حلقة 1
ام يافا
وقت لبسمة تكون من شق لشق ..والفرحة تكون من لقلب
......وقت ليتبرمج القلب علي العشق ونور
الحب ودغديغة لبنية ليفتعلها لحب وقت ليجتاح لعشق لقلوب تزهي دنيا وتنور دروب
...وقت ليكون الماضي والحاضر والمستقبل ...حب مرمري ..حب مافيشوا عنوان صحيح ...لاتنجم تقول عشق هيام غرام وئام ولع
شجن احزان فراق غيرة عذاب كلوا يحملوا
ابطالنا في قلوبهم ...قلوب تملات نبض
الهيام الفردوسي ...كل دقة ونوعها وكل شخص حبوا واقواهم اثنائي الهتلاري حب مميز
حب الايادي اليافي ...وحب الشرقي حب غزال لبراري مع لحبيب صدامي ...
سارة واه من قلبي سسارة وعشق سارة دقة فريدة حب فريد
حب حواء لثمار جنة المحرمة حب صعيب وبعيد
حب ماعندوش مقابل ...رغم هذا بنت الابطال بنت المدرسة القمرية الغالية لتعطي من
غير حدود اس
اصرت تضحي من اجل حب سامي حب الودادي حب العشق نازي
غزاها واستوطنها فاضحت بروحي والجسد الفاني ضحت باشببها من اجل حب اناني حب من خيط
اني ...
ضحت من اجل لاخوة عايلتها دنيتها تواءم روحها وايادها
الغالي ...ضحت عذراء العشرينات باستوطنها
وادي ذئاب ...استوطنها شايب خمسين مريض القلبي ومعلول لعقل ...
5/10/2015 يوم فاجعة يوم بسنبالي عايلة الاندلسي قيام
لقيامة قلوب 3 رجال تحرقت ..قلوب اضحت
متابرزة مع الابتلاءات ..خبر هبط كيف صاعقة علي اياد ريان زكرياء ..خبر
انتقلتوا كل مجلات الاخبارية لرجال لاعمال وكوادر دولة زواج ساجد من سارة كان كيف ناقوز خطر استفاقوا
عليه لكل ..خبر هبط علي سارة زادة بوجيعة كبيرة تمنات هيا تقلهم تمنات ..انها تحكي
وتخبرهم ..اما بعد شنوا بعد مافات لفوت ولعب ساجد لعبتوا تحصل عليها وعمل ليظهرلوا
سيبني يافا
اياد لو تحبني يعيشك متخرجش ممكن يقتلوك
معندهم مايعملولولي ناسية انا شكون مستحيل يتجرؤوا
ويقتلوي
نعرف اياد اما
لتوا يلوجوا عليك
علاش انانية يافا علاش خايفة عليا وموش خايف علي سارة
..اه سارة اختي تعرس بواحد كلب جيفة ناتنة بافعالوا ودنائتوا .. قتلك يافا امانة
في رقبتك قتلك اختي ..نوراة عيني ..امانة واليوم نسمع خبر عرسها وقتاه عرست وقتاه
صاح بقوة
منعرفش وراسك سارة ديما معايا اصلا هيا تحب صدام شنوا
لكان يخليها تعرس براجل كي هكا
سؤال هذا تجاوب عليه هيا ...طيشها وتسرعها باش يجلطني عمرها متحسبها
برائتها خلاتها تقع ديما في لمشاكل ..علاش سارة شخصيتك هشة هكا علاه ..جا خارج عاودت وقفت قداموا ...اياد متمشيلوش
ماشي لجهنم بساقيك
ابعد يافا متخلينيش نتعامل معاك بقوة
اقتلني علي جثتي تخرج من هوني
دزها باش تبعد لواتلوا يدوا ورا كتفوا قتلك مستحيل تخرج
اياد اقتلني وقبل مايتحرق قلبي منجديد ...فد علي لخر موش حاب يتقوي عليها ...سيب
يافا منحبش نؤذيك
قتلك لا اياد برحمة امك وبوك لاتشويني بربي موش حبك انا
دموعها سالوا
جبد يدوا منها بقوة وشد لوالها ذراعها لانك حبي موش باش
نغلط معاك وقتلك من قبل موش انا لنغرس راسي في تراب اختي هذي نهد دنيا ونموت علي
خترها فهمت
فهمتك سارة اختي زادة
كان جات اختك راك قمت بالواجب معاها
يعني انا غالطة
انا غالط موش انتي باش نخرج ورحمة امي ورحمة قمر تلحق
عليا نتصرف تصرف خايب فهمت ...بقات ساكتة موش حابة توعدوا ..صاح بقوة فهمت والا
فهمت فهمت
بعد عليها وخرج ..بقا يمشي زوز كيلومتر علي ساقوا باش
وصل لكياس عمل ستوب ..قاصد لعاصمة قاصد نار شعلتها في قلبوا اختوا
تلفون يوصوني في وذنها قلبها وجعها مستحيل تخليه يتاذي
حتي لو علي حساب كرامتها ...
هز تلفون ناعس بفرق توقيت
ميخائيل لو تعتبرني بنتك انقذلي اياد انقذلي راجلي ...
وسع بالك وفهمني سوا روحوا فوق لفرش بيك يافا
تتفس بقوة ..اياد من جمعه عايش معايا في بلاصة لباس بعد
مقمت بتهريبوا ...بقيت نستنا في اجراءات الافراج عليه لوعدتني بيها
ايام وتهبط موش قتلك واصلا مافي بالي شالي اياد تخطف
موش حبين يطلعوا لحكاية باش متتمسش صمعة المؤسسة
...المشكل موش هوني
المشكل اياد ليوم سمع بلي اختوا عرست ليها ايام بساجد
كابريال
شنوا كيفاه وعلاه
منعرفش لنعرفوا لزم تنقض راجلي والا نشوف غيرك
متخافش يافا دقائق ونحلها
..
حلقة 2
ام يافا
اول موصل لداروا ...لقا ريان وزكرياء يستنوا فيه قدم
حملهوه ثلاثة عينيهم فيها وجيعة كبيرة ..
اياد سمعت لصار
سمعت ريان سمعت
جا طالع شدوا زكرياء ...اياد سارة عمرها متعمل هكا الا
وراه سبب
نعرف زكرياء قالها بوجيعة ...فما انا وليوم نطلعها ..زوز
قلبوهم دقت بقوة من الخوف عليه
اياد يعيشك متخاطرش بروحك انا بطبعتي كنت ماشيلهم توا
ميتحرك حد من هوني انا ماشي واحدي فهمتوا
مستحيل تخرج باش تمشي لراجل لتسبب في خطفك
نفخ بقوة ..متهبلونيش شبيكم ياخي زكرياء انتي توا ترجع
وين كنت متخبي رجالي توا يهزوك وانتي ريان تمشي تجيب يافا خليتها وحدها
جوا باش يحكوا سكتهم لقلتوا يتنفذ من غير تكسير راس
طلع بدل حوايجوا وهندم روحوا ...كلهم يخزرولوا لبرودوا
..وموش حاسين بنار لتكوي في قلبوا
من اسبوع مراتوش ...عايشة علي صور في المجلات والاخبار
لليتكتبت عليه ..ملفوا كامل قدامها تتصفح فيه كل يوم ..ترقد بيه تقوم بيه
....نادمة انها تسرعت وما عرفتش حيقتوا ...ياريتها سالت ودققت في ماضيه ...
خرجت لجنينة لقات سارة شدة مجلة ..موش عارفة علاش غايضها
حالها ..برغم لكلام لقالوا بوها ...هزت روحها ومشات قعدت بجنبها ..
نجم نقعد
تفضل خزرتلها سارة
وقت لتراها تحس براحة كبيرة تحسها قمر نسخة مطابقة لاصل ...
شربت قهوة والا نصبلك
خلي عليك اتنصب وحدي ...
سارة تخزر للقهوة كيفاه تتصب في كاس وشردت في حياتها الي
موش عارفة نهايتها وين
قداه عمرك سارة
سالتها قمر
28سنة
صغرونه مزلت
وانتي
25سنة
حتي انتي صغرونة
يعيشك علاش ديما نراك حزينة ووفي عينك الم
تنهدت سارة من عروش لقلب ...تبسمت بوجيعة ياريت نجم نحكي
قمر ياريت نجم صيح ونعبر علي لفي قلبي قالتها في صمت ....
قمر ترا في شرودها الي اغلب لواقت مرافقها ...حسا بيها
حاجة ومخبيتها قمر من نوع لفضولي تحب
تنسنس وتعرف اش صاير واشنوا باقي يدور حبت تستفزها حبيتوا
ديراكت جوبتها شكون
لتخمم فيه
شيعت عينيها لسماء .اكثر ماتتصور
وعلاش مخيتوش
مكتوب
صحيح مكتوب اما لزم نسعوا لافتكاك حبنا
اذا كان لحب موش مسموح بيه لزم تقف مساعي لزم تكون حب
ذات والانا المتعالي تحت ساقين لزم تخمم في محبوب موش دوس عليه بمسمي الانانية
العشقية المطلقة الي اباحها كل البلهاء قامت وقفت تتفرج علي جنينة ..دموع محصورة
في عينيها موش حبة تخرجهم ...منحبش نحكي لفيا نحب ندفنوا في داخلي
احكي سارة احكي جبدتها وقفت قدامها قطبت حاجبها وخزرتلها
خزرة تحدي لحب عمري ميسلم كل شي مباح باش
تفتك حبيبك مفماش مرا غير منك ومن ذاتك لزم تثق في روحك وتحقق احلامك لزم
تكون متفانية لخدمة دقت قلبك باش توصلها
نشوة الهيامية لدقت علي خطرها علاه نحس فيك متخاذلة علاه
غالط قمر غالطة لزم نسلموا كيف تلقي راجل حب مرا اخري
عشق واحدة اخري هوني تاقف لحكاية هوني
تكون انانية نخمم فيه هوني تسقط القنعة وتقام الجنائز علي قلب دق لراجل موش مسموح
باش يدقلوا هوني لزم تتحداها الانا المتعالية الي وصلتي لهوني دمرتني خلاتني نتحطم
خلاتني نخذ شايب عايب راجل احقر منوا مفماش راجل نكرهوا ونكره كل فرد من عايلتوا
..تحكي وناسية الي بنتوا قداموا ...
قمر عضت شفتها شفقة بحالها هيا حره تحب وتكره لتحب ..مستواها
الراقي خلاها تكون متوازنة فكريا ونفسيا تعرف تتعامل مع الاشخاص وتوصل تخرج الالم
في داخلهم وهذا لعلمتوا مع سارة بكلمة ..كلمت حب هدتها وخلاتها تبوح بلي في داخلها
حلقة 3
حابس في كرهبتوا يستني في رجال ساجد باش يدخلوه لداخل
..بقا يستي دقائق ..ودخل
كان مستني وصولوا بعد الاتصال لوصلوا ...تم اعلاموا بعدم
تعرض عليه واي خطئ ممك يؤدي بحياتوا ...خرج يزرب يحب يقابلوا ويتشفي فيه وفي غالي
الي يعتبروا متجسد في صورة وريثوا الايادي ...
كانت تحكي مع سارة وتعبر بيدها بكل عظلة في وجها فجاءة
وقفت حواسها علي الحركة حست الزمن وقف وكل شي يمشي برولونتي حضوروا اسرها خبلها
عينيها صحيح اياد موش اجمل راجل في دنيا اما حضوروا رجولي خلاها تحس انوا مفما في
دنيا كان هوا وهيا سارة كات تسمع فيها ترا فيها مركزة وراها دورت وجها ورات ايادها
رات لخوا ولبو ..رات صديق والحامي للي يضرب عليها ويدافع عليها ..تنطرت من قدام
قمر تجري اياااااااد اول مراها حل يدوا وغصة شدتوا في حلقوا ...غصة خوا مكلول
بوجيعة اخت تحرمت من فرحتها اخت موش فاهم علاش في يوم وليل باعت روحها شايب هكا
..ترمات في حظنوا تبوس وتعنق وتشم في ريحتوا...اياد حبييبي ياروح اختك توحشتك توحشتك
برشاا حمدلله اني ريتك لباس حمدلله ربي انعم عليا وروجعك لينا سالم
سارة روح اياد انتي صغرونتي دلولتي لباس
بعدت عليه ودموع معبية عينيها لباس جات باش تمسح دموعها
شدلها يدها دموع شنوما هذوم
اياد دموع وحشك
غالطة سارة قلي
شنوا لعملتوا قلي شكون جبرك باش مخوفك
تكلم صوتوا القوي صاخب حبيتي سي اياد فاش قام نهددها
قرص علي قبضتوا يدوا وشد سارةمن معصمها بقا يقحرلوا في
حرة تخوف قحرة موت ...ساجد قدملوا مد يدوا خزرلها اياد وتبسم بسخرية
ضحك ساجد بقهقه كيفاه رجعلوا يدوا شنوا سي ساجد من باب
لاحترام كيف نمدوا يدنا نسلموا
منسلمش علي شخص كيفك
ومنتشرفش باش نحط يدي في يد مسخ كيفك
واعي فاش تقول
واعي اصلا غالط نحكي معاك جاي نهز في اختي
مرتي هذيكا ومستحيل تخرج من دار
هههه هاني باش نهزها وجر ب امنعني
صفق بصوابعوا لقا دنيا لكل تسكلت برجالوا ...جرب ملا هز
مرتي من هوني تخرج جثة مفرتكة قطايع
سارة خافت وبقا تتندب في حظها لزم تتصرف وتنقذ خوها جات
تجبد في يدها منوا كبس عليها اياد ....وصفر بالقوي دنيا لكل تعبت برجالوا سركلوا
لفيلا من كل شيرة ساجد بقا مصدوم ...من شي لرا فيه
قمر حلت فمها طاق حست روحها في فيلم امريكي موش واقع
قدمت وقفت بجنب بوها خايف عليه وقتها اياد انتبه لوجودها بقا مستغرب انتي شتعمل هوني
شنوا سي اياد متقوليش تعرفت علي بنتي لمصون
بنتك ياوالله حوال هاني فهمت لعبة توا
مفما حتي لعبة سي اياد جوبتوا قمر كنت نادي في مهمة
وبابا معندوش علاقة بهذا وعيب هد علينا برجالك
موش حاب يخزرلها ويكلمها دار لسارة ..خلينا نخرجوا
وحسابك من بعد توافق تربط اسمك بوسخه كيفوا تفشه ميسوي شي
اياد يعيش خويا مكتوب
انا مكتوب وانا زمرة سماك واعية فاش تقول واعية
والا خايف مزطلة هبلت انتي عارفة شكون هذا وحش ابليس انتي بنت غالي توسخ روحك
واسمك بعافن كيفوا
منسمحلكش باش تسب بابا جوبتوا قمر بتحدي
قحرلها وكان مسمحتش اش عندك تعمل اه جاوب وحسابي معاك موفاش صدقني مندمك علي نهار
لحولت تؤذيني فيه
بلعت ريقها وخافت من نظرتوا الحادة خزرت لبوها الي شايخ
في مخوا علي المسرحية الي اخرجها وباقي مستمتع بمشاهدتها
سارةمتهبلنيش شتحكي انتي
بعدت عليه لمسمعتوا اياد انا حبيتوا ساجد قالتها بغصة
بقا مصدوم من كلمتها سارة
يعيشك اياد انا معرسة توا متلحش عليا لو تحبني هز رجالك
وروح من غير مشاكل يعيش خوايا
مستحيل نخليك هوني كي انت هبلت باش نهبلك معاك
قدم ساجد وقف جنبوا شنوا سي اياد مسمعتش مرتي شقالتلك
وعلي كلمت مرتي يحط يدوا في رقبتوا ويجبدوا بقوة ليه للي
قص عليه نفس سارة تصيح تشج فيه قمر قربت تنحيلوا في يدوا ...رجالوا خافوا وقت لراوا
سلاح في رقبة ساجد
مرتك ياكلب انتي تاخذ اختي انا باش مهددها
سي.ب..ن.ي ا.ي.اد يحكي بحرارة روح
منسيبكش الا مطلقها توا وتصحح علي وراق طلقها
مدلوا رجالوا وراق طلاق
صحح
سارة خافت لا ساجد يتهور وينتقم بعد مايطلق صاحت بقوة
سيبر اجلي اياد قتلك نخبوا علاش موش حاب تفهمني ...وينك
انتي من شهور من نهار لعرست نسيتني ومخممتش فيا خدمتك ومرتك لهوك عليا وانا بقيت
وحدي وحدي اياد وانتي بعيد عليا وفا انا كبرت ولزم نختار حياتي
يدوا ترخفت علي رقبة ساجد لباقي يتنفس بصيف قمر بقات
تقحر لاياد ..وتحل في كرفات بوها
شتقصد سارة قدملها اياد بعد ماسمع لكلام منها
لسمعتوا قتلك حبيت عرست وفيت يزي ماينا كبرت وليت نعرف
صحيح من لغالط وحتي كان غلطت خليني نغلط باش نقوم ونصلح
انتي طحت في بير فاسد بير كلوا جراثيم طحت مع ناس مترحمش
شعملولك سارة شكونك انتي
انا سارة بنت قمر وغالي افهمها هذي نعرف وين حط ساقيا
وموش لزم تبقي تبين انك خايف عليا لو تحبني تبارك زواجي وتحترم قراري
بقا يخزر لعينيها محسش بوجود سارة سارة خيال وبدن واقف
اما روحها طاهرة صافية قلبها لكبير بسمتها لبنينة لحنينة نوارتوا صغرونتوا وين
سؤال بقا يعاود فيه عقلوا وهوا راجع م غير سارتوا دلولتوا بعد لكلام لسمعوا منها
...
لو تحب نبقوا اخوة احترم قراري ولو موش باش تحترمني
انساني
حلقة 4
ام يافا
قاعدين في صالون يقول في جنازة كلهم عينيهم حزينة يدهم
مكبلة موش عارفين شنوا لباش يصير ...وقت لسمعو تدويرة لمفتاح قاموا كي لملسوعين
عرضوه اياد ويني سارة سؤلوا ريان
فادد موش حابب يحكي مع حد ...نحا كرافاتوا وتلفت لزكرياء
لمزال مممشاش زاد فد اكثر ...شقلت انا موش قلت لزم ترجع تتخبي حتي وين نلقي حل
اياد بقيت متحير منجمتش نمشي
متتحيرش ومتحيرناش عليك قلبي تفغم من المشاكل تعبت وتهديت
موش ناقص وجيعة اخري ريان حكا معاه بطريقة الامر هز زكرياء توا ووصلوا وتهنا عليه
باهي اياد ..طمني
منعندي منطمنك مرا خذات راجل حبيتوا وقالت انسوني لذلك
انسوها فهمتوا وتعدا وخلوهم مزبلهين في
كلاموا يافا جات لاحقة عليه شدها ريان من معصمها يافا مننصحكش توا رودبالك تقربلوا
نعرف اياد كيف يبدي منرفز
وكيفاه باش نخليه هكا
توا يهدي
زعمة شصار شبيها سارة عملت هكا
علمي علمك توا نتصرف ونفهم لحكاية
باهي ريان وصل زكرياء وايجا بات هوني
لا باش نرجع لداري يعيشك يافا
باش نبقوا وحدنا
ريان وهك ترا دار كبيرة علاش متجيش تسكن في داركم
منحبش نقلكقكم
مفماش قلق توا نحضرلك بيتك باهي اياجا علي اقل خليك في
ظهر اياد
باهي يافا يعيشك
تسمع فيه يكسر في بيروه وقفت بعيده تسمع موش طايقة تبقي
ومتمشيش من ساعات حبس روحوا ولتوا لهدي لتوا لخرج وكل شوي تسمع تكسير قلبها كلاها بعد
شبيها وين لزم تمشيلوا وتاقف معاه باش ترفعلوا معنوياتوا ...هيا مرتوا سندوا عضدوا
دقت لباب بشوي ودخلت لقات لبيرو لكل مقلبو طاولة مكسر كراسي مرمين كتب طايحة اوراق
متناثرة فوضي خلقتها عصبيتوا ترا في صورة سارة مكسرة من لكواتروا قدمت هزتها
وخرزتلوا ترا فيه يرحي في دخان علي بعضوا ... اياد علاش عامل في روحك هكا
خليني وحدي قالها برود
يعيشك حبي اخرج اقعد لبرا وخلينا نتناقشوا
قتلك اخرج اخرج اخرج قام هز بيروه وطيشوا بقوة بعد في
متفاجئة م تصرفوا تصدمت لردة فعلوا لعنيفة لعمرها متخيلتها منوا صاحت بقوة هبلت
انتي كان جات فيا
يافا مجاتش فيك واخرج منحب نحكي مع حد ونسمع حد فهمت
مفهمتش شنوا لصار اختك خذات راجل افهم وبربش بسايسة علاش
لقوة ربي عطان اعقل نخمموا بيه موش تقول انسوها سارة
جايا تعلم فيا في دروس يافا
مانيش نعلم فيك اما انتي ياسر متسرع ساعات نحسك متخممش
بعقلك
بالهي هكا سماك بهيم انا
مقصدتش حشاك
قاصدة يافا قصدة ...حط يدوا علي محزموا وبقا يحك في
ليتوا هايجة شوي ....لصار اني قصرت في حقها نستها بخدمتي وبيك معادش متولهي بامانة
تحطت علي عاتقي وشوف شنوا صار لصار ميتغفرش وميتقبلش اختي انا تاخوا جروبوع ابليس
زنديق اه
اياد يعيشك علاش تلوم علي روحك
نلوم خاطر قصرت خاطر خليت اختي ترمي روحها للموت عمري
كامل نخدم عمري متلاهيت عليها وملي عرست نسيتها ومبقيتش كيف قبل
شتقصد يعني انا لهيتك علي اختك
انتي لهيتني علي دنيا لكل يافا خزر لعينيها ..من غير
منشعر حبيت لدرجة سلب لعقل وروح ..وليت لمشاعر لتقودني عقلي غايب وقلبي حاضر وانا
متعلمتش نكون هكا انا عسكري والعسكري لزم يكون فايق تعلمت نسمة كيي تتحرك لزم
نعملها حساب لحاجب لتهز اعرف راهي خلات ...تعلمت نحكي مع الغير باش نفهم احول
البلا د والعباد باش نحميهم ونحمي تفكيرهم تعلمت نسهر علي راحة شعب ومن يوم لعرفتك
وليت حامي ليك نسيت مهمتي نسيت واجبي الوطني عشقك قيدني كبلني خلاي انسان محصور في
حضورك نتلغي ونوالي عبد مفتون ..ضرب راسوا بقوة صوتك استعمر جداني وفجر ينابيع
هيامي خلاني الة نتبع في احاسيس تبرمج عليها لقلب ولعقل للي تغيبت انا لتعلمت نكون
فايق قبل مايتحكي ويطرح قبل مايتحلل ويتناقش تعلمت نسوي ونخطط نكتب ونعبر تعلمت
نضرب ونسدد وليوم اعضائي تشلت كلوا بسبب عشق منعرفش علاش فقدلي كياني وسيطرتي
حلقة 5
ام يافا
كلاموا كان كي راصاص المتلاحق ...فجر قلبها وحطوا خلاها
تتخيل الي نادم بقات تخرولوا بكل حيرة والم اجتاحها بصدق مشاعر خرجت في كلام كي سم
المتناطر مسحت دمعه نزلت من عيونها
...وجوبتوا لو حبي ليك شر حيد عنوا لو حبي بعدك عن خدمة لوطن تخلص منوا لو حبي
خلاك تتاسر تحر رر منوا لو قيدتك بعشقي ...قطع اربطتوا ...لو تتخيل ياعسكري انوا
تواجدي معاك شتت انتباهك فانا سانسحب ....وخرجت تجر اذيال لخيبة ....دخلت لبيت
جمعتهم بيت شهدت علي حبهم ..بيت وطدت علاقتهم ..تخر لفرش شهد علي ممارسة اقوي
شعائرهم ...وليوم يقولها حدتني علي خدمة لوطن ...الوطن لعاشت ذليلة علي خاتروا
لوطن لرخصت دماء في سبيل ارضاء ارضوا ...الوطن الي يتسقا بروح وبدم ...وميغلاش علي
تاربوا ..الوطن لضربتلوا تحية وانحنت جندية ابيه للوطن كان لها اما وابا واخا
...وليوم باتت تهدد راحة لوطن وامن لوطن واستقرار لوطن ...رجعت علي طريقها ليت
غالي تمشي وتمسح في دموعها لقات لمربية شدتوا في يدها ترضع فيه اخرج شوية
حاضر مدام يافا
خذاتوا من عندها وقربتوا لحظنها غاليا روح مامتك سمعت شقا
لبوك سمعت ..وليت انا سبب ياروحي انا ..قطعة مني نزلت دمعه علي خدوا قربت باستوا
بقوة وحطتوا وخرجت ...هزت مفاتح لموتور وخرجت تسوق باقوي قوة تسابق في ريح
..كلاموا يزن في وذنها الهيتي علي خدمة لوطن ..الوطن الوطن ....تسوق باقوي قوة للي
تنطرت من فوق الموتور وفقجت سيطرتها ...جات علي الارض مرمية ...طلعت منها اه مكوية
...قامت بصيف تنفض في حوايجها ..وتمسح في دمعتها ...اياد ديما حطني في فم لواجهة
ديما يافا ظالمة ديما يافا غالطة عمرك مغلط وقلت يافا باهية يافا ضحت وعملت يزي
تعبت ماينا تعبت وفيت وستوفيت كل حقوقك معايا ..جبدت تلفونها طلبت حسان تحب تحكي معاه وتفرغلوا قلبها
ملي سمع صوت لموتور كذب وذنوا طل من شباك راها دوب مخذات
دورة يرا فيها في شارع كيفاه مخلية كان لغبرة وراها .....
هبط يجري فادد يصيح بقوة يافا هبلت سايي والله منوريك
حسابك معايا ليوم
حلقة 6
ام يافا
قاعدة فوق حجرة
كبيرة في راس نهج متاع حومتها ..سروالها
تقطع من طيحة ...جاكاتها تخبشت للكلها رغم وجيعة زلعة الا انها موش همها وجيعة
قلبها اكبر ..ترا فيه يجري في اول نهج ضحكت وتفكرت صغرتها كيف كان يجري عليها هوا
وخوها
يافا سافا خوفتني عليك اش مجيبك في ليل
توحشت تبنيكة في لحومة
سي لعزري هبلت
تبنك توا
افف حسان جايا باش نحكي وليت تسال وتبقق
ايه نحكوا اما موش هوني
ملا وين
وين متحب
باهي اركب
ستا ساحة شنوا هذا
شي طيحة صغيرة اطلع ورايا
بربي وراك هات لمفاتح جاي
طيشتلوا لمفاتح ولبست لكاسك ...طار بيها طيران لاقرب
جنينة . عمومية .مشا للقهوة متاع رجال
مزلت محلو لة شرا قهوة ورجعلها يجري لقاها قاعده علي لقازون وحط رجل علي رجل اه معلم خوا
صحيت يالخوا
تبسم علي مطقها وزيد خوا اي شبيك يافا
احكي
معندي منحكي توحشتك قلت نجي نقعد معاك
توحشتي قالها بلهفة
برشاا انتي لخوا لحرمني منو ربي وعايلتي احسان معزتك
كبيرة صدقني
ايا باهي قالها بتحسر ...جات باش تحكي منجمتش تعبر لفي
داخلها منجمتش تقول ايادي شحكا معايا منجمتش تعايبوا سكتت وبقات ليلة كاملة تحكي
علي دنيا والماضي
******
رغم جرحوا لمزال اخضر الا انوا ماحبسش ولايوم علي تحواس
عليها موش فاهم شبيها وين مشات قلب دنيا عليها علي امل يراها يسمع صوتها ...كان
قاعد وصلتوا اخبارية من زملاء امرهم بتحري عليها قالولو الي هيا تسكن في ****
هز لكرهبة يسو ق بيد وحدة هات يوصلها ..ملي قرا لعنوان
عرفها دارها بقا يصوني برشاا للي حلوا راجل يعمل في 30 يحك في عينوا بنوم
سامحني خوايا غالط يمكن
شكونك تفضل
نلوج علي دار غزلان
وشكون سيادتك جاي تلوج علي مرتي في نصاص ليالي كلمة نزلت
عليه كي صاعقة خلاتوا يتعكز علي الباب منة قوة لوجيعه مرتك قالها بحيرة متامل انوا غلط في لسمعوا
بهلول سيادتك شكون
رامز شكون جايا من بيتها تتبحتر بعد مكبرت كرشها شوية
ودزت
مفما حد غزلان ارجع ارقد
دزوا صدام ودخل لوسط دار زوز عيونهم تلاقوا واه من تلك
نظرات نرات عتاب والم وتحسر غل وجيعة غدر وكذب كرشها دزا قدامها شي لصدموا وخلاه
حاير
صدام خرجت لحروف بصيف ررامز ملي ذكرت اسموا عرفوا نفخ
بقوة اش جيبوا توا
بالحق لقالوا
ايه صدام بالحق متقوليش جاي تبارك توا
شتحكي سماك انتي انا نبارك وانا زمرة وهاك حبلة من وقتاه
اه تلعب عليا غزلان تخون فيا
بقيا مزبهلة في كذبوا نسي حبالتها نسي تخليه عليها خيانتوا
ليها وجاي يقلب في الادوار باش يربح بلاصة
نخون فيك قداه غبي جيب حاجة جديدة ومن فضك جاي هد عليا
في داري انا راجلي لباس
قدم شدها من شعرها متهبلنيش انا راجلك يابنتي يزي بلا
لعب خير قربلوا رامز ضرب صدام بونيا علي وجهوا للي تتراما قريب يطيح رجعلوا صدام
بونيا وجبدوا من معصموا عطاه راس جابوا سابل 4
يامجرم سينبي تفارع فيه باش يسبها
ولد شكون لفي كرشك جاوبني
ولدوا قالتها بجراءة ضربها بكف معاناها كنت تمثل عليا في
لحب اه وانتي تغرم من روياا صحة ليك والله وحدة كيفك لعبت بيا ..بزق عليها وخرج
خسارة متستحقش حبي خسارة فيك قلبي
ملي حدد تلفونها
وين ركب في كرهبتوا ولحق عليها يضرب في
الفلون يتحلف فيها ....علي تسرعها وعدم مبلاتها ..اول موصل ولقاها قاعد علي الارض
وبجنبها احسان ويدوا فوق كتافها نار وشععلت فيه زلزال مدمر ضرب في صدروا
حلقة 7
ام يافا
تضحك بصوت قوي من نكت حسان الي فرهدتها وخلات قلبها
يزقزق من البهجة ...حسان شايخ علي طفولتها وبرائتها من اول مراها في لحومة حسها
بيها حاجة وكيفاه ميفهمش صغيرتوا بنوتوا دلولتوا عشقتوا معذبتوا ...ملي قعد بجنبها وهوا مشيخها ضحك
حبها تتفرهد يعرف يافا يعرف ضحكتها علي اطرف مبسمها يعرف حزنها يتلاشي من اول نكتة
يعرف كيفاه يفرهدها ..شاخ في مخوا علي ضحكتها حط يدوا علي راسها فرفشلها شعرها
...مبنك ومحنك يااحلي يافوتا في دنيا ...جات باش تجاوب صوت مدوي صوت عمل رجة في
قلبها صوت خلاها تقوم وتتفض خلاها تتلسع في قلبها من قوة صوت حست فيه غل غيرة الم
قهر صوت راجلها وتعرفوا قريتوا قراية قارية كل نغمة في صوتوا وصوت هذا تكرهوا تخاف
منوا عيونها رعشت قلبها زفر بقوة معلن حالات الاستنفار القصوي صدرها تهز وتحط
ايااااد
حسا ن قام يخرلوا وهوا يقدم كي سهم لكاسر نحيتوا ....جا
باش يقدملوا عار ف باش يتعامل معاه بقوة ولزم يتهايئ
يافا شدت يد حسا رجعتوا لتالي ارجع حسان انا نحكي معاه
عرضتوا تهرول وقفت قداموا اياد شبيك شنوا لجابك
شدها من مرفقها ولصقها ليه شنوا لجابني سماك اه
سيبني اياد هبلت
هبلت كان خليك انتي وها جربوع عايشه
قدملوا حسان نطرلوا بقوة ...تتقوا علي انثي هذي رجولتك
سي اياد
يعطيه اياد بونيا يجبوا في الارض هاي رجولة لتحكي عليها
...قام حسان رجعلوا بونيا للي خشم اياد تنطر بدم يافا صاحت بقوة ....اياد مسح
خشموا بيدوا لقا دم ...تبسم وقالوا صحة سيلتلي دمي ...ويجبدوا من يدوا يعطيه راس
جا باش يطيح يعاود يجبدوا يعطيه راس اخر ...مزال باش يعطيه بونيا ناوي يحفرها
فيخشموا وتشدلوا يافا يدوا بقوة ...وصاحت اياد يزي يزي جبدت حسان من يدوا ..جاحسان
باش يضربوا وقفت قدامهم يزوا زوز يزوا علاه هكا حرام لتعملواى فيه
حرام لله يافا خرجة مع راجال في نص ليل وتحكي علي حرام
اه انطق
كي خويا حسان نخرج معاه وقت منحب افهمها هذي
جبدها من شعرها وقربها ليه كي خوك ولد بوك وامك هوا انطق بقروني ترا فيا والا
من جماعة سروال طايح والرجلة الغايبة
حسان بزق دم وخززرلوا مستحيل يعديهالوا من ربي يكرهوا
وفكلوا حبيبتوا ..جبد سكينة من جيبوا وقربلوا باش يضربوا لحظة لكان يعارك فيها في
يافا ...يافا لمحت سكينة لباش تتحط فوق رقبت اياد ديركت ضربتوابركبتها منازنوا للي
ضربة دوب مضربتها في زندتها صاحت بقوة
كلهم صاحوا احسان طاحت سكينة من يدوا من
خوفوا علاها اياد مخوا حبس تخيل سكينة ضربتها برشاا جبدها يناحي في الفاست للي
اخترقتها سكين يشوف في جرح ينز بدم من شيرة زندتها ...معادش واعي بشي بعد علي يافا
ويقدم يعطي بونيا لحسان ويبرك عليه يفتقوا من بعضوا ...مكش راجل حيوان تضربلي مرتي
والله مقتلك يافا تجبد فيه وتصيح اياد يعيشك يعيشك سيبوا باش تقتلوا ..بدات تصيح
للي تلموا لولاد وناس لمتعدية موقفوه من فوقوا كان دموا في الارض
يافا داخت من لفجعه جات هابطة باش تراه جبدها من مرفقها
لمضرب مزلت موش حاشمة انتي روح قدامي
سيبني اياد راجل باش يموتوا مهبول انتي ضربتوا علي صدروا
جاو ناس يحزوا فيه كيف سمعوه يصيح
خويا شبيك دز علي لعباد هكا اختي تابعك هذا
تاعبني خويا يعيشك برا لا تلحق علي حسان
جبدت اياد من يدوا عرفتوا تخدر معاد ش باش يسكت خلينا
روحوا توا نحكوا في دار
دزها من يدها وقدمها قداموا توا نحكوا حتي انا عندي
منحكي اركب
دار ركب وساق بقوة لاهوا تكلم ولاهيا تكلمت ...حبس قدام
فارمسي حبس وهبطلها اهبط
علاش هبطا
حل لكرهبة وجبدها الاسئلة لغبية منحبهاش
امشي قدامي
سيبني نجم نمشي وحدي موش بهيمة انا باش تقودني
قرص علي فموا علي صوتها لعالي امشي يافا خير
بقا يستني فيها لبرا موش حامل يراها يغرزولها ...حسها
بطات ...من لوجيعة لفي قلبوا كل وين يتخيل ابرة داخلة في لحمها
خرجت وعيونها محصورة بدموع من قوة لوجيعة جبدها حملها
وجعتك
برشااا
سملة عليه باسها في خدها ...بقات الفارمسيان شايخة علي محبتوا لظاهرة من خوفوا
خلصها وخرج قلبوا معبي
حلقة 8
ام يافا
طريق كامل يمسح في خشموا لملفلوق بدم رفض حتي يداويه
..طريق كامل وهوا يصيح ..موش مصدق لصار وين يتفكر الي هيا وحسان خرجوا وحدهم
ويففشها في شعرها وتضحك بصوت معاه نار تحرق في جاشوا ..وصل للفيلا هبطت تجري قداموا موش حابة تزيد تحكي اكثر لحق
علاها وخلا باب لكرهبة محلول عطا مفتاح لرجالوا باش يجيبوا لموتور ..من لدخل لدار
طيش لفاست في الارض وبقا يخزرلها كيفاه تجري في دروج .بقا حط يدوا علي خشموا حسان
وراسك منمحيك ياكلب ..انا تضربني هكا باهي حب يبرد وجهوا وينظف خشموا ..يرا في دم يجري مع لماء
تفكر سارة وقت لداويه وقت لتمرض تسهر عليه متحملش دقة شوكة فيه ليوم تجرح ودموا
خرج ومالقاهاش ما دوتوش مراتوش ...زاد فد اكثر خزر روحوا في لمراية ....سارة سارة
علاه شوية قلب خوك علاه علاه يارب وين نقول تحلت تتشربك يارب تعبت تعبت معادش قادر
....الا اختي ياربي ..امانة قمر يارب ..محفظتش علاها ..
نسا ويجعتوا نسا الم لصابوا نسا يافوا نا دينا لكل خرج
خذا لكرهبة وساق للجلاز لزم يراها لزم يحكي معاها لزم يشكي هموا لبوه واموا ..تعب
وحيلوا تهد ...اول موصل دنيا كلها ظلام كان ضو لقمرة دوب ممضويتها بدنوا رعش وزرفل
موش خوف اما تقدير لهيبة ها لمكان ...ملي وصل هبط باس قبر بوه واموا قبر واحد جمع
زوز عشاق هكا كانت وصيتهم هكا طلبوا من دنيا يمشوا للاخره ليد في اليد
طلعت منوا تنهيدة كبيرة تنهيدة خلات قبوا يحس بشوية راحة
في حضور لاب ولام ...تعب نحب نحكي ونشكي نحب نفرغ لفي قلبي ليزي فراقكم زاد لحمل
اه يابابا قتلي انتي راجل دار خواك امانة في رقبتك ومنجمتش نحافظ علي ها لامانة
خوايا كبروا وكل واحد وهموا ...سارة قسمتلي ظهري ياقمر قمرتي وقمرتك تحداتي وخرجت
علي طوعي خذات زنديق خاين خذات شايب عايب اه يا قمر قلي شنوا نعمل راهي تسدت في
وجهي راهي جات كلها مع بعضها علاه كتبلي شقاء كتبلي نتعذب ياريت انا نتعذب وهوما
لا اما قلي قلي شنوا لحل
وينك ياقمر وقت لنتعب نلقا حظنك يحوني بسمتك تزهنيني
كلامك يحييني ريحتك تشفيني اه ياامي ..ولدك تعب تعب وناروا شاعلة ...بقا لصباح
وهوا يناجي فيهم يشكي ويحكي للي سمع الاذان اذن ..هز روحوا ومشا لاقرب مسجد دخل
توضا ...وصلي وكانوا عمروا ماصلي رما حملوا علي رحمان في اول سجدة رما اهاتوا
وحسراتوا في ركعة توسل لربي باش يبردلوا ناروا توسل ربي باش يهدي سر اختوا ويبين
سرها ..كمل صلاتوا وخرج قاصد دار وفرش يحب يتمد فوقوا ويرتاح بعد تعب يوم من ابشع
لايام ....
دخل لقا دنيا لكلها مظلمة ناس لكل راقدين دخل بخطي
متثاقلة حل باب بيتوا ملقاهاش موجودة تفجع دخل لدوش ملقهاش مشا لبيروه مفماش نفخ
بقوة اكيد مشات لدارهم مزال هابط يسمع في صوت بكاء بشوية تفكر بيت ولدوا رجع دوب
محل لباب لقاها حطتوا في حظنها ودموعها علي خدها تشهق من دمعه حل ضو مفجوع يافا
شبيك قرب قعد علي ركايبوا قدامها
وقت لراتوا جا غمضت عينها ومسحتهم فيسع ...موش حابة
تجاوبوا قامت حطت غالي في فرشوا وخرجت
حلقة 9
ام يافا .
باس ولدوا وخرج لاحق عليها . دخلت لدوش دخل وراها لقاها
تغسل في وجها وتلطم عليها بقوة ....شدلها يدها يافا شبيك شنوا لصار
مصار شي اياد سيبني حبت تجد يدها منوا منجمتش
قلي شفما متفجعنيش
اش فما تحب تعرف اش فما باهي
جبدها خرجها من دوش
يحب يسمعها تفضل احكي
وقت لراجلك يخمم
في روحوا وعايلتوا قبل مرتوا وقت ليكون اناني ويتهمني باني انا حدتوا علي خدمة الوطن وعايلتوا وقت
ليطيحلي قدري قدام ناس ويضربني وقت الي يوالي باربوا يضرب اهلي وماليا وقتها نبكي
ونبكي دم خاطر انا تعبت ونقمت علي تصرفاتك وحياتي
معاك مساطت شعلت صوابعي شمع علي
خاطرك تعبت باش نجمت نتقبل اخطاءك غيرتك تصرفاتك خيانتك حتي ولد جبدتوا في لحرام
قبلتوا واحتنتوا كل علي خاطرك اما سايي لكلام لقلتوا وتصرف لتصرفتوا خلاني نحبس
هوني نحبس ومعادش نحب نقدم مع راجل قالهالي في وجهي انا خليتوا ينسي خدمة لوطن
ويتوالها بعايلتوا
تاعب بدنيا ونفسيا زيد كملت كملت عليه نفخ بفدة علي صغر
سنها علي تبهليلها ...لكلام لقالوا كارها تفرح بيه كارها تجنح انوا راجلها حبها
لدرجة جنون لدرجة استعمرتوا ومهمشتوا وافقدتوا توازنوا تنهد ونطق من عرو قلبوا
يافا خاطر قتلك راو حبي ليك مهمشني كارك تفرح كارك تجنح كارك تعاوني باش نتوازن
ونفرق بين حبك للي لغبطلي حياتي بطريقة حلوة حط صوابعوا علي جبينوا يافا ظاهر انا
حبيتك لدرجة انتي عمرك موصلتلها لحب لفي داخلي نطق انوا فاض اوا وصل لمرحلة باش
يتفجر وانتي جايا تحاسب فيا عوض تاقف معايا ..وتحكي علي غيرة قدملها لو انا كنت في
بلاصتك ومرا قاعدة بجنبي وتضحك ووقريبتلي شتعمل
نقتلها قالتها بغيرة
ملا احمد ربي مقتلتكش وقتلتوا خاطر انتي روح ومنحب حد
يقربك دخل يدوا في يدها وجبدها ليه انتي متاعي يافتي ليا انا وحدي ومنحبش حتي
لهوا يلوطك ..خزراها بعين معبية تعب وغش وغيرة وغل تاعب يافا روحت من قبر
قمر وغالي ليك باش نحط راسي علي صدرك ورتاح نرتاح يافا خاطر صدرك موطني حظنك امي للي تريحني وانتي شنوا عملت يافا كملت علي
مرمتي وزودت وجيعتي
قلبها وجعها عليه الالم لترا فيه في وجهوا عمرها مراتوا
تعرف معزة سارة في قلبوا اما عمرها مكنت تتخيلها بالقوة هذي جبدتوا ليها حظنتوا
بقوة سملة عليك ايادي
عدا يدوا ورا ظهرها وحظنها بقوة للي عدا يدوا ورا ظهرها
وحظنها بقوة للي غفسها تنهد من عروش قلبوا ...حس براحة وامان حس بتفرهيد وهم نزاح
بعدت عليه وجبدتوا للفرش نخاتلوا سوريتوا وقعدتوا هبطت ناحتلوا صباطوا سواتوا
علي لفرش وكملت نحتلوا سروالوا باش يرتاح في نوم وميتقلقشي
دخلت معاه للفرش وجبدتلوا لصدرها سوا روحوا فوقها وتمد غرس راسوا في صدرها بقا يتملل
عليه للي هزوا نوم وارتاح
حلقة 10
ام يافا
قاعدة علي فرش تهدي فيها من امس وهيا علي نفس لحالة
لاحبت تاكل لاتشرب دزا كان علي بكاء ..اسم
اياد علي فمها ...اياد لبو لخوا صدر لحنين للترما عليه ..كي تمرض تلقاه عمروا مميز
وقال موش اختي من لام هوا احن من توائمها احن من بوها وامها عليها ...جرحتوا حست انها طعنتوا ...قمر قعدت
تواسي فيها للي رقدت ...خرجت بعد يوم طويل ..وليلة صعيبة عليها تترشف في قهوة
ووتبرد في عصابها بسيقار ...تخزر لنجوم وتتفكر في وجه اياد تتفكر في طيبة وفي
لحنية لحكات عليها سارة رجولة ...جبدت كرسي وقعدت عليه ..صورتوا بين عينيها صوتوا
في وذنها ...ريحتوا حضوروا اسرها لاول مرة يعجبها شخص بها طريقة ..حطت ساق فوق ساق
فوق طاولة وبقات تترشف في قهوة مرة كيف حياتها ..وماضيها ..ماضي عاشتوا بين ام وبو
ميعرفوش لحترام ولقدر بو يكره مرا عرس بيها خذاها لهدف معين باش يخدم مصالحوا
يوجيب طفلة تتسمي علي اسم معشوقتوا ..من نهار لكبرت شخصيتها مظطربة انانية مغرورة ..حب تملك مزروع في دمها
لكن فيها جانب من طيبة للي متحبش تظهرها تحس طيبة ضعف وملزمش تبينها ...خذاتها
عينها فوق لكرسي ...ترا فيه واقف بكل اناقة ساحر اخاذ قدمت مهرولة وحملتوا توحتك
اياد
حتي انا توحشتك قمر
جبدها حط
يدها في
يدوا يخزرلها في خزرة ذوبتها خلاتها تذوب بين يدية كمل عليها كيف حط شفايفوا فوق
خدها وباسها بفيانة محلاك قمر يدوا تمشي وتجيب فوق يدها من اطرف صبعها لاخر زندتها
بدنها تكهرب عيونها زغلت احساس اول متجربوا احساس قوي ...صحيح موش اول تجربوا اما
مع اياد احساس اخر احساس مميز ...خلاها تغرس ظوافرها في رقبتوا من تالي وتجبدوا
ليها ...محلاك اياد مبنك اياد
...وجبدت باستوا بقوة للي انصهرت شفتها في شفايفوا ....بعد عليها ينهج ...قمر قمر
محلاه شهدك محلاه عسلك .
يد تحطت فوق كتفها قيمتها من احسن حلمة ..حلت عينها
وفركتهم بابا
قمرتي شبيها بنتي راقدة هوني
خذاتني عيني بابا محسيتش
باهي اطلع ارقد لفوق ندوة هبطت
يعيشك بابا باستوا علي خدوا وتعدت ..اول مدخلت لبيتها
وسكرت علي روحها لباب حطت يدها علي فمها وتتفكر في حلمة جميلة زارتها ..تبسمت
بفرحة وقرصت علي شفتها ..اياد لو حلم وبوستك عملت فيا هكا ملاواقع شنوا يصير تنهدت
بفرحة ومات تجري رمات روحها فوق فرشها ....
حلقة 11
ليلة كاملة يتقلب موش مرتاح في نوموا ..بدنوا ملصقوا في
يافتوا موش حاب يفرقها ...ليلة كاملة وعيونها محلولة تتفرج عليه وعلي وجهوا شاحب
باين تاعب حتي في نوموا موش مرتاح غاضها روحها ونور عينها قلبها وجعها ...موش
طايقة الحسرة لفي قلبوا ....شمس طلعت ودخلت اشعتها لبيتهم معلنه علي ابتداء يوم
جديد ونهار حامل معاه احداث فيها لباهي ولخايب ..جبدت روحها منوا بشوية وقامت
..وقفت قدام لفرش وبقات توعد فيه في وعد مترتاح الا متنفذوا ...نوعدك ايادي نرجعلك
سارة وعد معشوقة لعشيقها نوعدك كل شخص جرحك نحرقوا بيدي وعد يافا لايادها هبطت
باستوا علي شفايفوا وتكلمت فوقهم نعشقك
خرجت لبيت غالي لقات لمنظفة دوشلوا ..ياماما علي ولدي
مابنوا هوا خليني توا انا ندوشلوا ..
باهي مدام تستحق حاجة قولي
يعيشك قول للبون
تبعث شكون يمشي يجيب لكروسون ولخبز
حاضر مدام
بقات شايخة مع غالي فرهدتوا بدوش وهزتوا في يدها حطتوا
فوق فرشوا بقات تلعب عليه ...وشايخة ضحك علي صوتوا وحركة يدوا وصوابعوا لشدلوها
شعرها ..روح ماما مبنها رحيتك تعرف ...هبطت حطت خشمها في بطنوا وبدات دغدغ فيه
...شاخت لعب فيه بدلتوا حوايجوا ..وهزتوا في يدها كعبوري صغير شقولك نهزك لبابا اه
تحب انتي
حط صوابعوا علي خدها ..وتبسم
ياروحي هوا يحب يصبح علي بابتوا ..
هزتوا حطتوا بجنبوا فوق لفرش ...وبقات تخزرلهم زوز كيف
بعضهم غالي نسخة علي اياد وكانوا هوا من صغير ...جبدت تلفون وبقات تصور فيهم
وعاملة جو عليهم ...قربتوا لاياد ودغدغت اياد للي تحرك شوي ..مشات تجري تخبت في
دوش تحب تراه كيفاه يتعامل معاه ..اياد جا باش يتقلب حس بحاجة بجنبوا وصوت نغة
صغار في وذنوا حل عين بعين لقا غالي بجنبوا ..سكر عينيه بفدة ستوا روحوا فوق لفرش
يخزرلوا ويخزر للباب يافا يافا ..يصيح
بقوة
غالي تفجع من صياحوا .
زاد فد اكثر
يافا خرجت من دوش كفجوعة شبيك اياد لباس علاش صياح هذا
لكل
شكون جاوبا حط هوني
انا جبتوا
بربي صار عمايلك
ناس تصبح اياد شبيك حبي
نفض لملحفة ..يافا موش علي خاطر قبلتوا باش يكون في داري
معنها راني معترف بيه ..اصلا كنت ناسي حكايتوا ..ايام ويمشي لدار خاصة تربية
هبلت انتي اياد
مهبول ويعيشك هزوا توا موش حامل صياح وبكاء خلاها مزبلهة
ودخل لدوش ...يفرك في لحموا موش مصدق الي عايش مع ولد الافعة هذيكا فرد دار ..جابت
ولد بابشع طرق ..طرق متخترش علي بال ابليس
يافا هزت غالي لمحبش يسكت وكانوا حس برفض ..بقات تسكت
فيه للي هدا يزي غاليا بابا موش قاصد راهوا وانا مستحيل نعطيك راك ولدي وراسك
...يافتك مامتك مستحيل تخليك باهي باستوا علي خشموا صغرون مبنها ريحة ولدي ومشبوا
تعرف الي انتي كيف تكبر با ش يوالوا لبنات عليك بصف ويبدوا يبزنسوا فيك ..وانتي عاد
تبدي تدلل عليهم ..ياوحيد ياعسل انتي ...رقد في يدها ..رجعتوا لفرشوا وهبطت
للكوزين لقات لبون تحضر في لفطور ...خلي عليك توا انا نحضروا تنجموا تخرج ترتاح
مدام
يعيشك مدام يافا تحتاج حاجة تاديلي
ان شاء الله
12 حلقة
بقات تحضر في لفطور وتحط فيه في سنية ...مخها ملخبط موش
قد بعضها مشاكل كل جات جرت بعضها تعبتها وهدتها ...طيب في القهوة فاضت في يدها كي
قلبها لفايض ...افف زاح
يدوا دخلت بين يدها وحطها علي كرشها جبدها ليه لصقها وحط
دقنونتوا علي كتفها باحوا حبيبي
صباحوا توا ياياد
روحي سامحني قمت موش قد بعضي ..باسها علي خدها اممممم
مبنك ومحلاك
دارتلوا رجعتلوا بوسة علي خدوا ....مهبول ايادي شبيك
وليت هكا
حط شفايفوا علي شفتها حبي تاعب موش لزم نحكوا في شي نحب
نفطر من يديتك ونشبع بيك ونراتح عندك بس
بس وغمزتوا
هههه لا بعد لبس
فما برشاا حاجا ت اكيد
ضربتوا علي كتفوا مقصدتش راهوا قالتها بتزعبين
يزي حبي متخلينيش نصدق
صدق صدق ضحكت بدلال ..هزها بيدوا حطها فوق الرخامة..
تعرف الي انتي عسل
نعرف
وتعرف الي انا نحبك برشاا
نعرف
ايا باهي كي تعرف
قلي شحضرت فطرو
برشاا حاجات
وينهم
هي لعظم طبيب عسل زبدة معجون قهوة كرواسون والخ الخ الخ
هههه وشكون باش يكلهم هذوم
انا وانتي
بس
تحبشي نادوا لجنان ياكل معانا
مهبولة قداه نحبك
بامارة كلامك لمرزي لبارح
شنوا حبيبي حالفة متعديش نهار من غير تكعرير
هههه متخافش لمساند رسمي للمراءة تونسية
هههه يقوا عليكم ربي
هبطني خليني نحضر لفطور جعت
حتي انا جعت
ملا خلني نحط مدام جابوا لخبز ولكرسوان
انا جيعان من حاجة اخري
ايادي
روحوا لايادك جبدها باسها من شفايفها للي ذوبها ..جا باش
ينحيلها مريولها وصوت جنان وهوا داخل وينادي في بون فجعهم بعد عليها وكانوا ندري
شعامل
صباح لخير سيدي سامحني كنت علي بالي باش نلقا فطيمة
مصار شي خليهم فما وتنجم تمشي
يعيشك سي اياد وصباح لخير امدام
صباح لخير مختار
بعد متهنا عليه خرج رجعلها وين كنا
بعدتوا وهبطت حبي خلينا نفطروا ساعة وبعد قلك وين
كنا قاعدة في حجروا يفطرها وتفطر فيه مع
كل لقمة يبوسلها يدها وخدها...عملت بلونة في خدها وهيا تاكل شاخ ضحك عليها ..مخيبك
يافوتي بالخدود
نفخت فمها وعملت زوز بلونات ضربلها خدها بصوابعوا خرجلها
لهواء يزي مخيبك هكا توالي تخوف
انا نخوف ايادي
ههه متخوف شاما اما انا نخاف منها
بالحق
ايه حكاية طويلة
احكيلي
ياسيدي منين كنت صغير كيف تعاقبني قمر تقولي انفخ فمك
ومتتنفس نبدي انا نعمل هككا وانا مرعوب
سملة عليه بالحق تحكي
وقتها صغير ياحسرة
هاي مجرمة قمر
معادش تقول هالكملة قالها بغش
سامحي مقصدتش بوصرة فعلية قصدت كتشبيه للحالة في وقتها
يعي مجرد صفة وقتية
ولو قمر هكي لام لحنينة لصنعت مني راجل وقواتني وقفت
معايا ..لو كان جات واحدة اخري كانت تقول واحد من لولادي يكون لوريث للمنظمة لكن
هيا اخترتني وعلمتني وصلتني للمراكز هذي
صحة ليها عاشت معاك صغر لكل محلاها قمر ياريت شفتها
بالحق لمعرفهاش فاتوا شطر عمر
ا حلقة 13
ام يافا
باش ترجع للخدمة اياد
مزال بكري يافا خليني نوضح بعض لامور وبعد نرجع
فهمتك انا لزم نمشي نخدم ليوم كونجيا وفا ليه يومين
فهمتك سامحني حبيبي عطلتك علي خدمتك
كلام هذا معادش تقولوا راك روح خلي نطلع نبدل دبشي جات
ماشيا رجعتلوا اياد غالي معندوا حتي ذنب ملايكة صغيرة ميكفيش جا لدنيا بطريقة
خايبة يزيد يلقي بو رافضوا علي سبب معندوش
فيه حتي ذنب
يافا
قصت عليه لو تحبها يافا خليك مع ولدي ليوم خزرلها مصدوم
ولدك يافا
ولدي اياد صحيح مجبتوش مرضعتوش اما من لحظة لتحط في صدري
حسيتوا قطعة مني ربي عطاه سحر خاص لراه يحبوا وكيفاه منحبوش وهوا قطعه منك ..تعرف الي هوا يشبهلك برشاا
بقا يخزر لعينيها كيفاه تحكي ..حس بحب كبير في عينيها
..تنهد وقام من لكرسي جبدها حملها بكل قوتوا يافتي يافتي ياروح لقلب قداه قلبك
كبير ..وحنين قداه باش تتحمل مشاكلي وهمي
لاخر لعمر ايادي ملا باش مرتك صحيح ساعات من غيرتي عليك
نجن اما كلوا من محبتي ليك حبك في داخلي عشعش لدرجة صافحت علي خيانتك
من غير قصد وراسك حبي عمري مكنت مع مرا ولا باش نكون مع
مرا غيرك منتخيلش رجولتي من بعدك تحيا منتصورش فما مرا تملالي عنيني
موش صحيح متعرفش علي دنيا
شتقصد يعني ممكن انتي تحب غيري
ابدا موش كيف راجل كيف لمرا
كيف كيف مفماش فرق غالط ليقول هكا وابل اكثر راجل لاحب
عمروا ومستحيل يخون مرا حبها وعشقها بالحق ..
تنهدت من عروش قلبها ايادي خليك معايا علي طول اوعدني
نوعدك يافتي ميفرقني عليك كان لموت
حطت شفيفها علي شفايفوا يارب قبلك
باسها بقوة وهوا متمني تكون موتوا قبلها هيا
حلقة 14
ام يافا
تقرا في دوسيات لقدامها ..بيرم ومجموعة اخري قدامها
...بعد مقرات وتاكدت امرت بلي معاها باش يخرجوا
ويبقي كان بيرم
بيرم نعرف كثرت عليك
متقولش هكا يافا نفديك بروحي كلمة قالها في لحظة غفلة
بينت مدي حبوا ليه برغم يافا مركزتش معاه برشاا
يعيشك بيرم تعرف رئيسة لمنظمة جديدة
هالة كابريال موش هكا
ايه
صعيب بل تحلم يافا انك تقابلها موش بساهل شكون يقبلها
مفماش صعيب معايا طيحت ساندرا وماادراك خلي هالة الي من
شهور دخلت وكان موش بسبي راهي لتوا تحت صباط
نحاول اما منعدكش
موش تحاول ليوم لزم نقبلها
هبلت يافا اكيد
عندي لحل
الي هوا
تقولها بنت ميخائيل اليهودي تحب تقابلك مستحيل ترفضني
شنوا بقا حل فموا
لسمعتوا
يافا تعرف علي شكون تحكي
نعرف ونعرف الي باش تقول راهي عميلة ودنيئة
اما لا تعلمت نخذ حقي بلعقل بذكاء بخباثة ...بالقانون
والا من غير قانون ...المهم ننقذ عايلتي
وخدمتي ....
يافا لباش تعملوا باش يوصل لميخائيل
خليه يوصلوا عميل صهيوني لو كان نجم ننستغلوا اكثر توا
نستغلوا ....
شنوا تؤمر توا
كيف مقتلك نحب ليوم نقبلها
احسب قضيتك تقضات
عارفة عندي رجال معايا
حطت يدها علي كتفوا مرسي بيرم
ضربلها تحية وخرج
حلقة 15
ام يافا
خرجة من لبيت تترنح تاعبة جسديا وبدنيا مزالت خارجة من
لبيت وتدخل في حاجة كاسحة قد لحيط ..قريب طيح لو مشدهاش ..سامحني مدومزال هزت
عينها وقبلت عينه عيني زرق كي موج لبحر خشم مسروب شفايف صغار مرسومين ..اسمر كلوا
رجولة ...خزرتلوا مبهورة بعدت عليه بعد مسوات روحها ...مكن خير منها يخزر لملمحها
لبريئة لعينيها شهل شفايفها لمنفوخين شعرها لمايل لصفرة كل شي فيها ساحر بقا مبهور
بيها سامحني دومزال دخلت فيك
سماح مصار شي طلعت لكلمة بصيف
بقي يخزر لعينها وصوتها هوا طبيب نفسي ويعرف الانسان من
عينيه من نبرة صوتوا
انا رضوان مدلها يدوا
بقات تخزر ليدوا لممدودة انا سارة مدت يدها ترعش ...
اسم هبط عليه كيف صاعقة يعني هذي مرت خالو هذي لحكات
عليها اموا هذي بنت قمر ...
انا رظوان ولد ساجدة اكيد تعرفها خالي ساجد
متعرفش علاه نظرتها ليه تبدلت كيف عرفت الي هوا من عايلة
ساجد تشرفنا وتعدت
مزالت تمشي حبسها بكلاموا
نظرة لحزن لفي عينيك حررها دمعه لفي عينيك ...فكلها قيودها ...خليك حرة
حتي لو قيدوك وكبلوك تلفتت لقاتوا مشا بقا ت تخزر لمشيتوا لوهرتوا من تالي فكرها
باياد في صوتوا ونصائحوا ..خرجت لقات قمر تفطر صبحت عليها وقعدت
اهلا سارة سافا توا
حمدلله صبت روحها قهوة وبقات تخزر لقمر بوك وين
سافر نهارين
ايا باهي رتحنا
هههه ضحكت قمر قلي لدرجة تكرهوا بابا
واكثر من اسرائيل
هههه وعلاش
وافقت
تنهدت موش منجمة تقول وشنوا باش تقول اصل ..مكتوب
باش هدك
مفهمتكش قمر
سارة انا عايشة مع بابا سنين نعرف طبعوا ونعرف كيفاه يخذ
حاجتوا وانت مخذاك كان بطرق انا نعرفها مليح
هاك قلتها من غير متسمعها مني
وخوك
شبيه خويا
مو ش اش يسكت
لزم يسكت قمر قامت قعدت بجنبها قمر عاوني اياد لزم يعرف
الي انا نحب بوك وعايشة لباس ومتفرهدة
وكيفاه باش يعرف
منعرفش بوك محرم عليا لخرجة لفترة هذي
تحبش نقولوا انا قلتها قمر بفرحة وكانوا لقات فرصة وسبب
باش تقابلوا
زعمة يقبلك
خليها عليا
مننسهالكش كانش
عادي قامت تزرب للي سارة بقات مستغربة فيها
حلقة16
ام يافا
قاعد في جنينة يتصفح في كتاب ويشرب في قهيوة حط ساق علي
ساق ومنغمس في كتاب لكاتب للياباني
هاروكي موراكاميب
يسمع في صوت خطي وراه صوت تالون نقبلوا وذنوا وعكر صفو هدوء
متاعوا وقفت قداموا لبون سي اياد فما شكون
يحب يقابلك
شكون فطيمة
انا صوت تالونها
قرب وقفت بجنبوا روب نوار لركبة تالون باج
بوشات باج شعرها مفور محطوط علي جنب هز عينوا يخزرلها ..بقا حل فموا اخر شخص متوقع
يدخل لداروا تفضل شتحب نحا لينات من عينوا حطها هيا ولكتاب في طاولة بجنبوا
هكا تستقبل ضيوفك
فما ضيوف موش مرحب بيهم في داري
زلعها لبها لعرق
بعثتي سارة هكا علاه جيت سامحني وجات ماشيا شدها من
معصمها استني شبيها سارة
بقات تخزر ليدوا لتحطت علي يدها تبسمت عندي رسالة ليك
اما لزم تشربني قهوة من ترموز لبجنبك
تفضل احكي
قدمت هزت فنجانوا وشربت منوا اممم مبنها قهوة عربي موش
هكا
كان كتب بقا مستغرب في وقحتها وزاد قعدت في كرسيه وحطت
ساق علي ساق
سارة عايشة سعيدة بعثتني باش نقلك الي هيا اخيرا لقات
لحب لتتمناه من سنين وحصلت عليه قتلك لو تحبني متضرش راجل اخترتوا واختاروا قلبي
وكون مرة معايا موش ضدي
وبعد
اكاهوا
ضحك من شق لشق للي بانوا نواجدوا وباش نصدقك تتخيل شوف
يابنت ساجد عمرها متتعدي عليا لحكاية هذي بوك وانتي وعايلتك حسابكم باش يكون علي
يدي
شنوا دخلي انا ياياد وقفت قداموا
نوا نسيت للة اه نفكرك
كنت نخدم في خدمة عطتهالي دولة وكنت نتخيل انك خاين هكا
لقالوهولي
ضحك باستهزاء بربي هكا خاين ..
اياد قدمت باش تشدلوا يدوا بعد عليها يخزرلها حبست في بلاصتها وفهمت روحها
انا حبيت نعاونك ونقلك سارة لباس مع لا رسول الا البلاغ وانا وصلت رسالة ووفا لامر
نحبك توصل رسالة لسارة وقلها اياد عمروا ماتتعدي عليه
اصبر ايام توا نفهمها تقزا وبوك قلوا راك حليت علي روحك باب جهنم وباش نسكرها عليك
حست بالاهانة وعنف كلاموا خلاها تحس بوجيعة كبيرة في
قلبها ...جات باش تحكي سمعت صوت يافا
يافا الي دخلت تلوج علي اياد حبت تروح تبدل حوايجها
وتمشي تقابل هالة ومنها تطمن علي غالي واياد ياخي رات شي رفزها وخلا نار توصل
لراسها وتشعل في دخلها قدمت تسال في بعبينيه ..اهلا يافا
شتعمل هذي هوني
قمر بقات مستغربة موش هذي الي مثلت دوخة في البواتا مو
انتي
انا انا شتعمل في داري
ضحكت قمر انتي يافا
اي انا
تشرفنا جيت عندي كلام وصلتوا لسي اياد وقيت باش نروح هزت
بوشتها وقفت قدام يافا تشرفت بيك مدام وتعدت ملي بعدتهم غمضت عينيها يعني يافا هيا
لعدتها عليها توا فهمت كيفاه تم اقتحام السجن وخطف اياد ضحكت شابو عديتها عليا
يافا اما وحدة حاصلة استني مني ثانية
حلقة 17
ام يافا
يخزرلها كيفاه ترعش في عينيها حركة تعملها كيف تبدي
غايرة ونار لغيرة مشعلتها حك خشموا باطرف صبعوا وتبسم يافا صفحة مفتوحة قداموا
يعرف بسمتها غيرتها محبتها رغبتها كل حركة يعملها بدنها يعرفها قدم جبدها حظنها
بقوة شبيه حبيبي مغشش هوا
جات تبعد فيه
كبس عليها منينش مغشش اش تعمل لمصفارة هذي هوني
ههههه حلوة مصفارة
اياد علت صوتها شوي
يافا حمر فيها عينيه
لبدت وسكتت شتعمل هوني
شقتلك قبل موش قتلك معادش تصيح عليا قدام ناس
مصحتش
صحت
مصحتش
صحت
قتلك مصحتش علت صوتها شوي
بربي
اوفف اياد شبيك تتمقصد عليا ياخي
مانيش نتمقصد عليك
باهي قلي
جات بعثتها سارة قال شنوا شايخة ومتفرهدة
علي هذا جات
ايه علي هذا
مثبت اياد
تحبشي نحلف باش
سيادتك تصدق
بقات تخرلوا موش مصدقة الي جات علي هذا مرا جايا هككا
شمة ريحة خايبة في لحكاية عوجت فمها وحطت صبعها تهدد فيه ريت اياد نلقاها معاك
وراسك متلوم كان روحك
بربي
والله
يامهبولة منك ليها اش دخلني انا هيا جات واحدها جبدها وعضها من خدها,يامغيارة انتي ياعسولتي
.....غايرة من واحدة كيف هذيكا
-نغار من عجوزة انا موش كيف هذيكا متقليش موش شالق بوجها
لشكون يشبه
لو شكون ...كان يعرف موش حاب يركز
لامك
-امي تشبه لواحده كيف هاكي
اياد متحسبش روحك ماركزتش معها
من حبش نركز معاها شنوا يافا باش تركبهالي بصيف
باهي وسع بالك المهم جيت حبيت نراك ونرا غالي عندي خدمة
توا
باهي حبيتي باسها علي خشمها رودبالك علي روحك
وانتي شنوا باش تعمل
باش نخرج
لوين
يافا شنوا
باهي حبي موش لزم تقول المهم رودبالك علي روحك باستوا
وطلعت تجري باست غالي ولعبت عليه ...بدلت حوايجها وخرجت للقاء يكاد يكون تحديد
مصير
حلقة 18
ام يافا
قاعدة بكل هيبة
في بيروها من وقت لقالولها بين ميخائيل
تحب تقابلك حستها فرصة وجات ليدها صفقة وباش تربحها ميخائيل اكبر عدو للمنظمة
واكبر صديق لاكبر اطراف فيها يعي سلاح ذو حدين يمثل سلطة عظمي يمثل اكبر جهاز
اسخبارتي صهيوني وشكون وشكون ينجم يخلط يحكي معاه ويكلموا والا يوصل لولادوا عمرها
مكنت تتخيل انوا يافا الاندلسي هيا بيدها بنتوا وقت لاعلموها بوصلوها سوات روحها
شعلت سيقار كوبي حطت كاسها قدامها كعلامة لاستقراطية الحينية....دخلت بكل ثيقة في
نفس كوستيم نوار لفلانتينوا برفيم قوتشي مكياج كلاسيك شعرها هزتوا لفوق كو دوشوفال,,, قمة الاناقة
هالة وقفت من ورا لبيرو وقدمت سلمت عليها مرحبا بيك مدومزال
يافا الاندلسي وتبسمت باستخفاف
كانت مدا يدها رجعتها وقت لقربتلها وثبتت في شكلها وفي
صوتها واسمها عرفت الي قدامها عدوتها
شتعمل في بيروا
تعدت من قدامها وقعدت فوق كرسي ,هكا تستقبل ضيوفك
ضيوف لكيفك غير مرغوب فيهم اخرج من بيروا لبيني وبين دم
وباش ناخذوا منك دم ساندرا
هههه وانا قلت راهي تدعلي نعرف كرهك ليها امك بقات تحكي
وتخزر لصورة لفيوق بيروها صورة ساجد وساجدة وقمر وقفت يافا جبدتها شتعمل صورة قمر
عندك
قربت حتها منها بقوة بنتي هاكي رغم عنكم لكل فهمت
واضح لو كان جات بنتك متخليش ولدك يخذه بنتها
شي ميخصنيش كيف هوا مكبش وموش حاب يسمع لكلام نقتلوا دين
حللوا يتصرف واصلا سارة منعتبرهاش من لحمي مدامي بنت غالي
حملتها في قلبها وسكتت شوف هالة موش باش نطول لحديث معاك
برشاا سارة نحبها طلق من ساجد وسحر لتعمل
لصدام يتنحي
شنوا سارة قودتلك
لا سارة مقلتشي اما ناكدلك لو يسمع صدام باش تتحل عليكم
واجها اخر ي
ههههه معندوا ما يعمل كنا نتحكموا فيه كزكم اش تحكي انتي
شو ف يابنت ميخائيل اخرج من حكاية عايلة الاندلسي خير اصلا حسابك واصلي بالوافي
غالط عايلة الاندلسي عايلتي وكل فرد فيهم يخصني وباش
نعودها من غير تهديد سارة طلق والي مهدينوا بيها معندكم وين باش توصلوا بيه
جايا لشخص لغالط برا لساجد دارت ورا لمكتب رجعت لكواتروا
فوق لبيروا جبدت كرسها وقعدت
يافا بقات تخزر لبرودها ...لزم تتصرف لزم تنقض سارة في
اقرب وقت . شقولك نتفقوا اتفاق
الي هوا
موش انتي تحب سلطة وتحب اسمك يكبر وتحب تترقي في المنظمة
وتوصل توالي في كرسي امك موش وكيل
ههه متقوليش انتي باش ترقيني
علاه جيتك شوية انا بنت ميخائيل راهوا
عيون هالة لمعت لتسعالوا من سنين باش يجيها علي طبق من
ورد
موافقة وشنوا شرط
سارة تروح ليلة لدارهم ويطلقها ساجد
احسبها روحت وليلة نترقي
ليلة صعيب شوية
ملا وين نترقي ساجد يطلق
حطتها تحت زرسة
باهي يومين ونحب سارة تروح لدارهم فهمت
نفذ نفذ
احسبوا تم ,,,هزت ساكها وخرجت بقات تحكي بينها وبين
روحها يافا كيفاه باش تعمل باش تعاود ترخص روحك ليه من جديد معندي حتي حل لزم من
اجل مصلحتي ترخص قيم
حلقة 19
من يوم لروح من عندها وهوا من دبوزة ميقومش حتي جرحوا
تعفن من الالكول لدخل لبدنوا ونار لشاعل في قلبوا موش مصدق حب حياتوا عرست وحبلة
بشكو غزالوا حبيتوا عشقتوا لتمناها من دنيا طعنتوا وغدرتوا في ظهروا وزيد حتي اياد
مريض بمشاكلوا موش حاب يكثر عليه في دنيا هذي معندوا كان اياد وهوا محتاجوا توا
اما موش حاب يتعبوا ملقا حتي حل الا انوا يطلب ريان مهما كان معرفة ورجلة ويعتبروا
كي خوه محتاج حد يواسيه راجل يحاضيه ويقف معاه ويحكيلوا محاينوا
ريان اول مقالوا وسمع صوتوا جا يسوق بقوة خايف لا يكون
بيه حاجة اول محلوا صدام لباب وراه كيفاه مصدقش دار كلها مقلوبة بكوات بيتزا دبابز
شراب ’حوايج مطيشة كتب مقطعة تصاوروا هوا وغزلان مطيشين في كل بلاصة
شبيك صدام شنوا لاصيرلك شفمة علاه هكا
مريض ياصاحبي مريض ومكوي في صدري نار جاشي شاعلة علاش
مكتوب عليا لغدر ولمحاين علاش مكتوب نذوق من مر لكاس مرتين علاش مكتوبلي نعرف زوز
افاعي حرقوني بسمهم ورموني خايب انا نعرف اما موش مي ياريان يالخوا راهوا خوك مشوي
مكوي نار شاعلة تكوي في قلبي ’ة
بقا يسمع فيه ويربت علي كتفوا حس بيه وحاشم فرد وقت اكيد
سمع بانوا اختوا عرست مكنش يعرف الي صدام ناسي حتي خطبة اختوا بيه
الله غالب صدام وراسك حاشمين منك يالخوا سارة وطتنا روسنا لكل
شدخل سارة في لحكاية يسال ويمسح في دموع نازل من عينوا
ريان حسوا شارب برشاا موش واعي صدام نعرف الي انتي شارب
برشاا توا وعقلك موش فوقك ارتاح وتوان حكوا
موش شارب ريان شربت كاس واحد قلي شبيها سارة شعملت شبيها
مسمعتش انوا سارة عرست
بالحق مبروك وشبيكم مقلتوليش موش خوكم انا
شتحكي صدام هبلت انتي مرا كانت خطيبتك تقول مبروك تطلعشي
انتي لمنرفزها علي هكا مشات خذات راجل اخر
صلي علي نبي انا خطيبتي ياولدي سارة كي اختي شبيك
بالله جبدلوا يدوا والخاتم متاع شكون لفي صبعك
متاع غزلان لنحبها
صدام خويا لباس
مانيش لباس فسرلي لحكاية من لول حسس مضيعة حلقة وراس
خويا برشاا حاجات ناسيهم اصل
بقا ريان يحكليوا وصدام حل فموا مصدوم
وراسك ريان لنتفكرها عمري مخطبتها سارة كي اختي كيفاه
نخرزلها هكا وراسك نحب غزلان نتفكر كنا محلانا مع بعضنا وليوم شوف في يوم لقاها
تبدلت وعرست وزيد حبلة
غريبة لتحكي فيه متتفكرش شهور لتالي شعملت
منتفكرش وراسك لا نتفكرها
ريان بقا مصدوم حاسس مخوا لباس وبعد يقول لا بلاكا شارب
ونفسيتوا محبش يلح عليه باش ميتعبش بقا يحكي معاه للي هدا وكلم صاحبوا طبيب باش
يجي يداويه وينظفلوا بلاصة جرحوا بقا ينظف
في درا وحاير في امروا ,كلام صدام دخلوا شك في مخوا
حلقة 20
ام يافا
ملي راه قام حملوا بقوة اياد ياغالي
اهلا عم عصام لباس ليك وحشة
يعيشك ولدي انتي خليت بلاصتك
كنت تعرف
ولو نعرف نعرف حمدلله علي سلامتك ومبروك خروجك وبرائتك
برائتي
اقعد قبل واش تشرب
اكسبراس
طلبلوا قهوتوا وبقا يستني في ايجابتوا فهمني عم عصام انا
كنت جايك علي لحكاية هذي
شوف ولدي نعرف الي انتي تشديت من طرف لمؤسسة
الحاكمة كعقاب لاتجاوزهم وعدم امتثالك
للقانون
لكن انا متجازتش لقانون
نعرف وراس ولدي نعرف اما شا تحب تقول بلادنا هكا بيت
عنكبوت كيف يوهن ويطيح يحب يطيحوا لخيوط صحاح لمزالوا متربطين والظباط لكيفك
ميسعدهمش يبقوا خاطر يعطلوهم
وشنية حكاية لبرائة
تنجم ترجع تأدي مهامك من ليوم
متاأكد
أيه متأكد إياد ملي كلمتني وقتلي ثبتت دوسيك منظم ونظيف
وكانك معملت شي ولاتجاوزت شكون
وشكو لعندوا لقوة يعمل هكا
منعرفش إياد
عم عصام مستحيل تكون متعرفش اخزر في عيني وقولي شكون
لنظفلي دوسية مع مؤسسة كانت تعتبرني خاين ليها
سؤال هذا تجاوبك عليه مرتك
يافا سؤلوا باستغراب
ايه يافا إياد لحق كيف قالولي استغربت وبقيت نسنس ونسال
عرفت الي جايا توصية عليك من فوق وكيف سئلت قالولي يافا ليهودي
دز لكرسي وقام
يافا الاندلسي عم عصام موش ليهودي
خزرلوا بتأسف لكن هيا بنت ميخائيل موش هكا
موش بنتوا ومتبريا منوا
ممكن ملا اكيد غالطين
اكيد غالطين نتصور لمجلس هوا لعمل توصية
لكن انتي مطلبتش لمساعدة
اكيد حبوا يدخلوا من غير منطلب
قام شدوا من يدوا اهدي إياد وفات لحكاية اكيد لمجلس كيف
مقلت
باهي عم عصام خلي نمشي توا
خليك موش باش نفطروا مع بعضنا
مرا اخري عم عصام مرا اخر سلم عليه وخرج يزرب اول محل
كرهبتوا حط راسوا علي الفلون مستحيل يافا تعملها مستحيل عندي ثيقة فيها يافا
مستحيل تغدرني وتتعاون مع لعدو ضرب لفلون بقوة وطلب صاحبوا يخدم في
الاستخبارت***بعد مسلم عليه طلب منوا سجل مكلمات يافا دولية لكل
حلقة 21
ام يافا
كل يوم تخرج دور في جنينة لقريبة لبرتمانهم ترا صغار تشم
لهواء حبالتها متعبتها ضعفتها وهدتها وجها اصفر محوق صفارت كيف كعبة لقارص متكل كان بصيف موش حليلها
شي حتي يافا لاخت لعطاهالها ربي بعدت عليها ها لفترة موش حابة تحكي معاها في موضوع
لحبالة الي يافا لتوا موش عرفتوا
قعدت علي بنك تحت شجر ترا في صغار يلعبوا ويصيح بقات
تتبسم وتعدي في يدها علي بطنها نزلت دمعه من عينها يافا صغرونة روح مامتك انتي
معندي حد غيرك فيها دنيا بقيت وحدي لابوا لاخوا وحتي خالتك يافا متواليها علينا
ايه سميتك عليها خاطر هيا اختي وقطعة مني توا تراها با تحبها برشاا ياماما يد تحطت
علي كتفها فيقتها من شورودها هزت عينها لقاتوا رامز
نقعد
اكيد رامز تبسمتلوا مدلهاصاك فيه فواكه جافة فزدق ولوز
اكاجو وبندق كل يوم يجيبهم في يدوا وحمها جا عليه
يعيشك رامز منسيتش
كيفاه ننسي صغرونتي انا
يعيشك رامز ربي يخليك ليا ياولد لعم
امين وانتي زادة اي شعاملة
صغرونة بنتي متعبتك
كلمة حزت في نفسها موش حابة غير صدام يقولها بنتي مهما
عمل فيها منجمتش تحقد عليه متعذبة من يوم لروح وبزق عليها راهوا متخيلها خاينا
منين لكان لحق عليه والا لحق عليها ساقط اناني قالتها بصوت مسموع
شبيك غزلان وليت تسب فيا
لا موش عليك سامحي رامز جبدت صاك بدات تاكل
يخزرلها كيفاه حزينة دموعها محصورة بين عينيها غزلان
شبيك وليت هكا اخزر روحك يقولش مرا في ستين وجهك اصفر عينيك محوقة من لبكاء وقلة
نوم نهار كامل محملا صورة واحد ميستحق دمعة من عينيك وانتي تتحسر عليه
يعيشك رامز موش وقت كلام توا
وقتاه ملا منهار لعرست بيا وانتي حالتك وعمل تسوء
بالعكس لو موش انتي منعرف شنوا لصار فيا
تنهد من عروش قلبوا رغم لعملوا الي انوا فاقد الامل يعرف
حبها لكبير ليه ومستحيل تخزرلوا بشطر عين للحظات كان يفكر بانانية اما رابط دم كان
يوعيه مهما كان غزلان بنت عموا مستحيل يؤذاها لزم يقف معاها ويخولها حقها
غزلان
رامز يعيشك فكنا من لموضوع خليني مرتاحا هكا خير
باهي قلي مشيت لطبيبة
مشيت قاتلي لباس
بنوتي وبقيا تكبر ونموها باهي
ايا باهي ربي يوصلك بسالم
امين رامز امين قربت حطت راسها علي كتفوا وبقات تخزر
للخضار وتاكل,
,
حلقة 22
ام يافا
قاعدة في جنينة كيت في وذنها تسمع في انريك اقلسيس ندمجت مع لغنية للي ترخات ونسات
لمحيط لهيا فيه وقف بجنبها يتفرج عليها
كيفاه مغمضه عينيها صوابعها يطرشقوا في بعضها متناغمة مع لموسيقي لتسمع فيها قعد
في لكرسي لماقبلها وبقا يثبت في ملامحها يحسها تشبه لقمر بنت خالوا شبه كبير غير
سارة محلامحها في صغير بقا ربع ساعة ويخزر للوحة لفنية عدي عينوا علي بدنها شعرها
لطايح فوق لكرسي شاخ عليها وعلي طفولتها
وبرائة ملامحها ,, حاول يكلمها لكن صوتوا مسمعتوش قرب قعد علي ركبة ونص بجنبها جبد
لكيت من وذنها وحطها في وذنوا من كثرة اندماجها محستش بيه بقات مغمضة عينيها وتحلم
في حلم يقظه صنعتوا بخيالها
قرب بحذا وذنها وهمس بشوية سارة نحن هنا صوتوا فيقها من شرودها دورت وجها جات مقابلة
وجهوا للي نفسهم تخلط بعضوا خشمهوم ضرب في بعضوا عيونهم لتاقبلوا بقاو يحكوا في
اسرار نظراتهم لملمت روحها وقامت سوات روحها
هوا حمحم وبعد من ساعة وانا نكلم فيك وين سارحة
نحت لكيت لخرا وبقات تقحرلوا وانتي فاش قام واقف من ساعة نطلعش حزتلك بلاصتك
ههه ممضي لسانك قعد فوق لكرسي وبقا مقبلها مفما حد في
لقصر قلت نحكي معاك ومتناساش قريبك مهما كان
قريبي هههه منتشرفش بقرابتكم فهمت جات قايمة قام شدها من يدها يابنتي شبيك شكوكتك واقفة موش
عيب تقول لولد خالتك هكا
جاات تبعد في يدها كبسلها عليها شبيك ياخي مهبول انتي
قتلك منتشرفش بيك وافهمها كيف متحب وسيبني خير
باهي هاي سيبتك ويزي بلا قباحة
مستويات هزتوا من فوق لوطا
بربي هكا علاش تعامل فيا هكا وكاني قتلتلك عزيز عليك
يكفي انك من عايلة ساندرا وهالة يكفي فهمت ومشات وخلاتوا
مصدوم في جراتها وقحتها بزعتلوا قهوتوا موش فاهم علاه رضوان شخص مسالم برشاا انسان
متثقف قاري علم نفس وعمل لعديد من دراسات لبرا انسان ملتزم رغم تولد من ام خايخة
في قيمها الي انوا بوه رباه تربية صحيحه وكان مانعوا انوا يعيش مع اموا الا قليل
وكيف توافا بوه اظطر يجاري اموا ويجي يسكن معاها وقتها عامة باك متاعوا كان حاسس
انوا حياة عايلة اموا موش ولابد وهذا لهدف لخلاه يكبش في لقراية باش يخرج ويتحرر من قيود اموا خرج كمل قرايتوا في سويسرا
للي تخرج وحل كابيني لكن اموا كانت تلح عليه لدرجة كبيرة وخلاتوا يسلم في خدمتوا
في سويسرا ويجي رغم اصرارها باش يبقي يعيش معاها الا انوا رفض خدمتوا وحبيتوا غادي
كان كل فترة يجي يخوا بخطرها
حلقة 23
ام يافا
رضوان روح امك
اهلا امي قام من كرسيه حملها
سامحني مكنتش نعرف الي انتي باش تجي
حبيت نعملهالك مفاجئة
يعيش ولدي بقات تتلمس فيه وتفلي فيه حنان لام عمروا ما
يتبدل حتي لو لمراءة مخها مضروب وفاسد
لباس امي وهاني سمنت زادة
صحة لولدي قلي جيت وحدك وين كريستين
ايامات وتلحق عليا عندها خدمة امي
ايا باهي محلاها اك طفلة وقتاه تعرس وتفرحني
هههه هاني معرس امي فاش قام نعرس
ضربتوا علي كتفوا شنوا سي رضوان كبرت متحشمش
ايه امي بربي بدل علينا ها لموضوع قلي شنية حكاية خالي
معرس بطفلة قد بنتوا
خالك مهبول قال يحبها
يحبها قال باستعجاب
ايه علاش حاير يحبها عيب راجل يحب
يحب اما موش عيب كان خطب امها وامها كانت اختوا بتبني
بربي متفكرنيش فاك لمصفرة
الله يرحمها امي خالتي قمر مرا طيبة برشاا
دافع عليها انتي
امي لتوا تكرها حتي ماتت
حتي تحت ترا ب ولتوا نقمة عليها
لطف امي مخيب قلبك
فكنا من سيرتها شقولك نخرجوا ليلة نفرهدك ونسهروا مع
بعضنا
باهي امي ماو نعرف عاد لماتك وشلة متاعك
عاد شبيه نفتخر بولدي
افتخر امي خلي نقوم ندوش ونرتاح شوي وقيمني قبل ب ساعة
باش نحضر روحي
يعيشلي ولدي شدتوا من خدوا باستوا
طالع في دروج يخمم في سارة وساجد سؤال بقا عالق في ذهنوا زعمة سارة تحب ساجد
اففف رضوان اش دخلك حل باب بيتوا نحا لفاست وحل سوريتوا باش يدخل يدوش بقا في
سروال جا داخل يتحل باب دوش ويطنبي في سارة للي خارجة من دوش لفة روحها في مشفة
شعرها تنشف فيه طايح علي كتفها شدها بقوة باش مطيحش بدنها لفور سخون لهبوا بقا
يخزر لوجها لمبلول شوافرها مبلولين شفيفها روز يرقلوا من لخوف رقبتها مندية صدرها
دوب مظهر سارة من ربثة جات دز فيه قريب طيح خافت كل سيناريوات جات لبالها سيبني صوتها خرج متقطع شي من لخوف وشي من لحشمة
لملم روحوا والاحساس لحسوا ورجع خطوة لتالي بقات مركزة مع
وشم كبير في صدروا بدنوا مسكل مخدوم هبطت عينيها وجات باش تصيح
سبقها يسال مستغرب شتعمل في بيتي
بيتك غالط ياسيد بيتي هذي
بيتك بربي من وقتاه
من يوم لجيت نسكن هوني
بقا مصدوم خالي ساجد يسكن في بيت هذي حب يتاكد
بلعت ريقها شنوا دخلك انتي جات راجعه لدوش جبدها م يدها
وقربها ليه علاش عرست بيه ملا كي انتي متحبوش وساكنة في بيت وحدك
موش ساكنة في بيت وحدي خافت ساجد منبه عليها مايعرف حد
الي عرسهوم علي ورق
بربي ملا مخليا دوشك وجايا لدوشي لوه
من عنباليش سيبني
منسيبكش الا متجوبني زاد قربها ليه من غير ميشعر يدها
طرية خلاتوا يحس احساس غريب ربثتها وخوفها شيخوه بجنها لكل مرة يسرق منوا نظرة
خلات دقات قلبوا تزيد
سارة كانت اعظم منوا موش فاهمة شنوا لاحساس لجاها كيف
قربلها م يوم لرتوا بقا في ميخلتها وبقات تناسي في روحها اما لاحساس لزارها توا
تعرفوا وتعرفوا مليح ملصت روحها منوا
سامحني دخلت لبيتك جات خارجة من
بيت بقا يخزرل لبدنها لملفوف في منشفي هبلوا وخلاه يشتهيها برشااا ,,,ساجد
هوني
اسموا خلاه تبقي في بلاصتها
تبسم كان متاكد الي هيا متعيشش مع ساجد هوا موش غبي قدم
سكر لباب وتلفتلها
حل لباب يعيشك شتعمل
علاش عرست بساجد
حاجة متخصكش
رقدت معاه
قتلك اش يهمك حل لنادي للحراس
نادي عليهم هههه باش تخوفني بيهم
لبها لعرق سيناريوا لجا لبالها لاغتصاب بقات تدعي ربي
يسلكها من براثن لعقاب لقدامها
متخافش سارة مناذيكش بدل حوايجك وخلينا نحكوا
لا معنا منحكوا وخليني نخرج والا اخرج انتي من بيتي
تبسم موش قتلك بيتك مشا لدريسنغ لقا حوايجها فيه شنوا هذوم يعملوا في تفرهيدا في خزانتي
حل لباب روضوان قربت تفك من عندوا في لمفتاح
لا موش خارجة الا متقولي بلاكا نعاونك
يعيشك خليني نخرج شوف اش لابسة
عادي هاك متغطية احسب روحك في لبحر
قربت ليه ودخلت يدها في جيبوا وين حط لمفتاح جات باش
تهزوا شدلها يدها بقات تفارع فيه بدونتهم لصقت لبعضها جات باش دزاوا تقوا عليها
طاحت فوق لفرش يدها لكانت في يدوا مكبشا فيه كيف جات باش طيح لاشعوريا يدها استجدت
بيه جا فوقها ’’لقلب عزف نغمة غريبة عليهم
زوز جسد انثي برجل تحدا بشكل عفوي خلا
دغديغة تسري في بدنها وبدنوا احساس قوي تملكوا سخانة طلعت لراسوا رغبة لجاتوا من
وقت لراها قوات وقت لجات تحتوا كل شي صار في ثواني شفايفوا تخطوا لمحضور وتجاوزا
المعهود شفايفوا اصروا انهم يذوق من شهد لحورية لتحتوا ويالهوا من شهد شهد اسره
جعله يطير لسابع سماء يحلق مع نجوم الغيباء والسحب الهيجاء خلاه يتنفس بقوة رغبة
في شفايف عذراء سلبها حرية الاختيار اتقبل قبلة متمرد مغرور احتل شفاهها وجسدها
البريئ كات لزم دافع علي روحها رغم ضياعها م قوة القبلة واحساسها لملئ بنشوة لذيذة
خلاتها للحظات باش تإن لو لاتحكمها في نشوتها ورغبتها لي تملكتها دزتوا بقوة للي
فاق علي وضعوا ولعملة لعملها ..بعد عليها
مصدوم اكثر منها موش مصدق لصار باس مرت خالو قانونا مرت خالوا مع وقف تفيد مرا كان
للحظات في الذ قبلة سحرتوا وخلاتوا متعجب من شهدها وطيب مبسمها الي مذاقوش عند اي
امراءة لحد الان
حلقة 24
ام يافا
قامت مكبشة في منشفتها الي قريب تتنحي دموعها غلبوها
نزلوا بدنها لكلوا يرقل شي من لاحساس لحستوا وشي من لخوف لانتبها خلاها تتحرر
وتخرج لفي قلبها من غير شعور مسبق باش تعبر وتحكي لفي قلب عذراء منكوبة بغدر افعال
لبشر
شنوا تحب مني عائلة كابريال ميكفيش لعملتوا جداك وامك
وخالك شنوا مزلت تحبوا تحبوا بدني هزوه تحبوا عقلي خرجوه تحبوا دمي اشربوه علا ش ا
نا شنوا عملت باش نتحاسب علي حجات معملتهاش شنوا ذنبي تصفوا في حسابتكم علي حساب
قلبي قلبي لحب وتمني يملك لحبوا اما اختار طريق غالط ختار طريق كلوا شوك اخترت
نلتجاء لبيت شيطان لواد ذئاب لناس معندهاش رحمة وقلوب يزي لعملتوه فيا انا وعايلتي
شنوا تحب انتي وخالك بدني خذوه وفكوني ابعدوني
سارة يعيشك اهدي وراسك موش بقصدي
كبشت علي اطرف المنشفة ومسحت دموعها للتقاطر بكفت يدها
متذ كورش اسمي علي لسانك واخرج من بيتي اخرج توا
باهي باش نخرج اهدي اما وراسك ماعندي حتي علاقة بيهم اهل
امي وراسك لصار توا موش مخطط انا عندي شكون في حياتي والي صار توا غالط وميجيش
انتي مرت خالي وانسي لحكاية
مانيش مرتوا صاحت بقوة عمري منكون مرت راجل نذل حقير شايب
انا ماني متاع حد انا سارة سارة الاندلسي بنت غالي وقمر لصار توا باش نصلحوا وباش
نشرب مندمكم لكل اخرج اخرج
بقا مصدوم حالتها نفسيت تاعبة ومتازمة برشاا لزم يخرج
قبل متكريز خرج وهوا يمشي بخطي متتاتلية للي سكر لباب بقا واقف قدام باب بيتها
خايف لا تصيرلها مضاعفات يسمع فيها تكسر وتصيح حط يدوا علي باب موش مصدق لصار في
لحظات تقلب كل شي شبيه تصرف هكا علاه باس مرا متعنيلوا شي رضوان بطبعوا موش متسرع
انسان عقلاني متزن وحبوا لكرستين كبير عمروا مخنها وفي لحظة تقلب طرح لقا روح
مسحور بقبلة وفتاة مغرورة معندوش بيها صلة الي صلة دم وقت لسمعها هذات رجع علي
طريقوا لابس كان سروال اكاهوا حتي حوايجوا مهزهومش لقا امو ولبون قاعدة في صالون
لبون عيونها حوالت من لبدن لترا فيه وسمورية الاخذة لصاحب لعيون زرق امي وين بيتي
جديدة
علاه تاخوا في بيت جديدة علاش بيتك لقديمة
تكلمت لبون
مدام ساجدة حضرنالوا بيت بجنب بيتوا لقديمة اوامر سي
ساجد
علاش بيتوا لقديمة شبيها
باهي امي موش لزم تبقي تسال برشا خزر للبون لعينيها
حوالوا فاليزتي غادي
ايه سي رضوان
باهي يعيشك
رضوان شبيه ولدي
مابيني شي امي وبربي من غير متقيمني لسهرة تاعب باش نرقد
علي راحتك ولدي المهم صحتك
يعيشك امي
رجع يزرب قبل ميدخل لبيتوا وقف قدام بيتها حب يتاكد هيا
لباس والا مسمع حتي حس نفخ بقوة موش حاب يدق ويطمان عليها خاف لتفهموا بالغالط مشا
لبيتوا وسكر ها بقوة للباب قريب يتخلع
نحا سبتة من سروالوا ولفها في يدوا ضرب سرير بقوة برشاا
مرات حب يفرغ لكبت لفي داخلوا رضوان شعملت شعملت لازي خنت حبيتك لايزي خنت خالك اه
يارضوان عمري معرفتك متسرع تهد من ضرب علي لفرش طيش سبتة ودخل لدوش يبرد في روحوا
من لبركان لشعل في داخلوا
حلقة 25
غارسة راسها في وسادة تبكي وكانها مبكتش في يوم قلبها
وجعها عقلها مريض من الاحداث لي صرتلها عمرها مكنت تتخيل في يوم باش توصل للحالة
هذي ضربت لفرش بقوة وغرست راسها في لوسادة وصاحت صاحت وكانها عمرها ماصاحت قامت
تترما وقفت قدام لمراية تمسح في دموعها وتعاود ويني سارة وينك ويني بنت قمر وغالي
بوك وامك مايتشرفوش بمرا ضعيفة كيفك وقتاه باش تخرج من ثوب لفتاة ضعيفة لواهنة
وقتاه باش تثأر لامك وبوك من عائلة حطمتك انتي وعايلتك فرصتك جاتك ليدك وانتي
شتعمل سارة تبكي علي اطلال وماضي صدام عمروا مكان ليك موش ليك صدام لغزلان لزم
ترجعوا ليها لزم وانتي ساجد منحطمك نقتلك نشرب من دمك وراسك لا منخليك تحبي علي
زوز رجلين جبدت حوايج من دريسنغ تانقت مكيجت وبرفنت جبدت تلفونها وطلبتوا طلبت راجل لفي يوم كانت
تقولو خالي ليوم قانونا راجلها
سارة مانيش مصدق انك تطلب فيا
اهلا ساجد وين انتي توا
عندي خدمة غدوة نروح متقوليش توحشتني
شويا قالتها بتزعبين ظاهريا اما بوجيعة كبيرة بقيت وحدي
في دار وفديت وقلقت
احمم لو تحب تخرج مع شيفور واعمل دورة شقولك
شخص باهي ملا كيف واقفتلي علي خروج خليني نخرج ونبدل جو
سارة قبل متعلق
شنوا
نحبك قمرتي
غمضت عينيها وعلقت
مريض متعقد وراسك مندوايك بطريقتي
هزت ساكها وخرجت
وصلت للباب رجالو منعوها باش تخرج بدات تعلي في صوتها
قلتلكم ساجد سمحلي
مدام من غير متعبنا مسيوا ساجد منبه علينا باش متخرجش
وانا قلت نخرج
وجرب امنعني جات ماشيا شدها من يدها وجعها صاحت من قوة لالم
حلقة 26
ام يافا
رضوان كان في دوش غير مسمع صوت بلبلة لوطا طل من لبلكو
وهوا لابس شورط ومنشفة فوق كتفوا شاف راجل قد لحيط لويلها في يدها حس دم طلعلوا راسوا هبط حافي يجري كابس علي
بونيتوا
سارة تفارع في بوديقارد الي قد لحيط كبلها وخلاها تتؤوه
من لوجيعة سيبني والله مانقتلك ياكلب
كبس علي يدها زوز وحملها في يدوا باش يطلعها يرا في
رضوان جاي يجري من غادي ويعطيه بونيا في وجهوا قريب يطيح جبد سارة من يدوا ويعيطه برجل في كرشوا جابوا
طايح سيب يد سارة وهبط عليه عطاه طريحة
للي قريب يقتلوا قام بزق عليه وحط صبعوا
يهدد فيهم مزالت يد واحد كلب فيكم تلمسها نقطعهوا طروف طروف فهمتوا كلهم هبطوا روسهم فهمتوا صاح بقوة
فهمنا سي رضوان تكلموا بشويه فرد وقت
رجع لسارة لدموعها من لوجيعه غلبوها لباس سارة
منين لباس لهم هذا كسرلي يدي يعطيه كسرة
تحب تكسرولوا بدوا و ترتاح موش هكا
شتقصد قالتها وهيا تمسح في دموعها
اضربوا كيف ضربك
نضربوا
ايه مشا قوموا
وحط قدامها اضرب باش ترتاح باش تفرغ طاقة لفيك حبيت تخرج كبلك حريتك كبلوا حرييوا
انك تضربوا من غير مينجم يدافع علي روحوا
منجمش نضرب متعلمتش نتعامل بالقوة مع لعباد انا طبيبة
تعلمت نداوي منجرحش تعلمت انوا طب مهنة سامية تحمي شخص وتبريه من الالم
طب حاجة ونفسيتك حاجة وانا كطبيب نفسي نقلك انو الالم مجرد
احساس قادر علي عجز قدرتنا لفكرية وشلها تدريجيا باش تنجم تتخلص من لكبت لداخلك
لالم لفي داخلك خرجوا خرجوا لشخص لوصلك لالم وهذا عطاك جرعة الم كبيرة موش هكا
ايه برشاا
اضرب سارة
كلاموا حفزها خلاها تجن جزئيا طيحت ساك من يدها وقدمت
تضرب فيه بكل قوتها كل حركة دفاع تعلمتها من اياد واخوتها نفذتها فيه نفذتها في
راجل قيد حريتها بعد مسجان امرها بالخروج شخص طغي وانفذ عليها حكم مسبق تعبت بدنيا
وارتاحت نفسنيا حست روحها فرحنا متفرهدا قدرت تعطي جرعة لالم لمسيطر عليها لسجنها
تحررت من قيود تربطت بيها ضحكت بفرحة للي بانوا سنيها بقات تضحك تضحك ورضوان يضحك
معاها رما لبوديقارد من يدوا هزوه صحابوا قدم يرا فيها ضحكتها سحرتوا رناتها
فرحتوا شاخ عليها وعلي برائتها وطيبتها سارة حب يفيقها من نشوة الانتصار لذقتها
تمسح في دموع لفرحة من عينيها تنهدت وبقات تسترجع في
انفسها خزرت لرضوان خزرة امتنان مرسي رضوان
تفرهدت
برشااا برشااااااااااااااااااا
هههه نحبك ديما متفرهدا اخرج تفرهد توا ومن غير متهز حد
معاك تصرف بحرية عيش كيف متحب وقت متحب متخلي حد يقيدك
صحيح انتي عصفورة جميلة اما موش من حق حد يحطها في قفص
واذا اخترات تعيش في قفص عيش في قفص انتي تختاروا موش خيروك بيه
كلاموا فرهدها يعيشك رضوان
متناساش تخلصني غمزها وتعدا بقات تخزرلوا من تالي ساحر
بكل معني لكلمة رضوان نسخة مصغرة علي اياد وبوها هكا حست حتي في قوة شبه الفكري
والجسدي وروجولة لفائقة المتزايدة خزرت لرجال ساجد بزقت عليهم وخرجت خذات تاكسي
اول مشوار ليها هوا صدام لزم يرجع لغزلان وهذا لباش تسعالوا وباش تنفذوا من بعيد
ولهدف ثاني ساجد وهذا لباش نكتشفوه في حلقات لقادمة
حلقة 27
ام يافا
من لحظة لقالوا عصام انوا يافا المسؤولة ومخوا ملخبط
مستحيل يصدق الي ميتاكد حابس قدام دار مهبطش جبد سيقار وبقا يخمم لزم ميتسرعش لزم
مايبينش ويفسد علاقتوا بمحبوبتوا بقا
يتكيف ويخرز لرغوة دخان لمتناثرة من فيه
بعد مطلبت من ميخائيل توالي هالة لمنصب بقات
في بيروها تفكر في لجاي باش يتحل عليها باب جهنم اما معندها حتي حل لزم ترجع سارة
باي طريقة وبعد تقول لاياد باش يعاونها بالايطاحة بهالة الي باش توصلها بيدها
لعالالي
ممدودة فوق لفرش مهدودة نفسنيا وبدنيا من يوم لهزولها
ولدها وحالتها عمال تسوء جنت من فراق ولد وطغيان بو ,,بو امرها بسكوت وحتي دفاع
علي حقها شرعي باش ترا ولدها رفضوا مرام شخصية هشة ضعيفة متناقضة مريضا
نفسنيا بوها خلق فيها لعجز لفكري وسيطر
علي تفكيرها للي شل عقلها وخلاها ميريونات في يدوا يتحكم فيها كيف ميحب صلصال
يشكلوا وقت مايحب ويحطوا في موضع باش يربحوا لبلاصة جديدة ,,دخل عليها لقا علي نفس
لحالة جبد سيقار وشعلوا سمعت صوت لقداحة
كيف قالت تشك تبسمت بقوة وبدات تغني تشك تشك غالي تشك هههههه تشك
بوها حسها جنت معادش فيها لزم ينقذها وينقذ طرف لعقل
لفيها ولخيار لقالوا طبيب هوا لانسب دخولها لرازي في كنف سرية
هزينها تصيح يطلعوا فيها في الانبيلونس وهيا تبكي بابا
متخلينيش باش يهزوني ويبعدوني عليك انتي ولدي
مرام يعيش بنتي نوعدك تبرا وكيف تخرج تلقي غالي في حظنك
لا سيبوني تضرب وتخبش في لفرامل ليطلعو فيها امها تهدت طاحت في القاعة تبكي علي حال بنتها
,,علي وماادراك ماعلي ومكانتوا لعسكرية ولسياسية بنتوا تتجن بسب انانيتوا وبسبب
اياد الاندلسي الي حلف من لحظات يكون
خناقوا هوا ويافا الي ساعات وتمردت عليه
حلقة28
ام يافا
باب يدق هزت
روحها بصيف متمشي من ثقل لحبالة ,,,اخر شخص كانت تتوقع شوفتوا نطقت بصوت مليان
وجيعة سارة
تخزر لكرشها لتكعبرت قدامها تنهدت بوجيعة
شكون لقالك علي داري
بطريقتي متاساش اخت شكون انا موش صعيب عليا باش نعرف
دارك
تفضل شتحب شدا لباب موش حبة دخلها
غزلا ن جايا بخصوص صدام
مك خذيتوا شمزلت تحب
مخذيتوش انا عرست
مبروك قالتها بوجيعة
لخيذيتوا موش صدام
نعم
لسمعت لزم نحكي معاك يعيشك اسمعني
ادخل بقات مصدومة مل كلام لقالتوا
قعدت واقفة
غزلان شدت كوان في ديفون وقعدت تخزر لسارة لمقلتلهاش حتي اقعد
شوف غزلان نعرف الي انتي تكرهني موش باش نبقي نفسرلك
حكايتي ملول اما لحبيت نقلهولك الي صدام يحبك يعشقك
هههه واضح
صدام مكنش في وعيوا
قصت عليها متقوليش سكران والا فاقد ذاكرة
اكثر غزلان اكثر صدام كان مسحور
ههههه بيك والا بشكون
كيف مقتلك غزلان صدام تعملوا سحر يهودي باش ينساك ويحبني
انا
شنوا اكيد تفدلك موش هكا
مانيش نفدلك وراسك لا في بالي كان من بعد عائلة امي
استغلتني واستغلت قربوا من اياد حبوا يهبلوه واستغلوني انا كطعم اما انا فقت
مستحيل نؤذيه انا حبيتوا صحيح وروحي تفدي علي خاطروا يعيشك ارجع لصدام راهوا ناسي
كل لحظة عشتها معاها حتي حكاية حبالتك موش متفكرها موش متفكر انوا لمسك
موش صحيح لتقول فيه شي لتحكي فيه غالط وقفت بصيف قلي
سارة
منيش نكذب لزم نمشي انا عاونتكم بحريتي وانتي معليك كان
ترجع حب حياتك قالتها برشا وجيعه وحسرة كبيرة
غزلان شدتها من مريولها يعني مكش تكذب يعني انتي سبب في
نفران صدامي فيا اه
غزلا وراس اختي ماهو ذنبي
ضربتها بكف قريب طيح موش ذنبك ملا ذنب شكون انطق
سارة بقات شادة بلاصة لكف حقرتلها حقرة موت
غزلان جات باش تضربها بكف اخر شدتلها سارة يدها بقوة شوف محترما صدمتك
وحبالتك والا وراسك راني مرمدت بيك لقاع انا لو كان جيت حاشتي بيه صدام بطريقة هذي
يبقي طول عمروا معايا وينساك
وشنوا لفايقك يلا متقوليش ضميرك
موش ضميري اما فقت بلعبة في لخر قتلك وراسك وراس اياد
لحكاية ملول منعرفشهاش انا بيدي تغدرت لزم نمشي توا يعيشك غزلان لو تحب صدام
ميتاذاش يخلي لحكاية بيني وبينك
بربي تحب نستر عليك
موش تستر عليا اما صدام لو يسمع موش باش يسكت باش يرد
اعتباروا وغادي وين باش تكون موتوا لو تحب صدام خليك معاه يعيشك وخرجت وخلتها
ملي
خرجت ودموع ملات عينيها تبكي داخلاني دموعها دم علي لصارلها موش ذنبي انا حبيت
عمري مأذيتك صدام وراسك سنين صبرت علي جفاك عمري تجرات وخليتك تكون معايا بصيف
لصار اقوي مني ومنك لعبوا بيا وبيك مسحت دموعها داعيا ربي باش يخذلها حقها وحق
صدام 
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء