وخرج وكأنو مشفنينش لانا لولدو الي ترعب وتخبي عندي طلعت
لبيت اياد رقدتو بعد مبكي من خوف سكتو وبقيت نخمم شبيه اول مره نشوف بها العاصبيه
هاذي عوايدو ديما هادئ ورصين لكن اليوم اكتشفت شخص اخر
-جا ليل ستنيت في البلكون لتوا مجاش لاهو لا منال اياد
كل شوي يسئل عليهم تعدات ساعات وانا نستنه علي امل اني نطمن عليه رقدت اياد في
بيتي عملت قهوه وخرجت لجنينه نترشف فها دنيا بدات تبرد الحال خريف ندا هبط ساعات
تتعدي نسمه خفيفه تداعب اوراق شجر فتخلق سنفونيه من ابداع طبيعه منعرفش قداش بقيت
سرحه في ملكوت الله وفي لحظه توقف زمن كان يمشي بكل ثيقه قدامي كان منحي الفاست
وثاني يد سوريتو عرق يدو باينه قفلتين متع سوريتو محلوله تبرز عرض صدره وبعض
الشعرات المتناثره عليه تخليك تتسرح وتتخيل بقيت شارده فيه وهو عمال يقربلي ... -اهلا
مها شنوا متقليش شبيك لتوا ساهره
-عسلامه سي غالي لباس (عرفتو شرب وموش قد بعضو )
-لباس يعيشك
-لحظه نعملك قهوه كحله باش تفيق
-علاش راقد ترا فيا
-لا منقصدش هكا حسيتك موش قد بعضك وزيد من بكري خرجت
منرفز اوو
-احكي شبيك سكتت
-لا شي ملا خليني نمشي نرقد
-علاش خليك اسهر معايا
-لا صباح نفيق بكري مك تعرف ولزم نفيق اياد
-قمت شدني من يدي قربني ليه ريحتو دوختني لمسات ايدو مثل
زلزال ضرب في قعر قلبي
-محلاك
-ش...ن...وا سي غالي
-ههههه علاه دخلت بعضك باقي نقول في الحقيقه ياسر حلوه
وجذابه كل حاجه فيك مميزه شعرك عينيك شفايفك (وقربلي شد خصله من شعري حسيت دنيا
وقفت قلبي يعزق وبدني عرق نفس متاعو سخون في وذني عمل دغديغه بنينه سرت في بدني
الكل نحس بفواره في راسي )علاش ديما نخمم فيك قلي صورتك نحلم بها ونفيق علاها
شعملت فيا مها
-امان مسيو غالي شنوا لباقي تقول فيه عيب انت معرس
-نعرف وهكا لجناني اني معرس ونخمم فيك وليت بنسبالي هاجس
اقيمواعليه صباح مساء نفكر فيك في كل لحظه في كل ثانيه تعبت وانا نمثل بطرد ها
الافكار من عقلي
-انتي ظاهرلي فيك شربت برشااا علا هكا انت وليت تخلوض
تصبح علي خير
-غالي يحكي اليوم اخيب نهار في حياتي منال تحداتني ومشات
للمغرب منعرفش شنوا لصارلي وقت لسمعت مستحيل تتعدلها بساهل خرجت مدار منرفز مشيت
ديراكت عملت كعبات(حشاكم)حبيت ننسي للكن خصمني نسيان قعدا كامل وانا نخمم في مها
عيونها تحفرت في مخيلتي ثملت لحد ثمالة بسحر عينيها رجعت لدار علي امل نراها واول
مدخلت لجنينه ريتها تترشف في قهوه وشعرها الاسود يتطاير سبحان الذي صورها معرفتش
كيفاه وصلت بحذاها حضورها طاغي وعطرها اسرني عبدا اتوسل قربها كنت لزم نعبرها علي
اعجابي لكن صدتني وجات طالعه لبيتها جبدتها من يدها وقربتها ليا حبيتها تقربني
اكثر جات لعين في العين واه من تلك العينان وتلك الرموش الذابحه اردتني قتيلا وتلك
شفاه ثائره لم اعرف كيف ولماذا ومتي غصت فيهم اول ....................اول ملامست
شفاهي ثغراها حسيت بركان نفجر في داخلي شفاهها شهد واهاتها عزف شعلتني وهيجتني..
قلبي باش يخرج من بلاصتو قبلة بسيطه استمرت لبضع ثواني اردتني شهيدا العشق ومنهنا
اعلنت انهزامي وفتحت ابواب قلبي لمستعمرتي المستبده
|
ثواني .. مرا عليها يا
مقبلتي
|
|
وعطرها لم يزل يجري على شفتي
|
|
كأنها الآن .. لم تذهب حلاوتها
|
|
ولا يزال شذاها ملء صومعتي
|
|
إذ كان شعرك في كفي زوبعة
|
|
وكأن ثغرك أحطابي .. وموقدتي
|
|
قولي. أأفرغت في ثغري الجحيم وهل
|
|
من الهوى أن تكوني أنت محرقتي
|
|
لما تصالب ثغرانا بدافئة
|
|
لمحت في شفتيها طيف مقبرتي
|
|
تروي الحكايات أن الثغر معصية
|
|
حمراء .. إنك قد حببت معصيتي
|
|
ويزعم الناس أن الثغر ملعبها
|
|
فما لها التهمت عظمي وأوردتي؟
|
|
يا طيب قبلتك الأولى .. يرف بها
|
|
شذا جبالي .. وغاباتي .. وأوديتي
|
|
ويا نبيذية الثغر الصبي .. إذا
|
|
ذكرته غرقت بالماء حنجرتي..
|
|
ماذا على شفتي السفلى تركت .. وهل
|
|
طبعتها في فمي الملهوب .. أم رئتي؟
|
|
لم يبق لي منك .. إلا خيط رائحة
|
|
يدعوك أن ترجعي للوكر .. سيدتي
|
|
ذهبت أنت لغيري .. وهي باقية
|
|
نبعا من الوهج .. لم ينشف .. ولم يمت
|
|
تركتني جائع الأعصاب .. منفردا
|
|
أنا على نهم الميعاد .. فالتفتي.
|
مها تحكي……………….
مكنتش مصدقه لعملو غالي والا الجراءه لجاتو باش يبوسني
في لحظات صار كل شي ولا الاغرب اني سايرته منعرفش كيفاه لملمت مشاعري واخمدتوا
الحريق الذي شب في قلبي ...دزيتوا وهربت لبيتي نجري خايفه من تسرعي سكرت الباب
وقفت نخزر لروحي في المرايه وجهي احمر قلبي يدق لثواني حسبته سيهرب من صدري بقيت
نتلامس في شفايفي ونتفكر في لحظه مضت ستظل راسخه للابد ...رقدت وانا بين
نارين بين قبلة اعلنت انهزامي وضمير معاتب
..........
يلا سخرية القدر جئتو ناقمه فأصبحت عاشقة
كيف عشقتك ومتي احببتك وكيف المفر من حب محرم؟؟
(-في مكان اخر وزمن اخر )مجموعه من رجال الاعمال اطباء
سياسين كوادر بدوله تجار يتأمرون علي مجموعه من المبادلات التجارية تتمثل في صفقات
مشبوهة (اسلحه لحوم فاسده اعضاء بشريه تهريب مخدرات )وينتهي الاجتماع بتحويل اكبر
مناقصة لرجل في العقد ستين خرج متفاخرا بهذا الانجاز ففي الاصل هو الرابح الاول
وهو الممول الاول لهذه صفقات المشبوهه هو الدولة وهو القانون هو المحرك للعبة
صنعتها اطراف دولية ماسونيه هدفها المال والنفوذ ....... كان خارج بكل ثيقه في نفس
رجل فخم يبان العز من عينيه طلع في كرهبتو اشار بيده للسائق ان يعطيه القياده خرج
لموعد كان ينتظره من شهر وصل لقاها واقفه
تخزر للبحر بدون سلام بداء في الحوار
-شحالها
-لباس علاها سيدي
-نحبك تعطها الماسو هذا علي اساس تبعثلها من طرف مجهول
-حاضر سيدي اي اوامر اخري
-(بعد معطها الماسو رجع لكرهبتو وهو يتكلم )عائشه قمر
لزم تعرف الحقيقه والماسو فيه جانب كبير من الحقيقه لزم تفركس علاها خلاها تشك في
كل شي وقتك قريب يوفاورجع الكرهبتو خلا كان العجاج وراره)
-عائشه .....اه ياربي كيفاه باش نعمل اه ياقمر انتي عمرك
مكنت بنسبالي خدمه حبيتك كيف بنتي كيفاه باش تعمل وقت لتعرف اني عميل سري حطوني
باش نسهر علي راحتك اه ياربي لا تحرقلي قلبي ...............
في دار غالي
فقت صباح وانا واخذاه قراري لزم عقلي يغلب علي قلبي من
ليلتها غالي مريتوش محاولتش حتي نحكي معاها هو زاده كان متجنبني حتي لو العين تجي
في العين كانت تستحي فتجدها تنظر في كل مكان الي فيعيني ...خرجت لبيت اياد فطرتو
وخليتو يلعب جيت هبط لجنينه سمعت حس توشويش كان حد يعني اقرب لصراخ شدني
الفضول قربت وذني من بيت ام غالي كانت منال تخاطبها بنبره مستفزه وام غالي كأنها
تترجها
-منال الله الله يالا خديجه ملا غالي يحب يطلقني
-وانا ونعرف يابنيتي انت لغلطت وتحديتو انتي تعرفو ميحبش
شكون لكسرلو كلمتو
-اسمع كلمتين نقولهملك لو كان غالي يطلقني الا من نهد
دنيا عليكم والله منحرق عايلة القادري عميد الاطباء لسمعتو مالية دنيا خلي وقتها
يعرفكم علي حقيقتكم واولهم غالي كيف مندخلوش للحسب نخليه يتعفن فيه منتسماش انا
منال
-هذا انت لتحبوا هكا تحكي عيب لتحكي فيه مفكرتش في ولدك
-ولدي ولا طبله انا ليعفسلي علي طرف ويحاول يستفزني
متتصورش شنوا نعمل ولدك طيحلي قدري مخلونيش نشارك في سيمنار بقيت ضحكه قدام زملائي
وكي جيت نكلم فيه ولا يهدد فيا بطلاق هاني قتلك انا هاني خارجه ليله غالي يجي
يعتذر مني والا والله لفي راسي نعملو ايا تشاو توا حماتي الغاليه.....
رجعت علي ثنيتي خايفة لا تراني سبحان الله معنها منال تعرف الي راجلها وعايلتو يتاجرو وسكته توا
تأكدت شكوكي لزم نشوف حاسوب منال مدامها تهدد معناها عندها ملفات ضدهم هذي اول
نقطه لزم نعملها
وصيت حليمه علي اياد وخرجت لدار لعملتهالي الخدمه دار في
حي شعبي كلمت عصام باش يسبقني اول مدخلت للحومه ناس الكل تخزرلي عنصر دخيل في حي
شعبي لزم يتعدي علي سكنار كل دار تلقي حلقه قدامهم طلعت لدار ديراكت حليت الباب
نلقي عصام يستني فياا
-اهلا لباس
-لباس لباس اسمع منال تعرف كل شي علي عايلة القادري
-كيفاه تعرف
-اليوم سمعتها تهدد في امو قتلها نفضحكم وندخل غالي
للحبس يعني هيا تعرف كل شي وام غالي كانت تبكي وتترجا فها
-معناها امو زاده تعرف
-ايه هكا يظهرلي
-ملا لزم تجيب كل المعلومات علي منال
-هيا طبيبه تخدم معاه فرد كلينيك هكا لنعرف
-لزم نلقوا اي دليل البارح العون ليخدم في كلينيك قال
فما حركه غريبه وجات كرهبه كحلة خرج منها راجل لبس كل بالاسود خذا كلاسيور من عند
فرمليه ومشاااا
-وصورهمش
-صورهم للاسف الفرمليه جبنها اليوم باش نحققو معاها مزلت
مدخلتش لتحقيق نلقوها مقتوله بسم
-شنوا شنوا اكيد تفدلك انتي
-مانيش نفدلك هاذي عصابة خطيره برشااااا والقتل عندهم
كيف صبلي نشرب نعرف الي انتي مكش مدربه علي ها نوع من القضايا ومنعرفش شكون لمصر
انك تكون معايا في ها المهمه
شيحب يقول
-لنحب نقولو
-قول فهمني شبيك تحكي بالالغاز
-قمر انتي خدمتك عمرها مكنت ميدنيه انت عنصر تكتيكي وهذا
اختصاصك صح لكن فما تعليمات بدخولك للمهمه كعنصر مضيف علي هكا انا رفضت يعني شخص
برتبتك عمرو ماتكون دخولو للمهمه ينجم اي عميل سري برتبة عاديه يدخلها علي حد علمي
وحسب مقريت ملفك انت عمله ستاجاتك في اكثر من دوله كيف امريكا وفرنسا والمانيا
وبريطانيا يعني نحب نقولك عمرو مدخل عنصر تكتيتكي برتبة رائد لمهمه بطريقة هذي
صحيح في 3 شهور تلقيت تدريبات لزم اما فما حكاية غريبه قمر نحب نفهمها وملقيتلهاش
حل
-ظاهرلي تكبر في لحكاية عصام في برشااااا دول ينجم يتم
دحض اي شخص باي رتبه لاي مهمه حتي لو كانت ثانويه
-
نعرف هذيكا دول متقدمه لكن احنا تونس واحنا عنا خطط
تكتكية نتبعوها يعني فما كوادر مستحيل نضحو بهم علي حد علمي دولة صرفت عليك دم
قلبها موش باش تحطك في فم المدفع بها سهولة هذي ولا الامر لمحير من الاول كنت باش
تكون رئيس للمهمه وكان شخص اخر باش يقوم بمهمتك لكن في سويعات تتغير جل تعليمات
ويحطوني انا وانت تكون فيها المهمه هذا لحيرني
-موش مشكل عصام نتصور حبو تكون خدمه نظيف انت تعرف اني
مانيش مدرجه ضمن قوائم عملاء الاستخبارت علاهكا حبو تكون خدمه نظيفه وحد ميعرفني
انت تعرف الي عنا برشااااا جواسيس ومن ليوم لزم تغير جل اعوان وتحط شخصين تثق فهم
لزم تكون خدمه نظيفه وفي كامل سريه
باهي لزم نمشي توا خليت لولاد وحدوا
-باهي قمر رود بالك علي روحك واي حاجه تصير اعلمني
بهاوخوذ شركه هاذي حطها في رقبتك
-شنوا هاذي
_متخافش موش كادو ههههه
البسها ومتنحيهاش من رقبتك فها كاميرا صغيرة والة لمعرفتك مكانك في صورة
صارت حاجه لقدرا الله ديما خلي سلاحك تحتك منوصيكش علي روحك طمني اوكي
_باهي عصام نخليك توا نهار سبت باش نمشي لعايشه توحشتها
ليا بريود كبيره مطليتش علاها اوكي
_باهي سلام
رجعت لدار غالي وانا نخمم في كلام عصام حسب معرفتي بيه
عمرو مايحكي حاجه من فراغ عصام من نوع الاشخاص ليدقق في ابسط الامور ويشك في اتفه
الاسبب اكيد فما حاجه مخبيها عليا ولزم نعرفها
وصلت لدار طلعت نزرب لاياد ليا ساعتين مخليتو وحدو دخلت
لبيتو من غير مندق الباب انا حليت الباب
ونلقا غالي ممدود علي كرشو واياد فوق ظهرو يمشي عليه مظهر مضحك خلاني نتبسم من غير
منشعر
-اياد ......مها انتي زيت ايجا نعملو مساج لبااااا ههه
-هههههه انا ثقيله عليه
-(قام من فرش وخزرلي بنظرة تسحر بين عليه تعب في عينيه
وقف من الفرش وقربلي وانا وين تلقوني
تلكونت لنجمت نرجع عليه سلام لنجمت نتحرك تشليت وكيفاه منتشلش وانا نخزر لصدر عريض
قدامي وكرش يقولش عليها تبليت شكلاطه والا اك رمانتين اه قلبي صغير لا يتحمل اش
يحب مني اصخته عمل يقربني وانا تمصمرت في بلاصتي لا نجمت نوخر لا نقدم ستر ربي فما
كرسي جيت قعده عليه وانا عيني مرشوقه فيه كي المستوها)
-ش.......تح..........ب
-هههههههه مريولي
- مريولك
-ايه
-ومنين نجيبهولك (زاد ضحك وليت نبلع ونغص)
قعدا عليه
-انا قعده عليه هاني وقفه
-شنوا معادش عرف روحك واقفه والا قعده انت سايي معادش
فيك وغمزني
-ياربي يكب كبوبو جلاطني وقفت يقلش عليا ضربني ضو مديتلو
مريولي .......ش....ددد شد وجيت خرجه ولحظه لنجي نصلي دعثرت في زربيه كان مشدنيش
في اخر لحظه .......
_هههههههههه يابنتي سايس روحك تتكسرش كرايمك نهار
المبروك
_سامحني مسيو غالي مريتوش
_شنوا لمريتوش(شدلي ايدي بيدو وجهي مقابل وجهو نفس متاعو
سخون في وجهي شلني ولد الحرام )
_ انا قلت ماريتوش ......اه تي نقصد زربيه
_زعمه مكش تقصد حاجه اخرا
_حاجه اخرا كي شنيه مثلا (قلبي يدق في الميه يدي عرقتك
شفايفي يرعشو نبلع في ريقي بصيف)
_ههههههه محلاك كيف تبدي دخله بعضك تزيد تزيان
_بديت نملص في يدي منو .....شنوا سي غالي لمره لفاتت من
كلمت محلاك بستني ومعتذرتش حتي بالفدلكه وقتلت سكران وتوا شنوا تحب تعمل
_انتي قلي شنوا تحب نعمل .....ظاهر فيك لتوا منسيتهاش
البوسه لتوا ماثرة فيك
_لا نسيتها خاطر متعنينيش اصلا
_ايه باين تي انا قريب نشك الي مكنتش معرسه حسيتك اول
مره تبوس
_اول مره والا ثاني مره حاجه متخصكش خليني نخرج سيبلي
يدي عيب لتعمل فيه
_باهي وسع بالك
_ باهي البس مريولك واخرج خليني نتولها باياد
_وعلاش نلبس مريولي ونخرج اخدم خدمتك وهاني قعد هوني
_باهي باهي علي راحتك
_حقا مقتليش وين كنت مخليا اياد ومشاورتش
_كنت في ......اولا شاورت وقلت لحليمه باش نخرج لحظه
ونجي
_وين كنت
_____كنت في الفارمسي
علاه لباس ....سألها وعلامة الخوف بينا في وجهو
لا راسي وجعني شوي هكا علاه وزيد حسيت بشويه سخانه
_كنت حطه اياد في حجري
قربلي حط يدو علي جبيني بقا يعدي
فها علي خدي وهبطها رقبتي يتحسس في سخنتي
_علاه مكلمتنيش وقتلي راني مريضه
_لا لباس هاني زرقت وشريت دوا
_ عندك شوي سخانه برا شد بيتك ارقد شوي وارتاح توا انا
وحليمه نتولهو باياد
_لا حكايه عاديه
_ مسالش خوذ بخاطري توا انا نجي نعدي عليك براشد بيتك
اكيد راك مكليت شي حتي من وجهك اصفر ياخي تكل انا عمري مريتك تكل بالكل
___لا نكل نكل اما منحبش حاجات طايبه ديما نواصي من برا
حاجات شايحه
_باهي برا شد بيتك من غير متعاندني
_باهي ......حطيت اياد في فرشو وخرجت وانا نرقل ليزي
بدنو عريان من فوق وزيد يلمسلي في وجهي دخلت البيتي ديراكت بدلت دبشي وتكيت في
الفرش منعرفش علاه حبيت فيها لحظه نكون مريضه بالحق خوفو عليا كان ظاهر في وجهو
بقيت نلمس في سخانه في وجهي وجهي نحس فيه باش ينفجر بسخانه حسيت حواسي متحالفه مع
مشاعري تشتاق للمرض لكي يكون سبب علتي هو مسعفي .....
سمعت نقر خفيف علي الباب حل الباب بعد مستاذن مني
_لباس مها توا شنوا تحس في روحك
_لباس مسيو غالي لباس صدقني شوي سخانه ومشات علي روحها
_لزم نتطمن عليك مدلي يدك خليني نقيصلك دم ..
ملي دخل وهو هو قسلي دم هو قاسلي سخانه هو شافلي سكر سمع
دقات قلبي مسيبني الا مطمن
دمك طايح شوي هاتوا نعطيك شوي تحاليل خاطر ظاهر من عينيك
انك عندك نقص حديد
_لا لباس شوي ارهاق وبرا (كان قعد فوق الفرش مقابلني وهو
يخزرلي يفلي في وجهي فليان مفهمتش علاه مركز معايا هكا )
_خاطر مكش بقية تاكل بالكل حليمه قاتلي الي عمرها ماراتك
تاكل من ماكلت دار جمله ديما تجيب حوايج
ناشفه من البرا علاه هذا الكل كول مناش باش نحسبو عليك راهو .....
_لا انا تعودت هكا منحبش مكله طايبه
_هاك جايبةمكينة قهوه هوني متقليش شبيك عنا مكينه لوطا
_ معرفتش شنوا نجاوب تلعثمت .....ماو انا ساعات نحب في
ليل نعمل قهوه تكيدني الهبطه لوطا
وزيد المكينه غالية عليا
_غالية عليك شكون هديهالك يطلعشي راجلي
_انا راجلي
_شنوا نسيت راجلك
_اه تقصد طليقي
_ ايه ايه
_ يعني هو لهاديهالك
_ايه تنقصد لا اففف شبيني انا دنيا سخونه برشااا هكا
علاه دخلت بعضي
_ ههههه خطيها دنيا موش سخونه انتي لسخونه
_شتقصد انا سخونه
_هههههه يابنتي شبيك حل مخك مك مريضه
_ اه ايه صحيح صحيح (مابهمني )
_ههههه باهي ملا نخليك ارتاح اهوكا حليمه باش تجيبلك
شربه لزم تكلها الكل اتنبعث توا يجيبولك دوا لزم تكلو اوكي باش ترتاح
_باهي يعيشك مسيو غالي
_80 دينار
_متاع شنوا
_ متاع الفيزيتا
_ اه (ملا مشحاح)
_ باهي لحظه نجيبهالك
_هههههههههههه يابنتي شد فرشك متعرفش الفدلكه توا جدت
عليك
_ههههه حتي انا زاده قلت ملا مشحاح
_ شقلت وقتاه قلتها
_ في قلبي ههههه
_صار متعوده تنبز فيا في قلبك
_ايه ديما ......اه لا نقصد لا ووه علاه بش ننبزك
_ههههههههههههه اهوكا نطق الحق ريتك كيفه ربي كشفك
_ ياولدي شكشفني ربي ليسمع يقول ندري شلقاني عملت
_ياولدي هههههههه باهي باهي يابنتي
_ مرسي مسيو غالي
_نحها هاذي مسيو غالي ومابينتناش وكيف موصيتك تستحاق
حاجه كلمني باي ......وغمزني بطرف عينو وخرج وهز قلبي معاه قداشو حنين وسيس عمري
محسيت بالاهتمام من شخص بطريقه هاذي منعرفش علاش كيف نبدي بحذاه نحس براحه
والامان لكن في ثواني مدق ناقوس الخطر
العقل اعلن العصيان وقد تمردا ضد مستهتر قادني للجنون اعتبره العقل
خائنا للوطن .........................
تعدات ايام وانا في حرب بين طرفين يعتران مركز القياده
في جسم اتعبه صراع عقلي وقلب عقل قوي مدرب علي تنفيذ الاوامر وقلب لين يتبع شعورا
ساميا دخل في جوفه بدون استئذان فايا ليته من ضيف
جاء سبت روحت لعيشوش كنت متوحشتها قد دنيا قضيت
قضيات وشوي كادوات ومشيت انا في قمة ساعده
هيا كل عايلتي دخلت نلقاها قعده في جنينه كي العاده قهيوه عربي تتشم من بعد امتار
مشيت ديراكت حملتها وانا نبوس ونحمل اكثر من شهر مريتهاش
_يابنيتي ها لخطا سعيد
_توحشتك عيشوش قد دنيا
حتي انا اياكبدي علاش مقتليش راني مروحه راني طيبتلك
عشاك
_ حبيت نعملك مفاجئه شقولك وشوف شنوا جبتلك
_ شه شه محلاهم يزين سعدك يابنيتي
_صحه عيشوش ايه
انا نطلع نعمل بانو نحي بيه تعب وانت اعملي كسكسي من يداياتك ملاح وكان تزيد عليه
قرون فلفل مقلي منقولش لا
_تدلل ياممو لعين هذا لبيك سويعه ونص يكون حاظر كل شي
_باهي هذا ساك اعطيه
خالتي منجية
_يقوي سعدك يابنيتي كيف منسيتحاش
كيفاه ننساها عشرت سنين تخدم هوني ويزي انها مهنيتني
عليك
باهي بنيتي اطلع ارتاح توا شوي اخر نطلع نفيقك دوش
وارتاح باهي
_ امممممواه بو زينو عيشوش
اي سلام
_ توحشت داري اكثر من شهر مدخلتلهاش بقيت نثبت في كل
تركينه فها طلعت لبتي اول مريت فرشي نقزت جيت فوقو قداه توحشت نوما عليه كيف
مايقولو وكرك وكرك دخلت ضربت ساعة وانا في بانو نحيت خمج علي قلبي تفرشكت وديراكت
دخلت في فرشي .........
_قمر عايش بنتي قوم لتوا راقده بنيتي
_امممم عيشوش خليني نرقد
_ بنيتي 7 توا فيق دنيا ظلمت قوم تعشي واسهر معايا شوي
متوحشتك ياديني
_ اففف علاه خليتني نرقد لتوا
_ بنيتي جيتك من بكري محبيتش تقوم اش نعملك قلت راهي
تعبه خلي ترقد
_باهي عايشوش حضرت لعشا
_ حاضر غير اهبط
برك
_باهي نبدل ونهبط
_باهي تمشيش ترجع ترقد
_لا متخافش جيعانه باش نموت
هبطت نلقا طاوله فيها كل الخيرات علاه عايشوش تعب في
روحك هكا توا (بستلها يدها)
_صحه لبنتي نعرفك متوحشه مكلتي قلت خلي نصنفلك شوي
_خالتي منجية شنوا حوالك لباس
_عيش بنتي لباس
_ وهبطت بيدي وبساقيه سا عه وانا ناكل ولتوا لشبعتها
_يابنتي كل بشوية لتغص سمله ياخي ميوكلوش فيك غادي
_بربي عايشوش خليني ناكل بالله لعظيم معدتي وين لصقت
مسندويتشات والبيتزا
_سمله علي بنيتي سمله كل حتي انتي ضعفت قول مكفنه ومغسله
_هههههه خدمه اكاهو اش نعملو
كليت للي كرشي نفخت وزاد ختمتها بكويس تاي اخضر منعناع
يعمل سته وستين كيف
ليلة كامله وانا وعيشوش نهرو عديناها سهريه لصباح وزاد
ختمتها بنومه في حضنها
فقت صباح كي العاده نلقا الفطور منصوب في جنينه صبحت علي
عيشوش وفكيت من يدها الجريده
_صباح نور
صباح الفل يابنيتي
عيشوش باش نفطر وخارجه عندي خدمه سوعتين ونجي باهي
_ علاه يابنتي وقتاه جيتي من الخدمه باش ترجعلها
_اكاهو اوامر ياعيشوش
_ عندك الحق بنيتي الاوامر اوامر
_هك قلتها
_باهي افطر في عقلك
_شبيك نحسك تحب تقول حاجه
_لا اما فما مسو جاك اقراه
وينو
لحظه نجيبهولك
لحظات وجاتني رسالة فيها طابع في شكل ختم ومكتوب بجنبو 5
جانفي 1988هذا تاريخ ولادتي استغربت ديراكت حليتو وبقيت نقرا من هول صدمه طاح كاس
القهوه من يدي
.......عايشه شكون لجاب الماسو قلي
_جابو بستاجي ومشا
_ بستاجي ههههه علاش شكون تعادي فها قلي شكون جابو والا
سؤال الاصح انتي شكون قلي
_ علاه تقول هكا
_علاه انت عميل استخيراتي صح جاوبني
_بنيتي افهمني انا عمري لحسبتك مجرد خدمه صحيح عاينوني
باش نكون حامي ليك اما .....
_اما شنوا جاوبني شكون عطهولك تعرف شمعناها المعلومات
لموجوده هوني تعرف والا
_ والله يابنيتي لا قريتوا ومنعرفش شنوا مكتوب انا
امروني باش نسلملك الماسو وقالولك لزم تعرف الحقيقة
انا شكون شكون امي وبابا
_....
_جاوبني
_والله منعرف كل لنعرفو نهار لجابوك لاسوس دخلت باش
نتولها بيك وكانت لزم تتعامل معامله خاصه وتقرا في ظروف باهيه وتقرر انك تعيش في
الميتم ويتم تبنيك في سن متاخره
_علاه
_منعرفش كل لنعرفو الي لزم تعيش اليتم وتعرف انك يتيمه
وانك قلبك يكون ميت وانك .....
_اني شنوا
_ جات تعليمات انك لزم يتم تبنيك لاكبر كادر في جيش وانو
هو لجندك ويعلمك حب الوطن
_ حتي العايلة كذبتو فها عليا يعني هوما تبونوني تحت
تعليمات
_ للاسف لكن هوما حبوك انتي تعرف الي امك هاله حبتك
برشاا وخواتك زاده
_ ماهومش خواتي كنت متاكده انو فما حكايه غريبه لتبنيهم
ليا ....علاش اختفوا في يوم ليله معادش سمعت عليهم خبر تعليمات زاده
_ صدقني لا نعرف لحكايه هاذي اوامر معنديش بها علم اما
لنعرف انو ها لعايلة شماعه لماضيك يعني انتاسبك ليهم كان في صالحك كان لزم تكون
بنت فلان باش تدخل لها سلك وتتعامل بمعامله حسنه
..................كنت شده راسي مابين يدي مخي وقف مانيش
متصوره حجم تعقيدات لفي حياتي ناس تقرر وتخطط في مصيري وانا منعرفش حتي اني مجرد
مريونات يتلعبو بهم كيف محبو كنت نسمع في بكاء امي عايشه وانا راسي باش يتفجر
معادش حامله ها العذاب ليزي اليتم والكذب والغداع خرجت علي امل نفهم راسي من ساقيا
خرجت نمشي بخطي مهزومه نجر في اذيال خدعه لاعرف اكنت ضحيتها ام نفذتها
...................
قالوا: اليتيمُ، فقلتُ: أَيْتَمُ مَنْ أرى . . . . . . مَنْ كان
للخلُقِ النَّبيل خَصيما
قالوا: اليتيمُ، فقلتُ أَيْتَمُ
مَنْ أرى . . . . . . مَنْ عاشَ بين الأكرمينَ لَئيما
كم رافلٍ في نعمةِ الأبويْن، لم .
. . . . . يسلكْ طريقاً للهدى معلوما
يا كافلَ الأيتام، كفُّكَ واحةٌ .
. . . . . لا تُنْبِتُ الأشواكَ والزَّقُّوما
ما أَنْبَتَتْ إلاَّ الزُّهورَ
نديَّةً . . . . . . والشِّيحَ والرَّيحانَ والقَيْصُوما
أَبْشِرْ فإنَّ الأَرْضَ تُصبح
واحةً . . . . . . للمحسنين، وتُعلن التكريما
أبشرْ بصحبةِ خيرِ مَنْ وَطىءَ
الثرى . . . . . . في جَنَّةٍ كمُلَتْ رضاً ونَعيما
قالوا: اليتيمُ، وأرسلوا
زَفَراتهم . . . . . . وبكوا كما يبكي الصحيحُ سَقيما
قلت: امنحوه مع الحنانِ كرامةً .
. . . . . فلرُبَّ عَطْفٍ يُوْرِثُ التَّحطيما
ولَرُبَّ نَظْرةِ مُشفقٍ بعثتْ
أسىً . . . . . . في قَلبه، جَعَلَ الشفيقَ مَلُوما
قالوا: اليتيمُ، فَمَاج عطرُ
قصيدتي . . . . . . وتلفَّتتْ كلماتُها تَعظيما
وسمعْتُ منها حكمةً أَزليَّةً . .
. . . . أهدتْ إِليَّ كتابَها المرقوما:
حَسْبُ اليتيم سعادةً أنَّ الذي .
. . . . . نشرَ الهُدَى في الناسِ عاشَ يَتيما
خبّروني ماذا رأيتم ؟ أطفالا. . .
. . . يتامى أم موكبا علويّا ؟
كزهور الربيع عرفا زكيّا. . . . .
. و نجوم الربيه نورا سنيا
والفراشات وثبة و سكونا. . . . .
. و العصافير بل ألذّ نجيّا
‘نّني كلّما تأمّلت طفلا. .
. . . . خلت أنّي أرى ملاكا سويا
قل لمن يبصر الضّباب كثيفا. . . .
. . إن ّ تحت الضّباب فجرا نقيّا
أليتيم الذي يلوح زريّا. . . . .
. ليس شيئا لو تعلمون زريّا
إنّه غرسة ستطلع يوما. . . . . .
ثمرا طيّبا وزهرا جنيّا
_كنت وقفه بكل شموخ امام بحر ثائر بحر غاضب
لمعناتي وسماء حزينة لخداعي فكم من سؤال جال بخاطري من انا ولما انا وكيف انا
...... انا الانا نكره انا اليتيم انا العبد الفقير انا المظلوم انا الممثل
المكلوب بت اكلم نفسي واجيب انت شقي الملعون انت المتشرد اللقيط انت الضعيف انت
المدمر انت المتغطرس لانا تدعي انك صنعتها بذاتين مهشمة بقلب مخذول وبعقل يدعي
القوة وصمود وهو الفقير لاتخاذ ابسط قرار يخصه فبت امثل تارة اني قوية وتارة اني
متمرده ......لكن هيهات 28 عشرون سنه تعلمت ان انفذ القراارت باذان صاغية وقلب
طائع وعقل خاضع وفم لا ينطق الا ........"علم سيدي "........."حاضر
سيدي "
وبدت سماء تبكي لحالي والبحر يصرخ معلنا حربا علي يتيم حائرا ليس
له مكان ياويه فانا ملك لغيري انا الانا ضائعه التائهه الحائره .......كم انت مغفل
ايها العقل الرصين اتدعي الانا وانت لا تعرف من انا .....................ايا قدرا
رسمه الله لي .............فنوفذ فعبدك الفقير ..........اسالك رحمة بي اراف بحالي
ودلني علي سؤالي .......................
منعرفش كم مرات من ساعات امام بحرين ثائرا يرثي حالي ثيابي تبللت
من بكائي سمائي فصرت ارتجف بردا وارتجف خوفا من حاضري ومستقبلي للحظات نسيتو من
انا ........معنديش عايله ولا اصحاب لمن نشكي حالي حتي العايله لكنت فرحانه
بوجودها في حياتي اختفت والي اليوم من 4 سنوات منعرفش علاهم حتي معلومه ولو بسيطه
وكان الارض انشقت وبلعتهم ...........وبعد استنجادي جاء منقذي
_ قمر علاه هكا قلي شبيك عامله في روحك هكاا
_عصام امان هزني لدار نحب نرتاح
_علاه عامله في روحك هكا
_ امان متسالنيش
_ باهي (حملني في يدو وحطني في الكرهبه وانا نرقل كي قصبة ريح )
_ باهي وين دارك
_ هزني لدار متاع الخدمه
_ باهي هدي روحك
_دخلني لدار وانا وجهي ازرق وبدني زرق من البرد حوايجي شاحو
فوقي ديراكت مشا عبالي البانو بالماء سخون
وهزني حطني بحوايجي منعرفش قداه بقيت علي
قد مستحليت الماء قتلو خليني فيه
امان خليني وحدي
_ باهي اتوا نجيبلك دبشك اغسل حالتك وارتاح هاني نستنه فيك البرا
_باهي
_ عصام يحكي
وقت لكلمتني قمر قلبي تقبض وانا نسمع فها تبكي وتستنجد بيا باش نجي
نعاونها منعرفش كيفاه هزيت مفاتحي وخرجت نجري قلبي مقيلي خير منحملش فيها دقة شوكه
من 4 شهور عرفتها لكن ولات تعنيلي كل شي في حياتي حبها سرا في قلبي وملكني انا
لمكنتش نامن بالحب في لحظه تقلبت كل الموازين كيف ريتها قدام لبحر وهيا في الارض
مبلوله منعرفش كيفاه مشيت نجري نلقاها تبكي وجها ازرق من البرد حسيت بالم عمري
مختلجني اعصار اجتاح كياني وقت لترا محبوبك بالحاله هذيكه هزيتها في حملتي روحت
بها لدار حطيتها في البانو باش ترجع سخانه لبدنها
كانت لبس سرفاتمون في الباج ظهرتلها كل مفاتنها كيف تبلت مخي تبلنتا هيا
بذات منحبش نفكر بها بشهوه حبها اسمي من أي شهوه وخوفي علاها طغي علي تفكير شهواني
وقت لطلبت مني اني نخرج خرجت هرب من ضعفي وكانها انقذتني بهذا طلب........حضرتلها
دبش في بيتها وخرجت للبلكون نتكيف ونفكرفي سبب يخليها تكون بها ضعف هذا اكيد
مايكون كان راجل الا الغيره تعمل في الانسان هكا شنوا لصارلها باش تكون بها الياس
هذا ديما نراها قويه عمري مريتها متاثره وبدا قلبي يقبض عليا خايف لتكون عندها
شكون غيرت منو وكان نلقاها توا قدامي من فتفتو شكون ليخالها تكون بها الياس
.......... رجعت لبيتها دقيت حبيت نطمن انها لباس سمعت صوتها ضعيف مهزوم وهيا طمن
فيا .............باهي قمر اهوكا دبشك فوق سرير
البس حوايجك واخرج مدام كلمت شكون
يجيبلك حاجه تكلها .....كلمت صاحبي وصيتو علي قضيات ويجبلها مكله سخون دافي بيه
بدنها ودليتو علي العنوان وين
..........قعدت في صالون نستنه فها علي امل انها تخرج باكو دخان كملتو في
ربع ساعه ريتي شايطت ومخي حبس في نفس صوره لريتها فها.............رجعت دقيت الباب
.....قمر خرجت مدوش قمر جاوبني قمرمتفجعنيش والا باش نحل الباب.منغير منشعر دزيت
باب لبيت لقيتها قعده في تركينه لبسة كاب دو با وشعرها مبلول يقطر وهيا تبكي
مشيتلها نزرب قلبي تخلع شنوا لخلاها تكون هكا ...
قمر شبيك ملبستش حوايجك باش تمرض علاه هكا شعرك يقطر
مشيت جبت منشف وبديت نشفلها في شعرها وهزيت حطيتها في الفرش لوجت
علي سشوار شيحتلها شعرها ودموع من عينها محبتش تكف .....قمر يعيشك قوم البس حوايجك
دنيا بردا وكان فما حاجه مقلقتك قولي علاها فما حاجه توجع فيك جاوبني....
_قلبي عصام قلبي يوجع تنجم تشفيه
_(كنت متاكد انو لحكاية فيها راجل ) باهي قمر لطف عليك لزم تكون
قويه كان تحب نجيبلك طبيب نكلم صحبي يجي توا
-ياريت مرضي جا يداوا راني مشيت لطبه الكل
_ مفماش حاجه مفيهاش دوا
_ الخداع وظلم ماليشو دوا
_ فما ربي توكل عليه علي ظالم وكان فماشكون اهانك انا نخذلك حقك
صدقني انا نحرق الاخضر واليابس علي خاطرك غير انتي قلي شبيك
_ياريت جيت تنجم تعاوني تنجم تغير القدر تنجم تغيرلي حياتي تنجم
تمحيلي عذاب سنين تنجم تعملي بو وام تنجم وتنجم ......مينجمش حتي حد
_ علاش تحكي قمر انت مرا مزينه صغيره شوف وظيفتك الاف يتمنو
يكونوكيفك بنت العقيد كمال........ وماادراك .........
اسسسسس مانيش بنت حد كمال مهوش بابا انا مجرد مهمه اداها ونجح فها
_شنوا تحكي انتي قمر اكيد خجيت من السميطري لكليتو علي جنابك
_ياريت عصام ياريت نكون مهبوله ياريت جا مرفوع عليا القلم علي اقل
ننسي الواقع لكن هذيكا هيا الحقيقه نحب نحكي نفرغ قلبي قلبي باش يترشق
_ باهي لحظه بدل دبشك صاحبي يطلب فيا وصيتو علي عشا نهبط نخذومن
عندو ونجيك باهي دقيقه_ باهي
_هبطت للقيس وانا نفكر في كلامه لمستحيل يكون منطقي خذيت قضيات من
عندو حطيتلها عشاها في سينيا ورجعتلها
لقيتها لبسه حوايجها وتخزر لشارع من شباك بيتها ستاذنت منها وخليتها تكل عشاها
بصيف عطيتها حرابش وجيعة راس وقعدت بحذاها
متشوق للاسرار لباش تحكاها
قمر تحكي مكنتش نعرف الي عصام باش يعاوني ويقوم بالواجب معايا صحيح
هو زميل خدمه لكن نرتاحلو برشاا علا هكا لتجات ليه هو وكيف متوقعت مقصرش كانت غصة
في قلبي نحب نحكاها ونرتاح وبديت نحكي وكاني مصدقتش اني نفرغ لفي قلبي .
_احكي قمر ساعات لحديث
يرتح الانسان تكلم وعبر انا نسمع فيك
_اول موعيت علي دنيا لقيت روحي نعيش في ميتم كبرت غادي وقريت عشت
ذل والمهانه من كلام ناس ومن خزرة تلامذه لنقرو معاهم ديما كلمة ولد حرام تبع فيا
لكن تغلبت علا خوفي من ناس وتشجعت حاولة نكون حاجه صالحه برغم ديما يهينوني باني طالحه من زرع حرام ونسكت ونحط في قلبي كنت
ذكيه في قرايتي متفوقه وكانو معلمين كل يشهدولي بهذا وكانت امي عايشه هيا سندي
فيها
دنيا حسبتها كيف امي لكن ظهرت خائنه كيفهم الكل...........(كنت
نشوف في علامة ذهول في وجه عصام وشفاقة في بعض الاحيان .....ايدي عرقت حسيت روحي
مذنبه ومرتكبه جريمه انا معملتهاش انا ضحيت تسرع زوز اشخاص قرروا وبكل انانيه
يجيبوني لدنيا )
_كمل قمر احكي
_ وقت لنجحت في نوفيام تبناتني عائله كمال......عيشت معاهم كاني
بنتهم للي وصلت للباك وتقرر اني ندخل للاكادميه كيف رفضت عرفت من سي كمال انو كان
مجبور انو يتباناني باش يتولها بيا ونتسمي باسمو باش ندخل نقرا في كنف سريه لخدمة
الوطن وهذا لكنت متصورتو لليوم اكتشفت الي عشت في كذبه اليوم عرفت الي عايشه لمرا
لربتني في الميتم وجبتها تعيش معايا عميل سري
حطتوا الاجهزه باش تخدمني وتتولها بيا وعائلة كمال كانت زاده طرف في مهمه وقت لتم
انتهائها خرجو من حياتي كانهم مكنوش موجودين فيها يوم
_قمر
_مزال خليني نكمل الحكايه مزلت مافظع
اليوم اكتشفت الي انا عميل لاجهزه غير اجهزة نظام
_شمعناها مفهمتكش
_انا زاده مانيش فاهمه
كل لقالو في رساله كاوامر
انت في خدمتي بالامس واليوم وغدا
_شكون لبعثلك رساله
منعرفش
_ يزي قمر انت موظف بالوكالة الاستخبارات وهذا بالوثائق اكيد لقالك
هكا عندو علاقه بالمهمه متاعنا انا متاكد
_ حتي انا هكا خممت علاش في توقيت هذا بذات تجيني رساله وقت لانا
بديت فيها المهمه اكيد يحب يشتتلي تفكيري ومنركزش
_باهي هدي روحك توا وارتاح شويه شوف وجهك كيفاه والا
_اكيد تبدلت نظرتك ليا
_ مهبوله انتي مقامك ديما عالي انتي متعرفش توا قداه زاد كبرت في
عيني انك تكون بها القوه هذي والمكانه هذي حاجه موش سهله انت قوية برشااا وانا
نشهدلك بها ونحترمك ارقد توا وغدوا نحكو باهي
باهي
_عصام يعيشك انت نعم صديق
_ باهي صديقتي انا هاني في صاله تحتاج حاجه قولي
_ تصبح علي خير
..
_خرجت من البيت وانا
قلبي مقبوض حاسس بخنقه في صدري خرجت لللحوش البراني بقيت نخمم في كلام قمر سبحان
الله قداش حامله في قلبها ليراها يقول معندهاش مشكله في حياتها صحيح ديما جديه في تعاملها ورصينه في
تصرفتها مكنتش نظن القوه لعندها وراها ماضي مظلم دموعها كانت كيف سكينه المغروسه
في قلبي وعد مني من اليوم انا عايلتك لزم نظهرلك حقك ورجعلك بسمتك بقيت نخمم في
حالها ساعات ..........قلت خلي نطلع نتفقدها دخلت لبيتها كانت متلكمته علي
كوفيرتا وجها مغصور احمر يقطر بالعرق مشيت
نجري نلمس في جبينها نلقاها تقلي بسخانه ..............قمر فيق قمر يعيش
_غطيني با....باش نموت بالبرد
_ باهي لحظه
_ ياربي مابهمني مخلاها وحدها مشيت جبتلها
زوز كوفيرتات اخرين وكلمت طبيب صاحبي باش يجها عملتلها كمادات باش تهبط سخانه شوي
ساعه وهيا تقلي منسمع كان في انينها وكلام تهتري بيه مانيش فهمو ._قمر لطف عليك
ياريت انا ولانتي مستحسب نخليك وحدك انت من اليوم هذا عايلتي حبيتي كل حاجه في
دنيتي قوم متعودتش تكون بها ضعف منحملش راك تتوجع قوم قمر ............سمعت لباب
يدق خرجت وانا نمسح في دمعه نزلت علي خدي غلبتني ..........دكتور مرحبا تفضل ..بعد
لعدا علاها طبيب قلي لهيا خذات برنشيت قوي .......كيف راني وحدي مشا هو جاب دوا من
الفارمسي زرقلها وشربتها دواها وغطيتها وخرجت نشيع فيه .....يعيشك دكتور نعرف صاحبي
راجل ....
_كلام عصام معادش تقول هكا مابينتناش
مزايك سابقه متنساش كان مطحتش سخانه زيد اعملها كمادات اما ان شاء الله بعد
زوريقة (اينيداكس واسبيجيك )ترتاح وكلها
دواها ومتنساش تتغذا بالقدا بين علاها نقص لحديد
_اوكي دكتور يعيش اي رود بالك علي روحك
_مشيت لبيتها ليله كامل هوانا قعد بجنبها
نتامل في وجها الملائكي سبحان الله حتي بعد المرض وتعب مغريه اه ياحبيتي الجميله
.......
خرجت مع سته بعد مطمنت انو سخانتها نزلت
مشيت شريتلها فطور صباح دار مفيهاش سفه سكر كملت قضيت وتعديت علي فطاير خذيت كعبات
فطاير وروحت نزرب قبل ماتفيق دخلت حطيت القضيات في الكوجينه طلعت نلقاها لتوا
راقده .......عودت رجعت نطيب ونميل في راسي طيبت عضام وقهوه عصرتلها برتقال حضرت
سينيه وطلعتلها لزم تكل بالباهي باش تكل دواها
......بديت نفيق فها وهيا تقول في عالم اخر هههههه صبر ملا كسوله
-قمر قوم ياقطوس صبر قداه ترقد
_اممممم خليني نرقد
_ قوم قالو نرقد كان نخليك قرن راقده ظاهر
فيك متقومش ملا كسوله
_ (قامت مفجوعه)عصام اش تعمل هنا
_اش نعمل هنا بربي تفدلك والا تحكي برسمي
صبح ساحه وبعد توا نقلك شنعمل
_ صباح الخير(خزرت لسينيه لمعبية
بالمكله)متقوليش هذا كل ليا
_ لا ليا انا جعت قولت خلي نجي نفطر في
بيتك
_ههههه يزي بلا ظمار تفكرت توا علا ش انت
هوني يعيشك عصام تعبتك معايا من امس وانت تعاني
_ شنوا هاذي نعاني انا نعانيك العمر الكل
ومعنديش مزيه باهي صغرون
_ههههههه حلوه هذي صغرون (تكح )
_سمله عليك اشرب الماء
_ قراجمي توجع فيا برشا
_ ماو من هبالك قده قدام لبحر في البرد
وزيد تحت المطر كان شتا متخوش برد
_ باهي باش تبقي تعتيني محاضره توا خليني
نقوم نغسل حالي ونفطر راني باش نموت بجوع
_ باهي سامحني ادخل ريقي لاموك هاني نستنه
فيك
_كلمت الخدمه علي كونجي ليا انا بنهارين
وزيد كلمت صحبي باش يهز سرتفيكا لدار غالي
_ ايجا قمر اقعد ريت لفي طاوله الكل لزمك
تكلوا
_ باهي
_بقيت نخزرلها كيفاه تكل وجها مفيه حتي
علامه بين تخمم دخلاني نعرف شمعناها عبد يمثل الفرح وهو من داخل حزين
كمل قمر علاش قصيت
_ يزي عصام صدقني شبعت
_ باهي صحه خوذ دواك باش ترتاح وارجع شد
فرشك طبيب منبه عليك باش متقومش
_ عصام مرسي منعرفش كيفاه نرجعلك مزيتك
اما لزمني نمشي نخدم توا مك تعرف اكيد راهم يتانو فيا
_ سايي بعثتلهوم سرتيفيكا
_ ..........احسن حاجه عملتها حتي انا
يلزمني نراجع روحي (تكح )
_باهي متعبش روحك ارتاح توا بعد نحكو
_عاودت رجعت الفرشي وانا نخمم في مستقبلي
في ناس لعتبرتهم عايلتي في مصيري وفي رساله لجاتني وقلبتني كل موازين حياتي شكون
لانا نخدم عندو سؤال بقا يجول في خاطري
وملقيتلوش تفسير
_تعادو نهارين مفقتش من الفرش ليزي المرض
الجسدي زاد علي مرض نفسي نفسيتي ولات في صفر وليت نشك في كل شي بديت نعمل في
مقارنات بين ماضي بعيد وماضي يكاد قريب ملقيتش حتي حاجه تثير ريبه جل العمليات
لخدمتها كانت باوراق قانونيه مفماش مهمهات خدمتها لاطراف معينه كلها تحت اوامر
وزارية وهذا لزاد دخلني بعضي زعمه لعبة والا كاميرا خفية لزمني نقوم لعايشه نفهم
منها حتي حاجه بسيطه ....قمت لبست دبشي وغسلت وجهي هزيت شعري كعكه الفوق حتي
المشطان ممشاطوش ....لقيت عصام يشرب في قهوه ويتفرج علي تلفزه
_علاش قايمه من الفرش شو وجهك كيفاه اصفر
_عصام لزمني نمشي العايشه لزم نفهم منها
الحكايه عايشه هيا الوحيده لتعرف انا شكون وشكون لبعث رساله
_قمر يزي بلا لعب مزلت مريضه ت يشوف روحك
كيفاه وجهك اصفر وينيك محوقه وانت ترقل عايشه موش هربه منك كيف ترتاح توا تمشيلها
_علاه مكش حاب تفهم لزم نعرف انا شكون
عصام تعرف شمعنها انك تشك في روحك في خدمتك في حياتك انا شكا في كل شي توا حسه روحي
في داومه ضايعه امانك عاوني لزم نعرف انا شكون والا شنيه لعبه لحبوا يدخلوني فها
تعرف شمعنها وحد يقلك انت تخدم عندي من امس موش من اليوم معنها انا خاينه
_ خاينه شو مسهلها الكلمه ناس الكل تشهد
بواطنيتك مفماش شكون ينجم يتجراء ويقول غير هذا انت من اكفاء الظباط لمعانا وانا
تشرفت انك انت ضمن سريا متاعي امر فرحني انو شخص بكفاتك يكون عنصر فاعل في مهمه من
اعوام وانا نخدم علاها
_ وهذا انا امر نتشرف بيه لكن لزم نفهم
راسي من ساقيا لزم نتاكد من حاجه وبعد نكمل المهمه
_ شنيه الحاجه لتحب تتاكد منها
_ تصدق منعرفش علاش نلوج بظبط وشنوا شك
بظبط
_ باهي هاذي روحك توا نعملك قهوه رتح بها
عصابك ونفكرو في حل مع بعضنا باهي
باهي عصام شنوا تحبني نقول غير باهي
_ هككا نحبك تسمع الكلام
_.......انا جيت ماشي نطيب في قهوه والباب
دق
_عصام تتستني في حد
_لا قمر شكون زعمه لطبطب
_ علمي علمك
_ باهي كان واحد من جيران وجا يسال علي
مها قول لانتي اختها وانا طليقك كيف متفاهمنا
_باهي باهي
_ هدي روحك تصرف علي طبيعتك
_وقت لحليت الباب اخر شخص كنت نتصور اني
نلقاه ......غالي بشحمو ولحمو قدامي تمنيت لثواني اني نخرج مسدسي ونفرغوا في صدري
اما صحه ليه
غالي ...._ سلام عليكم
_ وعليكم سلام تفضل خويا باش نجم
نعاونك(سكيت حسبت روحي منعرفوش)
-بالله هاذي دار مها القديري
_ايه هاذي دارها حاجتك بحاجه شكون سيادتك
_ انا غالي هيا تخدم مربيه لولدي قالولي
لهيا مريضه علا هكا حبيت نطمن علاها
_ اه تفضل سي غالي اهيك قعد في صالون مرضت
شوي علا هكا مجتش ها النهرين
_غالي يحكي
_ ملي روحت مها وانا عايش لي عصابي زاد
مشاكلي انا منال كملت عليا توحشتها نهارين وانا نستانه وقتاش تجي ونشبع من شوفتها
مكنتش نتصور انو شخص تعرفت عليه في اسابيع باش يخذ كل تفكير ويشلو عن الحركه
لساعات نبقي نتفرج علاها وصلت دخلت لبيتها شميت عطرها وحضنت مخدتها ممكن هكا مليت
شوي من فراغ بعدها لكن وقت لجا الاثنين جاتني سرتيفيكا الي هيا مريضه بقيت متحير
علاها وزيد طلبتها تلفونها مسكر منعرفش حتي حاجه دلني علاها صبرت علي امل انو غدوا
تجي لكن تعادو نهارين ومجاتش كل تفكير كان عندها وكمل عليا اياد بسؤالو عليها حتي
ولدي تعلق بيها وصل يبكي باش نهزوا لها لقيتها سبب باش نمشي نطمن روحي ونتسبب
بولدي انو توحشها لوجت علي ملف متاعها خذيت العنوان هزيت اياد وانا متشوق للقاءها
دخلت لحومه كلها زناقي حومه شعبيه سالت علي دار مطلعتها كان محلقي والا في قفايا
خليت اياد في كرهبه وهبط لدار بقيت ندق
للحظات لكن يخيبة المسعي حلي الباب راجل اسمر طويل كان يخزرلي في نظرة غامضة اعتقد
لثواني انو يعرفني كيف سالت علاها قلي الي هيا في دار رجعت جبت اياد وجبت بوكي
نوار جايبو في يدي واياد شريتلو باكو شكلا ميجيش ندخلو يدينا فارغه دخلت لقيتها
قعدا علي كنابي وجها اصفر وعينها محوقين وجها ظاهر عليه تعب قلبي تخلع كيف ريتها
بالمظهر هذاكا اول مره نراها بضعف هذا بقيت متمسر في بلاصتي لعرفت نقدم لنوخر
محسيت كان بيد اياد فلتت مني ومشي يجري عنقها بقات تبوس فيه وتعنق حسيت عينها
تملات بدموع قدمتلها وحطيت البوكي فوق طاوله ومديت يدي باش نسلم علاها _
_قمر لباس حيرتني عليه
_لباس مسيو غالي يعيشك شوي ارهاق
-لطف عليك مشيت لطبيب صوتك تاعب ظاهر مخذه
برونشيت
-ايه سايي شفني طبيب وخذيت دوا يعيشك
اياد _ سبيك ميمي عندك احه في قراجمك
_ايه ياروح ميمي عندي احه هوني (حطتلو يدو
صغرونه في رقبتها )
_ان ساء الله توا تبري عود مامي ومتمسيس
حفيانه باس متمرضش
_ههههه باهي يادكتوري صغرون توا نتبع
نصائحك
_ هههه ايه انا دكتور صغرون وكيف نكبر
نوالي دكتور كبير كي بابا
غالي – سامحني جيتك من غير منقولك جيست
تحيرنا عليك واياد كل نهار يسال عليك علاهكا جيت (بقيت نخزر لراجل لواقف بحذا
الباب متحلحزش من بلاصتو ملي جينا وهو يخزرلي ندرا كيفاه)
_لا مرحبا بيكم دار داركم حتي انا توحشتو
اياد اما الله غالب القريب عمل فيا منجمتش نقوم
_موش مشكل المهم صحتك
_يعيشك مسيو غالي شنوا تحب تشرب
_ لا من غير متعب روحك انا اصلا باش نقوم
ا نشاءالله خليتلك شفا
_ لا خليك ميجيش تراوح من غير متشرب حاجه
(جيت قايمه قلي عصام ارتاح توا نجيبلهم انا)
_مقتليش شكون هذا خوك
_ لا موش خويا
_ عصام جاوب .....انا طليقها ايمن .......
_كانو فجر قنبله في وجهي ياريني مسالتو ها
سؤال لكن خوفو علاها ونظراتو اكدتلي شكوكي انو مستحيل يكون خوها علا هكا سالتها
لكن سؤال شيعمل طليقها في دارها وحدهم .....
_ موش قتلي الي طليقك يعيش البرا علاش هو
معاك
_ علي خاطر انا مريضه جا مخلنيش وحدي وهو
ديما يمشي ويجي وكيف جا يطل عليا لقاني مريضه
_وعلاش مكلمتنيش راني جيت(يحكي وراس علي
سنيه بالعصب)
_ فاش قام نكلم فيك مسيو غالي انت شخص
نخدم عندو موش مضطر باش تتوالها بيا انا
_ بالله هكا انا مجرد شخص ......باهي مها
اعمل ليظهرلك خليني نقوم ظاهرلي قلقتك
_ لا غالي مقلقتنيش اما محبيتش نحيرك هكا
علاه
_باهي مها ارتاح وكيف تحس روحك لباس ارجع
اخدم علي روحك ايا اياد قوم خلي تاتا ترتاح
_لا بابا خليني نقعد معاها انا متوحثها
برثاا منحبس نروح
_ خليك غالي اشرب قهوه
_ لا يعيشك قمر خليني نروح زيارة لمريض
خفيفة من كثروش عليك انتي ديجا تحكي بصيف
_دخل عصام في يدو طبق فيه حلو وقهوه لغالي
وعصير لاياد مدلو وهوما يقحرو لبعضهم مفهمتش شباهم خايفه لا عصام يفضح روحو بديت
نكح بلعاني
_خوذ الماء سمله عليك (عصام مدلي الماء
وهو مفجوع) يعيشك ايمن لباس لباس .....وغمزتو باش يفكها شوي
_ غالي ...لطف عليك مها لزمك راحه كحتك
شايحه خوذ دواك وكول حاجه سخونه باش تسرحلك قراجمك
_يعيشك مسيو غالي
_باهي انا خليني نمشي ايا اياد يعيش ولدي
خلاها ترتاح توا غدوا تجييك اوكي
_ يازو باس تجي ميمي غدوا
_ ايه كيف نرتاح غدوا نجي لولدي باهي ايجا
بوسني ......امممووووواه .....مابنو ولدي الغالي
_يعيشك مسيو غالي علي زياره
_ معنديش مزيا مها تستحق حاجه كلمني اوكي
-عصام .....متستحق حتي حاجه ارتاح انتي
_احمممم ههه شنوا ع.....ايمن
_غالي موش مشكله مدام مها نخليك توا نكلمك
في ليل نطمن عليك بسلامه
_ بسلامه.....سلمت عليه وبست اياد وهو
مسكين كان زاد شوي راهو بدا يبكي
رجعت لعصام متحزمه
_ شبيك عصام هبلت شبيك تخزرلو هككا وتحكي
معاه بطريقة هذيكا قولي
هبلت قريب تشلق علي روحك
_وسع بالك وشبيك كبسه روحك هكا كيفاه
تحبني نحكي معاه بالله راجل قتال ارواح يتاجر باعضاء ناس تحبني نعرضو بالاحضان
_ مقتلوكش احضنو كي تراه اما علي الاقل متشلقش
بروحك تي قريب تحطلو مينوت في يدو راجل
_ لو كان جا ليدي راني جبت الفرد وحطيتلو
كرتوشه بين عينيه
_ لطف عليه (قلتها من غير منشعر)
-بالله قمر خايفه عليه
_ لا مو هكا اما لتوا معناش دليل ضدو وانت
تعرف المتهم برئ حتي تثبت ادانته .....
_ وشنوا ها تبرير هذا الكل مكنش كلامك هكا
قبل متبدي المهمه والا زعمه ...
_زعمه شنوا سي عصام احكي شبيك سكت
_ لا شي اما نظرتو ليك موش متاع راجل تخدم
عندو مرا
_ وكيفاه ريتها نظرتو بالله يا والله حوال
_ شوف قمر انا راجل ونعرف نظرة راجل لمرا
وخاصة لو كانت نظرة اعجاب راجل جايب نوار وشكلاه وجايك يلوج من حومه لحومه باش يطل
علي مربية ولدو علا شكون تجد هاذي
_بالله وهكا احنا شنحبو انو يكون معجب بيا
(قلتها والفرحه بين في عينيا )موش هاذي اوامرك والا نسيت ظاهرلي خططتنا ماشيه
وتتنفذ
_ وانتي
_شبيني انا
_ يعجبك
سؤال نزل عليا كصاعقه
_اكيد هبلت انتي مجرد هدف بنسبالي وبربي
يزي بلا تخلويض وليت تقرا لغة العيون والا تتلعشي تقزا مافي باليش هههه
_ هههه اضحك اضحك ان شاء الله مايكونش لفي
بالي صحيح ياقمر
_ متخافش تفكير كلو غالط
_ ان شاء الله ( قلبي مقيلي خير انا راجل
ونعرف نظرة الحب في عينين وغالي كان عينو فضحينو من رجفة صوتو وكلامو تفهم الي قمر
تعنيلو حاجه لزم نتصرف ونخرج قمر من
المهمه باقرب فرصه مستحيل نخلاها في فم المدفع )
_عصام فاش سارح نكلم فيك
_ اه لا معندي وين سارح شبيك شنوا تحب
_ لزمني نمشي لعايشه لزم نحكي معاها
_ باهي قمر اما علا شرط انا نوصلك
_ باهي مسالش
_وصلت للفيلا متاعي بقيت نفركس علي عايشه
سالت منجية قتلي لها نهارين ملي هزت حوايجها ومشات ....وخلاتلي كوفر مشات منجية
جبتهولي
لقيت فيه رسالة وبعض صور من الماضي
لجمعتني بعايشه ولقيت فيه مفتاح بديت نقرا فها ودموعي تجري علي خدي
ابنتي الغاليه قمر من اول لحظه ريتك فها
خذيتلي عقلي حبيتيك من قلبي انتي بنتي لمجبتهاش عمري لحسبتك مهما
..........................................................................................حبيتك
تعرف الي انا مجبوره وانت تعرف انو انا عبد ضعيف لزمني نطبق الاوامر
.................................................................قمر
المفتاح لفيدك خزنه موجوده في (.......)اقراها وتاكد اني مشيت مجبرة وفات مهمتي
نحبك
عصام مشات وخلاتني شكون لبقالي من بعدها
كنت باش نسامحها معنديش شكون غيرها ليزي خبت عليا مشات وخلاتني
_ باهي هدي روحك اكيد مجبره
_ هزني للعنوان هذا توا امان
_مشيت نزرب كنت متاكده انو فما سر اخر
وهذا لتبينلي وقت لوصلت.......للعنوان لقيتوا دكان عبارة علي كشك فيه راجل كبير
ملي ارني طول مدلي صندوق صغير كانو يعرفني خذيتو من عندو وطلعت في الكرهبة حليتو
وانا ايدي ترعش لقيت شركه فها موتيف علي شكل صليب ومكتوب عليه قمر فها ورقه مكتوب
فها اسم قسيس جرجس ميلاري وبرشا اوراق فها روسمات غريبه واوراق بيضة دخلت بعضي
مهمت شي يعني انا مسيحيه ههههه من المضحكات المبكيات ياربي انا شكون وشكون ها القس
لزم نعرف اكيد عايشه حبيت تعطيني اشارة شنوما ها رسوم وشنوما الاوراق البيض اه
ياربي جوجمه وحلت فها
_عصام قلي فهمتش حاجه
_ صدقني ياقمر لفهمتها اما اكيد فما سر كبير اسمعني اني تتفكر
الاسوس لعشت فيه تحبش نمشو نلقوش وثيقه والا خيط
_ كاني مسالتش مكنتش عندي حتي هويه القر
لعشت فيه تحرق الارشيف هكا قالولي
_ بانا لقب دخلت للاسوس اكيد عندك مضمون
_ مكنش مكتوب في المضمون كان اسمي فقط
_ مضموني تمحي انا قانونيا بنت العقيد
كمال ......مفماش حتي دليل حتي انو تباناني
_اكيد تفدلك شكون لعندو القوه هاذي باش
ينجم يبدل امور كيف هاذي
_ مانيش عرفه عصام اكيد فما سر ولزمني
نحلو في اقرب وقت لزم لوج علي اسم القسيس هذا اكيد يعرف حاجه
_ باهي لحظه نكلم شكون يلوجلي عليه
_بعد اكثر 5 ساعات تصل صاحب عصام قلنا الي
القسيس كان شد كنيسه يوحنا وعنوانو ......لبست كبوطي وخرجت انا وعصام عندي امل انو
يعطيني ولو معلومه بسيطه ثنية كاملهوانا نقدم في ظوافري خايفة من الكلام لباش
يقولو القسيس وصلت بلاص قديم بقينا نسالو للي لقينا شقة رقم 7 بقينا ندقو وشي مجوب
حد الامل لكان عندي طار ......ياربي اراف بحالي يارب من انا وعلاش ها الغموض في
حياتي هزني عصام من يدي قيمني
_مفما حد هكا ترا غدوا نرجعوالو
_لا عصام مانيش متحركه من هوني كان من
نعرف كل شي .....
_ باهي هانا قعدين انت سايي هبلتي
_احنا قعدين وشفنا راجل طالع في دروج كان
لبس في الاسود وعامل لحية وشركه كبيره معلق فيها صليب هو شفنا وهو رجع علي ثنيتو
هرب
_عصام الحق عليه بقيت نجري ورا عصام وهو
يجري صخته قداش يجري حمدلله لحق عليه عصام شدو ورجعناه لشقه متاعو حلينا الباب
بالمفتاح خرجناه من جيب وسلاح محطوط في جنابو باش ميصيحش
دخلو عصام لبيت كلها كانت بالاسود وتمثال
المسيح معلق في الحيط وبرشا رسوم صليبيه وتمثال العذراء قعدوا عصام في كرسي وبدا
يستجوب فيه
-شبيك هارب تكلم
_ لا مانيش هارب في بالي سراق هكا علاه
_سراق سيدي تاتا قدامك تكلم انت تعرفنا
علا هكا هربت
_منين نعرفك انت اصل انت شكون(وباقي
يخزرلي )
_امن دوله معاك
_عصام قوم خليني انا نسالو حطيت كرسي
قلبتو وقعدت مقبلاتو انا متاكده الي وصلت حل للغز
_اكيد انتي تعرفني انا موش هكا جاوبني
وردودبالك تكذب
_صدقني لا نعرف والمسيح منعرفش
_لا مدامك حلفت بالمسيح صدقتك
_ من فضلك متستهزاش بالله
_انا عمري منستهزاء لا بالله ولا بالمسيح
يزي منها لغه باش تقلي انا شكون ومنين تعرفني ....خرجت شركه من يدي ....وشركه هذي
شنيه علاقتها بيا .........علاش اسمي مكتوب علاها
...._ صدقني لا نعرف اول مره نراك
_ لكن شركه مكش اول مره تراها صح جاوب
_ منعرفهاش صدقني
_ باهي شنوا روسمات هاذي نحبك تفسرهالي
_منعرفش منعرفش
_عصام قوم بالواجب معاه
_قرب عصام وبدا يظرب فيه من كل بلاصة وجهو
ولا خريطه ماسيبو الا مابدي يحكي
_ سيبني نحكي لنعرفو
_علاش هربت كي ريتنا
_ خاطر كلوني قلولي اخرج من دار ها
الايامات جيت باش نهز دبشي ووخارج كيف ريتك عرفتك انك انتي لامروني باش نهرب منك
_شكون لامرك
_صدقني لنعرف هو شكون انا يجيني تلفون
معليا كان نفذ
_ شكونهم والمسيح لنعرف شكون
_ شنوا علاقة شركه بيا حد علمي انا مسلمة
نشهد ونصوم ونصلي
_لا انت مكش مسلمه
_هههههه بالله دخلت لسريرتي من داخل
_ صدقني انت مسيحيه كاثولكية انا لشربتك
ترياق بيدي وانا لاقمت عليك شعائر دين كاثوليكي
_شباقي تخرف انتي هبلت اكيد
-عصام........ اسس خليه يكمل قمر
من اكثر من عشرين سنه جابتلي مرا اسمها
عايشه طفلة صغيرا مزلت في لفة قاتلي باش تعمليلها شعائر دخول كاثولكية كان معاها
راجل مهوش كبير برشاا كان ظاهر انو حاجة كبيره دنيا كانت معبية بالحراس كلهم وقفين
قدامو حجبين عليه باش ميتراش وقف بعيد علي
القداس لباش نقوم بيه بصلاة قبل منبدا سالت علي الاسم لباش نرتل بيه الابيات دخولك لدين تكلم وقال سماها قمر علي اسم بنتي ......هكا
لسمعتو وعطاني صليب لفي يدك باش نختم بيه ترتيل وبعدها مشا وهزتك المرا من وقتها
مريتكش لكن واحد من حراسو مدلي برشا فلوس وقالي لحكاية تموت لهنا من وقتها نسيتها
لحكاية لحد مكلموني توا وانتي تعرف الباقي
.........
بعد شهر ......
...
مسيو غالي صباح الخير
_صباح الخير مها
_ نجم نهز اياد يلعب البرا دنيا دافية
البرا قلق مدار
_ اكيد مها تنجم تهزو
_مرسي مسيو غالي يعيشك
_مها
_نعم (قدملي وقف قدامي قد قد )
_شبيك وليت ديما سارحه نحسك موش قد بعضك
ها الايامات لباس فما حاجه مقلقتك
_لا مسيو غالي لباس شوي ارهاق وبرا
_ شنوا هاذي مسيو غالي موش تفهمنا غالي
برك
_ باهي خليني نمشي نحضر اياد اكيد باش
يفرح برشاا
_ شقولك تفرحني انا زاده
_ كيفاه نفرحك
_تخليني نخرج معاكم
_ اكيد ياخي شاور فيا كان تحب اخرجو مع
بعضكم باش منقلقكمش
_ لا بالعكس نخرجو مع بعضنا اوكي برا حضر
اياد مدام انا لبست اصلا فادد وحدي واليوم معنديش خدمه
_ باهي ربع ساعه ونحضرو
_مشيت لبست اياد وهو من الفرحه وهو ينقز
فرحان انو باش يخرج صحه ليه مزال صغير لا يفكر في دنيا ولا في مشاغل اتفه الحاجات
تفرحو حضرت روحي وخرجنا لقينا غالي يستنا فينا في الكرهبة كان لابس سبور قداه
مواتيه اصلا هو ديما كلاس ومضخم .....
_ شنوا علي ربع ساعة ضربت ساعه
_موش مني اياد ملبستو كان مشيحلي ريقي
_ اياد...بابا وين باش تهزنا
_ شقولكم نمشو للملاهي
_ يازوزو اوه انت احلا بو في دنيا
_ غالي .....في شنوا تخمم
_مها....لا شي
_ليا سنين مشيتش للملاهي
_ ملا فرصة باش تلعب شويا
_ ههههههه شنوا نلعب موش اياد انا كبيرة
راني
_ يظهرلك الملاهي موش كان لصغار برك توا
ملي توصل نلقاك تنقز قدام اياد
_انتي قلت هههه
_نحبك ديما تضحك هكا وزاهيه ريت صف لولي
نحبو ديما باين خاطر كيف تتغشش
_ شنوا متقليش نوالي نعيف
_لا بالعكس تزيد توالي عسل اما نحبك ديما
شهد بك تبسيمه الغالية مفماش حاجة تستاهل نتغشو علاها طز في دنيا هذي الكل نحبك
تفكر في حياتك وسعادتك وماتخمم في شي بسطها تبساط خلاها علي ربي
_ .....
_ باهي منغير متقول شي سكوتك حكا كل شي
اهبط وصلنا
_ خرجنا من الكرهبة اياد كان شدلي ايدي
ويجري بيا وهو ينقز من لعبة لعبة وكل لعبة يقولي نركب فها بقينا نتفرجو علية كيفاة
شايخ ويلعب عملنا جو وتفرهدنا ركبت معاه في كل لعب غالي بهدل بحالي كاني طفلة صغيرة
حسيت روحي عمري 6 سنين وانا من لعبة لعبة وبعد مشينا تغدينا عدينا نهار ولا في
الاحلام كنت حسة روحي بقية نغرق كل يوم مع غالي تصارفاتو معايا خلتني نتعلق بيه
ونحبو
صحيح في الفتره هاذي حولت
نتجانبو............. غالي مجرد مهمه لزمني نفذها وفي اقرب وقت لكن القلب كي دق
بابو صعيب يبقي مسكر وللاسف شاء القدر ان اعشق
مجرم يتاجر بدم البشر فيلا سخرية القدر المجرم والقانون امران لا يلتقيان
كالجنة ونار وكان القدر يسر علي تعذيبي فكاني احسب اني خلقت لاشقي
.................... قعدنا في قهوه علي البحر نتبادل اطراف الحديث وكل منا يسترق
النظر للاخر بنظرات تملاءها مشاعر بريئة لا ندري متي بدات شرارتها فكل منا يكابر
ويتصنع الامبالات علي شي سامي زرع في جسدين مختلفين
_ تحب البحر
_برشااا نحسو قطعه مني ديما نجي نشكيلو
همومي حتي كيف نبدي فرحانه نجيه ونفرحو
معايا
_ صحه ليه ياريتني جيت بحر باش تكون عندي
قيمه كبيرة ولو قليلة في قلبك
_ (اه لو تعلم مكانك بقلبي ).............
_ باش تبقي سكته برشااا احكي نحب نسمع
صوتك
_ شنوا تحبني نحكي ساعات في بعض المواقف
صمت احسن
_ وانتي تتصور انو لزمنا نسكتو
_ ممكن انا مقلتش نسكتو توا قصدت في
المطلق
_ بحر غارق مها مهما حاولت باش نفهمك
منجمتش
_ احسن من غير متحاول تفهمني ممكن تغرق في
بحري ومتنجمش تخرج
_ غرقت سايي (احمم فضحت روحي )
_لطف عليك تعرف برغم حبي للبحر لكن منعرفش
نعوم
_ ملا اسمحي لي ان اكون معلمك
_ياريت (فانت من علمتني كيف احب وكيف افرح
وكيف اشتاق وحتي علمتني شبع بدون ماكل )
_ ملا نستني صيف بفارغ صبر
_ اياد عمل جو مع صغار
_ ساعات نحس عليه انو وحيد معندوش اخ والا
اخت يساندوه
_ حمدلله علي كل حال هذا شكاتبلو
_ صحيح اقدار
_ اقدار كيف مقلتو
_تحبيه
_(شرقت بالقهوه من وقع سؤال) شكون
_ طليقك
_ لا اكيد منحبوش
_ علاش فورا نفيت كان زوجك فيسع مكرهتيه
_ لا موش قصدي احنا تزوجنا زواج تقليدي
يعني لا نحبو لا يحبني
_ احكي علي روحك اما هو الحب بين من عيونو
_ علي شكون تحكي الحب بين من عيونو
_ هههه شبيك دخلة بعضك علي شكون نحكي علي
ايمن موش هكا اسمو
_ اه ايه ايه اسموا يمن ومانيش دخل بعضي
لكن سؤال هو لوترني لا اكثر ولا اقل ( نشرب في الماء )
_غار عليك مني
_ ايمن غار ههههه لا اكيد انت موش مركز هو
خاطب توا وباش يعرس ويحب خطيبتو
_ عيونو تحكي عكس هذا كان خايف عليك
واهتمامو متاع شخص يحب وكان غاير طريقة كلامو مستفزه كان موش عيب كنت متاكد راهو
طردني انا نقلك .........
_ (يالوالله حوال زوز تقرو لغة العيون وكل
واحد يرمي في الكوره لصاحبو كان ترا هو شقالك عليك ) انت قلت اما بنسبالي ماضي فقط
_ بالحق يعني معادش يعنيلك (قلها والفرحه
ظهرا في عينيه)
_ اكيد
_طمنتني ......عفوا نقصد ربي يرزقك ماخير
منو
_ ان شاء الله
_ وبقيت نخزر للبحر وفي خاطري سؤال اتمني
ان اجد شجاعه لاساله وبين الفينة والاخري امتعي ناظري بعيونه البهية فما تعبت وما
شبعت من طلتهي النرجسة .............وفجاءة لملمت بسالتي وتجراءت لاسل سؤال تمنيت
ان يشفي خاطري من اجابته ........................
_ وانتي ..........
_انا شنوا ...............احكي علاش سكته
_ نقصد تحب منال
وياليتني لم اتجراء ان اسال فسكوتك ذبحني
واهاتك مزقتني وشرودك يكفي ان افهم ما بحثت عنه .......................
_ عفوا ظهرلي تجاوزت حدودي
_ لا بالعكس لكن سؤال فعلا ملقيتلوش اجابة
لو سالتني قبل سنة لاجبتك دون تردد اعشقها..... لكن اليوم ليس لي جواب يشفي انين
المي ..................من 7 سنين تعرفت علي منال هيا بنت بون كانت تخدم في دار
عمي ........عرفني عمي علاها علي اساس تحب تعمل ستاج في كلينيك متاعنا ومن وقتها بدات
قصة حبي ليها هيا امراه قوية وشجاعة وصلت حقتت ذاتها واحلامه وفعلا بعد عامين
تزوجنا وكبر حبنا برغم من بعد زواجنا كانت برشاااا عيوب في منال لمنجمتش نتفادهم
لكن في كل مره نقول صغر وعلي خاطر الحب لبنتنا لزم انسان منا يطيح شوي لكن من عام
لتالي تبدلت جل تصرفتها ولات انسانه متغطرسة انانيه حب ذات وتكبر وشجع عمولها
عينيها منعرفش هيا من اول كانت هككا والحب اعماني عن تصرفتا والا هيا بينت حقيقتها
واخيرا ه كريت علي عينيك تصرفتها صبيانيه وتحديها ليا حتي انها وصلت لسلاطة لسان
وكسر كلمتي وهذا شي مستحيل نعديه ......
_ علاها هكا قررت طلقها
_ للاسف بعد متخذت قرار اني نطلقها امي
دخلت وقاتلي برضايتي عليك مطلقهاش لكن حتي لو مطلقناش قانونيا بنسبا ليا طلقنا كل
واحد في بيت وتتصرف كيف متحب لكن مع اعتبار انو الي الان لي اسمي وهذا كان اتفاقنا
_ وهيا وافقت علي طلبك
_ اكيد ملول اعترضت لكن هيا تعرف اني كيف
نقرر مستحيل نتراجع انا مقصرتش معاها وحفظت علاها وحبتها ويشهد الله اني كنت وفي
ليها لمدة 5 سنوات لكن هيا لحبت هكا معليها كان تتحمل مسؤوليتها
_ متعتبرش نفسك قسيت علاها الله يغفر
وانتي لا علاش متتحاوروش واصلو الحل
_ حاولت لاكثر من خمس سنوات فما امور
منجمش نحكي علاها انا واياها وصلنا لطريق مسدود لا رجعت منه
_ منعرفش شنوا باش نقولك نتمني انك تراجع
قراراك علي الاقل في مصلحة اياد
_ علي مصلحة اياد لزم ننفصلو
............اه ......المهم خلينا نبدلو الموضوع اصلا خرجت معاكم اليوم نحب نرتاح
وننسي تعب
_(من غير منشعر حطيت ايدي علي يدو ممكن
حبيت نوصلو انو نحبو نكون مرتاح )منحبش تخمم في شي وتعب روحك كيف مقتلي من بكري
خلاها علي ربي هو قادر علي كل شي
_ (بقي يخزر ليدي وهيا فوق ايدو وتبسم
ابتسامه تعلوها رضاه ........بعدت يدي فيسع قبل منشلق علي روحي ملا حشمة اكيد باش
يفهما بطرقتو افففف قداشني متسرعه شبني وليت حساسه هكا ديراكت جيت قايمه
اساتاذنتوا باش نمشي للويسي )
غسلت وجهي لقريب دخان يخرج منو من كثرة
سخانه بقيت نخزر روحي ونلوم فها علي تسرعي وعدم كبتي لمشاعر كادت ان تفضحني ملي
رجعت للطاولة طلبت منو انا روحو معادش نجم نتحكم في روحي والا نضمن افعالي لباتت
تباغتني بافعال تكاد تكون صبيانية .........طريق كامل واحنا ساكتين لكن في كل مره
ننصاع لنظرات كانت تسرق نظر من حين الي حين وكانها لا تبالي بنيران مشتعلة في
فوادي الذي اصبح طريح العشق مكبلة الوصال...................وصلنا للفيلا كنت هبطه
وانا مقررا منكلموش باش منضعفش.......شدلي صوابع يدي وبداء بالحوار.....
_ مها استني قبل مطهبط فما كلام نحب نحكيه
معاك ........(بقيت ساكته وكيف لي ان اتكلم واصابعه زلزلت كياني فكانه اعصار
كاترينا لمس وجداني فسار موجات العشق تسري من بين عروقي متخطية اوصال قلبي لينفجر
القلب ويدف عشقا بدلا دماء )من اول ماريتك منعرفش شنوا لصارلي بقيت سكاكنه في قلبي
وفي بالي تكاد لتنقضي ثانية الا وان افكر فيكي فما بت اعرف ليلي من
نهار .................تعاودت علي اطراب مسامعي بصوتك شجي وعطركي البهي
ونظراتك الدافئه وكلامتك الراننه ..................بت كسكران اثمل من روؤيتك من
طلتك فما شبعت وما رتويت ..............كنت اصارع مشاعري حسبتها رغبة لكن تيقنت ان
حبك سرا في عروقي ...........لا تقولي متي واين وكيف ...........فانا ايضا لا اعرف
الاجابة ...................كنت نتوحشك في كل ثانية تصدقين حتي وانت بجانبي ماشبعت
من نظر اليك حب جارف ساكنا فؤادي وكاني انا المراهق من يوم رايتك سرت اتخبط من
ناري فراقك لا تعاتبني وتقولي انت متزوج وخائن ..............فانا اذم نفسي
والعننها علي جرم اشهد ان حواسي هيا من اقترفتها ................فكم تمنيت ان كنا
التقينا في زمان ومكان غير هذان لكنت سعيدا الحظ ان اتوسم بشرف حبي سري في عروقي
لا اعرف اكان مجبرا او متعمدا ..............................................
_ بعد مرور اسبوع
سيدي تم القبض علي سيد غالي ومجموعه من
الاطباء
__ شكرا تنجم تخرج
_ قمر سايي انتهت المهمه
_ عصام ملا خليني نراوح تعبا نحب نروح نرقد
_ يابنتي اشنوا ترقد انت توا باش تتدخل تحقق مع غالي
وانا باش نحقق مع منال
_ اكيد تجنيت انت مستحيل نجم نحقق معاه
_ علاه مستحيل متخلينيش نشك قمر في تصرفتك قبل بجمعه كيف
كلمتني وقتلي معادش نجم نكمل في المهمه
وبتعلة انو نكونو شكين في عايلة غالي بالغالط اهيا الادله كل موجوده وتثبت
طورتوا
_ ظاهرلي منسحبتش وجبت الملف
_ ايه ماو كان بعد مشيحتلي ريقي
_ باهي توا ادلة ادانتو قدامك شنوا تحب اخر
_ باش تدخل انت تستجوبوا
_ علا ش انا بذات
_خدمتك مفماش علاش يزي بلا دلال اليوم لزم نستجوبهم
الوزاره طالبة ملف مفصل في 24 ساعة يكون عندها
_ مانجمش
_علاش متنجمش جاوبني
_ عصام امان لو كان نعز عليك حتي شوي خليني نروح باهي
ملا خليني نستجوب منال
_ باش تستجوب غالي وكلمه واحده وتقوم معاه بالواجب فهمت
ورود بالك ساعتين اخرين نلقا كل معلومات علي طاولتي والا انا باش نقوم معاه
بالواجب
_ باهي باهي انا نستجوبو ومايقربلو حد
_ (قربلي وشدلي يدي بالقوي ورص علي سنيه من الغش )شنوا
ها الحنان لهبط عليك فجاءتا تطلعشي حبيتيه تكلم ..........شبيك بكشت حل فمك
_ دزيتو.....حاجه ما تخصكش ظاهرلي تعبت جل تعليمات
وكملتها المهمه اموري شخصية متدخلش فها
_ مندخلش فها باهي قمر يعملي ربي دليل اخدم توا خدمتك
وبعد نحكو في امورك شخصية
_ خرجت وانا في قلبي غصة غصة رجعتني لا سبوع لتالي وقت
لعترفلي غالي بحبو واختمها بقبله طلعتني لسابع سماء................ خرجت هارب من
ضعفي من كلامو لكان كقذيفة هيروشيما في داخلي ............بعد اعتراف غالي مكنتش
نجم نبقي في المهمه استنجدت بعصام علي امل انو يخرجني ويحط حد اخر يكمل المهمه لكن
رفض واسر ان اطبق تعليمات ................كنت جمعه كامله نتفادي فيه حتي اني نتخب
في غرفتي وقت ليكون في الدار لحد ماجاء اليوم لحطمني وزعزعني من داخل ........ساعة
كانت منتصف ليل سمعت منال تكلم في شكون وتقلو ليلة يتم تسليم ............وبعد
خرجت تزرب لقات كرهبة سوداء تستنه فها اعلمت فورا الفرقه بتحرك .....رجعت للغرفه
لولات تسكن فها فليت فليان ملقيتش حتي دليل وحتي الحاسوب مفماش حتي ملف يدل علي
طورتها لحد ماريت في دمية صغيرة شركه معلقه في رقبتها منعرفش علاش قربت نشوف في
شركه لاعجبتني لكن سبحان الله كانت موتيف علي شكل قلب انا حليت الموتيف ونلقي كارت
ميموار صغير استغربت.................حطيتها في البيسي وكشفت المستور كل عمليات لا
قانونية كانت مسجله فيها كل شخص تاجرو بيه وكل شخص قام باي عملية غير قانونيه كانت
مسجله فيها عصابة تتكون اكث من 20 شخص وعلي حد ماتبين غالي من قام بتوقيع علي جل
عمليات
.............وتم اثبات الجرم وانتهت مهمتي في بتي غالي لتبداء الان وانا علي
باب مكتب تحقيق ليشا القدر ان اوضع في مواجهة مجرم قتل بتعلة النفوذ والجاة
استجمعت قوتي لمحاربتي قوي شر كلمات عصام قبل خروجي من مكتبة ارجع لي عقلي الذي
تاها في مفتارقات القدر ..............قمر انت القانون انتي يد شعب انتي قوا
المظلوم انتي حلقتي لتسهر علي راحتي المساكين والمظلومين لاتحنثي ولاتخوني كوني
يدي المظلوم ولاتكون يد ظالم .......
كان قاعد بكل ثيقة في نفس برغم انو يدو ورا الكرسي
مربوطه في لمينوت حتي كي تحل الباب مكنش
همو شكون سجانو لجاي باش يحقق معاه كان راكز وقوي منذ دخولي اربكني بكل هذه ثيقه
قدمتلو بخطوات راكزه وانا متوعده بفعل
الكثير والكثير لكن هيهات وقت لهز عينو فيا اعتلته علامات ذهول فبات يحرك راسة
يمنتا ويسرا وكانه يطرد حلما رواده في يقظه ..............مها شتعمل هنا
_____ قدمتلو وملامحي جامده حاولت نتحكم في نفسي وان
اتسم بالقوه والبرود
جبدت كرسي وقعدت مقابلاتو قد قد
_ ايوا سي غالي ملا ظهرت مجرم دولي تاجر بالاعضاء
البشرية متحشمش علي روحك
_ شتحكي انتي هبلت انا متجرة بالاعضاء وشتعمل انتي لهنا
_ شكون ممول متاعك وشكون رئيس خلية
_ مها جاوبني اكيد تفدلك انتي والا انا نحلم صح اقرصني
قولي
_ جاوب علي قد سؤال
_ كنت لزم نتعامل معاه بحزم اشارت لي مساعد دخل معي بيدي
باش يقوم معاه بلازم
عطاه بونية نطرتلو دم من خشمو
.............................برغم الالم لحسيت بيه لكن كنت لزم نكون قوية انا
اليوم نكمل في خدمه اوامر طلبت ان انفذها بحاذافرها
شكون رئيسك وشكون الوسيط لمكتوب في الملف جاوب غالي
_ موش لزم نفهم انت شكون وانا علاش هوني مها جاوبني
...............مها ........مها ....
_ شبكت صوابع ايدي في بعضهم خزرتلو في عينيه
.............انا قمر الحبيب موش مها مسيو غالي انا رائد في الاستخبارات التونسيه
...........وانت توا موقوف بتهمة متاجرة بالاعضاء البشرية والقيام بعمليات غير
قانونيه وانت بنفسك مصحح علاهم لذلك متنكرش وتوا جاوب بعد معرفت انا شكون وانتع
لاش هوني
_ يعني خدمتك عندي كانت مدبره وانت شك الي انا مجرم
نتاجر بدون رحمة ولا شفقة فاعضاء ناس اكيد هبلتو انتم خسارة مها اه والا قمر
...............
_ ريت لغه هاذي سمعنا منها برشااا ياريت لخص باش مطولش
معانا (جبدت سيقارو باش نقص من توتر لبدي يظهر عليا )
___ وتتكيف زاده ههههه ياوالله حوال
_شنوا متقوليش مظر بصحه
_نحب محامي توا
_ ههههه تدلل في دار بوك انتي عرف انتي وين والا انتي في
امن دوله علي انا محامي تحكي باش تتكلم والا نستعملو اساليبنا معاك
_ اناهو اسلوب لباش تستعملو ......انك تمثل عليا الاعجاب
والحب والا الاغراء
_ هههههههههه مسكين انتي هاكي كنت مهمه نفذ فها ونجحت
بجدارة
_ ايه واضح اشخالك اول مبستني ذبت في يدي .................(عملت
اشارة للعون باش يخرج)
_ اسمع غالي كلمتين باش نقلهملك اعترف خيرلك واي معلومه
باش تقولها باش تخففلك في العقوبه متكسحش
راسك هنا مهمش مركز عادي صدقني لمعامله لباش تتعامل بها بعد منخرج من هوني باش
تكره في نهار لولدت فيه لذلك اعتراف باقل اضرار
_ تحبني نعترف بذنب معملتوش علاش موش حبه تصدق اقسم
بالله اول مره نسمع باللي باقيه تحكي فية صدقني انا بيدي مستغرب اول مكنت تحكي كنت
نظن انك تفدلك
_ شنوا نلعب معاك في البيس هوني شنوا تفدلك شبيك مكش حاب
تفهم
_ بقيت اكثر من ساعه نستجوب فيه وشي محبش يعترف كنت نشوفلو في عينو كيفاه نظرة لوم والكسر لفي
خاطرو كنت مكويه يانصدق مشاعري ينصدق الاوراق لفي يدي اوراق ليس فيه اي ادني شك كل
عمليات تقوم تحت توقيع غالي
_ دخل عصام ومعاه زوز اعوان لواحد قد الحيط ملي ريتهم
قلبي تخلع كنت نعرف علاش مدخلينهم وقفت من الكرسي لعصام وانا نستنجد بيه باش
مايعملش لي في بالي ...............
_غالي
صار انتما مع بعضكم قداشني غبي برافو سي مها طلعت انتي
وسي سيد ممثلين بارعين
عصام سكر فمك تحل في فمك ياكلب يامجرم ويهبط عليه بونيه
طيحتو من كرسيه منعرفش كيفاه مشيت نجري وقفت الكرسي وانا نرعش سايي شلقت علي روحي
انا متاكده من نظرة عصام لخزرهالي الي هو
فهم كل شي
....._عصام...... لولاد قومو معاه بلازم متسيبوه الا
مينطق وشدلي يدي بالقوي وبدا يكركر فيا وراه وانا رقبتي عوجت وانا نخزر لغالي
بنظرة شفقه علي لباش يصير فيه توا
_ خرجني وسكر الباب وكانو سكر عليا باب جهنم
_ سايبني عصام وجعتني ......قتلك سايبني
_ قمر وفات مهمتك برا روحك
_ لا مزلت موفاتش امان خليني نكمل انا خرج لبهايم
ليدخلتهم امان
_ سكر فمك علاش خايفة عليه تكلم جاوبني (شدلي يدي زوز
يخض فيا)
_ مانيش خايفه عليه اما اما انا ضد العنف انت تعرف هذي مهمتي
لتوا مكملش وقت تحقيق يعيشك نعدك ساعه ونجيبلك كل معلومات
_ اسسس اس سانت سايي معادش عندك حتي دور برا روحك
_لا لا موش علي كيفك ..........ورجعت نجري لبيرو تحقيق
لبعدت عليه بعض الامتار كنت باش نحل لكن يد عصام غلبتني ورجعتني ليه كان يتكلم
وانا مركزه كان مع اهات غالي لمن ورا الباب كنت نسمع فيه كيفاه يتضرب ويتهان بافظع
العبارات لتغرست في قلبي سكين مستحيل غالي يكون مذنب قلبي يقول هكا انا مصدقه
كلامو ...........عصام سيبني امانك باش يقتلوه...................
_خليه يموت يما قتل ابرياء نسيت هو شكون مجرم معندوش لا
قلب لا ضمير خان الامان وخان القسم انو يكون ساهر علي خدمة المريض لكن هو شنوا عمل
سرق ونهب اعضاء ناس ايتام ومتشردين شنوا هذا الكل شويه والا نزيدك تكلم
_ مستحيل هو معملش هو قالي حلفلي
_ مستكه انتي حلفلك شو عاد اك رسول اسمع كلمتين فايق بيك
راهو تمشي توا تروح خليني نكمل خدمتي والا والمصحف نبيتك في جيول ليلة فماش
ميرجعلك عقلك
_ نحي يدك والله والرب لو كان متسيبنيش توا نتصرف تصرف
اخر ماتنساش انا شكون نطرتلو يدو بكل قوتي ورجعت لغالي لقيت مرمي في القاع وبدنو
كل دم وجهو معادش يبان دبشو كل منحي خلوه في شرط كنت نعرف انو باش يعملوا كثر من
هكا لكن حمدلله خلطت في الوقت
منعرفش علي روحي كيفاه قمت نضرب فيهم كل الحركات نفذتها
فيهم مسيبتهم الا ما عصام جا شدني من تالي وامرهم باش يخرجو ............عصام
سيبني سيبني ....
_يزي قمر لتعمل فيه غالط لزمني نوقفك توا ونعلم عليك
انتي موش في وعيك
_ ايه موش في وعيي
انت انسان منحط عصام نكرهك نكرهك انتق لتلهم باش يتعدو عليه موش هكا
_ انا مستحيل نعمل هكا موش من اخلاقي
_ ملا علاش نحولو دبشو
_ جيست باش يخوفو
_قداش عفتك اخرج وصدقني تعمل اي اجراء قانوني ضدي متلوم
كان روحك لانك لعملتو مخالف للقانون موش منحقك تعمل فيه هكا
_ ظاهرلي موش اول شخص يتضرب هوني والا نسيت
_ منسيتش غالي لا افهم عصام ......افهمني انا نخليه يصحح
علي اي حاجه تحبها المهم معادش تضربوه
_ علاش هذا الكل يطلعشي برئ واحنا منعرفوش ......قمر
قولي راك تتعامل بمشاعرك موش وقت الحساسيات توا يعيشك هاذي خدمه لزم في اقرب وقت
نسلمو الملف يتحول علي النيابه باش ينظرو في ملف متاعو
_ نعرف نعرف من هنا الغدوا يحلها ربي اخرج توا خليني
معاه
_ باهي قمر ربع ساعه ونجيك
_ رجعت لغالي لمزال طايح علي الارض كلو دم دموعي ولات
سباله ملامح وجهو معادش باينه شبيني نتصرف هكا لزم نكون محايده خدمه وكملتها ولزم
نخرج منها ونسلمها لغيري علاش مصره علي تعذيب روحي اكثر
_ غالي قوم تسمع فيا جاوبني شنوا يوجع فيك غالي
قوم.............................كان يحل في عينيه بصيف وهو يان
_ قلبي يوجع فيا قمر قلبي اه اه ه
_لطف عليك منغير منشعلا حطيتو في حضني وقربتو ليا وبقيت
نبوس في راسو من كل شيره ممكن اخر مره باش نكون قريبه ليه ممكن باش نعذب روحي اكثر
لكن منجمش نحرم روحي من لحظه تمنيتها من اول متنبيت فيه تمنيت نحضنو ونقول والي
انا نعشقو لحد الجنون.
قمر وراس ولدي لا نعرف علي الموضوع شي صدقني قمر انا
مظلوم والله والرحمان لا عملتها انت تتصور الي انا نجم نعملها نعرف الي انتي
متعرفنيش ليك برشا اما اوثق فيا والله مظلوم
_ شديتلو وجهو بايدي وقربتو لحضني حضنتو بكل قوتي تمنيت
ندخلو في صدري ونخبيه عندي معنديش القدره باش نعبر في ها لحظه ...........بعدتو عليا
وخرجت جبت الكول وجبت سروال ومريول لبستهملو نظفتلو دمو اعطيتو سباسفون باش ينحيلو
لوجايع كنت وين نحط لالكول في بلاصة بدنو يزرفل نعرف والي متوجع لكن يكابر محبش
يواري ضعفو قدامي حتي كيف كان يتضرب مسمعتش صوتو كان يتالم بصمت
...............غالي باش نثق فيك لزم تقولي اي دليل والا معلومه تعاوني باش نخرجك
من هوني
_ معندي حتي دليل كان كلامي وربي هو لشاهد عليه
_ انت لصححت الوثائق هاذي
_عمري ماريتهم
_ ملا كيفاه تصححك جات هوني ريت توقيعك هذا باش يحط حبل
المشنقه في رقبتك جاوبني
_ معندي منجاوب لعندي قتلو انا مستحيل نكون قاتل وعمري
لصححت علي قتل عبد انا خدمتي باش نحيي ناس موش باش نقتلهم انا اصلا ضد ها الجرائم
كيفاه تحبني نكون مجرم وعديم الانسانيه فهمني قمر تتخيلني واطي لها دارجه
.........(تحل باب جيول دخل عصام امرني باش نلحقو وخرج بين الغش من عينيه)باهي
غالي متخافش ارتاح توا نرجعلك باهي .............عملي براسو باهي ...........خرجت
وتمنيت مانمشيش من بحذاه خايفة عليه ............وصيت لعون باش يجيبلو مكله ويهزلو
دخان ............طلعت البيرو عصام نلقاه ويخزر للشارع من شباك ودخان في يدو يحرق
فيه حرقان.......
_ عصام(قص عليا)
_اسمع قمر انت كملت مهمتك توا تهز روحك وتروح متخلينيش
نتصرف تصرف دوني معاك
_ قربتلو وشديتلو يدو.......عصام يعيشك اسمعني انا نعرف
الي قلت كلام جارح وتعاملت بلا وعي وتصرفت علي اساس فوضوي ونسيت مركزي ومنصبي
_ هك قلتها تصرف لتصرفتو في حقي وفي حق زملائك غير
قانوني لو كان شخص اخرر اهو في قلبو توا اما انتي بذات منحبش ناذيك لذلك متوقفش في
وجهي روح يعيشك منغير شوشرا زايده
_عصام امانك افهمني نعرف تصرفت بتسرع اما اعذرني
_علاش نعذرك
_ اعطيني مهلة نهارين متبلغش الوزارة توا حتي نعرف حقيقة
_ علاش شنوا تخرف انتي واعية فاش تحكي تحب تباصيني ورا
شمس وانا حقيقة وانا طبله راجل لقيناه مصحح وثائق وانتي تلوجلو في اعذار علاش هذا
الكل جاوبني قمر ........اخزرلي في عيني .......(هزلي دقنونتي بيدو)تحبو
...............تحبو قمر (صاح بالقوي)
_(غطيت وجهي بايدي )ايه نحبو متسالنيش وقتاه انا بيدي
منعرفش عصام قلبي يوجع امان عاوني انا نعرف الي هو متورط لكن حسه انو كلامو صحيح
امانك متعذبنيش عصام عاوني لو كان نعز عليك حتي شوي .............حطني في حظنو
يهدي فيا......
_باهي اسس يزي (ياريتك جيت تعز عليا برك ياقمر اه لو
تعرف معزتك في قلبي )......مدلي كاس ماء.....اشرب شربه ماء ويزي من
البكاء........اما نحبك تفهم انا ضد ظلم اما مستحيل نكونو ظالمين غالي كل ادله ضدو
هو لصحح
_منال شقالت
_مقلت شي اعترفت بكل شي وقلت الي غالي هو لصحح والناس
لخرين قالو الي هوما متعاملوش مع غالي تعاملو كان مع منال
_معناها فما انا في الحكاية لو كان انا رئيس متاع عصابة
اكيد باش يكون فما كنتاكت بيني وبين ناس لتخدم عندي صح
_ اكيد لكن متنساش منال ممكن تكون هيا وسيط وغالي ميحبش
يظهر ويتعامل معاهم
_ انت ممكن تقول هكا لكن انا توا بعد كلام لقلتو زاد
شكيت لزم نحقق مع منال.............
_ باهي تنجم تحقق معاها توا اما صباح لزم نبعثوهم
للنيابه
_ انت تثق فيا
_ اكيد نثق فيك
_ حاول تعطل الاجراءت قد كتقدر وباطار قانوني انت ذكي
وتعرف كيفاه تتصرف امان عاوني
_ باهي علي منقدر باش نعمل حاجه ضد مبادئي
_ يعيش عصام انت نعم صديق .....حملت وبستو في خدو وخرجت
لاول مهمه لزم نعملها
عصام (اف ناقص انا باش تزيد تحملني وتبوسني اه منك قمر
اه اشعملت فيا مكش حسه بقنبلة لفجرتها في داخلي وقت لعترفتلي بحبك صحه ليه مجرم
ومذنب وتزيد دافع عليه )
_خرجت لبيرويا طلبت انهم يجبولي ام غالي لزم نسالها
متاكده تعرف حاجه ......وزاد طلبت منهم
يعذبو منال قدر الامكان لزم كي ندخل نحقق معاها نلقاها جهزا وافيا منحبش تعبني لزم
نتعامل معاها بذكاء
_ رجعت بحذا غالي نلقاه لتوا في نفس لبلاصة متحركش حتي
لبلاصه حتي المكله مكلاهش قد محولت نكلمو مرجعش عليا عينو مهزهاش فيا .....نعرف
الي هو عاش تجربه خايبه وانا خنت ثيقتو اما انا مجبوره ماالبيادي حيلة
بعد ساعه كانت خديجه في البيرو قدامي كانت مذهولة موش
مستوعبه انو انا نفسي لكنت نخدم فاهم..................بعد مفهمتها لحكايه بديت
نسال فها ...........باش هدتك منال جاوب اي معلومه ولو بسيطه
-وقت لمرض راجلي شديت الحسابات متاع كلينيك بعد فتره
حسيت الي فما حركية غير عاديه لحقيقه شكيت
بقيت نتبع في منال لقيتها في اسبوع تعمل برشا عمليات مكنتش تتقيد في سجلات
بقيت نسقسي لقيت في الكونت متاعها برشاا فلوس هذا لاستغرابتو كيف تبعت عرفت الي
هيا تزرع في اعضاء لناس بصفه غير قانونيه وزوز اطباء اخرين ومبنجين يعني عصابة
كامله كانت تخدم وهدتني لو كان نقول لراجلي باش دخل غالي للحبس وتفضحنا وانو غالي
معاها في لحكاية ........لكن انا مصدقتش انا متاكده غالي ما فيبالوش
...................باهي امي خديجه تنجم تروح توا اي معلومه تتفكرها قولي
5متاع صباح خذاتني عيني شوي وصيت علي غالي قتلهم يهزولو
غطا معادش نجم نهبط قبل منتاكد من برائتو
فقت صباح مع 8 طلبت قهوه باش نفيق شوي راسي وجعني لزمني نمشي لمنال
نستجوبها ...........لحظات وجاني عصام يجري
_شبيك عصام لباس
_ منين لباس قمر شوف صحف الكل كتبه علي قضية وام غالي
موجود بالوثائق
_ شنوا كيفاه هذا منين ليهم عمليه تنفذت لها سويعات شكون
لسرب هل معلومات هاذي
_ منعرفش قمر باش نهبل انت تعرف الي لزم تكون سريه تم في
المهمه حتي نتاكد ويتلم الملف ويخرج للنيابه
لغريبه حتي جريدة لموند الفرنسيه هبطت لخبار يعني لخبر انتشر حتي البرا
_بش نهبل ياغالي جاوبني اكيد فما معانا خاين....... خزرت
فوق البيرو لقيت مسو محطوط فوق طاولة ستخيل تابع لخدمه مشيت حليتو
قمر ...........انتي ليوم نفضت انتقام امك وبرد ترابها
وحطمت عايلة القادري ............نهنيك نفذتي المهمه بنجاح وطبقتي الاوامر ......................تم
انتهاء المهمه وسلام
_ شبيك قمر شنوا فها الرسالة قمر شفمه (خذا رساله من يدي
وبقي يقرا فمو محلول يقرا وموش مصدق كيفي)
_ قمر فهمني شنوا هذا ......قمر ..........لحياة لمن
تنادي ............ضربها بكف باش فقت .................. قمر يعيشك فيق
_ عصام تعرف شمعنها معنها انا مجرد اداة انتقام نفذت
اوامر باش ناس ابرياء تدخل للحبس
_ هدي روحك خليني نشوف شكون جاب الماسو
_ خرج عصام سال الاعوان مشاف حد شكون دخل الماسو حتي في
لكاميرا مفماش حتي تسجيل لدخول اي شخص دخيل للوكالة
..............قمر وين ماشيا لزمني نشوف منال ..........
_علاه موش وقتو توا ارتاح خلي نفهموا لحكاية
_ لحكاية واضحه عصام تتفكر قبل بشهر كيف بربشت ورا قصتي
ملقيت حتي خيط يدل علي هويتي لورا هذا كل شخص واصل حطني انا كي لمريونات باش ينفذ
بيا انتقاموا
_ شكون هذا
_حكاية واضحه جدي
_جدك
_لحكاية لزمني انا لنحلها نمشي لمنال وبعد نحكو منوصيكش
علي غالي ....................
دخلت علي منال نلقاها كلها مدمدمه ومعلقة من رجلها في
سقف بدنها الكل مبلول .....تان من كثرة الوجايع ......قدمت خطوتين شدتلها راسها
بيدي ........شهقت وقت لراتني ...........شوف
منال كلمتين نقلهملك........قر تجيك خفيفة ............
_صدقني خطيني غالي هو لاجبارني نعمل هكا
....................
_لولاد قومو معاها بالواجب نحبكم تفرحولي بها
............شديتلها خدودها بيدي ........اهوكا باش تبات عروسه افرحلي بالولاد عاد
.........
_حرام عليك يعيش اختي راني ولية كيفك
.....................
_فلحظه هذيكا تخدرت كان لزم نتعامل معاها بالانحطاط
هذاكا مكنش عندي حتي حل اخر خرجت وخليتها مع زوز ذيوبه ......صياحها قبب مع كل
صيحه كانت طعنة في بدني ...............اما معندي حتي حل منال هيا المنقذ لوحيد
ليا انا قبل غالي لزم تقر..............دزيت الباب بعد مسعمت موافقتها باش تعترف
.............كنت نشوف فها مرمية في القاعه ودبشها نصو مقطع ......اشرت للولاد باش
يخرجو مسخفتنيش علي قد مسخفتني نفسي لتخدرت وخرجت من ثوب الانسانيه بتعاملها
بوحشيه مع انسان كيفي كيفو .........لكن ضروره تبيح المحظورات...............بقيت
نسمع فها وانا مركزه مع دنائتها وضميرها الميت ..............
_كنت من عايلة فقير ه امي تخدم في دار عام غالي وبابا
كان سكارجي من دبوزه ميفيقش ..........رغم هذاكا قريت وتفوقت وصنعت ذاتي وصلت حققت
حلمي اني نكون طبيبة لكن من اول عام دخلت فيه للكلية تعقدت كان فقري بين حتي من
لبستي ناس تلبس وتمكيج وتسوق في كراهب وانا نلبس في شوالق مكنتش راضيه بوضعي كنت
نحب نكون خير منهم نظرة شفقة في نظر ناس كانت تقتلني .......
_لخص مقتلكش تحكيلي قصة حياتك
_باهي ............بالمختصر فما يوم نعمل في ستاج في
عرضتلي كرهبة كحلة كبيره خرجولي منها زوز ملثمين هزوني لدار خربه .........غديكا
جاني راجل مكنش ظاهره ملامحو في ظلام قالي نعطيك فلوس وكرهبة ولتحب عليه بشرط
تخالي غالي يحبك .........استغربت شخص جايبني انا باش يطلب مني طلب من مستحيل انو
يتحقق .........لكن بعد تهديدو ليا .............والفلوس لحوالي بها عينيا مكنتش
نجم نرفض................دخلي باش نعمل ستاج في كلينيك بوغالي وبمعرفتي بعايلة
القادري رسمة المحبة علي غالي وخليتو يتعلق بيا بعد عامين عرسنا وكنت كي صفحة
العسل معاه وراجل معاودش حتي ضهر في حياتي لكن بعد متخرجت ودخلت نخدم في الكلينيك
عاود طلب مني اني نتقابل معاه ...........طلب مني اني ندخل صفاقات متاع ادوية
مشبوهه للاكلينيك ضتريت باش نوافق بعد ماهددني بعايلتي بولدي .........لحد موالت
عمليات زرع بدون ترخيص وكان غالي يصحح علي الاوراق من غير ميشعر ساعات انا نحطلو
برشاا اوراق مابعضهم علي اساس تواصيل مكنش يعرف لهو لا عايلتو شنوا بقي يصير من
وراهم...............لكن انا والله كنت مظطره مكنش عندي حتي حل انتي متعرفش القوه
لعندو ...........
_شكون
_صدقني منعرفوش وعمري ماريتو حتي كيف يطلب مني باش
نقابلو نمشي وانا عيني مغمضه اما كان فما وسيط بينتنا
_شكونو الوسيط
_منعرف كان اسمو مختار
مختار شنوا ............انطق
_ منعرفش لقبو لكن نعرف سري متع كرهبتو فقط
_ باهي اعطيني سيري
_.................والي نعرف والي راجل هذا واصل برشااا
وقصد باش يحطم عايلة القادري خاطر فما طار
كبير بينتهم
_باهي منال نبشرك بعد تجسيل هذا ضمنت حبل مشنقة علي
رقبتك ..................خرجت وخليتها تصيح انها مظطره
_ طلبت من عون باش يطلعلي سيري متع الكرهبه
_رجعت لعصام باش نقولو يخرج غالي بعد افادة منال مفماش
علاش باش يبقي
_ اهلا عصام ظهرلي سمعت اعتراف قمر ........لزم تخرج
غالي توا
_ موش بسهوله باش يخرج غالي لزم نخذو اقوال المجموعه
الكل ويوقعو علي كل الاقوال باش يخرج
_ باهي عصام هنيني عليه
_وين مشيا
_ معندي وين ماشيا لزم نعرف شكونو مختار هذا الوسيط وسيط شكون باش يجيبلي رقم سيري متع الكرهبة
........(دخل العون في يدو الورقة فها اسم شخص بالكلام خطفتها من يدو
...........لثواني كنت نتصور اني اصبت بالعمي مستحيل يكون هو الوسيط .......)
_قمر باسم شكون الكرهبة
_ مختار ...........
_شكونو مختار .......
_عصام باش نهبل تعرف شمعنها معنها انا عايشة في كذبة
كبيره
_ شنوا علاقتك بيه قمر فسرلي
_ هو لقام بتدريبي هو لكان رئيس لجميع المهمات السرية
لقمت بها وهو ليعطيني جل الاوامر تتفكر كيف رفضت مهمة دخول دار غالي تتفكر راجل
لامرني بتنفيذ المهمه
_نتفكر
_هو نفسو هو لكان يصدر الاوامر
_تحكي علي مختار رئيس الاركان
_ ايه هو ..............هو ياعصام ....تعرف شمعناها
معنها الخيانة .............من داخل المؤسسة ...........معناها حاميها حارميها
.............اففف يارب ............لزمني نمشي نقابلو لزم يفهمني شنوا علاقتو بيا
وعلاش كان وسيط لعملية قاذرة
_ لزم تثبيت جرم عليه تتخيل شمعناها تهمه كيف ماهذي باش
دخل مؤسسة كامله في حيط ملزمش تتسرع انا توا نهز تسجيل منال للمقيم العام وبعد
نشوفو شنجمو نعملو
_ باهي عصام رود بالك علي روحك ..................تلفون
بينتنا....................مزلت مخرجتش من البيرو وتلفون صونا هز عصام .........
_في بلاصة خالية بعيده علي عاصمة
30كيلمتر كان واقف قدامي والبسمه مرسومه علي فمو........... يتكيف وينفخ في
وجهي ...........تكلم بكل استهزاء
مختار....شنوا مالا قمر وصلني انك تحب تقابلني
_ ظاهرلي انتي تعرف علاش مدامك وصلت سماعتني وطلبتني باش
نقبلك معناها عرفت انك متهم
_ههههههههههههههههه ضحكتني تعرف
_اكيد لزمك تضحك ........اما ناكدلك باش تبكي في لخر
انتي المتهم الاول في القضية
_ههههههههههه اسمع ياسيدي انا المتهم الاول واعية معا
شكون تحكي والا
_ لا هككا متخافش واعية ........المهم تم تثبيت جرمك لكن
انا حبيت نعرف انا شكون وبنت شكون وعلا ش تسلمت لمهمه لمن خلالها نفذت انتقام منعرفش حتي علاش ننتقم ولشكون
_مع الايام توا تعرف قمر مهمتك للان تمت ............كملت تنفيذ الاوامر ..........ستنه
مهمه اخري
_موش علي كيفك انتي متهم في القضية قبل كل شي ورطت ناس ابرياء
معندهمش حتي ذنب لسبب منعرفش حتي شنوا جاوبني علا شانا بذات وشكون شخص لمسر انو
ينتقم من دار غالي بيا
_انت سبب
_فاش سبب...........ريحني .............(جا ماشي شديتلو
يدو نطرها ...........جبدت الفرد في وجهو ...........هدتتو ............تتحرك
نفرغو فيك توا باش تنطق وتقولي انا شكون وعلاش لعبتو بيا...........في لحظات اكثر
من سته اشخاص دار بينا وكلهم وجهوا سلاح في وجهي ....................
_شنوا قمر تهز سلاح في وجهي ...............بعد مدربتك
وعلمتك وصلتك للمركز هذا تقوم تهددني................قدملي وشد سلاح حطو في جبينو
..................اضرب .....اضرب فاش تستني .............اشار بيدو لرجالو باش
يهبطو سلاحتهم.......امرهم باش يخلونا وحدنا ........................وبدا يحكي
...............قمر جدك هو لحطني في طريقك وهو لامر باش تتدخل للاستخبارت وهو
لوصلك للمركز هذا .........................امك وقت لكان عمرها 17 حبت خو القادري
كان ظابط في البحرية جدك رفض خاطر امك مسيحية وهو مسلم لكن هيا هربت معاه وحبلت
منو عائلة بوك رفضو وخاصة خوه القادري لكسح قلب خوه علي امك وعملها بكل وحشية
وطردها امك بقات من بلاصة لبلاصة بعد ما جدك طردها وتبرا منها وبوك تخلي علاها
.........مشات عاشت في شوارع للولدتك وماتت .........ليلتها جا خبر لجدك ماكنش
ينجم يقبلك ويربيك خاطر بنسبا ليه عار وانتي تعرف الكاثولكين بنسباليهم طفل زنا
نقمه وشيطان ..............لكن تكفل بيك من اول دخولك للميتم واسر علي دخولك
للمنظمه وتنفيذ انتقامو بيك انتي
_يعني غالي ولد عمي...........وشكونو جدي
_ لحقيقة منجمش نقولك اما صدقني متعرفش خير
_ تحلم لو كان تتخيل باش نسكت .........لايزي معيشيني في
كذبة لا يزي ستعملتوني لتنفيذ افعالكم دنيئة كنت نتخيل اني نخدم في دولة طلعت
موظقة عند عصابة وشكون رئيسها جدي ورئيسي لعلمني الوطنية وعلمني حب الوطن خسارة
.........اما صدقني مانحشيكم في الحبس وريت مستحيل نسكت والا نخاف منكم اليم ندمكم
علي نهار لخممتو فيه اني نرضخ لافعالكم ساجذه
_رودبالك تهددني ................ومدلي تلفون حطلي قدامي
فيديو فيه عائلة كمال لتبانتني وامي عايشة
في بيت وهما مكتفين ورجال شدين عليهم سلاح ..........مكنتش مصدقة لنرا فيه
قلبي نحس فيه حبس عظامي تشلت طحت علي الارض وانا نندب في وجهي .....علاش كل شخص
يدخل لحياتي يتضر .........ناس معندهم حتي سبب ..........نعيشهم في رعب .....................خزرتلو
بكل نقمه............شنوا المطلوب مني ...........
_تخرج منها لحكاية وتسكر القضية وكانو شيئا لم يكن
_وغالي
_متخافش تنجم تروح بيه في يدك وتخلي القضية تخذ طريقها
..................مشا وخلاني نندب في حظي انا نعرف قوتو ونعرف شنوا ينجم يعملي
..........بقيت نغرس في يدي في تراب وسارحه في دنيا الخالية لقدامي
.................وقفت نترامي طلعت في
كرهبتي وخليت كان الغبره ورايا
....عصام خرج غالي وقوم بالاجراءات الازمه في حق منال
ومجموعتها ................ومتنساش تبعث تبرير لجميع صحف او غائلة القادري بريئة
_ قمر اصلا سايي جاو هزوهم
_وغالي وينو
_متخافش خرج سايي
_باهي كيف مقتلك ..........هنيني
_ قمر متحبش تحكي شي
_ موش وقتو عصام .........نحب نروح نرتاح
...........اكيد توا نحكيلك .....سلام
_سلام
اليوم دقت أجراس الرحيل
وبدأ العد التنازلي
لنبضات قلبي
اليوم سأرحل إلى العالم المجهول
رحلة لا عودة بعدها
اليوم لا أعرف
من سيذكرني ويبكيني
ومن ذا الذي سيفرح ويبتهج لفراقي
اليوم ستموت الكلمة
وينتحر الحرف
وتدمع السطور
اليوم ستبدأ ساعة الحداد
ويبدأ الحداد على القلم
الذي لم يبخل في تصوير مشاعري
في يوم من الأيام
حبيبي
أودعك وداع الأموات
لا تحزن أيها القلب
فما عاد للحزن مكان
احيانا عقارب ساعة تبغضك ارقام حدتها كسيف تلسعك لمجرد
نظري اليها لمجرد تذكر كم مرا وكم مضي عن رحيل اختره القدر
....................عام مضي تتلوهو بعض شهور وانا مفارقة لارض القبور
............لا لارض ارضي ولا سمائي سماء كعبدين ذليل يجافي المصير اهاتي ذليلة
وقلبي حزين ااذكر وطنا ام اذكر معشوق ........
28عشرون حرفا في لغتي لا تستطيع ان تعبرا ما في داخلي
من حزن فكاني سرت عبدا مقيدا لها ........ساكتفي بصمت ثم صمت ثم صمت ........شاء
القدر ان اعود للنقطة الالتقاء تنفيذ الاوامر فكان
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء