كلها أيام
أعيشها بمرارتها فلما العيش في عالم ليس فيه غير ظلام عالم يملؤه الظلم والجور
عالم خبيث يقتل برائة كل يتيم متشرد يجعله مجرد الة لصنع نقود فأصبحنا مجرد عبيد
لجلب لمال بجسم أبيح لكل الأفعال تجارة أعضاء وأستمتاع
يسمع في
كلامها موش مصدق يعرف علي ها لمنظمة هذي اما انو بها البشاعة متصورهاش مكنش يتخيل
الي ليوم في تونس انتشرت ها لمنظمات تجارة اجسام في سوق سوداء تحت الطاولات تشتري
وتباع وكل يوم غرائب وعجائب تبيح أستعباد ناس
"متي
أستعبدتم الناس وقد ولدتهم اماهتهم احرار "
رجعنا لزمن
لعبيد زمن فرعون يتحكم ويجير في كل الخيوط المال بكل الأصناف العذاب ..
قلبو تقطع من
شهقتها قربلها وقعد علي اطرف لفرش بجنبها ...يزي زينب وراسك منخذولك حقك غير قلنا
عليهم شكون هذوم أساميهم وين نجم نلقاهم ومتخافش دولة تحميك وتجيبلك حقك فما قانون
يضمنلك حقك
_ مفماش
قانون لو جا فما قانون مكناش تبعنا مكناش نتباعو في كل جمعة لزملائكم كيفاه لقانون
يحمينا ولقانون من داخل معشعش بالفساد
_ كلامها
نابع من وجع خربش لقلب وادماه أحرف أنغرست في قلبه في رجولته ومبادئه وشرف مهنتو
وزي متاعو ...عندما يتلوث بذكر بضع
الشراذم يمثلون القانون وهم المارقون والمتسبوبون في الفساد خزر لمحمد لكان حالو
موش خير منو حابب يعاونو باش تهدي ويفهمها لموش كل من لبس الزي برئ وموش كل شخص
اخطئ باش يكون الأفراد لخرين غالطين ..محمد خذا منو لمشعل ونطق
_ شوف أختي
نعرف لصارلك صعيب وبرشا زادة احنا هوني موش باش نقولو رانا أبرياء فينا صحيح وفينا
لغالط ويما ناس متهنت ها لمهنة ستار باش تغطي عليه جرائمها عمرهم مامثلو مؤسستنا
كل واحد خارج عن سرب لايمثلنا أحنا هوني القانون وعد مني ليك وعد من كل شرطي امين
يرجعلك حقك انت وكل شخص نداس عليه
خزرلها سيف
وكمل عليه ..نعرف لأنتي موجوعة وبرشا اما لزم تحكيلنا حتي حاجة بسيطة باش تفيدنا
وتخلينا نشدو ها لمجرمين وعد نعاونك ونقف معاك
_ تحكي وتشهق
...يعيشكم أمان نكون خدامة نمسح ساقين لمهم خرجوني من لعفن انقذوني من لكنت فيه
ولا أحبسوني أقتلوني ومترجعونيش لجهنم متدفنونيش في قبر لكنت فيه جات تبوس في يد
سيف جبد يدو وتكلم بوجيعة كبيرة وعد نعاونك خليك هوني لحظة ونجيك
خرج ولحق
عليه محمد صبر ياصاحبي ملا حكاية حكاتها زعمة صحيحة
_ صحيح فما برشا
هكا أما لحكاية هذي بدات تتنشر
ولحل
_ مفماش حتي
حل يزي محكات ليلة غدوة تحكي وهيا مرتاحة
_ أيه باش
نخلوها هوني
_ منعرفش
ياخويا والله غريبة مخي تحرق وين باش نهزها
_ أسمع موش
فما مؤسسات تحمي نساء هذوم لمتشردين
_ ايه فما
أما شوف لوقت توا وكيف نهزها خايف يقتلوها غادي
_شقولك تمشي
بحذايا ليلة
_ لا صحابك
عزاب مايجيش هازز طفلة وبلحالة هذي
_ مالا
_ نكلم أيمان
ونقلك لحظة هز تلفون وبقا يحكي مع أيمان ملي حكالها لحكاية قتلو جيبها علي أساس
أخت صاحبتي
أيه توا
نهزها ليلة بحذانا حتي وين نلقولها حل
_ والله يعطيك
صحة نعرف صاحبي رجلة
_ معنديش
مزية أسمع باش تمشي لأيمان توا تجيب من عندها طرف دبش تلبسو طفلة معندهاش باش تخرج
_ باهي مريقل
..
**
شدا شباك كل
شوي تخزر لشارع وقت للمحت كرهبة خوها جات خارجة حبستها امها
_ وين ماشيا
لباس
_ لباس امي
هاي اخت صاحبتي جات لزم نعرضها
_ غريبة من
وقتاه عندك صاحب وأش مجيبها في ليل
_ شنوة امي
توا نخليها في شارع طفلة عيب مايجيش
_ مرحبا بيها
مقلت شئ ضيف ضيف ربي
_ يعيشك
ياغالية ...مشات تجري حلت لباب وعرضتهم في جنينة عسلامة زينب لباس
_ تمشي بصيف
بدنها لكل مرضرض موش قادرة تقف علي ساقيها ..عينيها بكلها دموع ملي شافت ايمان
رتاحت شوي كانت خايفة من لقالها تمشي بحذايا لدارنا خوفها كبر بعد ما لح بيها محمد
هو وحالفولها انها امانة عندهم وغدوة يتصرفو يلقولهاش ملجئ ولا جمعية تتبناها تعيش
فيها ...خزرت لايمان هيا نفسها طبيبة نفسانية لحكات معاها رجعت ذكرتها نطقت من
صدمة موش انت
_ أي انا هو
مرحبا بيك أدخل وان شاء الله لباس
_ يعيشك
_ أسمع حقا
علي اساس اخت صاحبتي قالتلها أيمان
_ أيه وجروح
لفي وجها شنوة باش تقول عليها لامك .... قالها سيف وهو يفكر في حل
_ عضت أيمان
شفتها وبقات تخمم ..أممم قلها الي رجلها هو لضربها وعطاها طريحة شقولك
_ بقات زيزي
تحرك في راسها ليتقال يتنفذ لمهم تلقي وين تكن راسها وتقعد بعد لوجايع لشدتها في
محزمها ...
أول مدخلت
شافت نظرة الأستغراب في عينين أمو قربت سلمت عليها مصدومة ووه شبيها صحبتك يا
أيمان وخيتي لطف ياربي
_ لباس أمي ضربها
رجلها علي هكا (بقات مهبطة راسها باش متشلقش بيها تكذب)
_ يعطيه كسرة
علي يدو سملة عليك ادخل أقعد وشكيت بيه لكلب حتي سامحني بنتي
_ بقات زيزي
تحرك في راسها شنوة باش تقول وشنوة باش تحكي
_ امي ساي
قمت بالواجب عطيتو طريحة نبشة لقبور
_ ولد لحرام
يستهال هككا نحبك يابابا يعليك علي من يعيدك ويخليك يد قوية علي كل ظالم جائر
_ طلعها
أيمان لبيت لبجنبك ترقد مسكينها يظهر تاعبة
_ يعيشك طاطا(
تكلمت زيزي بصوت باح)
_ هزتها
أيمان دخلتها لبيت حطتها فوق لفرش وجبدت غطا وقت لغطتها يد زيزي تحطت فوقها يعيشك
دكتورة علي لتعملو فيه معايا ربي يفرح قلبكم
_ أمين معناش
مزية وتستحق حاجة قلي أوكي بقات مركزة مع لون عينيها لوهلة حستهم تعرفهم جات صورتو
بين عينيها تبسمت من غير متشعر حست روحها جنت اخرتها ولات تشوف في لون عينيه في
عينين طفلة ...
حلقة12
يافا
توسلاتي كلها
هباءا منثورا صرخاتي دمعاتي أهاتي تضرعاتي .. لكن لاجدوي من صراخ الصمت هو لحل
الانسب لحالتي فوق جسدي كلب جائع ينهش في لحمي وينخر في دمي وعذريتي ..طفلة انا
مزلت أحبو أتعلم وأدرس لكن قدري وضعني في غابة الشيطان فأستغلو يتمي وقلة حيلتي
ورموني في مستنقع ذئاب ..
يدها مغروسة
في فرش تعدا عليه ألف عذراء انتهكت من قبل فرعون تكون له كل ليلة عذراء تقدم
كقربان لتسلية ذات... وحش وليس انسان رجل لا يعرف رحمة ولايعرف دينا عبادته تجارة
لمال ..دقاق معدودة يتمتع ببدن أصبح ملكية له ولجشعه ولطمعه جسد يفتك منه لذة
القطرات ويرميه في لحال لكل حريف يدفع اكثر فتيات أصبحت اجسدهم مجرد سلعة تستهلك
وعند انتهاء صلوحياتها ترمي علي لحائط وتشتري ببعض دنانير ..
قام من فوقها
رجل الخمسين عاما ...مترهوج رما روحو فوق
لفرش متمتع بلذة حرام ونشوة جسد طري لم يلمس ولم يعرف معني لذة لجسد ولا لذة
الالتحام ...جبد سيقار شعلو وتبسم من غير
مخزرلها قالها قوم ...لمدت روحها بملحفة وخرجت تمشي بصيف تتعكز علي لحيط لقات
لبترونة تستني فها لبرا . هزتها في يدها بعد مطمنت الي لمعلم تفرهد ...لاهمها تلك
الطفلة ولاجسد انسان كان همها فقط ارضاء ملك الغاب .
يخزر لبعض
قطرات من دم البراءة فوق تخت النجاسة ضحك
بقهقا..وقام لدوش عمل دوش تفرهد وخرج ...كل لعيون في الارض كلهم يتملقون من اجل
طلب رضاء لقي واحد من رجالو لبرا ..
_ عسلامة
سيدي أن شاء الله تكون تفرهدت
_ مريقل احكي
شفما
_ سيدي عنا
طفلة شدتها شرطة
_ ايه نعرف
قتلتوها ولا
_ سيدي االله
غالب في اخر لحظة جا لحاكم لبعثناه هرب بصيف
_ هرب وخلاها
(بدا يصيح ) اكيد راهم شفوه وينو هو
_ بقا يرقل
عارفو تغشش..أهو سيدي موجود
_ جيبوا....
مزال كيف وقف قدامو ويجبد سلاحو ..ويحطو في راسو ...ليحب يخدم مع لمعلم يايكون
يذيب ياضبع وانت ضبع وتستاهل لموت ...مزال باش ينطق وراسو يتفجر برصاصة لكلهم هبطو
روسهم يرقلو من لخوف
_ لوجو عليها
ليوم لزمها تموت وجروبو تقولو منفذناش لموت ليكم لكل تعرف شمعناها شخص يهزنا سرنا
تعرفو ولا
_ س..سيدي
كون متهني
_ لا هاو
واضح منعملش عليكم عارفكم علل بدلتوش لبلاصة وين يسكنو لبنات
_ تهني سيدي
بدلنا كل شئ
_ باهي ليوم
تكلمني تقولي قتلتها فهمت
_ حاضر
اعتبرتها دفنت من توا
_ خرج وخلاهم
طيرولو كيفو بعد مكان شايخ معمر راسو ..لو حد يعرف مكانهم سلطتو لكل طيح ركب في
كرهبتو وامر الشيفور باش يمشي ...جبد تلفون وكلم رجالو باش يلوجو عليها ويقتلوها
**
نوم أصبح
محرم عليه في كل ليلة نفس لاحلام نفس صوت ونفس صورة نفس شريط يتعاود الاف لمرات كل
ليلة يقوم مفجوع يتهز ويتنفض من نوم لكلو عارق ينهج من لكبت صوتها وهيا تنادي فيه
حمزة متخلينيش حمزة خليك معايا حمزة ..حمزة موش أنا اختك صغرونة موش قلت باش تحميني
احميني حمزة احميني حمزة ...قام من لفرش عينيه لكل دموع شادد راسو من صوت لباقي
يتعاود .هبط من لفرج فاشل من قوة لوجع ..طاح علي الأرض ينهج قلبو معبي عقلو مشتت
..تكلم وفي داخلو بركان يحب يفيض بركان مكبوت من سنين وسنين ..زينب وينك صغرونتي
هزوك خطفوك من بين يدي زيزي ياروح خوك محميتكش محظنتكش ماعاونتكش كنت صغير ضعيف
غصني مكسور تقوو عليا زيزي سامحني زيزي منسيتكش باش نلقاك ليوم ولاغدوة بعد حتي
الف سنة وعد نخذلك بطارك من لهزوك مسح دموعو قام حب يطفي نارو ويبرد جاشو لعلا
وعسي ينسي ولو مستحيل ان ينسي لحظة خروج روح من لبدن
حلقة13
يافا
غريبة أنا
بين طهارة في فراش لعفاف انام ..تعودت علي لقذارة فكيف لي أن انام
عينيها
محلولة ليلة كاملة تخزر لسقف بلاصة جديدة متسمعش حتي صوت ريح مخدة قطن فرش مرتاح
وكوفيرتا حنينة ريحة لبيت تفحفح لأول مرة من 15 سنة ترقد في بيت وحدها سرير نظيف
غطاء نظيف لبدن تاعب صحيح اما لاول مرة تحس بها راحة علاش ربي كتبلها شقاء سؤال جا
لبالها علاش موش كيف ندادها راهي تو متخرجة بدارها وموش بعيد بصغارها تبسمت علي
اخر كلمة قالتها بينها وبين روحها صغار عمرها متحلم حتي تجيبهم كانشي في لحرام
وشكون لمزال يخمم يخزر لطفلة كيفها فيها ألف عار وعار وبدنها داس بألف قذارة
..تهدت وتلكمتت علي روحها بالكوفيرتا ورقدت لصباح
_ شمس طلعت
وصوت لعصافير تزقزق نسمة دافية داخلة لبيت لراقدة فيها أشعة شمس داعبت رموش عينيها
دوب محلت عينها حطت يدها قدامها باش تقدر تشوف شمس تقول شمس ربيع نسمة خفيفة تلمس
روح قامت من لفرش حافية نسات وجيعة محزمها كملت حلت شباك وبقات تخزر لجنينة دار
برشا ورد ونوار واشجار جنينة خضراء معبية ألوان ترد روح وتشهي لواحد يقعد فيها
نهار بطولو وينسي همومو في وسط جنان ...تنفست بقوة ونفخت لهواء لفي داخلها وجبدت
هواء نظيف نعوشها قومها من خمولها بسمة خفيفة سرات فوق شفتها وهيا تخزر لأيمان
كيفاه هاززها سيف فوق كتفو لصقت أكثر في شباك وبقات تشفلهم صوت ضحكهم وصلها تفكرت
حمزة حنونها خوها روحها لتخطف منها روحها لبعدوه عليها تنهدت تنهيدة تهد لعروش
وقالت الله يرحمو ...رجعت لفرشها وبقات قاعدة تفرك في يدها حاشمة موش منجمة تخرج
وحدها ...ربع ساعة ودق لباب
_ تفضل
_ صباحو زيزي
_ صباح لخير
دكتورة
_(قربت أيمان
تتبسم) قولي أيمان موش دكتورة
_ تشرفنا
ايمان
_ وبيك لباس
ليوم تحسش في روحك خير
_ لباس حمد
لله يعيشك ومزيتكم مننسهاش
_ متقولش هكا
اختي راك قوم لفطور حضر ايجانفطرو
_ قامت معاها
حاشمة ...عرضها سيف صبح عليها ...
لباس زينب
ليوم (بقا مركز مع وجها لتزرع فيه دم شوي عينيها لتلق تسحر لانظار بقات عينيه
معلقه فيهم
_ لباس يعيشك
_ أيجو نفطرو
أمي من بكري تستني
_باهي
**
_ فنجان من
ساعة في يدها كل مرة يخزرلها كيفاه صحن
لقدامها مكلاتوش تكلم بصوت خفيف مرتين ينداها ومتسمعوش تكلم بصوت اقوي زينب معانا
_ أيه هوني
سامحني (تهزت وتحطت)
_ سملة وليدي
خليتها راهي سارحة في هم دنيا ..كلو ميمة ومتخممش في شئ كل شئ ربي يسهلو ويفرجو
_ امين طاطا
يعيشك
**
كمل لفطور
وطلع لبيتو جبد تلفون وكلم محمد باش يخذ نمرو ملجئ ينجم يحطها فيه خذا لعنوان وهبط
لقاها قاعدة في أطرف ديفون عينيها علي الأرض سارحة كيف لعادة ...قربلها ودوب محط
صوابعو فوق كتفها لمستها حركتو من داخل لمسة لم يعدها من قبل ... جبد يدو وتكلم
بصوت قوي شوي كان حاضرة زينب خليني نوصلك
_ حاضرة سي
سيف
_ ملا ايمان
نخليك سلام
رودبالك
عليها
سلمت عليهم
لكل وخرجت معاه حللها لباب وطلع ...طريق كامل يسوق وكل شوي يخزرلها قداه غايضتو
حالها مزالت صغيرة ...وشوف شصارلها
نهار كامل
عداه بين وراق ومطالب وملفات لقضية...متهني الا منظملها سكنتها وتهني اللي هيا لباس ومعندهاش مشاكل ممكن تقلقها ...وقت لجا مروح قداه غضتو
وغاضو حالها
_ معادش باش
نراك موش هكا وفات مهمتك سي سيف
_ اكيد توا
نطل عليك وعد مننساكش لمهم ستحفظ علي روحك باهي
ربي يستر
يعيشك
روح فادد وين
يتذكر وقت لجا خارج وين يتلفت يلاقاها تخزرلو وعينيها معبية دموع اما لزم لزم هذا
واجب عليها ومعندو ش لحق يسكنها في دارهم
**
حلقة14
يافا
أغار من هواء
تتنفسينه ومن ماء تشربينه ومن معطف ترتدينه فبلاهي عليك قولي لي مالحل في ماحصل لي
؟
قاعد هو وشلة
يتفاهمو علي خدمة جديدة بقي مركز مع خدمتو للزم يعملها ..ربع ساعة ملو عليهم
التعليمات وخرجو بقا قاعد حب يكمل يفطر من ساعة منجمش حتي يتنفس وهوما تقول مخذين
وفقة كملو مهمتهم وخرجو بقي هو عشيرو يحكو
ملا رستو شنوة ها ضحامة ياصاحبي
_ ملا شقح
تتخيل أحنا عايشين شوف ناس وين عايشة وشتاكل
_ صحة ليهم
_ وشفت نساء
لهوني تقول موش نفس نوع لعنا في لحومة
_ يعيطك
ياصاحبي ديما بضمارك كان يضحك للوهلة مصدقش علاش قلبو دق بها لقوة علاش توتر كل ها
توتر كي شافها شدخلو فيها وقت لنحت لكاب
كانت لابسا روب روج قصيرة فد علخر من أيام مراهاش وتحفرت في مخو لاول مرة يفكر في
مرا يفكر في انثي شاف فيها لبرأة وطيبة ...قعدة كاملة مركز معاها كان يشوف في راجل
لمعاها يتلوصق وكل مرة يهز يدو يحطها علي يدها وهيا تجبدها ظاهرة قعدة معاه بصيف
حتي من كلامها لكان قليل وين يرا شفايفها تتحرك وتحكي عينيه تفلي فيها فليان كل
وين تتحرك تحط حاجة في فمها تاكل تشرب تتبسم تنفخ حاجة خاصة هيا لاول مرة يصادف
نوع كيف ماهكا متميزة بطريقة عجيبة ...كان يعقل وزاد فد وقت لراه كيفاه قام باش
يبوسها من خدها وهيا جبدت بيه ستحلاها فيه أما نارو شعلت شافوا قام وخلاها وقف
وخلا صاحبو ينادي عليه ...
جات مع فراس
مخذة خاطر وتكبيش من أمها ..لقات روحها قعدة كاملة متحملة طباع صبيانية ذكورية طفل
علي هيئة رجل في كل تصرفاتو كلامو تقول انثي قدامها يحكي علي لبرفيم لفلاني بقداه
ولكوستيم لعلاني لشراه فدات من تملقو من شفايفو لكل شوي تبوس يدها بمعزة حسب كلامو
اخرها وقت لقام وستأذن منها للويسي كان باش يبوسها في خدها جبدت روحها وعتذرت كانت
حبة تقوم تروح وتخليه وحدو حست ها ساعتين تقول دهر مزالت سارحة ويد تجبدها كانت
باش تصيح عليه صوتو وريحتو وحضورو لأسر بكشها قوم حاشتي بيك
_ انت
_ ايه انا
قوم جبدها من يدها قومها من لكرسي جا يجبد فيها جبدتو ستني هبلت صاكي
خوذ صاكك
واخرج
_هزت صاكها
وبقات تزرب علي قد خطوتو خرجت من رستو ضربها لهواء نسات مخذاتش كبوطها شتحب شقح
لباس ياخي شبيك .. متزربش باش نطيح ..مكنش
يسمع فيها كان يجبد فيها للبركينغ يحب بلاصة مسكرة يحكي معاها علي راحتها ملي دخلها
جبدها قدامو ونحا يدو بقا يخزرلها وتلكم بصوتو لقوي
_ منين لباس
شتعمل هوني
_ نعم وانت ش
دخلك
_ باش تجاوب
ولا نفسدلك خليقتك
_ بلعت ريقها
..جيت نتعشي مع ولد خالتي
_ بربي ولد
خالتك من ساعة نزل فيك بوس
_ عيب لتقول
فيه وين ريتو باسني مخليتوش
_ كان حبيت تخليه
لباس ياخي في مخك
علا ش ترا
فيا نقطع في شعري
_ أتوا نتفو
شعرك توا نرويلك طولة لسان
_ ياربي شبيك
ياخي لباس خليني ندخل موش رجعتلي صاكي مرة
وعاونتني باش تبقي تتحكم فيا ...وزيد كان يخرج فراس وميلقانيش توا يعمل عركة ومن
فوق خليت كبوطي بردت
_ (جبد كابوطو
مدهولها ورماه عليها) ألبسو وأيجا نروح بيك
ومنهنا فصاعدا باش نتحكم فيك
_ سافابا
اكيد
_ من غير
مستناها تتكلم طلع فوق موتورو جبد لكاسك لبسها ومدلها كاسك أيجا اطلع
_ لا منطلعش
ومفماش علاش باش نطلع معاك جيت مع ولد خالتي نروح معاه وجات راجعة ...4 خطوات خطاتهم
ويدو تجبدها بقوة وليد لخرا تتحط علي رقبتها دزها علي لحيط وهو خنقها ريت كيف نقول
تلبس وتروح سي تروح فهمت
_ تتنفس بقوة
عينيها دمعت من قوة لخنقة بقات تخزرلو مصدومة وفرد وقت متروهوجة من قربو بدنو
لغليظ كان لصقها كان يتفس فوق وجها ذوبها ..كانت باش تعارك لقات روحها مسلوبة
الأرادة ...مكنش خير منها قربها رهوجو وذوبو كرون بنين سرا في بدنو وجها لحمار
زادها جمال عينيها لتبلت شوافرها بدموع زادتهم برائة شفايفها لترقل جنوه اه من تلك شفاه
أصابتني بنيران الشهوة ...من غير لخمم ولفكر من غير سابق انذار ومن غير ترصد لقار
وحو غاطس في شفايفها ...شفايفو دوب محركهم بفيانة فوق شفايف روز يشهيوغطس فيهم
كلاهم ماكلة تخدر بريق شهد وطعم لعسل في ثغر أنثي زعزعت روح ولقلب ..
"جميلة
انت بشفاه سالبة وانفاس ساحرة "
حلقة15
يافا
أرغمتني
بقبلتك فأغرمت بشهد سطوتك""
القلب كيف
يدق من اول مرة تكون دقتو صادقة دقة حلوة نابعة من شريان روح ...دقة فلمسة فهمسة
فقبلة تجعلك أسيرا لاخر لعمر ...
بعد عليها
مسحور بشفاه لعسل ...شفاه شهد اللي من لحظة لذاقهم وجات شفايف فوق ثغر سالب خلاتو
منبهر مسحور بها طعم والاحساس لعاشوا...
مكنتش خير
منو ذابت زبدة بين يديه نفسها علا سخانة ركبتها من ساسها لراسها قربو حرقها وخلاها
تحس بطعم لذة عمرها ماعشتو ..وقت لبعد عليها كانت لعين تخزر للعين وهيا ذابلة
نظراتهم تحكي ألف حكاية وحكاية ..زوز ساكتين لسونتهم فلجت بالحديث ...
لملمت شتات
ضعفها كانت باش تحكي ودافع علي أغتصاب شفاهها لقات صوابعو فوق شفايفها سكتوها
..هود قريب من وذنيها..وتكلم بصوت باح ...متحكيش برشا أطلع روح وثاني مرة روب
قصيرة تلبسها ساقيك نقصها وبعد عليها خلاها ذايبة من قربو عينيها تلمع بقا مركز مع نظرتها لتسحر ...هبط عينيه وتنفس
بقوة ...طلق ساقيه ورجع لموتورو ركب وحط لكاسك ومدهالها
بقات عاكشة
في بلاصتها ساقيها خنوها حتي باش تمشي لسانها فلج باش يحكي ..تقوت علي ضعفها
وقربتلو هزت من عندو لكاسك حطتها وطلعت وراه في لموتور ..مزالت غير مركبت وجبدها
من يدها ..عداها علي كرشو
"شدني
مليح باش مطيحش وقلي وين تسكن بظبط
_ تكلمت بصوت
يرعش صوت مسلوب يحكي وينفذ ..لحظات وخدم لموتور تفجعت كبشت فيه أكثر بقات لاصقة
فيه نسات دنيا وناس لبرد لكان يضرب في ساقيها نسات حتي روحها وحياتها تخدرت من
قربو للي ولات وقت ضائع في زمن غابر ...
ربع ساعة
وكانت قريبة لدارهم مفقت من شوردها كان وقت لحبس وقالها اهبط
هبطت مكرها
بقات تخزرلو من غير منطقت
_ أناهي
داركم
_ هاكي أشارت
علي دار كانت تفصلهم زوز ديار
_ أمشي هاني
نشوفلك
_ جات تناحي
في لفاست ..جبدها من يدها وقربها ليه ...خلاها متمشيش في لبرد وأنت عريانة
_ عريانة
علاه ترا فيا موش لابسة
_ علاش تتخيل
روحك لابسا أنت
_ أمان عوجت
فمها وضربت ساقيها علي الأرض نخرج عريانة اموري اوكي جات ماشيا زفر بشوية وتكلم
بصوت هازئ
جرب ملا مرة
اخري نلقاك في روب ميني هكا والله ساقيك نقصهم فهمت
_ مشات تزرب
تتكرم علي لصار دخلت لدارهم تتسلبد ملي مزالت في لباب نحت لفاست وحطت في يدها لقات
أمها راقدة في صالون دخلت لبيتها من غير معملت صوت ...ملي دخلت سكرت لباب وتكت
عليه تتنفس بقوة بدي لماضي لقريب يتعاود قدام عينيها ..هزت صوابعها حطتهم فوق
شفايفها غمضت عينيها تتفكر في بوستو ...من غير متشعر جبدت لفاست حطتها في خشمها
وبقات تشم فيها ...دقائق ستمرت في تخدير جزئي ...صوت لموتور لتحرك بقوة فيقها مشات
تجري لشباك شفاتو كيفاه خطف دورة يعني بقا يستني فيا للدخلت ...بقات تحكي مع روحها
..لثواني وتقلبت في عتاب أفف أيمان شصارلك هبلت اكيد واحد كلوشار تخمم فيه ياربي
شبيني شنوة لصايرلي ..تفكرت لبوسة تفكرت كيفاه ركبت معاه في لموتور ياخي كانت
متكيفة حاجة انا يعطيك ياأيمان كان شافك سيف خلي يقتلك ليوم ..أف واك صختة فراس
ليوم شنوة باش نقولو ..هزت تلفون تلقاه قلبها بالأبلات هزت تلفون وكلمتو باش طمنو
ساعة يعيط في تلفون وهيا تهدي فيه خايفة ليجي لدارهم ترصيلها واحلة ...معلقت الأ
مرضاتو وعدتو تخرج تتعشي معاه مرة اخري
رقدت ليلتها
وهيا بين نارين بين نار تخمم في راجل ظاهر فصالة وبين قبلة قدات نار في جاشها ..
حلقة16
يافا
أسرح فيك
حينا وأفكر فيكي حينا اخر ماذا فعلتي بعقلي وفكري شتتي حاضري بوجعك فبت أهذي بيك صباحا
مساء علي مافعلوه بيكي ياصغيرتي ؟؟؟؟؟
قاعد علي
حافة لبار يشوف في بنات تتمايل كل الأصناف هنا سمراء بيضاء تخينة ضعيفة,,بشعر قصير
أو طويل بخامة شرقية او بجسد مثير كل البغيات تتمايل في صطياد بضع دراهم من زبون
يقضي لحظة تمتع في جسد دنستهم أالاف القذورات من أصحاب كيف وأصحاب شذوذ يتمايلون
بكل الطرق فوق قاصرات أو مراهقات او خبيرات في مجال لاتعرف فيه من ظالم ومن لمظلوم
..سؤال مجاش لبالو ولايوم تفكر عديد لمرات وقت ليصطحب فتاة ليل بغي يشتريها
بمليمات من اجل تمتع بلحظة يهرب منها من لعزوبية وبرودتها لقاتلة لم يكن يعرف انه
قتل كبرياء فتاة لم يعرف قصتها لم يعرف قضيتها بل كان مجرد حيوان يؤخذ ماشتهي يمتص
شهدا ويغوص في لذة علي حساب كرامة انثي باعت نفسها مكرها ...حط اخر رشفة من شرب
جني عليه وأفقده كرامة الانسانية وواجبه حماية أفراد ...قام يتعكز علي ساقيه بصيف
من شدة دوار يد حنينة تحطت علي كتفو وصوت أرق قالو
عندك شعول
وعضت علي شفتها
_ تبسمت علي
روحو علي لوضع يعني هذي جانية ولاجانين عليها من انت يافتاة لما أنت هنا الأ يجب
ان تكون في منزل مكرمة مع زوج وابناء مع ام وأب تشاهدين التلفاز الا يجب أن تدرسي وتكوني محترمة من جني
عليك لتكون أنثي مع وقف تنفيذ فالانثي الحقيقة لاتقبل في يوم أن تكون مجرد اداة
ليتمتع بيها جميع رجال ...عطاها لولاعة وخرج لاف علي روحو بالبرد لنعوشو وفيقو شوي
..وصل لكرهبتو وصورة كل نساء لعشرهم في بالو
"أي ذنب
رتكبت وأي شناعة فعلت هل يحق لي أن أصنف كانسان او مجرد مكبوت رجولة يفرغ شهوته في
من يشاء ولايسئل من تلك العاهرة التي صنعت متعة وهمية كتبت في علين زنا حرام وذنب
لايغفره رحمان ...
تنهد بقوة
لاول مرة يتاثر هكا لاول مرة يراجع روحو واعمالو ماضيه خدم لكرهبة وبقا يخمم فيها
وفي حكايتها في شقاها وتعبها ..محبش يروح لدار تعدي للمركز بقي في بيروه للي طلع
صباح ونوم مكحلش عينيه ..اكثر من 5 فناجين من لقهوة لمرة فوق مكتب كان مدنس بجلوس
عليه فاقد الانسانية مثلما وصف نفسه فكيف لقانون ان يكون سيف حد في حق بنات لم
يعرف ولم يستفسر لما تمهنو مهن الدعارة والقذارة وبيع لابدان لكسب مال لايتجاوز
جنيهات ...
***
جاء صباح كلم
محمد باش يمشي يجيبها لاكمال لمحضر ...قام لبس زي متاعو وحضر روحو لاستقبالها كان
متحمس باش يعرف حكايتها اكثر من أي مسئلة مهمة في حياتو
حلقة 17
يافا
أه يازمن كم
توجعت وتألمت وصرخت وبكيت دموعان كانت وديان تنهمر من اجل لحظة سلام بجسد كرهته
لدرجة نفران
تخزرلو بعين
معبية ألم صوابعها تفرك فيهم في بعضهم كل لحظة تجبد كاس لماء تشرب تبرد بيه توترها
لكان ظاهر من تصرفاتها ...
كان يشوفلها
لكل حركاتها وأنفعلاتها حسسها متوترة وحاشمة من محمد ولكاتب لكان موجود وباش يسجل
لحظة البحث ...أمرهم باش يخرجو وقف كلمهم وقالهم انا نسجلها ومن بعد عاودو ثبتوه
بالخط .
رجعلها قعد
مقبلها في لكرسي حط تلفون في يدو وتكلم بصوت حنين
_ زينب وسع
بالك ولزم تبدي تحكي نعرف للماضي صعيب يتحكي اما لزم تقلنا علي لحكاية باش نجمو
نعاونوك ونعاونو صحبتك لكل ..
_ نحشم
_ علاش تحشم
هاني معاك احكيلي
_ وباش تخولي
حقي
_ وعد رجال
نخولك حقك
_ بعد لطمنها
وقنعها بدات تتكلم ...
كان عمري
وقتها 8 سنين ولا اكثر منتفكرش كنت انا وخويا عايشين مع ماما وبابا ساعات مكناش
نعرف والي بابا وقتها مطلق من ماما كان يجي يطل علينا بعد شهور ..لا يحن علينا لا
يبوسنا وين يجي يتعارك مع ماما علي خاطر لفلوس ويمشي ..من بعد معادش يجيب لكل وزيد
امي مرضت بقات شهر ولا أكثر وماتت بقينا وحدنا أنا وخويا (شدتها شهقة )كنا نبكو
انا وحمزة ونصيحو باش نبقو مع ماما لكن هزوها حطوها في صندوق ومارينهاش من يومتها ..تعدات
ليمات وفرغت دار بقينا مع عمتي لكانت تضرب فينا وتصيح ...كنا نخافو منها برشا حتي
جا يوم قالت باش نهزكم تلعبو لبستنا وهزتنا حطتنا قدام بنية كبيرة ومشات وخلاتنا
وحدنا نبكو باش ترجلعنا ...جانا راجل كبير برشااا عطانا حلوة جنات علينا حمزة صاح
يحبنا نهربو لكن أنا خذيتها هزيتها وكليتها ومن لحظتها تقلبت حياتي (بقا مركز
معاها مع أنفعالها ودموعها غاضوا حالها وحس بقلبو يتشرق مع كل كلمة تقولها) هزنا
لدبو كبير نلقو فيه برشا ناس لعايب وشايب طفل صغير لكبير لمعاق وصحيح مكناش فاهمين
شفمة كان يلم في لفلوس منهم ويصيح ويضرب كل شخص مايعطيشو فلوس ..من بعد ستفرد بينا
وحدنا فرح كيف راني قالهم هذي نحتاجها كي تكبر أما خوها لا هزو روحي قطعة مني
بعدوني عليه ومن يومتها معادش ريتو تخنقت بكيت ضربت سبيت خبشت للي ضربوني مرمدوني
بزقو عاليا مخلو معملو بيا ..أيام محبوسة في بيت ناكل لخبز لبايت نشرب لماء لعافن
..للي قالولي بعد ايام باش تخرج تنظف لبيوت مزلت عمري 8 سنين ريت لعجب لكل
الاغتصاب ضرب لعنف ريت لميتراش قلبي كساح وجلدي تعود علي ضرب ...كبرت شهور خرجت من
تنظيف وليت نبيع في لمشوار وشوينقوم في شارع ...لفلوس لنصورهم نعطيهملهم وياويلي روحت بسلعة نبات بلاعشا نتضرب ...أول
ماكبرت وتقد عودي يومتها جاتني لكبرانا هكا كان ينادولها نظفوني وزينوني كنت
فرحانة بروب جديدة ودوش وشعر مجبود مكنتش فاهمة شنوة لباش يصير كنت شايخة ندور
بصباط جديد مشيت بيه وانا لكلي فرحة تخيلت مع لبسة جديدة باش تتحل جنة قدامي لقيت
روحي في جهنم بيدها لقيت روحي في زمهريرا لقيت روحي في بيت مع راجل شايب سمين يخوف
من نظرة عنيه مفهمتش شنوة يحب مني كا ن يلعب عليا حطلي برشا ماكلة قدامي كنت نخزرلها
شاهيتها نحب ناكلها نطفي جوع أعوام من لفقر ولحرمان لكن طلب نعطيه طفولتي باش نعبي
كرشي طلب نعطية برائتي باش ناكل طلب وانا رفضت لبرغم صغيرة كنت فاهمة شنوة يحب
حبيت نهرب شدني خبشتو...كنت نصيح نفرفط باش ميلمسنيش يدو لكبيرة قطعتلي دبشي صوابعو لعافنة دخلت في لحمي ضربني تقوي عليا
وعلي برائتي خذا طهري وصغري برائتي ورماني من فوق لفرش بدمي (هزت يدها حطتها علي
وجها تخبي في دموع ذبحوها وكوها شريط يتعاود قدام عينيها اغتصابها وطفولتها
لمبتورة شهقتها علات خلاتو ياقف ويقربلها شدها من يديها بيد ترعش بقلب يدق بقوة
بركان فاير في داخلو أعصار هائج وكاتمو علي لحل بيها وبرائتها من متوحشي
الانسانية)
_ يزي زينب
أهدي
_ (شهقت
وتكلمت )من يومها وانا من راجل لراجل بدني دنسوه وطالوه بملاليم يرموها فوقي
كلاوني وريشوني كيف محبو ومن يومها جلدي كساح تعودت (نحت يدها من وجها وخزتلو خزرة
مفهمهاش خزرة مومس بات كل لامور متساوية في هته لحياة) وليت معروفة لزم نخدم باش
نلبس احسن لبسة باش منظفش لوسخ ولعفن لزم نكون خير ملكل باش منطيحش لمستوي لكباري
ولوحوش وشاذين وليت نخرج كان مع ناس قماقم من دومان نطلب بالأسم وليت انا لنسعي
باش نكون خير ونقدم خير باش نعيش بكرامة في وسط غاب تقصر يوم تتعفس بين ساقين قلي
تقدر تجيبلي حقي منهم ضحكت بهزوة أصلا في يوم أنت كنت منهم ولانسيت لغرفة رقم 36
_ (جبد تلفون
سكرو وحمحم ) يزي زينب موش باش نقول أنا بطل ونظيف الله غالب لصار صار
_ تبسمت
بهزوة_كيف مقلت لصار صار بمعني حقي صعيب يرجع علي خاطر لفوق يحبو هكا
_ مفماش في
لقانون شكون لفوق لكلنا سواسيا وليتخيل روحو لفوق بالقانون نطيحوه وحقك وعد يرجعلك
أما حاول تعطيني أسماء لخرجت معاهم تفكر ملامح ممكن توصفهم لرسام لزم تعاونا باش
نشدو طرف خيط
_ باهي
ساعة وهو
يخزرلها كيفاه توصف بعد مخذا منها بعض الأسماء خلاها توصف رجال ونساء لكانو شدينهم
في لمنظمة ...يخزر لعينيها لمعبين دموع وتكابر باش تنزلهم صدرها ليطلع ويهبط من
لألم تنهد قداه غاضتو توعد بينو وبين روحو يخذلها حقها من كل شخص أذاها وغلط فيها
...
وصي محمد باش
يوصلها للملجئ بقي شادد كرسيه يشوف في رسوم بقي يثبت في لوجوه لحسب تقريب . صوت
رصاص قوي خلا قلبو يدق بقوة وقف يجري مخضوض يطل من شباك يشوف في موتور فيها زوز
ملثمين يضربو علي محمد وزيزي رجع يجري يجبد في سلاحو ويصيح لاعوان باش يخرجو ..
وقت لخرج وشاف
زيزي علي الارض وصاحبو شادد يدو قربلهم
مفجوع شادد محمد ويخزر لزيزي لتهني اللي متضربتش
_ لباس محمد
وين تضرب
_ متخافش
ياصاحبي حكاية بسيطة في كتفي (عض شفتو من لوجيعة )
_ ستحمل شوي
وتجي لحماية خلا صاحبو متوالهين بيه وقرب لزيزي لكانت ترقل من لخوف دموعها علي
خدها
_ اهدي زينب
وفا كل شئ
_ كنت نعرف
اللي باش يلقوني باش يقتلوني متاكدة مستحيل يخلوني أنا نعرفهم
_ باهي اهدي
وفا كل شئ هاني هوني وعد مايمسك شئ قال
لزميلو باش يدخلها لبيرو مدام تهني علي محمد
***
ساعة شادة
كرسي يدها علي قلبها كل وين يدخل واحد من لاعوان يتفقدها قلبها يطيح تقول با ش يهدوا
يقتلوها توا ..متهنات الا ماشافت سيف دخل قامت عرضتو ترقل علاش بطيت موش قلت باش
نحميك
_ هاني هوني
منجمتش نخلي صاحبي وحدو
_ باهي هو
لباس مسكين تصاوب بسبي أنا لعنة دخلوني للحبس حطوني في زنزانة وبعدو ناس من شري
يعيشك
_ يزي علاش
تقول علي روحك هكا زينب انساها لحكاية هاني جيت باش نهزك متخافش
_ وين باش
تهزني (بقا يشوف لتوسلات عينيها لتستنجد بيه)
_ متخافش باش
تكون قريبة ليا وعد منخليكش باهي انت واثقة فيا
_ معنديش حل
لزم نثق فيك
_ باهي تبعني
حلقة18
يافا
من أين أتيتي
يا مراة قلبت كل كياني ببرائتكي وصوتك ناعم وتلك الرائحة الزكية عصفت بي في دوامة
النظرة الطفولية فوقعت في عالم محظور لايجوز تخطي عتاباته .
يشوف في
عينيها لي لونهم كي لون لبحر كيفاه تخزر لدار وتقلب في الاثاث تتفحص في مكان غريب
لاول مرة تزورو مكان بارد معبي غبرة برشا وراق طايحة في لقاعة واثاث مغطي ظاهر
مدخلو حد ليه شهور
_ قدم نحا
ملحفة من فوق كنابي وقعد شافلها بحنية أيجا اقعد زينب
_ دارك هذي
_ أيه داري
عجبتك
_ علاش جبتني
هوني
_ منطمان
عليك كان هوني دار قريبة لدار بابا وحومة نظيفة وميتخيل حد انك تكون لهنا مدام
شدينا ناس هذوم لزم نحميك
_ وانت علاش
تحمي فيا( شافتلو بنظرة فهم شحبت تقولو)
_ (سؤال أصلا موش عارف جوابو تبسم علي اهتمامو وتكلم بصوت
خافت) منعرفش علاش باش منكذبش عليك أما من واجبي تنجم تقول منجمش نخليك بعد لعذاب
هذا لكل وحدك لو تصيرلك حاجة نبقي نلوم روحي طول عمري
_ (قربت
حاشمة قعدت بجنبو بقات ضامة ساقيها وتفرك في يدها وتخزر للقاعة)
_ اعتبر دار
دارك تصرف براحتك لحقيقة انا منجيش هوني ديما قليل ساعات كيف نحب نبقي وحدي نجي
علي هكا دار موش نظيفة توالها بيها كل لحاجتك بيه توا تلقاه موجود وهاني باش نخرج نقضيلك كل حاجة
تستحقها في لكوجينة
_ متعبش روحك
سي سيف
_ مفماش تعب
مكش باش تبقي جيعانة زادة
_ لا اما
معنديش باش نرجعلك شئ
_ كيف تخدم مرة
اخري رجعلي يلا
تبسمت علي
كلمتو شنوة باش تخدم ملي كبرت تعلمت تخدم ببدنها هاكي خدمتها
توصيش حاجة
_ لاشئ يعيشك
**
طريق كامل
يخمم فيها في برائتها عينيها دموعها حياتها مئستها عذابها كل وين يتفكر شنوة لصار
فيها يتعذب وقلبو يتقطع عليها ..مشا قضا قضيات عبا شريول وروح ...تعدي خذا عشا
وروح ملي حل لباب بقا مصدوم بيت صالة خلاها معبية غبرة يلقاها تلق يسمع في تقربيع
في لكوزين دخل يلقاها صافنة مريولها وسروالها وتغسل في لفيونس متاع لحيط بقا يتبسم
...تكلم باش ميفجعهاش
_ سلام
_ اهلا سي
سيف (هبطت راسها من لحشمة ) جيت ليك ياسر
_ لا توا
دخلت هاك قلبت دنيا
_ لا قلت نضف
علي أقل صالة من لغبرة ومسحتها باش نلاهي روحي ومنخليهاش مغبرة
_ يعطيك صحة
متعبش روحك أيجا نتعشو
_ غسلت يدها
وخرجتلو لقاتو يخرج في لماكلة شمت ريحة لبيتزا كرشها تحركت من جوع فضحتها
_ شنوة جعت
_ لا عادي
_ تبسم أيجا
كول أصلا انا جعت ..
_ ملي قعدت
مهزتش راسها من صحن كان ياكل ويخزرلها بتعجب تقول شهور مكلاتش
_ صحة تحب
نزيدك
_ لا يعيشك
شبعت
_ مدلها صحن
متاعو انا يزيني كول مترجعش عليا
_ هزتو من
عندو وكملت تاكل
_ في لملجئ
يعطوكم تاكلو مليح
_ موش ديما
أنت وجهدك
_ بمعني
_ كانت تاكل
بطلت تفكرت عذابها ...لي تجيب اكثر فلوس تاكل اكثر ولمتجيبش متتعشاش
_ تعرف اللي
انا مصدوم لحد الان مانيش مصدق فما ناس هكا
_ فما أفظع
من هكا
_ وخوك
ماريتيشو
_ لا مريتوش
(شدتها لخنقة )نتمني نراه مبقالي حد كان هو لو جا هوني كان حماني ومخلانيش لذيوبة
(قامت من كرسيها تحب تخبي دموع) لحق عليها
يزي متبكيش أنا هوني وعد نحميك
_ هزت راسها
تخزرلو بسمة خفيفة سرات في شفتها خلاتو يضيع فيها وفي برائة وجها ..تعرف اللي أول
مرة راجل يقول نحميك
_ خاطر
لعرفتهم قبل موش رجال
_ أصلا
معرفتش رجال في حياتي وحتي كيف عرفتهم مرغمة
_ من ليوم
انت حرة
_ (تنهدت من
جواجيها وطرشقت بالبكاء) كيفاش حرة عمري منكون حرة ليوم ولاغدوة باش يلقوني وباش
يقتلوني باش يعذبوني متأكدة عمري منكون حرة انا عبدة عندهم مستيحيل يعتقوني
الإبالموت
_ لطف عليك
جبدها من يدها وقربها ليه يزي بلا دموع معادش تبكي وعدتك نحميك وعد يزي متقولش هكا
_ باش تتأذي
في جرتي
_ كان كتبلتي
حاجة توا تصير بيك ولا بلا بيك فهمتي أدخل أرقد وأرتاح وتوا صباح نجيك
_ باش تمشي
وتخليني كبشت في يدو للي غرست ظوافرها في يدو من غير متشعر لمستها زعزعتو احساس
عمروا محسو دخل بعضو وتمهمش تلكم وهو يتأتأ ...لا ماو قلت باش منضيقكش نخليك وحدك
_ لا متمشيش
يعيشك نخاف تمشي يجوني يعيشك سي سيف
_ باهي أهدي
هاني هوني (وقت لبعدت عليه وجبدت يدها حس برد صقيع سرا في عظامو بقا يخزرلها كيفاه
توترت هيا زادة حب يبدل لموضوع ) تعرف تعمل قهوة
_ نعرف أيه
_ ملا حضرلنا
قهوة من يدايتك وأيجا نقعدو
_ باهي دخلت
تزرب تلوج علي ززوة تشوف فيها معلقه في لبلكار لفوق ..وقفت علي أطرف صوابعها ومدت
يدها باش توصلها شئ مقدرتش... أفف مقصرك ياايمان فضيحة باش نقولو يجبدها جات باش
تتلفت لقاتو وراها شافت لبسمة فوق شفايفو
_ أضحك نعرف
روحي قصيرة
_ مقلت شئ
انت قلت مد يدو جبدها تحصرت بين رخامة وبين بدنو لخشين حست بفوارة مكنتها ...بقات
تتنفس بزربة وتعدي في يدها ورا رقبتها ...حطلها ززوة قدام عينيها هاك ياقزمة
_ انا قزمة
_ تي سنفورة
أصل (تبسم )
_ ضيقت
عينيها وتكلمت محسوب ياطويل
_ مشا لطاولة و جبد صحن وحل ساشيات متاع لغلة وهو
يتبسم...علاش طول عيب ولا ملحقش علي لعسل قال مر
_ لا لعيب
تعاير لقصير بطول
_ هههه يقوي
عليك ربي رديتني عايرتك أصل
_ بقات تتبسم وتخزر لبسمتو ....صبت لقهوة في
لكيسان وبقات تتسرق في نظرات ليه لبدنو شعرو شفايفو عينيه طولو قداشو مضخم باين
ولد عز ...وقداه كبر في عينيها بعد تصرف رجولي لعملو معاها ..للحظة رجعت صفارة
الانذار دور في عقلها علاش يعمل هكا زعمة من باب صدقة ولا يحب يخذ غرضوا منها كيف
مجاتوش لبيت اخر مرة سؤال بقا يزن في راسها للي أربكها ....
حلقة19
يافا
جنون لغرور
وتباهي يصيب شخص بالعجز عن معرفة ان هناك قدر مصاغ من رب العباد وان لعبد مجرد فاعل
لذلك لقدر ...لكن عظمة لفخفخة والغرور يجعل الفتا ة المدللة مجرد شخص طاغي يوزع
الطلبات كما يشاء ولايجب علي المحيطين بهم سوا..سمع وطاعة وتنفيذ بكل حب وسرور
جمال وجها
كفلقة لقمر ملائكة صورة بقلب شيطان ..تسر
ناظرين بمجرد الغوص في تلك رموش سوداء المدافعة عن بحر ازرق يتخلله بياض
...بسمةمرسومة فوق شفاه لكرز بمجرد النظر
تخطف البصر ببريق ألماس ...صوت رقيق لايدل علي مايخفيه من غرور وسموم تطلبها من اب
لايمثل غير خليفة ابليس علي الأرض..
_ بابا عملت
لقتلك عليه
_ اكيد ياروح
بابا(كان ياكل ومركز مع الايباد لفي يدو)
_ ويني
(تبسمت بغرورها المعتاد)
_( صفق بيديو
وخلاها ممدودة في لحظات تمدلو مفتاح جبدهم وهو يتبسم)تفضل وقول بابا خايب
_ أحلي بابا
واعز بابا..(خطفت لمفتاح من يدو ..وقامت بستو من خدو) نحبك ياأحلي بابا في دنيا
(مشات تجري لبركينغ لكراهب ..كان لكل كراهب علي ملكيتها اي نوع يهبط تطلبو من بوها
...خزرت لكرهبتها جديدة لمزالت غير مهبطت في دار من اشهر *** ...حلتها وركبت صاحت
من لفرحة ..حطت لمفتاح في لكونتاكت وخرجت بيها تسابق في ريح لغنا يشرقع بكل قوة
....وهيا موش هوني تجاوزت أيشارة لمرور وتخطت سرعة المطلوبة في طريق عام ..سيارة
شرطة تجري وراها باش تحبس وهيا موش هوني ...دقائق او اكثر شافتهم تبسمت وزادة في
سرعتها
_ هههه اخلطو
عليا بخردتكم (طرمت شفتها وزودت في سرعة
....ساعة او اكثر وهيا تسوق وما حبست وقت لتعبت قررت تهبط تهنتلهم حتي لو هوما
لقانون هيا أبنة من وضع لقانون ...)
هبط محمد
ينهج من لغل كان باش يغفسها في بعضها تحكم في روحو كيف صاحبو قالو طفلة مايجيش
وباش يوالي لحق معاها ...قربلها يصيح وهيا تتبسم شئ خلاه يهبل ويهز يدو باش يضربها
يد صاحبو شدها في اخر لحظة وقت لتفكر بنت شكون وتبع شكون سيب عليك محمد
_ خليني
نكسرلها ها لخليقة لفاسدة توا تنسي ضحك
_ (كانت
شايخة ضحك عليه وجها تقلب في ثواني رجل يعايب في خلقتها وهيا مع لجمال لاتفقه شئ
تتحول الي شيطان يعوي ...)شنوة انت تعايب في خليقتي انا وراسك يدك ماتتقص
_ أي قصها
يدي (جبد لمينوت وجبدها من يدها بقوة اطلع قدامي ...كانت تفارع فيه وتصيح
_ والله
منبصيك متعرفش انا بنت شكون
_ تطلعش بنت رئيس حتي القانون فوق شكون وشكون ..تحرك
ركبها في لكرهبة ..وطلع من لطلعت بقات تتنفس بقوة وعد متمحيه من دنيا بقات ساكتة
للي وصلت للمركز ودخلها لبيت مافيها كان سرير مصنوع من سيمان وفوقو كردونة ...بقات
تخزر من صدمة يعني هيا بنت رئيس القضاة محجوب *** يتعمل فيها هكا بوها لي اي شخص
يقرالو حساب بنتو تتهان ...بقات تتحلف فيهم ماتمحيهم من دنيا
***
شد بيروه بعد
ماقالولو فما طفلة شدوها تسوق بطريقة جنونية وبقات تسب وتعايب في سلك الامن .. ودع
زينب وقالها في ليل ممكن نطل عليك خرج من عندها مخو لكل يفكر فيها ...بقا علي
كرسيه وبسمة فوق شفايفو يستني في ها طفلة خلي يكور بيها ...حل محمد لباب ..ودخلت
بريحتها لسبقتها بصوتها لكان يتحلف في محمد باش تباصيه ....هز عينيه لتحلت صحافي
وقت لراها هيا بلون عينيها الزرقاء وبياضها ناصع شفايفها رموشها خدودها لكن شعرها
أسود وهيا شقراء تفكير تشتت شنوة لباقي يشوف فيه شكوني هذي ...موش زيزي هذي لا
زيزي خليها في دار وهذي ظاهر بنت عز من كلامها وطريقة لبستها برفانها ديامون لفي
رقبتها ...قعدها محمد فوق لكرسي وبقا شدلها كتفها باش تركح وكلم سيف لحاسو دايخ
وهو بيدو فاهم علاش متأكد من شبه لشافو في وجه طفلة وهذا شئ لمستحيل يخفي عن عاقل
هذي هيا سيف
_ لملم ضياعو
موش وقت توهان لزم يخدم خدمتو يخلق من شبه أربعين هكا قال ستأنف تحقيق بكل رصنتو
لمعهودة ...كلمها بكل أدب عكس مكنت منتظرة كانت تتخيل باش يسبها لقات شخص لايكفي
لحضور المميز ليه وتلك النظرة والكريزمة اللي موهرتو ومخلايتو يبان حاجة كبيرة
بقات مركز معاه ونسات الي هيا متهمة قدام محقق باش يخلاها تتعفن في سجن بمجرد
تطاولها علي سلك كامل ووصفهم بأبشع الصفات
_ ملا مدام
لايكفي أنك تجاوزت القوانين السياقة وكملت برمي السلك كامل يمثل دولة بأبشع
العبارات
_ كنت فرحانة
بكرهبتي جديدة ياخي سي صاحبك فسد عليا لفرحة (بقات تحكي وتذبل في عيونها )
_ صاحبي زميل
وجاوب علي قد سؤال
_ حاضر سيدي
(ت كلمت باستهزاء)
_ شنوة جايا
تكسر في لبطاطا هوني تفرك فيهم علينا غالطة لو تتخيل روحك ممكن تسلكها هوني واقفة
قدام من يمثل لقانون مكش باش تقدرنا باش نتصرف معاك
_ وسع بالك
سي شرطي (حطت ساق علي ساق)لايتفلقلك عرق ترصيلك مرمي في تركينة وانت مزالت صغير
وشباب وظاهر مزلت عازب (خزرة لصوابع يدو )
_ (ضرب طاولة
بقوة وقاملها يغلي كيف طنجرة دار من ورا بيروه وقف قدامها تكلم بصوت هادئ لكن ظاهر
معبي عصب ) شوف يلا كان مكش باش تقدر توا نبدل طريقتي معاك وقتها انت لباش تبقي
رهينة في تركينة (هبط قدام طاولة لكانت قدامها ضرب عليها بقوة للي تهزت وتنفضت
بقات تخزر لعينيه لكيف نكتة لعسل في عينيه نظرة برائة رغم جدية ملامحو وصرامة
معاملتو ...طرمت شفتها وستعملت كيد النساء وبدات تذبل في عينيها )
أنا منعرفش
الي موش قانوني نسوق بقوة في بريطانيا كنت نسوق هكا وزيد محقكومش تعاملوني بها
طريقة تقول مجرم من حقي نكلم شكون باش يجي يدافع عليا
_ تفضل كلم
سي لمحامي متاعك علي خاطر ظاهر فيك باش تببص معانا برشا هوني ..
هزت تلفون
كلمت بوها وقاتلو هيا وين ..رجعت بكل اطمئنان في كرسيها وضحكة علي شفتها ...
كان مركز
معاها قداه يخلق من شبه اربعين ...تنفس بقوة ....ورجع يكمل في تحقيقو
شاربة حاجة
_ شربت قهوة
_ نقصد كحول
_ لا منشربش
في نهار
_ متعاطية
حاجة
_ سعادة
_ يظهرلي فيك
باش تعيش فيها سعادة هذي توا باش تنطق ولانطقك
_ جاوبتك
يظهرلي قتلي اش متعاطية قتلك سعادة
_ قربلها
جبدها من زندتها بقوة وبقا قارص عليها للي توجعت ...شوف لو تتخيل تزعبينك باش
يتعدالك بساهل تكون غالطة ياتحكي ياخليقتك نفسدها
_ برغم
لوجيعة لفي يدها اما حبيتها لأول مرة من لخلقت حد يمارس عليها لعنف رجولي وبها
طريقة ومن شكون من رجل حضورو كان طاغي لدرجة نسات الي هيا متهمة وهو منفذ القانون
ستحلات لمستو وصوتو لخشين نظرتو لحادة لكانت تلق من لعصب وتكلمت بصوت ضعيف
_ لو انت
لقانون أحلي مايكون
_ جبد يدو قول نطرها ظاهر طفلة مهبولة موش عادية
..كان باش ينادي محمد باش تتعدي علي تحليل ويشوفها طبيب نفسي لباب دق بقوة وتحل
...لقي راجل داخل ومعاه برشا رجال محمد سبقوهم وقف قدام سيف
_ هذا سي
محجوب رئيس قضاة ولمعاه محامين وانت تعرف اللي عندو حصانة ومعروف بمعارفو لكبار
...ريض جو قالو محمد وهو يوشوش ها صختة ظهرت بنتو
تكلم سيف وهو
يغلي كيف طنجرة ...شنوة سي محجوب هذا القاون لتمثلو تدخلل لبيرو محقق من غير مدق
_ كان ينفخ
في دخان وشادد بنتو لاول مراتو مشات تجري تلاحت عليه
القانون سي
المحقق انكم تعاملو بنتي بالعنف معقول هذا
_ ههه علاش
بنتك ترا فيها مرضرضة ولا مضروبة ..باش تقول عملناها بعنف
_ ضربوك
بيسان
_ لا بابا
مضربني حد لمحقق كان حنين معايا وحكي معايا بتربية كبيرة برشا أما لمعاه وأشارت
لمحمد عاملني بطريقة وحشية وحطلي لمينوت في يدي تتخيل بابا انا وليت كيف لمجرمين
_ بقا محجوب
شادد يدو بقوة موش حابب يظهر توترو لزم يبرد اعصابو ..
تلفون لبيرو
صوانا قدم سيف هز سماعة وقت لسمع صوت *** بقا مستغرب من لوزارة بقين يتكلمو
والاموامر واضحة فسخ المحضر والاعتذار لجناب رئيس
_ هبط سماعة
وتبسم علي حال القانون لينتاميلو ليوم لفساد أصبح لايمثل سلك بل اسلاك ومنهم
القانون المتحامي باغبياء يدعون انهم ترئسو القانون وصاغوه ...رجع قعد في كرسيه
بكل تعجب خزر لمحمد لكان فاهم شنوة لصار ...ويما مرو بها الحكايات هذي في العهد
البائد ...وهم من هم مجرد خيط لها القانون لا ينفذون غير تعليمات لايعرفون لصالح
من تخدم القانون ام من تحكمو فيه ....
حلقة20
يافا
أن يكون
القانون في
ايادي وسخة
وعقول صدئة وقلوب واهية لاتخاف الله بل تعشق دولار وتعبد المادة فأبكي علي حال
قانون سيكون جلاد لشعب يفتك منهم حقوقهم بمجرد قرار خارج من لسان سام لايقرر الإما
يخدمه وينفع مصالحه فقط
خرج في يدو
بنتو وكأنو شئ لم يكن بسمة نصر فوق شفاهه تناسي ان القانون يمثله وان القانون هو
واضعه فكيف له ان يخترق يمينا نطقه وأمانة أؤتمنا عليها من قبل شعب ...لكن هيهات
من لمتحدث ومن المنتفع هو الجلاد وهم شعب لاينفك يملئ جيوبه بدولار من وراء قوانين
ويخرج مجرمين من وراء قضبا ن من أجل تلك الدولارات والأوروات فقط من أجل عبادة
لمال وخدمة فلان وعلان
حط بنتو قدام
دار ورجع علي طريقو لبيروه ليستلم أمانة القانون وحفظ الحق وتوزعيه بطريقةالتي
تلاؤمه دخل لبيروه يمشي بتباهي لاهمه مخلفه وراءه من أنتهاكات وأعتداءات علي من
نصبه في رئاسة القانون ...
قعد علي كرسي
لا يمثله بل يعتدي عليه بمجرد الأنتماء أليه ...
..خذا تلفونو
قبل الخوص في ملفاته الواهية وكلم واحد من رجالو ...
_ اهلا شعملت
_ سيدي كأنو
لبحر بلعها فص ملح وذاب ملقينهاش
_ شنوة
ملقيتوهاش تعرفو لو تحكي مشيت فيها وتباصيت طلعوها خير واقتلوها خير مالموت يكون
من نصيبك انت لمرة جايا موش مستعد نمحي تعبي ومكانتي بعد تعب سنين علي خاطر وشقة
مومس متتهزش بمقص نار لو جيتو تخدمو في خدمتكم صحيحة كنتو ملي دخلت لسبيطار راهي
جافت أما نخدم مع بهايم
_ متنرفزش
روحك سي محجوب وعد نلقاوها زيزي ومنكلمك لمرة جايا كان منقلك البركة فيك
_ علق تلفون
ينفخ ...لزم يحط شكون يخلصو منها لمصيبة قبل ما تحكي ملزمش شرطة تخذ خبر علي
لمنظمات هذي وتحقق وراها ملزمش اي شخص يعرف بأمبراطورية الفساد لكان مترأسها هو
وبعض رجال الأعمال لهمهم سوا كنز لمال وجمعو بأي طريقة كانت
**
يخزر للماشي
ولجاي فادد مكسور لجناح لايسعه فعل شئ غير نفخ في سيقار يحرق الرئة والفؤاد كيف
لشخص تعهد امام الرحمان ان يكون محقق لعدالة وممارس لتطبيق شريعتها ...فيكون مجرد
أداة علي ضعيف والقوي هو أداة لتخليصهم وتبرئتهم من كل تهم هو
مجرد مريونات ينفذ ويقدم تحية لمن هو أعلي رتبة وعليه ألتزام صمت من أجل السلامة من وضع
القانون وليس من طالب لتطبيق القانون
صوت محمد
فيقوا من شرودو
_ سيف شنوة
باش نعملو حكم القوي علي ضعيف
_ (تبسم
بهزوة وتنهد .)..بدل علينا الموضوع بربي عيب حتي نكحو فيه
_ قداه حاسس
روحي جبان وخاين لأمانة
_ مكش خاين
أما أحنا من المستضعفين في الأرض كل شخص يعلق شماعتو علي حامي القانون والأيادي لكبار
هيا للتحكم فينا موش القانون من يملي علينا المهمات لايجب عليك يامحمد سوا الأنصات
وضرب تحية وسلام
_ أنت لتقول
هكا سيف
_ أنا للزم
نقول هكا ندمت علي أنتمائي لها سلك برغم نعرف ومتأكد لألاف كيكفي يحبو يخدم لبلاد
وينظفوها ومئات فقط هوم لخربوها وباش بلفلوس وجاه ياصاحبي أحنا مجرد جلادين في
يدها الفئة القانون مستعمر من عقول خائخة يحكمو فينا جبناء هوما لسيرو فينا أعمل
أفعل أقتل وأحنا كيف ربوات نفذ السمع والطاعة والبسمة فوق شفاه مجبورين ملا شكون
أحنا باش نعترضو أحنا مجرد مسامير شادين بيهم عفنهم وللححظات كيف يحسونا صددنا
ينزعونا ويرمونا وتعرف شنوة ها صدئ هو التفاني في خدمة القانون والعمل بجد وبشرف
منسعدهمش يحبو متسخ الفكر يحبو قليل رجولة والمرؤة من يلعق الايادي ويلحس الأصابع
ويركع فقط لتمجيد من فوق الكراسي (ضرب لكرسي جابو طايح )كرهت منصبي كرهت شارتي وزيي
فقط من ناس قذارتهم ملات لبلاد وبمناصبهم شرو من يدعون انهم رجال ...طيش نجوم لفوق
كتفوا وخرج فادد من هو غير صوت في يد جلاد لديه حصانة القانون قاضي القضاة هو رئيسهم هو من يملي ويحكم هو من
يقول وكل شئ ينفذ هو سلاح فارغ موجه لذوي نفوذ ورشاش حامي لشعب مسكين ...لاتستويان
..تلك المتنقضات القانون هو سيد البلاد فكيف لسيد مريض القلب متعفن العقل ان يحكم
وينفذ ويعطي لأوامر لشخص منه ومن
ضلعه وهو من بيديه جلباب القانون الأصح
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء