كتفو

_ نوعدك عصام نحطها في عيني وقلبي تهني علاها قمر لحمي ودمي

_ عصام ضرب علي كتف غالي وخزرلو بتحدي بعينين معبين بدموع

_ نوعدك لو نشوف نظرة حزن في عنين قمر نقتلك ومترفليش عين متقولش غلبني –سعادتها قبل سعادتي وخرج يزرب مايحبش يضعف

غالي دخل وسكر الباب فرحان فرحان اليوم باش يطلب يد نوارتو اليوم باش يعترفلها بحبو اليوم باش يتوجها سلطانه علي قلبو بقا يثبت في البيوت مشي بخطوات ثابتة لاول بيت مقبلتو متاكد قمرتو فها ريحتها معبيا دنيا اول مدق الباب محلتلوش كان يسمع فها تقولو –عصام لحظه غير مخرجت مدوش نبدل ونجيك

_ موش مصدق الي هيا توا خارجه مدوش بقي يتخيل فها صوتو رعش رغبة تملكتو يتمني يراها ويحظنها من غير مفكر ولحسب داز الباب –دارت مخلوعه للحظه كانت باش تنحي الكاب تخيلتو عصام -----لعبت علاها دوخه اخر واحد كانت تتنتظرو موش مصدقه عينيها بدات تضحك واحدها وتسكر في عينها _ هبلت قمر وليت تتخيل فيه في اليقظه سايي عليك جنيت

_ من ربي شاخ في موخو  يشوف فها ملوفوفه في كاب قصير شعرها طويل يقطر رقبتها مندية تشهي صدرها الابيض دوب ما بين سوياقتهابيض مفورمين خدودها حمر شفايفها المقلوبين روز يشاهيو باش يغطس فيهم ''''زاد تتخيل فيه  رجعلها بصوت مهشرج برغبة

_ مكش تحلم يروح غالي انا هوني ليك يانور عيوني

_ موش مصدقة اكيد تحلم لبتها رعشة قدمت ناحيتو شدتلو يدو تتحسس فيه تحب تتاكد

_ انت غالي موش هكا موش نحلم اقرصني قلي الي انتي قدامي

_ حط خشمو علي خشمها عينو في عينها شفايفها قريبا لشفايفو نفسهم تخلط بعضو قرصها بسنية في شفتها لوطانية

_مكش تتخيل ياممو عين غالي هز عينيه بقا يملي في عينو علي بدنها 'محلاك حبيبي مبنو هو حط خشمو علي شعرها  يشم في ريحت شامبو شاخ في مخو هبط لرقبتها يعدي في خشمو ويجيب ريحت جال دوش رهوجتو وهيا وين تلقاها شاخت رغبة تملكتها عدات يدها علي شعرو وخرجت منها اه عبرت علي نار لشعلها فيها معادش فيه صوت اهاتها اطربوه ----جبدها ليه بقوه غرق معها في قبلة ملحمية كان شد شعرها بقوه شفايفو مقابلة شفايفها  مره يرخف ومره يتقوي  __زاد هبل كيف تجاوبت معاه قلة خبرتها  ظاهره لكن حبها لقوي نطق علي شفايفو حب يعبرو بطريقتهم بطريقة فطرية خلاتو يسكر من شهدها دزها للحيط طلعها فوق فخضو صدرها ظهر اكثر هبط لرقبتها يبوس ويتبنن عينيه ترشقت علي صدرها البكر هبط الكاب وغرق فية اهاتها غرقتو معادش منجم يسيطر علي روحو يديها لتنحيلو في مقافل سوريتو حرقتو هزها مابين يديه حطها علي الفرش رجع غطس في شفايفها يدو تلعب علي فخذها مره تكبس ومره ترخف  نحالها كاب عينيه تخبلو من بدنها المسطر نحا حوايجو بزربه ورجع لقبلة فرنسية  فجرت ينابيع العشق لفي داخلهم

_ نحبك غالي نعشقك

عمرو مسمع كلمت نحبك منها كلمه هزتوا لسابع سماء توجتوا بتاج الملك

_ نحبك نعشقك نفنا فيك قمري غاليتي عشقي مع كل كلمة حب كان يبوس في كل بلاصة من بدنها معادش حبيبتو تحتو عشقتو لتمنها مابين يديه تستني باش يثبت رجولتو باش يرسموا سمو علي بدنها باش يدخلها لعالم سيدات لكن موش منجم الي مابين يديه شرفو حبو مايحبش ياذيها يحب يفرحها بالحلال تغلب علي روحو باش يقوم –قمر معادش نجم منحبش نظرك حبيبي

_لا غالي امانك متقومش شدتو يقوه مقربتو لها بمحبة برغبة بقوة عشقها

_موش نقص وزاد كملت عليه عينيها مليانة بدموع رغبة بدانها يفبري تحتو اهاتها فشلوه موش عارف شيعمل

_ امان غالي املكني نحب نكون ليك نحبك غالي عبرلي علي حبك معادش فيه كمل لبداه طار وجناح كان ينهج من قوة اللذه شاخ بحبو لي ملكها ودخلها لعالمو عالم سيدات

جبانه معابيا دنيا رجال ونسا موكب عسكري قام بتشيع جثمانها كرتوش علا في سما تراب تحط علي بدنها بدنها لفداتو لنور عيونها مشات شهيده لحب سكن قلبها حب نوارة عيونها

******واقفه علي قبرها تقبل في عزاها عزاء ام ضحت بروحها علي خاطرها ام مشات وخلاتها خلاتها لقسوة دنيا وناس كان واقف من بعيد يشوفلها تشبهلو في قوتها وعنتزتها وغرورها متكبره كيفو ومترضخش تحداتووعملت لفي راسها قاتلو عايشه تتقملها جنازه عسكرية كيفها كيف اي عسكري وهذاك لصار حفيدتو واقفه قدامو وهيا مكسوره ومهددوده من فراق ام هو لحطها في طريقها وهو لي حرمها منها لحظات وامر رجالو باش يطلعوها في الكرهبه رجع لكرهبتو هبط شباك وبقي يخزرلها

---مدام ماريا لزم تروح

_ برا روح

_ يعيشك مدام متظطرناش باش نتعامل معاك بالقوة

_ دارتلو يكل غل _وريني قوتو شعندك تعمل

_ هبط عينيه خايف مهما ان كان لقدامو حفيدة رئيسو بكلمه تنجم تمحيه

_ هبطت لينتها خزرتلو_رودبالك تهددني المره جاية نمحيك تعدات من قدامو زربت خطواتها شيعت عينها لكرهبت جدها نظرتلو بغل بتحدي ركبت بجنبو مشات لسجنها لتصنعلها من جديد

_ تعدات ايام وليالي وقلبها مكسور مغلول ليزي فراق غالي كمل فراق عايشه لتغدرت بسببها لزم تكون قوية وتنتقم لزم تتخذ بثارها جات لبون باش تهبط تتعشا هبطت مجبره موش لزم تبنلو ضعفها لزم يخاف منها

طاوله عريضة وطويلة كان يتراسها هو كمال وهالة وساجد وساجده بجنبو جات تمشي بخطي راكزه بكل ثيقة في نفس جبدتلها البون الكرسي لقدامو قعدت بكل ثيقة ديراكت بدات تاكل ماستانتش حتي يبدو صالتهم خزرولها كلهم لامبالتها وقلة احترامها ليهم ولشعائرهم نرفزهم تكلمت ساجده

_شنوا ماريا موش عيب احنا مزلنا نصلو وانتي تاكل علي الاقل احترمنا (عمللها جدها باش تسكت )

حسبت روحها مسمعتهاش كملت تاكل وكانو مفما شي باقيي مركز معاها عارف سكوتها وراه تخطيط مستحيل يصدق انهزامها وخضوعها ليه _هاله حسه بها حطت يدها علي يدها

_ قمر بنتي

_ مانيش بنتك (نطرتلها يدها)وقامت

_اقعد ماريا جدها تكلم بقوه

_ كملت شبعت سايي كل انتي

_ضرب بيدو علي طاوله

كي نقل اقعد اقعد

_ وانا قلت كملت يزي ماينا تتخيل بجيبانك ليا الهوني باش تلويلي ذراعي تحلم انا هوني بكيفي ورودبالك تتخيل اني باش نتهد بعد تمثيلتك الفاشله انتي وبنتك ونسيبك باش تهدوني تتخيل اصلا كنت نعرف الي عايلة العقيد كمال وراها سر وحمدلله كشفتو وجات ماشيا دارتلو

__حقا اسمي قمر موش ماريا قمر الاندلسي

خرجت تعفس في طاجين تقعرو مستحيل تخضعلو خرجت لجنينه تهادي في روحها نار شاعله في صدرها واش لي طافاها  طلبت من  بون باش يحضرولها حصانها براق من لجات الهوني هكا وينيسها اول مره تلقي حاجه تصلح فيها القصر البارد كي العاده مييتنفذ امر الا ما يوافق عليه سي  نعمان 'جدها' طلعت علي براق تسابق في زمن الزمن لكانلها كسهم القاتل زمن الي كان حليف اعداءها لدمروها واسروها سجينة لدفع اخطاء غيرها كان ركبة وتلهث من قوة الالم لفي صدرها دموع جافوها دمعه من اليوم لفارقوها من حضن غالي قطعتها

براق كان يجري باقوة قوتو كان ثائر كيف الفارسة لفوقو الفارسة لمن يوم لجات الهوني مل تشكيلو كان هو ملي شدت لجام في يدها وهيا في عالم اخر عالم ذكريات الذكريات الي بقات الرابط الوحيد لفي ذهنها ليجمعها بقطعه من بدنها رجعت بها الي ليلة لكتب فها بداية حبهم ليلة خلاتها اسعد مرا في دنيا عايشتها في جنه ماكنش حلمها الي ان تكون ليه وهو لها والقدر ولاول مره يكون في صفها يتوجلها احلي حاجه ممكن تعيشها مرا في حضن معشوقها هزت صبعها خزرت للخاتم لفي صبعها الخاتم الي لخص حبهم الخاتم لوعداتو مستحيل تنحي من يدها حتي في القبر حطت يدها علي رقبتها وغمضت عينها تتفكر في احلي ليلة

_ كانت قاعده علي فخذو توكل فيه في الغلة ومع كل قطعه كانت تاخو بوسة  كانو في قمة العشق والانسجام طلب منها تقوم وتغمض عينيها طاوعتو وقفة تستني فيه اش باش يعمل

_حل عينيك ( كان قاعد علي ركبة ونص في يدو خاتم فيه قص يلمع )

_ نحب نكمل حياتي معاك ونجيب منك عشره صغار نحب نقوم نلقاك راقده بجنبي  نقوم بيك ونفيق بيك نحب نشيب وانا معاك نحب نفرح معاك نحج معاك نحب نكمل حياتي وانا مااحلي وابن مرا  في دنيا قمرتي توافق تكون شريكة حياتي

_ (حطه يدها علي فمها موش مصدقة الي تشوف فية حبيبها بكل رومنسية يطلب في يدها دموع الفرحه عبتلها عينيها لتمانتو الكل تحققلها في يوم وليلة )موافقة موافقة حتي انا نحب نعيش بيك وليك نحب نكمل حياتي معاك نحب نحس بقطعه منك فيا نتنفس هواءك نشوف بعينيك نفكر بيك نحب نكون ملكك وعلي اسمك نبحك نحبك غالي يادمي وعقلي وروحي

_ ( لبسلها الخاتم في يدها بسهالها وقف جبدها لية بقوة حبو وحشو بقوة عشقو لها دخلها في حظنو كان كابس علاها يتمني يدخلها في صدرو معادش تخرج منو وجها ما بين يديه يبوس في كل بلاصة ) انتي تاج راسي قمر (يبوس في جبينها ويتكلم فوقو)هبط لعينها انت ضو عيوني''' هبط لخشمها طبع بوسة خفيفة انت لهوا لنتنفسو باس خدودها انت فرحتي هبط لشفايفها باسها وهو يتكلم فوقهم انت دنيتي وباسها بكل محبة وبكل حب وشوق بلهفة برغبة سكنت فية من يوم لشافها فية حتي وهيا معاه موش شابع منها هيا في عالم اخر حواسها مخدرين بدنها يفبري ما بين يديه الة يعزف بكل حرفية يعزف بحب خلها طير مافقت كان وهو مدورها قدامو شفايفو في رقبتها تطبع في بوسات خفاف ومع كلام الحب لاغدقوا علي مسامعها معادش فها حيل باش تاقف علي سيقها طلع شركه من جيبو وحطها علي رقبتها وتكلم

_ قمر انتي القمر لضوت ظلمتي انتي نور لزاهلي حياتي اوعدني تبقي معايا اوعدني شركه ماتتنحاش من رقبتك

_ حطت يدها تشوف فها شركه فها موتيف في شكل قمره مرصعه بديامون---غالي حبيبي محلاها

_ انت احلي منها ياروحي شريتها خاطر فكرتني بيك خطريك قمرتي يانور العين ورجع يبوس في رقبتها ويتبنن (دارتلو هيا تبوس فيه بحب بقوة الاحساس لهيا حستو تحب تعبرلو علي هيامها بيه)شاخ في مخو من جراتها حطها علي ديفون يحب يكمل يشبع منها ----- وفي لحظه الباب تخلع اكثر من عشره رجال ملثمين واقفين قدامهم كلهم بسالحاتهم مواجهه ليهم مكنوش في وعيهم دزت غالي من فوقها وقفت قدامو باش تحمية ملي رات سلاحات مواجهتلهم همها انها تفدي غالي بروحها غالي ترهوج ليزي مرهوجتو رغبة لعايشها وليزي يشوف في مشهد غريب عمرو ماتخيل انو يعيش حاجه يشوف فها في الافلام ديراكت وقف جا قدام قمر هو زاده مكنش همو في روحو علي قد مهمتو لمرا لقدامو

_ غالي بدي يصيح---شكونكم شتحبو منا قمر دز فيه تحب تجي قدامو خايفه عليه هيا متاكده الي رجال تابعين جدها متاكده الي جايين ليها

_ انطق شكونكم علاش هدين علينا في دار يقولش مجرمه

_ كلهم كانو ساكتين من غير حتي حركه شي لزاد هبلهم غالي  يطمن في قمر

حبيبي ماتخافش اهدي انا معاك نوعدك مايتيك شاي

بقات تخزرلو طمن فيه تحب تقولو انو هيا خايفه عليه موش مشكل انها تموت بعد لكانت عايشوتو معاه '''صوت غليظ فايقهم

_ مدام ماريا تنجم تمشي معانا مسيو نعمان يستني فيك

_ معندها وين ماشيا شكونو نعمان اصلا لبعث هامجين هكا

_قص علية بصوت قوي وهو مصوب سلاحو في وجهو

_متعبناش سي غالي عنا اوامر نقتلو كل من يمنعنا علي هزان قمر

_وقف قدامها (ملا علي جثتي هزانها )وقف قدامها كي صيد الهايج قداه عز بها كانت متاكده انو يفداها بروحو عارفة اش اختارت سيد رجال

سلاحت الكل توجهتلو يستنو في امر من البوس متاعهم باش يفرغو اكثر من عشرة خزانات فية

جبدتو وقفت قدامو مستحيل تخلي شوكه تاذية شدتلو ودهو بين يداها_ غالي حبيبي متخافش نوعدك نرجعلك يعيشك راهم مجرمه عندهم القتل كي صبلي نشرب نوعدك نرجعلك ونعرسو في اقرب وقت لزمني نمشيلو

_ مستحيل نخليك تخرج من هوني تحب نرميك في نار بيدي قمر يعيشك مطتلبش نحي قلبي من صدري

_ ماتصعبهاش عليا غالي امانك ماتشوينيش عليك ماتظلمش دنيا في وجهي يعيشك مستحيل مايهزونيش معاهم توا لترا فاهم يستنو في اشارة باش يقتلوك تحب تكويني ياغالي امان امان

_لا مستحيل نخليك ساقي علي ساقك

_ عنا اوامر باش نهزو كان قمر واشار بصبعو لرجال باش يهزوها قداملهم بدي يضرب فيهم هيا شدوها زوز شلولها حركتها وهو ثمانية ضباع داردارو بيه يضربو فيه من كل بلاصة

_ سيبوه ياكلاب والله منشرب من دمكم والله منقتلكم ياحيوانات غالي فيق غالي ياكلاب باش تقتلوه وهوما كانهم موش يسمعوا فها  تقوات علي روحها وصاحت للبوس والله والله لو كان تصيرلو حاجه منهد دنيا فوق روسكم نسيتو انا شكون

ديراكت واقفهم

مدومزال ماريا عنا اوامر باش نجيبوك باي طريقة

بسقت عليه ونطرت يدها بقوة من لكانو شدينها وضربتهم بكل قوتها بونية بالكارع ولا واحد فاهم تحرك والا هز يدو كلهم عيونهم في الوطا

فرغت غلها ومشات لغالي لمرمي في لوطا يان من الوجيعه دمو معبي وجهو بدنو مرضرض موش منجم يتحرك ترمات عليه تقاوم فيه

غالي قوم حبيبي قوم موش قتلك خليني نمشي من غير عذاب علاه تعذب فيا سامحني ياروحي انا سبب انا نقمه دخلت لحياتك حطوني قدامك باش يعذبوك ونسوا انو عذابي من عذابك ياقطعه من روحي نوعدك كل قطرة دم خرجت منك ذوقهالهم مرار

_كبس علي يدها يحب يتقوي علي روحو باش يقوم حتي وهو مدقدق موش مسلم فها مستحيل تخرج من هوني قمر

_قربت لوذنو وهمستلو نوعدك وقت لنجي نعرسوا نوعدك منسلمش فيك لزم نصفي حسابي باش نجم نعيش معاك نحبك

_ قمر لا

_اسس غالي امان متكونيش والله يقتلوك ومترفلهمش عين اياد لشكون تخليه وانا انا تحب تهجلني علي صغر سني حظنتو بقوتها بستو بقوة دمو مابين شفايفها همستلو في وذنو قول العصام (بدات المسرحية)وقامت من قدامو شدلها يدها في يديه موش حاب يسلم فها تقوي علي روحو باش يقوم بدنو خانو طاح في لوطا جاو يتجارو نحولو يدو منها بالقوي شدوه هبطوه في القاعه وسلاح في راسو

_ سيبو ياكلب

_البوس يتكلم)مدمازال ماريا لو كان تحب يعيش اخرج من غير مقاومه

_ باهي سيبوه هاني ماشيا معاكم

_ راسو في القاعه زوز شدينو تكلم بصيف قمر ماتخلينيش

_ نوعدك غالي نرجعلك ما تلوج عليا ستاناني غالي (خرجوها وهيا لبسة شورط قصير وخلعه دنيا بارده اول مخرجت لشارع نسمة مثلجه زرفلتلها بدنها مكنش همها في صقيع كل همها في غالي ولينجم يصير فيه )اربعه كراهب تحركت في اتجاه مصيرها كانت راكبه ومخها في غالي لمرمي وحدو في القاعه هو من لحظة لهزوها وطيشوه وهدوده بحياتها لو مايبعدهاش تقوي علي روحو جبد تلفونو يطلب في عصام عصام الي من خرج وهو سارح في البحر دبوزه في يدو يبكي علي زهرو وحظو لعطاتهلو دنيا كان في عالم اخر لكن صوت تلفون لمحبش يبطل وترلو عصابو جبدو باش يسكوا مايحب يكلم حد شاف رقم غالي يطلب تفجع اكيد فما حاجه عمرو مكلمو

_الو غالي شفمه

_ عصام ايجا لدارك توا قمر هزوها عصام (وعلق بقهرة بوجيعة قلبو قبل بدنو ماستناش حتي يفهمو شبيه)

عصام معرفش كيفاش وصل للبرتمان مليكلمو غالي قلبو مقيلو خير سيناريوات الكل جات البالو يسوق وهو يلعن ويسب في سيركلاسيون لعطلتو باش يوصل رحي طريق رحيان طلع يجري يلقي بابو مخلوع غالي مطيش في القاعه بدنو كلو مدمدم صدرو من فوق عريان معبي بدم

_ شبيك غالي وينها قمر تكلم هبط يخض فيه انطق قمر وين  متحبش تعكر

_هزوها من ايدي مدفعتش علاها هزولي روحي مني

_ شكون لهزها وشكون عمل فيك هكا

_ جدها جدها هزها

_ عصام وقف من قوة الكلمه جدها هزها مستحيل شمزال يحب منها علاش توا بذات اش حاجتو ضرب يدو علي حيط وصاح بالقوي

قمممممممممممممممممممممممممممممممر)

شهرين وهوما عايشين علي عذاب فراقها لا ليلهم ليل لا نهارهم نهار زوز يعرفو شمعنها نعمان كابريال مجرم دولي رحمة لا راجل اعمال ايطالي من جنسية تونسية مسيحي كاثلوكي متعصب لدينو ويكره الاسلام راجل رحمة مايعرفهاش عندو حصانه دولية لاكثر من دولة الفلوس تعمل هو سفير للنوايا الحسنة يحكم في القانون من داخل ومن برا رجالو في دولة معبية دنيا والاهم رجل ايطالي مسيحي يدافع علي المسيحيه وبكل قوة علي هكا كان داعم للكنائس في نشر دين

_ عصام عرف انو كلمة قمر وراها حاجه لزم يكون متهياء في انتظار اي حركه باش تعملها غالي نسي دنيتو وحياتو لا ليلو ليل ولانهارو نهار امو حارت فيه ولدو معادش شابع بيه مكثرية الحال يعداها في برتمان عصام ساعات في اخر ليل يجيه سكران يترامي يقولو نحب نرقد في الفرش لجمعنا عصام كان ساخف عليه وهو بيدو مكوي من نهار لدخل البيت وشاف دم عذرية حبيبتو فوق الفرش عرف انو هوا خسرها سايي

زوز اعداء خاطرهم حبو نفس المرا لكن فراقها خلاهم يتحدوا مع بعضهم باش يرجعوها حتي لو كلفهم حياتهم

مرجعها من سرحتها كان صوت رجال جدها لكانو يراقبوا فها مدومزال ماريا الفجر قريب يطلع لزمك تروح

_ هزت روحها بصيف متحبش تعكر مزاجها بكلابو لي ليسايبوها لا ليل لا نهار خصهم كان باش يعسوا علاها في بيت نومها طلعت فوق براق وضربتو علي رقبتو ---طار بها طيران هوما يجريو وراها كيف لكلاب المهم ماتغيبش علاهم عذبتهم فيرما كامله دور فها لا خافت لا من ليل ولا ظلام روحت شمس زرقت نقزت من فوق حصانها مدتلهم لجامو باش يحطوه في قاريطا طلعت باش

ترقد يزيها ما سهرت ملي حطت راسها علي الوساده جاتها صورة عايشة في بالها كيفاش ترقد وترتاح قبل متخولها ثارها هيا سبب في قتلانها صوت الكرتوش لتوا في وذناها عينيها بقات تعاود في نفس احداث نهار لفراقها بالحياء علي عشقها وفراقها بالموت علي ام رابيتها

اول مهبطت لقات روحها قدام مزرعه كبيره كلها خضار قصر مقبلها دنيا معبية برجال ليعسو في كل بلاصة في الارض والا فوق سطوحات حست روحها في قزارنا __امرها رئيس الحرس باش تتقدم تمشي قدامو بكل شموخ موش همها اش يستنها فها حتي لو الموت المهم غالي يعيش

وقفها قالها موش للقصر سي نعمان يستانا فيك لوطا

_ توجهتلو مستغربة لوطا فين

_ مزالت تكمل في كلامها يتحل البيسين لشيرتين ظهرلها دروج يهبط لوطا هبطت معاه وهيا قلبها يضرب في الميتين توا تاكدة من موتها

كان قاعد بكل وهره باكيته في يدو سيقارو في اليد لخرا سمع صوت خطوات حبست وراه تاكد الي سايي وصلت اليوم لزم يفرك رمانه اليوم تسقط الاقنعه دارلها بالكرسي بقا يشوف فها واقفه قدامو بكل قوة ماعلي بالهاش بلي باش يصير فها

_اول مراتو قلبها تقبض يعني هذا جدها هذا راجل الي يما جات دوسيات عليه يما حاولو يشدو طرف خيط باش يصيدوه هذا لحطملها حياتها ورادهالها جحيم لعب بها كي الميروينات استعملها وبعد رماها اكيد مهمتها وفات اليوم  لزم تموت هكا كانت تقول

_ اهلا ماريا هههه شنوا صدفة موش هكا مكنتش تتصور انو انا هو

_ مانيش حسبتك اصلا باش نتصور ونتخيل فيك اصلا انتي متعنيلي شي سوي مجرم لاعندو لا رحمة لا ضمير

_ هههههه ضحك بكل قوة وحط سيقارو في فمو وقام وقف مقبلها جبد دخان ونفخ في وجها – صدقتك تخيل بامارت ترعش توا حياتك مابين يدايا

_ حياتي بيد ربي موش بيدك ياجاك

_ هههه هاك طلعت تعرف اسمي

_ ولو معرفه قديمه انا وياك نعرف عليك شقيقة ورقيقة كنت متاكده انو جاك هو بيدو نعمان كابريال لكن انتي ذكي ضيعتنا الكل اما نوعدك موش مشكل مع الايام زملائي يكرفتوك

_ ههههه يكرفتوني توا هكا فما بنية تقول الجدها هكا

_ تحلم انا منتشرفش بجد كيفك

_ شدلها شعرها بيديه موش لزم تتشرف اخر همي بقا يثبت في وجها شعرها عينيها كل تقاسيم وجها تفكرو بنتو نوارتو لخطفتها دنيا بنتو لتحرم منها علي صغر سنها كل شي كيفها حتي قوتها وعنتزتها علي هكا حبها حب الاصرار لشافو في عينيها كل وين يجي للميتم شاف القوة والذكاء لكانو عندها منجمش يسامح امها انها تصداتلو منجمش يجيبها عندو يرابيها لكن ضعفو من ناحيتها خلاه يحميها حتي من روحو  خلق جدار صعب انو يتهد

_ شنوا مكش مصدق الي انا قدامك (نطرتلو يدو)

_ انتي ديما قدامي تتخيل الي انتي فيه شكون صنعو انا صنعتك انا كبرتك قريتك عمتلك عايلة عليت اسمك وشانك انا صنعتك ماريا انا

_ اسمي قمر الاندلسي حطها في بالك ورودبالك تخمم بكلامك اني نحن عليك شنوا تحب مني

_ انتي تعرف شنوا نحب

_ وانا قتلك لا

_ مفماش شكون يقولي لا ويعيش

_ مالا هاني عايشه

_ بكيفي

_ هههه شنوا عزرايل وليت

_شدلها ذراعها بيديه رودبالك تتحداني نمحيك

_ معندك متعمل كانك الموت نستانه فها ضميري مرتاح مع ربي

_ (خزرلها لبستها دزها بقوتو للي ترهوجت)باين ضميرك متهني اه شكنت تعمل مع غالي في بالك مافي باليش علي جثتي لو تخمم انو يوصلني

_ بشكون فكرك غالي بيه فكر بابا لفكلك بنتك وانتي تخزر تحداك وعايشك في ظلام طول هاسنين فكرك بشبه لبناتهم صح

_ سكر فمك

_ منسكرش ونزيدك زياده وصلني غالي وليت متاعو متاعو تعرف شمعناها لعملتو بنتك من ثلاثين سنه عملتو انا ههههه تاريخ يعيد نفسه

_ ضربها بكف باقوي قوتو فلقلها بيه شفايفها تكذب مستحيل

_ مانيش نكذب خلطت مخر سايي وصلني كنت معاه فرد

_ جبدها من ذراعها باقوي قوتو طاحت البكيته من يدو _ يافاجره يازانية منقتلك بيدي مندمرك شدلها شعرها بالقوي وغرسهولها في الوطا

كلبة فاسده منقتلك مندمرك دزها بقوتو شدتو نخزه في قلبو جنبو يسطر عليه جبد فرد من جنبو _ منقتلك كنت لزم نقتلك من اول جيت فيه نطفة حرام شيطان بنت زنا ليزي لعملتو فيا امك ختمتو انتي توا

_ كانت البسمه مرسومه علي فمها نهار لتحلم بيه تحقق تشوف فيه مذلول في قمة ضعفو دمرتو نفسانيا هكا لحبت عليه صوت هالة وهيا تجري وتلهث وتصيح بابا متعملهاش بابا يعيشك

موش مصدقا لترا فيه موش هاذي الام لربتها لحنت علاها وحبتها الام لتقولها ماما شباها تقولو بابا شنوا العلاقة لتجمعهم ببعضهم بقات مستوها تثبت في القدامها

بابا براس قمر لتقتلها يعيشك بابا

_ سيبني هالة لزم نغسل عاري بيدي

_ حلفتك بالمسيح بابالا تظرها صغيره وغلطت بابا موش انتي تقول كيف قمر اخزرلها بااابا نسخا منها قمر رجعتلك ياباب - بدات ايدو تهبط بقات تكلمي فيه وكل مره تسرق نظرة لبنت اختها بنت اختها لاول ما بوها قالها الي عايشه مصدقتش وكمل فرحها كي قالها نحب تتبانها فرحتها بشوفتها بعد كل ها سنين نساتها حتي في بوها مشات تجري تعنق فاها قومتها من الارض وبدات تعنق  وتبوس

_-قمر موش مصدقة لباقي يصير (انا فين سي علاء هههه)موش مستوعبة كم الحقائق لمتخبي لية سنين فاقت علي روحها دزتها وقفت تصفق تصفق بها التمثيليه لكبيره لعاشت فها _ انت موش مصدقا علاه شعمتلكوم حتي الحاجه الباهية في حياتي تلعط كذبه

_ قمر بنتي صدقني غالطه انا نحبك انتي قطعه من روحي راك بنتي

_ اسكت مانيش بنتك حسابك موش توا انتي وسي راجلك وانتي ياسي نعمان علاش هبطت فردك والا خفت جبان انت تعرف نكرهك ونتقزز منك كنلقا نشرب من دمك

_ تشرب من دمي يابنت الكلب مزال عندك عين وتحل في فمك اليم ندمك علي كل كلمه عملتها ماك تحديتني اشرب مالا وصاح لرجالو جيبوها

_ بقات تخزر وهوما جايبن عايشة في يدهم وجها كلو مشوه تمشي بصيف باينا معذبينها

مشات تجري تضرب فيهم بكل قوتها دز وتسب وتلعن معادش تعقل كلبت وهبلت تجنت جبدت الفرد من جنب واحد من رجالو جات باش تضربو سبقها بمقص طيرها بيه

مسمعت كان صوت كرتوشه وراجل لضربها مرمي بجنبها مخو مفلوق تسمع كان فيه يصيح ياكلاب واحد مزال يهز حتي صبعو علاها نمحيه هو وعايلتو مو ش مصدقة لتسمع فيه الراجل لحطمها يدافع علاها مكنش يهمها كان في عايشه نقزت تحمل فها وتمسحلها علي جبينها وتبوس فها عايشه سامحني سامحني شكون عمل فيك هكا قوم امي قوم نهزك قوم نداويك _ قمر بنيتي سامحني سامحني يابنتي عمري مغدرت بيك انتي ضنايا لمجبتوش مفقت بيهم كان سالوها من حظنها اكثر من خمسة رجال شدوها وهيا تتسكك وتصيح تشوف فاهم كيفاش يعلقو فاها في عمود ربطلها يدها فيه تشوف كان في عايشة تشهد وتعاود وتقول حياتي فداء للوطن عمري مخنتك ياقمر ولا خنت بلادي وجاتها كرتوشه مابين نواضرها ماسمعت كان جدها يقول

_ يكفي انك خنتني انا

_ هبلت لعنتوسبتو تصيح باعلي صوتها

_ سيبوني امي امي عايشه لا ماتمشيش وتخليني ماتمشيش وانت مخصمتيني لشكون خليتني عايشه قوم تملص في يدها وتعاود تحب تفجرو راسو تحب تقتلو تشرب من دمو

نكرهك نكرهك يامجرم والله منخليك تعفن في الحبس ياساقط

_ سيبوها مصدقت سيبوها مشات تجري الامها تحمل وتبوس دمها يقطر علي بدنها ايديها كلها دم تحرك فها موش مصدقا الي هيا مشات مشات ومعادش تشوفها _عايشه امان قوم متخلينيش عايشه موش انا بنتك موش انا حنونتك موش صغرونتك موش متحبش ترا دموعي قوم امسح دموعي عايشه قوم نهزك للحج موش انتي تحلم تزور المكه هيا عايشه قوم قوم عايشه عايششششششششششششششششششششششششششششششششششششششششششششششششششششاة

هبلت وجنت ولات تضرب في راسها علي الارض معادش فها حطمها بكل المقاييس مفماش مااصعب من فراق ام ماتت غدر فراق انتي سبب فيه

هالة تبكي بساكته علي بنتها لمشوية قدامه تشوف فيها كيفاه تخبش في وجها وبدنها تنتش في شعرها حستها هبلت جات باش تتقدم رجعها نعمان بيدها طلب من رجالو يهزوها لبيتها

_ هوما قربولها وهيا تفجرت في وجهم وقفت تضرب فاهم وتلعن تضرب بكل قوتها هوما لمنعوها باش تنقذ ميمتها وهوما بيدهم لضربوا غالي وطيشوه جهدها كل طاح وهيا تضرب وتلعن فشلت معدش فها اول مجات عينها علي فرد هزتو وبدات تضرب علي بعضو فاهم علي بعضو رجالو خرجو نعمان من فميكا يجريو بيه هو بنتو وخطفها البوس من وراها نحالها الفرد كبسلها بدنها عيطلهم باش يجيبو مهدئ لزم يهدوها كان يشوف في رجالو مطيشين في القاعه الي شد ذراعو والي شاذ كرشو والي مات سير بلاص موش مصدق القوة لعندها ديما يسمع علاها وعلي قوتها لكن مصدق شالي عملتو في اكثر من ستة رجال مدربين اقوي تدريبات سته فالو فها منجموش حتي يقربولها شدها بقوتو وهيا كي العاده تتسكك وتسب فيه خبشتو في وجهو في يدو وتبزق عليه

مهدات كان كي جات الفرملية زرقتلها حسها تراخات مابين يديه يسمع في الفرملية تقولو

_مسيو دنيال تنجم طلعها عملتلها مهدئ يراقدها ثامنية ساعات

_ طلعها لبيتها حطها علي الفرش امرهم يلبسولها حوايج جدد بدنها معابي دم خلاها وخرج باش يتصرف في المصيبة لعملتها معظم رجال ليخدمو مع نعمان جنسياتهم ايطالية لزم يتصرف ويفبرك موتهم علي انو حادث مدبر

وقت لفاقت لقات بيت غير بيتها راسها رزين موش متفكره شاي تسمع كان في مرا تقولها حمدلله علي سلامتك مدومزال ماريا

_ تخزر لمرا بلندا فوق راسها موش واعية بشي للحظات مخها تمسح بقات تحرك في راسها للي رؤية وضاحت نقزت من الفرش ديراكت تناحي في سيروم لفي يدها موش وعيه حتي جرح للي عملتو في ذراعها اعطاها تمشي تشوف عايشه

_ مزلت مخرجتش من الباب عرضولها زوز عرص وقفين قدامها مخلوهاش تخرج بدات تسب فيهم وتصيح وتضرب كان واقف بحذا البوس متاعو يسمع فيها تصيح امرو باش يطلع يهداها ويحكي معاها طلع يجري يحب يشوف شباها اكيد فاقت وموش باش تسكت

_ يشوف فها تضرب فاهم وهوما متحروكش من فم الباب كانو ذبانه تلمس فاهم صاح علاهم

_ ابعدوا

_ شافتو واقف قدامه راجل طويل وعريض ابيض عينيه زرق وجهو فيه شوي خباش ملي عملتهملو امس (دانيال هو رئيس الحراس  وهو الحرس شخصي لنعمان وايدو لمين كلفتو الاستخبارات الايطاليا بخدمة نعمان )قدمتلو تزرب تحب تعطيه علي جنابو حتي هو هيا مدت بونيتها وهو شدهلها رست علي سنها بغل مدت يدها لخري عاود شدها وباقي يخزرلها يثبت في ها القوة لعندها قبل بساعات كانت مهدوده وتوا تضرب في عميل استخبارتي مدرب بجل تدريبات العسكرية ولتكتكية فد وقت لشاف ساقها تمدت لساقو وفعلا طيحتو بمقص جبدها فوقو شعرها تفرت علي وجهو عينيها لاسروه فوق عينيه تبسم من قوة صدمه عمرو فحياتو متجرا راجل عمل هكا تجي فقسه توصل لظاهرو تعملو هكا لو كان مابقاش مركز مع عينيها مكنتش تنجم تغلبو ضربتو بمرفقها في بطنو قربت طلعلو بيه مصارنو بقي يتلوي نقزت من فوقو تجري هبطا لدروج وقف يجري وراها يحب يخلط علاها غلبتو يشوف فها تقرب لنعمان خاف للتتهور ويقتلوها جرا باقصي قوتو باش يشدها رجال نعمان دارو بيه عملو حاجر مابينها وبينو ملي راتو وهيا تتحلف فيه  -قاتلتو قاتلتو – لقفها في اخر لحظا دور يدو علي بطنها شنقلها مابين هوا وفضا رجعها بيه خطوتين لتالي قرب فمو من وذنها _ رودبالك اي غالطه تكلفلك حياتك شوف الفناصين معابين دنيا

_مكنتش تسمع فيه تنحيلو في يدو وتضرب علي ساقيه المهم توصلو ياقاتل يامقتول

_ تسمع فيه يقولو خلاها دانيال انا اصلا نستانا فها

_ شدها من ذراعها باش ماتتسيبش وتتهور

_ والله منقتلك ياكلب

_ صباح الخير ماريا رقدت بالباهي

_ مسخ جبان متحامي برجال كمشه كلاب كان جيت راجل قوملي

_ ههههه هاني قمت (وقدم جا قدمها يستفز فاها) يخزر لدانيال كيفاش شدلها يداها ضحك بقوة ههههه اي هاني مانيش متحامي في حد هاني قدامك شتنجم تعمل جات باش تضرب بساقاها جبدها دنيال ليه بقوة _ سيبني ياكلب بدات تضرب فيه شدلها يدها وكتفلها ساقها بساقيه نادي لرجالو باش يجبو لمينوت  نعمان رجع الكرسية موش مستوعب الي بنت بنتو كانت باش تضربو حط راسو فوق ايدو لمكليتها البكيته

دانيال شدلها يدها بالمينوت وقومها حتي وهيا مكتفه ساقها تلعب جبدها بقوه حطها قدامو وقالها في وذنها بزربه رودبالك تستفزو مره اخري غالي ينجم يقتلو في اي لحظه شماته فيك وبعد علاها خايف لا يشوفه يكلم فها بقا يكلم فها باش تقدم قعدها علي كرسي لقدام جدها حط يدو علي كتفها خايف لا تقوم وتعمل حاجه

هيا دم نشف في عروقها من كلمتو تعرف الي جدها مجرم كيف ماقتل عايشة قدام عينيها ينجم يتعاود نفس سيناريو سكتت بلعت سكينا بدمها كلام دانيال رجعلها وعيها لزم تفيق يزي ما خسرت خسارتها كبيرة لعايشة مستحيل تتقبل وجيعه اخري تكون هيا سبب فها

ملي قعدت قدامو يشوف فها كيفاه مسهمه في عالم اخر مركز مع تفاصيل وجها التاعب عرفها موجوعه منو ___ هزت عينيها لقاتو يخزرلها بتمعن لوهله حست انها شافت دموع في عينيه تبسمت باستهزاء عارفة لقدامها شيطان ميحسش تكلمت بصوت ضعيف

_ شنوا تحب مني

_ منحب منك شي في الوقت الحالي نحبك تعيش هوني

_ وبعد

_ وبعد لكل حادث حديث كل شي في وقتو حلو

_ وشنوا ثمن باش نعيش هوني

_ غالي وعصام يعيشو مرتاحين

_موش مصدقه تسمع ومبهمه حتي عصام وصلوا

_ متستغربش نعرف عليك كل شي نعرف الي عصام يحبك ومستعد يموت علي خاطرك يعني بسهولة نجمم نحققلو امنيتوا

_ قداكش نذل

_ يعيشك علي الاطراء

_والله وكان تمس شعره من غالي وعصام نسفر بروحك

_ههههه متخافش عزيزتي اما انتي طلعت تحبوا كثر من امو

_ شتقصد

_ امو هيا لقاتلي انك موجوده مع عصام ومشا باش يخطبك

_ اكيد تفدلك منين تعرفها امو

_ ههههه منين نعرفها تي نعرفها كان هيا امو هيا سبب لصار لبنتي

_ كيفاه سبب(ايدها ترعش موش مصدقة لتسمع فيه)

_ امو كانت تحب بوك

_ شنوا اكيد تفدلك انتي مستحيل هو اصغر منها بعشره سنين

_ عادي الحب مفيشو عمر علي هكا اول مسمعت بيه حب امك حاولت باي طريقة تبعدها عليه بوك كان يعرف الي خديجه تحبو علي هكا خرج من دار محملتش ولات تضغط علي راجلها باش يفرقهم وطلعتلو الف علة وصلت جاتني قاتلي نتحالف معاك مدامك موش راضي علي علاقتهم عاونتها بلي نجم باش نخلاها تنجح وفعلا نجحت في امرتها بيه

_ فرحان

_ ملول فرحت منكذبش عليك مكنتش نعرف الي بنتي وقتها سايي حبلة منو ومكنتش نعرف زاده الي هيا باش تتحداني وتهجرني وتقف في وجهي وقتها طردها قتلها معادش بنتي تبريت منها فرحت تتخيل الي بوك باش يستقبلها لكن بوك سايي وقتها تعبا علاها وزيد عرف الي هيا بنتي انا ومسيحيه وهيا كذبت عليه بديانتها طردوها وقالها موش ولدي واخرج من يومها ماريتهاش لحد مكلموني وقالولي الي لقينها في هنشير ميته تحت زيتونه وجابتك انتي والباقي انتي تعرفو

موش مصدقة لتسمع فيه ام راجل لتحبو سبب في عذابها سنين وسبب عذابها هيا توا هيا سبب فانو فكوها من حظن ولدها مخفتش علي ولدها لكان ممكن يموت علي هكا سمت اسم ولدها علي اسم بوها( ايه نعم خديجه سمات اول ولاد لها علي اسم راجل لحباتو )مخيبها دنيا ومخيبهم ناس كيفاش يخممو كان في رواحهم ومصالحهم

_ويني عايشه

_ تستانه فيك باش تدفنها قول جدي خايب محبيتش ندفنها قبل ماتشوفها

_ لا كان حبيت دزت الكرسي بيدها قامت ماشيا تلفتلو قاتلو عايشة متخرج كان بجنازه عسكرية هذا شرطي باش نبقي معاك لهنا

وهذاكا لصار تقامتلها جنازه عسكرية تليق بمرا ضحات بروحهاباش ضناها لمولدتوش يعيش

هزها نوم وهيا حاملة جبل هموم في قلبها كل يوم تفيق وترقد علي نفس نهار نهار ذاب فية ثلج وبانت عيوب ومساوء ذئاب البشر

واقفة قدامو تستانه فيه شباش يحكي فدا وخلوقها في صباطها وزيد نقصة نوم اول مره يطلبها في بيروه بيرو فخم من الخشب الايطالي العتيق مكاتب معبية بالاف الكتب باقيا تثبت وتعاود مكتبة كيف هاذي تساوي ملايين

كان يخزرلها كيفاه تثبت في الكتب يعرف عشقها بالقرائة  كان ديما يبعث مع بنتوهالة كتب جديده باش تقراها نطق من غير مايحس

_ المكتبة الكل علي ذمتك اي حاجه تحب علاها خوذها

_ يعيشك محشتيش قولي علاش طلبني

_ ستني هو جاي ساجد توا نقلك

_ جا ساجد (ولد خالتها وكان خوها بتبني وهو اول واحد عجبها )

دخل بعد ماستاذن

_ اهلا ولدي ادخل ادخل

_ قالولي طلبتني (بقا يخزر لقمر الي حتي عينيها مهزتهاش فيه عرفها مخذا في خطرها منو كيفاش مقلولهاش لكن ماباليد حيلة جدهم مستحيل يسكتلكهم كان يتكلمو اصلا هو عرف كان كي رجع من فرنسا من وقتها مراهاش )

-تفضل هاو جا قول اش عندك خليني نرجع نرقد

_ ترقد ماو كان جيت ترقد كي خلق ربي موش بايته تبرتع فوق حصان للفجاري

_(وقفت بغش)

والله حاجه متخصكش وقتاش نفيق والا نرقد

_ اقعد اقعد موش موضوعنا توا

_ ايواه هات اشعندك

_ قررت باش نخطبلكوم

_(زوز تلفتلو مستغربين )

كانك من قمر شاخت ضحك

ههههه متقوليش وليت خاطبة

دانيال كان وراه عرفو يخزرلها كيفاه تضحك ملا مهبوله بقا يقول موش كانت منرفزه توا ساجد لتوا حال فمو مره يخزر لجدو ومره القمر لمحبتش طبتل ضحك

_ جدي نقصد سي نعمان مفهمتكش شتحب تقول

_ شوف وولدي انا قررت باش نعملو خطبتك علي ماريا

_هههههههههههههههههههههههه هههههههههههههههه تضرب في يدها ببعضها كرشها وجعتها من ضحك

_ اسمع اسيدي هاك طلعت تعرف تفدلك

_ علاش نفدلك نحكي بجدي

_ سي نعمان انتي تعرف الي انا خاطب وباش نعرس علي قريب يحكي ويخزر للقمر متاسف علي الكلام لقول فيه

_ عاد شبيه قلهم مكتوب

_ خزرت لساجد وقاتلو قلهم مكتوب مكتوب عادي ههههه

_ يزي ماريا يعيشك شنوا تتخيلو الي هو يفدلك مزلت متعرفوش

_ لا نعرفو ياساجد نعرفو كان انا خلي قول لحب عليه مزال يحلم مسكين

_ ضرب طاولة بيدو باقوي قوتو من كلامها لدل علي عدم مبالاتها وخوفها منو

_اسمع ماريا عمري ما فدلكت في حاجه

_ وقفت قابلتو في وجهو قد قد –وحتي انا منفدلكش وجات خارجه

_ دانيال نحب ولد غالي يكون هوني في نصف ساعه

_تمصمرت في بلاصتها موش مصدقة لتسمع فيه مستحيل يكون بشر وحش شيطان بلوة بلاها ربي بها دارتلو ونار تقدح في عينيها

_اكيد هبلت ملايكه اشد خلو مسلمتش منك علاه

_ ظاهرلي قتلك ماتتحدانيش نعمل اي حاجه علي خاطر مصلحتي حطها في بالك

_ شنوا مصلحتك باش دمرلي حياتي علاش حطمتني

_ بالعكس نحب نقدمك للمجتمع نحب نتهني عليك

_ هبلت انتي مسلمه راني ميجوزليش

_ لا انت موش مسلمه انت تعرف هذا

_ انتي تحلم انا نشهد ونصلي ونصوم افهمها هاذي حتي لو غيرتلي ديانتي علي الاوراق مستحيل تناحي دين في قلبي

_ موش علي كيفك قمر افهمها هاذي رودج بالك تتخيل اني نرجع في قرار اتخذتوا موش انتي كنت تحبو ساجد ومعجبة بية وكلام لمكتوب في مذكراتك قريتو تمنيت تنجح باش تلحقوا لفرنسا هاني حققتلك حلمك توا وحلمتو هو زاده وخزار لساجد الي موش مصدق ليسمع فيه يعني قمر تحبو كيف ماهو حبهاجب عذري مافق بيه كان كيف بعد علاها لكن دفنو في قلبو هيا اختوا بتبني منسبا ليه جرم ليعمل فيه دفن سرو في قلبو وخباه سنين موش عارف حتي جدوا شكون حكالو

_ كنت هاك قلتها كنت مراهقة وصغير كنت نتخيل نحبو ظهرت معجبة بيه خاطرو حنين معايا بعد فقت الي هو موش حب مجرد اعجاب واختفي علاش تحير في دافاتر لها سنين

_ تعدي من قدامها حط يدو علي كتفها _ نفذ ماريا من غير صوت

_ لابسه روب سيران طويلة  ظهارها عريان   ايدها ترونسبارون  سوده كي حياتها مكياج غامق عيونها اكتست بالاسود وشفايفها بلون احمر غامق لون حطتو دلالة علي القوة والصمود حتي ولو سيجو حياتها بالظلام فنور اتي لا محال

هبطا في دروج بخطي راكزه صوت تالون متاعها ينقب الارض القصر معابي برجال الاعمال والبرجوازية رجال الدولة والقانون ناس متوزعه في كل مكان يستنو في حفيدة نعمان كابريال وخطيبة حفيدو البكر لمستلم كل شركاتو  صوت تالون خلاهم يخزرو ويثبتوا في حورية من حوريات الجنة جميلة من جميلات الف ليلة وليلة اية في الجمال صمت كان سيد الموقف كلهم بكشو نسا ورجال يحبو يركزو في كتلة الجمال لقدامهم نعمان كان واقف بكل فخر وشموخ يشوف في حفيدتو لتسحر الاعين تمشي بكل فخر وبكل عزه رغم بكاءها ليه وترجيها باش يرحمها الا انو في يوم وليلة تقلبت من مرا بكات تحت ساقية باش يمسش غالي ومستعده تخذ ساجد لمرا ثائره قوية تخزرلو بكل قوة كانها تحب تقولو انا موجوده لن انحني لن اذل  دانيال باقي يري ويملي في عينو من مرا سحرتو بقوتها وتوا بجمالها

ساجد مكنش بعيد علاهم فرحتو انو وصل لليلها متتصدقش  يشوف فها كيفاش تمشي كتلة اغراء علي حالها وزاد الفخر كيف را اعجاب الرجال بيها حس روحو هو المنتصر قدملها باش يعرضها في اول درجه اول موصلت بحذاه تبسمتلو بهت هاذي لامس تقولو نكرهك ومستحيل نخذك هبط بسلها يدها  امو فرحانه من قلبها تشوف في بنتها ولاد يتبسمو موش عارفة بنار لفي داخلها

قرب جدها منها كل واحد يخزر للاخر عيونهم حكات للي لزم يتقال سهرية كامله والبسمه الحزينه علي شفايفها لراها يعرف انو تكابر تحب تبين فرحتها ناس توشوش شباها لطف يقولش عليه عزاء وناس تمجد وهيا تسمع وساكته بلي يقولوه تنفذ هات اعطاها تكمل وترقد برك جا وقت تلبيس خاتم جدها طلب باش تدخل لصحافة الي من بدات سهرية وهوما يدزوا يحبو يصوروا واخيرا حصللهم شرف باش يقابلوها يقابلو حفيدت البيوليونار لارستقراطي كانت صدمتها بفلاشات الصحافين خناجر علي قلبها عارفة غدوه باش تفجر زلزال في قلب راجل عشقتو راجل من يوم لدخلت حياتو ما عطاتو كان شقاء

مستحيل تعاديهالو بساهل غدرها كيف عادتو وقت لطلب من صحافة تصور عارفة انو قصدو يحرق قلب غالي نظرة الاستهزاء لفي عينيه واضحه  لكن هيا مستحيل تعاديهالو مستحيل ترضخ كيف ماهو حطها قدام الامر الواقع  _ليلة كامله وهيا تشطح مخلات ومابقات الكاس مهبطش من يدها ناس حلا فمها طاق هاذي الارستقراطية ليحكو علاها نعمان بقا مصمر في بلاصتو صحافة الكلها تصور ----ساجد فشل معادش فية من الي راه فية ومن كلام ناس لباقي يتقال صالة ردتها كباري نحت طالون طالعت فوق طاولة وبدات تميل علي غنية بوس الواوا ليك الواوا رجال لفي صالة الكل شعلو ولو يصفرو نسوا مكانتهم الاجتماعية  مشات الشايب باين برجوازي من البكيته لفي يدو  بدات تشطح وتتزعبن علية نحت البكيته من يدو وجبدتو بها من رقبتو وهو مكانش من العكسين قام يميل وقفتلو مرتو تجبد فيه "مالا حالة جين الخطبة ظاهرلي موش كباري مخلات ومابقات صالة بدات تفرغ وهيا ولا علي بالها بلي باقي صاير شايخه ومستكوزية في مخها نعمان طلع البيتو معادش حامل المهزلة امر من دانيال يخرجها  صالة فرغت من ناس هالة وراجلها طلعو وهوما مصدومين ليزي ليصار والفضيحه قدام ناس مكانتهم الاجتماعية تمست ساجد طيش كارفاتو  وخرج لجنينه موش مصدق ليصار في لحظة تحولت لبنت شوارع فضحتو وشمتت فيه ناس

دانيال باقي يتبع في هبالها يتبع فها وهيا حافية تمشي وهزها روبتها ساقيها ظاهرين شعرها سيبتو بقا يلعب بيه ريح منظر ساحر يرا فيه  جات علي الارض وقعدت تتفرج في نجوم وهيا تضحك وتعاود

_ سايي مدومزال ماريا وفات المسرحية

_ هههه مسرحية مزالت غير مابدات يا سسمك

_ علاه عملت هككا

_ علاه انا شنوا عملت

_ (تبسم بخبث)نعرف الي انتي موش سكرانه والي كنت تعمل فيه الكل مصتقصداتوا ولكنت تشرب فيه صودا

_ هههههه (غزرتلو تذبل في عوينتها)

_ موش مشكل احمد ربي فقت بيك كان انا والا صدقني متعرف شكان يستانا فيك

_ هاك طلعت خبير

_ ولو دوماني

_وقفت ستوات روحها ورجعت كيف مكانت_ نحيت غمه علي قلبي

_ (باقي مركز مع وجها)

_ شبيك مضيع حاجه عندي

(هبط عينو وحمحم)لا اما تصرفك المره هاذي موش محسوب

_وقفت جات قدامو قد قد وحطت صبعها قدام عينيه _من اليوم تصرفاتي الكل موش محسوبه خافوا مني

_ مفماش علاش باش نخاف منك والي باقي تعمل فيه باش يحرقك رودبالك

_ تعادات من جنبو –مرسي علي نصيحه

_ بقا يخزرلها كيفاه تمشي حك خشمو باطرف صبعو مبهور بقوة شخصيتها عمرو مرا مرا هكا عمرو مانجذب المرا بطرقة هاذي رجع لليخدمو معاه لزم يلقي حل في المصيبة لعملتها

فاقت صباح راسها يوجع من كثرة تخمام  عملت دوش لبست احسن معندها مكيجت وهبطت وهيا ولا علي بالها لقاتهم  قاعدين علي طاولة لفطور لواحد فيهم ياكل ناس الكل تخمم ساكته جات قاعدت وكانو مفما شي

_ صبحت عليهم  وهبطت تاكل موش هنا كلهم يخزرلها موش مصدقين وقاحتها

_ صباح الخير بنتي لباس اليوم شتحس في روحك

_ لباس مدام هاله في فورما كبيره وزاهية موش البارح خطبتي

_ نعمان راس علي يدو بغزول يتمني يقوم يدقدقها

_ تكلمت ساجده _اناهي خطبة امي لتحكي علاها لفضحتنا فها ليزي هبطة لبسة الاسود يقولش عليه عزاء وليزي سكرانه خيط شطيح ورديح يوقلش علاها بنت شارع

_ (هزت عينيها مستغربة انا عملت هكا )

_ متقوليش مافيبالكش وناسية لغة هاذي خلاها عندك

_خزرت لدانيال لكان وقف بجنب نعمان مصدوم سكت ضربة واحده

صدقني مانتفكرش جملة توا انا متاع شي هاذا حرام عليكم ذنبي في رقبتكم وليت نشرب جملة اه ياربي شمازال يستنا فيا (وبدات تذبل في وعينتها باش تبكي)

_ وقفت مشات لساجد متقوليش تفضحت ياساجد ياناري عليك وعلي روحي اف ملا عمله كلبة عملتها اليوم مواراني صحافة الكل كاتبة رجل الاعمال ساجد يتزوج بنت شوارع (ايديه كابسه علي الكاس باش يكسرو) تعدات لجدها وقفت بحذاه توا انا متاع شي هذا تعرفني منعملهاش مفيباليش الي شراب هذا كريتكم انتم تشرب وتقول بصحة دم المسيح تخيلت وجي دو فراز

دانيال سايي معادش فيه زاد حطت ايدها علي راسو _ عليك بشهاده دانيال انا متاع شي هاذا _اه نسيت متعرفش شهاده انتي

بقي يخزرلها موش مستوعب ها الكارثة حرقتلهم عصابهم ببرودها هو قريب ليصدقها بقا يخزرلها ويتبسم قريب يشلق علي روحو سكت معندوش الحق يتكلم مشات رجعت شدت كرسها قالت للبون تجيبلها جريده

_ صاح بقوة _ متجيب حتي جريده

_ هدي روحك بابا

_ قولي كيفاش باش نهدي ياهالة كيفا شريت الفضايح لتكتبت اليوم في صفحه الاولة انا لعمري الكل اسمي نظيف  عمري ماتمسيت اليوم صحف تونسية والاجنبية تحكي عليا

_ تشرب في قهوتها موش هنا _ بقي يخزرلها دز الكرسي بقوة ماريا اطلع معايا البيرو

_ مزالت نفطر جيعانه نكمل ونطلعلك

_ كلهم ايدهم علي قبلهم عرفينها باش تخلا رجع جبد غطا طاوله الكل جا الفطور مكبوب كلهم وقفو مفجوعين حرب باش تقوم متاكدين _

_ اخر مره ترد في وجهي تنفذ فقط (يتكلم وراس علي سنيه )

_ تكلمت بتمقصيص _اكهو نبقو جيعانين توا اقعدوا اقعدوا لحظات ونجي

_ طلعت لبيرو وهيا تتبسم موش هوني كان مواجه لشباك ينفخ في دخان ويعاود

_ نحن هنا

_ قوم مقتلكش اقعد

_حاضر انا راني نموت علي تنفيذ الاوامر

_ باش تمشي للمكسيك اليوم

_ ظاهر فيك غالط البارح خطبتي موش عرسي كيف نعرسو ابعثنا فوايج دوننس

_ باش تبقي ثامنية ايام وتجي

_ ههههه ايه اشبيه باسبوري حاضر

_ باش تهزك طايرة خاصة

_ اوكيتو

_ مكش باش تقول علاش ماشيا

_ نعرف علاش ماشيا

_ دارلها مستغرب

_ متستغربش كيفاش عرفت حتي انا عندي عصافر يقولولي اما نحب نقولك لو كان انا باش نمشي اعرف الي انتي باش تتحرق وامبراطوريتك الكل باش توالي ملكي وانتي مكانك سجن انتي وعايلتك حلقة تدور مسيو جاك

_ بدي يرخف في كرافتو جنبو  يحس فيه تشل

_ دانيال دانيال

دخل دانيال لبيرو يزرب يلقا نعمان شد جنبو والعرق ينز في جبينو (ديراكت مدلو كاس ماء هيا تخزرلو بكل شماته )

_ شوف سي نعمان اهو باش نحكيلك وانت تختار وقت لبعثتني لايطاليا تم الاتفاق معايا لو نحب ننظم لمجموعتهم والا من وقتها وانا نفكر تنجم تقول اكيد انتي تعرف الي هوما مستعدين يستانوني طول لعمر وقتها كنت نعرفك علي اساس جاك مكنتش نعرف انك جدي لحد ماريتك وانت مقصرتش في تعذيبي كيف ماحبيت وكملت ختمتها بالخطبة البارحه الي كانت مجرد شماعه باش توصل للي تحب عليه انا نعرس بساجد معادش عندي الحق باش ندخل للمنظمه لانو مرا متزوجه ممنوع علاها دخول

_موش صحيح نحب نحميك

_تكذب اسكت البارح جاني ملفك كامل تعرف الي انا في لحظه هاذي نجم ندخلك للحبس ننفيك ونعذبك كيف ماحبيت

_ وشنوا لمنعك

_ الي منعني مصلحتي اكيد

_ الي هيا

_ تبقي انتي في منصبك وانا نرفض اني نشد بلاصتك

وشنوا لمطلوب

_ ساهله برشااا تقتلني

_ شنوا كيفاه نقتلك

_ هههههه فرحت اكيد

_ تقتلني بمعني طلعلي شهادة وفاة مزيفة وتعملي اسم جديد وسجل جديد وكاني تخلقت من جديد

_ وعلاش تطلب مني انا ظاهرلي انتي اليوم وليت بنفوذك اكثر مني

_ منحبش نستعملو نفوذهم نحب نعيش انسانه عادية

_ ومن بعد

_ تانسي الي عندك طفله اسمها قمر وعايتلتي انا وغالي تنساها واي شوكه دقهم انتي المسؤول

_ كانت تتخيل باش يسيبوك تحلم

_ لا متخافش عليا هككا انا نعرف نحل اموري معاهم

واذا موافقتش

_ موش مشكل اعرف الي من اليوم الي انا باش نشد بلاصتك

_ اما انتي طلعت تخوف

_ هههه موش يقولو دم يجبد هاني ربحت منك ذكاء علي الاقل

خمم وقولي

دانيال هبطها لوطا قوم معاها بالواجب نحبك تنسهاها في اسمها لوتتخيل اني انا ممكن نسلملك بسهوله تحلم انا لصنعتك وانا لنمحيك

_ مربوطه في نفس العمود لماتت فيها عايشة بدنها يقطر بالماء شفتها مفلوقة  دايخه من كثرت الكفوف لكلاتهم  واقف قدامها بشماته يضحك علا سذاجتها كيف تخيلت تتحداه

_امرهم باش يصبو علاها الماء باش تفيق

_ حلت عينيها بصيف  راسها رزين عينيها زرقة من ضربو مخلاش حتي حد يقرب يضربها هو لتفنن في تعذيبها قال منحملش شكون يمد يدو ويضربها علي هكا ضربها هو

_ دانيال كان يخزرلها بكل شفقة يحب يكسرلو ايدو لتعذب فها اما هو عبد ماءمور نعمان خدمه مكلف بها لزم يتممها علي اكمل وجه والا هو وعايلتو يتمحوا

_ قد مضربها لبكت ولا ترجتوا باش يسيبها مااكتفت كان بضحك وتسميعو لكلام

_ ههههه هذاكا حدك في ضرب كبرت انتي سايي

_ سكر فمك انتي تتحدا فيا مخلش لقولي لا من لول كنت لزم نقتلك

_ اقتل شبيك خايف ماك راجل اقتل

_تخدر من كلامها مستحيل تغلبو ولدت امس جايا تستفز فيه صحيح هيا حفيدتو اما علي خاطر المنصب مستعد يقتل حتي بنتوا المهم يبقي في القمة ومايضيعش تعب سنين وهرتو وبريستجو ناس لتخاف منوا اسمو ليتعملو الف حساب جبد فرد عمرو وقرر باش ينهيلها حياتها حياتها الي هو صنعهالها

_ شهد علي روحك هاك باش تلحق علي امك

_ _ محسوب نستانه فيك باش تفكرني بشهاده تفيه عليك

_ ضربها بكف دورلها بيه راسها حط الفرد في راسها غمض عنيينه

_ قبل ما تقتلني نحب نتمني امنيه

_ حل عينيه وهو يضحك ههه تدلل نحقولك الامنية

_ نحبك تقول الغالي الي انا حملة قطعه منو في بدنو

_ مستحيل تكذب

_ ههههه  موش لزم تصدق حققلي امنيتي وقولو كنا باش نكونو اربعه  في العايلة اما مسهلش

_شتقصد اربعه

_نقصد الي انا حبله بثالثه في كرشي

لحظات ودبو تعبي برجالو كلهم مواجهين سلاحتهم ليه  حس بفرد محطوط علي راسو دار موش مصدق دانيال الي يثق فيه من سنين موجهلو سلاحو

_ هبلتو انتم تعرف مع شكون  تتعامل ندمركم

_ هز يدك الفوق مهمتك انتهات

_ ههه شوكون لقرر انتي

_ المنظمه هيا لقررت ومدلو تلفون بقا يسمع موش مصدق الاوامر من اليوم هو يخدم تحت ماريا من اليوم هو عبد عندها ولف بينا يا دنيا

_نرجعو الغالي الي من نهار لقرا لخبر موش مصدق حس ايدو مربطه عجز علي انو ينقذها لعن روحو علي ضعفوا نسي دنيا ومافيها من نهار لقرا فيه الخبر انها تخطبت وهو في عالم اخر من يومها حتي المزرعة لتقامت فها طلعها بعد اسبوع لوج علاها لكن كي مشا لقاها فارغه البيبان الكل تسكرت في وجهو عصام عاونو بلي يقدر زوز يواسو في بعضهم اكثر من تسعه شهور مسمعوش خبر عليهم رجع يخدم بصيف يحب ينسي الالم لفية اليوم نهار اخر يقوم فيه مافيشو قمر في حياتو يخدم بصيف يعدي في الايام تعديه باقي عايش علي كلمة واحده غالي استاناني باش نعرسو واثق فها متاكد الي قمر باش ترجعلو علي هكا يهز في روحو ويقوم يحب يتغلب علي ضعفو

_كمل الخمسة متاع العشية لخدمه تاعب ومتيقر يستنا وقتاش يروح الاياد علي الاقل يناسيه في همومو شوي هو مزال ينحي في تابليتو وتجية الفرميلة تجري

_ مسيو غالي اجري اجري مريضة باش تولد محبطتش تولد قالت الي ميجي مسيو غالي يولدني

_ شتحكي انتي وشكوني هاذي وين نعرفها انا واصلا موش اختصاصي

_دكتور يعيشك حالتها خطيرة خوذ بخاطرها وامشيلها

مشا يزرب يتبع في الفرملية ليزي تاعب وفادد زيد المرضي يتشرطو عليه _ دخل للبيت لولاده موش مصدق ليرا فيه قمر فوق طاوله وهيا تصيح بقي مصمر في بلاصتو تسعه اشهر يلوج علاها تسعه شهور هبل وضبع ملقاهاش وهيا توا فوق طاولة تولد سيناريوات كل جات في بالو بلك يحلم يتهيا واذا كان هيا قمر  حبلة من شكون ما فاق كان وهيا تصيح

_ ياغالي والله منقتلك فيق شبيك مستوه

_ قمر موش مصدق

_ ياولدي انقذني ولدني اه

_ لفر يضحك والا يتوجع من صياحها مشا ديراكت يحمل فها ويبوس

_قمر حبيبي مانيش مصدق انك قدامي

_ دز فيه ياولدي شوي اخر معادش تلقاني راني باش نموت

_ سمله عيلك لحظه لحظه دكتوره ولدها شبيك تتفرج فينا

_ جبدتو من كول سوريتو وهيا تصيح ولدتني انتي انتي امان انقذني

_ مانيش طبيب نسا حبيبي يعيشك متصعب هاش عليا

_ لا انت تولدني والا والله لا ولدتها

_ اف منك قمر جا ماشي رجعلها ولدي موش هكا

_ ضربتو برجالها والله منقتلك ياغالي ولدك باش يموت وانتي تسال

_ موش مصدق يزرب يلبس في لي قون مخو موش فوقو يولد فها وايدو ترعش قلبو يوجع فيه ميحملش دقة شوكه فاها خلي يراه فها توجع وتتالم اول ماخرج البيبي لولاني موش مصدق الي هو شاد يدو في ولدو فرحان دنيا موش سيعتو

_ يسمع فها مزلت تصيح

_ اه غالي ولدتني شبيك بطلت

_ اه

_ مزال مزال فيسع باش نموت وكي العاده مولدها كان مسبتو الف سبة ولمره الثانية يجنح بالفرحه موش مصدق الي ربي عطاه توامه بعد  ماتحرم  انو تكون عندو ولا داخرين

_ غالي غالي ياربي باش نموت

_ وفا سايي علاش تصيح

_ موفاش مزال ثالث

_ حل فمو طاقة موش مستوعب الي تقول فيه

_ ياولدي ولدك باش يموت خرجو امان بعد ابهت  خرجت قمرة علي يديه فولة علي امها ثلاثة نوارات ولدهم بايدو من احلا مرا ربي رزقهالو احلا كادو جاه بعد صبر سنين

_ متكية علي صدر تلعب عليه ينهجوا من قوة رغبة موش مصدقين الي هوما مع بعضهم

_ حبيبي

_ ياروح حبيبك

لتوا تحبني كيف قبل

_ موش نحبك نعشقك يانور عيوني  انت احلي مرا في دنيا واحلي كادو عطاهولي ربي

_ زعمه ملي جاو صغارك نسيتني

_ انا ننساك حبي معادش تقولو ها لكلام صغارك نعشقهم خاطرهم منك

____ نعرف محلاهم يتقرمشو تقرميش

_ مهبوله

_علاه مهبوله

_وين نتفكر كيفاه نولد فيك موش مصدق وانتي كل شوي تقلي مزال مزال

_ ههههه حبيت نفرح بعد عذاب تسعه شهر مالقيتش احلي من فرحت اني نرجعلك وفي كرشي ثلاثة قطايع منك

_ سمله علا ولادي من القطايع

_ نعرف اليم تحبش تحكي فيه الموضوع وين كنت في تسعه اشهر وشكون قتل جدك

_ منحبش نحكي فيه الموضوع وجدي مات الله يسامحو خليني نعيش معاك معادش تفكرني في الماضي

روحي هو كيف ماقلت الله يسامح واش علينا فيه وين كنا احنا

_ كنا هنا وين كنا (تحكي بتزعبين وتمشي في يدها علي صدرو)

_ متوحشك متوحشك قد دنيا ومافها ويبوس في كل بلاصة في وجها

_ حبي قوم خليني نمشي نشوف صغار

_ تحلم انتي انك تقوم

_حبي تعبت سايي

_ شنوا تعبتي يابنتي لا يزي تسعه اشهر غايبة وزيد ستنيتك الاربعين لزم تخلص وهبط علاها يعيشق فها بكل حب يمارس في الحب بوحشتو بمعزتو بهيام بالمرا لسكنت فيه من سنين

_ ويبقي سؤال شنوا كان ثمن رجوع قمر لغالي وعلاش رفعت الاسلحه في وجه جاك كابريال وما هيا الاوامر لاعطتيات لدنيال  وهل قمر من اجل حبها باعت وطنها))))))))))))))))))))))))))))))))))))))))))))))))))))))))))))))

• غرد
• شاركه
• شاركه
• شاركه
• شاركه

YAFFA گرونيـﮯگآت يـﮯآفآ

أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين

مقالات قد تهمك