ستني ستني
متقوليش انت لضربتو موش هكا
_ وشنوة سي نعجة
جاك يتشكي
_ خسارتك والله
سي نعجة لتحكي عليه مجبدكش وانا نقول شبييه حكا معايا هكا عيب عليك
_ عيب عليا ولا
عليك أنطق وين ريتو قبلتو يعني اه
_ نحي يدك شهاب
مقبلتوش ومنسمحلكش وفا لكلام بيني وبينك معادش عيشة هذي أنت انسان انتهازي وأناني
لو تتصور باش تتحكم فيا تكون غالط لو باش تتصور باش تذلني تكون غالط ولعملتو ليوم
يبين حقيقتك انا وياك منركبوش علي بعضنا بلكل وتعرف كلام محمد صحيح
_ خمم في روحك
وحبها اكثر من حد اخر وانا
(جبدها بقوة وقص
عليها) أه يعني سي طبالة يعمر فيك عليا
_ مكش عادي
سكران انتي ليلة موش هكا (من لدخلت شمت ريحة شراب وكذبت)
_ موش نسكر برك
تي نزطل وياربيش نعدي لريتو طحنتني ريتني منسوا شئ
_ احترم روحك
(بعدت عليه تصيح) وفا لحديث معاك هوني وفا ألأف مرة نقلك منسمحلكش مانيش صغيرة باش
نغلط نعرف حدودي بلقدا ومنسمحلكش تتهمني اتهمات باطلة ..ولو تتصور باش نتذلك
ونتقيد بفكرك ليصورلك لمرا مجرد عاهة توسخ شرف نقلك غالط ستوب شرفي يخصني أنا قبل
مايخصك انتي يخص بابا قبل مايخصك انت ويخص راجل لحبني موش راجل يعتبرني مجرد ملكية
بمجرد ورقة بيني وبينك
_ ورقة بيني
وبينك
_ ورقة ونوعدك نصحح
ونميحها لورقة من حياتي
_ شتقصد
_طلقني
_ كلمة نزلت
عليه كيف صاعقة كلمة مستحيل كان يتصورها منها وهيا بذات هيا لسعات باش تعرس بيه
سعات باش توصلو وفي جمعتين تطلب طلاق شئ حبسلو مخو وخلاه يجن كمل لكيسان لشربهوم
مخلالوش مخ بلكل
حلقة 87
يافا
يعني تحب طلقني
_ كأنك حاضر
(وتعدت لدرسينغ تجبد في لفاليز مخها مشوش لدرجة أنو معادش تخمم غير في كرامتها
لمجروحة وقت لحطت لفاليز فوق لفرش يدو لتمدت بقوة وجبدت لفاليز رماتها علي لبلا ر جا
لقاش خلاتها تلصق في لحيط من لفجعة وجها تغصر من لخوف كانت عروقو ظاهرين جبينو
عارق وجهو أحمر مغصور ...عينيه حمراء قدملها كيف ثور لهايج ...يدو لقوية جبدتها من
شعرها بقوة وقربتها ليه
_ ريت معاشتش في
دنيا لطيحلي كلمتي وقيمتي ولول تتصور زواجك بيا لو يان يد نقلك تغلط موش انا ليدو
تتلوي ولو تصورت لانا لعبة باش تخذها تجربها وتفد منها اول متوالي ليك هوني تغلط
فهمت دخلت لمسلك غالط ومستحيل تخرج منو كان وقت لانا نقرر وريتو مخك منعاود نبرمجو
من جديد ونبدلك سيستام لكنت عايشة بيه وتوالي كيف ما أنا نحب وقتها وقتها برك أنا لنقرر نخليك ولا نخرجك
_ تحلم (تحدتوا
بقوة بعين باكية وقلب مكسور رغم وجعية يدو لفوق شعرها رغم وجيعتها مضعفتش كانت لزم
تكون قوية موش قوة مصطنعة كيف ماقراتها قمر قوة نابعة من قلب عاشقة متليعة مجروحة
من كمية سم لضخوا في قلبها شواها وكواها بكلامو اكثر من معاملتو ليها
_ باش
نحلم باش نحلم تهني من ليوم حياتك باش تكون كابوس
_ دزتو بكل قوتها
....تتهدد فيا تتصور مفماش قانون تتصور قطعة حبل جايبها واد ولاناسي أنا شكون
_ هههه لا موش
ناسي انت شكون ويعني تتصور باش تخوفني هكا
_ قداه كنت
مخدوعة فيك غلطت وقت لقرنت أسمي بيك خرجني من حياتك أبعدني جات خارجة شدلها يدها
_ وين علي خير
_ سيبني شهاب
باش نخرج معادش نحب نبقي هوني معاك سيبني أبعدني
_ ريتها لبيت
هذي مستحيل تخرج منها
_ مشات تزرب
لصاكها تجبد في تلفون بقا يخزرلها في شكون باش تطلب يشوف فيها حطت تلفون في وذنها
قدملها يزرب جبدو من يدها بقي يشوف في لأسم ستغرب خزرلها موش مستوعب
_ علاش تطلب في
غالي
_( قالتها بشهقة
)خاطر خويا خاطر غالي عمرو لكل واقف في ظهري ولو تتخيل باش يخليك تعفس عليا تحلم
ولو تتصور لانا معنديش خو يقف في ظهري نقلك تحلم غالي يمحيك من دنيا علي خاطري
_ عض فمو علي
كلامها حس بروحو زودلها يشوف فيها كيفاه تحكي بكل خوف ..عينيها تقطر بدموع ...حط
يدو علي وجهو يكلمي في روحو
_ (تعكزت علي
علي لحيط صدرها يتهز ويتحط بلغل ...بدنها لكل يرعش .) خرجني من هوني شهاب
_ شهد معندك وين
خارجة
_ معادش نحب
نبقي معاك سيبني يعيشك انا وياك مناش لبعضنا ومستحيل نكونو لبعضنا انت خذيتني
محبيتنيش وانا كنت متصورة لحبيتك لكان لحبيتو موش انت غير سيبني يعيشك
_ كرهتني
_ شهاب
_ (قص عليها)
قلي كرهتني لو تقولها تخرج منها لباب وتخذ طلاقك لتلوج عليه
_ كرهتك خرجني
_ متأكدة
_ شهاب يعيشك
يعيشك
_ غالي خير مني
موش هكا علي هكا ستنجدتى بيه راك نادمة تقول لو حبيت غالي راني مرتاحة
_ غالي نحبو كيف
خويا وعمري لا خممت فيه بطريقة لتخمم فيها باش متشكش ماو نعرف مخك وين يخمم
_ يعني مخي خامج
تحب تقول
_ شهاب حديث
عقيم مفماش علاش نبقوا نتناقشو فيه
_ قولي كرهتني
_ قتلك
_ قلها من قلبك
موش شفايفك
_ علاه تعرف لغة
لقلوب انت عندك قلب حتي وتفهم
_ لهادرجة تشوف
فيا منحسش
_ واكثر ماتتصور
_(قدملها وقف
قدامها كانت باش تبعد عرضلها يدو وحصرها بين لحيط )قلي نكرهك وأنت تخزرلي في عيني
_ هزت عينيها
باش تقلو لكلمة خارجة من شفاه وقت عينيها قابلت عيونو لسان فلج ولقلب هاج ودقاتها
فضحتها كمل قربو وريحتو لذوبتها رغم لصار ورغم نكران حبها أقوي من كل الأفعال
المسيئة في حقها كأنثي "لحب أسمي أنواع لمشاعر ولا يندثر بسهولة بأفعال مسيئة
حتي وأن كانت جارحة ومهينة "
ميعرفش علاش
وكيفاه خمم بغربة خمم انو يقوم في يوم مايلقهاش قدامو ..مايلقهاش يعاركها ويتلاكش معاها
ميعرفش علاش حس أنها صادقة للحظة حط جبينو فوق جبينها ...وحكا بوجيعة تحب نطلقك
نطلقك شهد خوذ حريتك وخوذ راجل ليحبك وليسعدك مدام كرهتني مدام أنا موش كيف غالي
...وبعد عليها بقا يخزرلها كيفاه تبكي هز يدوا مسحلها دموعها باطرف يدوا ...معادش
تبكي من ليوم توا تخذ حريتك لتحب عليها بعد عليها يمشي بخطي رزينة جبد لفاست متاعو
وجا خارج صوت شهقتها وقفتو دار لقاها قاعدة علي الأرض حطا راسها بين ساقيها تبكي
وتشهق قلبو وجعوا عليها قدملها وقعد علي الأرض قدامها
_ علاش لبكاء
توا قلي شهد موش قتلك معادش تبكي شهد
_ هزت راسها تخزرلو
بعين مكسورة بعين مشتاقة أنو ممكن فعلا تخرج من حياتو ومعادش تكون معاه ..
_ علاش ها نظرة
هاك باش تخرج من حياة راجل تكرهو
_ عمري منكرهك
(قالتها وهيا تشهق )ومنحبش نخرج من حياتك
_( كلمة فرحتو
رجعت فيه روح مايعرفش علاش فرح وعينيه لمعت ) رغم الأساءة ولمعاملة لعملتك بيها
_ رغم كل شئ رغم
عذابك كلامك ضربك (تحكي وتشهق ..وعينيها تقتر بدموع) رغم تعسفك ونرجسيتك رغم
وجعتني ورغم ذبحتني وهنتني ورغم كل لحظة تبينلي قداه كرهني ورغم بعيد عليا كيف بعد
سماء علي لوطاء أما منجمش نكرهك كيفاه نكرهك منجمتش تعرف صايرلي كيف طفل صغير حتي
تضربو امو ويرمي روحو عندها يحظنها ...أنا هكا حستك كيف لوريد لمعيشني كيف لهواء
لينعوشني رغم كلامك وتصرفاتك منجمتش نكرهك رغم ورغم لكن حبك منجمتش نتطفم عليه
منجمتش ننساه ولو للحظة منجمش (بقات تحرك في راسها) راك تقول ضعيفة وجبانة أما هذا
حب في داخلي هذا احساس سامي حتي لو باش نخرج منها حياتك أما عمري منكرهك عمري
(مسحت دموعها باطرف مريولها وكانت باش تقوم تخرج من حياتو تخرج وتحاول تعيش مع
لعنة لحب لدمرها لحب لفتتها وخلاها عاجزة وضايعة لحب لخلا قلبها يتوجع ينزف دم يدو
حوطتها وجبدتها ليه بقوة ...بدون مقدمات ولا أستفسار لتجئت لحظنو لتجئت لموطنها
لمتغربة عليه وهو بجنبها لموطن لتحب تستعمرو بحبها لكن خسرت وكيف لتخسر اما جبروت
وكبرياء هذا رجل شرقي النرجسي المتملك ..رجل رغم طباعه لحادة ورغم قساوة مواقفه
لكن لقلب عشقه حد لهذيان حد توهان حد لجنون وحد لهيام او لنقل تيتمت عشقا بمعشوق
محظور ومممنوع الأقتراب منه
حظنها بقوة قداه
ستصغر روحو قداه حس بنذالة وخلاها تتوجع هكا يسمع فيها تشهق يدها لكانت مكبشة فيه
خلاتوا يحس بخوفها وجيعتها اكثر دقائق كانت في حظنو كفيلة تقلب بعض الموازين
...يدو تهزت وهزلها دقنونتها بقا يخزرلها لعينها لباكية لفمها ليرعش من لوجيعة
لمتسبب فيها ...شهد مزلت لتوا تحب تخرج من حياتي لو مزال فما نسبة لممكن تحارب باش
تنجح ها لعلاقة كيف ماسبق وقتلي خليك نجحها وقلي من لحظة هذي نبدو حياة جديدة
وصفحة جديدة
_ تحكي من باب
شفقة عليا موش هكا
_ أبدا ورودبالك
تخمم هكا
_ باش تبقي
معايا
_ معاك (قالها
وهو يخزر لعينيها كان باش يحكي مايعرفش علاش وكيفاه قدم باسها من عينيها حاجة جات
وليدة لحظة حاجة خلات بدنو لكل من بوسة عين يطلب أكثر واكثر يدو دخلت في شعرها
جبدها ليه وجها كان مقابلو وجهو بقي
يخزرلها ومتمع بجمالها لبرغم تعب ولأرهاق لكانت فيه لكن نظرة لأنوثة ولمسة لجمال
لفي وجها سحرتو وكانو لأول مرة يراها ولأول مرة يكتشف معالم ها لجمال لفي وجه أنثي
مغرية ...صوابع يدو لتعدو بفيانة علي كامل وجها خلو بدنها لكل يفبري صوابعوا تعدو
فوق شفاه أشبه بشفاه لكرز بقا يخزرلهم ويشبع في عينيو منهم للحظات فكر لجسد أن
يرسم لغة لعشق لمغترب لعشق الممتنع
ذابت من قبلاتو
تاهت في لمساتو وانصهرت في قبلة أردتها سجينة لعشق سرمدي يدو هزتها لفوق لفرش
لأبتداء معركة لحب لأبتداء أول خطوة في علاقة
كتبت من عدم ...اهاتهم تعالت ورغباتهم فاضت ولعا بقوة الاحاسيس اللي في
داخلهم ولحسها جسدهم ...وصلو لذروة لعشق ولاتحام لأجسام وأنصهارها لحظة ولادة حياة
جديدة في قلب عاشق وقلب جامد انتبته مشاعر غريبة مشاعر كنار في جسد عطشان ..
_
حلقة88
يافا
أن تعيش علي امل
أن تكون سعيدا ليوم اوغدا خير من أن تعيش علي امل أن تشفي من خبث شوها روح ولجسد
يخزرلها كيفاه
مسبولة خيط لعرق معبي وجها لكان كيف لملايكة ثوبها الأبيض كان عطيها لمسة براءة
"ملاكي أنتي لجميل ..رغم مايحمله وجهك من تعب يبقي نورك ينافس جمال
لقمر" هز يدو عداها علي شعراتها لمجعدين قرب باسها من شفتها وتكلم فوقهم
...يافتي فرحان رغم مايحمله قلبي من وجع ...سعيد رغم لحزن ولألم يكفي أنك علي أسمي
ولي يكفي أن تكوني زوجتي وحلمي البعيد ...رغم الأبتلاء رغم صعاب ستكوني أقوي .(بعد
عليها وقرب تلكم بجنب وذنها ) يافا أنت كالقدس جميلة محاطة بقطيع ضباع وذئاب
ينتضرون منك الوقوع ...لكن عزتك وصلابتك لن تهزم قومي قاومي حبيتي ولا تكوني مجرد
أسم علي مدينة عتيقة كوني مثلها كوني يافا لعزة وصمود كوني كقدسي رغم لوهن ورغم
تعب شامخة مبتسمة بعطرها الشرقي وأنفتها اليافية علي ضفاف شطئان فلسطين وكزيتونها
وبرتقالها لذيذ
قام من جنبها
جبد لفاست متاعو لبسها ..وخرج لقي موتور تستني فيه ركب بعد متهني علي حبيتو مع
لمرافقين ...ليلة تبدء لعبتو هو لعبة غالي الأندلسي وأخذ حق لكثرين ...يسوق في
لموتور بكل قوة متسمع كان صوتوا علي بعد اميال ..عينيه علي لكياس لقدامو رغم ليلة
مهمة برشا عمرو لكل كان يحلم كيفاه باش تكون ليلة عرسو علي عشقتوا عمرو متخيلها
تكون بها القسوة ...زاد في سرعة وقت لتفكر شكون سبب وليلة يبدا في انتقامو واخذ
ثئروا
****
في ديسكو
يدها في يدوا
مشكبين واقفة وكل مرة يفضحها بدنها لميل مع لموسيقي..دنيا لكلها عباد تشطح وتغني
...كل مرة تخزرلو تلقاه علي نفس لملامح جامدة نفخت بفدة وقربتلو
_ شبيك بدوري
علاش منرفز هكا ياخي
_ علي عمايلك
قتلك ملول نكرهم لبلايص هذوم
_ وين تحبنا
نمشو بربي باش نتفرهدو لرستو مضخم نتفرج علي وجوه بعضنا ونسمعو سنفونية رومانية
تجيب نوم
_ وأنا جو هذا
مايعجبنيش
_ أفف بدر قلي
ملول مكش حابب تخرج وتحب نروحو (جبد بوشتها ولفاست متاعها وطرمت شفتها ) خلينا
نروحو
_ يزي قمرتي موش
هكا راهو
_ فهمني شنوة
تحب بظبط أنت
_ نحبك أنت ونحب
نكون معاك في بلاصة وحدنا موش حس كيف هكا
_ بلاصة وين في
دارك مثال
_ بربي متع شئ
هذا أنا نقصد في بلاصة هادية
_ باهي علي كيفك
خلينا نمشو وين تحب
_ وعلاه هو مزال
وقت قريب ل11 متاع ليل خلي نوصلك لمرة جايا نهزك لبلاصة أنا نعرفها نتفرهدو ونشبعو
ببعضنا
_ خرجت هيا وياه
في طريق عرضوه صحابو بقا يسلم عليهم ويحكو حشمت بعد شوية عليهم وبقات تخزرلو من
بعيد ..كانت تحرك في ساقيها من لقلق وتأفف صحابو ظاهر كبشوا فيه
_ عندك شعول
_(صوت فيقها من
توترهاخزرت لقاتو وواحد ظاهر فصالة ) لا منتكيفش (بعدت باش تمشي بحذا بدر )
_ وعلاه ساهرة
وحدك متقوليش وحيدا كيفي حتي أنا وحيد شقولك ندخلو ونهبطلك شربك علي حسابي
_ منحبش يعيشك
أبعدني خير منديلك بدر توا يوريك
_ (شدلها معصمها
علي كلمتها) معادش تعاودها هذي معاشش لوريني أنا وجربني خير منو بدر
_ كانت باش تصيح
وتقول بدر علي هزت عينيها تلقاه مقدملهم قلبها حستو وقف في بلاصتو تشوف في عينو
حمراء جمر ...دوب مخرجت من فمها بدر بصيف
_ مزال باش ينطق
وتجيه رجل علي فمو جا باش يطيح يدو تتجبد من يد بدر ويضربو بين لمرفق وليد بركبة
صوت صياحو عبي دنيا
_ ريتها يدك
لتحطت علي يد خطيبتي هاني معادش يد فهمت (خزر لقمر لعينيها تعبت بدموع ) شعملك
أنطق
_ معملي شئ روح
بيا بدر يعيشك سيبو لتتبصي فيه
_ لولاد كان
يتئوه ويدوا تجبد في سكين من جيبو ...جبد يدوا من يد بدر ويدو لخرا كانت فيها
سكينة موجها لبطن بدر صاحت قمر بقوة متعرفش كيفاه ضربتو علي راسو بالبوشات وهيا
تصيح ...بدر بعد بطنو لتالي طاحت سكينة قدامو ...للحظة كان باش يتدغر ...جبدو من
يدو لخرا وعاود كسرها ...وهبط عليه بالبونيا يضرب ويسب مفكوه منو امن ديسكو كان
خيط
_ بدر لباس يدك
تشدلو في يدو لكانت معبية دم (جبد يدوا بقوةوحكا بنطرة )
_ مابيها شئ
اطلع في لكرهبة مدام فضيت لحكاية مع لأمن هوني
_ لا متمشيش
يعيشك
_ جوه صحابو
قلولو روح أنا نقومو بالواجب لكل
حلقة89
يافا
_طلع في لكرهبة
منرفز لتوب ...من لركبت وهيا تبكي من لفجعة تشوف فيه يسوق بقوة ...
_ يزي بدر يعيشك
باش تقتلنا (وكأنو تحكي مع حيط قد محكات وشئ لاحب يتكلم ..صاحت بقوة وحركتو من يدو
باش يفيق) فيق بدر باش تقتلنا فيق أمان
_ (جبد يدوا
منها وجبدها من صوابعها للي صاحت كان يسوق بيد ويد شادلها يدها بقوة وهو يحكي )وقت
لقتلك موش من مستوانا لبلايص هاكي كبشت وقلت لا نتفرهدو ونعملو جو عجبك لصاير توا
انطق
_ يدي سيبني
(جبدت يدوا منو بقوة وطرشقت عليه) يعني جاي تحاسب فيا توا برافو والله لحق فيا
حبيت نتفرهد معاك
_ تتفرهد في
بواتا تحكي بجدك أنت
_ كي أنت رجعي
ومتخلف شتحب نعملك
_ (كان يسوق عمل
فران بقوة ودارلها شر يتناطر من عينو) شقلت أنا رجعي
_ هبطت من
لكرهبة من غير متكلمت لهواء كان بارد شعرها يطير فيه ريح ...كانت لابسا روب قصيرة
لبرد كلالها ساقيها رغم هذا جات ماشيا في طريق خالي في لفال تتعدي كرهبة لحق عليها
يصيح)
_ هبلت أنت
(جبدها من يدها بقوة ورجعها ليه)
_ سيبني بدر
خليني نروح مستحيل نروح معاك في كرهبتك أناني تخمم كان في روحك
_ زيدني أناني
وجبري ومتخلف لحق موش فيك لحق فيا انا لنسمع فيك
_ علاش بابا
متسمعنيش نحكي في لغلط ياوالله حوال يعني عوض تشد لغلط شددني انا
_ نشدك طبعا
تتخيلوا غالط لولاد موش غالط لقي مرا واقفة وحدها في بواتا روب فوق ركبة ...شتحبو
يعمللها
_ أمان بدر يعني
انا سبب
_ اكيد كنت
واقفة معايا أش مبعد سماك قول تراه ولا تحب تجهلني بصيف عجبك لعملتو توا من غدوة
منصبح في تحقيق وبرا عاد شنوة سبب
_ صحيت والله
بارك الله فيك سي بدر ولا قول تسبب يابابا
_ شتقصد نتسبب
_ ملا ملقيتش
سبب باش تبعد عليا ياخي بديت تتهرب وتخلق في لأسباب وهذا لنلاحظ فيه من مدة تي
أبداها من ليلة جيت سهرت معايا بصيف وليلة كاملة وجهك قالبو عليا وحتي لخزران
متخزرليش ولا قول منعجبش وتخزر للبنات لورايا لمن لدخلت وأنت عينيك من عليهم
متشلتش
_ تعرف قسما
عظما لو ماجيتش طفلة كنت كسرتلك ها لفم لتحكي بيه أركب روح وغدوة عنا كلام اخر
_ معنا منحكو
وموش مروحة معاك
_ بربي باش تروح
لدراكم فوق 10 كيملتر علي ساقيك
_ الف كرهبة
نحبسها توصلني
_ صار يعني عادي
تروح في كراهب نص ليل
_ عادي
ومايقلقنيش لمهم معاك منروحش متخلف ونزيدك زيادة نلبس هكا ونخرج وقت منحب وكيف
منحب وعمري لكل محافظة علي روحي موش باش تجي أنت تشكك فيا فهمت
_ (عض شفتو علي
لكلام لقلتو ...موش مصدق انها تحكي بها طريقة يعني فوق ماهي غالطة مكملة تحل في
فمها وتعلي في صوتها) اطلع وفا لحديث معاك (ومشا لكرهبة دخل وخدمها موش قادر يحكي
خايف ليبقي أكثر قدامو يزيد يضربها ولا يغلط في حقها تنفس بقوة وهز عينو باش يشوف
لحقتو ولا يشوف فيها ماشيا بجنب لكياس وبقيا تستب حل فمو موش مصدق لتعمل فيه بقا
للحظات يستوعب لتعمل فيه لمرا لعشقها حد مخها تخليه وتساتب مع عباد خرين في نصاص
ليل ...يشوف في كرهبة وقفتلها هبط كيف ثور لهايج وصاح بقوة (قمر )
_ رغم لتعمل فيه
غالط ومايجيش ومتعرفش علاش عملتو ممكن تحدي وممكن قوة انو تخليه يعرف لمستحيل يعفس
عليها وعلي كرامتها ...تستب وقلبها علي يدها وقت لحبست لكرهبة فيها ولاد كانت باش
تقولو برا بعد لرجعلها شاهد لعقل تسمع في صوت بدر كيفاه خارج كيف صوت رصاص ينقب
طبلة لوذن بدنها لكل رعش دارت وياريتها مدارت علي دورتها يجيها كف ...
_ متحياش
ومتحشمش والله خسارة حبي ليك أطلع في لكرهبة ولعملتو ليوم مستحيل يتعدالك سلامات
_ تضربني بدر
(تحكي من صدمتها لكف موجعهاش قد وجيعة قلبها لقوات مع كلامو )
_ وندفنك في
أرضك خسارة حبي فيك تحبس في رجال باش يروحو بيك خسارتك (جبدها من يدها بقوة) لو
اخوتك وبوك معرفوش يربوك انا نربيك من جديد
_ سيبني مكش ولي
امري واخوتي خير منك وأرجل منك علي أقل مايهزوش يدهم علي نساء
_ سكر فمك واطلع
نوصلك
_ مستحيل نطلع
في كرهبتك
_ (جبدها بقوة
وهو يكركر فيها وراه حل لباب بقوة ورماه في لكرسي ...ودخل لكرهبة خدمها وهو يحكي
بقوة ...والله ياقمر لعملتو لايتعدالك سالم وحمدلله ليوم عرفت حقيقتك وفهمت تفكيرك
ومن فوق نقلك رجعي هذا ملتزموش مرا متحررة كيفك
_ امان بدر
_ لسمعتو وخليني
نوصلك لداركم وغدوة عندي حديث مع داركم
_ مسحت دموعها
وهيا تشهق موش مصدقة ليقول فيه موش مصدقة لصار وشعملت بطيشها وتصرفها لجر لكارثة
كانت حبة تستفزوا ظاهر خسرتوا علي طول طريق كامل ساكتة تشوف فيه كل شوية يضرب
لقيدون وينفخ بقوة ويلعن في لحظ لعرفها فيه وهيا ساكتة موش عارفة شنوة تحكي وتقول
لكرهبة حبست قدام باب دراهم ...عملت فران قوي
_ (خرج صوتو قوي
) اهبط
_ بدر (كانت
تحكي وتشهق)
_ قتلك أهبط قمر
أهبط (ضرب لقيدون بقوة )
_ هبطت من
لكرهبة تشهق نسات حتي باش تهز بوشتها مستناهاش تدخل خدم كرهبتو ومشا ...حست روحها
مشات معاه دخلت للفيلا بخطي رزينة تبكي علي سعدها خرجت باش تتفرهد معاه روحت حزينة
ومن فوق خايفة لاتخسروا من جرت طيشها
حلقة 90
يافا
أن تعشق حد
لجنون شعور كافي أن تنسي كل طعنة وجع
تخزرلو بعين
ذابلة معبية حب للحظات مصدقتش لصار من طلب طلاق تلقي روحها في ممارسة أسمي شعائر
لحب شعورها لايوصف حلم تحقق من سنين تحس في روحها طايرة وهيا ممدودة بين يديه
...نفسها بدا ينتظم نظرتو ليها خلاتها تتعمق أكثر في عينيه حبت تقولو بنظراتها
لعاشقة راني نحبك موت راني فرحانة قد دنيا اني وليت ليك أنك أقتحمتني ونفذتلي
رغبتي وتممت فرحتي ...
مكنش خير منها
موش عارف كيفاه صار وكيفاه لقي روحو فوقها كيفاه تم لأمر لمخطط يعيشو كان مع مرا
يحبها لكن شعور لحسوا شعور ميتوصفش وعمرو ماحسو حاجة جديدة غريبة كمياء عجيبة خلات
بدنو يذوب في برائة وطراوة ها لجسم لجميل عذريتها لتهداتلو خلاتو يحس بنشوة غريبة
حتي لو يتصور في قلبو الي لميحبهاش لكن حب للحظة هذيكا تخلد في لعقل لحظة متتشراش
بالمال نظرتها ليه كانت كافية باش يقري
كلامها تبسم من غير مايشعر بفرحة يكفي لمتأكد من حبها يكفي لكلام لخرج من شفتها
...يكفي في لحظة رغبة كبيرة قاتلو نحبك ونموت عليك طلبتو برغم ساذجة معرفتها بها
الامور باعطاء لمزيد من طريقة اهتها ولمساتها ويدها لكانت مكبشة فيه حتي كيف يبعد
يحسها تقربلو اكثر وتجبد فيه تحبو يلتحمو ألتحام لحبيب لحبيب ومااجملة من ألتحام
وأتحاد طيرلو برج من عقلو وخلا نظرتو تتبدل ناحيتها حس ولأول مرة انو بالحق الانثي
لقدامو أنثي كاملة غير نظرة الأستهزاء لكانت بين عينيه كان يحسها طفلة صغيرة ..شهد
بنت عمتو لكان يحميها خاطر صغيرة وضعيفة كانت كيف قمر اختو لا يوم شافلها لممكن
تكون مرا يمارس معاها رجولتو وتكون مكتوبة ليه يشو ف فيها كيفاه قامت من لفرش تجبد
في ملحفة باش تغطي بدنها لعاري لباقي يكتشف فيه قامت تمشي تترنح ظاهرة متوجعة
...كان باش يقوم خزر لقطرات دم فوق لفرش وعاود خزرلها ...بمعزة ...قام جبد بكسورو
لبسو ولحق عليها ..في دوش ملي دخل لقاها تعبي في لبانو قدملها حط يدو علي شعرها
_ متوجعة شهد
_ كانت هايمة في
عالم اخر قد مفرحتها كبيرة لكن حتي كلمة منطقهاش شئ لوجعها وبرشا ممكن سكوتو رجعها
لواقعها رجعها انو يعتبرها مجرد زوجة مقيدة في ورقة ممكن فرحتها تنغصت بمجرد
ماتذكرت عجرفتو وسطوتو ونرجسيتو ذابحة يدو لتحطت فوق شعرها خلا بدنها لكل يفبري
دارلتو جات لعين في لعين ..هبطت عينيها لصدرو وغمضتها جات باش دور تسكر لماء شدها
من زندتها
_ شبيك شهد علاش
وجهك تبدل
_ مفماش شئ شهاب
نحب ندوش مفما شئ
_ شهد نحب نقلك
حاجة
_ (هزت يدها
حطتها فوق شفايفو وتلكمت بصوت باح) يعيشك متقولش حتي كلمة توجعني خليني فرحانة
ليلة ومن بعد لو تحب نفذو لطلبتو
_ مكنتش باش
نقول غير خليني ندوشلك وغدوة نحكو
_ دوشلي (قالتها
مستغربة)
_ علاش موش مرتي
_ مرتك شهاب
_ ملا شنوة (هز
يدو بعدلها شعرها علي رقبتها بقا يخزر لتراس دامور أثار لملحمة لكان خايضها) مرتي
شهد حتي لو قلنا غير هذا
_ موش علي خاطر
لصار باش تقول لزم نقبلها
_ أبدا مفكرت
هكا صدقني (قرب سكر سبالة ) لبانو تعبي خلينا ندخلو فيه زوز ونحكو لفي بالنا لكل
شقولك
_ (هزت حاجبها
بأستغراب )متأكد شهاب تطلعش مزالت مأثرة فيك سكرة
_ تقول أنت
(تبسم علي كلمتها)
_ تتخيل منعرفش
اللي انت شارب وخايف غدوة تقوم تقلي علا ش انا لمستك
_ ههههه وراسك
فايق (جبدها من يدها وحط يدو علي لملحفة نحاها طاحت علي الأرض خزرلها بأعجاب كبير
بجسمها لمغري ولخبلو عينيه هزها بين يدو وحطها في لبانو ..ودخل معاها )
تتصور اللي أنا
سكران وغدوة كي نفيق نقلك مصارش لصار ونقول تبلت عليا (كانت قاعدة عندو لماء دافي
نعوشهم )
_ أول مرة نراك
هكا شهاب
_ كيفاه هكا
شارب يعني
_ أممم
_ وأناهو خير
_ (تبسمت ) لو
علي توا حلو تبقي ديما سكران اما من ساعة لتالي لطف مخيبك
_ أنا مخيبني
هههه
_ تخوف
_ طبيعتي حادة
شوية الله غالب أمي ديما تقول لنشبه لخالي في طبيعتو لكاسحة
_ ياسر صعيب
_ راجل لو
مايكونش صعيب يكون سايخ ومايتعملش عليه
_ امممم
_ شنوة أممم (هز
ماء حطو فوق كتفها )
_ شئ تاعبة وبرا
_ جاك نوم تحب
نخرجو من دوش
_ لا خليني معاك
(كبشت فيه وبقات تخزرلو بعين ذابلة )
_ شهد قداكش
بريئة ساعات تحسسني لانت لجمية وانا لوحش
_ (هزت يدها
حطتها فوق خدو وتكلمت بصوت مدهشر) أحلي وحش
_ كان يشوف في
عينيها لمعبية نوم ظاهرة تاعبة وزيد لماء رخاها ..بقي يعدي في يدو علي بدنها للي
كملت ترخات وغمضت عينيها تبسم قداه مفينها ...خرجها من دوش بعد مشللها من شانبو
...كانت مسلمة خيط بين يديه تقول شوليقة من تعب ...هزها بين يديه للفرش كمل شيحلها
شعرها وجبد لبسلها دبشها بعد مكمل غطاها وجا بجنبها وغطاها تبسم علي تصرفاتو حسسها
طفلة صغيرة وهو بوها ..تنهد وقت لتفكر لكف لعطهولها حط يدو علي خدها وقرب جا باش
يبوسها بعد وتنفس بقوة شنوة لصايرلو علاش متأثر برشا ...دخل تحت لغطاء لزم يرقد
وغدوة يخمم في لصاير ليلة لكل ها الضوضاء لكبيرة لخلات ليلتو تكون موش عادية معاها
***
جد صباح ليوم
بعض المدهمات لرجال الامن علي مصنع كان يدعي تصنيع المواد تجميل في مابينت الأبحاث
في مابعد عن كشف مصنع سري تحت المصنع الرئيسي لتصنيع أقراص مخدرة من جميع الاصناف
وقد تم اعتقال كل من مدير المصنع والبعض من المتورطين في هذه القضية ..اللي أججت
الرأي العام وصدمته علي ماتحمله من اذي لكافة أبناءنا
في فرنسا
**
يحرك في ساقوا
بتوتر كبير صدمة لشافها علي صباح صدمة كبيرة ليه كارثة بكل لمقايس لباب تهد يشوف
فيها داخلة تصيح
_ سمعت لصاير
خالي
_ سمعت كاترين
سمعت مصيبة وكارثة كبيرة
_ شكون لتحدانا
خالي قول
_ واضح شكون
كاترين من غير منخمم غالي الأندلسي أعلن لحرب عليا
_ شكونو غالي
هذا ولد صغير خلق أمس في ليام يحاربك أنت اكبر هرم في رجال الأعمال
_ غالي الاندلسي
رئيس لمجلس الأعلي وماأدراك تتخيل باش يسكت علي لصار
_ ولحل خالي
_ لحل لزم تدخل
بنتي وقيت لزم تظهر في صورة
_ شتقصد خالي
_ لزم ترجع
لتونس غالي الأندلسي لزم يتولها في مصايب اخري غير وينسانا ها لفترة
_ وأنا شنوة
دوري خالي
_ لباش تنقذلو مرتو
_ تقصد لباش
تقتل مرتو (ضحكت بسخرية )
_ وهو كذلك
كاترين نعرف اللي صعيب باش ترجع لتونس بعد كل لصارلك فيها
بالعكس بعد لصار
لأمي وقيت نخذ طاري من يافا وبوها ومعاهم غالي لمتشوقة بالحق نراه ونقتلو بيديا
هذيا
_ حضر روحك
نهارين هذوم تهبط وتهني كل شئ غادي باش يكون منظم
_ تهني خالي
وفرد وقت نرجع طار وعد بنتك ومراد منسيتش لصابهم في جرت ها غالي
_ نعرف بنت اختي
مرا بألف راجل هنيني وخليني نظم اموري ونكلم شكون ينظف ملفاتنا غادي
_ قص لعروق تنشف
روس خالي
_ تلميذتي (جبد
سيقار كوهيبا تكيفوا وهو يضحك علي لباش يصيبو علي قريب)
حلقة91
يافا
آه يا حبيبتي
لو تعلمين ما يدور بداخلي
وما شعـــــــوري
لو تعلمين يا من تسكنيني
وتسكنين سطوري
كـــــم أتمنى أن تغمريني
فيدوم ســــروري
لو تعلمين ما يدور بداخلي
وما شعـــــــوري
لو تعلمين يا من تسكنيني
وتسكنين سطوري
كـــــم أتمنى أن تغمريني
فيدوم ســــروري
يخزرلها بحب
كبير كانت قاعدة عندو يعدي في يدو علي شعرها ويتنفس في ريحتها لتسحروا كل مرة
يهز خصلة يلعب بيها يشوف فيها هايمة
..وتخزر لخضار لقدامها
_ وردتي فاش
تخمم
_ محلاها دنيا
هوني (تحكي بصيف بدنها لكل مرضرض بالوجايع فاشلة ودوخة عاملة فيها من صباح وهيا
تتوجع مرتاحت شوية كانت ماكلات دواها وتفرهدت شوية ..
_ شقولك ديما
نجو هوني كل جمعة كيف تبري
_ نحب نسكن هوني
بعيدة علي ناس ريحة تنعوش لقلب وترد روح
_ أبري أنت
ونسكن وين تحب
_(حطت راسها فوق
صدرو وكبشت فيه ) غالي
_ روحو لغالي
_ نحبك وبرشاا
_ (خزر للممرضة
لقربت تستئذن منهم باش تقرب)
_ تفضل
_ سي غالي
تلفونك من بكري يصوني (مدتهولو)
_ يعيشك (خزر
لقاه صاحبو هز عليه وبعد علي يافا يمشي ويحكي ويخزرلها) أه طمني
_ تهني غالي كل
شئ كيف محبيت
_ يعيشكم لولاد
لولا أنتم مكناش وصلنا لنتيجة لنحب عليها
_ موش كيف متحب
_ شتقصد
_ صحيح لملف
تفضح في كل وسائل لأعلام أما لمتهمين لكرهبة تقلبت بيهم وهوما في طريق
_ تحكي بجدك
_ لأسف
_ وتتصور باش
نتصدم كنت منتظر باش تصير كارثة هكا أما موش مشكل لمهم بدينا نضربو فيه لزم تخدمو
علي لملفات لخرين وفي كل فترة لزم نقومو باحباط فساد منتشر في ها لبلاد تحت رقعة
مصانع واماكن في ظاهر تخدم في شعب لكن في داخلها تقتل وتمص في فلوس شعب
_ تهني سي غالي
أعتبر لفريق لكل تحت امرتك ومستعدين نفدوك ونفدو ها لواجب بروح ودم
_ تحية ليك نعرف
خويا راجل
_ رجعلها برغم
لسمعو ظاهريا فيه كارثة لكن فما فرحة وكبيرة يعرف انو ضرب ذئب في غارو يخليه يقوم
من ويتنفض ويتعمي باش يعمل أي شئ باش مايتكشفش وهذا شئ لفرحو ولمتاكد لغلطة منهم باش
تجيبهم ليهم وعلي قريب ..خزر ليافتو لمنظرها بدا يتبدل ونظرتها عارف قريب وقت
كريزها قربلها يزرب هزها بين يديه وطلعها لبيتها ...صوت لوجيعة لفي راسها هدو وخلا
حاير في أمرو شنوة لحل شنوة باش يعمل باش يخلي عشقتو تبري منها سم حطها فوق لفرش
وقعد بجنبها كانت مسبولة خيط بدنها لكل يرعش ...من قوة لوجع يدها بدات تتهز بشوية
لشعرها تشد فيه بقوة بدا صوتها يقوي فجأة
_ غالي راسي باش
يتفجر نحيه امان راسي
_ يزي يافا يعيش
حبي يزي (يحكي وينهج من لخوف عليهاموش طايق يشوفها في نفس حالة كل يوم ...
سي غالي لو تحب
اخرج انا باش نبقي معاها (للمرضة لدخلت تزرب باش تعالجها)
_ لا خليني
معاها
_ صوتها صياحها
كان قوي في كل دار كانت تسب فيه وتلعن كان شاددها بين يديه ساقوا شدا ساقها بقوة
كل وين تتحرك ضربة تجي فيه سب ولعن علي
بعضو وكأنو موش نفسها حبيتو ..وكيف كل يوم
دوخ بعد معركة كبيرة مع لوجع لتحارب فيه طاحت فوق لفرش دايخة لكلها عارقة ...خرج
بعين ذابلة تعدي للبيت سكر علي روحو لبيت ضرب صاح كسر حب يبرد نار لفيه نار شاعلة
في داخلو وصعيب تبري كان بريان لحبيب
**
ملي قامت صباح
هزت روحها ومشات للفيرمة شعرها مهزوز لفوق ومغطيتو بكابيش لابسة سبور موش قادرة
لاتبدل ولاتمكيج بعد لصار معاها لبارح كانت لزم تمشي لغالي وتحكي معاها وتبرد
قلبها عندو ملي وصلت لفيرمة ودخلت لدار وهيا تسمع فيه يصيح طلعت تزرب تحل في لباب
بيد ترعش لقاتو يضرب في شكارة لبوكس لقدامو
_ غالي سملة علي
خويا شبيك اهدي لطف عليك
_ قمر وكأنو
لقاها من لجنة وناس ملي راها رما روحو عندها
_ سملة علي خويا
ياربي لاتشويني شبيك
_ تاعب مهدود
يافتي تاعبة مريضة مهدودة
_ يزي غالي كون قوي
باش هيا تبري وتكون قوية أكثر
_ معادش نستحمل
وجيعتها حاسس روحي سبب في وجيعة مرا عاشقها
_ نعرف عندك لحق
أما هكا لكاتب وتوا ربي يشفيها شوية صبر صدقني وترجع لامور لكل كيف قبل وخير
_ ان شاء الله
قمر كيفاه جاتك وجيت
_ توحشتك قلت
نجي نعدي ليوم بحذاك
_ روح خوك انت
وراسك حتي أنا توحشتك
_ بابا وامي وين
وشهاب ومرتو لباس
_ لكل لباس
يسلمو عليك
_ أيا باهي
_ خلينا نمشو
بحذا يافا توحشتها
_ رقدت أيجا
نشوفوها
عشوية كاملة
عدوها مع بعضهم طيبتلو شهاويه لكل وهوما يحكو وكل شوية يطلع يتفقد يافا لراقدة
...تلفونو صونة وقت لكان هابط للكوزين لقاه بدر
_ أهلا بلخو
وينك
_ هاني فاضي باش
نجي بحذاك حاشتي بيك
_ فاضي أيجا
_ هاني قرب نوصل
_ هبط لقمر
لقاها داخلة بعضها تصنف وتميل في راسها
_ كلمني بدر توا
باش يجي
_ كانت شادة
غطاء لكسرول في يدها متعرفش كيفاه طاح من يديها عمل صوت قوي
_ أسم الله عليك
شبيك لباس
_ لباس غالي
مفما شئ(هبطت جبدت لغطاء تغسل فيه ويدها ترعش (اكيد جاي باش يقول لغالي وهو موش
ناقص نفخت بفدة )
_ متعرفش اللي
هو جاي
_ لا ماقاليش
_ أه هو وصل خلي
نخرجلو
حلقة92
يافا
ملي خرج غالي
مشات تزرب لصاكها هزتو ومشات لدوش تعمل في لمكياج تغطي في حوق عينيها وجها لتاعب
من قلة نوم دوب مكملت ورشت علي روحها برفان وخرجت لقاتو يضحك مع غالي في كلوار دار
وقت لشافها من ضحكة معبية وجهو لملامح جامدة وعينين ترشقت في القاع
_ قربت ببدن
يرعش حستو منرفز لتوب دوب مسلمت عليه وهيا تدعي ربي مايحقرهاش
_ سلام بدر
_ سلام
_ أيا ادخل هاي
صنافة مطيبة مقرونة بصوص تاكل صوابعك وراها
_ معينيش باش
نروح
_ شنوة تروح
تحكي بجدك جيت توا راك شفمة
_ مفما شئ (نفخ
بقوة خزر لقمر لتخزرلو بخوف انو يقول
لغالي بقات تستنجد فيه بعينيها باش يسكت عض شفتو وخزر لغالي لحاير فيه كيفاه
يتصرف)
_ شبيك ياولدي
شصابك
_ شئ خلينا
نقعدوا شوية لبرا عندي منحكي معاك
_ نتعشو ومن بعد
نحكو
_ سي غالي يافا
فاقت (لممرضة ندتو)
_ لحظة نجيب
يافا ونتعشو لكل مع بعضنا متوحش لمة
_ باهي غالي
شحالها ليوم هيا
_ كيف لعادة بدر
حمدلله علي كل حال (طلع وخلا هم وحدهم )
_ هبلت ياخي
لدرجة مخك صغير جاي باش تقول لغالي لصار بيني وبينك خسارتك يعني هكا تلويلي في
ذراعي
_ مكش باش تتربي
أنتي لسانك لزمو قص ظاهر فيه
_ منسمحلكش
حكاية بيني وبينك مفماش علاش دخل اطراف بينتنا وزيد هاك تشوف غالي موش وقتو تزيد
علي مابيه
_ (جبد سيقار
شعلو وبقي يخرلها متمني يشد يمشكيها في بعضها ويوريلها نطرة كيفاه تجي غير صبعو
تحت ضرسة وعشيروا موش ناقص مشاكل توا)
_ (قدمت نحت
سيقار من فمو) موش باهي تتكيف هوني يافا مريضة و(طيشتو في لأرض وعفست عليه وتعدت
للكوزين..تمشي وتتكرم
**
بدللها حوايجها
بعد مغسللها وجها ومشطلها شعرها ..جات باش تخرج معاه قربها ليه تعرف ليوم نوبة
لكريز كانت اخف من امس شوية يعني فما أمل كبير باش تبري لزم تقوي حبيبي وعزيمتك
تكون قوية
_ ان شاء الله
غالي نحاول برغم لوجيعة لفيا
_ باش تبري وعلي
قريب لزم تبري باش تحضرو عرسنا
_ نحضروا عرسنا
(تبسمت من لفرحة )
_ ملا تخيل باش
نخليك من عرس باش نعرسوا ويكون احلي عرس وتكوني أحلي عروسة
_ روحي أنت غالي
_ خلينا نهبطو
بدر وقمر يستنو فينا راهم كلو لعشا وحدهم
_ تبسمت ومهبطت
معاه تتبسم رغم حزنها ..وجيعتها ...
**
ملمومين في
طاولة ياكلو غالي كل مرة يوكل يافا من يدو عينيه من عليها ماتشلتش ..مكنش مركز مع
لصاير بين عشير عمرو واختو لزوز ظاهرين منرفزين موش طايقين تواجدهم مع بعضهم
_ قمر مرسي انك
جيت طليت عليا
_ ولو يافا اختي
راك
_ يعيشك وانت
زادة بدر
_ معنديش مزية
يافا لفايدة تبري أنت وترجع تحكم عاد وتعبر في لقزارنا
_ توحشت لكونبا
وتحية لعلم توحشت سلاح لنهزو كل صباح فوق لكتاف توحشت صياح تلامذة وتدريبهم أصوات
صفارات ولون لخضر لمعبي كل جندي يمر
_ علي قريب ترجع
وأقوي يافا
_ ان شاء الله
يارب
_ (مدلها غالي
لحربوشة باش تشربها ) خليني غالي نشربها بعد شوية نحب نسهر معاكم حتي شوية
_ باهي يافا
لمهم صحتك رجعها ورجع ياكل
_ بنينة ياسر
لمقرونة قمر
_ صحة لخويا
_ أه بدو صحة
ليك هاك ضربت صنافة عاد تشيخك تصنيف هههه خايف بعد لعرس توالي توزن 100ك ومعادش
نعرفوك
_ مضاني فما عرس
كلمة قالها برغم كانت بشوية لكن غالي سمعها ومليح كيف لا وهو عسكري مدرب علي
ألتقاط لحروف عن اميال خزر لقمر وبدر وركز فيهم مليح مكنش مركز من بكري علي صاير
اما من نظرتهم فهم لفما مشكل كبير ...سكت موش حابب يحكي توا قدام يافا كملو عشاهم
وقعدو في صالون يترشفو في كاس تاي وكل مرة يجبدو موضوع ..يافا رقدت عند غالي بعد
ما عطاها حربوشتها ..قام طلعها لبيتها ورجع لقمر ولبدر
_ شفما بينتكم
_ شتقصد غالي
(جوبتو قمر بفجعة )
_ قلي بدر شفما
علاش قلت مفماش عرس
_ مقلتش غالي
_ قلت سمعتك
انطق شفما
_ مفاشئ خليني
نروح وهاني اختك تحكيلك لصار لكل كنت جاي باش نقعد نحكو شوية ونبدل جو معاك اما
_ اما شنوة قولو
شنوة لصاير
_ ضربني غالي
بدر هز يدو عليا وتجاوزكم وطيحلي قميتي وبهدل بحالي
_ شنوة ضربك
(تصدم من كلمتها)
_ (بدر خزر لقمر
كيفاه تبكي سكت موش حابب يتفجر معينو في كلام توا) غالي
_ (قص عليه وحكي
بنظرة) ضربت اختي بدر بالحق جاوب
_ في تحقيق يعني
أنا توا
_ متبداش تتزعبن
قول ضربتها وعلاش
_ تنجم تسئلها
علاه وانت تعرف اختك مليح وتعرفني اكثر من روحي لو وصلت ضربتها اكيد عملت كارثة
منجمش حتي نحكيها
_ شعملت( خزر
لقمر )
_ معملت شئ
ومتخزرليش هكا
_ شوف غالي مكنتش
باش نقلك وكنت جايك علي موضوع اخر اما تحل لموضوع وهاني باش نقولهولك اختك معادش
تلزمني لمرا لطيحتلي قيمتي وستنقصتني ولعلت صوتها عليا وعيرتني ولي متسمعش لكلام
ومن فوق تقولي جبري ورجعي وموش راجل مستحيل تدخل لداري
_ شنوة (خزر
لقمر مصدوم ) انت قلت لبدر هكا
_ لزم تعرف علاه
غالي قلت هكا
_ صكر فمك صار
قلتها يعني تتحيل باش نجي معاك تي حلال فيه يكسرلك راسك موش يضربك برك
_ امان غالي
يعني جيت معاه هو
_ ملا بعد لقلتو
لخطيبك باش نكون معاك وفي صفك
_ من لمفروض
ياخويا تكون معايا موش معاه خاطر هز يدو عليا خاطر مخلا ماقالي وصاح ومن فوق عوض
يكون في صفي رجع عليا
_ في صفك اناهو
صف لتحكي متع تستيب في نصاص ليالي ولا خليني ساكت قمر صحة ليك والله ومن فم لباب
ولا منقاعوا ماك محترمتنيش وذليتني متساعدنيش
_ روح زمر انت
لمتساعدنيش ومعندي منعمل بيك والف غيرك يستنو في باش يكونو في موقعك انت توا بالحق
اكدتلي انو اختياري غالط طول عمري نقول لا توا يتصلح أما زايد وأه نحب نقلك
متعملهاش سبة بالحكاية هاكي قول نحب نبطل (خزرت لغالي لمصدوم فيها) ريتو صاحبك هذا
نهار بطولو محسسني اللي هو ملاك علي وجه لأرض وهو شيطان يمشي علي ساقيه تقول مخذا
راجل مكهب علي 70 لا يتبسم وضد كل حاجة تفرهد طبعا هو من جيل وانا من جيل كنت لزم
نفهم هذا وخسارة والله
_ بدر كان يسمع
وساكت كابس علي صوابعو من لغل يحب يكسرلها شداقها لي لتقول فيه اخر كلمة قالتها
خلت غالي يهز يدو باش يضربها شدها بقوة
_ ونزيدك زيادة
سي بدر موش ناس لكل رجال ولكلمة لقلتها ممكن تنطبق عليك كلمتها لقالتها من غير وعي
خلت يد غالي تتهز باش تضربها عينيها رمشت تستني في لكف حلت عينيها كيف متضربتش
لقات بدر شدلو يدو
_ رودبالك غالي
متضربهاش لكلام لقلتو نستاهلو خاطر تنازلت علي ألف مبدء في سبيل ها لحب
_ باش تضربني
غالي هذي أخرتها يعني جاي مع صاحبك وانا اختك جاي ضدي ولا قول هو خير مني وانا اخت
من لبو منعنيكش برشا
_ شنوة هبلت أنت
اخرتها تقول كلمة كيف هكا قمر
_ طرشقت بالبكاء
علي قالتو ولكانت تقول فيه لزوز رجال تعشقهم ..تعبت غالي تعبت(خزرت لبدر لكان
يخزرلها مصدوم )
_ (خرجت تزرب
صاح غالي باش تبقي )
_ خليك غالي باش
نلحقها انا
_ بدر قمر صغيرة موش عارفة شبقيا تقول ظاهرة
منرفزة يعيشك لو باش تعاود تجرحها من غير متمشي تلحقها
_ أثق فيا وقت
نحطو نقاط علي لحروف (مشا يزرب ملي خرج من دار شافها تحل في باب لكرهبة ...قدملها
يزرب قبل متخدم لكرهبة تخدم وهو جبد لباب عليها
_ اهبط قمر
_ لا بدر نحب
نروح
_ قتلك اهبط
خلينا نحكو
_ معنا منحكو
(جبدت لباب باش تسكرو جبد بقوة للي قريب يتخلع ) قتلك اهبط ولا ابعد غادي خلي نسوق
انا
_تعدت لكرسي
ثاني جبدت بابي مشوار تمسح في عينيها ..
_ لعملتو مايجيش
وعيب كبير يعني أنا قول براني عليك متحترمنيش اما غالي خوك تقولو هكا
_ يزي يعيشك انت
سبب لخليتني نغلط في خويا
_ انا سبب ولا
غشك زايد ملاحظة وين تتغشش تهرد دنيا بعدم مبالاتك وتسرعك ولكلام لتخرج فيه من
لسانك كيف سم
_ هكا انا سي
بدر وبربي سوق وصلني لدارنا من غير حديث زايد
_ باش نوصلك أما
راجع روحك ولعملتو ..مايجيش
_ ولعملتو انت
يجي تقول طفل صغير جاي تقود لخويا شصار لبارح
_ اولا ياكبيرة
مجيتش نقود حاجتي بيه خوه وثانيا أنا قلت من لبارح وفات حكايتي معا ك وانا خطبتك
من رجال وكيف باش نبطل باش نكلم رجال فهمت
_ تبطل تتخيل
باش نموت عليك سي بدر اخزرلي مليح وثبت فيا ألف راجل يتمني خزرة مني وكلمة مني انا
عرسي يكون غدوة فهمت
_هه يزي عرس
جملة ملا لخطاب علي لباب متصدرين كان يستهزء بكلمة قالتها موش عارف لكلمة باش
تكلفلو ثمن غالي ..
حلقة93
يافا
قبلت شفاها شهد فأصابتني رعشة بين ضلوع
وانتاباني مرض
لئيم في مسكن روح
لأعرف هل حمي أو
سم قبلة نضختها شهد
في شفاه نرجسي
تطيب في قهوة
وسارحة في ليلة لبارح موش عارفة كيفاه تتصرف بعد حلمة حلوة عشتها أحلي حاجة تنجم
تعيشها مرا مع راجل عشقتو تسمع في صوت لباب يدق مشات تزرب حلتو لقات صحبت قمر سلمت
عليها من فوق لفوق
_ أهلا شهد لباس
_ لباس ريم أدخل
_ كلمتني قمر
قاتلي أيجا حاجتي بيك
_ كان تحب نطلع
نديها
_ خلي عليك قمر
نعرف دار موش جديدة عاد نهار بطولو وأنا هوني قبل ماتكون أنت (وهزتها وحطتها )
_ أيا باهي ملا
أدخل (ومشات وخلاتها جات باش تدخل لكوجينة تسمع فيها تسلم علي شهاب دارت تخزرلها
كيفاه تسلم عليها بالبوس عينيها طلعت وهيا تشوف في يدها فوق ذراعو وتسئل وتعاود
عين شهاب جات عليها بقي يشوف في نظرتها لحادة ريم جبد يدو وهبط بعد ماقالها أطلع
لقمر لحق علي شهد للكوزين لقاها تجبد في لكيسان منجمتش تلحقهوم
_ قزمة تحب
نعاونك
_ نعم (دارتلو
متحزمة ) يعيشك سي طويل نجم نجبد وحدي
_ شبيك تنطر
عليا ياخي وسع بالك
_ (تمد في يدها
باش تجبد سوتاس منجمتش نفخت بفدة في ثواني لقات روحها بين يديه جبدت سوتاص ببدن
يرقل من لمستو لذوبتها)
_ هبطني شهاب هاني
جبدت ساي
_ لا الأ متقول
راني قزمة باش تهبط
_ أمان شهاب
هبطني يزي (كان بين يديه هززها لفوق تقول شوليقة )
_ قول
_ راني قزمة
_ هههه أيا باهي
ريت كي تسلم وتعترف (هبطها وحصرها بين رخامة )
_ باهي سي شهاب
عرفناك طويل (صوابعها لشدا بيهم صدروا باش يبعدها تحسهم يحرقو من ناروا)
_ طويل ولا..
وتي باش نوصلك الأ مانهود وشوف وشوف (عدا يدوا علي رخامة وهود عليها قبلها يتنفس
في نفسها لكان خارج بالقوي من قربو )
_ شهاب
_ أممم قول
_ تحب نصبلك
قهوة
_ ههههه باهي
صبلي قهوة (بعد عليها يتبسم بخباثة كان يشوف فيها كيفاه تملص في روحها من لحديث
منو بقي مركز مع كل حركة تعملها مع بدنها لوقت لتفكر حلاوتو يشعل بكلو وخرج خطوتين
وجبد كرسي قعد عليه وبقي يشوفلها
_ تفضل (مدتلو
كاس قهوة)
_ يعيشك شهد
_ بشفاء (جبدت
كرسي وقعدت تترشف في قهوتها )
_ أمم بنينة هاك
عرفت طيب قهوة
_ شنوة عرفت نطيب
ملا تتخيلني منعرفش
_ تبان ياسر فين
منتصوركش طيب
_ غالط نطيب
ونعمل كل شئ
_ ملا تذوقنا من
تصنيفك يوم
_ أنت تحب نبقي
باش نطيبلك (سؤال حست أنو وقتو يتسئل)
_ وأنت تتصور
بعد لعرفت الي أنت طيب مزلت نسلم فيك (تبسم بخباثة )
_ (وقفت من لغش
علي كلمتو)
_ تنجم تجيب بون
طيبلك سي شهاب (جات ماشيا شدلها يدها) يامهبولة نفدلك عليك أقعد
_ شهاب فهمني
نحب نفهم راسي من ساقيا بالحق تعبت راهو
_ يزي معادش
تقول شئ خلي لوقت كفيل يفهمنا في برشا حجات وتوا خلي علاقتنا تمشي كيف مالزم تكون
ولو تحب تكمل معايا من غير متبقي تهدد باش نطلق
_ باش طلق (كلمة
قالتها ريم وهيا داخلة أخر كلمة قالها شهاب سمعتها وأولتها )
_ متقوليش شهاب
تهدد فيك بطلاق أمبوسيبل
_ يابنتي شتقول
فاهمة بالغالط راك ريم
_ شنوة شهاب
متخافش منقولش تهني أما موش عيب عليك شهد تلعب علي راجل ولا لعب صغار هذا ودلالك
لنعرفوه لكل
_ (جات باش ترجع
عليها شدلها شهاب يدها وقربها ليه حظنها) غالطة ريم في حسابتك مناش باش نطلقو كلمة
قالتها بدلال ليا حبت تشوف معزتها في قلبي ياخي أنت كيف لقضاء لمستعجل فسدت لحظة
لباش نقول فيها لمرتي راك بدنيا ونحب نكمل معاك حياتي لكل ونشيب معاك يادلولتي فهمت
ريم
_ فهمتك سي شهاب
ربي يهنيكم جيت باش نهز لماء لقمر
_ تفضل تنجم
تخذو (خذات دبوزة وخرجت )
_ شهد عينيها
مرغرغة دموع قداه حست بفرحة بفخر كبير أنو وقف معاها ومشمتش فيها لمسما ريم
_ شهد فاش سارحة
متبقاش تخمم فيها
_ خزرتلو بعين
معبية حب هزت يدها حطتها علي صدروا حبت تقولو نحبك ومستحيل نخمم نبعد حتي لو
بعدتني عليك وقفت علي طراطش صوابعها وقربت باستو بكل جرأة بكل حب ولهفة شوق ومعزة
كبيرة عدت يدها ورا رقبتو وجبدتو بكل برأة وبكل عفوية وعنفوان قبلة أنثي لم تخوض
شفاهها بداية معركة وبداية ملحمة عشق ..جنحت وطارت وقت لبدرها بدوروا وحمل عليها
بين يديه وباسها بخبرتو لأردتها متليعة من شهد ثغره ولسانو لأجج شهوة رغبة في
داخلها صوت خطوات عمال تقرب فيقهم من خضم معركة حب بعدها عليه يمسح في شفايفو
ويسوي في روحو من ربثة يطيحهم حد في موقف كيف ماهذا صوت أمو لدخل لكوزين وشافت ربثتهم
زوز حشمت علي روحها
_ امي لباس وقتا
ش جيت (يحكي وعينو علي الأرض وقدم باسها)
_ لباس ولدي جيت
توا
_ وينو بابا
_ تعدي للخدمة
لعشية يجي شهد بنتي لباس
_ لباس طاطا
يافا (قدمت سلمت عليها)
_ حبيت نطمان
عليكم خلي نطلع أنا ندوش وندخل نرقد شوية
_ باهي أمي لو
تحب تفطر نحضرولك فطورك
_ لا شبعانا خرج
مرتك تفرهدو لو حبيتو أنا باش نطلع نعمل تعسيلة نخليكم ملا
_ باهي أمي سلام
_ ملا حشمة شهاب
_ علاش حشمة
يابنتي شفما
_ زعمة طاطا
فاقت بينا
_ هههه وعاد
شبيه كان فاقت بينا نعملو في لعيب مرتي راك أي قولي عاد وين كنا
_ يزي شهاب
_ يزي شهاب (بقي
يعكي عليها ) أسمع شقولك تطلع معايا للبيت عندي منقلك
_ قولي هوني
شفما
_ لا متجيش هوني
كان لفوق
_ لا شهاب أمان
قول
_ تي أيجا وتوا
تعرف شنحب نقول حاجة متتقالش هوني كان لفوق (وجبدها من يدها يجر فيها لبيتهم كان
شايخة من لمستو حسا روحها تحلم في عالم اخر عالم وردي تتمني تبقي محصورة فيه لطول
لعمر
حلقة94
يافا
تشهق بدموع للي
عينيها نشفت قلبها موجوع حسا روحها عاجزة موش قادرة كان تتحصر علي سعدها لمكبوب
_ يزي قمر تي
باش تموت بالبكاء صختة ليه بدر باش تموت عليه
_ لطف عليه يزي
علاش تصخت فيه
_ بربي دافع
عليه لتوا
_ ندافع عليه
ملا نسيت لهو حبي
_ متهبلنييش
وشكنت تقول توا
_ لكنت نعمل فيه
مجبورة عليه
_ مجبرك حد هاو
باش نقلك وانا من توا ننصحك متعلبش لعبة هذي
_ أمان ريم باش
تخليني
_ وداركم ياقمر
باش دخل فيهم غولة وبدر لو باش يسمع بلي عملتيه باش يسكت
_ بدر خرجني من
حياتو قالتها بشهقة
_ خلي نحكي معاها
_ (قصت عليها)لا
مستحيل تحكي معاه وترخص بيا أصلا أنا لزم نخذ حقي ونشويه كيف مشواني
_ كيف مقتلك ملا
لو باش تعمل ها لخطوة موش بدموع قوم البس واخرج واضحك وأفرح ومتشمتوش فيك بدر
_ موش وقت
تفرهيد مزال جرحي أخضر نحب نبقي وحدي
_ و ياسين وقتاش
باش تقابلو
_ وقت لانا نقرر
_ باهي قمر
نخليك ملا أرتاح ولو فما جديد كلمني
_ باهي ريم
يعيشك علي لعملتو معايا
_ معنديش مزية
عليك اختي راك باستها وخرجت ملي خرجت جبدت تلفونها لمن ساعة وهيا قاعدة يفبري
_ أهلا ياسين
سافا
_ وينك ريم
بشرني
_ نتقابلو في
بلاصة لعادة ونحكو
_ نستني فيك
ديجا
_ ههه باهي
هبطلي شربي وهاني جيت
ربع ساعة كان
بحذاه قام يسلم عليها بشوق
_ أه كي سبة هاك
مسيب لكابيني وتتبسم
_ موش مصدق لخبر
ريم حاسس روحي في حلمة
_ صدق ملا وهات
لبشارة
_ تاخو لتحب
عليه غير احكي أمان
_ موافقة
_ هككا بربي
توافق وهيا كانت مخطوبة
_ بطلت من
خطيبها وقالت نحب نخذ ياسين أش فيها ساهلة ظاهرلي
_ يعني مجروحة
منو موش هكا
_ فوق ماتتخيل
موش مجروحة برك وقيت حنيتك لنعرفها وأسلوبك لباش يوقعها فيك وتذوب فيك وحسسها أنك
مستعد تشري دنيا علي خاطرها توا تنسيها في ألف من بدر
_ غير توافق هيا
موش ناسيها في بدر ياريم منخليها تعشق راجل أسمو ياسين
_ زهرت معاك
مدام قاتلك أيجا اخطب تحكي بجدها خلي ترتاح ليومين هذوم أنا نوصيك حضر روحك لخطبة
علي قريب وحفلة كبيرة تليق بنت أياد الأندلسي
_ تهني (تبسم
بفرحة كبيرة وأخيرا قمر وافقت عليه واخيرا قمر باش تكون ليه واخيرا باش يطول لقمرة
لعمرو لكل يخزرلها من بعيد حاسس روحو فرحان وطاير بين سحاب
حلقة95
يافا
"أتمني أن
أكون راهبا بين يديك أتعبد عينيك ياجنية لهوي
ياقمرا طغي نوره
علي ظلمتي وانار عتمتي
يخزرلها كيفاه
تاكل بعين ذابلة شعرها كان لكل بوكلي فوق وجها كل دقيقة تهزوا جنيتو ساحرة رغم
تعبها ومرضها لكن لقوة لفيها ولعزيمة ظاهرة من كل حركة تعملها تحملت وجايع أيام
وليالي وساكتة وصابرة حاسس بوجيعتها لدرجة كبيرة لدرجة لمرار لمعبي طعم حياتو لمن
يوم مرض يافا وهو يعاني في بعدها .."أبتلاني الله بعشقك ويوم أبتلاك بهذا داء
ذبتو فيك أبتلاء لعاشق المنصهر في شتات روحك المعذبة ياحورية لجنة"
يافا حبيبي صحة
_ يعيشك غاليا
(خزرتلو بمحبة كبيرة وشوق اكبر)
_تعرف الي أنت
محلاك
_ نعرف مدام
وجودك في حياتي أكيد باش نكون أحلي مرا في دنيا
_ ربي يخليك ليا
يافتي راك ضو عيوني (هز يدو يعدي فيهم علي شعرتها)شبشوبتي تعرف لفترة هذي باش
نزودو لعلاج
_ أقوي من هكا
(قالتها بوجيعة)
_ هذي أهم مرحلة
لو تتخطاها باش ترتاح وتتخلص من سموم لفي بدنك لكل لزم تكون قوية علي خاطري يافتي
_ باهي مدامك
معايا اكيد قوية
_ باش نرجع نخدم
وقيت معادش نجم نخدم من هوني ولا ساعات قليلة
_ باش نبقي وحدي
_ لا هاني نلوج
علي طبيبة باش تبقي معاك وعم صدام باش يجي بحذاك حتي وين نجي من لخدمة لعشية
_ باهي غالي
تهني عليا لمهم اخدم علي روحك
_ أيام ونرجعو
نخدم مع بعضنا موش هكا
_ توحشت لقزارنا
_ صدقني حتي هيا
توحشتك لكل غادي يسئلو عليك ويستنو في روجوعك
_ سلم عليهم لكل
قعدو يحكو للي
جات لممرضة عطاتها دواء خرج وخلاها كيف لعادة باش تستسلم لنوم صوت لباب دق شاف
منقالتو تبسم قريب ينسي موعد طبيبة لميعرفش صدفة كيفاه رسلتها في طريقو وافقت أنو
تجي وتكون حريصة علي علاجها
_ عسلامة دكتورة
أيناس موش هكا (مرا متحجبة بيضة طويلة شيك عينيها خضرا كيف عينين لقطة ملامحها
غربية تجذب )
_ أي مسيو غالي
انا هو
_ تفضل ندخلو
ونحكيلك علي لموضوع لحكالك عليه صديقي
_ فسرلي كل شئ
سي غالي (تحكي وداخلة لدار لمركزة مع كل جزء فيها قعد فوق ديفون قعد بجنبها غالي
وتبسم )
_ دار فارغة علي
خاطر مرتي مريضة وملزمش يكون فيهها أثاث
_ مرتك (قالتها
بأستغراب)
_ أيه مرتي
لمريضة هيا مرتي هاو باش نفهمك لحكاية ملول كيفاه هيا موش دروقيست فما شكون أعطاها
مواد مخدرة وتلاعب ببدنها في عملية خطف لأسف لكمية لخذاتها كبيرة برشا للي تخلطت
بدمها صفيناه وقمنا بلازم ورجعت نسبة لمخدر نسبة طبيعية ولحد لان بقين نتبعو فيها
بالمرحلة بالمرحلة
_ فهمتك صديقك
فهمني لموضوع بلقدا (لغتها كانت ظاهرة تونسية مكسرة شئ لركز فيه غالي من لول وشئ
لخلاه يسئل ويحير)
_ ياخي موش
تونسية انت
_ أيه تونسية
بحكم قريت لبرا وعشت لبرا برشا لغتي تونسية ضعيفة شوية
_ فهمتك لمهم
دكتورة تنجم تعاوني وترجعلي مرتي
_ أكيد سي غالي
لو قالوك أنا هذا اختصاصي وبأذن الله مرتك ترجعلك علي قريب وأنا هوني ومن ليوم هيا
مهمتي
_ يعيشك دكتورة
أيناس وهذا شئ فرحني ملا لبون باش تعرفك علي لفيرمة وعلي لبيت لباش تعيش فيها
لأيام هذي وللممرضة توا تفسرلك كل شئ وتفهمك في مرضها لكل أنا لزم نمشي نخدم
_ باهي سي غالي
أصلا جبت دبشي معايا
_ أه قبل ماننسي
ممكن تعطيني بطاقة تعريف متاعك
_ علاه (دخلت
بعضها)
_ عادي أجراء
روتيني لزم نعرفك شكون
_ فهمتك اكيد
ولو سي غالي تفضل(جبدت من صاكها لبطاقة مدتها ولبسمة فوق شفايفها هزها منها وخرج
بقات مركز معاه نظرتها كانت غريبة حتي علي نفسها متعرفش علاش كانت مربوثة وهيا
تحكي معاه وعلاش بدنها لكل عرق وعلاش وتحكي بتعلثم وصوت ضعيف عكس طبيعتها طلعت مع
للممرضة لبيت يافا باش تتعرف علي مريضتها جديدة وتشوف مرتو لمن بكري يوصي ويعاود
عليها ...مع كل خطوة تخطيها وتقدمها يتكتب قدر جديد وفتح ملفات وماضي قديم جدا
ماضي تنساه كل من أبطالنا وعاشو عذابه ومعانته لسنين أول مدخلت وشافت يافا ممدودة
فوق لفرش يدها لا أراديا تحطت فوق شفايفها تقارن بين صورتين خرجت منها كلمة مستحيل
وبقات تحرك في راسها يمين ويسار علي تشوف فيه من مفارقة ولغز خطير
حلقة96
يافا
ستائر لحقيقة
تنجلي عند مايقرر لقدر ان يفضح
أسرار كانت
لسنون مدفونة في عقول مسمومة
وصدور خبيثة
لبها لعرق وهيا
تخزر ليافا موش مصدقة لتشوف فيه شنوة ها شبه لكبير تسمع في صوت لممرضة من بعيد موش
مركزة معاها كل تركيزها علي هاسر وها لمفاجئة لتشوف فيها قدامها
_ دكتورة أيناس
يافا راقدة توا لو تحب تنجم ترتاح في بيتك
_ يعيشك تنجم
تهزني ليها
_ تفضل قدامي
(خرجت تبع فيها ملي دخلتها للبيت سكرت لباب بقوة وجبدت تلفون تطلب بيد ترعش
..لحظات وهز عليها مزال غير يسلم طرشقت عليه
_ شكوني يافا
انطق
_ شبيك تصيح
كاترين شفما
_ شفما شبه
لبينها وبين ألين موش من فراغ أنطق
_ هههه شنوة
طلعتها فيسع طلعت ذكية انت
_ تعلب معايا
خالي
_ اخدم خدمتك
كاترين من غير متبقي تلعب معايا
_ وانا ليلعب
معايا زادة يشوف حجات متعجبوش (وعلقت عليه تتنفس بقوة ..تسمع في حركة غريبة ورا
لباب خبت تلفون وقدمت حلت لباب خزرت يمين ويسار ملقات حد ستغربت شكون زعمة رجعت
لبيت عاودت سكرتها ...خيال تعدي قدام لبيت مرا اخري وهبط بشوية باش مايسمعو حد خرج
ولحيرة معبية قلبو شكون ألين
**
قاعد في بيرو من
ساعة يستني في تلفون فد وتيقر جبد تلفونو باش يعاود يتكلم صونا تلفون بيروه هز
بلهفة كبيرة ...
_سي غالي كيف
مكنت شاكك ولقلت عليه صحيح وبوك وامك هوما ليقلولك علي جزء من لحقيقة واكبر دليل
نهارين لفات أسئلهم وين كانو وهاني باش نبعثلك بالفاكس توا لوراق ربع ساعة وأفسخهم
فهمت
_ باهي تهني ربع
ساعة وتم تقطيع لأوراق وخرج لدراهم يسوق ومخو لكل في لقراه لوثائق لقراهم يقلبو
دنيا توا فهم كلام عمو صدام وشكوا في مرتو توا عرف علا ش امو كانت رافضة زواجو من
يافا توا فهم سكوت بوه وامو رغم لقوة
ليملكوها اما علاه هذا لكل شنوة سر لمخبينو عليه وصل فم باب دار وقت لهبط من
لكرهبة بقا يخزر لدار عمو صدام دقائق تعدت تفكر كل ماضيهم وقعداتهم تفكر عائلة
كانت في يوم مركز سعادة ليوم ولات ملعونة وكأنو لقدر باقي يعاقب فيهم بطريقة بشعة
...دخل لدار لقي شهاب في جنينة سلم عليه وبقي يحكي معاه شوية طلع لبيرو بوه يدق
بيد ترقل لكل لحقائق لباش يكشفهوم باش يخليه في مواجهة كبيرة مع بوه وأمو
_ ادخل
_ عسلامة بابا
_ أهلا غالي
ولدي لباس
_ لباس (قدم
حظنو وسلم عليه )
_ وينك شحال
يافا خيرش توا
_ خير بابا تهني
عليها
_ ولخدمة
_ ماشايا بابا
بلقدا
_ فرحتني قول
حسك تحب تقول حاجة
_ خلي تجي امي
وتوا نحكي
_ يعني اجتماع
بينا تحب تقول
_ بعد اذنك بابا
_ باهي ولدي لتحب
عليه (شوية لحقت عليه يافا الام سلم عليها وقعد قدامها يخزرلهم في نظرة حيرتهم
_ تكلم شفما
غالي علاش جمعنا هوني
_ وين كنت يومين
هذوم
_( وجهوم صفارت
وخزروا لبعضهم )وانت علاش تسئل
_ سؤال هكا
_ عمرك متسئل
سؤال هكا من عدم تربيتي غالي (جوبتو يافا وهيا تخزر لعينيه تحب تفهم منو شنوة لحب
يقول)
_ لاخاطر لوصلني حيرني
_ شوصلك فهمنا
_ شهزكوم لجنوب وفي طيارة خاصة
_ شكون قالك (صاح اياد ) تتجسس علينا سي غالي
_ عمري منتجسس عليكم طلبت نسئل علي حاجة اكتشفت حاجات
_ لموضوع لكتشفتو حتي مايهنيش فيه ونفهمك في حاجة رودبالك تبربش ورا اي
حاجة فهمت موضوع لجنوب تنساه هاو نبه عليك
_ بابا تغلط هوني ولدك وتعرفني عمري منتراجع علي لنلوج عليه
_ الي هو وعلاش تلوج (سئلتو يافا بهدوء)
_ طاطا غزلان أمي لوصية وشكون لخطفها وين تعيش
_ شتحكي انت (قامت يافا مرعوبة )واعي شتقول
_ لسمعتو ليوم عرفت الي طا غزلان عايشة وغريبة الي موش مصدوم تعرفو ولاغرب
انكم تعرفو هذا ومخبينو
_ لتقول فيه باش يقلب لبلاد غالي رودبالك تعاودو مفماش منو لكلام
_ فما منو أمي علاش خبيتو علاش
_ خاطر أمر اكبر منا لكل واكبر حتي من دولة لكل
_ مفماش امر اكبر من دولة
_ فما (قال أياد) وقت لتكون لحكايات هذي في يد لمافيا لخارجية تكون اكبر من
دولة حتي لو لموضوع خارج أرض لوطن يكون أقوي منا ومن مؤسستنا
_ وعلاش فهموني شنوة لصار
_ مصار شئ اخرج من لموضوع وردبالك عمك صدام يعرف بالحكاية ولا يافا رودبالك
_ أياد اهدي (شدتلو يافا يدو تهدي فيه) وقيت لزم غالي يدخل معانا ويمكن
تكون رجوع غزلان علي يدو
_ تحلم ولدي مستحيل يدخل في معامع دولية غزلان حتي لو عايشة راهي عاجزة موش
باش تفيد بشئ وانت تعرف هذا
_ أحكي أمي
حلقة 97
يافا
_ من سنين مزلت أنت صغير (يد أياد تحطت علي يد يافا ..خزرتلو خزرة طمن فيه)
خليني نحكي لزم ها لحمل يهزوه 3 موش ثنين
_ أحكي امي نسمع فيك
_ وقتها كنا أناوبوك وغزلان وصدام في قضية احن اختارنا ندخلوها وياريتنا
مدخلناها وقتها شرطة لعسكرية هيا لتكلفت بالامر لكن احنا حبينا تكون عندنا يد فيها
وخاصة انها تمس امن لبلاد وهيا دخول احد لوزراء لمتهمين في قضايا فساد كبيرة
للبلاد ومسك منصب كبير وبدا يحل في برشا ابواب منها لفساد لمالي وتبيض لاموال
وبدات تكبر للعبة للي معادش نجمو نسيطروا علي بعض نقاط لتابعة دولة ومنهم لجنوب
قصدي جزء منو لكلنا نعرفو في الفيات وتسعينات شصار والقوة متع لفلوس لبدات تدخل عن
طريق لحدود بين ليبا ورمادة ولات مجزرة لكل جزارين ليتاجر في سلاح في ذهب في تهريب
لمال شراب دروق نساء الاطفال كل تجارات ولات مباحة وفعليا ولات لبلاصة قنبلة
موقوتة ممنوع دخول حتي لعسكرين وشرطة ولحرس لمنطقة لحدودية هذيكا ..وبدليل لتشوف
فيه ليوم ولات تقول بلاصة ليبية واي شخص عندو سلطة يحكم وبدينا بمنظومة القبائل
تحكم ومئات جنرالات لتقامت عليه مزاد قتل بالمعني صحيح او سجن ولا اقالة وقت لبدات
ريحة تفيح ققرنا ندخلو ونعاونو داخلية في ها لملف وياريتنا مدخلنا من قبل نعرفو
انو فما شوي ضغائن بين شرطة وجيش وكل طرف يجبد ليه ولات لحكاية فيها تكنبيس كبير
ورشاوي اكبر ومكائد ملهاش حدود ...تم انساحبنا من فوق تنجم تقول تلفون من اكبر هرم
في دولة انساحبنا مكرهين الا غزلان وهذا لعرفناه من بعد قدرت تبقي علي علاقة بعض
لاطراف من مؤسسات مختلفة وبقات تخدم علي اساس باعتنا ...وتخلات علينا وقدرت تجمع
برشا خيوط ودوسيات كبيرة لكن وقت ىلوصلت لاكبر خيط طيحوها وعرفو الي هيا ..لورا
برشا مداهمات ومكالمات خلات برشا خطط ليهم تفشل تم قتلها هكا احنا عرفنا وريناه
تصاوبت علي راسها وفورا في لمشفي لعسكري قالونا توفات ...وتم دفنها في جنازة
عسكرية كبيرة علي غير لعادة شئ لمنجمناش حتي نشوفها ونعرفوها ...بعد باعوام بصدفة
نفركس في برشا وراق نلقي وثيقة موجودة وماسو معاها فيه رسالة ..أنو هيا خلت وصية
وخلت وثائق تدين راس لكبير ...واعطتني لعنوان فين ملقيتش اما لقيت في بلاصة لوصية
ورقة اخري مكتوب فيها لوصية ليافا
_ بمعني لوصية عند يافا
_ يافا متعرفش ولخطف غزلان عندو هدف واحد انو تعيش باش يعرف الاوراق وين
_ وكيفاه عرفتو غزلان عايشة
_ من سنين عرفنا عن طريق جراح كبير بعثنا رسالة يطلب لمغفرة منا وأنو تلاعب
في الاوراق متع جثة وانو غزلان عايشة ومايعرفش وين اما لؤكدو انو مشلولة وفي
غيبوبة
_ يعني وين هيا
_ وين هذا سؤال ماينجم تجاوب عليه كان يافا
_ شدخل يافا امي
_ من يومين عرفنا الي نرهان وقت لخطفت يافا كانت حبة تعرف مكان لوصية وين
_ وشدخل نرهان
_ يعني نرهان عندها طرف قوي براجل لخاطف غزلان
_ وشكونو لوزير وين عايش
_ لوزير مات ليه سنين هو مجرد شماعة عاملينها لكبارات لجواب منلقوه كان عند
يافا لو تتفكر أي كلمة قالتها غزلان ولا وصية لوراق وملفات عطتهوملها
_ مستحيل يافا تكون مخبية وصية امها لتوا متقولش كانت تصرفت
_ ولو تتخيل يافا باش تقلك ومشية ليبيا متجيش من فراغ لو هيا زادة تعرف
بأمكانية لوصول لشخص لقتل امها
_ مدخلنيش بعضي يعني يافا تعرف مستحيل
_ هذا شئ نعرفوه وقت لتنطق وتبطل تمثلية انو مزالت تحت تأثير لمخدر
_ شتقصد امي
_ لنقصدوا انا لدربت يافا وأنا لخليتها تكون بها القوة ودواء لخذاتو كان
كافي باش يخرج درجة سموم من بدنها وليوم تقرير الاطباء يؤكد انو بدنها خالي
_ فما نسبة كبيرة امي
_ نسبة يقدر يتصرف معاها شخص بأرادة يافا وقوتها وبلعلاج لكانت تتلاقي فيه
ومن فوق تدريب نفسي لكانت تتلقي فيه في تدريبها لخاص
_ يعني تحب تقول يافا تمثل امي عيب لتقول فيه
_ رودبالك ولدي كيف مخلاتك تعقد عليها وهيا في عالم اخر تنجم تخليك تعمل
اكثر منهكا
_ يعني انت تعرف (سئلها بحيرة )
_ ولو اول خطوة كنت متاكد تعملها برغم وجيعتها اكبر ملي تتخيلو تفرح
ومتفرحش امك
_ وشكون لقالك
_ من غير مايقلي حد ولدي وقريتك قراية ..(قدمت حطت يدها فوق كتافوا)ركز في
كل حاجة تشوفها وكل حاجة تلاحظها يافا مرتك موش تشيشة وهذا لعرفناه انا وبوك من
يومين ولمعامع لدخلتهم موش بساهل باش تخرج منهم الا باختيار رجل كيفك في كتفها
يعني تعمل لتحب عليه ولخلص مركزك ولدي رودبالك مركزك ليوم معاك وغدوة ينجم يكون
سيف عليك (وخرجت وخلاتو حاير يخزر في لاشئ مخو باقي يخمم في لراه لشافو متاكد مرتو
بقيا تتعالج ومتاكد من لكريز لكانو يجوها مستحيل يكونو كذب مستحيل خزر لبوه يستنجد
بيه ملقي كان اجابة وحدة
_ الشك يؤدي لليقين ولدي (وخرج وخلاه في حيرة ما اكبر وشك اكبر )
حلقة98
يافا
يخزرلها من ورا لبلار بسمة فوق شفايف معبين تجاعيد سنين مرت وهيا علي نفس
لحال وعلي نفس لموال بدنها لباس وتقدر
تقوم في كل لحظة وترجع كيف مكانت من سنين تحل لباب ودخل لبيتها ...جبد كرسي وقعد
شدلها يدها لكانت معبية تجاعيد قربهم لشفايفو وباسها بمحبة مايعرفش علاش لحد ليوم
يحبها ومقدرش يكرها ..
_ ألين حبيتي وقتاش باش تقوم نحب
نشوف عينيك قلي كلمني ..(بقا يحكي معاها برشا وقت )ونسيت مقتلكش كاترين مشات لتونس
وتعرف لهيا باش تقابل يافا بنتك هههه كان يحكي مركز مع كل بدنها للحظة تخيل انو
شوف عينيها رمشت قدم بكرسيه يخزرلها ويثبت تخيل تهيئلو ...كمل يحكي يحب يتأ كد
)يافا بنتك مريضة ومحتاجة طبيبة تعالجها وأنا من حبي ليك بعثتلها اكبر طبيبة في
دنيا كاترين بنت اختي نرهان موش تعرفها أنت ولا غالط أنا (وقت لشاف صبعها تحرك
تأكد أنو تفاعلت معاه قرص علي لقرص لبجنب فرشها جا طبيب يجري
_ تحركت توا ملول شفت شفارها تتحرك وتوا شفت صوابعها متأكد ملي نقول فيه
_ لو متاكد حاجة باهية برشاا خليني نفحصها ونقلك مسيو (خرج وخلي طبيب وحدوا
بعد اكثر من ساعة خرجلو عرضو ملهوف )
_ شنوة
_ معجزة دماغ رجع لتقط بعض الأشارات من لماضي وهذا لفهمتو من لفحص نعرف لمن
قبل تسمع فينا أما توا متأكد لمخها لباس وقادرة في كل وقت ترجعنا مسيو
_ يعني نجمو نفيقوها
_ هيا لتفيق موش بيدي وأنت تعرف الي مهما طور طب منجمناش ندخلو فوسط عقل
لبشر ونتحكمو فيه
_ وعلاش تحرك بدنها(بقا يخزرلها من ورا لبلار)
_ لقلتو وقعتلها كيف لخوف خلات بعض خلايا دماغ تستجاب لكلام
_ يعني أي صدمة ممكن تخلي دماغ يفيق
_ موش ديما ساعات صدمة تؤدي لنزيف حد في دماغ مع لغيبوبة بتعتبر شلل كلي
لكل خلايا ورفضها علي أعادة نشاط وهوني ممكن لخلايا وسحايا دماغية تتضر
_ فهمتك لزم ترجعلي لو ألين ترجع نعطيك وزنك فلوس دكتور
_ نحاول مسيو
_ لزم تحاول ترجعها وفي أقرب وقت (مشا يتعكز علي بكيتو يمشي ويحلم انو تقوم
وتعيش من جديد ويفهم منها برشااا حجات عالقة في طيات زمن
**
نهارين تعدوا عليه بين حيرة وشك كبير كل يوم يفكر في لكلام لقالتو امو
ويبحث في كل تفصيل يخص قضية كان من سنين رجع لأرشيف وجبد دوسيات ناس كبار بدات
برشا خيوط تبان قدامو أكثر تحالفات لكانت في لفترة هذيكا شنوة ضربات لصارت
ولمعاملات سوي تجارية ولا العسكرية كل مرة يلقي لغز جديد يحاول يحلو بكل دقة باش
متتعداش أي خيوط يفلتها ...واهم خيط كان يافا أمو عمرها متقول حاجة من فراغ وهو
متاكد فما أنا في لموضوع كان فيها ليومين مركز معها ومركز مع طبيبة جديدة لكان
حاسس فما نظرة غريبة في عينيها وشئ نفسو شافو عند يافا ..هو ذكي لدرجة مستحيل
تتعدي عليه ومتاكد من نظرة موش نظرة غيرة حاجة لحد لان يفركس عليها روح من خدمتو
بكري ملي دخل سئل عليها قاتلو لممرضة في بيتها من ساعة فاقت وشربت دواها وقت لدخل
لقاها قاعدة سارحة في سقف وتخمم موش مركزة معاه بقا واقف في لباب يخزر لعينيها
ويثبت زعمة برات ومخبية عليه زعمة تمثل لمرض باش تكون في وضع ضعيف وهيا تحفر من
تحت لتحت مستحيل حرك راسو علي ها لواساويس تافهمة لبقي يمر بيها ها ليومين قدملها
...حب يفيقها من سرحتها لكن ستغرب من كلامها بطريقة باردة
_ فاش تخمم غالي وعلاش من لدخلت مركز معايا وكانك في حيرة كبيرة
_ انت شفتني وحتي راسك مدورتوش
_ من غير منبقي نركز باش نقراك انت بذات فاش تخمم
_ فيك نخمم فيك (قالها وقدم باسها من جبينها ) وانت فاش تخمم
_ فيك (دورت راسها جات لعين في لعين)وينك نهار بطولو
_ في لخدمة تعرف ظغط كبير عليا
_ ربي يعاونك حبيبي (بقا تخزرلو وتثبت فيه)
_ حسك خير ها لفترة طبيبة يظهرلي علاجها باهي
_ علاجها باهي برشا هاك تشوف حاسة روحي بقيا نتحسن كل يوم خير من يومو
_ أيا باهي حمدلله ان شاء الله ترجعنا توحشتك
_ حتي انا توحشتك وتوحشت لخدمة أيام ونرجع اكيد غير خليك معايا (لباب قص
عليهم لحديث)
_ ادخل (قالها غالي وهو شادد يد يافا)
_ عسلامة سي غالي عسلامة يافا
_ عسلامة دكتورة أيناس (يافا سلمت عليها براسها وبقات تخزر لسرانق لفي يدها
)
_ جيت باش نعطي دواء مدام يافا بعد اذنك سي غالي
_ أيه تفضل
_ يافا مدتلها يدها وبقات تخزرلها تشوف في يد أيناس كيفاه ترعش باش تزرق
وقت لزرقة تحطت فوق جلدة باش دخلها في لعرق سرنق طاح من يدها تفجعت جات تجبد فيها
صوت يافا لكان خارج ضعيف )أفف دكتورة شصار علاش طاحت تنجم تعاود وحدة اخري
_ هزتها وخزرت ليافا نظرة غل متاكدة لثاني مرة ليوم وين تجي دخل سيرنق يد
يافا توالي تقول حديد وسيرانق طيح من يدها شنوة لصار وشنوة هذا لكل بدنها حديد
ومطوعها تتحكم فيه كيف متحب هزت سيرانق وخرجت بعد مقتلهم نعاودلها بوحدة اخري
تبسمت يافا بخباثة ورجعت لبرائتها لمعهودة قدام غالي ...للحظة مشدها من يدها بقوة
وجبدها ليه
_ شنوة تعلب معايا ومع دكتورة يافا
_ شتقصد غالي
_ شنقصد لكلنا نعرفو الي أي شخص مدرب يقدر يكبس يدو بقوة للي حتي سيرنق
متتعداش فيها وهذا لعتمدتو توا علاش رافضة تتعالج
_ خاطر خاطر
_ نقلك خاطر شنوة خاطر لباس عليك وبدنك لباس اما قاعدة تمثل في لمرض عليا
موش هكا
_ لا وراسك لا رودبالك تخمم هكا مزلت مريضة ولحد لان كيفاه باش نكذب في
حاجة كيف مهكا
_ وشنوة لكنت نشوف فيه
_ عادي حركة عادية دربنا عليها مممكن لا شعوريا صارت
_ زعمة لاشعوريا (تبسم بخباثة ) فهمني شاكة في دكتورة
_ علاش نشك فيها موش قلت معرفة صديق ليك
_ يزينا عاد مرتي راك ونعرفك
_ مرتك قالتها بفرحة
_ قلي يافا لو وليت لباس خلينا نخرجو من هوني يعيشك وقلي شنوة لمخبيتو عليا
شنوة لصاير لكل وعلاش ها لعتمة لمصرة تحيط بيها حياتك لكل
_ حياتي ظلمة وحدها ويظهرلي مرضي حاضر عليه ولو تتصور باش نمثل اني مريضة
ونكون كاذبة وقتها من حقك تقتلني موش تعاركني أما بديت مع لفترة هذي نحس بشوية
تحسن هذاماكان
_ فاهمك معادش تقبل حتي دوا من دكتورة
_ علاش
_ هكا لو انت مرتحتلهاش انا زادة مرتحتلهاش ومنعرفش علاش
_ بالعكس تظهر جونتي برشاا
_ ساعات طيبة هيا لتوصلنا لكوراث كبري خليني نهبط عندي خدمة نعملها ونجي
_ وين ماشي (شدتو من يديو)
_ هوني في دار تلفون صغير ونجي
_ باهي نستني فيك
حلقة99
*يافا
مغمضة عينيها للحظة تصورتو شافها تتصنت عليهم في لكلام يعني غالي شك فيها ولحل
توا خزرت لسرانق لكانت باش تعاود تمشي تزرقها ليافا رجعت خبتها في طبيلتها لزم
تتصرف ليوم تقضي عليها وتخرج من دار قبل مايفيق بيها حد ولحل لوحيد لماكلة
لتتهزلها في طبق وحدها هيا لحل لوحيد لتقدر تخلصها منها وتنفذ مهمتها ...رجعت
لبيتها تزرب جبدت دبوزة لمحضرتها لزم تتصرف حسب تعليمات وتخلص ليوم قبل غدوة هزتها
وخرجت لكوزين لقات لممرضة تحضر في طبق يافا قدمت تجدب في كاس ماء وتصب باش تشرب
..عينيها كل مرة تخزر لبلاصة ليكون فما شكون مركز معاها جبد دبوزة وحطتها في يدها
بقات تحكي مع لممرضة وتفدلك قدمت وقفت بجنبها وهيا تحضر في طبق يافا ..كان تترشف
في كاس لماء للي طاح من يدها تفجعت لممرضة وهبطت باش تلم معاها في نفس لحظة يدها
حطت دبوزةفوق شربة ثواني كانت كفيلة باش تنفذ فيها ..
***
يحكي في تلفون ورا دار يسمع في سيرة دكتورة شكون شئ لتفاجئ وخلاه ينصدم الي
نفس دكتورة توفات من 3 شهور ملا شكون لمع مرتو وشكوني أيناس هذي طاح تلفون من يدو
وطلع يجري في لحظة لطالع فيها كان يشوف في لممرضة طالعة بطبق لبيت يافا مركزش
معاها كان مركز مع أيناس لكانت تخبي ف حاجة في صدرها ...كان باش يقدم سيناريو قديم
جا لبالو من غير مايخمم للحظة طلع يزرب يرحي في درجات رحيان مايعرفش كيفاه وصل
لبيت يافا وكيفاه نقز بكل قوة وهو يشوف فيها كيفاه تعبي في لمغرفة تهز فيها لفمها
_ يافا لا لا لا (تبلنجي رما لمغرفة من يدها لممرضة تفجعت وخرت لتالي ويافا
تسمطت من رعب صينية لماكلة تكبت فوقها لفرش لمغرفة تنطرت علي لحيط بقي صوص معبي
فيها
_ شفما غالي شنوة لصار
_ أقعد هوني رودبالك تتحرك فهمت وخرج يزرب يكلم في رجالو في لمنقالة لفي
يدو باش يسركلو لفيرمة ...وقت لدخل للكوزين ملقهاش شاف شباك محلول قدم يزرب نقز
منو ولحق يشوف فيها وين شاف كرهبتها من بعيد كيفاه ترحي في طريق حبس في بلاصتو
كرهبة رجالو لحقوها حبستلو كرهبة أخري ..باش يركب
_ يافا وحدها حسبوني بيها حية وجيبوها لدبووو
_ رجع يزرب ليافا مفجوع يعني لها درجة كان متهاين في حمايتها واي شخص يدخل
لحياتهم بكل سهولة وقت لوصل لقاها في باب دار عرفها شافت كل شئ
_ يافا لباس حبي
_ كنت نعرف الي هيا مبعوثة ليا أما متصورتهاش بالغباء هذا تستعمل طرق قديمة
في لماكلة
_ شكوني يافا
_ بنت نرهان
_ نعم شتقول أنت وكيفاه عرفت وعلاش مقلتش يافا أنطق
_ موش مطالبة ذكاء باش نعرف وجه شبه بينها وبين نرهان وكنت نعرف قبل الي
نرهان عندها طفلة وتسكن برا من غير منبقي
نخمم انو هيا نفسها ها طفلة ونرهان بعثتها باش تكمل طارها معايا
_ وعلاش منطقتش ملول قول ياخي لتوا في عادتك لتوا في صحة راسك
_ غالي فما حاجات متعرفهمش انت ومكش باش تفهمهم خاطر يخصوني انا
_ ولخصك يخصني ناسيا لانا راجلك
_ وتاج راسي ولولاك كنت جيفة توا
_ لطف عليك (جبدها حظنها بقوة ) مستحيل نخلي شكون يؤذيك وعدتك تبقي لباس
مدامك تحت عيني
_ وكيف تغيب باش يكلوني ويقتلوني
_ متخافش ربي حاميك قبل منحميك يزي ولزم نخرجو من هوني ليوم قبل غدوة
_ فما سر قالت عليه طبيبة
_ شنوة هو
_ فما شبه بيني وبين مرا اسمها ألين
_ شكوني لمرا هذي
_ منعرفش تمنيت نكمل نعرف
_ (سكت توا تأكد لغزلان عايشة ولأسم لخرجت بيه ألين )يافا تعرف لقب مراد
شنوة
_ نعرف اكيد
_ شنوة
_ ***لقبو
_ فهمتك
_ علاش
_ حبيت نثبت من حاجة وبرا
حلقة100
يافا
**
مع لعشية وصلها لدار بوه لمكان لوحيد ليبدي متاكد أنو يافا في مؤمن فيه
تحضرت غرفتو ليها كيف لعادة فرغت من كل شئ وبقي كان فرش برغم أصرار يافا انو هيا
خير من قبل وأقل كريزات لكن خوفو أنها تتؤذي من أي شئ خوفو عليها ...درهم لكل فرحو
وقامو معاها بالواجب حست روحها حياة من جديد ورجعتلها روح ساعات شفائنا تكون في
بسمة ولمة من وسط نحبوه وهذا للقاتو يافا مع عائلة لاندلسي
ينقر علي لباب نقران مستغرب في لباقي يصير أيناس شكون وشنوة لقوة لخلاها
تدخل لدبو متاعو وفي ثواني يدخل بوه شخصيا باش تخرج من غير ميدقق معاها في شئ وهذا
لخلا غالي يعرف اللي بو مراد أفة كبيرة وخطر مميت علي عيلتو وعلي ناس لكل وأي جدال
بينو وبينو ممكن يوصلهم لحرب كبيرة باش تكون عايلتو هيا لخاسرة لأكبر قدام هرم
مفيوزي كبير مدعم من اطراف ماسونية كبيرة تعتبر تجارة لموت أساس روح لماسون لاكبر ويعتبروا فرسان لهياكل لمنقذ لأول ليهم ..ولفي
بينا يدينا أيادي أبليسية هيا من تحرك لعبة كل شخص ماسك ها لاحداث يعتبر مجر د خيط
رفيع سهل يتمحي في ثواني فقط من اجل أكمال لعبة
***
ساعات نعملو حجات غالطة تكون هيا رد فعل علي أمر مضايقنا وخارج من قلوبنا
..ممكن نخطئو وممكن نصيبو يكفي نفسوا علي حزن بردة فعل منخمموش باش تضرنا ولا
تفيدنا وهذا لصار مع قمر لقات روحها ترد في فعل خاطئ باش يقضي عليها وعلي حياتها
وحب كان في يوم طاهر وصافي للي جات بها لعملة زفت وهدتو بتصرف طائش
قاعدة تترشف في قهوة مرة كيف حياتها ..عينيها تخزر في لاشئ صوتو وكلامو
حستهم كيف لموجات لقاتلة لبقيا تقضي علي خلايا مخها بطرف بطرف شبقيا تعمل معاه
وعلاه قررت في يوم توالي معاه لها درجة كرهت بدر ولا تصرف بدر كان لزم تلغيه بها
تصرف لموش محسوب وطائش ولا تفكيرها وصلها لممكن بها طريقة يغير تبسمت كيف شفتو
يتبسم مكنتش فاهمة حتي لقول فيه سمعت كلمت موافقة هزت راسها بأيه
_ ملا نهار سبت نجيب لعائلة ونجي نخطب قمر
_ موافقة ياسين (قالتها وهيا في حالة تخدير كامل احساسها في لحظة كان غايب
لغضب لفي داخلها عمالها عينيها وقلبها كانت لزم ترد لفعل بأي طريقة ..وقفت باش
يروح بيها بعد مطلبت منو خرجت قدامو مستناتش حتي يلحق عليها وصلت قدام لكرهبة يدو
تمدت حلت لباب ...طلعت وبقات تستني فيه يركب يسوق ...جبدت تلفونها بعد مشافتو بقا
يحكي في تلفون أول محلت عرضتها صورتو شدتها لغصة لباب لكرهبة تحل سكرت تلفون وخزرت
لياسين
_ سامحني كنت نكلم في امي
_ باهي
_ قمر نعرف لممكن حتي مركزتش مع كلامي لكل اما نحبك تفهم حاجة وحدة انا
هوني وعد نعاونك ونقف معاك ونسيك في لجرحك وقلل من احترامك وانا نبريك غير سلملي
قلبك وحاول تفهمني وانا نعيشك سعيدة لاخر دنيا
_ حركت راسها بالايجاب وبقات ساكتة للي وصلت وهبطت من لكرهبة قتلو علي خير
بصيف هبطت تمشي بجهامة باردة كان دقة لقلب خافتة علي غير لعادة صدر متضايق ومكدر
مهموم عينيها متعرف كيفاه هزتهم لبلكون جات لعين في لعين حبست في بلاصتها جامدة
اكيد شافها هابطة مع ياسين بدنها لكل رعش من نظرتو لقاتلة ثواني ودخل باين ناروا
شاعلة سكتت ودخلت لدار كانت متصورة يعرضها يعاتبها يحاسبها اما شئ ساعة وزوز تعدو
للي سمعت صوت لموتور خرجت تجري من لبلكون شافتو خرج يعني بدر يشوفها هابطة من
كرهبة وعادي ويكست توا تاكدت معادش تعنيلو شئ وقتل لقالها اخرج من حياتي كان
قصادها حطت يدها علي حديد وتكلمت بصوت معبي غل
_ باش نخرج من حياتك أما نرد طاري فيك بدر ستني وشوف لعب
حلقة101
يافا
-**
حطا كدس وراق قدامها كل لحظة غاطسة في كور ليها برشا ضيعت وبعدت علي
قرايتها لزم ترجع قبل مايفوت لفوت ..لوقت قريب نص ليل وهو كيف عادتو لتوا مجاش
كملت حضرت في عقلها للي قريب يجيها نوم ...صوت لباب تحل كان يصفر ويغني أول مشافتو
تصدمت تشوف فيه علي غير لعادة وموش كل يوم وقفت من فوق لكرسي ومشاتلو تزرب
_ شهاب لباس
_ اهلا بشهودة سافا (شدلها خصلة من شعرها وقربلها قريب يطيح شدتو من لخوف
عليه وهيا تسئل علي لصايرلو)
_ شنوة شهاب سكران وكان يروك داركم علاه هكا
_ شنوة باش تحل محاضرة توا بربي اخطاني تاعب حبيت نعمل كعبات ننسي بيهم
همومي ولا مايجيش
_ شنوة لهموم لعندك يخليك تشرب قد هكا
_ كبيرة برشا قعد فوق لفرش جا باش ينحي صباطو هبطت قدامو نحتو وقامت حلتلو
لفاست ..
_ باش تبدلي دبشي(قالها بأستغراب )
_ وباش تتدخل دوش لعلا وعسي تناحي ها سم لشربو
_ ندوش فيها لبرد هبلت أنتي خليني نرقد يعيشك وصباح رواح رما روحو فوق لفرش
تنفست بقوة وجبدت لغطاء غطتو
_ أيا شهودة طف ضو وأيجا أرقد عاد
_ باهي شهاب لحظة ونجي مشات لمدت وراقها ونحت حوايجها ولبست حوايج نوم
ودخلت بجنبو للفرش من لدخلت جبدها ليه للي قريب تلصق فيه
_ محلاك ومدافك تعرف شهودتي
_ يعيشك شهاب (هزت يدها حطتها علي لحيتو ..بقات تعدي في صوابعها من دقننتو
لخدو )
_ لمستك مفينها خرجت منو اه ذوبتها ...
_ كانت مكبشة فيه ومكبش فيها لحظات كان فوقها يبوس فيها بكل قوة وعنف علي
غير عادتو ملول كانت شايخة معاه ومتسلطنة للي بدا يقرص فيها بقوة بسنيه كل مرة في
بلاصة كانت شادة صيحتها ليفوق بيها حد من دارهم ..كانت باش دزوا بدات تفارع ليه لل
كتفالها يدها لفوق وقرب باسها من شفايفها وتكلم خليني سحر خليني متوحشك برشااا
معادش نصبر عليك
_ سيبني شهاب شكون سحر يعيشك سيبني (من قوة صدمة وكلامو لكان خارج من ثمالة
رغبة وشرب خلاتو يتصور الي سحر هيا لتحتو ...بدات دز فيه من حرارة روح ..للي خبشتو
في رقبتو بقوة وبعدتو ...وقت لبعد وقفت من لفرش ترقل بكلها جبدت لمخدة وضربتها بيه
_ خسارة حبي فيك متوحش حيوان عمري متصورتك تخلط بين مرتك وطفلة تعرفها جبدت
روب ديشونبر متاعها ودخلت لدوش تبكي علي لسمعتو بعد مبدات علاقتهم تتحسن بعد محست
لممكن فما امل يحبها وتعيش سعادة معاه تلقي روحها تعيش في دور اخر معاه دور
متتمناه حتي مرا مجرد خيال لذكرة قديمة تعرفها مليح ...
**
نهارين تعداو كل حد فيهم في همومو سارح ساكنين في نفس دار وكانهم غراب
مشاغل دنيا ولوقت يخفك حتي من لعزيز عليك وهذا لصار معاهم ..لكل شهاب وشهد علاقتهم
بين مد وجزر شهاب كان نادم علي لعملو في لحظة ضعف خرب علاقة كانت ماشيا في طريق
صحيح حس بندم كبير برغم حاول يعتذر من شهد لكن رفضت ولزمت بصمت انو تكمل لأمتحانات
لفترة هذي وباش يحكو في كل لمواضيع كان متاكد تلف فيه وموجوعة منو ..سكت وعداها
بين خدمة ونوم ..يافا وغالي كانو ممكن في احسن فترة يعيشو فيها زوز أشخاص يحبو
بعضهم ممكن لفترة لطيح بيك تتمني تلقي حبيبك يواسيك ويقف جنبك ويساندك ويحاوطك يناسيك
في ناسك واهلك ودمك غير هو يكون معاك وتعيش في حظنو وبين يديه تقول جنة رغم وجايعك
ورغم مصايبك قمر مكنتش أتعس منهم كانت نفسيتهم في لحضييض بدر وأه من بدر قصة وجع
وكبير لدرجة انو كان عاجز حتي يحكي مواجعو لروحو وهذا أصعب شئ لفضفضة لنفس انك
متقدر تحاكي روحك وتعاتب وتحاسب
نفسك وتشكي مشاكلك
هوني في حد ذاتو مشكلة نفسية وكبيرة برشااا ...لكن كل حد كيفاه يظهر
انفعالو وهذا لصار مع قمر لختارت سياسية رد لفعل ليوم نهار لموعود كانت تعرف اللي
لو باش تقول لدارهم علي لخطبة باش تقوم لقيامة وتصير كارثة خلت كل شئ فجئي وهذا لتفقت
فيه مع ياسين كلهم كان ملمومين علي لعشاء وكأنو شئ لم يكن لباب دق خرجت لبون دقائق
ورجعت لأياد
_ سي أياد عائلة ** تستني فيك تحب أذنكم باش تقابلكم لكل
_ اكيد يتفضلو خزر ليافا مصدوم شنوة شئ ليربطهم بيهم قمر كانت مهبطة راسها
وساكتة وقفت يافا وأياد يستقبلو فيهم لكن شئ لرووه صدمهم عائلة كاملة في يدها بوكي
نوار وبكوات حلو وقاطو قدم أياد سلم عليهم دخلو لصالون وقعد يرحب بيهم ويمرحب لحقو
يافا وغالي وقمر وشهد أما شهاب بقي ياكل ولا علي بالو
_ نورتونا تفضلو سيد احمد
_ يعيشك سي أياد أحني جينا من غير مطلبنا لحقيقة جينا طامعين في كرمكم وحسن
ضيافتكم ليحكو بيها نا س لكل
_ ولو نورتو اكيد دار داركم
_ (قدمت لبون سئلتهم شيشربو) قهاوي واكيد باش تحضرهم عروستنا (وخزر لقمر)
_(وقفت قمر حبستها أمها ) مفهمناش سيد احمد كيفاه عروستكم مخطوبة بنتنا
راهو
_ شنوة خزربو ياسين لولدو
_ بطلت امي موش مخطوبة
_ شنوة لتقول فيه قام أياد لقمر لكانت واقفة
_ نمشي نحضر لقهاوي وكملو أحكوا ..
حلقة102
يافا
لكلهم مصدومين في صحة رقعة قمر تكلم بوها بغل
_ أقعد (حكي معاها بنطرة )
_ بابا أهدي يعيشك قام غالي يهدي في بوه قرب حكا معاه بشوية )لعباد تسمع فينا
كل شئ بالهداوة بابا
_ غالي خزر لقمر نظرة غش للي قعدت بجنب امها من غير متشعر ...
_ في بالنا صغار متفاهمين علي هكا جينا خطبنا وهذا لقالو ياسين لينا سي
أياد أنهم يحبو يرتبطوا
_ أه بنتي ماقاتليش ومنعرفش بزيارتك
_ سامحوني نجم نحكي قمر متعرفش اللي انا جاي حبيت نعملها مفاجئة ليها لأكثر
لا أقل
_ ومفاجئة بايخة (قالها شهاب وهو داخل قعد قدامو وحط رجل علي رجل )
_ (حمحم ياسين علي زلعة لعطهالو هبط راسو يسمع في امو تحكي وتبرد في
لحكاية)أحنا كيف قالنا ولدنا فرحنا عائلة كبيرة ماشاء الله ولبنية سيرتها سبقتها
زين وعين وتربية وأحنا نتشرفو تكون كنتنا ولو هيا رايدة ولدي أسئلوها وخلينا نجمعو
زوز في لحلال
_ (تلفتت يافا لام لقمر سئلتها برود )موافقة يعني أنت قمر
_ موافقة امي ياسين احسن اختيار ليا وباش يخليني مرتاحة هو طبيب وأنا طبيبة
ونفهمو بعضنا ومخاخنا كيف كيف
_ ولد عمك
_ متفاهمناش وسبق وقلنا لغالي وهو مكلفش خاترو وقالكم
_ وعلاش بدر مكلفش خاطرو وقالي طفلة لخطبتها من عندك بطلت منها قول سي غالي
وعلا ش انت ماجيتش وقلت
_ بابا مقلتش خاطر امر يخصهم زوز ومبعدناش هاو بدر قريب يوصل أسئلو وحدو
_ شكون لقال لبدر قالتها قمر بفجعة
_ ولو أختي لغالية كيفاه خطيبك مايجيش يحضر علي خطبت خطيبتو الي حتي خاتمو
لتوا في صبعو هزلها غالي يدها وراه لياسين لتصمت في بلاصتو قمر كانت تحسب في حساب
لقات حساب اخر لكلهم يخزرلو لبعضهم في أنتضار بدر لباش يفض لحكاية لكل ...ربع ساعة
وكان قدامهم أياد كان باش يتكلم ويحكي سبقو بدر بلكلام
_ عمي أنا وقت لخطبت بنتك منك خطبيتها من راجل ولو باش نبطل نقلك ومنخبيش
عليك
(وقفت قمر حكات بنطرة) يعني تقولي برا علي روحك ومعادش حاشتي بيك وتحب نبقي
علي ذمتك تحلم سي بدر موش قدامي تمرمدني تهيني وتجي قدام بابا تتسكبن بطلت منك وباش
نخذو ياسين
_ سكر فمك قاملها أياد منرفز لتوب علي وقحتها وقلة تربية لظهرتها قدامهم
لكل
_ ملا أنا ولدي ننسحبو سي أياد مدام طفلة متسميا علي شكون
_ هاك قلتها سيد احمد زيارتكم شرفتنا أما معناش بنات لخطبة
_ بابا كانت باش تحكي يد امها جبدتها باش تسكت وقت لخرجوا عائلة ياسين دارت
لبوها من غير متشعر حكات بلغة حادة
_ لو تتخيل باش تلولي يدي وتوخذوني فيه بصيف سي بدر متاعكم تحلمو منخذوش كي
يبوس عينيه
_ قليلة لحياء (هز أياد يدو باش يضربها بكف يد بدر شدتو وهو مهبط عينو
كيفاه شد يدو عمو)
_ عم أياد يعيشك متضربهاش علي خاطري
_ قمر طرشقت بدموع علي لكان باش يعملو بوها )باش تضربني بابا باش تضرب
قمرتك باش تضرب بنوتك وهذا لكل علي خاطر شكون علي خاطر ولد خوك ملا أنا شكون معاه
هو لحب لكبير لولاد وليه يعيشكم لكل (خزرتلهم لكل وجات طالعة عرضها شهاب وغالي
سكرو عليها طريق)
_ يزي قمر اختنا راك أما عورتيلها بدلال
_ موش دلال اما فيها دار كل واحد لاهي في روحو وناسيني كاني نعيش وحدي جمعة
عديتها بكاء بسبو ها شخص وأنتم وين تحب نقلكم جاين يخطبو فيا لقيتكم انا مريتكومش
باش نقلكم بطلت مريتكمش لحظة لنتقابلو فيها هذا كان تقبلنا نهار سبت باش نتعشو في
لمة قال شنوة نشوفو بعضنا فديت وعيييت بشر انا حتي بابا وما وين كلاتهم لخدمة
وراجل راجل لحبيتو شعمل هز يدو عليا وضربني وهو عامل روحو توا يدافع عليا ومخلاش
يد بابا طولني كلكلم ضربتوني وضريتوني وجرحتوني سيبوني نحب نطلع نتخمد ...جبدوها
زوز حظنوها بقوة بقاو يسكتو فيها للي بدات تهدي ...يد حنينة يد تعتبرها مرفئها
تحطت علي شعرها صوت لتعتبر أعذب من سنفونية صوت لبو لتعشق ريحتو وتفني عليه
_ بنوتي دلولة ..هيا ديما بطالعتها وعملتها هيا
_ بابا
_ روح بوك هو (جبدها حظنها ) يزي بلا دموع ودلال
_ موش دلال بابا اما
_ اما لحظة غش وحبت تنفس بيها علي روحك هكا شتحب تقول
_ لا موش مغششة أنا ونحب نكمل حياتي مع راجل يفهمني موش يصيح ويحكم
_ تحب نص لباس يعني أنت
_ شمعناها نص لباس (طرشقو لكل بضحك )
_ هههه شوف بنتي ريتها امك لقدامكم هذي (مد يدو جبدها ليه)مخليت معذبتها
برغم حبي لكبير ليها نعرف روحي عنيف في صغري وستحملت وكملت معايا للخر ..لوسارة
هوني كان حكاتلكم علي طرفة هيا حزينة لكن عبرتها كبيرة ليا وليها في يوم تغششت
خنقتها وكنت باش نقتلها فكتها سارة من يدي بصيف منعرفش كيفاه عملتها في لحظة غضب
وغيرة كبيرة ...وقت لفقت وشوفت دموعها ضربت يدي في لبلار تعرف شعملت نسات وجيعتها
وجات شدت يدي وبكات عليا موش عليها بكات لانو تعرف حبي صادق موش نبرر راني هزيت
يدي عليها اما هيا تعرف انو حبي قوي لدرجة تملك وهذا لمتاكد عند كل واحد من ولادي
ومن بدر لمتربي علي يدي هذي طبيعة كل راجل يحب صح كل حد وتصرفو وردة فعلو أما
لغيرة وصعب هيا لحب لحقيقي لراجل وقت لحب مرا معادش يحب حتي عين تشوفها وليد
تلمسها ولحد يقربها رودبالك تخسر راجل حبك وتشري راجل حبيت عليه انو موش صعيب وباش ينفذ لتحب عليه وقتها تعرف
انو رميت روحك في بركان مستحيل نخرج منو كان متجر وراك برشا خساير وتعب ...
_ لكلهم تئثروا بكلام أياد بدر كان يخزر من بعيد برغم برد شوية اما نارو
مستحيل تطفي علي لعملتو قمر ...بعد ماقعدو ورتاحو وحكاو مع قمر لحسوها تاعبة
نفسانيا وحسو تصرفها مجرد رد فعل وجذب انتباهمم انها موجودة معاهم في دار ..بدر
قام باش يروح وقفتو يافا لام
_ بدر توا لوقت ثمانية ونص نص ليل تكون هوني قمر فض مشاكلك معاها احكو
وفضفضو ومع نص ليل كيف تجيبها تكون عارفين يا تعرسو ياكل حد يشوف طريق
_ امي
_ أخرج مع خطيبك
_ موش خطيبي
_ اخرج مع ولد عمك أسمع لكلام
_ الله يبارك طاطا سامحوني علي لصار نخليكم علي خير
_ علي خير ولدي ..خرجت قمر وراه هزت لفاست لبستها تشوف فيه ركب فوق لموتور
_ خلينا نركبو في كرهبتي
_ اطلع (مدلها لكاسك عوجت فمها ولبستها وركبت بقات شادة يدها في لفاست وهيا
بعيدة أما اول مخرج من لحومة بدا يقوي في لفوليم بقوة للي ترعبت لصقت فيه كيف لبقة
وركبت معاه ترقل تخمم في شنوة تقول ونشوة تقرر بعد متهبط من لموتور
حلقة103
يافا
أحببتك لدرجة توهان عشقتك لدرجة لهذيان
حبي لك كان مثل حب طفل أراد الحياة في حظن أمه للممات
يخزر لنجوم وللقمرة لساطعة في سماء يدوا في جيابو مصودم ملي صار موش حابب
يخزرلها ويضعف موش حابب يتكلم لايفتقها من بعضها علي لعملة لعملتها مصدوم لدرجة
حاسس روحو في حلمة صوت نفسها لخرج قوي فيقوا من سرحتو ولهيا بجنبو تستني في
معاتبتو حكي من غير مخزرلها
_ شنوة قمر شمزال اخر معملتوش
_ نخمم ونقلك
_ يعني فرحانة بلي عملتو
_ فوق ماتتخيل
_ بربي (خزرلها جات لعين في لعين برغم متاكد من نظرة ضعف في عينيها لكن
كلامها كان كيف سم قوي موش حامل حتي يقبلو لعقل )شنوة تحب
_ قلت شنحب وأنتم رفضتو ياخي
_ (قص عليها) تحب تتخبط
_ أيه (قالتها من غير مركزت في لكلمة)
_ ملا لحيوط ياسر اخبط راسك علي لحيط
_ غالط قلت نحب نتخ..(كانت باش تقولها شدلها فمها بصوابعو وغفصو)
_ رودبالك مزلت تقولها منخليك تحكي بثاء
_ سيبني بدر ياخي شبيك عنيف هكا شبيك مسكر ومتعقد في مخك
_ أنا هكا عجبك عبجك معجبكش
_ معجبنيش نمشي علي روحي
_ غالطة معادش باش تمشي علي روحك باش نعرس بيك
_ بربي جديدة هذي وشكون لقال موافقة
_ من غير متوافق جمعة جايا عرسنا (وقف قدامها يخزرلها بتحدي )
_ لا
_ (عض شفتو وبقا كابس بونيتو قمر ركزت عليه قلبها ترعب وخرت لتالي ) متأكدة
قمر
_ متأكدة مدام متحبنيش
_ منحبكش بربي يزي بلا تخريف متهبلنيش
_ أكثر من لهبلة هذي عاد
_ مهبول راني شقلت وفسع جاوب وراسك توا باش نقلك كلمة وحدة باش تقول لا كل
شئ باش يوفي بيني وبينك وبرا عرس واعمل ليظهرلك
_ أموري عاد
_ تعرس بيا جمعة جايا
_ لا قتلك لا
_ باهي وفا بنت عمي من ليوم نعتبرك أخت وعتبرني خو ..(جبد لخاتم من صبعو
نحاه وجبدلها يدها جاباش يجبد لخاتم متاعو شدتلو يدو وشدتها لغصة )خليه متاعي هكا
معندكش لحق تناحيه من يدي
_ خليه أصلا كيفو كيف بلاش (هز لخاتم لفي يدو كان باش يرميه شدتلو يدو بقوة
...وبدات تحكي بشهقة)
_ ياخي علاش أنت هكا علاش قوي برشا علاش متعجرف برشا علاش منحكوش بساسية
علاش متخذنيش في حظنك وتقولي نحبك ومنجمش نعيش من غيرك علاش متغيرش علاش بارد
وملامحك أبرد علاش بدر علاش جايبني هوني باش تقولي نعرسو وانا مجروحة منك قلبي ينزف
منك
_ مفماش جرح اكثر من جرحك لبسا خاتمي وجاي شكون يخطب فيك عمري معرفتك بها
لوقاحة وعمري معرفتك هكا وحبي ليك عمرو مكان بلكلام كان فعل لو تتصور باش نكون كيف
برشا ناس بوكي نوار في يدي ونهار لكل دبادب وغنيات تغلط هذا انا وقبلتني موش هكا
ومانيش باش نتبدل لو تحبني تقبل أختلافي لو رافضتني كل حد يمشي في طريق
_ علاش مقلتش خليك علاش منطقتش وصحت وقلت راهي خطيبتي علاش بدر
_ باش تحب تفهم تحب نبدي نكسر ونصيح ونضرب باش تقول هذا يعشقني يكفي وجودي
معاك هوني يكفي جيت لدركم وتحكمت في عصابي قدام عائلة جايا تخطب في خطيبتي لبسا
خاتمي _ قتلي برا علي روحك
_ قلت ومجرد كلمة تتقال في لحظة غش ويظهرلي أكبر دليل مكحيتش لداركم وقتلهم
وفات علاقتنا
_ يعني كنت باش تخليني معلقة لمهم مطيحش خشمك
_ موش أنا لنتصرف بها دنائة كنت نخدم جمعة كاملة موش لاهي بها لمشاكل لكنت
نعتبرها تافهة بيني وبين مرا ختارها قلبي وقلت مها يصير مستحيل تخليني وينك انت
جمعة كاملة علاش أنت مسئلتش علاش محكيتش وانت لغالطة
_ انا مغلطتش غلطتك انت باش نبدو متفاهمين من توا
_ منتفهمش معك في هذا ولغلطة عملتها انتي وتحيديتني ومحترمتنيش شوف قمر
يظهرلي فاهمة لعلاقة بين لمرا وراجل بالغالط
_ فهمني بربي
_ تتمقصد
_ علاش نتمقصد حبيتك تفهمني وتقول شنوة تحبني نعمل ومطالب مني
_كل مرا تعرف شنوة مطلوب منها وشنوة للزم تعمل ومتعملش
_ علاش تحمل فيا طاقة اكبر مني أخزرلي مليح ثبت في عمري مزلت نكبر ونغلط
نخرج علي لخط ونرجع غير نلقي شكون يصلحني
_ وأنت متحبش تصليح تحب تفرد تحب تكون مستقله وتحب رجل متفتح موش مسكر تحب
ذكر موش راجل
_ نحبك أنت أنا (قالتها وهيا شادة بكيتها)
_ (تنفس بقوة حس بدنو لكل تكبس خزرلها بعين ذابلة بعد ماكانت تتشاعل من لغش
كلمة وحدة منها كسرت جليد ولحواجز لتبنات من كسوحية روسهم
_ قمر
_ نعم بدر قول أحكي أنا زادة تاعبة وضايعة صحيح نحبك وبرشااا فوق ماتتخيل
أما أنت محسيتش بحبك محسيتش تحبني كيف ما أنا نحبك مشوفتش اهتمام مشفتش أفعال
وتصرفات نحسك ديما مسطر حت لكلام لتقولو مسطر تحسبها في كل شئ حتي لوقت محسوب
بثانية نحسك روبو مبرمج منحبش راجلي يكون هكا
_ وأنا هكا قمر طبعي هكا منجمش نكذب ونقول راني باش نكون كيف ما أنت تحب
وتحلم انا بدر ومنجمش نكون غير بدر قلي وجاوب وخمم مليح قبل متقول أنت شكون حبيت
_ أنت بدر أنت
_ وانا هو نفس شخص لحبيتيه متبدلش أما انت راسمة في مخك فارس أحلام ملقيتوش
في راجل لحبيتو وهذا في حد ذاتو خلل بالمعني لأصح لفي قلبك نحيتي موش حب أعجاب
_ شنوة لتقول فيه بدر
_ لسمعتو قمر توا وليت متأكد من مشاعرك موش نلوم فيك أما ممكن لمشاكل لجات
ها لفترة ربي رسلها باش نعرف لمرا لنتمني نرتبط بيها تحبني ولا نعجبها وهوني فرق
كبير بين لانا نحلم بيه وبين لانت تحلم بيه
_ يعني في اخر لحلقة طلعت أنا منحبكش بدر أمان
_ قمر
_ (قصت عليه )ونجم نقول حتي أنا تأكدت نعجبك ومتبحنيش ودليل لمشاكل ومناش
متفاهمين ومنشبهوش لبعضنا في شئ ونراك أي شئ نعملو تخذو بمبالاة ومتحسبوش ونشوف في
اهتمامك ليا علي شخصي موش علي خاطر مرا حبيتها
_ تغلط من يوم لحبيتك وأنا نعرف شخصك ونعرف طبيعتك وعشقتك بكل إيجابيتك
وسلبياتك وعمري مخممت في يوم انو لاختلاف لبيني وبينك يكون حاجز برغم ألف تصرف
ميعجبنيش رغم اختلاف طبيعنا ومكنش حاجز انو يخليني نخمم نبعد بالعكس اختلافك عليا
حببني فيك وحبي ليك رودبالك تشكك فيه
_ وانا زادة نحبك بدر والله نحبك موش تعجبني برك نعرف نغلط ونتصرف بطيش اما
من غيرتي عليك ولعملتو أنت سبب فيه أولها عمرك ماحستني بغيرتك بحبك وكملة نحب
تقولها بالحساب
_ تحب كل لحظة نحبك وأك لغة
_ أيه عاد شبيه ناس لكل ديما يقولو كلمة نحبك في كل ثانية
_ وأنا غير كلمة نحبك كبيرة برشاا ومتتقالش كل لحظة ونحب افعالي هيا لتقول
نحبك نحب كيف نحظنك نقلك نحب بحظني كيف نخزرلك عيني تقلك كيف نتنفس لهواء لنتفسو
يبينلك مدي حبي ليك موش كلمة تتقال مفماش ما أسهل منها أما كبيرة وحبك اكبر في
قلبي قمر (جبدها قربها لحظنو وهزلها دقنونتها هز صوابع يدو مسحو دمعة واحلة في
شفرتها وهزها بصبعو باسها ..
_دموعك غالية معادش تبكي قمرتي يزي بلا دموع
_ قلي نحبك قلي بدر
_ (حب يقلها نحبك بطريقتو حب يبين عشقو بقبلة تبين مدي هيامو بيها جبدها
ليه اكثر وقرب شفايفو لفوق شفايفها وتكلم بصوت أقرب لهمس قمرتي ..وباسها بحب
بفيانة بوسة ذوبتو وذوبتها خلاها تفرفط بيني شفايفو قص عليها نفس من بوسة فيانة
لبوسة قوات وبينتلها مدي لهفتو وعشقوليها بعد عليها وتكلم فوق شفايفها لكانو
يتنفسو بقوة)"نحبك قمرتي "ترمات عندو حظنتو بقوة وكبشت فيه بسمة مرسومة
فوق شفايفها بحب كبير وأحساس أروع بنار شاعلة في داخلها أخجل ان أخبرك أننيّ أريدك دوماً معيّ ، وأن عدمَ
مبالاتيّ ليست سوى عشقٌ صامت
حلقة104
يافا
بعض ذكريات مثل نار تنخر عقولنا لدرجة حصول ضوضاء كبيرة نتوه في خضم
سراديبها
نعلق بعض لاما ل ان تكون تلك ضوضاء مجرد صاعقة لأستفاقة حينية لمعرفة كم من
سر كان مخفي وراء عباءة الماضي الذي جعل ستار لنمر لمستقبل يعتبر مجهول لاطراف
ومعروف لاطراف اخري
تايهين في لسمعوه دموع سارة نشفو
دموع وتقهرت وقلبها تشوي تخزر لرضوان تستنجد بيه باش يلقي حل باش يعاونها تبعد
بنتها وتهرب منها سر لباش يتفجر علي قريب
_ يزي سارة علاش لبكاء
_ بنتي رضوان مزالت عروس مزالت صغرونة شهد نظيفة برشا مستحيل تقبل حاجة كيف
مهكا مستحيل
_ سارة شهد مزالو يومين وتدخل ل25 سنة وليوم هذا نستنو فيه من سنين
_ يعني بنتي باش تمشي مني وعدتني تحميها وعدتني رضوان
_ حاولت قتلهم نعطيكم لمال ثروة سلطة لحبوا عليه رافضين هذي وصيات من فوق
منجموش نخلفوها ولخلفها يموت
_ يعني حبي ليك لعنة لبنتي زواجي منك كارثة لبنتي تعرف علاه مجبتش صغار
بخلاف سارة تعرف علاه رضوان باش ميوصلوش ل25 سنة ويصير فيهم هذا لكل كنت نتصور الي
شهد باش تمنع علي خاطرها طفلة لزم نقول لأياد لزم يافا تعاوني شهد لزم يحموها
_ باش تيعونوك يافا لام ملول تعرف بالوصية وكانت لزم تخلي شهاب هو رئيس
لمجلس باش بنتي يحميها اما هيا شعملت عطاتها لغالي
_ غالي ولدها متنساش
_ موش ناسي فماش حتي حل غير تؤدي لقسم
_ تحلم مستحيل بنتي تدخل لكنيسة وتقف قدام سرداق مستحيل مستحيل شهد طاهرة
ونظيفة مستحيل تتحط في ثابوت مستحيل
_ سارة يعيشك باش يقتلوها لو مطبقش شهد هيا لبنت لوحيدة من سلالتي انت تعرف
حتي ساجد بنتو توفات وأنا وحيد امي وعائلة كابريل يستنو في شهد باش تستلم لمشعل
_ أستلمو انت رضوان
_ منجمش دمي موش طاهر تربيت عند بو مسلم ومن سلالة مسلمة
_ وانا مسلمة زادة نسيت
_ انت بنت قمر بنت ماريا كابريال لكل يعرف الي هيا مسيحية
_ انت تعرف لامي مسلمة
_ انا وانت نعرفو هوما مايعرفوش هوما يعرفو الي شهد جات من دم مسيحي جات من
سلالة طاهرة جات من زوز سلالات يمثلو نسل كابريال
_ لا لا بنتي رضوان مستيحل نخلي شهد تبدل ديانتها باش تحمينا وباش تكون
لوريث لعائلة كابريال مستحيل ..جات خارجة شدها رضوان
_ شنوة باش تعمل يزي لو يعرف حد باش تخيض دنيا
_ يافا لوحيدة لتعاونا في ها لحل لزم نهزولها لقرار لزم
_ باهي اهدي هاني باش نمشي معاك ملزمش أي حد يسمع باهي
_ باهي (خرجت هيا وياه زوز قلوبهم مكوية زوز مشوين لو صغرونتهم تصيرلها
حاجة ...
***
حضرت روحها وبدلت حوايجها وجات خارجة عرضها شهاب في لباب
_ صباح لخير شهد (بقا يخزر لوجها لكان مزين علي غير لعادة )
_ صباح لخير (جاوبت بصيف وجات متعدية)
_شنوة توا لوقتاش باش تبقي غضبانة يزي عاد
_ سيبني شنوة لمزلت تحب توا سي شهاب
_ قلت كي تكمل لامتحانات نحكو
_ ومظرهليش سي شهاب منحبش نحكي فاش تحبني نحكي نقولك بربي سي راجلي لعاد
تغلط في اسمي وعود قلي شهد موش أسم حبيتك سابقة
_ غلطت كنت سكرانة
_ واعتبرني سكرانة توا ومنحبش نفيق علي خاطر لو باش نفيق سي شهاب باش تكون
كارثة ليا وليك خليني نمشي وردبالك تجبد لموضوع توا
_باهي علي راحتك أعمل ليظهرلك
_ خرجت هزت كرهبتها تسوق بفدة وقت لخرجت مركزتش مع كرهبة عايلتها حتي برغم
لسارة شاورتلها بيدها يد رضوان شدت يد سارة
_ خليها سارة أحسن حاجة يكون أياد ويافا وحدهم
_ توحشتها
_ توا تشوفها لعشية
يافا لام ملي كلمتها سارة وهيا فهمتها أصلا من لدخلت جمعة وكل وين يقرب
موعد ربع قرن في عمر فتاة تعتبر قنبلة موقوتة لعايلتها وهيا تتفجع كيفاه باش تحلها
وكيفاه باش تتصرف في حل كارثة كيف هكا ...
حلقة105
يافا
لكلهم قاعدين في لبيرو يخزرلو لبعضهم مسوهمين أياد كان عارف بالموضوع كان
في صمت كبير لدرجة أنو لوقت باقي يتعدي وهوما حسين
_ يافا أياد قلولي شنوة لحل
_ لزم شهد تختفي لفترة هذي مفماش حل اخر
_ الي متي باش تختفي وين قلي مستعدة نعيش تحت لأرض لمهم بنتي تعيش
_ أهدي سارة شهد مرت ولدي توا مستحيل تتمس منها شعرة وهوما يعرفو شهد شتكون
لعائلة لاندلسي ولعائلة لخالدي وأنا وعدتك نحميها
_ وعدتوني تحموها يعيشكم بنتي ملزمش تتمس منها شعرة
_ (أياد خزر لرضوان )أحكي علاش ساكت فاش تخمم
_ نخمم أني نعلن خروجي علي دين لأسلام باش نجم نكون فدية لبنتي
_ تتخيل باش يسبو شهد او روزا كيف مهم يسموها
_ ولحل ولحل يافا
_ لزمنا نخبوها لفترة هذي واحنا باش نقبلوهم انا وأياد
_ لا مستحيل تمشولهم انتم متعرفوش شنوة طالبين هوما مايلعبوش شهد تعتبر هيا
مفتاح سرداق هيا لباش تخليهم يجتازوا وصية ساجدة امي وباش يعرفوها
_ وامك علاه ها لحقد ولكره
_ شماتة فيا كيفاه خذيت رضوان متاكدة تحب دمرني تحب تحطمني علي لعملتو في
ساجد ياربي متشوينش لو تصير لشهد حاجة نموت
_ كان جاي لامو وبوه بعد معرف لعمتو وراجلها بحذاهم وقت لجا باش يدق صوت
عمتو بانلو تبكي قرب وذنيه وبقي مركز مع لكلام موش مصدق ليسمع فيه حل لباب من غير
لادق ولا شاور يخزر لوجوهم ..لكانت ماتتفسرش يافا لام قربتلو مخضوضة ليكون سمع
_ شهاب
_ أسس شبيها شهدتكلموا شبيها مرتي شكون لحب يقتلها فهموني
_ مايحب يقتلها حد
_ ملا (سارة قامت لشهاب تبكي وتشهق ) باش يقتلوها شهاب مرتك باش تمشي منا
زوز شهد باش يهزوها ويخلوني وحدي
_ سارة مايجيش هكا يعيشك نعرف الي أنت متقلقة علي بنتك أما هيا مرتو زادة
عيب (يافا حكات بنبرة حادة خلت سارة تبقق عينيها فيها وتصيح)
_ علاش تصيح عليا خاطر ستنجدت بيك ولا خايفة علي ولدك ملول تعرف لوصية يافا
وانت لقترحت تحمي بنتي بزواج شهاب منها اما مكملتش معرفوك أنتي وخويا وخليتو غالي
هو ليشد مجلس لباش يحمي وبنتي ويخليها عايشة
_ سارة شنوة لتقول فيه (سئلتها يافا بحيرة كبيرة مصدومة من ردة فعلها
لغريبة )
_ لسمعتو شهاب احق ولزم تعطوه رئاسة لمجلس بنتي مترجعلي كان بها طريقة موش
عطينو لغالي باش تحمو مرا دروقيست
_ من فضلك رودبالك تجبد كنتي يافا بنتي وعمرها مكانت دروقيست ولمجلس احق حد
بيه غالي لمتسمي ليه من لعمرو يوم ونحطلك حاجة في بالك وفي بالكم لكل لميقدرش
ولادي لكبير ولا صغير كانو محترمنيش ولو باش تعبو قلبو شهاب بها طريقة تكونو غالطين
_ فهومني ومن بعد عبولي قلبي امي فهمني
_ معندي منفهمك هانو بوك يفهمك وانت رضوان روح بسارة وعد شهد ميصيرلها شئ
_ طرد فيا يافا من داري
_ عمري منطردك شهد بنتي قبل متكون كنتي وانا لملول طلبت حمياتها وكنت نعرف
باش يجي ها ليوم وكنت انا لزم نفهمو شهاب موش انتى تجي تبثي سموم في عقل ولدي
_ من خوفي
_ تتخيلي موش خايفة عليها وغالي لتحكي عليه ولد خوك هو ليحمي في بنتك شخصيا
_ بمعني (دارلها أياد من ورا لبيرو)
_ كنت لزم نحميها وحدي منقدرش وفرقة لخاصة لغالي تكلفت بالامر
_ يعني مرتي في خطر وخويا يحمي فيها وانا وين امي
_ انت هوني سي شهاب ومرتك لتحكي عليها مكش حتي حسابها خليني ساكتة تتخيل
منعرفش بلي صاير معاها توا
_ شدخل هذا في هذا مرتي راهي
_ ملا كي مرتك حط في بالك لزم تحميها من أقوي هرم في لعائلة لمالكة لأكبر
مافيوزية أرهابية في لبلاد عائلة كابريال
_ موش نقرضوا
_ تغلط عمرهم ماينقرضوا وأولهم مرتك بنتهم وألاف منهم وشهد ولا نقولو روزا
كيف مسمينها ...تعتبر خيط رفيع لمزال ينبض في أفريقيا وهوما همهوم لوحيد في كل
بلاد يبقو يحكمو ولكلنا نعرفو تونس شتمثل لبرشا دول كيف أيطاليا فرنسا ولموقع
جغرافي لخلاها تكون أقوي من أي دولة كبقعة جغرافية تمثل معتقداتهم وديانتهم لرتبطت
بجذور ها لبلاد من 3000سنة
ولحل امي
_ لحل باش تخذ مرتك لبلاصة مايعرفها حد بخلافي انا باش تبقي كل يومين تبدل
لبلاصة مع حراسة مشددة متوثق في حد حتي بوها وامها (جات سارة باش تحكي سكتتها يافا
بيدها)لماكلة باش تكون معلبة تلفون ممنوع وأي جهاز لاسكلي ممنوع وتو اطلبها خلينا
نعرفو وين
_ وقت لجا شهاب باش يطلب شهد لمنقالة لفي يد يافا بدات تصوني حلتها تقري في
لشيفر لوصلو وجها صفار وخضار
_ شفما امي
_ شهد مشات شهد مشات (جبدت تلفون من يد شهاب تطلب في غالي وتعاود شهاب كان
يصيح باش يعرف شقرات وشفما
_ غالي شهد قدام باب لفاك خارجة توا مشايا للكينيك زوز كراهب كحل مسحلين باكثر من 8 رجال يتبعو في
كرهبتها من ساعة
_ نعرف امي خرجت ساي قل شهاب يخلط عليا في لعنوان لقتلك عليه *
_ شهاب مرتك محتاجتك لزم تخرج فورا خوذ لموتور باش تلقي 4 رجال يستنو فيك
لبرا (خرج شهاب يزرب لدوبو لفي لأرض كان لكل مجهز بسلاحات ولموتروات ...لبس لفرملة
وجكات كوير وركب فوق موتور مودال ***باب دبو تحل خرج يسوق بقوة 4موتورات كان يتبعو
فيه مخو لكل في شهد ولكارثة لصارت في ثواني وهو موش فاهمها لو تصيرلها حاجة ممكن
يقلب دنيا عليهم
**
حلقة106
يافا
تعدت للفاك قابلت محمد حكات معاه شوية وخرجت ماشيا للكلينيك ...تسوق وتنفخ
دينا معبية بلكراهب مكنتش مركزة مع لكراهب زوز لكانو يتبعو فيها وقت لدخلت لطريق
فاضي شوية جلب انتباها انو زوز كراهب كحل يمشو من جنبها من ساعة متاكدة لمحتهم
لدرجة وبصدفة يتعدو من طريقها ستغربت ...قوت في لفيتاس كانت باش دور دورة وصوت
تزمير من لكرهبة لصقت فيها أكثر قلبها دق بقوة حست انو فما خطر يحدق بيها كل شئ
يبين هذا بعدت كرهبتها لطريق لخر كملت لكرهبة لخرا عملت كيف لكرهبة لولة توا تاكدت
ألي هوما يلاحقوا فيها زودت في سرعتها وبدات تدخل بين لكراهب ...تجبد في تلفون
تطلب في شهاب وتعاود
_ كان يسوق بقوة لكيت في وذنو لخط كان متصل مع غالي باش يعرف منين يدخل
ويعرض كرهبة شهد ...دخلت عليه مكالمة هز يسمع في صوت شهد مايعرفش كيفاه حبس لموتور
باش يسمعها ويركز في لباش تقولو من بكري طلبوها مهزتش وتوا فاقت زعمة شبيها رعب ملا قلبو
_ شهاب فما زوز كراهب يجروا ورايا امان أجريلي يعيشك
_ متخافش سوق رودبالك تحبس رودبالك انا جايك وغالي زادة باهي أبقي سوق بقوة
ومتحبسش بلكل بلكل
_ باهي باهي كملت تسوق وتدعي ربي يحميها
_ غالي كان يسوق بين لكراهب كان يشوف في طريق لمخالف في كرهبة شهد ولكراهب
زوز ليتبعو فيها قوي في لفيتاس ...وطلع فوق ترتوار باش يتعدالهم دخل في وسط لكراهب
ماتسمع كان صوات لفرانات ولعياط بقوة ...وسب لعن ...مكنش همو غير بنت عمتو
ولمسؤولية لتحطت علي عتقوا ...يشوف في لكرهبة لبجنب كرهبة شهد تضرب فيها من تالي
تحب دزها ...واخرتها بدا لكرتوش علي لكرهبة ...وقتها غالي جبد سلاحو كان يسوق بيد
وحد ويضرب علي لكرهبة لقدامو ....شهد وقت لبدا لكرتوش بدات تصيح يدها ترخات علي
لقيدون للي لكرهبة قريب تدخل في كميون ...متعرفش كيفاه جبدت لقيدون في اخر لحظة
وطلعت فوق ترتوار حبست لكرهبة من غير متشعر معادش قادرة تسوق لكرتوش أخيب حاجة
تكرها في دنيا متقدرش تسمعو حتي يد دقت علي بلار لكرهبة بقوة لكرتوش كلا بعضو هزت
عينيها تخزر تشوف في واحد قد لحيط ملثم يدق في لباب بقوة ...كانت باش تعاود تسوق
يدو ضربت بلار لكرهبة وشدتها من رقبتها ..بدات تفارع وتصيح باش يسيبها كان يحكي
بلغة أيطاليا اما كانت تسمع في سنيورا روزا ..متعرفش منين جاتها لقوة وعضتو في يدو
وهيا تخدم في لكرهبة ...عملت مرشاريار للي تضربت في لكرهبة لكانو رجالها يضربو من
لبلار في رجال غالي ...وقفوا وقت لامرهم يرجعو للكرهبة ويلحقو كرهبتها ...في نفس
لحظة لكانت تسوق فيها شهاب عرضها كان يزمر عليها باش تحبسلو خافت مايكونش هو زودت
في سرعة لحق عليها بالموترو يشورلها بيدو ...فهم الي هيا معرفتوش رما لكاسك ...وبد
يقرب باش تفيق
_ تسوق وتخزر لموترو للحق عليها ...لكلها ترقل جات تثبت ملقتوش من جنب
لكرهبة سمعت نقير في لكرهبة من جنبها هيا وقت لدارت شافت شهاب كيفا يسوق في لموتور
ويد تحاول تقرب للكرهبة باش يفيقها بيه متعرفش كيفاه حبست حست جنبة فتحتلها
جناحتها ..هبطت لبلار وهيا تخزر لشهاب
_ أبقي سوق شهد بكل قوة وحلي باب لكرهبة باش نركب باهي
_ باهي شهاب حلت باب لكرهبة وهيا تسوق ...قرب لموتور لباب لكرهبة ونقز
...بقا شادد في باب ولكرهبة تكركر فيه لموتور خلاها تمشي طارت في لهواء ورجعت علي
لكرهبة لكانت وراه ماتسمع كان صوت انفجار كبير خلفتو لمتور ركب في لكرهبة وهو ينهج
واخيرا شهد
_ شهاب لباس ساقك متجرحتش مصارلك شئ
_ أبقي سوق مصارلي شئ فما كرهبة اخري مزالت ورانا
_ فما موتور اخر لا برشا اخرين
_ لكل معانا رجالنا هاكوم وغالي متخافش باش تبقي تسوق مهما يصير فهمت
...جبد بستولي عينيها تحلت
_ شتعمل شهاب لا اما متقتلش بشر امان
_ اسس باش يقتلونا راهو
_ امان لا (رخت لكرهبة بيهم)
_ باش تقتلنا يعيشك شهد نعمل عليك لترا فيهم عصابة أيطالية باش يقتلونا لكل
ويهزوك يعيشك عاوني عندي ثيقة فيك
_ بقات تسوق وهيا تسمع فيه كيفاه يضرب موتور غالي قربت ليهم بقا شهاب
بصوابعو يشيرلو فهم غالي لحب يركب معاهم ..حللو باب لكرهبة تلاني ...دقايق وغالي
وكان في باب لكرهبة ...دخل لكرهبة وهو يزفر
_ ووه شهاب طلعت معلمة في سياقة شهد
_ ملا جبد فيها لعرق (شهاب غمز غالي ...)عنا وليمة كبيرة ..
_ قول ولا ئم جبد شهاب رشاش وغالي كيفو رشاش مودال
D250
عينين شهد حوالت من كان بستولي قد طرف ولا طولو ميتروا أه شتعملو انتو
هبلتو اكيد ياخي وين انا في لمكسيك ولا تونس
_ حبس في اول زنقة شهد طلع غالي راسو من سقف لكرهبة ...وبدا يصوب علي
لكرهبة ...رصاص كان ماكل بعضو ...لكرهبة حبست
في أول زنقة كيف مقالو لهنا لوقت هو كفيل يايصوبو علي لكرهبة ويموتو ولا
يموتو هوما ...شهاب وغالي خرجو أنبطحو علي لأرض وصوبو عل.عجلة لكرهبة لحظات ولكرهبة تقلبت موش عارفين كيفاه تفجرت
لواضح كانو مهيئين ياهزوا روزا يايموتوا وهذا لصار ..
_ غالي وقف دق علي يد شهاب وتضاربو بالكتاف
_ خويا لغالي هز مرتك وطير
_ فهمني قبل
_ تو نفهمك (مدلو ورقة فيها لملعومات لكل
_ فهمت لفيها
_ فهمت
_ قطعها (قدم شهاب حل باب لكرهبة علي شهد باش يخرجها كان ناسي رشاشة في يدو
صاحت بقوة
امان لا متقتلنيش امان
_ بربي انا لباش نقتلك شهاب راني
_ شهاب وفا كل شئ
_ وفا اهدي وراسك وفا كل شئ خرجها من لكرهبة حظنها يهدي فيها ...موترات
وكرهبة زملاؤوا حبست بجنبهم قدم بدر يزرب
_ لكرهبة تستني فيكم شهاب فيسع
_ باهي بدر
_ (غالي جبد شهد حظنها وباسها من جبينها)متخافش مستحيل حد يمس منك شعرة
وحدة راك كيف قمر
_ يعيشك غالي (يد شهاب جبدتها يزرب للكرهبة ...غالي مشا يزرب لكرهبة جبد
صاك رماه لشهاب
_ رودبالك تناحية من ظهرك مجهز بكل لمتطلبات فهمت
_ باهي غالي ركب وطمن علي شهد لكانت تمسح في دموعها وتسكر في سانتير ساق
بقوة لزم يوصل لبلاصة لقالو عليها غالي في أقل من ربع ساعة ...
_ معندك حتي تلفون ولا منقالة هوني
_ لا خليتو تلفون عندي منقالة
_ طيشها لو هيا ماركة معروفة
(طيشتها من لكرهبة وهزت يدها حطتها علي يدوا ) يعيشك شهاب علي لعمتلوه علي
خاطري
_ مرتي شهد راك نهد دنيا علي خاطرك
_ شدت دمعتها علي كلامو لقالو ...برغم لحد لحظة موش فاهمة شنوة لصار أما عندها
ثيقة لهيا في امان مدام مع راجل لختارو قلبها ....
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء