صحيح مفماش ماحسن من قومان بكري (سبحان الذي صورها كيف
ريتها وقفه سارحة في الجنينه حسيت انو اللوحه اكتملت ورده نادره واقفه بكل شموخ
بثوبها الاسود الذي يضهر طول عنق وصدر واثب ينطق انوثة من ذاك سواد المعتم وااه من
ذاك الخصر المسطح الذي يكاد ان يقول اني كمنجه تائهة ابحث عن عازف يقدرو قيمتي
ليعزف علي خيوطي الثاره )
-اكيد ملا نمشي نفيق اياد وندوشلو باش يهبط يفطر معاكم
- احمم ايه تفضل "وغابت عن نظري حورية
الفردوس"كام تمنيت ان يقف زمن لاشبع مخيلتي بهذه طلة البهية" طلعت فيقت
منال ودخلت دوشت كي العاده لبست كوستيم اسود برفنت وهبط للفطور لقيت امي بستها من
راسها وقعدت نفطر وللحظات وقف زمن في حضورها دغدغه جميلة في ثنايا صدري هاجا القلب واعلن العصيان علي صوتي
حورية الجنه ويلاها من مقطوعة سنفونيه رسمت
فوق ذاك ثغر الجميل نزلت من درج وكل خطوة كانت تخطيها علي درجع كانت توشمها شامة
في مسامعي رجل تائه بين جمال امراءة اسرت وجدانه من يوم تلاقت العيون واصطدم
الجسدين ليعلن بداية لعصيان مشاعر دفينه لاعلم ماهي هل هيا قيود رغبة كبلت من 10
سنوات زواج ام هو .....لا لا انها الرغبه هكذا دائما انت ايها العقل اسال واجب نفسك فانا عقيم صوتي امام قيادتك
فانت سلطه وانا العبد انت تؤمر وانا انفذ
-بابتي ثباح خير "صوت ولدي راجعني للصراع الذي في
داخلي"
-بونجور حبيبي ايجا عندي ايجا ...اووه ثقلت انتي ماشاء
الله علي ولدي ايجا اقعد عندي
._.لا بااباا انا راجل وليت منقعدش عندك باش نقعد في
كورسيا خاطرني كبير وليت
-ههههه اووه واحلي راجل ولدي البطل انتي ايجا افطر
"كانت واقفه بطلتها البهية وابتسمة رقيقة من ثغر
يشع من تحتة نور لؤلؤ مرصع بعناية فنية "اه ماذا فعلتي بي ايتها الجنية مابين
اليوم والامس سويعات اسرتني عبدا لافكار لا تكاد حتي تنطق افكار اصبحت خرساء لسجان
جميل طلة رقيق صوت ......
- اقعد افطر مهااا
-لا
صحه سبقتكم مسيو غالي مرسي تحبوش حاجه
-لامرسي توا انا نفطر اياد يعيشك(جاوبت منال وهيا بينا
تغزل من غالي كي عرض عليا نفطر معاهم)
منال –شنوا غالي وليت تعرض علي خديمه عنا باش تفطر معانا
فرد طاوله
غالي-وعاد شبيه كان قتلها اقعد افطر ظاهرلي موش اول مره
نعرض علي عبد يخدم عنا باش يفطر وشنيه هاذي خديمه علي حد علمي مربيه وتعرفني هل
مصطلحات منحبهاش...
-منال.هههه صدقتك غالي شنوا متقليش خاطرها مزيانه باش
دافع علاها
-غالي.لاهبلت انت سايي لزم كل صباح نتصبح علي تخرنين
والعرك عيب لتقول فيه
-منال.باهي غالي موضوعي موش هذا لزم تخلي حدود بينك وبين
اي شخص يخدم عندك ميجيش هكا وندخل نلقاك يتفدلك مع جنان يامعا البون اعمل برستيج
روحك خلاهم يهابوك
-غالي .نعمل برستيج روحي هههه والله ضحكتني ومعيني في
ضحك وكيفاه يكون البريستيج ملزمش نعبرهم ونحسبهم عبيد عندي لا غالطه هكم ناس كيفي
كيفهم ويخدمو بعرق جبينهم باش انت تكل وتشرب وتطمان موش نعفس فاهم علي زوز سوردي
يخذو فاهم وانا ملي تخلقت تربيت هكا وكل شخص خدم في ها دار يعتبر فرد منها علي ذكر
خديمه معاش تعاودها موش باهيه ومتلقيش وانت بذات لزم دافع علاهم
-منال.شتقصد سي غالي وليت تعاير فيا خاطر امي كان تخدم
في ديار
-غالي..لا بالعكس علاش ديما تشوفها بها سلبيه هذي انا
عمري محتقرت اي خدمه وامك مرا كادحه وصلتكم طبيب طبيب ومحامي محامي لحبيت نقلهولك
موش لزم نحتقرو شخص علي خدمه ونحكمو عليه بتعلة مظاهر
-منال ..فهمتك انا نعرف انو اصلي ديما كان عائق بيني
وبينك وديما تتستعار مني ومتتشرفش بيا ودليل لكلمات لستعملتهم نحتقر نعفس ...هوك
عقلك عبر علي مكنونك بطريقه غير مباشره
-(قام وداز الكرسي لتالي بقوه )...افففف ديما هكا انت
ظاهرلي مكش باش تتبدل نمشي نخدم خير منها الحوار العقيم
(قمر تحكي)-كنت خارجه لجنينه مزلت كي خذيت دورا ونسمع في
نقاش بين غالي ومنال مكنتش نصدق انو لكانت تضحك في وجهي قبل بدرج تقول ها لكلام
لكن لشد انتباهي رد غالي كان يدافع علي ناس بسطاء كان كلامو يدل علي انو انسان
خلوق وكيفاه رد في وجها بهاك طريقه تبسمت وفرحت في دخلي انو انسان متخلق وموش
متكبر برغم العز والجاه لهو فيه .....لكن سرعان مختفت تلك البسمه وقت لتفكرت اعمالو
ونقمت عليه وعلي عايلتو ......خرجت لجنينه وقفت قدام البيسين نخزر لانعكاس صورتي
في الماء وبقيت نتفكر في ماضي يكاد يكون قريب
فلاش
باك____-ساعات بعض الابتسامات تحجب خباثة بعض البشر بعد
فرحه بنجاح نوفايم نلقا روحي مجبور ه اني
نعيش مع عايلة يقولي انو تبانوني ومن اليوم باش نكون بنتهم رغم توسلاتي لمدير
الميتم رفض انو يخلوني كانت دموعي شلال علي جرفين نائيين يتوسلان لابقاء مع اخواتي
مع عايلة برغم كبرها وقسوة ظروف لانا فها لكن اصبحو جزء مني لكن هيهات اتخذ القرار
وطبقت تعليمات ........مشيت وشهاقاتي في قلبي دموع امي عايشه وبعض اخواتي لحبوني
بالحق غاست في اعماقي خوالجي كلمات امي عايشه حفرت في مخيليتي(رود بالك علي روحك
بنيتي ومنحبكش تنساني نعرف لانتي باش توالي حاجه كبيره ارجعلي وقتها ومتنسانيش انا
امك لربيتك وحبيتك ياريت جات عندي القدره منخليكش ...انا متهنيه عليك ياكبدي )
دخلت لدار جديده وحياة جديده عالم اخر عالم مفيشوا ايتام
مافيشو خواتك لعشت معاهم وتربيت معاهم طرق كامل وانا نبكي وقلبي يتقطع خايفه من
المجهول لمشيتلو مجبره كنت مستغربه كيفاه يتبونوا طفل تجاوز 13 سنه طفل يفهم ويعقل
ولزاد استغرابي وريبتي انو كانوا عندهم زوز ولاد ساجد وساجده توءم متنجمش تفرق
بيناتهم من كثرة شبه علاش يتبانو فيا وهيا عندها ولاد كنت نتصور الي هيا عاقر علي
هكا تبانت ..........من اليوم ولات عندي عايله واخوه يلا سخرية القدر مليوم وليت
نسكن في دار فخمه واثاث فخم وكل مافي الفيلا يوحي علي ثراء عائلتي الجديده ومرت
الايام .......كنت امي وبابا جديده عملوني بكل حب واحترام مكنتش نتوقع اني باش
ننسي الحياة لكنت عايشتها في الميتم لكن كانت فما نقطه سوداء لم افهمها الا بعد زمن تدريبات علي اتقان لغات اساتذه تجي بذمه باش
تعلمني تعلمت فنون القتال بانواعها كانت حياتي لمدة 4 سنوات واناو عائلتي
الجديده كأنها تدريبات في ثكنه كل شي منظم
كل شي بوقتو كل من في البيت يسهر علي خدمتي وهذا ما أرابني كنت متأكده انو انا
عنصر مميز في ها لعايله لكن يقول لقايل علاش حتي ولادو ميهتموش باهم بها طريقه
ساعات نقول بلاكه انا بنتهم وهما مخبين ساجده وساجد كانو اكبر مني 3 سنوات ساجده
مكنتش تحبني كيف اختها لكنت تتعتبرني عدوتها ويما صارت مشاكل بينتنا
من غيرتها علي بوها وامها ولكن ساجد واه منك ياساجد الحب العذري الذي ولد في داخلي
برغم صغري سني حب عذري بقا في صدري لبشاعة الموقف انا بالقانون اخته ولكن بدم انا
غريبه لكن قصة وان كتب لها انا تخرج خارج قضبان صدري كفيله ان تقلب كل موازيين
حياتي ......وصلت للباك برغم عام صعيب عليا برشاا ساجد مشا لفرنسا باش يكمل
دراستوا كنت ميته بالوحش قلبي كان يوجع فراقو صعيب وكأني لاول مرة افارق كنت لزم
ننجح بمونسيون باش نلحق عليه لفرنسا علي اقل نكون جنبو اتنفس هواءه واكل ماكله
واطرب مسمعي بصوته.....وفعلا نجحت بمعدل 18.50وكانت فرحتي لا توصف كنت فرحنا لدرجة
ثماله لكن سرعان متلاشت تلك سعاده الوهميه ....تحديد مصيري ديما كان مقترن باشخاص
توجهي فورا كان دخول للاكادميه العسكري هانا ملك دوله هكا تقالي هيا لصرفت عليا
هيا لقراتني وهيا لاخترتلي العايله لتربيني ونتسمه باسمها لاخفاء جرم اليتم عمليه
مفبركه كنت انا الممثل الثمل وهم مخرجون تفنانو في اخراج مسرحيه كنت انا البطله
بالاكراه .....وكالعاده كنت لزم نقبل ونرضخ لااوامر العليا تعاودت علي توطئه وعدم
رفض فمن أنا لاقف في وجه دوله اتخذت القرارات واسدلا الستار لحياة خيرت لي من قبلي
البارئ وعابدو البارئ نفذوا من سكات
رجوع للواقع
-غاليي يحكي ......تعادو نهرين علي اخر مره ريتها فيها
او بالاحري كحلتو مقلاتيا بطلتها الباهيه
حاولت قدر الامكان اني نتجنبها لا وضعي ومكانتي يسمحولي باش نفكر فيها كي العاده
نهار كامل خدمه مابين غرف العمليات وغرف المعاينات ناس تتألم وناس تبكي ناس رضت
بقدرها وناس تتصارع مع رفض الابتلاء ومادوري الا ان اخفف عليهم معانتهم رجعت لدار
وانا نفكر في معانات القدر الذي لا مفر منه ولكن القدر بعثها في حضني من جديد وكأنا
زمن يعيدو نفسه سطعت فيا بدر البدور واه منك واه مني لمسايرتي ذاك المجنون .....تلعثمت
ونظرت إليا نظرات لم افهمها طئطئت رائسها وذهبت مهرولة لغرفة إياد دون نطق بشئ الا
بسلام خرج من ثغرها متقطعا ..
.-غالي طلعت عملت دوش وخرجت نزرب نحب نعاود نشوفها ونكحل
عيني بجمالها الاسر كنت نسمع فها تضحك من ورا الباب وتقول حبي انت وكل شي في دنيتي
منعرفش علاش قلبي عمل ثوره بداخلي لعبت عليا دوخه افففف شبيني شيهمني فها اكيد
طفله في زينها باش يكون عندها شكون اما عقلي كان رفض هذا لخلاني نهد علاها في
البيت قريب الباب يتخلع
مها-سمله فجعتني
غالي –لطف عليك مدومزال مها اياد حاضر
مها-خرج بحذا جدتو هبطتوا توا كيف انت بطيت عليه قلق قلي
نهبط
-اه اوكي موش مشكله(وجيت خارج )
مها- مسيوغالي نجم نخرج ليله ونجي غدوه مدامك ليله باش تتولها
بااياد
-لا لا (طول جات في بالي باش تخرج تقابل صحبها والا
خطيبه تي حتي منعرفش مرتبطه والا فورا غزرت لصبعها معناها موش مخطوبه رتحت شوايه
اما بعد رجعلي شاهد لعقل معناها لكانت تكلم فيه صحبها وتحب تخرجلو في ليل)
-مها.علاش مسيو غالي لا عندي امر ضروري لزم نعملو
-غالي...سامحني تنجم تمشي مره اخرا انا منجمش نتلها بيه
وحدي ساعات في ليل يحتجك اياد وهوك شمزال علي سبت توا تروح (
-مها .باهي مسيو غالي يعيشك
خرجت وانا خلوقي في صباطي منعرفش علاه تنرفزت وقت
لسمعتها تحكي بتلفون ياربي ملا حاله وصلتلها افففف فديت مخي حبس صراع بين عقلي
وقلبي واحد يسال ولاخر يجاوب .....
بعد سهره مع العايله لحسيتها طولت برغم من كثرة سهوتي
وشورودي طلعت لبيتي هزيت ولدي في يدي رقدتو في فرشي وتكيت بجنبو علي امل ان يهل
نوم علي مقلاتيا ولكن خاصمني ذاك ركيك ......طلعت للبلكون نتكيف في سيقارو هواء بارد
فيقني من خمولي وسري في جسمي فنشطه ولكن سرعان محلا القضاء مسهرتي تتبختر بذاك
القد الباهي....بقيت مركز معاها مااجملاها سبحان الذي صورها نورها حجب نور القمر
الذي في سماء .....منعرفش علاش لبست حوايجي وهبطت حبيت نحكي معاها نسمع صوتها خرجت
بخطوات مهروله فرايتها تسترق نظر للقمر قربتلها وسمعت تنهيده خارج منها ....
-غالي..الله لا ينهدك
-مها... (حطت يدها علي قلبها من الفجعه) سمله العظيم
-سامحني فجعتك
-لا عادي مصار شي
-نجم نقعد بحذاك
-بطبييعه تفضل دار دارك
-يعيشك مها
- اياد رقد
-ايه رقدتو سايي انا مجنيش نوم شربت قهوه بزايد وانتي
-لا انا متعوده بسهر منحبش نوم بكري
-انت من هوني نقصد اصلك
-ايه من الكرم (وقت لسالني علي اصلي قلبي وجعني حسيت
دنيا دارت انا امراءه بدون ماضي ولاحاضر فانا مجهولة الهويه لاصل لدي انا بنت زنا
وماافظعها من لفظه)
-قداه عمرك
-عمري 32سنه
-بالحق تظهر صغيره انا تصورتك في 20
-ههههه مرسي ديما يقولولي هكا
تعيش مع داركم ملا
-اه لا لا عايشه وحدي
-علاه
-بابا وامي مطلقين وكل واحد شاف حياتو
-وانتي
انا شنوا-
مشفتش حياتك-
-انا نعيش في دار راجلي
-كلمه نزلت عليا كصاعقه يعني هيا
معرسه يالا سخرية القدر معرفتش شنوا نجاوب وشنوا نقول علاه قلبي يوجع وبدني كلو
يسطر علاه حس بها ضيق لفي صدري نحس في قلبي باش يوقف من كثرة مدق
-اابون صارانتي معرسه
-الحقيقه مطلقين اما هو بحكم يخدم
البرا عطني دار ساكنه فها
-اه فهمتك فهمتك(جاوبت والفرحه
ظاهره علي وجهي حسيت الي هم ونزاح علي قلبي )بقينا نحكو ونتعارفو علي بعضنا محسيتش
بالوقت كيفاه تعدي كانت ساعات لكن احسستها لحظات تمنيت زمن ان يقف وان نبقي نحن
الاثنان لانظر لتلك شفتان التي سحرتني كيف تخرج الحروفو من فيها……..
-(بعد مرور اسبوع )منال-تنجم تفهمني علاه تبدلت غالي
شبيك وليت بها البرود معايا
-غالي ......انت لوليت تشك حتي في خيالك منال فديت من
تصرفتك ومن تعاملك معايا علي اساس انا غير موجود تقرر لتحب وتعمل لتحب ومن غير
متشاور ظاهرلي شريك حياتك موش حاجه ثانويه تحملت غطرستك وتكبرك وكل يوم نقول مسالش
تحب تحقق طومحتها وانتي زايده علي قدام وكأني موش موجود..
-معنها انا توا لوليت غالطه كيف نفكر في مستقبلي ونفكر
في حياتي العمليه
-ظاهرلي حياتك زوجيه اهم من حياتك المهنيه انا ولدك
محتجينك 5 سنين عرس مقعدتش شهر كامل فيها دار كل يوم طلعتلي بموال اما يزي اصبرت
للي نفذ صبر
-شمعنها
-معنها لا من غير متسافر ومن امس قتلك لا ورود بالك
تعاندني
-لا غالي موش علي كيفك
-بالله ملا علي كيف شكون
-(دخلت امو)-خديجه....ووه ياوليدي شبيه صوتكم علا شفمه
-منال ...شوف امي خديجه عندي سيمنار في مغرب باش نبقو 3
ايام رفض وكيكس قلي لا متتحركش امان امي خديجه انتي تعرف الي خدمتي تلزم عليا باش
نكون حاضرة في جل ها ندوات باش نطور من ذاتي ونكون ملمه باخر معلومات
-غالي ...وانا قلت لا يعني لا
-خديجه ....علاه ياوليدي هي قتلك قريتها خلاها تحضر
3ايام وتجي اشفيها
-مفيها شي امي فما حاجات منجمش نحكاها وندوه هاذي مفيها
حتي حاجه مهمه وكان جات حاجه مهمه راني انا لول حضرت استدعوني ورفضت وظاهرلي كيف
قتلها لا تسكت وتقول باهي موش تصيح فيها الليل وعملا مشاكل علي سبب تافه
-منال...سبب تافه بربي خدمتي سبب تافه
-خديجه ....باهي بنيتي هاو قلك مفيشو حاجه مهمه وسع بالك
وامشي مره اخره
-منال بالله انت اش دخلك توا ياتدخل بالمعروف يتسكت والا
خاطرو ولدك باش تجي معاه
-غالي....سكر فمك لا نكسرهولك ومزلت تعلي صوتك علي امي
نسفرلك بروحك
-خديجه ....سامحني وليدي عندها الحق اش قيمني من فرشي
ودخلني في مشاكلكم
-لا امي حقك عليا هيا هبلت ظاهرلي دللتها ياسر (باسلها
يدها وجيبنها)برا ارقد توا ومتحط شي فيبالك تصبح علي خير
-رجعت لمنال شديتلها يدها بقوة ........هبلت انتي والله
مزلت نسمع تصيح علي امي والله لا عاد تقعد فيها دار فهمت زايد هذي اخرت حبي ليك
-سيبني وجعتني امان غالي يدي كسرتها غالي امان
-نطرتلها يدها بقوة وخرجت من البيت فدد ومتيقر مخي وقف
قداش تبدلت موش نفس المرا لعرفتها من 10 سنين كانت انسانه حنينه وطيبه ومتواضعه
بعد العرس تبدلت برشااا ولات مغروره ومتكبره راسها كاسح وعلا انسانه ولات انانيه
ساعات نقول موش هيا نفس لمرا لكن ديما قلبي يلين هيا اول حب في حياتي وانا متاكد
من حبها ليا تقبلتها بعيوبها واياجابيتها لكن عام هذا تبدلت ولات تتحدا فيا
وتكسرلي في كلمتي منعرفش شنوا باش نعمل معاها جبدت سيقارو نتكيف فيه بغل وبقهر
خرجت لجنيه ندور ونتفكر في حياتي من 4 سنين كيفاه كانت وكيفاه ولات هزيت عيني علي
البلكون لقيت مها تغزرلي غزره مفهمتهاش وتبسمتلي بابتسامه رجعتني من ضايعي اكيد
كانت تسمع في صياحي انا ومنال رجعتلها الابتسامه ورجعت باش نرقد مشيت البيت امي
حضنتها وطلبت منها ترقدني عندها مهمها الرجل يكبر عمرو لا يكبر عن حضن الام وانا فادد
ومخي داخل بعضو لزمني نرتاح ومااجمل لارتياح في حضن الغاليه .........................
فقت صباح علي صوت مساج
حليتو نلقاه من عند عصام قلي لزم نقبلو توا علي كورنيش فقت عملت توالتي
ولبست دبش سبور وخرجت نعمل في فوتينق مزلت دنيا شبه ظلام وصلت نلقاه قاعد مقابل
لبحر مشيتلو بخطي ثابته
-صباح الخير مسيو عصام
-صباح نور قمر لباس
-لباس حمدلله
-اسمعني لزم تتصرف وتجيبنا اي ورقه والا معلومه
-حاولت لتوا لا نجمت ندخل للبيرو ديما فما شكون في دار
نحاول في اقرب وقت
-باهي خوذ هذم اجهزه تنصت اعملهم واحد في بيت نومو واحده
في بيروه وحاول تسجلي كل دوسايت الي علي الحاسوب متاعو وشوف اوراقو اي حاجه تدينو
لبارح خرجت برشااا اعضاء عن طريق الحدود وتشدت لكن منجمش نعرفوو بظبط شكون لموالهم
بها منعرفو كان اسم شيفرة قالها الولاد
-شنيه الشيفره
-عباره عن برشااا ارقام وحروف اهيا الورقه فها كل شي
اقراها وبعد احرقها في قرب فرصا لزم تلقي حل وتجيبنا طرف خيط ولزم تخليه يثق فيه
ويتعلق بيك اوكي
-لا موش اوكي تفهمنا نجيب معلومات موش نوالي عشيقه
-متنساش انت تخدم في خدمه ولزم تنفذها باي طريقه نعرف
الامر موش سهل عليك اما لزم لزم سامحني لكن هاذي اوامر
-اوامر هههه بربي متضحكنيش انتو اكيد هبلتو
-قمر نفذ وبرا روح توا قبل ميشوفك حد
- ونهار سبت نتقابلو في دار وان شاء الله تكون فما جديد
نخليك توا سلام
-رجعت وانا ضايعه لزم نخليه يعجب بيا اكيد هبلوهذم راجل
معرس ويحب مرتو كيفاه باش نمثل عليه الحب تي انا اصل نتقزز منو راجل مجرم منطيقش
حتي نخزر في وجهو (تكذب علي روحك كل يوم وانت تراقب فيه وتلوج علي فرصه باش يحكي
معاها وكل دقيقه وانتي تفكر فيه لا لا لا مستحيل انا نفكر فيه كهدف وخدمه عمري
منفكر فيه كرجل يعجبني ياربي تعبت وفديت شنوا باش نعمل توا ملا حمل وامانه تحطت
علي عاتقي ان شاء الله نكون قد المسؤليه)
رجعت لدار فيقت اياد ودوشتلو لعبنا شويا لبستلو حوايجو
وهبطتو لجنينه ليوم مفطر حد منهم في دار حليمه قتلي خرجو بكري يخدمو هاذي فرصتي
لزم نفذ توا خليت اياد يلعب وطلعت لبيتو هو منال بيت كبيره فخمه يكسوها الاسود
والاحمر لونان ثائران لا يلتقيان حطيت الة تسجيل ورا كوافوز تعديت البيرو حطيت الة
تسجيل تحت طاوله وحاولة نحل الحاسوب لكن لقيتو بالكود حاولت لكن بدون جدوي لزم
نحلو في اقرب وقت لوجت في كل المكتب نلقاش وثيقه والا اي ملف لكن بدون جدوي رجعت
نجري للحاسوب قلت خليني نجرب اسم ولدو وفعلا تحل سجلت كل دوسيات في فلاش منعرفش
وخرجت وانا قلبي علي يدي ليراني حد رجعت
لبيتي حطيت لفلاش في البيسي متاعي وبقيت نبربش لساعات كلها دوسيات تابعه قرايتو وو
صور عايلتو وصور زواجو لكن وانا نلوج نلقا دوسي فيه صور اطباء منهم زوز اشخاص
اجانب متهمين بتجارة بالاعضاء فورا بعثت دوسي العصام توا لزمني نعرف كيفاه وقتاه
يتقبلو وكيفاه يتم سرقه وتسفيرها والا زراعتها هوني في تونس مدام وصل تصور معاهم
فاكيد هو منهم واخباريتنا مكنتش مبنيه علي شكوك بدات تتأكد لكن الان لزم نخليه يثق
فيا ويتعلق بيا
هبطت لاياد نلقاه لتوا يلعب قلت لحليمه باش نخرج انا وياه مشيت هزيتو عملنا
دورا شريت قضيات وروحت كيف دخلت كنت نسمع فيه يصيح قدمت نشوف شفما نلقاه يحكي في
تلفون ورماه علي طول يدو
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء