سجل ياتاريخ سجل يازمن
مايحدث في وطني
ويحدث في لعلن
سجل لقد أمتلأ القاع
سجل أنتشر الفساد حد النخاع
سجل نحن في بلد كل شيء بهِ ضاع
سجل أصبح فيه حتى الشرف مباع
سجل ماتَ الشرفاءُ وملئت دمائهم البقاع ...
وبقيت ضباع تستاقات من أجساد خلقت
مكرمة فعبثو بيها وجعلوها مجرد رقعة تداس عليها أقدام أبالسة الأنس
ملي روحت من جهنم لكانت فيها لقات روحها في
زمهريرا لقات روحها في مكان يدعي أنه وكر لكل
الأصناف فهنا تجد لبغي وتجد الشحاذ وتجد طفل البرئ يمسح لقاعات والاحذية علي طرقات
...تجد الطفل لبرئ كبر ليصبح شاذ تمارس عليه جميع أصناف الانتهاكات ...وتجد العملات
الكدحات يقمن بتنظيف قذورات المجون بأجر زهيد والباقي ياخذ عملات ..هنا الدعارة
هنا تجارة الأعضاء يباع طفل ويباع عضو وكأنه يبيع في قرطاس بذرأو قطعة قماش ..باعو
البراءة ودنسوها ...تلاعبو بأجساد بشر واعتبروها ملكية عمومية .هنا القذارة
والحقارة هنا المكر والخداع ..الخبث والمجون والفساد هنا شياطين انس تلاعبو باجساد
بشر لكسب مال ورفع قيمة ذاتية علي حساب جسد أنسان ...
... تسمع في صوت صياح صغار رجعها لسنون
مضات سنون شارفت علي نسيانها من كثرة الوجع ...كل ما سمعت نحيب طفل أو صراخ كهل أو
تناهيد شيخ وأصوات النشوات المتصاعدة من
أفواه الذكورة من جسد طفل برئ دنسا من قبل حيوان يعتبر نفسه انسان ...
حطت صوابعها في وذنها متحبش تسمع
لصاير تحب ترقد في يوم مرتاحة من غير ألم وتفكر وجع ..لكن هيهات في كل ليلة وفي
تلك ساعات القليلة من نيل قسط فوق تخت دنس بأجساد عذروات أجساد أخترقو برائتها
وجردوها من انسانيتها ..ومن طهر عفتها ...كيف لماضي كاد يكون قريبا لمشاهدته كل
ليلة في احلام رعب تعاد بطريقة روتينية لحد أنها أصبحت متعودة لقسوة تلك الأيام
صورتها وهيا تجري هيا وخوها صوتو وهو
يقلها خلينا نجرو ورا عمتي باش متخليناش لكن هيهات الأم التي أنجبت ماتت والأب غاب
وتبرأ من طفلين برئين لأخت ظالمة رمتهم في شارع أمام ميتم وذهبت مرتاحة لبال لكن
لم تكن تعلم انها رمتهم لافواه ذئاب
.....طفلان وحيدان في شارع فيه قطعان كلاب وذئاب وضباع تقتنس الفرص وخاصة امام
ملاجئ أيتام لا أب يسأل ولا أم تبحث ولا أهل يتفقد غياب يتيم صغير نحيبه يفلج
الاكباد
تدور حلقات الماضي ...تلعب تضحك بعد
هدية صغيرة من رجل قبيح المنظر غليظ الوجه خشين صوت ...لكن برائتها صورت لها بعد
تلك الهدية انه ملاك ..نظرات أخ خائف علي طفلة صغيرة لم تتجاوز 8 سنوات وهو لكبير
الرجل الحمي الغيور علي اخت بقت من رائحة ام ...رائحة جنة غادرت لرب العباد
_ زينب خلينا نمشو (كان يجبد فيها من
يدها خايف من صوت ذاك الشرير او لغول لواقف قدام اختو بنظرة كلها شجع وكلها خبث
)جبدو من يدو بقوة علاش تجبد فيها خليها معايا وخوذ انت زادة حلوة من عندك عمك
_ سيبني موش عمي أنت زيزي اهرب موش
ماما قالتلنا منحكوش مع لعباد لغراب
_ بقات تحرك في راسها وهيا تاكل في
حلوة جنت عليها وعلي شرفها ...
كرهبة
سوداء كبيرة وقفت أمامهم ... هبطو منهم زوز رجال وجهوهم ملئانا دمار ...غمزو باش
يبعد"أنتهت مهمته وجاؤو لأستلام الضحية " قرب لزينب وخوها ...كل واحد
فيهم شد صغير منهم وسكرلو فمو وحطوفي لكرهبة من تالي سكرلو علي فمو بمنديل
كان يخزر لأختو ويبكي من لخوف كانت
متحاميا فيه وتشهق تخزر لعيون صغار لقدامها وبعض الشيوخ وونساء كل لعيون تنظر
متوجعة والأفواه مكممة من خوف الرعب الذي تعايشو فيه لسنوات .
..
فلاش باك"الحلم الموحش"
ترقل من لخوف وهيا ترا في صفوف قدامها
من ناس كل علي حسب طوله وكل علي حسب عمله..يدها مكبشة في خوها وهيا تشوف في واحد
قد لحيط يضرب في شيخ شعرو لكلو أبيض ويتعكز علي عكاز صوتو القوي لمعبي ظلم فجعها
للي بالت علي روحها وهو يصيح عليه وعلي لقدامو لكل
_ ويني لفلوس تسرق فيا تتخيل منعرفش
قداه طلعت فلوس طلعها
_ وراسك ياسيدي لفلوس لطلبتهم لكل
قدامك ..
_ جبدو من رقبتو وبزق عليه ....تحلف
براسي أه (جبد قطعلو لحوايج لفوقو وهبطلو سروالو طاحت صرة فلوس كلها أوراق ضحك بكل
قوة ملا تتخوبث عليا تي أنا علمتك الخباثة أنا لقريتك وليت تتمرس عليا ...صاح لزوز
رجال وراه أعملولو عاهة اخري خلي يتربي علي سرقتنا وخلي يتعلم كل واحد فيهم لأنا
ميتخبي عليا شئ وأي حد يخمم يخبي فلوس لخدم بيهم يتذبح فهمتو صاح عليهم
_ لكلهم يرقلو مهبطين روسهم من لخوف
...بدا يقدمو بالواحد بالواحد كل شخص فيهم عند خدمة معينة فيهم صغار لتبيع في
لمشوار وشكلي وكتب صغيرة لتحصين نفس ..وفيهم الشحاذ نساء كانو أو رجال ومنهم من
يمسحو الاحذية وسيارات ..ومنهم من باعو جسدها وأتت بثمن بيع جسد يخصها فأتت بذاك
ثمن وكأن ذاك جسد ملكية لهم لا لها ...كدس فلوس قدامو باقي تتحسب بقي يخزر ويتبسم
مع كل فلس من عرق جسد يخص بشر يخص أنسان جردوه من أنسايته وتلاعبو بحرية بشر ...
هز عينو يخزر لزوز صغار لقاعدين في
اطرف دبو يرقلو من لخوف تبسم ..وأشار باش يقدمولو بقي يشوفلهم كيفاه مكبشين في
بعضهم جبد لبجنبو وقرص علي يدو جيبهم ولا كان كيف تعبني ونتكلم
_ حاضر بوص (مشا يزرب جبدهم من يدهم
وقفهوم قدامو)...
منين جبتوهم لا ترصيلنا في مشاكل
_ تهني معندهم حد كلمني توا لبواب
متاع لملجئ قال مرا جبتهم وحبت تتخلص منهم وعطاتو فلوس باش يقول الي لقاهم قدام
لملجئ وحدهم ...
_ حلو بقي مركز معاهم زوز نفس لعنين
ونفس لون شعر ...أخوة انتم
_ تكلم حمزة لكان رغم خوفو أما هو لخو
للزم يدافع علي اختو ...أيه اختي سيبنا يعيشك معملنا شئ رانا
_ نسيبكوم ساهل هو ...أسمع طفلة خليها
تعاونا توا في بيعان في شوارع وعندي ليها مستقبل خلي تكبر شوي أما طفل هزو
للمجموعة لخرا ممنوع زوز اخوة يبقو في نفس المجمع
_ لا حمزة متخلنيش (كبشت في خوها تبكي
يدين خشينة تجبد فيها من يد حمزة صوت حمزة لكان يدافع عليها ويخبش فيهم باش يخلو
اختو بحذاه ومايهزوهاش ...زينب متخافش منخليكش
_ حمزة متخلينيش حمزة
...تنهج من قلة نفس كل يوم
نفس لموال كل يوم نفس لحلم تفيق علي صوتها وهيا تنادي في حمزة خوها لخرجت بيه من
دنيا خوها لي من 15 سنة مكحلتش عينها بيه ومتعرفش عليه ميت ولا حي
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء