غابت نخوة في وقت لفخفخة كل المحرمات حلال
قتل ذبح وتجارة أعضاء
أغتصاب دعارة وحتي زنا
قتلو البراءة وطعنو الشرف وأستقاتو
ذئاب البشر من جسدي وجسد طفل وكهل
فكيف بربك تكون العدالة
في حق طفل قد أغتصب
قامت كيف كل يوم علي صوت لبترونة تصيح
باش يتلمو باش توزع لمهام عليهم ...5 دقايق في يدها تبدل وتمكيج ...بعد دقائق كانت
شدا صف مع مجموعة من الوجوه المتزينة بألوان
قوس قزح ...وثياب تكاد تغطي لقليل من جسمهم الملطخ بعار العهر..
كل طفلة وعلي حساب عملها ..وكل واحدة
علي حسب امكانيتها وحسب طلب ...تبسمت أبتسامة ساخرة كيف قاتلها أنت وطفلة اخري علي
جنب ...كل وحدة فيهم مشات لخدمتها ..بقات تستني في دورها ...
زيزي ليوم كيف لعادة سي ناظم يستني
فيك
_ شنوة كيف لعادة نفس لخدمة ونفس شخص
فديت راهو
_ بربي من وقتاه تتشرط للة زيزي ولا
حلولك عينك
_ (بقات تعوج في فمها ونفخت )باهي
بترونة نمشي توا
_ أيه هز حوايجك أكيد باش تبات شيفور
يستني فيكم باش يوصلكم لكل
_ طلعت هزت دبشها وهبطت راكبة في
كرهبة وعينيها تخزر من لبلار لكل شخص يتعدي في شارع تتمني تتحرر تتمني تمشي تحت
سماء وفوق أرض من غير مايقيدها حد تتمني تخرج من قفص القذارة لعايشة فيه أبسط
أمنيتها تشوف بحر تشوف شمس وقمرة من غير ماتكون تحت تهديد حد ...
***
يبكي ويتغصور قدامهم لاسخفو عليه لا
رئفوا بحالو كل مرة يجيه كف ثلاثي الأبعاد يقلبلو مخو صوت لخربة كان يعج بصوات
رجال ولكفران للحظة عم صمت ...دخل في يدو سيقار لأرض تتهز تحت ساقيه لوجوه لكل
تخزرلو بخوف .بدنو لكل موشم لبس خلعة بيضة وفوقها فيستة دنقري ...راسو لكل مقرع ...وفيه
وشم نسر ..لبدن مسكل يشوف في عينين صقر
تكدح نار .....عارفينو ليوم باش يرتكب جريمة فيه ملي وقف قدامو رما عليه سيقار
وبزق عليه
شنوة تتخيل باش تهرب مني
_ سي" شقح "سامحني شيطان غر
بيا والله لاعاد نعاود صنعتي
_ ساهل هو سي دغف تتخيل مزال مرة اخري
وجبد لفرد عمرو وأعطاه ضربة في راسو جاب مخو وراه ...بقا يخزر لرجال لمعاه ...هز
كتافو لفوق وحرك رقبتو وطرشقها ...عض شفتو وتكلم بصوت خشين ...لحاضر يعلم لغايب
انا رجعت ولي ليه حاجة عندي يخذها مني ولي موش خالص معايا يخلصني ..من ليوم أنا
جيت ونحب يرجع نظامي رودبالكم تتجاوزوني ...نحبكم تبلغو رجال لحوم لكل الي
"شقح " رجع وباش نعرف شكون لتسببلي في 5 سنين في دار لخالة ..فهمتو ولا
صاح بقوة
...فهمنا سي "شقح كفارة يالخو لحبس لرجال
وبلاصتك في لحومة كيف قبل
بقا يسلم عليهم واحد واحد ...قالهم
يحرقو جثة وميخلوش أثر ...ليه شهر من لخرج برشا بلايص معرفهمش .. بقا يستكشف وكل
وين تتعدي مزة يبقي يكحل عليها يخزر لصاحبو لمعاه شنوة ها تطور في بنات تونس موش
كأنو زيانو ياسر ولا انا غالط
_ يمشي بتوالي ويكحل علي طفلة متعدية
قدامو شوف ياشقح ياخويا عندها لحق لعزوزة كيف قالت خوذ ..بنت بلادك
_ تخذهم يامهف وانت تنجمهم تي تحبلهم
قرض من لبنك دولي ومايزازيهمش
_ دارلو وقرب يمشي معاه علاش لقرض دار
ولا زوز متاع ناس قماقم ونعمل عرس تحكي بيه تونس لكل
_ لتوا يدك تلعب
_ تي قول تشطح أصل ملا خويا لغول باش
نسلم نرجع في حقي وحق شعب هوما يسرقو واحنا نسرقو يجوز ياشقح ياصاحبي
_ ربي يعاونك يالخو ...
شقح صاحبي ستني لحظة هوني ونجيك لا
تضيع عليا
_ ريقل جوك هاني نستني ...بقا شادد
سيقارو يحرق في عصابو علي عكس دنيا ...قدم بحذا زنقة تكي علي لحيط هز رجل وبقايشوف
للي ماشي ولجاي ...لمح طفلة هابطة من كرهبتها بقا مركز معاها لابسا لينات مغطية نص
وجها ظاهر من ناس لهاي ضيق عينيه وبقا
مركز معاها مع كل خطوة تخطيها وتقرب كانت فما موتور تمشي وراها دوب مقربت منها
وتخطفلها صاك من يدها ويديمارو بقوة بقات تصيح من لفجعة ...طلق ساقيه لريح يجري
بكل قوة عرض لموتور علي جنب جبد لكان ورا ليسوق من مريولو طاح وطاح معاه ..تخدش
لكل ...جات تجري موش مصدقة لفما شكون شدو تزرب وقلبها يدق وقفت قدامهم تشوف راجل
قد لحيط وقف وجبدو من رقبتو ...
_ شنوة سي لفرخ من وقتاه تنطر هوني
_ سببني يرحم بوك شكونك أنت
_ شكوني ضربو براس ...أنا شقح أخر مرة
نلقاك هوني لحومة ومجاورها محجوزة بأسمي
فهمت ودزوا جابوا علي الارض جبد صاك وبقا يشوف فيه كيفاه يجري لاحق علي صاحبو لبقا
يستني فيه بالموتور في راس نهج ...
علاش سيبتو لزم تشدو سارق ومجرم لزم
يتحاسب
_ (صوتها رقيق فيقو دارلها بقا مركز
مع عينيها لكانت تلق بالخوف..مدلها صاك وتكلم بصوت خشين)هذا صاكك هاو رجعلك وكأنو
باش نشدو لمجرمين وسارقين لبلاد معاد تلقي شكون يحكمها
_ ملي راتو فلجت قلبها خفق بقوة
...كانت مرعوبة من جهامتو لقد لحيط لوشام
لمعبين بدنو ..لبستو هيئتو دل علي أنو مجرم كيفهم أما نظرة لراتها في عينيه نظرة
معهودة نظرة برأة وطفل غريق هيا بسيكياتر وتعرف تقري لغة لعينين
(عدا صوابعو قدام عينيها وتكلم) شنوة
باش تبقي سارحة برشا فيا خوذ صاكك وسلام
_ هزت صاك وبقات تخزرلو كيفاه مشا
وخلاه بعد يجي زوز ميترو لحقت تجري ...يا
سيد أنت ستني تجري بتلون قريب طيح ...سمع صوتها تلفت كانت تجري باش تلحق عليه وقت
لدار دخلت فيه رجعها لتالي بجهامتو شدها كيف راها رخت قريب طيح ...وتكلم بهمس ملا
سلعة ريجي شد روحك
_ سلعة انا تسوي في وربتها وشعرها
ترجع فيه لتالي كنت باش نقلك مرسي علي لعملتو ياخي مشيت
_ من غير مزية وجا ماشي
قداه تحب سي
_ نعم دارلها عينو تكدح نار
_ ترعبت وتلعثمت ورجعت خطوتين لتالي
...نقصد
_ فاهم شتقصد أسمع متندمنيش عاونتك
..ومشا وخلاها حابسة في بلاصتها ...
_ عوجت فمها ..وبقات تمتم وحدها
...شنوة لعملتو أيمان ...
حلقة05
أم يافا
شادد راسو بين يديه من كثرة لوجيعة
حتي شرب قهوة وشئ ما نحتلوش لوجيعة ...هز عينو كيف سمع صوت رجلين ..
أهلا سيف لتوا لوجيعة
_ راسي يالخو قتلني
_ حتي انت لبارح شربت للي عيت مكش باش
تبطل ها صنعة
_ بربي يزي موش أمي غادي وانت هوني
_ باهي خوذ أشرب كعبة بنادول تو تريح
شوي
_ (شربها وبقا يحرك في جبينو ...)قلي
محمد شمعلتو في ملف لمرا
_ سايي شدو لسرق
_ أيا باهي ليوم..عنا مهمة كيف متعرف
...جاتنا أخبارية لفما درا مشبوهة لزم في ليل نصدمو عليها
_ تهني سيف لكل حاضرين غير انت ارتاح
توا حتي ساعة وتوا تلقي كل شئ حاضر
_ مرتاح لباب تحل من غير مادق كان باش يصيح تخيل واحد
من الأعوان ...لقاها صغرونتو ونوارة قلبو قام حملها أمونتي ياروحي لباس
_ لباس سيفو أنت سافا
_ محمد وقف يسلم عليها باعجاب قداه
تعجبو فينو ومثقفة برغم اخت صاحبو أما هدرتها قليلة سلم عليها وخرج وخلاهم وحدهم
_ سافا كيف سبة تواضعت وجيت للمركز
_ علاش منجيش نطل علي خويا يومين
مروحتش
_ غاطس في لخدمة
_ زعمة في لخدمة
_ ملا وين تتخيل ...
_ غمزتو نعرف بسهرياتك وافاريتك
لمتوافش وخاصة بعد منتصف ليل
_ هههه شنوة متحشمش توا متقولش وليت
طبيبة باش نتنفخ عليه ريض وأركح
_ راكحة تهني
_ شعاملة لباس
_ موش لباس برشا
_ (تفجع) شبيك شفمة
_ ليوم فما شكون حب يسرقلي صاكي
_ ليوم شكونو وعلاش مكلمتنيش
_ متخافش فما شكون رجعلي صاكي
_ أيا باهي وعلاش مبلغتش
_ مخلاليش راجل فرصة ضربو وقالو معادش
دور بربط ومدلي صاك ومشا
_ لطف علي اختي راك تفجعت
_ موتت رعبة قريب نموت أصل وزيد صاكي
فيه وراقي لكل
_ باهي أيجا وريني وين تسرقت وأصف
لرسام لهوني
لا لحكاية وفات يعيش خويا باش نبقي في
سين وجيم اخطانا
_ لمرة جايا تصيرلك حاجة في بلاصتك
تكلمي فهمت
_ ندمتني جيت حكيتلك انا جيت نطل عليك
متوحشتك راهو
_ كان ترا انا فطرت
_ لتوا وجيعانة موت
_ شقولك نخطفو رواحنا نضربو فيها صحين
تونسي ينعوش لقلب
_ يامشحاح قول يغم لقلب زيوت تعرفني
منطوقهاش تحب تفسدلي ستيلي
_ قول سكيلاتك تفسد ملا تبونيد قوم
وكول وين تحب كبرت وليت تقول علي خوك مشحاح
_ هههه نفدلكو سيفون ماو باش نحركوك
_ قوم ويزي بلا ترهدين في يدي ساعة
ونص ولزم نرجع للمركز
_ باهي هزت صاكها وخرجت قدامو
***
تسمع فيه أش يقلها متمنية تهز فاز
تكسرلو بيها راسو ...
_ تسمع فيا زيزي
_ نسمع فيك سي ناظم وين تحبني نمشي
توا نمشي
_ نعرف زيزي متخليهاش بيا نحبك ليلة
تكون في فومرة صحابي هذوم موش ناس براينية ..بدل لوك عاد
_ تهني سي ناظم (بقات تتنهد في
داخلها)
_ أيه في يدك ساعة نحبك حاضرة لبسة
لفوق في لبيت
_ طلعت لقاتو محضرلها روب روج فوق
ركبة بريك أسود لونتي يحبها تبدل منظرها تنهدت دخلت دوشت شيحت شعرها لمدتو
..مكياجها كان لافت مكياج "مومس تتعري من نقاء وتلبس ثوب الشقاء ..
**
ملي وصلت وهيا ترقل من لخوف أكثر من 4
رجال قدامها لواحد قد لحيط خزرت ناظم تستنجد بيه قربلها يهدي فيها متخافش عزيزتي
متعودة تخاف موش قتلك لمة صغيرة صحابي هذوم نحبك تفرح بيهم
_ موش برشا ناظم يعيشك
_ شنوة سي ناظم هذي لتقول عليها خبرة
أهدوا لولاد وغمزهم ...
تشم في ريحة "لمرخوانا
"وريحة شراب تعترق قلبها تقبض ...
_ تئن ألم تفارع وتصيح تخبش وتضرب بكل
قوتها باش يسبوها تنادي علي ناظم باش ينقذها من لوحوش من ذئاب يتداولون علي شرفها
علي برائتها ...تغتصب في كل يوم وكل دقيقة وكل جزء من لحظة في عفتها في حريتها في
ملبسها وماأكلها في حقها في أبتسامة ودمعة في تنهيدة وصرخة ..أغتصبت لدرجة ان
اغتصاب ذات أصبح روتين يومي
وعادة يومية لاتجوز لها حتي لهتاف او
صراخ أو لاحتجاج
حلقة 06
أم يافا
أنهج ..أتوسل ..أصرخ ..أتذود .أئنو ألما ..أطلب
الرحمة من قلوب ذئاب ناهمة ..قلوب صدئة وعقول واهية ..غيبت بفعل منكرات ومحرمات
.صدئة....دنسو سوادي وطبعو في جسمي المستهلك ...قذارتهم وعفنهم...أستنجدتو برب
سماوات لعلا وعسي يغير قدرا كتبه لي قدرا لم أصنعه بيدي قدرا ساقته صلة رحم رمتني
أخت أبي دمي ولحمي رمتني في مستنقع البؤس
والعفانة ...من أجل راحة نفس وعبئ يتيم ألقيا فوق كتفتها ..
وكأنا الله لبا نداء كانت شبه فاقدة
للوعي تسمع في صوت صراخ برشا ساقين يقربولها ...صوت قوي رعبها ...بدن لعفن لكان
فوقها ..وذاك ثقل نزاح من يد رجل ملامحو دوب ماشافتها عينيها بقيا تتغمض وهيا تشوف
في غطاء أبيض تغطت بيه ...وصوت صراخهم باش ينقذوها صدعلها راسها ...تحب تقلهم نحب نموت منحبش نفيق
متنقذونيش خلوني نموت بعفاني بوسخي من حياة البؤس لعايتشتها من مداولة رجال علي
برائتي وطهري وعفتي .... لكن خانها صوتها وغابت عن الوعي لقدر أخر غير معلوم
***
موش مصدق لحيوانات للقاهم وشذوذ لكانو
يعملو فيه لقذارة لوصلولها بعض لبشر كلاب سعرانا شياطين علي شكل بشر ...قلبو وجعو
...ملي راه جبدهم من فوقها يضرب بكل قوتو يضرب يسب يلعن يكفر تحول كأنو موش نفسو رجل
رصين لكن لراه يفلج صدر يفجر لحجر ويزلزل لارض ...مسيبوهم لأعوان من يدو كان لكلهم
مدمدمين هبطوهم ملفوفين عرايا في ملاحف ...بقا يستني ... في لحماية باش تهزها
..وجهو لكل عارق وهو يشوف في وجها كانو مؤلوف وجها مخبش شفايفها مفلوقين خدها لكل
بلايص متاع يدين ...كان يرا في لملحفة كيفاه ولات حمراء من دم ....يشوف في أثر
دروق والمروخوانا ودبابز شراب لمعبية دنيا ..ضرب لحيط ...بيدو يشفق عليها ولا
يستحلي فيها اكيد مجرد بغي من رجل لرجل تستقات من جسمها وشرفها من اجل لقمة
عيش قداه ينقم عليهم ها نوع ...بقا ينهج
من لكبت ...جاو هزوها لسبيطار ...بقا هو ومحمد معاها لزم يكمل لبحث متاعو وتتعدي
علي طب شرعي ...3 متاع ليل طلع تقرير
(_ أنتهاك لجسم امرأة والاعتداء
بالعنف الشديد من ادي لجروح بليغة علي مستوي العنق رحمي ...ونزيف حاد من قوة الاعتداء ...).
بقا متأسف علي حالتها برغم كل شئ هيا
بشر وجسد وموش من حق أي شخص يتعدو عليه بها طريقة لحيوانية ...رجع للمركز يتوعد
ويتحلف مينتقم منهم ومن لعملوه ..مل وصل هبط لجيول لقاهم قاعدين فوق كرادن ..عض
شفتو ونحا سبة وركح فيهم ..علي بعضو كان صوت صياحو عامل قبب
_ ياجبناء ياحيوانات ..لها درجة
معندكومش رحمة ..كان مرة يضرب بسبتة ومرة بيدو ورجلو مسيبهم كان مجاه محمد خرجو
وهو يصيح
_ هبلت سيف باش تورط روحك شدخلك فيهم
_ شدخلني تعرفني طحين منقبلوش حيوانات
هذوم موش بشر
_ أي توا يتحاسبو في لعملوه ريض بربي
...واهدي اخدم ملفك وغدوة عديهم لنيابة توا تنظر في قضيتهم
_ نحبك توصي عليهم لاماكلة لاشراب
لاغطا خليهم كيف لكلاب هكا
_ باهي برا روح وأرتاح توا نكمل أنا
خليني نكمل خدمتي شمزال علي صباح لزم
نسلم بيدي ..
ررجع لبيروه ينفض وصي باش يتكتب تقرير
مفخخ وبكل الأدلة
حلقة 07
أم يافا
أثار الوجع تخلف العقد ..تخلف الحسرات
والتناهيد ..في نخوة رجل .رجل يعتبر نفسه مسؤولا عن امن بلد ..وأمن مواطن وراحة
فرد ...
روح صباح لدار مهدود ملي دخل عرضتو
امو بسمتها نساتو في تعب لخدمة باسها من جبينها ...
_ صباح لخير وليدي
_ لباس أمي أنت شعاملة
في خير وليدي أيجا كول
_ صباح لخير أيمان (قرب وين أختو تفطر
)
_ صباحو سيف لباس
_ حمدلله
_ صبتلو قهوة...تعبت لبارح في لخدمة
_ فوق ماتتخيل (بقا يترشف فيها ويسئل
علي حوال أمو ) تلفون أيمان صونا هزت عليه
_ باهي شوي ونجي
_ تخدم ليوم
_ نخدم لبارح قالو جات طفلة متعرضا
لأغتصاب لزم نشوفها ونحكي معاها ....
_ ريت بربي (تفكرها فد) مسكينة 4
حيوانا ت تعدوا عليها
_ لطف وليدي ملقيتو متحكو ها صباح
_ أيه امي لو باش نحكي لصاير توا تبقي
تتلطف كل دقيقة ..
ربي يسترنا بنيتي
_ امين امي
_ تحب نوصلك أيمان
_ لا عندي كرهبتي خليك سيف أبقي أرتاح
..
طمني بربي
_ باهي سيف تهني سلام
_ دخل دوش وين يسكر عينو تجي صورتها
في بالو قلبو وجعو بقا يتأسف وين يشوف حالة كيف هكا يتعب في مخو ....حب يرقد لعلا
وعسي يرتاح ملي حط راسو فوق لوسادة وعينيه تغمضت وصورتها عاودت جات قدامو كأنها
تستنجد بيه يدها يشوف فيها تتمدالو كأنها تحب يشدها ...وقف من لفرش حط رجلو علي
أرضو بقا يخزر مستوه.. نفخ بقوة وقام لبس دبشو وخرج ...برغم تاعب برغم مهدود اما
ميعرفش علاش مشالها لسبيطار علاش ساقيه هزتو ليها ...ميعرفش علي روحو كيفاه وصل
لقي روحو كان قدام باب بيتها ...للحظة بقا يعارك في روحو باش يرجع يسمع فيها تصيح
وتبكي بقوة ...قلبو دق توجع سكينة تغرست فيه حل لباب ..ودخل وقت لراها وشافها حس
روحو يعرفها هذي هيا نفسها الشقراء لكانت في لكباري لكن لراها لبارح شعرها أسود
وعينيها سود بقي يفغم من لحيرة في بلاصتو وهو ويشوف في اختو وطبة لمعاها يهدو فيها
حلقة 08
أم يافا
بعض الألم
يكون نابع من الكبت وبعضه يكون مموميت كالسم يسري في عروق البدن يضخ وجعا يضخ قهرا
وحسرة تكاد تخنقنا وتجعلنا نتخبط في مستنقع البؤس
ألم اغتصاب
الذات وأغتصاب البدن أغتصاب جماعي خلف العار والدمار لجسد عذراء أفتكت طهارتها لأصحاب
المال وتجار البشر "انسيوحيواني"لايمت للأنسانية بصيلة غير جسم يمشي
بساقين فوق أرض خلقنا منها وسنعود لها في كفن ...
كان يشوف
فيها كيفاه تبكي تتخبط من القهر كيف لها أن تبكي دموعا وليس دما كيف لجسد أفتك
بغصب أن يتنفس بعد كل ذاك لوجع ..قربلها وبدنو لكل يخض علي مصيبتها ومصيبة كل لبشر
لأن ينتسب لهم فرد لانسانيتهم وهم لايمتون لأنسانية بصيفة غير مجرد بدن ..قرب بحذا
أيمان أختو وتكلم بصوت يملؤه الوجع
_ أيمان
هدوها علاش بقيا تصيح هكا
_ خزرتلو
خزرة كلها تحسر...هاك تشوف سيف ملي فاقت وهيا تصيح هكا لحد الأن موش متقبلة الصدمة
لصارتلها ...
قرب بحذا
لفرش وين كانو لملمرضين يزرقولها في المهدئ باش تهدء ...بقا يخزر لعينيها لتلك
النظرة ضعيفة ولمكسورة ...عينيها جات في عينو بقات تخزرلو وكأنها تستنجد بيه هو
نفسو نفس شخص لأ نقاذها لبارح غمضت عينيها لبدات تترخا تحب تخزرلو تحب تشوفو تحب
تستنجد بيه وتقولو خذلي حقي ملي أغتصبني خذلي حقي من لجردني من أنسانيتي دوب محركت
شفايفها ونطقت بكلمة هزتو في داخلو "عاوني "كان صوتها دوب مطالع صوت
شبيه بالهمس لكن كان في مسامعه كالطبل ضرب الفؤاد والروح والصدر كل البدن أنتفض
وهب لمساعدة تلك الضحية ليس فقط لأنه واجب خدمة بل واجب أنساني واجب رجلة لتعلم
بيها طول عمرو ...خرج يحمل قسما أن يؤخذا ثئر تلك المنكوبة ,المكلولة من كل شخص
مسها بسوء وأذاها بقصد ....
***
دخل بيدو لجيول
لقاهم قاعدين في القاعة جبد ناظم لمتفكر لي تبعتو جبدو من شعرو يكركر فيه
لبيت لبجنبو رماه علي لحيط ...وجبد كرسي قلبو وقعد عليه بقا يحرك في رقبتو وبزق
وتكلم بصوت شبيه برعد "باش تنطق والإقسما عظما نفتقك من بعضك"
_ كان يرقل
بالخوف من لراه قلبو تخطف بدنو لكل مرضرض من ضرب معادش عندو بلاصة صحيحة باش يتضرب
فوقها ..أنطق من حرارة روح شنوة تحب تعرف وانا نجاوبك
_ شكون طفلة
لغتصبتوها
_ لا لا
مغتصبنهاش تخدم هيا خدمتها وراسك ياسيدي
_ سكر فمك
تحلف براسي أنطق ياحيوان كيفاه تخدم
_ منعرفش
تخدم فيها لبترونة *** وهيا تابعتني انا وقلتلهم باش تخدم معايا ومتعودة تخرج ديما
في قعدات هكا يعني سيدي راهي خدمتها
_ عض علي
شفتو يعني هذي خدمتها كان باش يوقف بعد محسها ظالمة موش مظلومة ميعرفش علاش قعد
وكمل يسئل برغم البركان لفي داخلو ..
_ ولبترونة
هذي عندها برشا هكا وتعتصبوهم عادي
_ يعيشك
ياسيدي مدخلنيش في حكايات هكا ومتسلنيش عليهم
_ علاش نلحلح
بيك باش تقلي أنتي أنطق
_منعرفش
أسئلها هيا أما لنجم نقلك باش يقتلها ويقتلوني أحموني ياسيدي
_ قام من
لكرسي علي اخر كلمة قالها .....مفهمتكش شكون باش يقتلك ويقتلها
_ ليخدمو
فيها .قرب يحبي جا يبوسلو في ساقو بعد عليه سيف .. مصدوم من تصرفو وشنوة لخلاه يخاف هكا .
_ هبلت أنت
لواه لخوف هذا انطق
_ لا اقتلني
ومننتطقش انا منعرف شئ زيزي تقلك علي لتحب أنا موش تبعهم انا صباب ما علي ليدين
طفلة لتعجبني نهزها تبقي معايا وندفعلهم فلوس ومعنديش باهم حتي علاقة وراس ولادي
كيف قتلك يعيشك عاوني
_ خرج داخل
بعضو موش فاهم شئ قد ملحلح بيه باش يحكي كبش في نفس لكلمة "تقتلوني
ومانحكيش"
عشية كاملة
قعد يحلل في كلامو مفهم شئ ...شنوة لخلي مومس تتقتل ؟
حلقة 09
أم يافا
القدر كالممر
في كل يوم رحلة عبر زمن نلتقي بأشخاص ويختفي بعضهم من حياتنا بمجرد مرور ذاك لقدر
وبعض الأحداث حتي ولو كانت بسيطة كفيلة بأن تقلب حياة بشر
كملت خدمتها
علي بكري خذات كرهبتها ومشات لنفس لبلاصة لصارت فيها نفس لحكاية حكاية أنبنت عليها
أحاسيس لاتعرف هل الأحساس الذي في داخلها مجرد أمتنان أو أعجاب فكيف لشخص تراه
لمدة لم تستغرق 5 دقائق أن يكون محور تفكير لساعات وأيام ...بقات تخزر للمارة
ولعابرين طريق تلمح في كل وجه ذاك شخص أو ذاك لبطل الذي أنقذها ولم ينتظر حتي شكر
هيبته صوته ونظرته الحادة كالصقر كانت كفيلة أن تقلب كل موازين الرصانة في عقلها
وتعاملها مع أبسط الأمور (حطت راسها علي لفلون لتعمل فيه غالط ) هزت راسها تخرز
لطريق لمحت شخص موشم وشعرو مقرع هبطت من لكرهبة تزرب لحقت عليه تنادي )
ياسيد أنت
(تجري للي وصلت أول محطت يدها فوق كتفو دارلها تفجعت وخرت لتالي )
سامحني خويا
تخيلتك شقح
_ تلكم بصوت
خشين بث في قلبها رعب....نعم وانت منين تعرف شقح
_ يعني أنت
تعرفو
_ هزها وحطها
وتكلم بصوت يخوف ...لا منعرفوش طير من هوني يلا ومشا وخلاها في بلاصتها ترقل
وتتحسر رجعت لكرهبتها تجر في أذيال لخيبة بقات لساعات تخزر لواقف كان يحكي بتلفون
ويخرزلها خافت سكرت لكرهبة وبقات في نفس لبلاصة لعلا وعسي يتعدي منها ..
***
يعمل في شيشة
في قهوة الحومة صونا تلفون لقاه صاحبو من لحومة هز عليه يرحب ويمرحب أهلا بلخو
سافا
_ اهلا شقح
أسمع يالخو أنا توا متعدي في لحومة ولحقت عليا كعبة يالخو ترعب أصل غلطت فيا
تستخيلني أنت
_ كعبة شنية
_ شنوة سي شقح
كعبة مزة نقصد ولا شنوة لحبس صتكلك مخك
_ اتو نجي
نصتكحهولك مخك أنت لتحكي بيه معايا هكا
_ حمحم وسوا
روحو لا سي شقح مقصدتش لمهم طفلة ظاهر مهندمة ومن نوع لقافز هاي لتوا بكرهبتها
واقفة في لحومة***
خليك هاني
جاي نحا شيشة وخرج وين يتعدي يهز يدو يرجع في سلام علي حد هوني صغير ولكبير يهابوه
وفرد وقت يحبوه شقح صحيح باربو لحومة أما حاميها هوني لاسرقة لانشل لا تعدي علي حد
غير قول تابع شقح ناس تحترمك وتقدر وصل لراس نهج لقي صاحبو يستني فيه شعل سيقار
وبقا يخزر لكرهبة وين أشارلو عوج فمو وبزق ...تنجم تمشي
_ باهي يالخو
صحة
_ هزوا وحطو
وتعدي وين يقرب لكرهبة يشوف في نفس طفلة بقي مستغرب شتعمل هذي هوني وفي حومتو
وعلاش جايا تسئل عليه ..
_ كانت تخزر
في كل لوجوه علي أمل تراه متعدي أيست وتعبت من الأنتظار كانت باش ديماري لكرهبة
وتمشي علي جنون لصابها تستني في شخص لايمت لها بصلة شخص فصالة بدنو لكل وشام يخوف
...عينيها رمشت أول مشافتو يقدملها بقات تحل في عينها وتغمض شفايفها ترقل كان
بكلمة "هو مستحيل ...بدنها فشل وقلبها دق بقوة من لفرحة فرحة موش عارفة علاه
أعتراتها حلت باب لكرهبة وهبطت ...يدها في باب لكرهبة وهيا تخزرلو بعين ترمش
..وبدن يرقل ...
_ أهلا
قالولي تسئل عليا شحاشتك عندي
_ كانت
مسوهمة فيه تخزر لون عينيه لشعرو لشفايفو كيفاه يحكو لشعرو لكان مقرع للوشم لفي بدنو
لكل لصدرو لعريض لبقات تعدي في عينيها عليه بقات تبلع وتغص وموش مركزة مع سؤال
وصوابع يدوا ليشموا قدامها مفاقت علي صوت لقوي لرعبها وخلاها ترقل
_ شبيك بكشت
تي أنطقت
_ سامحني سي
شقح (قالتها مرة وحدة من لفجعة جات باش ترجع لكرهبة من لخوف شدها من يدها وجبدها
كيف شوليقة )
_ شتحب أنطق
_ منحب شئ
حبيت نسلم عليك ولا نقصد نشكرك علي لعملتو معايا أمس
_ أه زعمة
علي ها سبب
_ وراسك علي
ها سبب يظهرلي قلقتك موش هكا
_ جبد يدو
..وبقا يهز فيها ويحط ...ضيعتلي وقتي علي لفاضي اركب كرهبتك وروح معادش تدخل لحومة
هوني شقتلك أمس
_ انا نخدم
قريبة من هوني راهو علي هكا نتعدي من لحومة هذي
_ ربي يعاونك
أيا مك شكرت سلام جا داير شدتو من يدوا صوابعها كرون بنين سرا فيهم لمست رجولة
ولقوة لفي يدو خلاتها تسرح معاها لوهلة ...كيف لعادة صوتو يفيقها جبدت يدها
..وتكلمت سي شقح ممكن تسمعني
_ تفضل نسمع
فيك شتحب
_ نحب نتغدو
مع بعضنا باش نشكرك
_ بربي هكا
حد عقلك وفاش قام نتغدي معاك
_ باش نشكرك
_ شكر
وشكرتنا وفات لحكاية لواه تكبش باش تندمني أنقذتك
_ لا صدقني
لاقصدتها راهو اما حبيت
_ اش حبيت
غمزها .تطلعشي تحب علي شيخة حاضرين راهو
_ شيخة شنية ...بقات
مستغربة
_ عجب باش
تقولي متعرفش شيخة ...بقا مركز معاها
_ لا والله
لا فهمتك منحبش شيخة وتفرهيد أنا نحب نغديك ونشكرك
_ (بقا
مستغرب ياطفلة بوهالية وتبهلل يادز في لبيدق )وبعد لتغديني شتحب تعمل أخر
_ لتحب عليه
أنت
_ جبدها من
يدها بقوة ...شوف يابنت ناس تربيت راجل منتعداش علي بنات رجال مرة أخري وجهك نفسدو
وبدنك لتخدم بيه منمسحش بيه ساقي فهمت ودزها جات علي لكرهبة
_ تصدمت من
كلمتو مكنتش تتوقع الي هو تصورها طفلة بودورو وتحب علي جو ...تكلمت بكل غل وعصب
ماتحياش جبان تتصورني باش نعطي بدني ليسوا ومايسواش
_ كان ماشي
حبستوا كلمة جبان ...رجعلها كان باش يضربها بكف شاف نظرة لخوف ويدها لتحطت قدام
وجها باش تحميه دموعها لسبقتها خلات أيدو تجمد في بقعتها ...والله لو ماجيتش مرا
كنت فسدتلك خليقتك اما صحة ليك
_ صحة ليك
أنت خاطر عمتلك قدر وجيت نشكر فيك باش تتهمني الي أنا نبيع في بدني ...حرام عليك
موش كل طفلة تكون تلقائية وموش خبيثة يعني راهي موش باهية بدني لتقول عليه ميجيش
عفاسة عمرو مداس ونظيف خطر شرف رجال ...فهمت تعرف شمعناها رجال ولا صعيب عليك
...مسحت دموعها وحلت باب لكرهبة جات باش تدخل شدها من يدها ...ودورها
_ مقصدتش
لقتلو كيف قلت هككا فهمتك انك
_ قصت عليه
...عيب عليك حتي بالقول متقلهاش قدامي ...أنا جيت حبيت نشكرك لا أكثر لا أقل وأنت
تخيلتني من بنات بودورو ..
باهي سامحني
والله لا قصدتها راهو ماو كلامك ياسر طيبة انت
_ بوهالية
موش طيبة خاطر أش مرجعني لخليقة كيفك
_ شنوة عاد
وليت تسب فيا توا
_ نسبك وشوي
فيك وجعتني بكلامك برشا عمرو حد ماهاني في شرفي
_ سامحني
وحقك عليا الأ شرف ..يلا واطلب لتحب
_ منطلب شئ
خليني نروح واعتبر مصار شئ
_ لا والله
مصارها موش كنت تحب تشكرني بغداء أيجا انا نغديك واعتبرو غداء صلح
_ لا
_ تي أيجا
عاد شنوة باش نبقي مكبش فيك كيف نقول كلمة تتنفذ
_ باهي أطلع
معايا
_ وين نطلع
معاك أيجا هوني فما رسترون فلة أصل ذوق تحصل ...سكرت لكرهبة وبقات تبع فيه تمشي
وتمسح في وجها من أثار دموع كل وين تتحرك تشوف في عينين ناس لكلاتها ...وعراتها
...أول مدخلت لرسترون لقاتو علي شارع كان ريحة زيوت تعترق وناس بصف بقات حلة فمها
وتلكمت من صدمة هوني باش تغديني
_ ملا وين
تحب
_ منكلش زيوت
انا رجعني لكرهبتي
_ علاش ملا
باش طيبو في داركم من غير زيت
_ اففف ريحة
لعظم خيت تقتل أصل رجعت علي طريقها لحق عليها ...شنوة توا نلعبو
_ لا مناش
نلعبو أما هوني منجمش ناكل خلينا نمشو لرستو مضخم
_ أسمع لا
مضخم لا ولد عمو انا عربي ومنكل كان لماكلة لعربي
_ علاش لمضخم
يطيب كان سوري برك
_ بربي موش
لزم نتغدو
_ احسن اصلا
شاهية تسكرتلي
_ علا ش أنت
عندك شاهية
_ شتقصد
_ تي هاك كيف
لفلوس مثبتة توكل أنتي
_ علاش خايبة
هكا
_ علاش
قالولك راك باهية
_ امان بكل
وقحة تقلها مرا راني
_ علاش
قتلك راجل انت أما تقول بوك لا يوكل فيك
عندكم ماكلة في دار
_ لا عنا
بنزين باش نجيبو نشعلك بيه ...وضربت لارض بصباطها وتعدت لاحقة عليه ...بقا يخزرلها
كيفاه تمشي تبسم تقول كتلة من نار ..صحيح ضعيفة أما ستيلها ياسر حلو لحق يزرب وبقا يمشي بجنبها للي وصلت لكرهبة
...شنوة بطلت مكش مشربتنا حاجة
_ معنيش حلت
باب لكرهبة وجات طالعة ...بقات تخزرلو عوجت فمها وتلكمت ...لمرة جايا عيب تجي لمرا
تقلها راك خايبة فهمت من لأدب يلطفو لحديث
_ أمم فهمتك
باهي ياسي أدب توا لمرا جايا نتأدب ..وغمزها بونصيرا وجا ماشي وقفتو بكلمها
كنت حبا نقعد
معاك شوية منعرفش علاش ممكن خاطر رتحتلك وعجبني تصرفك رجولي أما بعد لقلتو توا يظهرلي
غلطت رجعت حتي باش نشوفك ونتعب باش نسئل عليك سلام وطلعت لكرهبة وديمارت بقوة
...بقا يخزر لكرهبة ويحك في راسو ..بسمة عل فمو وتعجب منها لمخلوقة لحسها مزيج من
لبرائة وطفولة مزيج عمرو معرفو ولاراه خلطتو يتبسم وهو ماشي حتي ليسلم عليه يرجع
بيدو لاشعوريا مخو لكل في حركتها وتصرفتها صبيانية
..
حلقة10
يافا
ما أروع هذا الشعور المباح رغم صمته ..
وما أروع تبادل الاحساس بصمت .
أحيانا تكون
في داخلك صمت رهيب صمت قاتل يجعلك تعيش لحظة وكأنها دهر لحظة تعج بأفكار مشوشة
لاتعرف كيف ترتبها علي أرصفة الفكر لملوث بالكمال المهشم علي اعتاب القلب العاشق
فحين يدق لقلب ينقشع ظلام الفكر الارستقراطي ولايسعنا الأ ان نطبق ما املاته
لمشاعر الفائضة من نظرة عشق نظرة أستعاذ منها جميع لعشاق وجميع لبشر الأ وهيا
"نظرة
لحب الأولة"
رجعت لدارها
قلبها يدق أحساس جديد احساس عمرها ماذاقتو احساس خنقها وكبلها خلاها تفرفط من
تفكير فيه في صوتو وعينيه لكانت تلق رجولتو لكانت ظاهرة قوتو شخصيتو لتتفرض من غير
ميحكي وينطق بحرف تنفست بقوة شنوة لصايرلها علاه مستحوذ علي تفكيرها شكونو هو مجرد
شخص ظاهر كلوشار لوشم لفي بدنو يخوف هبطت من كرهبتها تمشي هايمة حلت باب دار دوب
محلت لباب وتدخل في حد عينيها مضبضة من تفكير رجعت خطوة لتالي ونفخت وقت لقاتو ولد
خالتها
_أمونتي سافا
_ أهلا فراس
شعامل لباس انت
_ في خير كنت
خارجلك وقت لريتك جيت ادخل
_ سكرت لباب
ودخلت سلمت علي خالتها وامها ستأذنتهم باش تبدل دبشها وترجعلهم ...اكثر وقت محتاجه
فيه تكون وحدها تمنات تروح تشد بيتها تزيد تلقي ولد خالتها لصقة بدلت حوايجها هبطت
قعدت بحذاهم قعدة كاملة غارسة راسها في تلفون حتي كلامها مقتضب ..أمها وخالتها
دخلو للكوزين باش يحطو لعشا ...كانت باش تقوم تعاونهم شدها فراس من يدها خليك
ايمان عندي منحكي معاك
تفضل فراس ا
ن شا الله خير
_ لباس حاجة
باش تفرحك
_ ايا باهي
خير قول فرحني
_ تعرف الي
انا سايي ترقيت في لخدمة ومنصبي ولا باهي وليت نخلص مليح
_ اي في بالي
مبروك لخدمة جديدة قالولي ترقيت
_ يبارك فيك
_ عاد قلت
دار وبنيتها ولخدمة موجودة نقصتني كان لمرا
_ أيه ومن
بعد (عوجت فمها موش حبا تسبق لاحداث )
_ قلت علاش
نلوج علي بنات لحلال وبنت لحلال قدامي طفلة دافية ومثقفة ولحمي ودمي ومن فوق
تعجبني ..(هز عينيه يشوفلها )قلت لخالتي وهيا موافقة شقولك
_ فاش شقولي
كنت تحكي لقيت مرا طول دخلت في موضوع اخر شدخل امي
_ شنوة شدخل
امك نقصد فيك مفهمتنيش
_ تحكي بجدك
فراس انا وياك كيف لاخوة من وقتاه تخمم هكا
_ مناش اخوة
ايمان نحبك من صغرة وانت تعرف وتعجبني برشا ونحب نكمل حياتي معاك وياريت تخمم
يعيشك مترفضش طول انت تعرفني واي قرار باش تقولو باش نقبل بيه ونتمني يكون موافقة
وقتها بالحق تفرحني
_ جات باش
تتكلم خالتها دخلت بصنية بقات تخرز لامها للتتبسم فرحنا تنهدت وسكت عملتلو براسها
باهي نخمم وقامت تتعشي ...
***
ملي كلم طبيب
وقالو راهي فاقت مشي هو ومحمد باش يخذو أقالها ويسكرو لبحث مشي فادد موش حابب
يقبلها بعد لعرفو الي هذي خدمتها حسها ظاملة موش مظلومة دخل لسبيطار يمشي في
لكلوار .سيقار في يدو عينيه في القاعة يسمع في محمد صاحبو كيفاه يحكي علي هانوع من
لبنات وقت لوصل قدام بيتها ...قال لمحمد ادخل وتوا نخلط عليك ا سكت محمد ودخل وقت
لحل لباب يلقي فرملي حاطط مخدة فوق وجها وهيا تتفرفط بساقيها صاح من هول لراه
_ نحي يدك
(جبد سلاحو شبرو عليه ..دخل سيف مفجوع وقت لشاف لفرملي كيفاه يخنق في زينب جبد
سلاحو وجا باش يصوب عليه كيف راه هارب للبلكون ضربو بكرتوشة في ساقو مايرا فيه كان
نقز من لبلكون لحق يجري يشوف فيه كيفاه طاح علي الارض وقام يكوع بساقو هبط محمد
يجري باش يلحق عليه ...رجع لزينب لكانت تتنفس بصيف
_ لباس
متخافش
_ كبشت فيه
تتنفس وتنهج من قلة لهوا دخلو لفراملة يجرو وطبة علي صوت رصاصة لخرجت ...بقي يصيح
عليهم
_كيفاه تخلو
مريضة وحدها قريب تموت شنوة لستهتار
_ مسيو يعيشك
كانت لباس علاها شصار
_ فما شكون
دخل وكان حابب يقتلها ولابس زي تمريض
_ لكلهم شهقو
من كلامو وكانهم في فيلم شتحكي مسيو مستحيل
_ أمان
أنقذني باش يقتلوني مستحيل يخلوني نعيش
_ كان يشوف لعينيها زرق
كيفاه ولاو حمر من دموع ولخوف لكلها ترعش بين يديه وجها احمر مغصور ...يد لممرضين
فكتها منو بعد شوي وبقا يخمم في كلمتها باش يقتلوها شكون لباش يقتلها سؤال بقا
يتعاود في عقلو ؟
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء