تمر لحظات
بؤس في حياتنا لانستطيع ان نفرق بين الخطئ وصواب في لحظة ضعف يمكن ان تتوه في
مستنقع السواد مستنقع الكحول لضعف لايمان
قاعد فوق
كونتوار كل لحظات يطلب كاس يحب يحرق نار لفي داخلو لعلا وعسي ينسي قهرو وضعفو هو
حامي لقانون لكن ليوم طاولو عليه حس روحو تفشة مايسوي شئ غير مجرد اداة يلزمها صوت
في حضور من اعلي منه رتبة حتي لو كان قانونه حرام في قانون الام القانون الأصح ...
نارو شاعلة
وشاجو والع صحة ليها اما هو عمرو مايتعدي عليه حد وخصوصا نظرة تلك المتصابية
الغبية المدللة اللي تخيلت بتلك البسمة الهازئة خروجها ونصرها عن من كانو قبل قليل يحكمون
وينفذون أمامها ...خرج بعد مداخ قهر وليس دوخان من أثر لكحول لحرقلومعدتو وشعلها
ساق كرهبتو مروح لدارهم يحب يرمي روحو فوق فرشو ويرتاح يشم ريحة امو ويحظنها ويرمي
حملو علاها لعلا وعسي ينسي وتمتص بعض الغضب وبعض الوجع لصابوا لقي روحو بعد محبس
كرهبتو قدام دارهم معاود مديماري واقف قدام دارو لدخلتها من يوم لكن خلات فيه أثر
كبير تفكر معنتها وقت لقالت القانون حامينو لكبار ومنوثقش فيه كلماتها صواب هو
لغبي لم يصدق فتاة بكت دموعا وانذلت من قبل مجرمي القانون اللي من سويعات كان واقف
قدام واحد منهم لم يكن يعرف ان من كان امامه صانع امبراطورية الفساد هبط ببدن رزين
..بدن وهن من كثر شرب وكثر لوجع والقهر دق لباب وحط راسو عليه يسمع في صوت خطواتها
لكانت ظاهرة تهرول باش توصلو تحل لباب لكان متعكز عليه ...قريب يطيح يدها عرضتلو
وجا في حظنها لكان دافي كحضن امه رائحتها ساحرة صوتها رقيق اللي كان خارج خايف
عليه أربكو وخلاه يحس روحو في وطن غرب عنه منذ ولادته تكلم وهو يتنهد تاعب زيزي
نحب نرتاح عندك ممكن
_ جبدتو بخوف
معبي قلبها ظاهر تاعب وشارب خرج معبي حماس رجع بوجه شاحب وجسم منهار وصوت مرتعد
ماذا اصابك وماحلا بيك يامنقذي ؟؟
(حطتو فوق
ديفون وبقات متكية علي ركابيها علي ارض تخزر لعينيه لحمر وجهو شاحب تلك النظرة
لمكسورة تعرفها وكيف لشخص كسرا ألاف لمرات ان لايعرف شقيقة الاحزان ...شبيك سيف
لباس (صوتها خرج حنين مرعوب من لخوف عليه تبسملها وبقا يخزر لوجها لبدي يبري من
اثر مجرمين تطاولو علي وجه كفلقة لقمر خزر لعينيها تلك العينان صفعته فيقتو وخلاتو
يسوي روحو ويتفكر مؤساتو سبحان الله ماهذا شبه لهته درجة يكون تشابه وكأنها هيا
أيايحلم أم يتخيل لولا فرق طول وفرق لون شعر وفرق سن زينب تظهر كبيرة علي تلك
الغبية المتصابية اللي متاكد انها لم تتجاوز لعشرين ...سؤالها لتعاود مرة اخري
وبخوف كبير خلاه يطمنها رغم مايجول بخطاره من وجع
_ لباس تاعب
برك زينب
_ لطف عليك
سي سيف (قام من الارض وقفت مشيا للكوزين صوتو وقفها)
_ وين مشيا زينب
_ باش نصبلك
قهوة باش تفيق شوي وتتنحي عليك وجيعة راس
_ تنهد نفس
كلمات الام بقي يفكر في فراغ مفرغ رائحة القهوة فيقتو جبد لكاس من عندها وبقا يشم
فيها تنفسها بقوة ...
محلاها ريحة
لقهوة
_ صحة سي سيف
(قعدت في ديفون لمقابلو ...)
_ كمل قهوتو
في لحظات صمت مريبة عليهم زوز كان عينيهم لكانت تحكي وطمن في بعضهم بأشارت نظرة
الحنينية
_ كنت فادد بعد لوقفت قدام دارنا حبيت نجي نقعد
بحذاك انت زعمة علاش
_ خاطرك مكسور
وحبيت تلتجئ لعبد مكسور كيفك
_ كيفاه عرفت
(تنهد)
_ من عينيك
لشكاتلي
_ وشقاتلك
عيني (بقا يشوفلها بنظرة موش فاهمها)
_وجعوك
وهانوك وتجاوزوك وطيحو من قيمتك صح
_ صح شكون
لقالك (بقا مستغرب)
_ ظاهر نفس
وجعي نفس نظرتي (تنهدت تنهيدة كبيرة قسمتلو ظهرو توا حس بوجيعتها توا فهم المها تو
عرف احساسها وجروبو )
_ليوم قررت
باش نسيب خدمتي و نبطل لخدمة
_ علاش ؟؟؟؟(ستغربت
وقلبها خفق وقفت قعدت بجنبو في ديفون)
_ كيف
مقلت انتي مفماش قانون
_ تبسمت
بهزوة علاش من وقتاش فما القانون؟؟
_ القانون
موجود لكن سكاكن شر تغرست فيه ولا مقسوم لفرق وكل شخص يخذ لفريق ليخدمو واحنا ضعنا
بين ساقين
_ خليكم
باقين ساقين ساعات صبع كيف تشدو بيد الحق والحلال توجعو وميخليهمش يتحركوا الحق
يبدا من لقلب صحيح اما لقلب الصحيح لزمو
ساقين ياقف عليهم وانت كون ساقين لحق
_( كلامها
فرهدو شوية تبسم وكمل يحكي .)واذا حشولنا ساقينا زينب
_ يبقي لقلب
لينبض سي سيف ولقلب مزرع عروق في كل لبدن وشر عمرومايبقي مع خير ومع عروق تنبض خير
باش يبري بشوي بشوي وقت ليلقي لعروق لقلب النظيف في الأفضلية وهوما مستقصين من
لعنة صيبتهم من رب البرية ومن شعب يدعي في كل يوم باش يبتر اعضاء شر لغرسو قوانين
تخدم مصلحتهم وتقوي مكانتهم خليك شادد حتي عرق نبضو ضعيف خير ما تبقي شادد خيط
معبي شوك وتدمي يدك من غير فايدة وتبقي تتفرج لك قادر تحمي روحك ولاغيرك (شدتلو
يدوا وكبست عليهم بحنية يدها لحنينة طمنتو وفرهدتو وخلاتوا يرتاح من لمسة فتاة لم
يقابلها سوا من ايام) قوم أرتاح وردبالك تخمم في يوم تتخلي علي قسم اقسمتوا قدام
راية وطن انت صوت شعب وجلاد لمن خان شعب متقللش من شانك باعوضة قاتلت نمرود وأطاحت
بملكو متعرفش علي لفرج منين يكون فقط خليك متوكل عليه وربي فرجو قريب
(كبسلها علي
يدها وبقا يخزر لعينها لزرق لحسهم مرساه ومتنفسو وراحتو وموطنو وامانو وجبد قبلهم
بعداوتلو جروحو وزرعت لامل فيه من جديد ) يعيشك زينب فرحان اللي جيت وسمعت منك
شفاء روح بعد الضعف لصابني
_ لكلنا
نمروا بلحظات ضعف وهاك لحظات هيا لتقوينا وتخلينا كيف جبل لصعيب نتهدو خليك راكز
وقد امانتك وباذن الله الرب ناصرك
حلقة22
يافا
شرارة
الحب تبدء من نظرة فيكون لقاء فتتلخص في همسة ثم لمسة وأن فازة بقبلة فستكون بداية
القصة أما حكايتها فبدأت بقبلة هزتها وعصفت بوجدانها وشتتها حد الهذيان فكيف لها
أن تلملم ضعفها ؟؟
حمل ثقيل
في صدرها قلبها وجعها ..كل دقيقة تخرج منها تنهيدة تهد جبال تنهيدة تلخص وجيعتها
وجيعة قلب متكدر بشئ لصابو وجيعة عقل يفكر في امر غير جائز وقفت من كرسيها ستيلو
في يدها تحرك فيه باش تنحي توترها ...بدنها لكل يخض من لصاير فيها أغتصاب الفكر
لصابها باتت ليلا نهار تفكر في ذاك الرجل الذي أقتحم حياتها من أيام من هو؟ ولما
هو؟ وكيف لها حتي ان تفكر في ذاك رجل وذاك سليط والعنيف والغبي المتسلط...حلت شباك
تخزر للماشي ولجاي من يوم لدخلت لسبيطار لنهار تكاسلت عن خدمتها وها الأيام ولات موش
قادرة حتي تقابل مريض وتحللو مشكلتو هيا طبيبة نفسية مهمتها تفريج كروب لبشر
وتخليصهم من عقدهم وشفاء روحهم من أي وهم وهيا كيف تمرض شكون لبيها وشكون لباش
يداويها (نفخت بقوة واستنشقت لهواء ملزمش
تخمم فيه شكونو هو واحد ظاهر "فصالة ""خليقة "تي ظاهر من
وشامو قتال رواح "كيفاه تخمم فيه هيا ايمان
لفيانة.. ريشة وضخامة تخمم في راجل كيف هكا يمكن حتي أسمو ميعرفش يكتبو
سكرت شباك بقوة ورجعت لبيروها جبدت ساكها ونحت طبيلتها رماتها فوق بيروها وخرجت لا
ستاذنت ولا قالت باش نخرج معادش قادرة تخدم ولاتحكي مع حد هيا لمريضة ولزم تتعالج
لزم تلقي حل خرجت هايمة تسوق في طرقات عمرها مدخلتهم لمهم تفرغ طاقة لفي داخلها
وصلت لبلاصة خلا وقيفار هبطت تتنفس صاحت للي قراجمها وجعتها فرجنت علي صدرها ورجعت
تسوق كلمت فراس وطلبت منو يخرج معاها يدورو ويعملو شوبينق علي الاقل تقدر تنسي
...نهار كامل وهيا من بوتيك لبوتيك ..فراس ولا حمال يدو معبية بسيكان كان حاسسها
منرفزة وموش فاهم شبيها ...حتي سئلها قاتلو متقلقة ...ونحب نتفرهد شوية ..رجعت
لكرهبتها وحطت سيكان في لكرهبة طلبت منو يهبطو لاسواق هبطو لبلاد لعربي عملو دورة
شرات قضيات ورجعت لكرهبتها ...وقت لجات باش دور تسوق يد تخطفلها ساكها ...بقات حلا
فمها في نفس شهر يتسرق صاكها لها درجة صدفة ..خزرت لفراس لحبس وملحقش حتي لولاد
لكان يجري
_ شنوة
فراس مكش باش تعمل شئ
_ شتحب
نعمل ايمان تحبني نجري ورا مجرم ظاهر عندو سكين
انت لكبشت نجو لأاسواق تعرفها لبلايص هذي متع خلايق حتي شرطة مدورش هوني
_ أمان
فراس صاكي فيه وراقي لكل وا نت تقول خلايق
_ هز
كتافو وقالها حل باب لكرهبة خلينا نروحو
(ضربت
لكرهبة بساقها ) جبان لحق موش فيك فيا ...مشات تزرب لا حقة عليه حتي لو موش شايفتو
اما تمشي من قدام فراس خير ما ترتكب فيه جريمة .. وشمس بدات تغرب لا خافت لا فكرت مشات
تزرب ...تمشي وتمتم وتلعن في حظها تفكرت شقح لرما روحو علي موتور ورجعها ساكها من
غير مايعرفها هذي رجال موش كيف لعندها ..نفخت ودارت تمشي موش عارفة لدخلت في زناقي
...وقت لحست اللي معادش فما حركة ومعادش فما حس عباد دارت وبقات تخزر علي ثنيتها
لقات روحها في زنقة موش عارفة منين تخرج منها وجها لخلخ وصفار وزراق ...بقات راجعه
وتزرب في خطواتها للحظات حست بخيال يمشي وراها ...ترعبت وبقات تزرب وتبلع في ريقها
تجبد في تلفون من جيبها باش تطلب سيف خوها ...كل وين تزرب كل وين لخيال يقرب بقات
تدعي وتلفون في وذنيها يطلب "هز سيف أمان هز سيف هز "يد جبدتلها تلفون
جات باش تصيح يد كبيرة تحطت علي فمها ...بقات تخزر لخيال لقدامها كان اطول منها
وحاطط كابيش فوق راسو دنيا مظلمة شوية ملامحو من لخوف مركزتش معاهم يدو لكانت
ظاغطة علي فمها ترخات اول ميدو بعدت علي شفتها ...تكلمت من غير متشعر أمان متعملي
شئ راني تابعة شقح انت تعرفو موش هكا كانت تحكي وتخزر لشفايفو لتحلو وظهر مبسمو
لكان يلق في ظلام عينيها رمشت بقات تخزر لعينيه لموش ظاهرين ومغطيهم بلكابيش
...بعد عليها (حط يدو في مكتوبو وبقا مركز معاها ولبسمة في فمو ...بقي يشوف في
عينيها لمعبية دموع خوف وبدنها ليرقل ..صوت تلفونها خلاه يركز معاها اكثر شافها
كيفاه هزت تلفون تكلم في سيف خوها هكا سمع اسمو ...دار راجع علي طريقو وخلاها
واحدها لحقت عليه تنادي
_ ستني
نعرف اللي أنت شقح
حبس في
بلاصتو وتبسم بهزوة ..لحقت عليه وقفت قدامو دنيا مكنتش ضاوية ملامحو كانت مخفية
اما احساسها بيه عمرها مايخيب خلات تلفونها لقصت عليه وبقي يصوني نسات دنيا
ومافيها تفكيرها لكل في لقدامها
_تراقب
فيا سي شقح
_ حرك
رقبتو ونحا لكابيش ...خزرلها في عينيها لضرب فيهم ضو بوتو بعيد ..شقولك انت نراقب
فيك
_ ملا
شنوة لتعمل فيه وزعمة صدفة تكون في نفس لبلاصة معايا
_ قدر
تؤمن بيه
_( مدت
يدها) وتكلمت اعطيني
_ شنوة
لنعطيك
_ ساكي
لسرقتو
_ ضحك
بقوة ...سرقتك هكا حد عقلك
_ ملا
شنوة متقولش صدفة عديها علي حد اخر فهمتك تحب تواري بطولتك قدامي راك بعث واحد من
لخلايق لكيفي سارقني مكثركوم زاح
_ (عض
شفتو وتكلم بغل )لخلايق لكيفي ميسرقوش ومرة اخري تعاودها خليقتك نفسدها فهمت
...دزها بكتافو وتعدي
_( لحقت
عليه) نكلم فيك ياسسمك جبدتو من ذراعو دزها جات طايحة ...وقت لطاح قلبو دق بقوة من
لخوف عليها وقت لسمعها قالت أي
_ ياهم
لاتربحك حيت تجرحت
_ هبط
علي ركايبو وجبد تلفونو وشعلو بقا يشوفلها في يدها لتخبشت بلحجر متع لكياس
...مقصدتش أيمان قوم نداويك
_
مداوينيش راجعلي ساكي ورجعي لكرهبتني وأبعدني
_ باهي
أيمان قوم توا نعملك لحاجتك بيه ...مدلها يدو نطرتها ..قامت تنفض في حوايجها
...كسرة لهم قريب تكسرلي كرايمي
_ نفخ
بقوة شوف مرة اخري مزلت طيح لقدر نكسرك بكلك فهمت صاح بقوة
_ تخضت
من لفجعة ...وطرمت شفتها حرام عليك علاش ناقصة رعب انا محجتيش بيه صاك رجعني
لكرهبتي ياربي شعملت تحتك كل مرة تبليني بلوة ..
قداه
غضتو اخر كلمة يعني هو تعتبرو بلوة ....أما لجبتو ساقيه لعصا ليه عندها لحق تقول
اكثر منهكا ...لاول مرة يتذل هكا لاول مرة يخمم في مرا وتطلع واحدة مثقفة ومن فوق
بنت عز نفخة ضربتها من راسها لساقيها ...أش دخلو فيها علاش مخلي مشاغلو نهار بكلو
وباقي يراقب فيها علاه وعلاه ألف سؤال دار بخاطر لمكسور لمتليع بيها ...جبد تلفونو
كلم شكون باش يجبلو صاكها قالهم علي سرقو شيكون ...ومن انا حومة ...خزرلها
_ لو تحب
تستني ساعة توا يجيك صاكك لو تحب غدوة نجيبهولك بيدي
_ لا
رجعني لكرهبتي توا لحاكم يجيبوا صاكي محجتيش بمزيتك
_ أ
لحاكم باهي أما نقولك مضمض لو يرجعلك
_ بمعني
انت سارقو موش هكا
_ جبدها
من دقنونتها وكبس عليها للي بدات تفارع فيه باش يسيبها
_شوف اخر
واحد علا عليا صوتو خسرت عليه كرتوشة وانت
كرتوشة خسارة فيك فهمت بيدي برك نرزيك في عمرك متقولش محترمني ...ومتخلنيش نتحول قالو
سرقتك
_ كسرة
في يدك سيبني
_ شقتلك
انا
_ سيب
امان وجعتني معادش نقول شئ غير روح بيا
_ بعد
يدو ا سكر جاكتو لكوير وأشارلها باش تمشي وراه بقات تبع فيه عينيها علي كتافوا وقت
لرات كرهبتها من بعيد تنفست صعداء وفرحت ...قد دنيا ...جات سابقتو شدها من يدها
ورجعها ...لو حاشتك بصاكك غدوة تلقاه في *** ولو حاشتك بالحاكم يجيبو تنجم من توا
تمشي تشكي ..وتوا طير أركب ومعادش تدخل لزناقي هاكي
_ نطرتلو
يدو ومشات تزرب لكرهبتها من غير مكلمتو ...ركبت في لكرهبة وديمارت بقات تسب في
فراس وتلعن حتي باش يستناها مكلفش خاطرو قداشو جبا ن وقليل مرؤة وصلت لدارهم لقات
امها وسيف وفراس قاعدين مفجوعين عليها عرضها فراس مفجوع
_
ياايمان وينك هكا تعمل بيا عملة كيف هذي
_ دزتو
بقوة اخرج من دارنا قداكش جبان (امها شهقت من ىشئ لعملتو) ولد اختك خلاني وحدي في
لمغاريب لاستناني ولاقال طفلة ندري شبيها
سيف
قربلها كان يصيح من لعصب لركبتهولو)وانت سماك علاش متهزش علي تلفون
_ مهزيتش
خاطر
_ خاطر
شنوة
_ خاطر
قريب نوصل سيف مفماش علاش تصيح عليا
_ نصيح
وقت ليجي ولد خالتك (هزو وحطو بنظرة أزدراء) ويقول صاكها تسرق
_ ايه
تسرق
_ وين
بظبط اتو نكلم لولاد
_ قول
هذا يروح قبل
_ امان
ايمان خطيبك راني
_ خطيبي
تحلم لو طولني كان خطفوني ليوم راك بقيت في بلاصتك باش راجل خارجة معاك
_ علاش
راجل يتقاس بالعرك والمشاكل فما قانون هو ليطبق باش متواليش دنيا سايبة
_ كان
فما قانون عادل راهو لكيفك ميخرجوش من فم باب ديارهم دزتو وطلعت لبيتها لاهمها في
سيف ليوقف فيها باش يكمل يسئلها لا امها لاتنادي كتفت بكلمتين قالتهم قبل متسكر باب بيتها "نحب
نبقي وحدي "
حلقة23
يافا
فـي
أحـداق عـيـنـيـك سـيـدتي
أقـرأ أجـمـل قصص الـحـب
وألـمـس فـيـهـمـا أسـراراً .. وأسـرارا
أقـرأ فـي عـيـنـيـك يـا أمـيـرتي
بـأنـك ..سـوف تـحـتـليني
حلقة29
يافا
أن تعيش طوال العمر بقواعد وحواجز
تبنيها لتؤسس حياة مثالية وتحلم وتبني وتؤسس في خيالك شاسع حياة وردية مع شخص من
نفس مستواك الفكري والاجتماعي لكن ان يلخبط حياتك شخص، لايمت لاك بصيلة ولاتتساوون
حتي في تفكير هنا الكارثة الكبري
كان راقد في كرهبتو ليلة كاملة عداها
ساهر يخمم فيها ... يخمم في احساس خايف يكون ... كارثة لو ليخمم فيه صحيح، صوت نقر خفيف حيرلو نومو خلاه يهز
عينو لثقيلة بنوم... وقت لراها عينيه تحلت صحافي هبط من كرهبتو مخضوض، شتعمل هنا
_انت لشتعمل سيف راقد في كرهبة
_(بقا يثبت لقا روحو هزو نوم قدام دارو
نفخ بفدة) وأنت
شمخرجك لشارع وين كنت أنطق؟؟
_
_
_حضرت قهوة وخرجت باش نقعد في جنينة ريت
كرهبتك محبسة ومدخلتش وكي ثبتت نلقاك راقد قلت نقيمك لو تحب ادخل
_
_
_متأكد ة كنت في دار (بقا يخزرلهاويثبت موش فاهم علاش خايف تكون خرجت)
_
_
_لا والله لاخرجتهاموش مصدقني سي سيف (نعرف عندك لحق راك تقول مومس منعطيش فيها ثقة(دمعتها سبقتها ورجعت تزرب لدار)
نفخ بقوة مكنش قاصد يؤذيها بلكلام شنو
لعملو
لحقها يزرب.. زيزي ستني يعيشك موش قاصد الله
مسحت دمعتها ودارتلو.. عادي سي سيف عندك لحق محقنيش نخرج من:دارك سي سيف
-لا زيزي متقولش علي روحك هكا خفت
لايشوفوك
عندك لحق اصلا سي سيف انا شكون غير
وحدة متسواش مليم منشرفكش حتي باش نقعد في دارك
-يزي ومعادش تقول ها لكلام انت تشرف
بلاد هز راسك لبلا شرف هوما لغصبوك وذلوك.. خايف عليك انك تخرج ويشوفوك
-باهي سي سيف لو تحب ادخل
لا نحب قهوة من عندك ممكن
-
-
-تدلل(دخلت حضرتلو فطور وخرجتهولو)
يشرب في قهوة ويتكيف كان مركز معاها
يملي في عينو منها حاسسها حاشمة ومتلعثمة.. محلاها كيف خدودها يوردو تقول وردة مفتحة تنهد وتكلم..
زيزي عندك اخت قبل ولا
-لا معنديش
- متأكدة
-ايه بخلاف حمزة خويا معنديش علاه
-هككا حبيت نسئل وبرا
-سؤال واحل في حلقها كل شوية ترجعو. وأخيرا نطقت... بقيت ساهر برشا معاها
-مع شكون(بقا مصدوم من سؤالها)
-
-
-تلعثمت وحمحمت وجها حمار وتغصورت شنوة
لقالتو هبلت... تكلمت
بحشمة.. لاسي سيف قصدت سهرت لبارح
-تبسم وبقا مركز مع ربثتها يعني مهتمة بيه
وممكن حتي تكون غايرة عليه شاخ عليها.. وعلي حشمتها.. حب يشيخ عليها اي لبارح عملت جو انا وصديقة تعرفت عليها من
جديد
أمم ربي يونسك بيها صحة سي سيف
-يعيشك زيزي.. بقا كاتم بسمتو (بدا يكح قراجمو حسسها توجع فيه..
)-
لطف عليك لباس سي سيف
-لا لباس وجيعة في ڨراجمي
-سملة عليك تحب قوم أرتاح من نومتك في لكرهبة هبط عليك سرد
-بقا يبلع في ريقو ويتبسم حتي هو سرد
مبرد روحو تحت سبالة وهو شاعل ولحال شتاء.. يصير علي خاطر لبنات بقي يترشف في قهوتو وكل مرة يحكي حاجة
لكحة عمال وتزيدهكايه... زيزي تفجعت قامت لمست جبينو لقات سخانة تقلي فيه
-
-
-لطف عليك سي سيف هاك تشعل
-كان باش يقلها يدك هيا لشعلتني ولمستك
رهوجتني وقربك عذبني حلڨو ينقر وراسو يسطر ثقيل من لوجيعة عارف روحو خذاها في
جنابو..
زيزي تربثت شدتو من يدو وقومتو سي سيف
قوم ارقد في لبيت مايجيش تبقي هكا.. هزتو لبيت نحتلو الفاست وصباطو وهزتو علي لفرش غطتو.. ساعات تعدو وسخانتو عمال تزيد غطتو بغطاء لكل وبقي يزرفل من
لبرد ملقت حتي حل كان تخذ فلوس من مكتوبو وتخرج تشريلو دواء خرجت تزرب تدعي باش
متنساش دار لتتعدي عليه تسئلو علي فارمسي قريبة.. لقات وحدة قريبة ليهم خذات دواء وخرجت تهرول وقت لخرجت عيني
صتدوها وبقاو لحقينها
ليلة بكلو وهيا قاعدة بجنبو شربتو دواء
وعملتلو كمادات كيف مقالولها حستو تفرهد شوية
لغطاء وقومتو باش ياكل شربة سخونة.. قاملها بصيف دوب مطلعتو شوية:وسندتو بمخادد.. كانت توكل فيه كيف لبيبي صغير عينيها من لخوف متشلتش من
عينيها بعد لكملت مسحتلو فمو ورجعت رقدت كان مغمض عينيه كيف للملائكة بقات تخزرلو
هزت يدها عدتها علي خدوا لطف عليك ياريتها فيا ولا فيك... قربت شفايفها طبعت بوسة علي خدو جات باش تقوم جبدها ليه وتكلم
بصوت باح.. زيزي
خليك عندي.. أرقد
بجنبي. حط شفايفو علي خدها وطبع بوسة لهبتهاحبيبتي
ألا تعلمين أن
نبيذ شفاهك يقتلني فرفقا بعاشق مجنون يعشق جنون انوثتك ويشتاق الحب معك
x
واقف قدام
دارو يخزر لضو بيتها متردد حابب يدخل يحب يشوفها نهار مراهاش حس ليه سنين غايبة
علي عينو نفخ علي لصابو ...بقا ينقر بصوابعو فوق لقيدون ..كلامها كان بلسم ليه
ودوا لي جروحو..حل باب لكرهبة وهبط يمشي بخطي ثابتة وقف قدام لباب متردد كل لحظة
يقول نرجع واخيرا يدو دقت رغم تردد لعقل لكان رافض حتي باش يبقي لحظات وحلت لباب ولبسمة
علي فمها عينيها تلق فرحة لخد منور تبسم من غير منطق كلامها لفرحو ولخلا دغديغة
بنينة تسري في بدنو ...
كنت نستني
فيك من صباح مجيتش سي سيف
_ بالحق
ستنيتني
_ أمم ياخي
انا شكون عندي باش يجيني بخلافك
_ (دخل وهو
فرحان يكون لكان في صراع بين لعقل ولقلب لكانو في خضم معركة جدال موش فاهم روحو
علاش خايضها ...)شنوة لطيبت (بقا يشم عينيه تغمضت من ريحة لبنينة )
_طيبت نواصر
_ وكيفاه
عرفت الي انا نحبها
_ خاطرك جبت
منها برشا ساهلة لحكاية
_ يعني انت
متبحبهاش
_ بالعكس
نموت عليها
_ مزال منها
_ لتوا
مكليتش
_ علاش لتوا
متعشيتش تسعة توا
_ ماو قلت
اكيد باش طل عليا نتعشو مع بعضنا (حشمت من نظرتو ومن كلامها لفضحها هبطت راسها
ومشات تزرب لكويزين تحط في لعشا لحق عليها فرحان وشايخ قعد علي لكرسي يخزرلها
كيفاه تحرك محلاها ومشبها قداه سيسة وحنينة عينيه تعدات علي كامل مبدنها ..بدن يخبل
لعين قرص علي شفتو قداه تمناها من أول لحظة راها... عينيه تبدلت نظرتهم وهبطها بقا
يخزر في طاولة وقت لتفكر لصارلها وقت لتفكر لوعد لوعدهولها بأنو يخولها حقها
...هيا أمانة عندو ولزم يصونها ...وقف من غير مايخمم ملزمش يكون هنا لزم يروح يعرف
روحو كيف تعجبو مرا ممكن يغلط بكلمة ولا بحركة تزيد تخاف وتتخيلو طامع فيها
_ كانت داخلة
بعضها تحط في لعشا وقلبها يرفرف بالفرحة من سوايع واقفة علي شباك كل لحظة تستني وقتاه
يطل عليها حتي لعشا مكلتش أحساسها قالها باش يجي ..وأخير جا فرحت تقول طفلة صغيرة
بوها جا بعد سنين وقت لراتو بدنها لكل شعل ولهب سخنت وعرقت وتلعثمت معادش فاهمة
شتقول وشتحكي ...تحط في لعشا وداخلة بعضها نظراتو ليها حستهم كانت تخزر علي جنب
فرحت وقت لراتو يشوفلها زعمة مهتم بيها زعمة عجبتو ...سؤال بقي يدور في مخها صوت
لكرسي لتحرك فيقها شافتو لقاتو وقف
_ لباس سي
سيف
_ لزم نروح
زينب توا نطل نهار اخر
_( نحت
لمغرفة من يدها وقربتلو) علاش موش باش تتعشي معايا موش لبارح قلت باش نخذ كونجي
يومين ثلاثة نفرهد بيهم روحي يعني معندكش متعمل موش هكا
_(حمحم وبقي
مركز مع ملامحها لتبدلت )لا زينب لحقيقة نسيت باش نقابل صحابي وأنا جيت نطل وبرا
_ أقعد كول
حتي مغرفة بربي سيف لا تروح حتي شوية (بقات تترجي فيه بعنيها )
_ باهي زينب
علي خاطرك
_ يعيشك ياخو
بخاطرك (رجعت حطت لأصحنة وقعدت بجنبو ...بقات تخزرلو وهو ياكل )
_ أممم شنوة
هذا زيزي تهبل بنينة برشا
_ بالحق
عجبتك
_ شنوة
عجبتني يعطيك صحة ومحرحرة زادة برافو يطلع منك
_ صحة مطرح ميسري
يعمر
_ يعيشها
كلا زوز أصحن
للي قريب يطرشق ) كل يوم باش نجيك انت
شنوة ها لبنة
_ شخص والله
كل يوم نطيبلك ليشتهي خاطرك لكل غير أيجا (سكرت فمها علي أخر جملة بقات تخزر
لعينيه لتبدل لونهم أكيد راهو فهمها حتي هيا لسانها شبيه تسيب من لحظة لراتو جات
قايمة من طاولة يدو تحطت علي يدها ...) يعيشك زيزي بالحق قلبك حنين وكبير تفكرني
بايمان أختي
_ اختك أنا (قالتها بوجيعة)أاه نقصد باهي كي نفكر بيها
_ تبسم فهمها
ملزمش ذكاء باش يفهم لمرا لقدامو معجبة بيه
ولا ...تكلم وهو يدكك وأنت في عوض أختي راك زيزي
_ يعيشك سي
سيف (بقات تلم في لماعون وحتي عينها مهزتهومش ) سي سيف نطيبلك قهوة ولا باش تشربها
مع صحابك
_ احمم ..أه
لا نشربها هوني مزال وقت توا علي سهرة
_ علاه مزالت
لعشرة ولا نسيت تي كنت تسهر لفجاري
_ (بقي
يشوفلها كيفاه تنرفزت بقي باهت شبيها تحولت جا باش يكلمها تلفونو صونا جبد تلفونو
لقي نمرو مشفر هز عليه
_ ألووو وي
_ أهلا سيف
معايا
_ أيه انا هو
شكون تفضل
_ بيسان معاك
_ بيسان شكون
سامحني
_ فيسع
نسيتني تي أنا قلت مستحيل ينساني
_ تفكرتك بيسان
(وجهو تبدل وهز روحو وخرج لصالة ) تفضل شتحب
_ نتقابلو
نعملو كاس شقولك
_ وعلاش
تحبني نخرج نعمل معاك كاس
_ خاطرك
عجبتني
_ عجبتك هههه
حلوة هذي في نهار ريتني
_ أيا شقلت
عاد سي سيف في يدك ربع ساعة خمم ونرجع نكلمك (وعلقت)
_ ألووو (بقا
يخزر لتلفون ونفخ بقوة )
_ كانت تسمع
في لحوار من ورا باب لكوجينة قلبها وجعها شكوني بيسان زعمة معجبة زعمة يعرفها
وتعرفو زعمة باش يوافق ويخرجلها ألف سؤال دار في مخها شدتها لغصة وعينيها دمعت
..رجعت تكمل تغسل في لماعون وهيا تغلي كيف طنجرة وتحكي في داخلها
_ شكونك أنت
زينب مجرد عاهرة ألف راجل شلكها ألف راجل لمسها طامعة يخزرلك ولا حتي يشوفلك راهو
شافق عليك ولا حابب يعدي وقتو بيك كيفو كيف غيرو قوم من حلمتك راك خيشة متع ساقين
عمرك متخمم تهز راسك لطول عمرو في لوحل
حلقة25
يافا
بقي يمشي
ويجي في صالة شطالبة منو هذي وعلاش طلبتو زعمة يمشيلها يمرمدها ويخذ طارو منها ولا
أخطاه منها ومن تفوريخها بقي ينفخ صوت بلار
تكسر فيقو من تخمامو مشي يزرب في لكوجينة يلقي زيزي تلم في بلا رمكسر
_ خلي عليك
زيزي توا نلمو أنا
_ من لحشمة
جات باش تقوم عفست علي بلار في يدها صاحت بقوة ...قربلها مفجوعة قومها وجبد يدها
للي دخلت فيها بلار صغيرة
_ لطف عليك
علاش متركزش زينب
_ امان نحيها
توجع سيف امان
_ باهي
متخافش لباس مصار شئ (جبدها وهيا تصيح ...) سايي نحيتها لحظة نداويها ...مشا يزرب
جبد بوات دوفارمسي رجع لقاها تبكي وتشهق
_ توجع فيك
زيزي نهزك لطبيب قلي
_ لا طبيب لا
باش يغرزلي منحبش أمان سيف يعيشك
_ باهي متخافش موش حكاية كبيرة راهي توا نداويها
انا ونعقمها متخافش
_ ساعة ولحبت
تمد يدها وين يجي ينظف جرح تجبد يدها وتبدي تبكي تقول طفلة صغيرة وخايفة بقي
مستغرب كل ها لخوف منها ...مكمل عقملها جرح وسكرو كان محسها فشلت وجها لخلخ
_ لباس زينب
_ لباس سامحني
سي سيف والله لا قصدتها نكسرلك صحنك سامحني
_ علاه تقول
هكا فداك ألف صحن زينب
_ مسحت
عينيها بكفة يدها وبقات تخزرلو وقت لطاح صحن كنت نتخيلك باش تضربني
_ نضربك علاش
_ خاطر قبل
كيف نكسر حتي كاس نتعاقب ونتضرب ونتجرح بنفس البلار لكسرتو
_ علا هكا
تخاف من دواء
_ (مدتلو
كافة يدها لنصها أثار ...شدلها يدها مصدوم موش ناس هذوم حيوانات لها درجة عديم
الأنسانية )من ليوم وعد نحميك مستحيل حد يؤذيك زينب وراسك منلقاهم لكل ونشرب من
دمهم منخليهم يتعفنو في لحبوس
_ نحبهم
يموتو نحبهم نراهم محروقين عذبوني تعبوني وحطموني وليت نخاف حتي نرقد
_ من ليوم
معادش تخاف انت في داري في امان وعد نفديك بروحي لو لزم الأمر لمهم أرجع كيف قبل
_ لا منحبش
نرجع كيف قبل ماضيا لكل أسود نحب نكون شخص جديد حاجة جديدة نحب نكون كيف اندادي نخرج
نتفرهد ومنخاف من حد
_ شدلها يدها
وقربلها لتحب عليه انا لكل نفذهولك غير اطلب وانا نفذ باهي
_ يعيشك
قداكش حنين ..ممكن نحظنك سيف
_ (تبسم
وحللها يدو ترمات عندو بكل قوتها ...ملي حظنتو احساس جديد عمرها مجربتو عمرها لكل
من ذكر لذكر أما حظن سيف حظن رجل لأول مرة تصادف من في روجولته وهيبته ...مكنش خير
منها حظنها أربكو ولهبوا خلاه متمع ببدنها صغير دافي كانت طرية برائحة زكية تفقد
العقل ...وتفلج صدر من غير مايشعر كبس عليها اكثر ولزها ليه طبع بوسات خفاف فوق
شعر كلون ذهب ...ستنشق ريحتها وعبا رواريه من ريحتها لبنية ريحة مميزة لاهيا عطر
من لعطور لفخمة لكن عطر أنثوي يذهب لعقل ...احساس قوي في داخلو دقات قلبو علات
وصفارات شهوة بدات تنوقز ومن حظو تلفون صونة وفيقهم زوز علي وضعهم بعدت عليه وجها
احمر من سخانة لطلعتلها ...كانت تحاول تكتم انفاسها لباقيا خارجة غير منظمة ...
_ هز علي
تلفون لزم يخرج من عند زيزي ولحل بيسان علي أقل يخرج يبرد وجهو ورغبتو لأجتها
بمجرد حظن جعله يتخبط بين الوعد وشهوة ...
وي بيسان وين
نتقابلو ...
في نايت ***
_ أوكي (وعلق
عليها قام يحمحم خزر لزينب لوجها من لأرض مهزتوش )زيزي ملا نخليك أرقد توا ورتاح
وتوا نطل عليك اكيد غدوة باهي
_ باهي سي
سيف علي خير (صوتها خرج ضعيف )
_ هز روحو
وخرج أول مضربو لهواء تنفس بقوة بقا ينهج يحب يخرج لكبت لفي داخلو مسح عرق جبينو
...وبقي يتمتم من ليوم لزم تعمل حواجز بينك وبينها وعدت سيف وكون قد وعدك
وومشا
لكرهبتو ركب وديمارا
حلقة 26
يافا
مدللة بعقل فارغ مترفه وساذج كل لمويبقات حلال
وكل المصاعب تحلها بالمال و الجاه والسلطة والبهرجة لعبتها تعيش تحت الأضواء تكون
دائما محور الاحداث والقعدات مغرورة بهيبتها التي اكتسبتها بالمادة ولاشئ غير
لمادة فهي مترفهة فارغة ...مدللة متصابية كل ما يعجبها تشير عليه بأصبع فيكون
لديها في لحال..
تخزر لكاس في
يدها ..وليد لخرا كل مرة تحط كعبة بيستاش في فمها ...عينيها علي لباب متشوقة
للقياه لأول مرة تجن وتفكر برجل بهته طريقة ...تنظر للوقت في كل لحظة ...ضحكت
بستهزاء من أول مكالمة كان عندها في لحال ..فكيف لا وهي من تدير عقول رجال تلبس
هذا وتنزع ذاك .....بسمة سرات بين شفاه عند مادخل بتلك الهيبة وتلك الطلة الرجولية
...مع كل خطوة تزداد دقات قلبها ورعشة يدها
**
ملي خرج من
عند زيزي وتفكيرو لكل فيها عقلو شارد يخمم فيها شهوتو طغات علي تفكيروا صراع قايم
في داخلو بين ضمير معاتب ورغبة قايدة في جاشوا ...يرد ويجاوب في نفس مكارة وشيطان
يوسوس في كل لحظة "علاش لا هيا مومس متعودة علي بيع جسمها لكل رجال ..تشتري
وتباع ...يستفيق ضمير ويعاتب لايصح انت حاميها فلاتكن حراميها ...أنت من وعدت برد
اعتبارها فلا تستغللها ...حيرت لمواجع واججت لمشاعر احساس جديد يخالج العقل والقلب
...لايعرف مالحل تلك الصبية شتته وبعثرته ..من يوم كانت جسد تشتري وتباع ...هرب منها لشخص كاره لقياه لكن في دماغو موال
ويحب يغنيه معاها أو لنقل "رد أعتبار"دخل بخطي راكزة قعد علي لكرسي من
غير حتي مسلم عليها طلب كاسو..ونطق بحدة "أحكي "
_ (ستغربت
ردة فعلو لحادة)يقولو سلام
_ مرحبا أحكي
نسمع فيك
_ علاش تحكي
بعنف حسستني جايبتك بصيف ولاجبرتك تكونش جاي مخذة خاطر
_ وشكون لباش
يجبرني وفاش قام نخذ بخاطرك نعرفك من قبل
_ وانا كلمتك
باش نتعارفو ونتفرهدو شوية
_ وكيفاه تحب
تتفرهد وتتعرف (بقا يخزرلها من فوق لوطا كانت لبسا روب نوار قصيرة مبينتلها كل
مفاتنها)
_(هزت ساق
فوق ساق وخزرتلو بنظرة دلال) عجبتك موش هكا
_ مافيك
مايعجب ياهكا
_ (تنرفزت من
برودو تحكمت في روحها لأقصي درجة)ملا لخممت فيه صحيح خاطر بنت محجوب جيت ملزوم
_ (هبط لكاس
لكان يشرب فيه وقربلها بوجهو حكا في وجها
بنطرة) وشكونو محجوب متعلمناش نخافو ونتجبر ويلا وراس مايقصو كان ربي وزيد
ثبت فيا مليح خليقة واحد ملزوز
_ نعرف اللي
انت متخافش وهذا لشدني ليك
_ اممم أيا
باهي صار تشديت ليا (بقا مركز معاها ومع شبه لبينها وبين زيزي لمن لراها دخل بعضو
وكتم تفكيرو فيها)
_ملي ريتك
وانا نخمم فيك
_ علا ش انت
من قبل تخمم
_ مفهمتش
علاش من بكري تنبز فيا موش صغيرة راهو عيب
_ علاش كبيرة
ترا في روحك تي يظهرلي فيك قاصر مزلت وشوف عاد كاس فودكا في فمك عوض راك تقرا
وشادة داركم
_ اولا عمري
24 سنة هذي حاجة ثاني حاجة ..كملت قرايتي ونزيدك زيادة لخدمة منخدمش يخدومني
_ (يخدموك
بفلوس شعب ولحرام لتاكل فيه)
_ شقلت
_ مقلت شي
(بقا يخزرلها ...تنفس بقوة ونطق سؤال كاتمو) عندك خوات
_ لا علاش
_ نعرف شكون
تشبهلك تقول فولة وتقسمت علي زوز...
_ (تكلمت
بغرورها المعتاد) مفماش شكون يشبهلي أنا كعبة مفماش مني ثنين وممنوع منع بات حتي
يكون مني شبيه
_ هههه قوية
هذي حكمت ربي عاد موش بفلوس بوك ستر ربي تنجم تغير لأشكال وتخلقها من جديد
_ تنجم تقول
شبيها في شئ اما انا احلي بكل تأكيد
_ غالط هيا
الأجمل برغم اختلاف بسيط في لون شعر وطول وانت خشمك كبير
_ انا خشمي
كبير موش صحيح ..(جبدت تلفون تشوف بيه في روحها )
_( كمل كاسوا
وبقا يضحك ..علي ساذجتها) ساهل برشا تنجم 5 ملاين تعمل خشم جديد
لطف عليا من
تركيب لكلي طبيعي خشمي صغرون وحلو
_ (خزر
لصدرها وتبسم وأشار بحاجبو) وهذا طبيعي
_ (وجها حمار
..)ايه طبيعي لكلي وراس ماما
_ أمم أيا
باهي بقا يشرب وساكت كل مرة يخزرلها تفكرو في زيزي حتي في حركتها وترميشة عينيها
زعمة هو هلوس ولا تجنن كيفاه يخمم في فتاة تباع وتشري من هي حتي لتشغل لبال
...لهته درجة رغبة وكيف لرغبة ان تسكنة في كل الأوقات ...تنفس بقوة ...ودارلها تحب
تتفرهد تبعني (خلص وقف أشارلها باش تلحقو من غير مفهمها ..بقات حابسة في بقعتها
تبسمت بفرحة ولحقتو...كانت تجري قول موش تمشي خطوتو تقول يجري لحقت عليه وهو يحل
في باب كرهبتو
_ وكرهبتي
_ غدوة أبعث
شكون يهزها أركب
_ ركبت معاه
وعينيها معبية فرحة وكيف لا وهيا من أطاحت بعروش رجال فكيف لا يسقط من أحتل تفكيرها
في أيام
_ حلقة27
يافا
أفكر فيك في
كل ..جزء من جزء لحظة فكيف عسايا أفعل هل سكنتني وستعرمتني يامن سلبت لعقل"
تخزر لسقف
وتنفخ كل مرة تفكر في حاجة تلقي روحها تفكر فيه من غير ماتشعر فدت وأيست شنوة
لباقي يصيرلها فشكون تخمم في خليقة ..لاتعرف لاأصلو لافصلو قامت من لفرش تعارك في
روحها علي لصايرلها
_ أفف أيمان
يزي يزي ملقيت فشكون تخمم كان في واحد مجرم ياربي راني جنيت باش نهبل ...حلت شباك
بقات تتنفس عينيها تعبت دموع قلبها يوجع من تفكير فيه كل دقيقة ترجعلها ذكرة بوستو
مواقف رجولتو صوتو ريحتو عينيه بحرهم غارق وهبلها بيهم ...صوت موتور خلا عينيها
تطلع بقات تخزرلها وقفت قدام جيران لعنت حظها وصلت حتي صوت موتور تفكرها بيه معادش
حل لزم تشوف طبيب ...خرجت بحذا امها لعلا تنسي تحكي معاها لمهم تخرج من عزلتها
ومتلقاش وقت تخمم فيه وحدها
**
مكنش خير
منها شادد كعبة بيرا وشادد حيط ساند ظهرو عليه يسمع في صوت واحد من لولاد يغني
"يامحيني يانا "تنهد من جواجيه محيانو كبيرة وأش لبريه ..نارو قادية وأش
لطفيها ...لعقل شارد هايم ولقلب دليلو حاير صعيب لخمم فيه ومحال يصير هيا وين هو
وين يعني بزهرو لمسود قلبو يدق لبنت عز ودلال ..وهو لمتشرد لمعروف كان بالفساد
فصالة يهابو لكبير وصغير خريج حبوسات ...شكون لباش ترضا بيه خلي يخزر لنجوم لفوق
اه لمن يشكي حالو ويخبر محاينو حتي لأخت خبارها مقطوعة خطفوها وفرقوها عليه بعدو
نور لعين سندو في ها دنيا وكتفوا ليتعكز عليه هدوه وطعنوه ..لاماضي يشرف لاحاضر يفرهد
مستقبل أظلم حياتو عذاب في عذاب كان مات ورتاح راهو كلاه تراب وتنسي ...قام يجر في
ساقيه مروح لدار باردة من غير حبيب ولارفيق لاخو لميمة تحن عليه ...يمشي يترامي
يغني علي حظو ونار لشاعلة فيه ..وصل لدار ظلمة كيف حياتو لاحل ضو ولا تكلم مشا للي
وصل لبيت يرقد فيها رما روحو فوق فرش صقيع كبش فيه يتكلم أأأأه يازيزي وينك وينك
يالوخية راهي ناري مقدية خوك وحداني لاعندي لااهل لامالي تعبت وتعب مل مني شقيت
للي شقاء كلامني ...تهديت للي عيت ومعادش قادر نتنفس نحب نموت وخايف تكون عايشة
تتعذب وينك ياضو لعين تعالي شوفي خوك واش لصايرلو عاشق بنت لعز ولجاه وأنا لا نملك
في دنيا لامال لاجاه لانسب نتفاخر بيه
...رقد متوجع متكدر لايزي حياة لبؤس والاجرام ولماضي تعيس لايزي وجيعة لقلب لمتليع
حلقة28
يافا
غرقت فيك حد
ثمالة وخربشتي رجولتي بتلك الضمة فصرت مثل المتليع بنار تلظي يريد أرواء ظمئ من أي
أنثي فشهوتي بيك كانت حقيقة لحد لحظة
كلم صاحبو
باش يخليلو دار ليلة ويتصرف يبات في أي بلاصة ....وصلو لبرتمان صغير فيه صالون
صغيرة وبيت رما لفاست متاعو وتعدي للكوزين جبد دبوزة ماء شرب برد نارو حاسس روحو
كثرلها من شرب ..ودايخ خرجلها لقاها مزالت واقف تخزر لبرتمان
_ شبيك واقفة
أقعد
_ شنوة
معجبكش موش قد لمقام االله غالب زوالي راني
_ يعني يعدي
روحو متعود تجي هوني
_ ساعات دار
صاحبي هيا
_ امم فهمتك
نحت كابوطها وقدمت بدلال وقعدت بجنبو ....تعرف احسن جبتنا هوني نكملو سهرية علي
أقل نخذ راحتي
_ ملا خو
راحتك مليح (حط ساق فوق ساق وبقي يخزرلها )
_ بقات
تخزرلو موش عارفة علاش تحب تخزرلو فيه
حاجة سبيسيال موش كيف لعادة قربتلو طبعت بوسة علي خدو وتكلمت تعرف محلاه قداه تعجبني
_ من ربي
دايخ زيد دوختو بقربها كان شاعل وكاتم رغبة مكبوتة في داخلو كمل بقبلتها فجرت
بركان نار و جات باش تبعد جبدها للي طاحت عليه ..حط خشمو علي خدها وبقي يعدي فيه
ويجيب كان ملمسها ناعم كملمس الأطفال ...ريحتها أخاذة لعبت علي اوتار رجولتو
الفاحطة ..حط شفايفو فوق دقنونتها باسها بتمهل لوهلة تخيلها زيزي وكأنها هيا بنفس
لحظن ونفس طلة قرب شفايفو لشفايفها وجبد شفتها لوطانية تعرف محلاك زيزي كانت باش
تتكلم وتقولو شكون زيزي لكن أسكتها بوسة رهوجتها وطيرتها لفوق ...كان يبوس فيها
بكل قوة بعنف وبلهفة اعجاب سكنت فيه من اول مراها قلبها تحتو ...ودخل يدو تحت
ظهرها حللها روبتها ...كان يبوس في رقبتها ويتنفس في ريحتها ....لي رهوجتو وجنتو
...جبدلها روبتها بقوة خلاها في دوبياس ...عدا عينو علي بدنها لخبلو عينيه ...عاود
أنقض عليها غارق في جسمها لمغري وتقاسيمها المثيرة ...يدها تعدت ورا ظهرو وكبست
عليه وتكلمت وهيا تنهج من قوة رغبة ...كنت متأكدة ملي ريتك باش تكون ليا قداه تعجبني
مقواك ومحلاك سيفو
_ كلماتها
كانو كيف لكف لفيقوه علي وضعو ترخا فوقها ينهج بقوة ...دخل ضوافرو في ظهرها وبقي
يكلمي في روحو ويتفكر في لقاعد يعمل فيه ...بعد عليها كبشت فيه نطرلها يدها وقام
مترهوج مشا يزرب لدوش ..حل سبالة وغطس راسو تحتها ماء كا ن بارد ...بردلو نار كان
يضرب في لافابو ويحكي بقوة شكنت تعمل ياسيف هبلت جنيت
_ لحقت عليه
مكسورة في دوبياس ...بدات تصيح من شئ لعملو ورفض لشافتوا منو ...علاه قمت شبيك سيف
كنت لباس
_ سكر سبالة
وقملها لماء يقطر علي بدنو لكان عاري ....مكنتش لباس كنت سكران وموش واعي في لنعمل
فيه الله غالب شهوتي غلبتني صحة ليك امشي ألبس دبشك نروح بيك
_ موش علي
كيفك تروح بيا جابني هوني تتمقصد عليا
_ جبتك
غلطة جبد منشفة مسح بيها شعرو ...دزها
تعدي جبد سروالو لبسو ...و وبقا يلبس في مريولو
_ مكش عادي
ولا ظاهري مك جماعة لهلاهلا كيف حصلت قلت خلي نتعزز باش نسكلها
_ خطفها من
شعرها وقربها ليه ...شقولك نوريلك لهلا لهلا توا راسك معادش تهزوا في حتي راجل
_ سيبني
والله منحشيك في قلبو يامتوحش
_
تحشيني في قلبو من حينك أيا اخرج جيت
تتفرهد هاني فرهدتك يظهرلي أول مرة تعيش ها جو هذا
_ بقات تبكي
وشادة شعرها ...علاش تعمل هكا خاطر قتلك تعجبني
_ يابنت ناس
البس دبشك وهيا روح قتلك غلط سكران ريتني قداه شربت موش قاصد نعمل معاك هكا الله
غالب جيت انت في لعراضة
_ لا امان
خليني معاك بالحق راك تعجبني وبرشا
_ بربي ألبس
دبشك لاتضربك سفقة ليلة لكلبة توا غدوة نحكو زوز سكرانين ومايجيش لنعملو فيه
_ وعد غدوة
نشوفك
_ باهي بيسان
باهي ألبس
مخرجت وصلها
كان مشيحتلو ريقو وعدها تقابلو غدوة ..ملي وصلها رجع لدارو معرفش علاش مشالها وقف
قدام دارها بقي يخزر ويتأفف شنوة لصابو من لحظة لقتحمت حياتو لخبطتو وجنتو وخلاتوا
يعاني في شعور عمرو ماصابوا
حلقة30
يافا
أهابو دقة قلب تقفز بين أضلعي في كل
يوم من لحظة رأيتك ومن يوم أفرغت سمك في ثغري..
واقفة في لعنوان لعطهولها تخزر يمين
ويسار تستني فيه عاركت روحها ألف عركة باش تشكي ومتجيوشو مراعها الإ سقيها هزينها
ليه نفخت بفدة علي لتعمل فيه .. ساعة تعدت وهو مجاش زعمة شبيه ...نساها وطفاها ولا كذب بعد مهناها...صوت قوي فيقها من شرودها لقاتوا واحد قد لحيط ترعبت ساقيها ضربت في بعضها
تلكمت بصوت مبحوح
_ تفضل شتحب
_ أنت أيمان
_ أيه أنا هو شتحب
_(مدلها صاكها)بعثهولك شقح
_ علاش هو وينو شبيه مجابوش
_ وين نعرف خو (مدهولها وجا ماشي لحقت عليه)
_ أستني بربي طمني عليه لباس هو
_ لباس عليه شايخ ومبنك مع لولاد في لحومة لواه ماك خذيت حاجتك تنجم تمشي
_ بربي شنوة لغة لتحكي بيها معايا
_ لغة الأحترام شتحب لخص
_ نحب نمشي نشكرو
_ هزها وحطها كانت لبسا جيب نوار ميني وفاست وشوميز بلون
_ أنت تدخل لحومة هكا صلي علي نبي
_ مفهمتكش شتقصد
_منقصد شي تحب تمشي تفضل شدخلني فيك
_ لحقت عليه تمشي وكل شوية تدعثر من تالون لتمشي بيه نفخت وفدت تخزر لحومة لساكن فيها ..ناس مبنكة قدام ديار صوات لموسيقا خارج من كل دار صياح صغار لكانو يلعبو في
لحومة ولكورة كل شوية تجي علي شباك جار
يخرج يسب ويعيط ...تبلع في ريقها حست روحها محل أنظار
لعيون لكل تصطاد فيها تعدي فيها علي سكنار ..لمحتو من بعيد مبنك علي حجرة كبيرة هو ومجموعة من لولاد قلبها دق بقوة زعمة
شبيه مجاهاش علاش بعث شكون وهو فاضي وقاعد مع ولاد لحومة...تشوف في صاحبو نداه وقت لدار وتلاقت لعين قلبها رفرف في بلاصتو تخزرلو
بنظرة لكلها فرحة وكانها سنين مراتوش موش فاهمة علاه قلبها يدق هكا علاش لعين ترمش
هكا وعلاش صدرها يضياق هكا ...أما خزرتو فيقتها علي وضعها حستو
منرفز وهو يقدملها
_ شتعمل هنا
_ جيت باش نشكرك علاش مجيتش أنت
_ سماك بهلولة ولاتبهلل جايا لهوني باش تشكرني وشنبهت عليك علي لميني
_ علاش عيب نجي نشكرك وشدخلك في لبستي شنوة سي شقح متتمداش
_ كان يحب يصيح يغفصها تعلي في صوتها وناس لكل تخزر ما تسمع كان صوت توتويت ...أمشي قدامي خليني نوصلك لكرهبتك
_ بربي نوصل لحومتكم ومتضيفنيش
_ منضيفكش عازب وحدي وعنا عيب هوني عازب يدخل مرا لدار
_ عيب ههه بربي قولها لغافل
_ خلينا نخرجو من لحومة وتو نحكو
_ رجعت تبع فيه وهيا تتأفف موصلت لكرهبتها كان بشق الأنفس تسب وتلعن فيه وهو
يسمع وساكت وقت لوصل لكرهبتها وقف قدام لباب وتكلم
_ أركب كرهبتك ونتمني من ليوم معادش نرا وجهك
_ شنوة (تصدمت من كلمتو)
_ لسمعتو يعيشك هز روحك وامشي
_ موش علي كيفك باش نمشي
_ شنوة تحب موش لبارح تسب وتلعن
_ مسبيتكش
_ لا ظاهر بربي شحاشتك صاك وصلك شتحب اخر
_ نحب نعمل معاك قهوة ونحكو شوية ممكن
_ تنفس بقوة بعد مخذا قرار باش يهرب منها لحقتوا ركب معاها من غير متكلم هبطت
خذات قهاوي ورجعت لكرهبة ...وقفت قدام لبحر وبقات تخزرلو من غير
مهبطت
_ راجل لريتو معايا خطيبي (دارتلو وحكات بوجيعة )
_ (كلمة كيف سكين لحافي ذبحتو)مبروك
_ علاش تباركلي علي جنازتي لباش تكون لو في يوم تزوجتو
_ علاش يظهر بفلوسو ومتثقف ولباس بيه يعني منفنف موش لبنات لكل تلوجو علي
راجل لحاضر
_ موش لبنات لكل يحبو هكا
_ علا ش ا نت شنوة تحب
_ نحب راجل موش ذكر نحب صيد موش ضبع نحب حامي موش نص بونتة لايبل لايعل نحب
راجل يساندني يحميني ويحسسني لمعاه في مؤمن نحب كيف نخرج معاه نبدي راسي مرفوع موش
خايفة لايتبولد عليا حد ويبراكوه
_ وأنت شقام عليك تخذ في نص لباس
_ (تنهدت بقوة وتكلمت وهيا كاتمة شهقتها) خاطر امي تتخيل لراجل بمنصبو بشهادتو ووكرهبتو وبدارو
_ تحب تتهني عليك
_ منحبوش قلتها بوجيعة كبيرة جات لعين في لعين علي كلمتها لنطقتها بحرقة
وليعة كبيرة زوز قلوبهم مشوية وكل واحد موش فاهم روحو شنوة يحب من لأخر زوز صمتهم
خلاهم يتوهو في دوامة الخوف ...
متخذوش
_ أمي قاتلي صباح منرضاش عليك
_ كلمو قلو يبعد عليك
_ شمايتي مستحيل يوافق تعبت نحب نموت نكرهو موش منجمة نخمم حتي كيفاش باش
نكون لواحد جبان كيفو
_ (اهدي وتوا ربي يعمل دليل ومتبكيش ومتحزنش مفماش علاش تخاف أدعي ربي توا
يخلصك منو خلي ثيقتك في ربي كبيرة
_ سكتت ملقات متقول ...تعبتك بمشاكلي
_ لا بالعكس عادي
_ علاش مجيتش جبت صاك وبعثت شكون غيرك
_ محبيتكش تفسد صباحك بوجهي
_ علاش بالعكس أحلا صباح لواه تقول هكا
_ بعد كلامك قلت خليني نرتحها من فصالة وخليقة
_ لتوا في بالك سامحني مقصدتش والله وقتها كنت منرفزة
_ عادي تعودنا
_ تعرف بالعكس محلاك
_ تبسم أول مرة حد يقلي محلاك
_ علاش معرفتش بنات في حياتك بالكل
_موش جوي لبنات ومعنديش ليهم وقت
_ رتحت (قالتها بفرحة )
_ قول هوما رتاحو
_ بالعكس شقح تعرف محلاها روحك برغم عامل ستار لقوة والعنتزة لكن في داخلك روح
طاهرة ونقية عينيك فيهم برشا حزن شنوة لمخبية علاش ها لوشم لكل لمعروف في علم نفس
اللي ليعمل لوشم الا شخص يائس يلتجئ لخلق سعادة من جسم مقيت يعتبره مصدر تعاسة
فالجسم هو وليد الفرح والحزن
_ علاش تحب تكدر روحك خليك مني موش مليح تسمع حكاياتي
_ بالعكس نحب نسمعهم ياريت
_ تحبلك شهور وانت تسمع
_ مستعد تحكيهم ليا
_ يجي يوم ونحكليك
_ لا ياريت توا
_ موش حاضر توا فك علينا من لمجبد
_ وعد أنك تحكيلي
_ وعد أيمان
_ أعطيني نمروك ملا علي مياتي
_ موش حافظو والله
_ باهي أطلبني توا نسجلو رقم مفماش مهرب
_ باهي الله لا يعطينا مايغلبنا ...سجلت نمروه وبقات تحكي معاه ...للي تلفونو صونة كلموه لولاد علي خدمة وصلتو ودعها ...خلاتو مدخل للحومة وديمارت ولبسمة معبية وجها موش
عارفة علاش يومها كان مميز علاش متشوقة باش تعرف حكايتو وأسرارو وجيعتو لمخبيها
بين عينيه ...أما يجي يوم وتعرف مفماش
مهرب مدام حطتو في مخها
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء