اسميتك وطني وادي ذئاب جزء ثاني

قبل متروح لدار تعدت للفرمسي شرات دواء خزرت لساشي وتبسمت من ليوم بدات لعبة الانتقام كما تدين وتدان

حلقة 29

ام يافا

لبست حوايجها خارجة لسهرة لعادة مع شلتها عملت مكياجها رشت برفانها وجات خارجة صوت تلفونها لنساتوا فوق لكوميدينوا رجعها هزت علي نمروا بفرحة كبيرة

اهلا قمر

اهلا جاوبت بفرحة تترقب في ايجابتوا وافقوا والا

مبروك للة قمر باش تعدي ستاج مع سرية اياد الاندلسي

بدات تنقز بالفرحة يعيشك مزيتك مننساهاش وعد نرجعهالك في اقرب وقت

ولو خيركم سابق سلم علي سي ساجد

مرسي

 تضحك من شق لشق واخيرا لطلبتوا تحقق واخيرا باش تكون قريبا لاياد وتعدي معاه اكثر وقت
قمر قمر قداكش ذكية طيشت روحها بوسة في لمراية وهزت صاكها وخرجت

جات خارجة لقات سارة غير مدخلة بقات مستغربة يابنتي وين كنت كي سبة خرجت

بو ك وافقلي

ايا باهي تحبش نخرجوا نسهروا مفما حد في دار خالتي خرجت ورضوان راقد باش تبقي ساهرة وحدك

عادي تعودت اسهر انتي راسي يوجع باش نرقد

باهي سارة حقا قلي مبروك

مبروك علاش

باش نعمل ستاج مع اياد في سريتوا

بنمنجد تحكي سؤلتها مستغربة

ايه والله

وانتي شتعمل في ثكنة

انا قرايتي عسكرية راهوا وخدمت في جيش روسي  كمتربصة باش نتعلم اسليب تخدير لتحكم في عقول لعسكريين ولمطلوب دوليا ودرست علم نفس باش نعاون لعساكر وانتي تعرف الي في تونس مفماش منها برشاا الا في ثكنات كبيرة تتذكر بالاسم

يعني انتي تخدم مع جيش تونسي

موش بظبط اما انا مشيت قريت عن طريق بعثة عسكرية بين دولةتونس و روسيا لتعتبر اكبر دولة عندها اقوي جيش وبمانوا امي من اصول روسية ساعدني لامر هكا علاه

موش يقولوا لفي جيش ممنوع تكون عندوا جنسية باش يدخل

اكيد

ملا انتي كيفاه دخلت

انا نخدم كطبيب عسكري برتبة جندي  متطوع يعني انا متطوعة للخدمة هذي كطبيبة للمساعده والالية لعندي ولات رائجة برشاا ويقروا عليها في اكبر لجمعات ويتم استعمال الاطباء هذوم لاغراض عسكرية

اش باش نقلك انا ميظهرش الي انتي مدربة

علاش ميظهرش علاش بوك قبل كان يظهر هوا طبيب ووظيفتوا الاصلية مخبية

فرق بينك وبين بابا

بالعكس مفماش فرق انا وقت لدخلت لدومان هذا كانت امك وبوك هوما لحبوني فيه

وانتي وين تعرفهم بابا وامي

قول عاشوا معايا وخاصة امك

فهمتك قمر

هك فهمت خلني نخرج نسهر باستها علي خدها وخرجت تجري بالفرحة وتنقز

حلقة 30

ام يافا

دخل لبيروها يدوا في جيب سروالوا راسوا مشنقل لفوق لابس كوستيم موهروا لحيتوا محصورة شعروا مرجعوا لتالي بجال طلب الاذن باش يدخللها ,,,وقت لقالولها اياد هوني مصدقتش قامت من بيروها ستقبلتوا ايادي ياروحي مرحبا

يافتي حملها بقوة للي عصرها لباس

لباس مرحبا نور بيرويا بيك

ايا باهي قلي شتعمل

عندي شوية خدمة

امم بقا يخزر لحوايجها واستغرب هك موش لابسا زي ومتانقة خارجة

احمم لا  كنت باش نمشي نطل علي غزلان هكا علاه انقذت روحها بصيف

اه فهمتك فكرتني في صدام من ايام مريتوش

لباس عليه قالي ريان

وانتي وين ريتوا ريان

كلمتوا من بكري باش يجيب حوايجوا ويسكن معانا

ايا باهي شقالك

باش يجي غدوة قال

فهمتك حبيبي بقا يخزر لوجها ويتفكر في كلام عصام كلاموا محبش يدخل لمخوا ويصدقوا يافتوا مستحيل تعمل حاجة من وراه وتخونوا هكا لجالبالوا باسها م شفايفها بقوة للي ذابت بين يديه قبلة حب يناسي بيها كل تشغشيب للسكن خيالوا

لحظات في قمة نشوة قصها عليهم بيرم كيف دخل من غير مدق اول مابيرم دخل وراهم في الوضعية هاكي حشم وحمار ورجع خطور لتالي سامحوني في بالي  سيدة يافا وحدها

بعد اياد علي يافا مجبر يقحرلوا في قحرة موت

يافا  حشمت من بيرم علخر جات باش تكلموا يرجع من بعد سبقها اياد من وقتاش نحلوا لبيبان من غير دقان

اسف سيدي تسرعت كنت محتاج للقبطان يافا

موش متفاضية بيرم شوي وارجع

باش تروح توا جاوبها اياد قلها اش تحب تقول هاني نسمع

سيدي موضوع سري وخاص بسريتنا

عض علي شفتوا وانتي تابع سريتي

غالط اياد بيرم تابع سريتي انا

مفهمتكش

بيرم تنجم تمشي

نسيت اياد الي انا تواليت لمنصب الاداري في وكالة وبيرم ومجموعة اخري يخدموا تحت امرتي

فد ونفخ بقوة نسيت يافا خدمتك برشاا مفهمتش علاش تقبل فيها لمهمة

مؤسستي طلبت مني مستحيل نرفض موش قروني وخسروا عليا ملايين باش نعترض ونقول لا منخدمش

المهم يافا خدمتك في سريتي باش ترجعلها انتي تعرف الي انتي عنصر مهم وانا حل برشاا ملفات لزم تعاوني فيها

تحت امرك سيدي

ههه شنوا تفكر فيها عليا

حبي انا تحت امرك وتحت امر لوطن

يعيشوا لوطني هوا خلينا نروحوا خير مايهد علينا حد اخر

هههه وعلاش نروحوا

توا كي نوصلوا لدار نقلك

لا قلي توا جوبتوا بتزعبين

قرب همسلها في وذنها شاخت ضحك علي هبالوا ضربتوا علي كتفوا يابليد

خلي نمشوا توا نوريلك لبلادة علي قاعدة

هزت ساكها وخرجت طايرة فرحة تضحك وهيا في حضنوا موش عارفة الي بعد ها ضحكات ايام اليمة وبراكين من نار وحمم باش يقذفها قلبها من شدة لغيرة والالم

حلقة 31

بعد مابدلت حوايجها هبطت للكويزين تحط في عشاها هزت بلا وقعدت تاكل وتخمم في دنيا صوت تشليك شلاكة وترها اكثر حاجة تكرها وتفد منها

اهلا يحكي ويحك في عينيه بنوم

اهلا رضوان

قرب قعد علي كرسي بجنبها جيعان

قوم كول

حطلي انتي

بربي نخدم عندك

حل عين بعين وبقا يتامل فيها لابسا روب بيضا خلعة وقصير لركبة شلاكة بصبع في رجلها شعرها داخل بعضوا هزتوا لفوق منظر مغري برغم من بساطة لبستها تنفس بقوة رضوان كيف يفيق بنوم مايحب يحكي مع حد دز لكرسي وجبد صحن بقا يعبي ليه رجع حطوا قداموا وبقا ياكل من غير محكا معاها حتي كلمة

تاكل وكل مرة تسرق خزرة ليه ترا فيه في درج كمل صحنوا وزاد قام جبد بوات كولا شربها وهيا لتوا في قدمة لولة

صحة وعلي خير

بقات مستغربة شبيه راجل صباح نوع وتوا نوع هزت كتفها كرد اش يهمني فيه

كملت تعشت وخرجت لجنينة دارت شوي للي بردت ولات طلعت موش حاملة قريب توا جات باش تدخل لبيتها شافت باب بيتوا محلول بقات تخمم تمشي تشكروا بقا ت تعارك في روحها يجي ومايجيش لقات ساقيها هزينها جات باش دق معتوا يقول

كرسيتين ياروحي فرحان انك باش تجي غدوة متوحشك قد دنيا يده بقات متمصمرة في بلاصتها رجعت خطوتين بقات ترمش في عينيها من كلام لقالوا قلبها دق بقوة نفس حستوا طالع هابط بقوة لملمت  روحها ورجعت ليتها تزرب ليلة كاملة تتقلب في الفرش كلاموا يزن في وذنها

اففف سارة اش دخلك فيه بقات تطرد في افكار كل لحظة تجيها موش حمل هم وتفكير جديد

حلقة32

ام يافا

داخل لثكنة بكل هيبة ناس لكل تحي فيه فرحان حس روح رجعتلوا حس قلبوا يرفرف من داخل بدونوا قشعر من لاستقبال لاجهزوهولو زملاؤوا حس بقيمتوا معاهم اول مدخل لبيروه وقعد علي كرسيه احساس ولا اروع  تبسم وبسمل ليوم لزم يبدي يخدم علي ملفات تفكوا منوا حتي لو كلفوا حياتوا طلب قهوة وطلب سريات لتخدم تحت امرتوا تم اطلاعوا علي مجريات لاحداث سابقة باش متفوتوا حتي حلقة باقو يتناقشوا في عمليات الاقتحام لاخيرة وعمليات لقادمة بقي يسمع ويتمعن ويتناقش مع زملاؤوا تم لاجتماع الي يافا محضرتش فيه بعد مخرجوا طلبها متنرفز وينك يافا موش قتلي ساعة ونجي

هاني شوي ونوصل اياد سامحني

وفا لاجتماع ارتاح توا

افف باهي باهي نجوا نحكوا سلام

رجع لبيروه يقرا في دوسيات ويحضر في روحوا بعد ساعة باش يهبط يدرب هوا ومجموعتوا

دق لباب قالولوا قمر باش تقابلك ملول مصدق شالا متمدلوا ملفها قداموا شد لملف في يدوا وامرهم باش يدخلوها بقا يخزرلها في زي رسمي زاد استغرب

شتعمل انتي هوني

نعمل في ستاج

نعم

قام من كرسيه وجبد ملفها يقرا ويعاود توصية جايا من فوق وثكنتوا من اختصاصها خدمة قمر الخدمة او الالية التقنية التخديرية لاستعملتها عليه جايا ليوم باش تنفذها في ثكنتوا الية من يوم لطلعت قال انوا ضدها وباصم عليها لكن لقانون قانون دوسيها مصحح من فوق ولاهوا ولاغيروا عند جرءة باش يعترض خزرلها من فوق لوطا باستهزاء  تنجم تمشي تخدم من ليوم كيف ممكتوب اما موش في سريتي

لطلب مني حرفيا نكون تحت امرتك مدتلوا ماصوا

شنوا هذا

رسالة توصية (رسالة توصية تعتمدوا المؤسسات العسكرية والدولية كتبادل مهني حر بين المجموعات لمراد تكوينها تحت اطار معين )يقرا موش مصدق الي رئيس اركان جيش روسي هوا الي  مصحح في دوسي كفائتها وومتوصي عليها بقا يخزر لحجم معارفها وسر ورا طلب دخولها في سريتوا خاف لاتكون جاسوس والا عميل لمنظمات بوها ومؤسسات اخري

باهي جندي قمر تنجم تمشي  توا للمكان تدريب نص ساعة ونجي توا نفهمك في خدمتك بظبط

حاضر سيدي وفرحانة برشاا باش نتعامل مع بطل قومي كيفك قالتها وعيينيها تلمع فرحة

يعيشك تفضل جات خارجة تعرضها يافا في لباب

حلقة 33

ام يافا

وقت لحلت لباب وراتها بقات ترمش في عينها موش مصدقة لترا فيه

شتعمل هنا بقات تثبت في لببستها وتعاود

نخدم سيدي قمر انسانة ذكية متوزنة في خدمتها وتعرف تتعامل مع لاشخاص بطريقة فطرية كل شخص تقرا لوا افكاروا وتتعامل معاه حسب قيمة لهدف متاعها وهيا متاكدة من ذكاء يافا لزم تتعامل معها بطريقة ذكية

اش تخدم هوني

يافا نداها اياد خلي جندي قمر يمشي توا نحكوا

قمر جات ماشيا رجعتها يافا لتالي ..وين خارجة من وقتاه تخدم هوني وشكون سمحلك اه تدز في بيدق تتخيل موش فهمتك

قبطان قمر قدملها اياد وعيونوا تتناطر ’’هوني مكان عمل خليها تمشي

يدها مزلت كابسا علي معصمها وعيونها تتناطر شر جبد اياد يدها منها جندي قمر تنجم تمشي تفضل

حاضر سيدي

قمر بقات كابسة علي بونيتها جا اياد باش يحكي سكتتوا بيدها  ,,اسسسسسسسسسسس شتعمل هذي هوني

يافا وقت خدمة توا

انا خدمة وانا كرفوس تخرج هذي من لقزارنا توا والا نقدم استقالتي توا

شنوا مهبولة انتي تتخيل قزارنت بابا ندخل لنحب ونخرج لنحب

وانا قلت هذي لفعة متبقاش هوني

قبطان قمر يظهرلي نسيت انا شكون هوني انا وين انتي انظباط عسكري قمر

بقات عظة علي فمها وتحقرلوا

ظابط قمر تنجم تخرج عنا تدريب واخر مرة نسمحلك دخل امورنا شخصية في خدمة هوني مؤسسة قايمة ذات لزم ظباط يكونوا محايدين فهمت ومكش خصيص باش نواريك خدمتك رجع لبيروه ينظم في دوسياتوا تنجم تمشي عنا تدريب

معادش واعية نسات لخدمة نسات رجلها غيرة كلتلها قلبها قدمت ورا لبيرو وشتدوا من اطرف لكونبا وراسك لخدمة لتحكي عليها عمري كامل متحترمتها برغم مانيش عسكري تدريب وننتمي لؤسسة اخري الا انو عارفة حدودي بلقدا ونزيد زيادة وراسك وراس امي لحرقتلي قلبي لو نراك قريب ليها وتحكي معاها وراسك منحرقها ونحرقك ونفجر عليكم قزارنا كاملة مزلت متعرفنيش اياد حطها في بالك لاخدمة لادين لاعادات لاتقاليد تحكم فيا وركز علي هذي انتي مملكية مستعمرة ليافا الي هيا انا وحطها في بالك سيدي وخرت لتالي ضربتلوا تحية وخرجت تعفس في طاجين تقعروا بقاحل فموا وشايخ في مخوا من اندريالين لغيرة لاغدقتها عليه مجنونتوا عرفها ارهابية  في حب ارهابية في غيرتها وتصدي لاي عدو قعد في كرسيه يخزر لصورتها لفوق بيروه جبدها باسها

حلقة 34

ام يافا

كيف للنجوم المضيئة ان تغار من اخريات كيف للشمس الساطعة ان تخيفها سحب عابرة انت يافتي نور يسطع بشدة في حياتي انتي يافتي عشق ينبض في قلبي انت يافتي دم يجري في شراييني انت و لا غيرك يافتي اما هن فلسنا سوا مجرد جاريات في خدمتك فانت حينما تطلين تشرق الشمس و يسطع نورها في الارض و تفرش الارض زهورا و تتلون السماء بالزرقة القاتمة انت كل شي و هن لا شي)اية )

واقفين لكلهم صف واحد يافا وقمر بينهم زوز رجال  مصتفين في صف واحد كلهم متهيئين لتدريب يراو فيه يقدم بكل وهرة الكونبا زيدتوا شطر لحية محجمة شعر مستوي تحت لكاسكات الخضراء بورتكا يلمع لمعان سيوف فوق كتفوا موهرين لكونبا مااجملك يابن لاخضراء  زاد تعلق قلبي بلباس انار دربي وجعل حياتي ترا العشق اخضر لون مع قلوب حمراء تنير اخضرار عشقي

وقف قدامهم بشكل مستوي وقفة عسكرية منظبطة تدل علي قوة ووصلابة وفكره لعسكري

كلهم قدموا رجل وحيوه رجعت لايادي بقوة علي الافخاظ عملت سنفونية عسكرية بامتياز تحية لجندي ابي يقود تدريب عسكري بامتياز

يافا كانت نظرتها ثاقبة عين علي اياد وعين علي قمر الي تخزر لنظراتها الي بينت مدي اعجابها بشخص لواقف قدامها حست نار طلعت من وذنها من قوة لهيب لاكتح قلبها خرجت لسانها وقرصت عليه وبقات تمتم وراسك قمر منطمزلك هاك لعين

اياد كل تركيزوا مع الفارقة لقداموا من اشهر مقامش بتدريب معاهم لزم يرجع لخدمتوا بقوة بدا تدريب كلهم في اوجة عطاء تدريب حركات قتالية بين لاشخاص تجاوز حلقات نار المشي تحت خيوط حديدية  في رمال حارقة  .تسلق لعديد من لحواجز العالية

اياد كان معاهم في تدريب كان لزم يرجع مهارتوا وليقاتوا البدنية كلهم وجوهم تاعبة بعد ساعات من تدريب شاق

جا وقت تدريب الميداني كان تقسمت لفرق بزهر قمر تجي مع فرقة اياد وكيف لعادة قمر تجي فرقة الارهابين

خزر اياد ليافا وقرا شر في عينيها تبسم من خوف بزهر تطلع قمر معاه تمنا يافا تكون معا هاما قرعة بدات لمواجهة الافتراضية

يافا مكنش هدفها تدريب كل هدفها قمر العسكري الطاغوت هكا سمتها في قلبها وهيا لارهابي المتملح من صفات الانسانية لزم تواريها الارهاب ليوم

قمر مكنتش تفلت فرصة باش تقرب لاياد مكنش همها تدريب علي قد مكان همها جلب انتباهوا ببعض الحركات الميدانية لدل علي قوة تدريبها

اشتدا ر مي برصاص المطاطي  يافا كانت تضرب في قمر من كل صوب وحدب المهم تفرغ فيها طاقتها لزم تبعد اياد عليها وتستفرد بيها امرت رجال لمعاها باش يضربوا علي اياد باش يخرج من ورا الحيط

لحظات وكان لها ذلك تسرسبت تحت رصاص مطاطي يطاير للي وصلت لقمر لكانت تضرب بانفعال مشلقتش بكلاشينكوف لتحطت في رقبتها

هبط سلاحك

قمر عرفتها يافا من صوتها

تبسمت وهبطت سلاحها وقت لتحط علي ارض تركزت علي يدها وتطلع تضرب يافا علي بطنها تجيبها طايحة

جبدت سلاحها وحطتها علي رقبة يافا وعملت بوم تبسمت وقالت بصوت عالي قتلت جرذ يافا من اخر كلمة قالتها تضربها برجلها تجيبها طايحة تكمل تهز سلاحها وتعطيها برصاصة في بطنها وصدرها شيرة قلبها ريت رصاصة هذي مره اخري تكون حقيقة فهمت

قمر قلبها وجعها من ضربة صاحت بقوة للي ناس لكل سسيبو لعملية جوا  قدم زميل معاهم نحا لفرملة لواقبة من صدر قمر باش نجمت تتنفس اياد قرب هز لفرملة شاف رصاصة لفي فملة قمر واضحة الي هيا ترمات من مكان قريب

خزر ليافا لعيونها طالعة شر

ظابط يافا يظهرلي موش اول مرة ندربوا شنوا هذا موش قلنا ممنوع رمي رصاص لمطاطي عن قرب

قمر بقات تتوجع ولعرق يصب عليها

نعتني بالجرذ فحبيت نواريها جرذ شنوا ينجم يعمل وبقت في عينيها

مقصدتش سيدي جوبتوا قمر كنت قصدي اني قتلت ارهابي ونرمالمون احنا نجسد في عملية مواجهة وقت لقتلتها تموت وتوفا لعملية هيا قامت وخلفت لقانون متاع تدريب

ايا ديسمع في تواتويت  من الفرقة لمعاه ظابط قمر اسبقني لبيروا وفات لمواجهة ليوم تنجموا تمشوا وشكرا مرة اخري

لحق علي يافا  ملقهاش في بيروها مشا لبيروها ملقهاش هبط لغرفتها لفي لقزارنا مفماش فد علي لخر يافا وراسك معديتهالك

خرجت من لقزارنا بعد تريب شاق موش حابة تحكي مع اياد  خاطر عارفة باش تفسدها معاه خرجت بلوكنبا كلكها مبلولة عرق تمشي علي رجلها ساعة تمشي وتخمم في قمر وحكايتها في دخولها للقزرنا جبدت تلفونها لقات اياد طلبها برشاا مرات  تنهدت موش قتوا توا هزت تلفو كلمت بيرم الي من قبل متبدي تدريب كلمتوا باش يعرف شكون لبعث قمر لسرية اياد

شعملت بيرم

سلام قبل

سلام

قمر هيا لطلبت لانظمام لسرية اياد

فهمتك وضاح كل شي توا

هبطت تلفون تضحك ههههه عمري متتعدي عليا نظرة اعجاب نعرف ونقرا لغة لعيون وانتي ياقمر عينيك باش تتجبد ظاهر رحم علي روحك

روحت لدار مهدودة طريق كامل عديتوا علي ساقيها

مزالت

داخلة لدار وترا فيه واقف قدام دروج وريان قاعد في صالون سلمت عليه وبقات تخزر لاياد لوجهوا مايتفسرش

ريان لباس قدمت باستوا زاد فد اكثر منبه عليها ماتسلم علي حد وحتي خوه قالها تمد يدك من يعيد باش تهبلوا باش تخرجوا من عقلوا

يافا اطلع عندي منحكي معاك

اياد نشوف غالي ونجيك

قتلك اطلع توا سبقها بقا ريان يهدي فيها

يافا يظهرلي فيك عالمة عملة خايبة اش باش يسلكها

عادي تعودت متمشيش لعشية نحفلوها باربيكيوا في جنية وسهرة لصباح

ههه كان خلاك صيد حية

كان متت صدق بمشوي علي روحي

هههه برا ربي معاك

حلقة 35

ام يافا

اول مدخلت من باب لبيت لقفها بيدوا شنوا يافا كبر راسك

شبيك اياد سيبني

نسيبك باش تهبلني سماك شبيه مخك متخلنيش نعمل حاجة نندم عليها

اعمل اه تهدد فيا توا

يافا

لا يافا لازمرة شبيك سي اياد راس لهم دادة عايشة يافا يافا يزي ماو ضربنها برصاص ومامتش

معقول لعملتوا ونؤمرك باش تسبقني لبيرويا تمشي

نمشي خير منعمل مشكلة كبيرة

يافا لمشكلة باش تصيرلك خاطر باش نعقبك مستحيل نعديهالك خليتني ضحكة بين زملائي

عقبني كيف متحب

يظهر فيك تمردت عليا

نتمرد عليك وعلي اي شخص باش يصتنقصني ويقلل من قيمتي

وشكون قلل من قيمتك

سيادتك

انا بربي بقا متعجب لعجب ربي يافا راني عرفك في خدمة موش راجلك

لا راجلي فكل وقت وزمان ومكان في خدمة في بيروك في داري في شارع في كل بلاصة مفماش فرق

تبدي غالطة في لخدمة انا عسكري وانتي عسكري ولو باش تعبني باش نخرجك من سريتي

بربي تخرجني من سريتك علي خطرها موش هكا

خاطر شكون بقا مصدوم

بقات تخزرلوا تطلعشي اياد مضروب فيها من وقت لحبس متاعك اه اكيد ليش لا مزيانة صغيرة تشبه لقمر نسخة علاها والي قلك راجل ميحب مرا كان تشبه لاموا وانتي امك تعشقها

اي نعشقها

شمعناها تعشقها قلبها حستوا وقف

امي نقصد  حب يشيخ علاها

ضربتوا علي كتفوا لحق فيا نحكي معاك انا جات راجعه شدها من يدها ولصقها علي حيط يافا يزي بلا غيرة فاضية وراسك نعشقك انتي نفني عليك انتي ونحبك كان انتي عمري منخزر لمرا غيرك

موش صحيح قل والله مخزرتلهاش

مخزرتلهاش

احلف

بربي نحلف وانا لمرا تخدم تحت امرتي اكيد ريتها

شمعناها

 يافا يزي شنوا توا يقولش طفلة مراهقة

جات دز فيه ابعدني ياكبير

يافا حبي

مانيش حبك وبرا لها قمر متاعك

شنوا يافا توا صاح بقوة شنوا كثتريلها راك يزي بلا هبال

وراسك مزلت مراتيشوا لهبال ونبهتك ونعاود واذا شلقت بيك تخون فيا خيانتي ليك باش تكون اقوي

بعد عليها بعد مكان باش يهداها

شتقصد خزر لعينها يفلي فيهم

افهم كيف متحب تخون نخون شدها من رقبتها ريتها لكمة مزلت تنطقها رقبتك نطبقها فهمت وراسك يافا نراك مع غيري والا نشم ريحة ذكر عليك منمحيك ونمحي عائلة لخالدي

سبني اياد تبعدلوا في يدوا

وقتلك من قبل عمري منخون وغيرتك هذي باش نعديها خاطر حاسس بيك اما تولي عدم ثيقة وتهديد وقتها يولي كلام اخر فهمت

دزتوا بقوة فهمت اياد عينيها تعبت بدموع من قوة لكبسة لشدها دارت حطت يدها علي بواني باش تخرج رجعها معندك وين خارجة باش ندوش معاك توا

سيبني اياد ابعدني توا ورودبالك تلمسني

يافا يزي حكاية ومشات

ممشاتش قتلك من قبل يدك مزلت تتحط عليا تلوم روحك ويظهر يدك تعودت بيا

اففففف يافا انتي مخليتش فيا عقل يعيشك

مايعيشنيش يزي تعبت نحب نخرج منبحش نبقي معاك

باش تبقي معايا وبصيف عليك ويزي يعيش حبي لحظة شيطان حضر ووتعدا

عاودت باش تخرج جبدها بقوة قتلك اقعد يافا ويزي حبي نعرفك متنرفزة توا وانا باش نهديك سكر لباب  وجبدها لاطرف لفرش اقعد خليني نحليك دبشك وندوشوا بعد تعب نهار شقلت

خزرتلوا خزرة مفهمهاش يافا حبي قعد علي ركبة ونص قدامها حط يدوا علي يدها وحطهم قدام فخظها حبيبي نعرف غيرة خايبة اما والله مفما شي بيني وبينها قمر متاع وذني راك لحب ونور لقلب راك حياتي ومرتي وام صغاري قالها وياريتوا ماقلها ياريتوا مذكرها ياريت ياريت ياريت

نار شعلت في جواجيها حست روحها متسوي شي حست باهانة لانوثتها حست بانوثة ناقصه برحم مشوه غير قابل لحبها رحم كان ضدها هوا وقدر تحكمت في دموعها وقامت تحكي بليعة تحب ندوشوا

بقا مستغرب وقفتها ونظرة الم لفي عينها تعكز علي يدوا وقملها يافا حبي شبيك

شبيني موش قلت ندوشوا

باهي جبدها حظنها همس فوق وذنها نحبك ياروح اياد وراسك غيرتك تفحرني اما راهوا فما غيرة خايبة متاع قلة ثيقة يعيش كبيدتي خليك واعية ورصينة كيف معرفتك

تبسمتلوا بوجيعة باهي اياد نوعدك معادش نغير

يافا

وفا اياد بعدت نحت مريولها وهبطت نحت لبورتكا وسروال بقات في دو بياس وسبقتوا للبانوا

بقا يخزر لبدنها لسحروا وخلاه يخمم كان في رغبتوا ومخمشش في شنوا مخبية تحت نظرة الالم لراها

حلقة 36

ام يافا

لماء يصب عليها وهيا حط راسها علي صدروا دموعها ليكوا علي خدها يبرد فيهم لماء لهابط علي وجها يدها ورا رقبتوا ولخرا علي صدروا متعنكشة فيه تتنفس بشوية موش حابة تشلق علي روحها حست بطعنة كبيرة علاش تغير يافا انتي حقل بور انتي رحم مشوه انثي ناقصة عاقر عقيم انتي شجرة خضراء مزيانة متنبتش علاش يافا علاش انايتك مخليا راجل معاك واحرمتوا من نعمة تتمناها شدت غصتها ودخلت ضوافرها فيه كان مستمع ببدنها طري لفوق بدنوا ولماء دافي محلي قعدتهم فاقيع ليعدي فيها علي بدنها سحروه خلاه يحس بنشوة ولذة امراءة سكنت فؤادوا وعقلوا مرا عملتلوا رعشه في قلبوا من اول ميلمح  عينيها خلي يلمسها ويحطها في حضنوا ,,وقت لغرست ظوافرها تخيلها في اوج رغبتها شاخ من حركتها قومها وقام غسل بدونتهم بالماء وخرجها تقتر بماءها موش هموا كل لهموا يتحد بدنها بدنوا كل لهموا يستعمر حصونها ليعشقها ويخطط مدي حبوا وعسقوا بحورية لجنة حطها علي لفرش وطلع فوقها بدونتهم مندين يخرجوا في بخار مائي كانوا يعبر علي بركان رغبة لفي داخلهم او رغبتوا هوا لكانت في قمة قوتها هبط يبوس فيها بكل حب وفيانة يعشق في سحر جنيتوا الي معذبتوا وخليتوا يتليع بقوة شخصيتها وعنتزة افكارها مستبدة بفكرها وافعالها استبدت كيانوا واخضعت رجولتوا لي انوثتها .كانت تحتوا تان نار تلظي نار عشق لكن ممزوج بالم وحسرة وتنهيد خرج علي شكل اهات مستمرة اهات شعلت اجيج اياد لكان متخيل اهاتها رغبة لكن اهاتها ممزوجا بالم عقم وشرارة يأس حلت عليها فجاءة ,,شرارة ضعف ووهون في قيمتها كانثي ,,جسمها في معركة حب وعشق اسرها رغم دغديغة لعشق الايادي لخطوا علي انوثتها الا انوا دغديغ اليائس لانتبها احتل كيانها وتفكيرها في معركة جدال يطرحوه لعقل ويجاوب لقلب ويرد لجسم الي صبوا في خانه واحده عقل متيم باياد قلب عاشق لاياد وجسم مقيد باياد ولكن جسم غير قادر ان ينتج بعد تلك لملحمة خلاصة تلك نشوة الوقتية تتوج قوة عشقها تتوج حبها لكن هيهات فات الاوان واعتبرا الجسد عميل لقدر حطمها اتحدا الجسدين لاعلان انتهاء لملحمة كتبها لها ان تكون لاولة بين احضان رجل خانت رجولته فلم تلبي نداءها بنطفة اراد زرعها في رحم انثا عشقها

حاشي راسوا في صدرها راقد كيف لبيبي بعد لحظات حب بينوا وبين غزالتوا حوريتوا ,,عيونها ساهرة حالفة لا تغمض يدها في شعروا تمشي وتجيب عقلها مشوش موش حابة تخمم في شي خلات صراعات لفي قلبها وقربت ليه اكثر تحب تحس براحة عندوا قربت لفموا نحبك اياد رغم كل شي

حلقة 37

ام يافا

يشوف فيها علي غير لعادة تخرج في ضحكة بصيف ملي فاق لقاها هيا وريان يشوا وهيا تحضر في سلايط  قعد يتفرج فيها من بعيد حاب يستمتع  بشوفتها يشرب في كاس سترون ويتكيف جبد تلفونوا وكل مرة يخطف صورة

شنوا سي اياد تصور ايجا قوم عاون

لا انا تاعب نحب يجيني صحين مشوي من يدايت خويا لغالي

تدلل يالخو

تسمع فيه يافا يسلك فيها توا

في عالم اخر تقص في سلاطة وهيا سارحة تسمع في ريان يكلم فيها نعم

ينعم عليك من ساعة نادي فيك وين كنت

هوني كنت

لا نقصد عقلك

خزرت لاياد ليخرلها بحيرة مفماشي تعب وبرا  رجعت تبسيمة لاياد كيف تبسملها وغمزها بعنينه شبيها تفكرت مواجعها والمها نزلت علي فقوس تقطع فيه بقوة للي جرحت صبعها باطرف سيكنة اياد وقت لسمع اي هز عينوا لكانت تكتبلها في مساج حب طيح تلفون من يدوا ودز طاولة للي كاس طاح وكل لفيها قرب يزرب فك يدها من يد ريان

سمله عليك حبيبي علاه هكا مخك وين

يحكي مرعوب نسا خوه لمعاهم

عادي اياد جرح بسيط

منين بسيط ايجا معايا جبدها من معصمها يكركر فيها وراه

حطلها صبعها تحت لماء جات تجبد في يدها كبس عليها سملة عليك حبي بربي كيف انتي موش قد بعضك علاه عاملة هرجة روحك راهي طيبت لبون زاح

عادي اياد مصار شي وراسك

جبد بوندا قاز كومبراس وبيتادين نظفلها جرح وعقموا وربطلها صبعها جبد كفت يدها باسها سملة علي حبي ياريت دمي انا ولا انتي

قربت حملتوا لطف عليك اياد

شدلها ودها بين يديه قلي شبيك موش قد بعضك

قتلك لباس خليني نخرجوا ريان يستني

جات ماشيا شدها حقا من بكري منسيتهاش

شنوا

موش نبهت عليك متبوسش حتي ذكر

ووه شكون بوست زادة

ريان نسيت

هههه خوك ريان

والله كي بيدا بابا

مهبول

بيك يانور عيون اياد

ملي خرجوا مخلاهاش تتحرك كمل حضر طاولة مع ريان وتعشوا برغم اياد وريان يخزر لبعضهوم بحسرة طاولة ناقصة سارة وزكرياء

حلقة 38

ام يافا

قامت صباح مدقدقة ليوم اك صختة يجي لبارح ليلة كاملة مرقدتش تخمم في حياتها وحتي رضوان خذا حيز كبير من تفكيرها خلاها تحس بمرارة كبيرة كيف عرفت انوا خطيبتوا جايا

طلبت باش يجبلها فطورها للبيت موش حابة تخرج قعدت تفطر في بلكون وتتصفح في اخبار ترا في ساجد هابط من كرهبة وقت لراها بقا يخزرلها هز يدوا حياها دور وجها موش حابة تراه نفخت سارة ليوم لزم تبدي مخطك لزم تورايه نسا اش تعمل قامت ديراكت سكرت لباب وبقات تبدل في حوايجها لبست روب روج اجستي علي بدنها توصل لفوق ركبة دونتال من شيرة ظهرها روب سيكسي بينتلها مفتنها سيبت شعرها خدمت عينها وعملت روج غامق في فمها لبست تالون وبرفنت بفريم اهداهلها لزم تسحروا لزم تبين انها بدات تتقبل وضعها وهذي اول خطوة خرجت تترنح بشوية

رضوان كان هوا وساجدة يفطروا كيف دخل ساجد قاموا سلم عليه وبقاو يحكوا كلهم تلفتوا لصوت تالون لنقب دنيا ساقها سبقتها خلات رضوان يخزر لساقيها حتي لاخر راسها حل فموا في كتلة لاغرا ء لقداموا جنية خرافية ساحرة بربرية غزال شامي فاتنة انوثة صارخة ساجد مكنش اعظم منوا وزاد تشل كيف قربت باستوا من خدوا صباحوا ساجد لباس

لباس عزيزتي بقا يهز فيها ويحط

صباح لخير لكل خزرة لرضوان لكان مكستم وحاطط لحطة باش يستقبل كريستين بعد شوية من لمطار

اجدة ردت صباح بصيف فكرتها بامها كيف هبطت نفس لبدن نفس لجمال كل شي فيها ساحر كيف قمر

رضوان جبد كاس ماء يشرب ويعاود وزيد شاف يد ساجد تحطت علي اطرف خصرها وجبدها ليه فطرت صغرونتي

شربت قهوة حطت يدها علي صدروا  ذاب معادش فيه تحبش نمشوا نفطروا لبرا

علاش لا

باهي ملا خليني نحكي مع ساجدة شوي في موضوع مدام

باهي نطلع نجيب صاكي وتلفوني

باهي امي نخليكم وحدكم

لا ولدي خليك توا نحكوا في لبيروا

باهي بقا يرا فيهم مشاو لبيروا وسكروا علي بعضهم  بقا يتفكر في حركة سارة لهب شعل رخف كرافتوا اش دخلك رضوان افف قام دز لكرسي بقوة طيش منديل علي صحن وطلع لبيتها

تخزر روحها في لمراية رغم متقززة لعملتوا الا انها مصرة علي لباش تعملوا ترا في لباب تحل ورضوان سكروا من داخل

شتعمل انتي

قدم وقف قدامها بقا يهز فيها ويحط  انتي لشتعمل

فاش ترا فيا نعمل

انتي فهمني موش قتلي ملمسنيش تكذب عليا

وانتي اش دخلك نكذب غريبة والله

سارة باش تبدي تعلي في صوتك توا خليتني نغلط ونبوس مرت خالي

هك قلت غلطت وسامحتك لحكاية وفات توا انساها

ساهلة ننساها

شبيك يظهر فيها بوستي اثرت فيك

هههه اثرت فيها شبيك مغرورة انتي تتخيل باش نتسحر من جرد بوسة وكانها مصرتش واصلا متملالي عيني كان حبيتي كريستين

اي صحة ملا ليها وليك فاش قام جاي تقول في لكلام هذا

هوا بيدوا معندوش جواب علي سؤالوا موش فاهم اش يعمل وعلاش لحق عليها اصلا موش فاهم لخنقة لفي صدروا خلاه وخارج هارب من سؤال هوا بيدوا ما يعرف يجاوب روحوا عليه

بقا قارصة علي صبعها وقت لخرج ضربت الارض بساقيها

كريستين تملالك عينيك محسوب تلقها وشقة قورية الا عمرها خمسين عجوزة موارني

خرجت فطرت مع ساجد بروح تضحك فوق من قلبها لزم تتصرف وتحط اول حربوشة في كاسوا تخاف في دار تعملها تصورها لكاميرا والا يشلق بيها حد حرابش تسيطر علي مخ من اول مرة تخليه منتشي وفرد وقت تضرب خلايا لمخ حرابش اسمها

Erstyaiment  (2 )(تتعطي في حالتين حالة  الاولة جنون جزئي الي يتلف خلايا لمخ باش يسيطر عليه او اتلاف خلايا سراطانية لدماغ وميتعطا الا في حالات نادرة واستعمالوا خطير برشاا لانوا شبه قاتل واخذوا بطريقة خاطئة يسبب فقدان كلي لذاكرة او زيف حاد تقوم بيه السحايا الدماغية جراء اتلافها من قبل ها دواء لاصلوا اسرائيلي كعبة كفيلة  انها تعمل جلطة دماغية في ستة ساعات )

كانت لزم تستغل فرصة كعبة برك تنقذلها حياتها حربوشة دمروا وتخليه عاجز في تركينة ترتح ناس من شروا وتعاقبوا بطريقتها

جابوا شامبانيا كيف صبولوا كاس طلبت منو يصبلها كاس معاه تصبلها كاس بقات تاكل وتخزر من تحت لتحت جاه تلفون حطت بخفة لحربوشة وبقات تحرك في لكاس باش يعمل فقاقيع وميشلقش ذابت تهنت بدنها عرق مهما كان لتعمل فيه خطير وضد مبادئها اما لوصل عايلتها وذلها لزم تذلوا وتتخلص من شرور

طيحت وقفت من كرسيها وجات قعدت بجنبوا كاسوا قرب لكاسها لزم تستغل فرصة وتضيعوا حطت يدها علي يدوا بقات تعدي فيها وتيجب يحكي في تلفون ذاب من لمستها علق من غير ميشعر كيف علق قامت باش نمشي للوسي شوي ورجعلك جبدتوا من دقنونتوا باستوا علي خدوا ذاب في بلاصتوا حركت لكاس وحطت كاسها شويا ونجيك حكات بنبرة صارمة

اول مدخلت للويسي قلبها وقف يعزق في الف خايف متوترة لزم تتصرف وتشربوا قهوة باش بدنوا يخرج سموم متاع لحرابش ومتظهرش في دم متاعوا لزما

خرجت  وكملت لقعدة وطلبت قهوة باش يكملوا يقعدوا بعد متهانيت شربها طلبت منو يروح بيها

حلقة 39

ام يافا

حطت يدها علي باب كل وين تجي دق ترجع يدها خايفة من مواجعتوا شنوا باش تقول وشنوا باش تحكي بعد لكلام لقالتوا سارة خافت عليه من ناس تعرف مراكزهم وحقارة عقولهم

دوب مخربشت علي باب بيدها خايفة لايطردها ومايصدقهاش كلها خوف ووجيعة من لجاي حطا يدها علي كرشها كانها تطلب في المساعدة من بنتها

يسمع في نقر خفيف علي باب كذب وذنوا كان حاشي روحوا في الفرش موش حاب يقوم هز روحوا بصيف دعثر في بكوات لماكلة ودبابز لماء وشراب لمطيشه في القاعة حل لباب ضربتوا اشعة شمس خلاتوا يسكر عينوا حتي هوا جمعه مخرجش يرا في ضباب صورة غير واضحة لكن ريحة يعرفها نفس يعرفوا احساس بحضورها يعرفوا قلبوا لدق من لحظات لفرحة كيف راها رجع خطوة لتالي وكان يستنجد بظلام باش ينورلوا لوجه لقداموا راها هيا غزالتوا غزال لبراري حب حياتوا معوشقتوا ساحرتوا ونسية قلبوا حتي في بعدها يرا في دموع معبية عينيها موش فاهم شبيهم يبكوا وعلاش يبكو كارهم عينيه ليبكوا من خينتها ايا عذابا سرا في دمي يااملا كان في سرائر فكري يارعشة في رجولتي ياعمرا انظافا لعمري حبيتي غزالتي تقفين ببابي باكية بعينكي العسلية الاسرة لوجداني مابيكي صغيرتي مابيكي اميرتي مابيكي غزالي وغرام كياني بدنها صغير ترما علي بدنوا البارد بغيابها كرشها لمست كرشوا خلا صغير في كرشها يتحرك من قوة الاحساس لحستوا اموا صغير ظنا حظنه انه نطفة لرجل اخر غير رجولته

استحلا بدنها متوحش ملمسها متوحش عنفوان برائتها ريحتها شعرها نفسها كل قطعه فيها متوحشها صدام توحشتك حبي توحشت ريحتك توحشت كل لحظة في حظنك هزت وجها تخزرلوا كيفاه جامد موش فاهم شنوا يقول مرا في حظنوا عشقتوا روحوا قطعه منوا اما ملك لراجل اخر علي ذمة راجل اخر

بعدها مكره بعدها وبدنوا نافر مبادئوا حبها تبقي قريب ليه اما روجولتوا متسمحلوش ابت ان تخضع لمراءة خانت وباعت قيمته

صدام

جوبها برودظاهري يخبي في حرقة لفي كنينو شتعمل هنا خزر للفاليز لفي لباب شنوا شبع منك راجلك جيت لصدام تتخيل باش نقبلك

صدام افهمني واسمعني

منسمعكش اخرج اخرج شدها من يدها يكركر فيها لبرا لفي كرشي بنتك انتي افهم

يدوا لكانت كابسا عليها ترخات وخرزلها شتحكي انتي

وراسك صدام عمروا مامسني راجل غيرك

مستحيل ملمستكش ابدا

لمستني صدام وعندي دليل

شنوا دليلك

جبدت تلفونها وراتلوا فيديوات هيا وياه محملين بعضهم في بيت نوم تصاور وهوما في لفش وقت لصورتها كانت تحب تخليهم ذكري مكنتش تتخيل في يوم باش يكونوا حجة ليها

يحزر لتصور ولفيديوموش مصدق

خليني نحكي وبعد متصدقنيش

جبدها لداخل قعدها علي ديفون وهوا يزرب احكي فيسع شصار شبيني متفكرش علاش لاشهر لفات موش متفكرهم

منعرفش

تعرف قلي شفمه

صدام لنجم نقلهولك انوا صغير ولدك وعرست برامز باش نستر علي روحي ومنتعاقبش عسكريا اما روساك وراس حبي ليك عمري مخنتك انتي لبعدتني عليك ومشيت خطبت سارة وخليتني وحدي

حط يدوا علي راسوا يحرك فيه من قوة لوجيعة يارب باش تهبلوني من وقتاه خطبت سارة شبيكم انتم كل ليلقاني يقولي خطبت

هذاكا صحيح ممكن مرضت وسيت لفترة هذي راهوا تصصير

مهبول معنها هكا

لا وراسك لاقصدتها اما لقصدتوا انا وقفت معاك وانتي رميتني جات باش تقوم رزنت مدلها يدوا باش تقوم وقفت قداموا صدام انسا لفترة لفاتت وهاني جيت باش نبدي معاك حياة جديدة انا ويافا بنتي

اسمها يافا طفلة هيا

ايه طفلة جبدتلوا يدوا حطتها علي كرشها بنتك هذي ثمرة حبي وحبك ثمرة تعب ايام باش تحصل عليك تمنيتك في لحلال اما غلطت سلمتلك في روحي موش نادمة خاطر انتي تستحق شرفي تستحق حبي جبدها حظنها بقوة موش مصدق الي هيا حبلة منوا رغم بعض وسواوس شيطان الا انوا غلب عليه شعوروا بصدق كلامها وصدق دمعه لحارقة لحرتوا رعشة  صوتها ليعروفوا مليح

تنهدت  حبي حمدلله رجعتلي قلبي كان مكوي من غير تشويت وعيت من انتظار باش تقولي راني رجعتلك غزالة كيف متقولي

روحي وراسك ماني متفكر شي وراسك لانتفكر اني خطبت ورقدت معا كانا لو كان جيت في وعي عمري منلمسك انتي شرفي غزالة

صدام شرفي يهون ليك

حبيبتي انتي لزم طلق ليوم قبل غدوة

سايي كلمت رامز

وقبل

ايه قالتها بوجيعة تفكرت كلام رامز وقت لقالها نحبك ورغم هذا نحبك تكون سعيدة

حلقة 40

ام يافا

تمشي  وتجي في لبيت  تخزر لمنقلة وتعاود قلبها يوجع  يوجع خايفة لايما يصيرلوا  شي مزالت ساعة  علي ستة ساعات  تسمع في بون تناديلها

حلت لباب علاها

مدام سارة سي ساجد يستني فيك علي عشا

باهي اتهبط شكو ن اخر موجود

مدام كريستين وصلت من بكري وهيا معاهم في طاولة

باهي يعيشك

رجعت تهدي في روحها  لزم تلبس لاسود  كرمز للحركة لعملتها لبست روب لمحضرتها روب سامبل طويلة  محلولة من شرية صدرها شوي وفيها تقعويرة في كتفها من تالي ظفرت شعرها وخلات خصايل هابطين عاودت سوات مكياجها وخرجت ريحة برفانها سبقتها قلبها يدق علي موجتين موجة رضوان وموجة ساجد وقت لوصلت لطاولة ورات كريستين حست بخيبة كبيرة  لقدمها بلوندا عينين زرق كي موج لبحر شعر اشقر طويل ستيل يفتق سيقان طوال مصقولين صدر واثب خدود مليانين كلها مغرية  بقات تمتم هذي لعجوزة ياسارة تي انتي لعجوزة  وقف ساجد استقبها حبيتي مرحبا شنوا ها لجمال هذا هبط باسهلها يدها تبسمت فوق م قلبها يعيشك عزيزي

رضوان قام من كرسية حب يقدملها كريستين برغم من خزرة ثاقبة ليها لكانت بسرقة موش خوف من كرسيتين خوف من مشاعر لحسها كيف دخلت وراها بزين هذا جورحوا وعقلوا كلهم نطقوا فعلا الاسود يليق بيك

مدت يدها فوق من قلبها تشرفنا

بونشونتي مدام سارا

تبسمتلها من فوق لفوق ووقعدت بعد ما ساجد جبدلها كرسيه

تععشي وتخز لساجد الي ملامح واجهوا متبدلة وجهوا بدا يصفار عينيه داير بيهم زراق فرحت وجنحت لامر لحشتها بيه بقاي يتم كيف محبت

كملوا تعاشوا قامت قبلهم باش نعمل قهاوي شكون يحب يشرب

ساجد اعتذر يحب يرتاح يحس في روحوا موش قد بعضوا

باهي عزيزي خوذ راحتك قالتها بفرحة

ساجدة قامت استئذنت باش تخرج تسهر كيف لعادة

خزرة لرضوان اكيد انتم تحبوا تسهروا مع بعضكم متحتاجوش قهوة  نخليكم ملا

خليك قالتلها كريستين لدوب متحكي عربي نحب قهوة عربي انا ممكن

طيب شويا وتحضر

رضوان خرجها لجنينة قاعدوا علي درجيحة

محلاها سارا ياسر حلوة

بقا يخزرلها موش فاهم لاول مرة يحس انوا ميحبش مرا شقرا ميحبش لون لعين لازرق شعر اصفر حسهم متناقضين لشخصوا ا يقارن في جمال كريستين بسارا  غمض عينيه يتفكر في كلمة حبيتي لخرجت من فم خالوا وكلمت عزيزي مو ش فاهم لعلاقة لبينتهم هيا في بيت وهوا في بيت لكن لظاهر فما انسجام بينهم رجعتوا كريستين للواقع بسؤالها خالك ساجد باين يحبها برشا

ممكن منعرفش يشم في ريحة لقهوة لسبقت تالونها دور وجهوا يخزر لمشيتها لبدنها لمتناسق لروب لمزنتها لشعرها لحرير لمظفور لتالي وبعض شعرات المتمردة لطايحة علي رقبتها طويلة ساحرة كي لون عينيها  هودت مدتلوا قهوة بقا مركز مع صدرها لسبقها بلع ريقوا خزتلوا شلقت بنظرتوا ارتبكت من وقاحتوا تفضل سير رضوان قالتها  بنبرة امر باش يفيق علي وضعوا

هز لكاس ويدوا ترعش شرب قهوة وهوا يستطعم في ريحتها مخلطة بريحة لقهوة لقهوة لتصنعت بيدها طعم خاص ورونق خاص

محلاها قهوة ياسر بنية قالتها كريستين

صحة سم لهاري قالتها في قلبها

عجبتك لقهوة سي رضوان

بنينة مرسي

بقات كريستين تسال وتعاود فيها للي فدت وقلقت رضوان كان ساكت مكتفي بنظر موش حاب يحكي حب يخزر وبس موش فاهم سحر لعندها حتي كريستين كيف قالتوا نخرجوا لاوتال ليلة رفض موش حب يمشي ويخلي لوحة لاسرتوا من لراها خاف لاتكون مجرد شهوة خاف لا يغلط مرة اخري لزم يفرغ طاقة لسرات في بدنوا رغبة اجتاحتوا تنفس بقوة وشد يد كريستين باسها خلينا نطلعوا راك تاعبة موش هكا

اوكي نطلعوا وتبسمت بفرحة

سارا حست عظمها جمدت وزيد يكف قام جبد ها من خصرها وقربها ليه مرسي سارة علي قهوة

ايه صحيح بنينه وتشرفت بمعرفتك

ليا شرف تحكي وتسرق في عينها ليدها لي دخلت تحت لفايت متاعوا وحملتوا علي جنب خلينا نطلعوا

بون وي قالولها وطلعوا ترا في كريستين كيفاه تدحنس عليه مزلت مطلعتش قلبها وجعها وجيعا خايبة خايبة برشاا عمرها مجربتها وجها عرق قلبها يدق رضوان اسموا باقي يتعاود في قلبها وعقلها هزت روحها لحقت عليهم وقفت قدام بابها تعكزت علي بواني متاع لباب متاعها وتخزر لبيتهم اكيد راهوا معاها توا وانتي شدخلك سارا هبلت باين بقات تعارك في روحها للي سمعت صوت ضحك متاع ميوعة تعرفوا مليح ضحك تفرجت فيه في الافلام غمضت عينها نزلت دمعه منها دخلت لبيتها وسكرت علي روحها لباب نسات ساجد نسات مشكلتها نسات عرسها وهمها كل همها رضوان في فرش واحد مع مرا قال من صباح انوا يعشقها

  

حلقة 41

ام يافا

‎يقوُلون أن العشَق
‎أعلىَ درجْات الحُب ..!
‎و ان كان حبي لكي يفُوق العشَق ؛ فماَذا يُسمى إآذاَ ؟

ملي كلموه صحابوا باش يخرجوا يتعشي معاهم ويجيب مرتوا وهوا يخرنن عليها متلبس هكا البس هكا مكياج عودتوا برشاا مرات في قوي في خايب في مثير برشاا

مسحت روج من فمها عجبك هكا اياد

علاش منرفزة حبي

ضربت ساقها علي ارض تتمقصد عليا مانيش خارجة معاك ملا

بربي يافا هكا

ايه هكا مدام سيادتك من ساعة وانا نبدل ونعاود وانتي خايب معري مكياج قوي تحبش نخرج في كونبا ونرتحك

ياريت

اياد صاحت بشوي

ههه قربلها جبدها من رقبتها وغرس شفايفوا فيها يزي ياروحي منحب حد يراك شبابة

بربي دزتوا  قداكش اناني

اناني خاطر نحب مرتي

ملا حب هذا حب تسلط وتملك

انا هكا وكان عجبك جبدها ليه وحك خشموا علي خشمها تعرف الي انا هتلري لعشق بربري الغيرة

نعرف قالتها بزربة

وكيفاه عرفت

من معاملتك تتخيلني غبية قريت لاعظم قصص لحب وقرنت شخصيتك بشخصية هتلر حسيتك تشبهلوا

لطف عليا  نشبهلوا كان في وصف لعشق المتدوال بين لعشاق

موش لعشاق لكل يحبوا بنفس طريقة

صحيح كل شخص ونوع لحب لفي قلبوا اما انا وصلت لمرحلة  

لهيام لكلي لمرحلة لعشق الازلي عشق لايوصف ولا يوجد لامثيل له ولا قري له

 باستوا بقوة منين كانت متغششة ولات تراضي فيه

كملت مكيجت ولبست روب  ستيل برنساس توصل لتحت ركبتها في كرامال روج ترابي تاج صغير في شعرها لهزتوا لفوق تالون نوار وبوشات نوار طلعت تفتق بقا يزفر علي زين لقداموا دارتلوا سافا هكا

بون موش سافا برشا اما مفماش حتي حل هذي استر وحدة عندك

شنوا ايودتي باش نبدوها توا

كولني بالهف كولني

باش نكللك ياروح يافا اما من بعد

هههه وليت تعرف تاكل للا يافا

علاه تتخيلني خصيصه

انت احلي عشقة في دنيا

ياروحي انتي محلاك ومشبك خمسة وخميس علي زين حبي

ايا باهي سافا هكا

تعشق تقتل تيدي لعقل كيف متقول خميسة

هههه ياخميسة انتي

مدلها يدها وخرجوا ضحكة ملياة عينيهم

اول مدخلوا لرستوا لقاوه محجوز كان لصاحبوا الي مستدعينوا

شفما اياد ظاهر رستوا روزرفي علي ذمت صاحبك

ديما هكا  لوللاد  كي يعملوا لمة نسهروا وحدنا عرضهم خليل صاحب اياد يرحب ويمرحب  سلم علي اياد بالبوس  صاحبي حمدللة تعرفنا علي مدامتك جا باش يحل يدوا يحملها ويبوسها جبدوا اياد وعاود حملوا صاحبي لغول ملكية خاصة 

هههه شاخ ضحك عندك لحق يالخو بيبا علي يافا من بعيد بقات تتبسم علي هبال ايادها لمجنون

قدمها خليل لنسا ورجال نطق واحد يتمقصص نجموا نسلم عليها لمدام باليد والا لا يجوز

ضحكلوا اياد بسخرية للكيفك انتي لا يجوز وغمزوا  تسمط في بلاصتوا  سلمت علي باقي زملاؤوا وقعد بجنبوا

واخيرا عرفناك سالتها مرت خليل متتخيلش كيف قررخليل لعشا وقال باش نتلموا قداه فرحت

يعيشك مدام شرف ليا

بقاو يتعرفوا ويحكوا خليل جاه ميساج تبسم رجعلها ميساج وصل

شوية وقمر دخلت في يدها واحد بوقوس يعشق لبسا كومبيلزون سواري ظهرها لكلها عريان دونتال من شيرة صدرها شعرها مشدود لكلو  وقصة علي جنب مكياج فينوا روج في شفايفها عينها مرسومين كي القطة برفنتها سبقتها صوت تالونها وصل لوذن يافا الي تشجنجت الو مراتها خليل قام يسلم علي وسام رجل اعمال شد شراكات بوه بعد متوفا  بكلمتوا بلبلاد صاحب نفوذ كبير خارجي وداخلي ولفلوس تعمل لبوفوار

وسام قام سلم علي وسام الي تربطوا بيه معرفة قديمة عن طريق بوه مد يدوا لقمر  وبقا مركز مع عينيها وطريقة عمل مكياجها وشعرها نفس لفورمة متاع لوجه نفس لخزرة يقول اموا قداموا رجع ليافا الي تمدتلها يد وسام سلمت عليه بالقاعدة وسام معجبتوش فازتها حسها اهانة اما يافا مكنتش مهتمة بكل هذا كان اهتمامها في قمر لجات وشنوا لجابها

خليل قدم وسام لجماعة هذا صاحبي وسام ونسيبي اكيد  تعرفوه  خوه مخذ اختي

تشرفنا ولو معرف

وام جبد كرسي لقمر قعدها وقعد في كرسيه لجا مقابل كرسي يافا

تتعشي فوق من قلبها موش حبة تهز عينها علي صحن  تسمع في حديثهم وكانها موش موجودة وزيد كملوا يحكوا علي صغارهم  كانهم يعفسوا علي جرح قلبها تنهدت

اياد حس بيها جبدلها يدها دخل صواب عيدوا في يدها وقرب باسها بقات تخزرلوا وتتبسم  قرب شفايفوا وخلاها في وذنها نحبك يااحلي يافا في دنيا  رعشة سرات في بدنها تبسمت للي بان صف سنونها لولي الي سحر وخذا عقل وسام من ساعة وهوا يخزرلها لكل حركة تعملها شفايفها لمزينين بروج لفتوا انتباهوا  عينيها لمزنين بالكحل اسروا رجولتوا يعشق لجمال وهذي تحفة فنية متعدتش بين يديه جمال يافا مميز وساحر خلا كل من الحاضرين مركزين معها برغم قالت بعض لكلمات الا انوا بصمتها بقات

هزوا لعشا وحطولهم قهاوي وحلو بدات الات الموسيقية تعزف في لحن تركي عتيق خلا بعض نساء يقوموا يشطحوا مع رجالهم سهرة كانت حلوة برشاا برغم مخفيا من خفيا تحتها قمر عينيها من اياد متشلتش هيبتوا حضوروا انفتوا ريشة لندوا ميزة خاصة ميزتوا علي كل حاضرين والا كيف ميقولوا اذا عشقت لعين زينت لواقع

بعثت مساج لخليل باش يخرج اياد كيف متفاهمت معاه

قرا لمساج وتبسم شويا وطلب من اياد باش يستشيروا في امر

حلقة 42

ام يافا

 يافا بقات تخزر لقمر من تحت لتحت  بقات تهدي في روحها راتها واقفة  تسمع فيها تقول لوسام مشيا للويسي لحظة ونجيك

اوكي

طاولة كانت كبيرة ونص لموجودي يشطحوا الا بعض الي موش متزوجين والا موش حابين يشطحوا

بقات تشرب في كاس عصير وتخزر لاياد لواقف لبرا ويحكي مع خليل تبسمت قداه تعشقوا وتحبوا هيا عارفة الي فاهمها كيف تنهدت وتعامل معاها بذكاء عمروا مجبد حكاية صغار حتي كملة باش يواسيها وكانوا موضوع ثانوي في حياتوا

وسام يرا فيها تتبسم بقا يتمتم محلاك يافا كيف ماقلت قمر انتي صيد كبير وبنين

مدام يافا  تسمحلي برقصة هذي

بقات حاشمة يد وسام معلقة كيفاه باش تقولوا لا كيفاه باش ترفض حشمت جات باش ترفض صوت صحاب اياد شجعوها ايا اهبط مدام يافا مدام جا سي اياد بقيت كان انتي من نسا مشطحتش

بعد مزنوا عليها قامت وياريتها مقامت موش عرفا الي بعملتها حلت باب بلا علي روحها

تعرف تشطح سامبا موش هكا

شويا جوبتوا بارتباك

خزر لديدجي بدات موسيقا بدا يدور فيها في يدوا رقصة لاتينية مع انثي شرقية خلات ليها مزيج وسحر اخاذ  كل لحاضرين شايخين شطيح يافا اندمجت مع لموسيقي  واطلقت لعنان مع نشوة لحست في راسها الي كل دقيقة تزيد 

قمر تبسمت بخيث خطتها محبوكة  قمر بدات تنتشي من شويا فودكا حطتها في كاس عصير تقدم خصيص ليها

خرجت لاياد وخليل

اهلا قمر فرح بيها خليل كيف جات

 اهلا خليل شتعملوا في لبرا قلقت وحدي

هنا شويا ونجوا كنت نحكي مع اياد في مواضيع لحياة

امم تعرف الي سي اياد عرفي في خدمة تحكي وقربت وقفت بجنب اياد الي استغرب عطرها لعطر هذا يعرفوا مليح عطر قمر عطر زهرة لوتس تنفس بقوة حب يدخل لخنشانوا ريحة

خليل استاذن منوا باش يرد علي اتصال

بقا مع قمر وحدهم  ملا خليني ندخل خليك شدتوا من يدوا بقا يخرز ليدها

يافا وحدها لزم ندخل قمر موش حاب يخزرلها كل شي فيها يفكروا بااموا اموا لمتوحشها ومتوحش ريحتها للحة تخيلها اموا لملم روحوا وجبد يدوا بقوة اخر مرة قمر تحط يدك عليا

علاه اياد موش زميلتك وقراب زادة

غالطة موش قراب وهك قلت زميلتي

باهي وسع بالك شبيها شوكتك ديما واقفة

لزم ندخل

جا ماشي وقفت قداموا لحظة نحب نقلك لفي قلبي لكل اسمعي اياد

تفضل للا

نحبك قالتها متعمدة

هههه وبعد

اياد بالحق ملحظة لريتك عجبتني حبيتك منعرفش كيفاه وقتاه اما اعطيني فرصة برهن علي حبي وعادي لو معرس قابلة ونخلوا علاقتنا في سر وعد مني المهم كون معايا

تقزز من كلامها يافتوا عندها لحق  بعدها بصوابعوا باش نحسب لكلام هذا مقلتوش واخر مرة نسمعوا وريت في حياتي كان مرا برك وحتي في لحلم مستحيل نخونها نعشقها ونعبدها واي واحدة اخرا نراها تفشه ثبت مليح فيها توا تعرف علاه حبيتها ودار باش يوريلها يافتوا بيدوا دار ويريتوا مدار

حلقة 43

ام يافا

انا رجل اعشق التملك و السيطرة انا رجل لست ككل الرجال انت سيدتي ملكية شرعية انتي جنتي الابدية فاياكم يا معشر الرجال ان تحدقو ولو لوهلة في حوريتي فانا ساحرق هذه الارض و اهدها فوق رؤوسكم و اقتلع اعينكم قسما برب السماء و الارض لابيدنكم ابادة جماعية و لاصليكم بنار ايادية احذرو غيرتي الجنونية و لا تقتربو ملكيتي اليافية

قمر ضحكت بخياثة لحبت عليه وصلتلوا ترا فيه يزرب داخل لرستوا بقات تبع فيه وهيا شايخة في مخها واخيرا خطتها تنفذ قمر كابريال عمرها متطلب حاجة ومتنفذ وقلبها وعقلها طلب اياد لزم عقلها ينفذ منقذها كيف متساميه هيا في تفكير شيطاني ليلة اخترعلها مسرحية شيطانية لافتكاك  رجل ضرب اوصالها

يار فيها كيفاه تشطح في شطيح يحشم وسام قريب ليها لدرحة كبيرة عيونوا لتتناطر شهوة فاضحينوا حركات يافا المغرية لتعمل فيهم بغير وعي خدوه بقا يعدي في يدوا علي ظهرها وين تقعوير ا في روب مفرش كان بيد اياد لكبست علي صوابعووا وجخلتهم في بعضهم جبد يافا منوا ويعطيه بونيا علي خشموا يجبوا طايح يافا كيف شليقة في يد اياد لفودكا اثرت فيها للي معادش تنجم تاقف وسام را دم تناطر علي سوريتوا وكوستيموا قام لاياد  شدوه صحابوا ولخرين شدوا اياد

والله يااياد منوريك علي لكف هكا دمي ياجبان تغدر

سيب نحي في يدوا من صحابوا انا جبان ياطحان اه تحط في يدك علي ظهر مرتي ياكلب

انا مرتك لي تترما بين يدي والا لاصقا فيا شنوا تواري في رجولتك عليا وراها علي مرتك موش خبير لكلهم مصدومين  اياد من كلاموا لقالوا يجبد روحوا بقوة ويقدم يجبد من يد صحابوا حتي لجوا يحزوا ضربهم فتقوا من بعضوا خلا لحموا زرق يضرب يقول مضربتش قمر مصدومة خافت علي وسام ليفضحها ويقتلها بلعت ريقها وقت لرات اوسام دايخ بين يد اياد حطت يدها علي فمها من رعب لراتوا

يافا كانت في يد مرت خليل تشرب فيها في قهوة وتغسللها في وجها كلهم مرعببين ملي صاير الامن متاع رستوا قر ب بعد اياد علي وسام وهزوه يجور لسبيطار

مسح دم من يدوا وبقا يلوج علي يافا

ويني

قدم خليل يهدي فيه يزي اياد مشات مع لمدام تغسسلها في وجها سوء تفاهم خويا

انا سوء تفاهم وانا كرفوس مرتي انا تشرب فهمني خليل شكون عطاها شراب

منين نعرف وراس خويا

دزوا وتعدا للويسي متاع نسا هد عليه هدان لقا براشا نسا يواتوتوا ومرت خليل تغسللها في وجها فكها من يدها وخرجها تمشي وراه كي شوليقة رماها في لكرهبة رميان مخوا تحرق يضرب في لعجلة برجلوا وصاح بقوة يافاااااا

طريق كامل وهيا تترما وتغني وكل مرة طيش يدها عليه ضرب لفلون بقوة وراسك يافا مندمرك علي لعملتوا والله حسابك معايا عسير

حلقة 44

هزها لبرتمانوا لقديم اول مدخلت دزها قداموا نحا الفاست رماها في الارض  بقا يخزرلها كيفاه دور في بلاصتها زاد فد اكثر جبدها من شعرها وضربها بكف مكش ناوية تفيق سي زوفري اه

 علاش تضرب فيا سيبني بدات تفارع فيه جبدها من شعرها دخلها لدوش وحط راسها تحت لماء سكرانة يافا اخرتها راجل غريب يلمس في بدنك اه طحنتي يافا وراسك منوريك جبدها بقوة ووالماء يقطر علي بدنها سعرها تبل لكل غملها وجها لصقها علي حيط وخنقها تشرب يافا انطق قوم نحكي معاك

بدات سكرة تفيق عليها مع لماء لبارد لنعوشها وصياحوا وضربانوا

سيبني اياد اه

منقتلك نسيبك الا منقتلك ونشرب مندمك اول مرة نعرفك علي صحابي تفضحني تخرجني بقروني قدمهم اه فرحانة  طيحتلي قيتي وسمعتي

معملت شي اياد سيبني تفارع فيه وتخبش للي جرختوا من قوة لخنق

سيبني اياد نكلم فيك

تخدر بدا يخنق فيها صورة وسام للصقا فيه يدوا لتعدي علي ظهرها خزرة شهوة لراها كلهم محفورين وكمل شربت حاجة عمروا مكان يتوقعها بدات تترخا بين يديه نفس تقطع عليها وجها زراق وحمار ريتها تقبضت من قلة لهواء

يرا في عينها كيفاه طلعت باش رجعلوا شوية عقل ونحا يدوا جات في الارض تحك بصيف باش تتنفس خرج وخلاها موش مستوعب لصار اول مرا لماع معلق في لحيط دخل فيه يدوا ايافا انتي تشرب انتي تتحط عليك يد غير يدي بدا يكسر علي بعضوا دم يدوا يقطر في الارض موش حاسس بشي غير يكسر ويصيح يصيح بقوة للي جيران سمعوا تعدات سوايع وهيا في دوش قاعدة علي ارض وهوا قاعد في القاعه ساند راسوا علي ركابيوا مخوا شوطط حتي تفكير فرقوا عجز ونقم ولزم يفرغ طاقة لفي داخلوا

قامت تحرك في روحها بصيف ترا في شعرها مفرفش رقبتها زرقة لكلها كحلها سايح علي خدها وجها يفجع هزت روحها خارجة مستحيل تعاديهالوا هيا متاكدة مشربتش اما لصار ملقتلوش تفسير

جات خارجة راها ه روحوا ولحق عليها وين مشايا اه شدها من زندتها بقوة تتخيل وفا كلامي معاك

سيبني خير وفا كلامي معاك راجل ليضربني هكا منبقاش معاه

شدها من شعرها وين ترا فيه راجل وانتي خليت فيها رجوليتي انتي ليلة عفست عليها روجوليتي حطمتني انا لي عمري لكل بمكانتي

سيبني يدك معادش تحطها عليا جبان تتقوا علي مرا عوض تفهم علا ش شربت

جبا ن يافا عندك لحق حقني راني غفستك وريتلك تجوبين علي قاعدة

معندك متعمل سي اياد كي انتي متقوي بروحك ياسر حتي انا يافا

ضربها بكف جات باش ترجعلوا كف اخر شدلها يدها بقوة للي قريب تكسرها ريت لكف لموصلش لخدي عتبروا وصل  عندك لحق تعاودت تهز يدك عليا

نحي يدك قالتها بوجيعة 

جبدها من يدها للواها وهزها قدام بلار مشروخ ريتها صورتك قدامي تهزت سايي وحكاتي معاك وفات يافا وتوا قوم روح  للحديث بقيا كلبت وجنت علي كلمة حكايتنا وفات رجعتلوا تضرب فيه علي صدروا تحب طلقني طلق طلق وارتاح اصلا انتي مخذ مرا متجيبش صغار تتحدد عليا في كل مرة د

من لسانك لموذي وفعايلك لمشومة

فعايلي مشومة وانا بومة باهيشي وصحابك طز فيهم وفي كل شخص باش يشكك في مصدقيتي انا مشربتش ولصار توا نفهموا اما وقتها مستحيل نسامحك ياياد ي لتقول عندي ثيقة فيك هي ظاهرة ثيقة

معنديش ثيقة فيك ستوفيت ثيقتي لعملتوا ليلة قضا علي صورتك قضا عليك

طرشقت تبكي ملا طلقني طلقني وارتاح وابعدني

بقا يخزرلها حتي في قمة قهروتوا ووجيعتوا منها مخممش في طلاق ضرب لحيط لوراها بونيا قوية صحة ليك يافا صحة لامك جا خارج لحقت عليه

شدتوا دارلها بعيون موجوعة يرا في دموعها وظوافرها لمغروسة في راسها اياد وراسك لاربتها شبيني نحكي هكا تحس في راسها يدور

بقا يخرلها موش مصدق لوصلوا معاها  بقات ترحك فيه والله اياد وراس معزتك ملي جابولي لعصير وانا ناسيا كل شي منتفكر كان كي قمت نشطح

قمر جات طول لبالوا وقت لكانت تقولوا نحبك كانت تخزر لوراه مكنش مركز معاها اما نظرة لراها حس روحوا فهمها

حلقة 45

ام يافا

تسمع في صيحة قوية رجتلها قلبها لوهلة نسات مخططها غيرتها لشاعلة في جاشها نساتها في اكبر فرحة تستنا فيها قامت كي لملسوع دور في لبيت وتعاود تفرك في يدها لعرقت بالوقت ....بقات تخمم شنوا باش تعمل مشات تجري لديرسينغ بدلت ولبست حوايج  نوم نحت مكياجها وطفت ضو لزم تبان انها كانت راقدة لزم تنحي توتر لي اجتحها تسمع في حس قوا وهيا قاعدة فوق لفرش تستنا لباب يدق ترا في خيالات عمال وتقرب وصوت صبابط دق لباب قامت مرة وحدة ورجعت قعدت بقات تمروح علي روحها لحظات حاسمة في حياتها لزم تتأخر في حلان لباب لزم يبطي نص ساعة علي مشيانوا لكلينيك باش ماينقذوشو لباب قوا دقاتوا حكت عينيها بيدها وكمشت وجها حلت لباب لقات لبون تبكي

لباس تحكي بنوم

اجري مدام سي ساجد لقيتوا فم باب بيتوا مرمي علي قاعة  فموا اعوج وكشاكش خارجة

شتحكي انتي وقتاه وينوا هوا تحكي بخوف كبير موش لزم تمثل بكيفيه كبيرة باش ميشلقوش بيها اما لزم يظهر عليها لخوف مهما كان رجلها مشات تجري لبسا روب نوم كوتون قصير لبسا شلاكة بصبع لقات رضوان قاعد علي ارض بجنبوا وكريستين كانت لابسا سوفتمون موف ستان مظهرتلها بدنها رضوان لابس شورط وعاري من فوق هبطت علي ركايبها قدام رضوان شبيه ساجد شنوا لصارلوا

منعرفش سارا توا نادتني لبون لقيتوا هكا هاني كلمت لحماية ارتاح انتي

ربع ساعة وجات لحماية خرجت تجر فيه معاهم وعينها تلمع فرحا مخلطه بحزن علي طريقة دنيئة لوصلتلها اما كان لزم تتصرف هوا اذاها لزم تاذيه حبت تتعامل معاه مقولة لعين بلعين وسن بسن والبادئ اظلم هوا ظلم وهيا رجعت ظلم بطريقتها وحسب درايتها

حلقة 46

ام يافا

يخزر ليافتوا كيفاه تقحرلوا موش فاهم علاش تفكر قمر علاش جات ولواه تم استدعاؤوا للحفلة ومنين ليها قمر انها باش تكون موجودة وعلاش وسام بذات قوم مرتوا هوا بقا يحرق في مخوا ويعاود اياد ذكي وعمروا ما تتعدي عليه ويحسبها مليح اما ليوم تعدت عليه ضرب لحيط لوراها للي عيونها رمشت جبدها باش يحظنها متخافش يافا منضربكش

دزتوا بقوة للي بقا مسوهم فيها وفي لقوة لجاتها اخر مرة مزلت تحط عليا يدك فهمت وراسك اياد ضرب لضربتوا مايرجعلك ويزي موش قلت وفات حكياتنا نعلمك ملا الي هيا بالحق وفات طلقني اياد

شتحكي انتي هبلت كلام تقول فيه

 لسمعتوا وقلتوا هوا ليتنفذ راجل لمعندوش ثيقة فيا عمروا ميلزمني راجل لمد يدوا عليا ما يساعدنيش في حياتي انتي اخترت وانا باش نفذ جات ماشيا رجعها من معصمها اخر مرة تعاودها كلمة طلاق علي لسانك فهمت

علاش حلال عليك حرام عليا انتي طلقتني وبثلاث

في لحظة غضب يافا ومستحيل نرجع معاك ونلمسك من غير شرعية دينية مشيت لشيخ وقال طلاق ثلاث لايتم الا بحضور شيخ وحضور مجموعة تقات وتكون في كامل راحة ويعلنها امام شهود باش ميتمش تلاعب بشرعية رجوعهم لو ارادوا ذلك ويتم كتب طلاق علي انوا ثلاث طلاقات وتحرم عليه قانونيا ودينيا

موشلزم تبررلي سي اياد والي تقول عليه توا معادش يهمني ريت رقبتي عدت يدها علي رقبتها ريت وجهي عدت يدها علي خدها محرمين عل,,,,حط يدوا علي فمها باش متنطقهاش يزي يافا يزي حط روحك في بلاصتي تلقا مرتك في يد راجل اخر ويدوا تتلمس في ظهرها وزيد من فوق سكرانة تحب نقبلها قلي لو انا نقبلها انتي مستحيل مزلت تحترمني الا متكره نذالتي متربيتش ديوث تربيت راجل يافا وانتي لبار ح عفست عليها رجولتي

انتي لهزيتني بعدتلوا يدوا

وانا وين نعرف الي ممكن يلعبوا لعبة دنية كيف هكا

خزرتلوا وفهمت الي هوا يخمم في لتخمم فيه ,,,والله منشرب من دمها ونقتلها

متخافش دمها انا لباش نشربوا وانتي زادة غالطة وقت لحسيت بدوخة كنت لزم تقولي

وانا لقيتك ساعة نستنا فيك وانتي شدك سي خليل

خليل اسموا رجعوا لساعات لتالي وقت لهزوا لبرا كان يحكي في مواضيع تافهة جدا كان حاسس بتوتروا وانوا مخبي حاجة  تلفون الي كل دقيقة يجيه مساج ويرجع وهوا يخزرلوا علي جنب توا فهم توا اكتملت صورة  هز تلفون وطلب  رجالوا نحب قمر كابيرال تكون هيا ووسام وخليل في دبوا ساعة اخري منلقهومش نقلب دنيا عليكم

جا خارج شدتوا وين ماشي

بقا يخزر لرقبتها  لزراقت من يدوا وجها لنفخ خدوا من كف وصوابعوا لتوا معلمين عليه تنهد بوجيعة وقهر عمروا ماتعامل بعنف مع مرا شنوا لخلاه يكون هكا علاش ظربها كان لزم يفهمها اما هوا راجل ورجل شرقي كيفاه يستحمل تي كان لاقي يصب لقاز علي  لحمها باش يتغسل من يد وسام الي تحطت فوقوا يافا روح ولقلب يافتوا سر سعادتوا لخلطة سحرية الي زهاتوا ضربها واهانها  ومدافعش عليها قدام صحابوا ونساهم جبدها بقوة وغرس شفايفوا في جبهتها باسها بمعزة وطلب للمغفرة يافتي روحي سامحني وراس حبي منعرفش شنوا لصارلي ضربتك والله موش بقصدي تقهرت ياروح اياد منحملش عين تخزرلك خلي ييد تتحط عليك نظرتوا لعراتك وشتهاتك لتوا بين عيينيا وزيد ختمتها بشرب كيفاه باش يبقي فيا عقل قلي لو غالط في انفعالي قلي نعررف حقني نبربش ونلوج علي لحكاية اما وقتها تعميت اما نوعدك نرجعلك قيمتك وراس حبي مندم كل شخص طاول عليك واهانك واولهم انا  بعد عليها را نظرة لكسرة لفي عينها يدي لضربتك لزم تتحاسب ولو لزمها لقص تتقص غير انتي احكم هز يدوا يخزرلها ويعملها بونيا يرا في شباك كلوا بلار بعيد ميتروا علي يافا لزم يحاسبها يدوا لزم يجرحها كيف متجرحت يافتوا بعد عليها قاصد بلار كان باش يضرب لولا يدها لعرضت قدام لبلار للحظة كانت يدها باش تتضرب صاح بقوة يافا هبلت

انتي لهبلت تهب تقتلني ليلة علاه تعذب فيا اياد علاه

علي خاطر انا منترباش منسواش يدي لزم تتحاسب لزم

يدك ضربت وانا باش نعقبها بطريقتي موش بطريقتك

لا لا قالها بخوف كبير

خزرتلوا بتحدي

يدك الي ضربتني معادش تمسني

يزي يافا شنوا لتقول فيه

وفا لكلام

جا باش يحكي تلفونوا صوني هز عليه لقا مساج يااكد وجود قمر وسام وخليل في دبوا

لزم نمشي خليك هوني رودبالك تتحرك في ليل وحدك بعد نجي نروح بيك فهمت

باهي اياد

جا باش يبوسها بعدت شقلت انا

قلت يدي

غالط لكلي موش يدي

شتحكي هبلت انتي

لسمعتوا اياد

بقا يخزرلها مزبهل مستحيل يقبل عقاب كيف هكا اما لزم يمشي جماعة يستنوا فيه باهي يافا للحديث بقيا وانسا نعيش معاك كخوا

وانتي انسي مزلت يدك تتحط عليا

نفخ بقوة وخرج

حلقة 47

ام يافا

رضوان كان عريان من فوق وثاني رجلوا وحطها علي حيط يستني في  لجاي يرا في سارا كيفاه تمشي وتجي روب مفصلتها بدنها ومظهرا حتي ملبسها داخلية فد علخر وين يتعدي حد يبقا يخزرلها  نفخ بعصب جا يلوج علي تلفون تفكر الي هوا جا في شورط من غير حوايج من فوق زاد فد اكثر ملا عملة كلبة

ساعتين واقفين قدام غرفة لعمليات  يستنوا في خبر سارا حالها يعلم بيه ربي من وقت لرات ساجد في هاك لحالة حست بتانيب ضمير عيونها من الارض متهزوش خايفة ملي جاي خايفة لايفيق وخايفة في حياتها لباش تكون بعد مايطلع معاق باش تبقي علي ذمتوا والا تخرج من حياتوا بقات مستغربة علاش خممت هكا هزت عينها لقات رضوان يخزرلها جا لبالها امر نساتوا ووجعها لو باش طلق باش تخرج من لفيلا وباش تنسي رضوان رضوان لحتل حيز كبير من تفكيرها حتي ولو خاطب وحب خطيبتوا

يراو في طبيب خارج وجهوا ميبشرش بخير مشالوا رضوان يزرب دكتور لباس خالي  لحقت سارة عليه مربوثه

والهي اش باش نقلكم حياتوا مزلت موش مستقرة للاسف صارتلوا جلطة دماغية وجميع خلايا لمخ تمست وطغي عليها دم لفاسد يعني للاسف باش يعيش معاق حتي لو عاش جانب لايمن لكل مشلول

رضوان حط يدوا علي فموا مصدوم خالوا لقوة والعنتزة باش يعيش علي كرسي حديد هوا لحركوا وهوا لهزوا

سارا تخزر لرضوان كيفاه متأثر وجعها حالها برغم لفرحة لحستها واخيرا ثأرت ليها ولعايلتها ولصدام واخيرا راجل المجرم لمشبوه فيه جل لعمليات تشل ورتاحوا لعالم من عقلوا لفاسد

خزر لسارا لوجها جامد مايدل علي شي سارة خالي مشا ضاع  تعاق ياسارا

قلبها وجعها موش عارفة باش تتواسيه باش تقولوا الله يشفيه لا خايف دعوتها تتقبل لصارلوا يستحقوا رغم عذاب لفي عينين راجل يهمها وموش منجما تفسر اهميتوا في حياتها رضوان كان محتاج حضن ولقا حضن سارا قداموا طيش روحوا عندها سارا خالي كان لبو وقف معايا ساندني عمروا محسسني بيتمي وليوم يصبح عاجز قدامي قلي شنوا باش نعمل قلي

حظنوا مهمشها وخلا قلبها يدق بقوة حست احساس غريب اما حلو رغم معانت رضوان الي انانية شعورها تملكها وخلاها تنسا عذابوا وتخمم في سعادتها الي خلات يدها تتحط ورا ظهروا وتحظنوا بكل قوتها

حلقة48

ام يافا

مربوطين بحبل في ساقيهم ويدهم ومرمين في كوان دبوا وجوهم  صفراء مفيهاش قطرة دم خايفين من شئ ليستنا فيهم وقت لراو رجال اياد قلوبهم تخلعت زوز موش مصدقين الي رجعلهم في نفس ليوم دنيا مزالت غير مضوات لفجر بزغ وجاء يوم جديد يحمل امل برشا ناس اما ليهم اتعس ليام زوز يعرفوا شكونوا اياد الاندلسي زوز يعرفوا شنوا ممكن يعمل الاندلسي في سبيل حب مرا من ساعات قلولو الي هيا روح والقلب يسمعوا في حس لباب ...باب مصدد ميتحل الا ميعمل حس  كبير

 يراو فيهم يجروا في قمر وراهم تمشي وتطايح عيونها طلعت من لبكاء ولخوف  اول مراتهم زاد خافت اكثر وضاحت رؤية عرفتها خلات عليها وعليهم  وقت لوصلت بجنبهم ورموها علي قاعه زوز بدوا  يصيحوا عليها

خليل حسيبك ربي غريت بيا بعت صاحبي موش قتلي ميحبهاش وميهمتمش بيها عادي

وسام والله قمر حسابك معايا اا زادة قاتلي هكا قاتلي مركا شراب وبواتات وراجلها عادي ميقلقوش شي

مهبطا راسها خايفة لاطرح يتقلب علاها خايفة لا اياد يقتلها لزم تلقي حل لزم تتصرف  ترا في باب دوب متحل ويزريط تشوف فيه يقدم ناحيتهم بكل هيبة وقار كيف عادتوا برغم وجهوا مايتفسرش وجهوا الي لونوا تغصر ولا احمر من لعصب  رجلوا لتزلزل ف الارض بصباطوا رعبتهم وقف قدامهم وامرر جالوا باش يفكوهم ويقوموهم

-واقفين يرقلوا امل تخزر وتكنبس رغم لخوف لفي داخلها ومهمشها

ملا سي خليل وليت راجل وكبر راسك تكنبس في شرابك لمرتي اه حط يدوا علي كتفوا وقرص باقوي قوتوا لي خليل صاح بقوة من قوة لوجيعة

-احكي صاح بقوة

-اياد صدقني خطيني موش صاحبي انتي كيفاه نخونك

-صاحبك لا ظاهر ...هز يدوا حطها علي كتف وسام وغرس صوابعوا مرة اخري وين يقرص وسام وخليل يصيحوا من قوة الالم للي ترخوا وطاحو في القاعة

-قمر بعدت من جنبوا ترعش شفايفها لصقوا من لخوف بدنها ولا كي قصبة ريح من كثرة مايرعش ريقها نشف ترا فيه يقوم فيهم ويضربهم في روس بعضهم للي جبينهم تفلق بدم 

-شنوا تتخاطرو علي مرتي اه ياكلاب تتخيلوا موش باش فيق بيكم وراسكم عزرايلكم ليوم قاتلكم وصلبكم في اول قنطرة تعرضني باش تعرفوا شكون انا  وشنوا حساب بيتعدي علي مرتي وعرضي

-وراسك اياد خطينيا قمر هيا لدبرت

- حلو رجالة والله معنها مرا تدبر عليكم وانتم تنفذوا تقود فيكم كيف لبهايم ياخنازر 

-ضربهم للي بدونتهم تغطت دم صياحهم خف من كثرة مجهد مشا مع كل وجيعة للي معادش حسين رماهم من يدوا  هزوهم اول قنطرة تعرضكم علقوهم مابين هوا ووفضا واي شخص يقرب قلولوا تابع الاندلسي حتي الامن فهمت نحبهم لغدوا لوقت هذا يتناحوا فهمتوا

حاضر سي اياد هزوهم يجروا فيهم جران كي لعلوش قمر حست نفس باش يتقص عليها ترا في دمهم في الارض والي صارلهم تخزر لاياد  كيفاه رما لفاست وبدا يثني في سوريتوا قلبها من كثرة مدق حستوا سكت تبلع في ريقها وتغص تتوخر للي لصقت في لحيط بقات تخزر تلقاش منين تهرب

-شنوا للا قمر ملا انتي لظهرت لمخرجة متاع لمسرحية اه

اياد وراسك يكذبوا موش انا وين نعرفكم انتي ويافا مشكلتك مع خليل قالي نغار منوا ونحب نفضحوا مابين رجال وتفاهم مع وسام وراسك انا خاطيني انا وقت لقالي وسام ايجا نتعشوا وقتها باش عرفت انك معاهم

-بقا يسمع ويضحك علي سذاجتها تخيلت باش نصدقك

-لزم تصدقني مفماش علاش باش نكذب يعيشك

قربلها وقف قدامها ملا سيادتك لحطيت شراب في كاس مرتي

لا علي كلمتها يجبدها من شعرها ويلصقها في لحيط

رودبالك تكذب وراسك نمحيك

يعيشك اياد صدقني

سكر فمك ضربها بكف للي طرشق دم من شفتها ريت اسمي معادش تذكروا علي اطرف لسانك تتخيل باش تعديها عليا اه زادها كف اخر للي طاحت في الارض دموعها عبت عينيها حست بخوف كبير اياد يعيشك مرتك مانعرفهاش ومعنديش بيها مصلحة باش نظرها هيا شربت وحدها ممكن متعوده وعلي اك لكمة كلب يضرب بالكف ويعاود للي خدها زراق ونفخ حسها دهشت بالكفوف قام حط يدوا في محزموا لزم يخمملها في عقاب يناسيها في اسم امها

بقات ترقل لزم تتصرفوتخرج من المؤزق لحطت روحها فيه  بدا صدرها يعلي ويهبط نفس تقص عليها وجها زراق وعينها خرجوا طاحت في لقاعة تتسكك  يرا فيها كيفاه زراقت وكشكشها طالعة وتخدم بليد وساق ندا رجالوا باش يهزوها بقا يرا فيهم كيفاه يخرجوا فيها ومتحركتلوا حتي شعره مزال مبردش لزم يرابيها اما ميتسماش الاندلسي كان مايندمهاش علي نهار لتخلقت فيه

حلقة 49

ام يافا

كانت في بيت تتفقد فيه وفي حالتوا صحية بعد متهنت وحمدت ربي الي خلصها من وشقة فرعسلها حياتها خارجة من بلوك بعد منحت تيني

هيا خارجت تدخل فيه اول موجها لمس صدروا حست بنفس ضياق عليها بدنها رعش وسرات فيه موجات كهربائية لذيذة خلقت نشوة فطرية  .... هزت عينيها ليه لقاتوا يخزرلها في نفس لخزرة نفس الاحساس لحسينوا زوز قلبين اتحدوا بحب شرعا محرم  لكن في شرع لعشاق حلال مبين في قانون الحب كل شي يجوز زوز ربثت الخوف لانتباتهم فضحتهم بعدوا وقلوبهم تخفق في مليون اشعاعات العشق انارت عينيهم وخلات صدورتهم تعزق في لحن غريب لحن عشق امتنعوا باخبار لعقول بسر ماتحمله لقلوب

سارة سافا

لباس رضوان كنت نطمن علي ساجد وانتي وين ماشي

كنت باش ندخل نراه دقتين كيف ماقالولي

فهمتك ملا انا لزمني نروح هاك ترا في حوايجي

هبط  عينوا وخزر لحوايجها فد تفكر لبستها باهي سارة خليني نروح بيك توا بعد نجي نشوفوا خالي

خليك توا نشوف تاكسي

بربي تاكسي مع لفجر وبلبسة هذي

عاد شبيه

تبعني واسكت بقات تبع فيه ترا في كتافوا لعراض لمسكلين بدنوا لاسمر ليشع رجولة شعروا لمفرفش شوي عطيه طفولة  كهولية وقف تاكسي وهوا عاري ركبت وراه وعيونها متشالتش من عليه

مفقتش بالوقت كيفاه تعدي وصلوا للفيلا لقات لباب تحللها وهوا يؤمر فيها باش تنزل هبطت تمشي قداموا خايفة من ربثتها تسمع في صوت خطواتوا قربت وراها للي لحق عليها

-شبيك تزرب سارة

لا هككا تحكي  وتزرب  جا باش يدق لباب ويتحل لباب وتترما كريستين علي رضوان حبيبي سافا خالو ساجد

لا كريستين حالتوا تاعبة

سارة كيف رات هككا محملتش قلبها وجعها هزت روحها وهربت لبيتها اول مسكرت لباب طرشقت بالبكاء  تبكي وتضرب في روحها بكفوف هبلت سارة غرت شنوا دخلك فيه راجلك والا شنوا يكون اه

تسمع في لباب يدق بشوية

شكون

سارة انا رضوان

تمسح ف دموعها من عينها ومشات حلت لباب وعيونهافي القاع

سافا سارة

لباس رضوان شحاشتك

بقا يخزر لعينها وخدها المعبي دموع وزيد بكاها وجعلوا قلبوا موش حمل دموعها دخل من غير مأذنتلوا وحملها يزي سارة خالي ساجد لباس نعرفوا قوي توا يرجعلك علي قريب

زودت في لبكاء وقلبوا متقطع لدرجة تحبوا صحة ليه  حاسس بدموعها فوق صدروا سخان دفوه وقشعروه بعد شوي وهوا حظنها هزلها دقنونتها يزي سارة بلا بكاء موش حامل دموعك

-دموعها قوات للي فاض كاس  لعشق لفي صدرها موش حملة قربوا وهوا عندوا شكون عاشقتوا وحبتوا لدرجة موش فاهمة وقتاه وكيفاه

سارة لدرجة تحبوا خالي سؤال قالوا بوجيعه كبيرة

طرشقت بالبكاء للي عروق وجها تكبسوا بقات تحرك في راسها يمين ويسار

مسمعش ايجابيتها اما سمع بكيتها للي شواتوا ورهوجتوا من احساس خايب حسوا مر موش عارف علاش طلعلها توا سيب كريستين وقالها اسبقي حب يراها ويشبع عينيه منها

جات باش تبعد جبدها من يدها وقربها ليه جاوبني سارة تحبوا خالي اخر كلمة سكر عينيه عليها من قوة لكلمة وفظعتها بنسبالوا

كيفاه باش تعبرلوا كيفاه باش تقولوا منحبوش وحاسا باحساس جديد نحيتك انتي لانها خانها وعقلها حبس علي تفكير لقلب اعلن  عصيانوا بموجات قلبية سرعان مولات بركان وقت لقدمت وتشجعت باش تبرهن بطريقة فعلية طريقة توصف فيها اعجابها واحساس لتولد من جديد يدها تحطت ورا شعروا وقفت علي اطرف صوابعها وحطت شفا يفها علي شفتوا وباستوا بطريقة فطرية بلي رات وتعلمت وتحكا قدامها احساس ولا اروع احساس طيرها وخلاها تجنح لكن في لحظة وقفت وكانوا زمان نبها شفايفوا الي جامدة ومتحركتش خلاها تفيق علي وضعها بعدت عليه مرتبكة وحاشمة نزلت دمعه لخصت معانتها معناة قلب مكسور تكتبلوا وين يحب يحب انسان عندوا شكون وقلبوا مشغول  

وخرت خطوتين لتالي وجات باش تنطق انوا يسامحها يدوا لتعدت ورا ظهرها وجبدتها ليه زلزلتها وخلاتها تتربث وتهز عينيها في عينيه 

زوز عيونهم مكظومة بنار وليعة زوز يخمووا نفس تفكير اما لقلب ديما مخرب افكار هذا لاخير خرج بعض للحروف للخصت مشاعروا الملخبطة بطيات حب امراءة اخري

محلاك سارا احساسي معاك غير وكانك اول مرا نعرفها قرب شفايفوا وحكا فوق خدها محلاك جات باش تحكي قص عليها بقبلة خلات بدنها يجمد من قوة لمشاعر لانتبتها قبلة زوز تهيؤلها موش صدفة قبلة خلاتهم يعشقوا لحب ويتأكدوا من قوة مشاعرهم

كان في عالم اخر وهيا بين يديه شفايف طرين روز طعمهم شهد ريقهم عسل صوت انينها هبلوا حسها متعطشة ومتللهفة قربها اكثر وهزها من فخظها ولصقها علي حيط ساقها دورها علي محزموا من تالي  يدوا في رقبتها وشعرها وليد لخرا تمشي ويجي علي فخظها شفايفوا غايصا في سحر السارا البريئة سارا حنونة  والمضحية سارا رقيقة الجميلة ناعمة سارا لعفة ونقاء وصفوة الألاهية وكانها اله سرور والبهجة

يحكي فوق شفايفها برغبة وشهوة كبيرة شهوة عمروا مذاق احسن ملذاتها ذاق شفاه بكر في نظر نفس وسيدة في نظر لبعض

لتوا فيارج موش هكا خالي ملمسكش

بقات تحرك في راسها  بلا

فرح قد دنيا حس جنة عطاتوا هدية  كلمة منها حلاه يقف غادي موش هوا ليؤذي حاجة باتت تعنيلوا برشاا جا باش يقلها لزم طلق ولزم ولزمك صوت صياح اموا فيقوا علي وضعوا 

سارا من غير متهبط توا نحكي معاها انا البس حوايجك توا نحكوا من بعد جا ماشي رجع باسها من خدها بوسة كبيرة

حلقة 50

ام يافا

ملي هبط وراها حسها موش قد بعضها وجها مخطوف وعينيها ترمش بسرعة

قربلها مفجوع شبيك امي لباس

منين لباس يارضوان ياولدي قربت شدتلوا ذرعاوتوا زوز خالك ساجد لزم يهرب توا طيارة تستنا فيه

باقي موش مستوعب اش تقول جا باش يقلها خالي تجلط  قصت عليه

عائلة سارة هوما سبب خالك امس قالي يضايقوا فيه وليوم كيف مقبلش باش يطلقها ورفض بعثوه ورا شمس متهم في الاف القضايا لتهز للمشنقة لزم خالك يهرب ليوم

امي يعيشك مينجموا يعملوا شي لخالي

قتلك رضوان عاوني انتي متعرفهمش شنوا ينجموا يعملوا

امي خالي موجود في سبيطار وحالتوا حرجة برشاا

شهقت من الفجعة شنوا

لسمعتوا امي

بدنها ترخا جات باش طيح لقفها في اخر لحظة

امي سملة عليك

ياناري علي خويا وصلوه كنت متاكده الي بوما لخذاها باش تقتلوا والله قتلتها ليوم

امي ستهدا بالله شتحكي انتي

والله العراف اليهودي قالنا موتوا علي يد بنت لعشرين وهاي تحق كلاموا

شنوا تخاريف امي ستهدي بالله يعيشك

مايعيشنينش حق ساجد انا نخذوا بيدي كان حاسس خويا امس قالي وصاني كائنوا حاسس باش تصيرلوا حاجة عايلة الاندلسي والله منقتلكم فرد فرد صاحت بقوة لرجالها دخلوا قرابة عشرة مسلحين هبطوا سارا وهزوها لفيرما لقديمة توا

وقت لرا رجال وسمع اموا شتحكي حس نفس ضياق عليه حاجة غريبة سرات في بدنوا لز ينقذها جاو زوز رجال طالعين عرضلهم اخرجوا لكل

قامت  رضوان يعيش ولدي اخرج منها لحكاية خير

لا امي ورب ورحمان والي خلق الانس والجان ياواحد من رجالك يلمس سارا يامتقيم لقيامة ليوم وانتي امي انسا اني ولدك ليوم دين

شنوا اكيد هبلت انتي

لسمعتوا اخرجوا لكل صاح بقوة كلهم حبسوا في بلايصهم خافين الا اموا بقت في عينيه شوف رضوان حق خويا مستحيل نسلم فيه وراسك سارا لا بقاتها يوم فيها دارولا ما تتحاسب هيا وعايتها فرد فرد علي تجاوزها ليا

يعني امي تتحدي فيا خزرت لرجالها باش يشدوه بسياسة شلق بيها مزال واحد فيهم باش يقربلوا ويعطيه بمقص ويجبد سلاح من عندوا اي واحد فيكم يقرب رصاص يدخل فيه كلهم هزو سلاحتهم في وجهوا صاحت ساجدة خوف علي ولدها لموش فهما شبيه يدافع علاها

  يسمع في صياح سارا لفوق ضرب رصااصة علي حيط وطلع يزرب للي قرب يسمع فيها كيفاه تقولو سيب اول مدخل ولقاها تفارع في زوز قد لحيط 

قدم يزرب يخطف واحد من رقبتوا لخر يسبقلوا رجل يكمل يجبد سلاح من محزم راجل ويغرسلوا راسوا في الارض سارة ترقل من لخوف ريقها نشف في لحظة كانت تتخيل روحها باش تموت ولقات منقذها قدامها

 جبدها من يدها وحطها وراه متخافش سارة مستحيل نخلي شكون يؤذيك  جا خارج بيها يلقي قدام اكثر من عشرة رجال وامهوا وراه خزرة لسارة بنقمة مستحيل تخرج بنت قمر من هوني حية ابعد روضوا ن والمسيح نقتلك معاها

اقتلني امي نحبك تقتل ولدك وسارة مستحيل نسلم فيها حط سلاح في راسوا اي واحد يقرب لسارة راسي انا يتفجر في بلا صتها

امو برغم لخوف لفي داخلها  الا انوا البغض والكره بقا معبيلها قلبها سارة بنسبا ليها قمر ولزم تتخلص منها رغم كل شي

حلقة 51

ام يافا

ملي قالها بوها وعرف الي ساجدة عرفت خافت علي سارة لزم تخرجها من دار ساجد باي طريقة حتي لو كلفتها حياتها لزم تنقذها اكثر من عشرين  رجل يخدم معاها  خرجوا معاها في المهمة كان بين رجال ساجدة جاسوس يخدم لصالحها قدرت ترشيه باش يخبرها وقت لوصل لمساج وقالها انوا ساجدة تحب تقتل سارة خرجت ويدها علي قلبها لزم تتصرف هيا في يوم خانت امانة اياد ليوم حست روحها خانت قمر وغالي الي تعتبر روحها مسؤولة امامهم امام زوز ابطال في يوم فدوا لبلاد بدمهم وصلت قدام لفيلا  كان بساهل باش تدخل هيا ورجلها  الباب كان فيه زوز بوديقارد

اول مدخلت للفيلا سمعت صوت كرتوش قلبها رجف خافت يكون فات لفوت طلعت هيا ورجلها لمسحلين كيف لبوه كانت ملي وصلت لمفرق لبيوت ورات رجال لوقفين قدام باب سارة واحد منهم مرمي علي ارض وساجد تصيح علي رضوان

سلم روحك رضوان والا تموت توا

انتي لتسلم روحك ساجدة كابريال واي حركة متخرج كان ميتة من هوني

ساجدة ورجالها تلفتوا وجهوا سلاحتهم

يافا اليهودي جيت لداري برجلك صاحت بقوة نحب دم متعها نشربوا ليلة كقربان  للمسيح  مزلت تحكي ويد واحد من رجالها تجبدها ويوخر بيها لتالي وسلاح موجه لراسها

اي حركة يتفجر مخها

قلبها يرعش ماتت بالخوف روح غالية والموت ليها كارهة

رجلها هبطوا سلاحهوم وفريكوه بعد معملت اشارة بيدها باش يهبطوا

يافا تبسمت وصاحت سارة اخرج عليك امان الله

رضوان يخرز لسارة وقت لقاتلوا مرت خويا يافا جات شدتلوا يدوا اخرج معايا رضوان بلاصتك موش مع ناس كيف هكا

بقا يخزر لاموا للسلاح محطوط علي راسها وليد سارة جا بين نارين موش فاهم شنوا باش يعمل خزرلها وقالها سامحني سارة جبدها من رقبتها وحط سلاح في راسها

وخرج قدامها

يافا كيف رات  سلاح في راس سارة رفعت سلاح في وجه رضوان

صاح بقوة سيب امي نمدلك سارة

امك باش نسيبها خلي سارة تخرج خير جبدت بادج حاكم معاك متورطش روحك مع امن دولة

خزر لاموا لتقولوا بعينها لا هبط عينوا خزر ليافا وعد تسيبوا امي

وعد كلمة نسايبها  سيب سارة

مدهلها  جبدتها حملتها بقوة سارة

يافا حمدلله جيت

متخافش

خزرت لراجل لشد ساجدة

اخرج ***واي شخص يغلط ويعملوا حاجة سلاحتنا لكل موجها

جبد ساجدة قداموا وتعدا قدام راجالها ورضوان

وعدتي تسيب امي يافا

وعدتك وعند وعدي نخرج من هوني امك ترجعلك

هزت سارة ركبتها وخلات لكرهبة تخرج قبلها همست لشيفور باش يوصلها لدار لمزرعة

يافا اركب

متخافش سارة شوي ونجي

بعد متهنت خرجوا بيها وملحقت حتي كرهبة وراها  خزرت لساجدة لمزلت تحت تهديد

مدت يدها مدولها دوسي هزتوا قدام ساجدة

ريتوا دوسي هذا انتي وخوك مصيركم لحبس وانا لحرصت باش  ندمركم قربت همست بحذا وذنها اي شخص يدور بعايلتي نقرمشوا بسنيا كان قمر كانت ليك عقدة انا يافا الاندلسي العقدة بيدها  ونحبك تحفروا الاسم هذا في مخك وعقلك فهمت

بقات ترمش في عينيها دوسي قدامها يهزها لجهنم مع اكبر تجار المافيا تهريب قتل ارهاب دوسي ملغم بحقائق

لحظات ولحاكم موجود رضوان بقا يخزر ليافا ولعملتوا

وعدتني باش تسيبها امي

امك مجرمة ولقانون تونسي يجرمها ولعمتلوا هيا وخالك وجداك يدخلهم لجهنم ولحساب باش يخذوه ليوم قبل غدوة وعدتك وسيبتها انا اما موعدتكش نخون خدمتي هذا واجب والقانون فوق الجميع

مدت دوسي لاستخبارات حيتهم وتعدت والبسمة علي شفايف ثائرة ركبت وديمارت اول هدف نزاح

حلقة 52

ملي وصلت لدار رمات روحها فوق ديفون ميتة بتعب  من بعد متهنت علي سارة ومشات هداتها روحت روحت ومخها يخمم كيفاه باش يتم تطلقيها من ساجد وفي اقرب وقت وبقات تخمم في ايا كيفه باش يقبل بيها بعد لصار تنهدت من عروش قلبها تسمع في صوت غالي يبكي هزت روحها تتحرك بصيف وصلت لقات المربية  تبنن بيه في يدها وهوا يبكي قدمت مفجوعه

شبيه ولدي

مدام يافا توا قام ويبكي محبش يسكت

جبدتوا من يدها تبنن بيه ملي شم ريحتها تبسم وسكت بقا يحرك في يديه ويمطق في شفايفوا ياماما علي ولدي توحشتني  انتي روح ماما سامحني خليتك وحدك

خزرت لمربية ليلة باش نرقد جنبوا تنجم تمشي لبيتك

كيف تحتاجني نديني مدام

-ان شاء الله

-ليلة كاملة متولهية بيه مرقدتوا في حضنها للي هزها نوم

-دخل لبيتهم ملقهاش تنهد رجع علي طريقوا دوب محل باب بيت ولدوا لقاها راقده بجنبوا قدم من غير صوت جبد كرسي وبقا يخزرلها يخزر لطيبة مرا تحملت لعذاب وتحملت الم لعجز رحمي وتقبلت ولدو لجا من رحم غير رحم مرا عشقها مرا تمنا تكون امو ولادوا وصغاروا لكن ربي ماكتبش بقا يخزر لغالي نسخة منوا وبوه تقول اياد وغالي تبسم وهبط علي ركايبوا يخزر لعنيه لدوب محلولين نومتوا كيفوا نومة لغزال عين مفتوحة ضحك مد يدوا باش يلمسوا رجعها غمض عينيه وتنهد بخنقه قام هارب من ذنب موش حاملوا موش طايق يقولوا ولدي موش طايق لفكرة لجا بيها ولدوا موش طايق فكرة انوا يكون عندوا صغير من مرا غير يافتوا هرب لبيروه بين كتبوا واراقوا لعلا وعسا يشكي هموا في بعض الاسطر في بعض الحرف يخلجها بمشاعر اجتحتوا مشاعر كبت الم قهر ظلم تعرضلوا هوا ولدوا غصة بقيا في حلقوا وصعيب يتجاوزها

-ملي دخل وهيا فايقة بيه  كانت تخزر لكل حركة لكن هروبوا شعل بركان فيها حستوا جبان متخاذل موش قادر يتجاوز في حق ملايكة قطعه منوا ولدوا لحموا ودموا هزت روحها ليه لعذاب لفي قلبها لزم تفرغوا لزم تفرك رومانة وتبينلو ضعفوا وعدم مغفرتوا

حلقة 53

لا تحــدثني !
فــ أنــا أمــرأة مــن حجــر
و لــي قلــب صامــت كــ الصنــم..!
و لــي عقــل فــولاذي و شخصيــة متنــاقضة.
و لا ينفــع معــي كــلام الغـزل

كان غارس راسوا في اوراق يكتب في لكبت لوصلولو لقا لباب تهد عليه هز عينيه لثقلت من لحزن لفي قلبوا وتعب لهدوا

يافا

-محبتش حتي تخزرلوا اول كلمة قالتها شعلتوا ...علاش جبان اياد

-شتحكي انتي هبلت

-لتسمع فيه جبان وكرهت جبنك

-دز لكرسي بقوة شنوا يافا ظاهر فيك تشري في شبوك

نشري في شبوك ملا مدام مخذا راجل مصلحتوا قبل كل شخص حتي مرتوا ولدوا الي لحموا دموا حتي يدك مخسرتهاش عليه باش تلمسو

-منلمسوش

-اناني ولعقد لمعبية قلبك خلاتك متفرقش بين لخطئ وصواب ايادة تعبت منك ومنتصرفاتك شكيت فيا وعودت مديت يدك عليا وهنتني وكملت هنت ملايكة  من لحمك

موش ولدي يافا افهمها

وهوا ميتشرفش باش يكون ولدك من ليوم غالي ولدي ويدك معادش تتحط عليه فهمت

بقا يخزر لعينيها لتكدح نار موش فاهم تتبلي عليه والا تشري في شبوك علاش تتصرف بها طريقة موش حاب ينرفزها عرفها مجروحة منوا قدم يحب يهديها يافا

-       رودبالك تلمسني

-       امان يافا افهمني صعيب نقبلوا غالي محملتش فكرة انوا يكون عندي ولاد بابشع طريقة طريقة قذرة تمنيت ولدي يكون منك من مرا حبيتها

-       منجمتش اياد وربي موش كتبلي نكون ام وربي عوضني بغالي شوف رحمتوا علاش تعذب فيا اكثر

-       انتي لعلاش تعذب فيا علاش متمشيش تتعالج

-       لا بقات تحرك في راسها مستحيل نمشي نقول لاي شخص عوني باش نجيب صغار عاوني باش نمارس حقي طبيعي اني نحس بانوثتي قطعة مني تكبر  في داخلي

-       طب طور يافا وربي ابتلانا

-       ابتلاني مبتلاكش انا لعفسة علي جمرة موش انتي انا لنتسال الف مرة في نهار سبب فيك والا فيه توجع كيف نقول انا منجيبش وتحبني نمشي لراجل والا مرا نقلها دويني باش نجب صغير

-       يافا ربي خلق داء ودواء اعطي روحك فرصة

-       لفرصة استنفذتها معايا

-       شتقصد

-       نقصد لفهمتوا قتلك من لبارح انوا بدني ممنوع عليك من لحظة لهمنتوا وضربتوا حتي لو تعالجت منين باش يجي صغير

-       شتحكي انتي هبلت

-       هبلت اياد ونحب نكمل هبلتي قتلك ياتكمل معايا واحنا خوات يا طريقنا مسدود ولزم نتفارقوا

-       تبسم بقهر انتي جنيت جنيت يافا قربلها باش يشدلها يدها

-       صاحت بقوة رودبالك تلمسيني رودبالك يدك لهنتني مستحيل دوس لحمي فهمت

-       يافا يزي انا مستحيل نعيش معاك انتي بذات ومن غير منلمسك

-       شتقصد

-       نقصد انتي مرتي روحي عشقي غلطت انا و غلطت ضربتك اعتذرت عقبني بلي تحب الا هكا

-       هذا عقابي ووفا خرجت هاربة من كلاموا لكي سم في عروق قلبها لينبض بيها

-       تنجم تعيش من غيري يافا تنجم تبعد علي حظني هذا حبك لحق عليها جبدها بقوة بقات تفارع فيه موش حبا تضعف موش حبا يدوا تتحط علي يدها

-       وقت لجبدها تضربت في صدروا شدها من زندتها ولصقها علي حيط

-       سيبني اياد قتلك احترمني متلمسنيش

-       كيف منلمسكش يتمسا قلة احترام لحبي ليك تتخيل نجم نبعد عليك يافا حظنك موطني صدرك ارضي عيونك سمايا يافا من ليوم لدخلت لقلبي اسميتك وطني استعمرتي وجداني عقلي روحي جسمي وتحب تخرج وتعلن تحريري علاش يافا

-       موش انا مستعمر فليت باش نصلح انايتك فليت باش نخليك تكون انسان غير نرجسي بالعكس حبك ليا ولا وقود حارق حرق كل قطعة من روحي

-       حبي لشاعل في جاشي هكا يافا اعتبرني ولدك لغلط

-       لذا كان باش نعتبرك ولدي انتي عاق ولزم حجزك

-       احجزني في قلبك غرس جبينوا في صدرها بقا يسمع في دقات قلبها يافا رودبالك تعاودها حبي روحي نعرف غلطتي نعرف اني اناني نرجسي نعرف انوا حبي هتلري قتلك اصبر معايا مفماش حب من غير تضحيات

-       ضحيت اياد بكرامتي

-       كرامتك محفوظة فوق راسي انتي عزتي انتي كرامتي

-       لعزة اهنتها اياد

-       العزة متتهانش مدام ام لعزة شامخة وانتي يافتي شموخك اجتحني خلاني منفي في تلال هيامك خلاني مؤسور في جبال غرامك بتوا استفيق بسنفونية انفاسك بعطر جسدك بحرارة حبك بهيام دقات قلبك الي في كل لحظة تعزف علي اوتار عقلي وروحي وروجولتي يافتي متخلينيش

-       كلاموا ذوبها خلا انفاسها تتسارع في شكل سباق خلا لقلب يعزف معلنا علي تمرده علي قرار استنقصا من قيمة دقاته غمضت عيينها وبقات تحدث في روحها المكلولة يافا يزي متذليت يزي مطيحت كرامتك داست وتهانت يكفي يكفي دزتوا بكل قوتها

-       سيبني اياد قتلك احترم قراري بدني محرم عليك افهمها هذي ودخلت لبيت غالي سكرت علي روحها لبيت طاحت في القاعة تبكي علي حالها لزم تاخوا موقف لزم ترجع يافا صامدة يافا المتمردة لقوية لمتتهانش يافا لعزة يافا لعمروا مقلبها  وخدها نداسو

حلقة 54

ام يافا

بعض الحقائق تبقي غابرة في طيات في زمن

وحقائق اخرا كا الغام متفجرة  يجب نسيانها

واقفه في بلكون تشرب في شوكولاه شو وتخزر  لماشي ولجاي ..يرا فيها سارحة في عالم اخر شعرها يهفهف وراها كريشتها دازة تعكبرت لحبالة واتتها يقولو لحبلة ببنية تزيان وهيا زيانت وجها منور هكا كان يقول في نفسوا الي شاهيتها وعشقتها وقتاه طلق ويعرس بيها تنهد وقرب حظنها من تالي ...تهزت وتحطت من لفجعة

-فجعتني صدامي

-روح صدامك سملة عليك لقيتك ساهية فاش تخمم

-نخمم فيك

-زعمة

وراس حبي نخمم كيفاه ربي كريم وجمعني بيك دارت قبلتوا

-حمدلله لعند ربي موش بعيد ربي كرمني ورجعك ليا ياروح صدام

-حشات راسها في صدروا وبقات تعدي في يدها علي كتفوا

-بقا يخمم في لباش يقولو هزلها دقنونتها غزلان وعدتي تقولي شنوا لصار شكون لعمل فيا هكا

-مفهمتكش بدات تمهمه

-فهمتني غزلان ركز معايا مستحيل نسيبك والا نعديها لحكاية  فهمني متخلنيش كي لطرش في زفة

-جبدت روحها منوا خايفة صدام يعيشك لو تحبني لحكاية وفات ونسيتها

-وانا منسيتهاش علا شوي في صوتوا

-شنوا تحب صدام تيتم بنتي بالحيا تحب يقتلوك لتلوج عليهم شنوا تحب

-شكونهم غزلان شكون ليكرهني لها درجة

-ميكرهك حد صدام حكاية متخصكش انتي

-تخص سارا موش هكا

-شنوا دخل سارا

-سارة كانت خطيبتي والا نسيت شك لفي داخلي قتلني فهمني

معندي منفهمك اصلا سارة عرست بساجد معندهاش علاقة بيك

-ساجد بقا حل فموا

-حبت تبعد شبوهات ايه ساجد ومعرسة وتحبوا

-توا فهمت لحكاية غزلان رجع علي طريقوا هز لفاست متاعوا بقات تنادي عليه وكانوا مسمعهاش ركب في موتوروا وديمارا بقوة مخلا كان لعجاج وراه

بقات تتويل من لخوف لتمكن بقلبها خايف لا يعرف وساجد يعملوا حاجة مكنتش تعرف الي سارة انتقمت ليها وليه

حلقة 55

ام يافا

ملي قتلو لكلمة وهوا موش فاهم شيقول وشيحكي شيفكر وشيخمم يافا روح بنسباليه ولعقل تحب تهجروا تخماموا كان مادي موش جنسي يخمم في التقاء الروح بالروح حتي عن طريق ذبذابات لفرح لتعطيه طاقة اول ميحظنها يحسها شاحن ليه يحسها تعويذ توا لخارقة لتحميه اما من ليوم قررت تبعدوا قررت تهجروا قررت تعاقبوا باقصي طرق تعكز علي باب لفصلهم وتكلم بغصة حتي لو باش تبعدني يافا المهم عندي نشوفك نلمس روحك بعينيا نشم ريحتك ونعبي بيها رواريا انتي قمرة لمضويا ليلي شمس لمنورة نهاري انتي نجمتي لساطعة في سمايا انتي كل دنيتي رودبالك تخمم تبعد يافا حطها حلقة في وذنيك

_هز رجلوا يكركر فيها تكركير كلامه طعنوا زلزلوا خلاه يائس يعرفها يافتوا كيف تقرر تنفذ وهذا لحارقوا حب يخرج يتفرهد حس روحوا عاجز علي تفكير اول محل لباب يرا في صدام هابط من الموتور حتي مل كاسك رماها في الارض يرا في عشيروا عيونوا تكدح نار صدروا يتهز ويتحط حسو بيه حاجة مزال باش ينطق وصدام يشدوا من خناقوا

-حسبتك عشيري وصاحبي اياد حسبتك خوايا لي مجبتوش امي فديتك بروح وبدم كلوا في سبيل تعيش انتي مرتاح واخرتها تلعب عليا انتي واختك لعبة كيف هكا قلي شنوا عمتلك

-ملي خنقوا تصدم حتي يدوا متهزتش باش دافع علي روحوا موش فاهم شبيه خوه شبيه عشيروا 

-انطق بكشت توا اه هذي اخرتها اياد ياخسارة

-فهمني شبيك يحكي مهدود

-دز في لبيدق فاهم فاهم اما ريتوا ساجد وعايلتوا وسارة معاهم ميتحبوا علي صارلي

ملي سمع اسم اختوا تفجع شدخلها سارة

-سارة هيا راس لبلا صاح بقوة

-دزوا اياد بقوة سكر فمك واعرف اش تحكي علي اختي فهمت

-اختك تخطط من وراك لعبت لعبة قذرة الله اعلم شنوا لحبت توصلوا

-شنوا سي صدام اختي ولات تلعب وعليك فاش تحكي انتي

ملا فهمني علاش خطبتها اربع شهور لخطبتها فيهم نسيتهم لدرجة منتفكرش كنت نحب غزلان نلقا روحي خطبها هيا وزيد توا مخذا اكبر عدو ليك وليا اه قلي جوبني

اعرف اش طلع من فمك خير

-عارف اش نطلع من فمي سارا اختك هيا سبب فلي صايرلي والله منحسبها ومننتقم منها

جبدوا اياد من كول سوريتوا ريت مزلت تجبد اسم اختي وتهدد عليها نمحيك فهمت صاح بقوة

اختك هيا اما انا موش خوك

-خوياا وروح ولعقل فيك ولعيب غلطت فيك قتلك فهمني بسياسة وظاهر فيك متعرفش سياسة

منعرفهاش سياسة انا علمهالي انتي عوض تاقف معايا اياد وينك سالتش علي خوك

حط يدوا علي وجهوا وونفخ بقوة  مزال عندي عقل صدام تهديت وفنيت صاحبك مشا مشا تلقات عليا من كل شيرا للي ايست ضرب لباب بيدوا سارة هدتني خذات مجرم الله اعلم باش مهددها

-بيكم زوز تكلمت يافا لهبطت من بيتها بعد مسمعت صياح صدام

-تلقتولها مصدومين

-شتقصد نطقوا فرد وقت

اقعدوا توا نفهمكوم

-قاعدين مقبلينها يستنوا فيهاتنطق زوز اعصابهم تحرقت واخيرا نطقت

-سارة حبتك صدام لدرجة كانت مستعدة تضحي بروحها علي خاطرك هالة وساجدة استغلوا نقطه هذي لصالحهوم حبوا يقربوها ليك بطريقة دنيئة استعملوا اخبث الامور الاء وهوا سحر ليهودي  سحر كان لقصد ملول سارة لتغيب عقلها وقدرتهم في تحكم فيها وبعدها انت وتحكم فيك كليا وهذا لتم  اغراضهم لحد الان موش مفهومة لانوا قصدهم تفريقك علي اياد وخلق فجوة كبيرة بينكم والهدف ثاني لتوا معرفتوش حبوا يستغلوك وموش عارفة فاش ..سارة كيف عرفت تازمت وانتفضت لكن بعد فوات الاوان مكنش عندها كان حل واحد تعرس بساجد يبعد عليك ويتنحي عليك سحر ويبعدوا علي اياد واخوتوا وميضروهمش يعني ضحات بروحها علي خطركم

-اياد كا ن يسمع مسوهم قلبوا واجعوا علي اختوا ودوامة لعايشة فوسطها صدام مكنش خير منو حال حس بشمئزاز من روحوا من لكيفيه لتعامل بيها وكانوا حيوان تغيب كبس علي بونيتو وقام ساجد وعايلتوا قتلهم علي يدي شدلوا اياد يدي اقعد حسابهم بدا معايا وسارة  ليوم تخرج لو طلب مني جر جيش ورايا

-سارة معايا في لحفظ وصون

زوز خزرولها كيفاه

-حكات لحكاية كيف ماهيا  بقات تخزر لنظرات اياد لفهمتوا نظرات عتاب كبير ولوم اكبر وحساب عسير انها تجاوزتوا وعملت كل شي من غير علموا قام وهز روحوا للمزرعة من غير مقال حتي كلمة

صدام بقا واقف موش فاهم شنوا باش يعمل

-صدام غزلان محتجتك توا امشيلها وسارة ايامات وتقبلها ونتمني متعتبهاش معندها حتي ذنب غير انها حبتك

- يافا غضتني روحي

-تغيض صدام اما ها لحاصل وكتب رحمان ولا مردا لقضاء لله

حلقة 56

ام يافا

حط لمفتاح في لباب بقا يخزر للكوبة كيفاه دور  بضع امتار تفصلوا علي اختوا نوراتوا اختوا لقلبوا جمر عليها ..تحل لباب دنيا كل مسكرة حس بايت كانوا مفما حد ترعب يافا قتلوا في لمزرعة ورجال ليحرسوا فيها قالو مخرجتش طلع يزرب يحل في لبيوت وينادي باسمها

 ع -كانت متلكمتة في كوفيرتا عيونها منفخة بدموع قلبها وجعها نهارين مراتوش حستهم دهور واخر لحظة بينتهم غضتها قد دنيا حست روحها متسوا شي ليه زنادوا تحط علي راسها في بلاصة ام مجرمة  تسمع في صوتوا وتكذب صوت اياد خوها غالها حنونها روحها لتضحي بدنيا علي خاطروا هزت روحها تمسح في دموع وتحل في وذنيها تتأكد من صوت  تحل لباب وتاكدت لعين قبل لوذنين خوها عشيرها قدامها اياااااااااااااااااااد

ساراااااااااا قدم للفرش حملها نقزت عليه تبكي بصوت تبكي من وحشة شهور علي خو وبو ولد حبيب صاحب ايادها لكبرها وحظنها وقراها وحفظ علاها حست بامان حست بروح استقرت وهدات حست رواريها تعبات بالهواء هواء مشبع بريحتوا ريحة لبو لفقدتوا حظنو مرسا امانها رمز استقرارها تنهدت راميا جبل هموم وراها بمجرد ماقالها توحشتك سرونتي توحشتك قمرتي توحشت اختي توحشت ريحتك وبسمتك توحشت ماكلتك هبالك تخرنينك توحشت صوت لموسيقا لعالية كيف يخرج من فمك  زوز اخوة تحدوا بعد فراق زوز اخوة جمعتهم لبوة يافية لبوة رجعت الاستقرار في عائلة الاندلسي بمجرد مرجعة رمز محبتهم الاخت والام ليراوها في سارة طفلة صغرونة لحنينة دافية رزينة لقوية المتفاهمة واخيرا رجعت ضحكة مرسومة علي قلب اياد قبل شفاه كانت تكاد تنسي البسمة وحفظت رسمة العتاب

قاعده عندوا في حظنوا تتفكر في سنين كيفاه كانت تتعكبر وتجي تقعد في حجروا كيفاه يهزها بين وهواء وفضا وتبدي تصيح تنادي في بوها باش ينقضها من وحش هكا كان تصورلها طفولتها نزلت دمعه من عينها حارقة قلب اياد مسحلها دمعتها لفهمها

-حتي انا توحشتهم سارة برشاا توحشت ريحة بابا وحضنوا ونصائحوا  توحشت ريحة قمر وصوتها حظنها دافي سهرها عليا كي نمرض جبدتوا سارة حضنتوا بقوة شبيك اياد موش عوايدك تحكي هكا

-قلبي مجروح سارا وتاعب مهدود اه ياسارة وزيد انتي كملت عليا علاه علاه هكا

-اياد يعيشك لو تحبني موش وقت عتاب منحبش نحكي فيه لموضوع ساجد خذا جزاؤوا وانتقمت ليكم لكل

بعد علاها مفجوع انتي لعملتها

-ايه انا

-قام مرعوب شتحكي سارة شكون في بالو

-حتي حد متخافش ومستحيل يفيقوا بيا هذا اختصاصي متخافش

هبط علي ركبة ونص قدامها هز يدوا عداها علي شعرها خايف عليك من نسمة سارة خلي ياحكاية كيف هذي

-تربيتك اياد متخافش

-تبسم بفخرة كبرت سارة وليت تاخوا في حقك بيدك

-مل يوم نوعدك مترا كان سارا لقوية وفا زمن لخوف وتخاذل جبن معندوا معملي وطيبة معادش وقتها

-طيبة خليها ديما المحرك رئيسي ليك سارا رودبالك تتخلي علي ها جانب لفيك لانوا عملة نادرة ولات وهذا لميزك ياروح اياد

-نحب نمشي نطل علي بابا وامي اياد

-موش وقتوا توا سارا لزم نروح بيك معايا لفيلا غادي  مؤمنه اكثر هوني  منجمش نخليك قام جبدها من يدها خلينا نمشوا وايام نوعدك نهزك لقبر

حلقة 57

ام يافا

قاعد في كوان متاع لبار يشرب في كاس ويعمر في راسوا عينو متهزتش من طاولة لوجيعه لفي راسوا تعبتوا من لحظة ليسمع وقلبوا يوجع فيه كيفاه باش يقول لخوه الي منجمش يقولوا صحبوا جبد لماسوا يخزر لتصاور يافا هيا وميخائيل ليهودي محدثات بخصوص اخراج اياد من لحجز حتي سارة تحريرها كان عن طريق ميخائيل شئ لتعبوا عارف حب اياد ليها لكان لرا فيه مايدل الا انوا  سارة عميل صهيوني الوظيفة لتشغرها الحراسة لعندها المكانة المرموقة في دولة وجهاز الاستخبارتي لتخدم فيه مو بساهل باش يوصولوا شخص الا اذا كان فما توصيات من فوق وخاصة لمراءة وفي عمرها هيا

يد تحطت فوق كتفوا فيقتوا من سهوتوا لقاه زكريا ديراكت خبا لوراق فجعتني زكريا ء شتعمل هنا هبلت

-شبيك ريان مفجوع مايراني حد متخافش

-جا باش ينحي لكابيش من فوق راسو شدوا ريان يزي خلينا نخرجوا موش قتلك كيف تبدي حاشتك بحاجة كلمني انا والا اياد

-شنوا ريان تتخيل صغير انا عندي خدمة كملتها سؤلت عليك قالولي الي انتي هوني قلت خلي نراك ونشرب كاس

خلينا نخرجوا توا نشربوا لبرا باهيشي

باهي

-هز روحوا وخرج ورعب مكنوا قلبوا المنظمة لو تعرف الي زكرياء حي الا ميصفوه

-ملي وصل لشط هبط جبد مل مان دبوزتين مدلوا دبوزة وحل دبوزة ليه بقا يخزر للموج كييفاه يضرب في اطرف لحجر خلق شرارة تحدي في قلبوا شرارة شاعلة وزاد شعلت يافا لحطها في لقمة دلائل لكل ضدها وخوه موش عارف كيفاه باش تكون ردة فعلوا

-فاش تخمم ريان

-منخمم في شي  قلي شنوا لخدمة لتخدم فيها هوني

-تابع خدمتي امر خاص حط دبوزة في فموا وبقا يخزر ريان لحسوا شارد حقا شنوما صور لريتهم عندك موش كانها يافا

-يافا لا موش يافا يحكي بارتباك

-بقا يخزرلوا هوا متأكد انها يافا خايف لايكون لفي بالوا صحيح خايف لا يكون لسمعوا منوا في يوم باقي يتعاود

فلاش باك

كان سكران خيط زكرياء بقا موش شارب يعرف ريان كيف يشرب يهبل بقا شايخ عليه وعلي هبالوا لكن كلام خارج منوا من غير وعي خلاه ياقف من بلاصتوا

صحة ليه اياد ديما لمرا لنحط عليها عيني يخطفها يافا اه منها محلاها تقول غزالة قمرة صحة ليه

هبلت ريان

مهبلتش انا هوا لهبل علاش خطاف هوا علاش

حط يدوا علي فموا عارف علاش شكون تحكي

عارف وعاد شبيه مرتوا نرمال  ياخي انا قلت باش نصاحبها يحكي ويترامي  قلت محلاها عجبتني وتعدت لحكاية بقات في قلبي وبرا يالخوا

-يزي ريان اخر مرة نلقاك تحكي عليه لموضوع فهمت جبدوا بقوة وصب فوقوا دبوزة ماء مسيبوا الا مبدي يفيق حتي كي فاق محبش يجبدلوا موش عارف شنوا باش يقولوا راك تحكي علي مرت خوك في  ثمالتك

رجوع لواقع

بقا يخزر لريان وجهوا لتبدل هبط عينيه يطرد في لافكار لفي راسوا موش حاب يشك في خوه ولد امو بوه توؤموا روحوا عارف اخلاقوا اما اخلاق لحب توصلك للحظيظ

-       ريان مكن خير منوا خايف لا زكرياء يكون فاق بصور ويفضح لحكاية قبل ميستفسر

-       ريان لزم نمشي توا

-       خليك زكرياء مزلنا نسهروا

-       لا وقيت تاعب

-       باهي علي راحتك تحب نوصلك  بقا يخزر لملامح وجهوا لمتبدلة

-       وصلني لوسط لبلاد وبعد توا نتصرف

-       طريق كامل يخزرلوا لبعضهم من تحت لتحت زوز فايقين بنظراتهم وكل واحد وسهم نظرتوا شنوا مغزاه ومايعلم مافي نفوس الا الله

-        

-       حلقة 58

-       ام يافا

-       ملي شافتوا جاي هوا سارة هبطت تستقبل فيها وفي يدها غالي سارة وقت لراتها سيبت يد اياد وحظنتها يافا اختي

-       سارة ياروحي حمدلله علي سلامتك يارب

-       بعدت علاها تخزر لغالي لتكربش وعمل خديدات روح عمتوا هوا كبرت مبنك ياربي محلاه ريت يافا يمدلي في يدوا

-       ايه ولدي حاذق هكا يسلم علي عمتوا

-       هزتوا من عندها تحمل في وتبوس  اياد هز روحوا وطلع لبيتوا موش حاب يحكي وموش  حاب يخزر ليافا ليطرشق عليها قطع سورية فوقوا ورماها علي ارض طيش حوايجوا لكل في الارض ودخل لدوش لماء يصب عليه وهوا يخمم في لصار ليزي خبت عليه حكاية سارة لعرفتها وخلاتوا مشوي وحروق وعاجز قدامها ليزي تصرفت بتهور ومشات للموت بيدها ومن غير مقتلوا  يافا ضرب لفيونس بيدوا  اه بطلة وليت اه محبيتش تبطلها صنعه موش وعدتي متعملش حاجة من غيري انا طحان لواثق فيك خرج من دوش حتي راسوا مغسلوش بشانبو

-       ملي حكات مع سارة طلعت تزرب لاياد عارفة لباش يفهمها بطريقتوا ويؤولها اول مدخلت لبيت تقابل هيا وياه كف وخرزة خارج من دوش لف روحوا بمنشفة والمنشفة لخرا يمسح بيها فيها راسوا تخزر لحوايجوا كيفاه مطيشين في الارض مقافل سوريتوا مقطعين منشرين في لبيت لقراتلوا حسابوا باين صاير

-       اياد

-       سكر فمك موش وقت حديثك توا جبد حوايجوا يلبس

-       شنوا مكش باش تتبدل انتي سي اياد علي اول منطق سكر فمك

-       ظاهر فيك متفهم كان بالمنطق هذا وتوان تفاهموا علي امر هذا لبس سروالوا وبقا يلبس في مريولوا

-       بقا ت تخزرلوا وتحرك في رجلها بقوة شوف اياد معندنا منتفاهموا ولقتلوا موش لزم تعاودوا لتوا لمرة اخرا احتك راجعت وفي اطار خدمة لوكالة متاعنا وانتهاء الموضوع ويظهرلي لكلام لبيني وبينك وفا بالحق خاطر انسان متعلمش من اخطائك

-       كمل لبس صبادريه وقفل جاكتوا لكوير وقف قدامها اخطائي هههه باهي يافا الخالدي كثر وفي وخرج وخلاها

-       قلبها وجعها لاول مرة من لعرسوا يقولها يافا لخالدي عمروا لكلو يقلها الاندلسي علا ش قالها هكا لحقت عليه لقتوا هبط عجاجة  رجعت لبيبت تلمد في حوايجوا لمنشرة وغصة في حلقها مكنش منحقي نقلك اياد شتحب نقلك منحبش نتعبك منحبش نحطك في فم الواجهة مع ناس يحبوا يقتلوك مع ناس طلبين راسك  طلبينك بالاسم شتحب اياد نقلك علي سر امنتني عليه اختك ...تحكي ودمعه نزلت في الارض صوت الموتور فيقها خرجت تجري للبلكون تلقاه خرج بالموتور ويسوق باقوي قوة رجعت جبدت تلفون

-       بيرم اياد خرج توا بالموتور رودوبالكم عليه فهمتوا رواحكم قبل روحوا

-       حاضر يافا

-       علقت تلفون جات راجعه لقات سارة وراها تفجعت طاح تلفون من يدها

-       جبدت سارة تلفون مدتلهولها بقاو يخزرلوا لبعضهم

-       اياد متغشش منك في خاطري موش هكا

-       سارة لا منين ليك لحديث

-       سمعتك توا كيف لقيت اياد خارج منرفز جيتك وسمعت حديثك حتي هوا ومنرفز تحمي فيه

-       سارة لسمعتوا توا يموت بيني وبينك

-       علاش يافا اياد لزم يعرف مدي محبتك ليه

-       اياد يعرف من غير منقول وانا نعرف مدي حبوا ليا اما حب اياد مشربك حب حربي ديما مدافع لهجوم متوجعتلي هتلري علي قد حبوا علي قد تعقد لحب متاعوا حبوا نار دافيه في وصتها وفي اطرافها تشويك وهذا لصاير معايا

-       وقابله بهكا

-       نعشقوا سارا اياد هوا دم روح لعشق لقلب لينبض من غيروا نموت

-       انتي تعرف هوا زاده يحب اكثر منهكا

-       نعرف سارة علي هكا لزمتوا حراصة

-       لكن هوا معاه

-       لحراصة لمعاه موش ديما ترافقوا خوك راسوا كاسح متقوي بدنوا وانا خايف من تهوروا لطلبينوا برشاا ولزم نحميه

-       تفكرني بامي يافا

-       نتشرف نكون كيفها

-       اكيد امي فرحانة برشاا انوا تكون شبيهتها مرا كيفك ممكن نحظنك

-       اكيد حلت يدها وحظنتها بقوة  بقاو شوية وتفكرت غالي هبطوا باش يلعبوا معاه شوية

-       وينوا سارة

-       خليتوا هوني في لاندوا

-       خزرت لسارة مفجوعة ولدي وينوا

-       دنيا تقلبت عليه فيلا بربشوها ركن ركن رجال لكل قالوا مريناشوا لكاميرا لمدة درج تم تعطيلها

-       صاحت بقوة غاليييييييييييييييييييييييييييييييييييييييييييييي ولدي

-       يافا اهدي غلطتي انا حقني منخليشوا وحدوا

-       موش غلطتك سارة ولدي تخطف من هوني صاحت علي رئيس لحرس باش يحقق مع لموجودين طلعت تجري لبيت  هزت سلاحتها زوز عبات خزانات في جيب سروالها من تالي وخرجت هدفها معروف علي رئيس لاركان ميكون كان هوا لخطف ولدها ليوم متسفر بروحوا

-        

-       حلقة 59ام يافا

-       ملي دخل للبار هبط كاس فودكا ملي مدلوا ساقي لكاس حطوا في فم واحد  هبط فوق الكونتوار ورص علي سنيه يافتوا في كل مرة تتجاوز رجولتوا وشي هذا غير مسموح بيه بنسابليه

-       زوز بنات ملي دخل وهوما يكحلوا عليه صيد ثمين اياد معروف عندهم من قبل وليه شهور معفس لبار لزم يطيحوه قدمت لولة تهبط في روب من شيرة صدرها باش يزيد يظهر اكثر رشت ضربة برفان وقدمتلوا

-       ممكن تهبطلي كاس تحكي وتتمعجن

-       موش مركز معاها اصلا مخوا في عالم اخر مايحس كان في يد تحطت فوق كتفوا وشفايف قربو لوذنوا باش تطلبلي كاس والا لا

-       دور راسوا باشمئزاز وهبط من لكرسي رص علي لسانوا وبعدها بصبعوا موش حاب يحكي مع اشكال كيفها رما لفلوس وخرج حتي كاس متهناش بيه اول مخرج جبد تلفونوا باش يكلم صدام يحب يحكي معاه ويشكيلوا هموا يلقا سارة بعثتلوا كدس مساجات اول محل مساج لول

-       اياد اجري غالي تخطف ويافا هزت سلاحها وخرت تقول علي ليوم قتلتك اجري مرتك باش يقتلوها

-       قلبوا وجعوا موش مصدق ليقرا فيه جبد تلفون يكلم في سارة وزرب للمتور بعد مفهم لحكاية ساق بقوة متوعد علي بالموت لو مرتوا ولدوا تصيرلهم حاجة  

-        

-       حلقة 60ام يافا

-       عندما يهل الهلال يحمل معه نور الاله هكذا تحاكت تخاريفوا اجدانا

-       وعندما تنور الحياة بصوت طفل يرزق من رزق لاله تبشر الام بانها هدية الاهية

-       وعندما تعجز المراءة عن رزق في رحمها  منعه الله تمسي لعنة الاهية فتحل عقابات البشر امام عقل تائه بين ثنايا لكلمات البشرية عاقر عاجز ملعونة شريرة وتسمي شماتة عندهم امرا عاديا

-       لكن عندما تحرم اموا عاجز من فلذة كبد رزقها الله لها من بعد عناء رحم كان يتخبط في بطن يافي يريد البوح بعجزه ليقول ان المراءة القوية ان الفتاة اليافية انا المتمردة العسكرية انا القائدة  الحربية انا القوية المقدامة الصارمة عاجز عن حمل حرث زرعه فيا رجلا اراد ان يكلل عشقه بنطفة تحمل اسمه ليبقي مخلدا لطول دهر....عجزت ان احمل نطفة في رحمي قمة الالم والعجز ..لكن الالم الاكبر ان يخطف طفل عشعش في قلبها لا في رحمها طفل اعتبرا من روحها المكلوبة من حلم تحقق بعد عناء والم وصراع قلب ....وعقل ...وقتها اذا تثور شرارة الحرب اليافية لتعلن ان سماء والارض سيشتعلان بمجرد صرخة ستخرجها من مكنون مشاطي بجهنم ابليسية

-       مسدس محطوط في راسوا وكيف لعادة ولمرة ثانية تدخل لبوة لغرفة نوموا رغم الحراسة والاجهزة لتحرسوا بدنوا يرقل موش فاهم شنوا تحب لمرة هذي حد علموا لتوا منفذش انتقاموا شنوا تحب يافا

-       شدتلوا خناقوا ولدي وين انطق لنفرغ فيك خزاني

-       شتحكي انتي ولد شكون

-       مرتوا بدات تصيح خزرتلها يافا صيح اندب تجيبش جيش موش مسيبتوا الا ميقر وين غالي

-       منرعفش نطق من حرارة روح وراسك لانعرف ملي هزيتو مريتوش

-       جات باش تحكي ولباب يتهد اكثر من عشرة رجال هدوا لباب كلهم مسلحين

-       تبسمت علي جنب  قتلك يجيش جيش نموت ومنسيبكش الم تنطق فهمت

-       بقا يوكوك سيبوا سلاحكم يافا يزي لتعمل فيه غالط وراسك لاخطفتوا غالي

-       تكذب شكون لمصلجتوا يخطفوا اه انطق

-       وين نعرف انا

-       جبدتوا بقوة وقيمتوا قدامها خزرت لرجالو اخرجوا خزرت لمرتو وامرتها باش تخرج معاهم  تبعوا كلامها وخرجوا وبقات تحرك فيه للي هبطوا لصالون وهيا سلاح ماهبطتوش من راسوا

-       علي خزر لرجالوا باش يشدوها بطريقة ذكية انسحبوا خمس رجالوا لبرا باش يدورواويشدوها

-       يافا فهمتهوم تبسمت علي غباؤوا جبدت من خناقوا ولصقت للحيط بمعي مينجم اي شخص يجي وراها شوف علي وراسك وراس غالي متقرش ليوم منقتلك ونسفر بروحك ومترفليش جفن

-       صاح بقوة قتلك والله لاخطفتوا شنعمل بيه انا

-       تكذب

-       والله والله مناش خايف وقتاش تخطف هوا اصلا انا علاه نعمل في شوشرا روحي وكان باش نخطفوا اول شخص باش يشكوا فيا انا مانيش غبي

كلاموا اقنعها شوي لكن عاطفة لامومة غلبتها وخلاتها في حيرة في امرها ولدها كبدتها وينوا لحمة صغيرة شكون وتجراء وسرقها من حظنها 

• غرد
• شاركه
• شاركه
• شاركه
• شاركه

YAFFA گرونيـﮯگآت يـﮯآفآ

أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين

مقالات قد تهمك