وقت لتوثق في ناس وتعطي من روحك
وقلبك باش تكون قد مسؤولية هذه ثيقة لكن تأتيك طعنات من حيث لاتدري ولاتعرف حتي
دموع التي يمكن ان تكون متنفس لهذه لخيبات تجافيك ليس مجافة كره بل مجافة صدمة من
أن تعاد نفس لذعة من نفس شخص لذعك ألف مرة
نهارين تعادو مخو لكل في لمصيبة
لعندو وين يتفكر الي هيا وزيزي في نفس دار نارو تشعل مرتاح وتهني الا مكلمو صاحبو
باش يخرجها معاه لبرا لبلاد عن طريق كناتري يخرج في ناس خلسة ..روح فرحان واخيرا باش يخرج ها الأفعي من دارو ملي دق لباب حلتلو زيزي سلم
عليها وبقي يخزر لوجها لكان شاحب ولونها لكان مخطوف علي غير لعادة بقي يسئل فيها
متحير
_ شبيك زيزي شفما
_ لا مفما شئ سيف حمدلله جيت عندي منحكي معاك
_ خير احكي
_ موش هوني في بيتك ممكن
_ باهي
_ اهلا سيف حمدلله جيت وينك طولت يومين ماجيتش (خزرت لزيزي خزرت تخوف زيزي دخلت بعضها وهبطت راسها )
_ اهلا نور هاني جيت حضر روحك ليوم باش تسافر ان شاء الله بعد شوية باش نقصدو
ربي نوصلك أنا بيدي لراجل
_ ليوم هاو فيسع (دخلت بعضها)
_ علاه تحب توطن هوني
_ لا موش قصدي باهي هاني حاضرة اصلا
_ باهي زيزي أيجا قولي شحاشتك بيا
_ خزرتلها نور وحرشت فيها عينيها زيزي سكتت ) لا توا من بعد سيف
_ باهي هيا نور ألبس دبشك وهاني نستني فيك لبرا
_ حاضرة غير نجيب صاكي وبرا
_ زيزي ممكن تجيبلي كابوطي وصاكي يعيشك
_ باهي (مشات تزرب تجيب في صاك وقلبها يردك
بقوة موش عارفة شتعمل شنوة باش تقول لو سيف مشا معاها مصيرو لموت ياربي بقات تدعي
في قلبها شنوة لحل تشوف فيه هزتو وخرجو منجمتش تعمل شئ غير تلبس دبشها وتهز مفاتح
دار لزم تمشي لأيمان هيا لوحيدة لتقدر تعاونها لزم تفهمها ركبت في تاكسي تدعي باش
ربي يحميه عينيها تتقاطر دموع وصلت لسبيطار هبطت تزرب تلوج علي بيروها ملي قالولها
راهي في لبيرو مشات تزرب حلت لباب عليها من غير مدقت أيمان كانت تحكي مع حمزة باش
يجي يروح بيها تصدمت من لباب لتحل علي وسعو
_ زينب لباس شفما
_ أيمان يعيشك انقذني
_ شفما شصار
_ سيف خوك
_ شبيه سيف لباس
_ موش لباس
_ ووه شبيه خويا (شهقت وضربت علي صدرها )
_ متخافش مصارلو شئ توا اما باش يصير لو خوك شدتو شرطة
_ فهمني يعيشك
_ من يومين جات نور مرا كان حببها
_ نعرفها شبيها نور
_ نور هذي مرت لمعلم لكبير لكان شادد لميتم ليخدم فينا هيا لكبرانا تخدم علي
نضيف انا منعرفهاش مليح ريتها مرة ولا زوز وحتي لمرات لريتهم فيها كل مرة بلون عين
..ولون شعر قنعت سيف اللي خذات راجل
غصب انو هاربة منو خوف ليقتلوها سيف قتنع وعاونها وقالها توا نخرجك برا لبلاد
_ أيه ومن بعد
_ نور امس جابلها راجل صاك صغيرة خرجتلو في ليل انا مكنتش عارفة سمعت حثلة
خرجة نلقاها داخلة تتسلبد ومدخلة صاك وقت لشديتها تفجعت وشديتني من شعري وقاتلي
نسمع قلت كلمة أقري علي سيف لموت
_ وشنوة فيه صاك
_ ديامون يحبو يخرجوه برا لبلاد وأستعملو سيف علي خاطرو امني ميفركتوشو في
طريق وبعثولو ها لحية وهيا قاتلي نسكت ومنقولش الي انت مخبية هوني في دارو
_ وانت سكتت برافو يعطيك صحة يعني علي خاطر روحك خليت خويا يمشي للموت
_ لا وراسك لا شوف بدني بضرب قتلتني بطريحة وجبدت عليا فرد وقاتلي تنطق لفرد
يفرغ فيك وفي راس سيف انا خايفة عليه منجمتش نقولو موش وحدها فما كرهبة تراقب في
دار وتراقب فيها أي حركة سيف يمشي فيها
_ لزم نبلغ ولزم تقول شهادتك هذي
_باهي أيمان نمشي معاك وين تحب لمهم سيف مايصيبو شئ
_ ياربي شنوة ها لبلوات منين جاتنا ...(نحت تبلياتها هزت كابوطها وصاكها جبدت تلفونها بعثت مساج لسيف فيه رودبالك لمعاك في صاكها سلاح وديامون ستعملوك
طعم باش يعدو بيه وسخهم متتصرفش بغباء فما كرهبة وراك حاول تضللهم وخبرنا وين باش
نبلغ صحابك توا أيمان اختك ......وخرجت تجري في لكلوار وتطلب في محمد باش
تقولو شفمة ) جات تحل في باب لكرهبة صوت موتور
حمزة فيقها علي أنو جاي باش تخرج تتغدي معاه مشاتلو تزرب وعينيها معبية دموع ملي
نحا لكاسك بقات تحكي وتنهج حمزة خويا مشا عاوني يعشك
_ شفما قلي احكلي أيمان
_ حمزة (صوت زينب خرج متقطع من لترا فيه خوها
بشحمو ولحمو بلون عينيه وبوسة لخال لفي جبينو هو بعد سنين حنونها وروحها لخو
ولكبيدة لبعد عليها غصب وخلاها بعد سنين تعب )
حلقة52
يافا
سنين وسنين مفارق يانور لعين قلبي
موجوع وصدري مخنوق نبكي دم ونتلوي هم وغم في بعدك
ياعضدي وسندي من غيرك دنسو عرضك وسخوه ...تزايدو عليه وباعوه ملكوني وأستعبدوني ضوقوني لويل ومرمدوني تعبت وشقيت وفي
بدني تذليت توسخت ومعاد نرفع راس وأنا في بعدك كنت جثة بلا روح
لعين ترمش من صدمة لكانت لاعلي لبال
ولا علي لخاطر لتري فيه صحيح موش خيال كيف محال بعدها سنين تشوف ضي لعين لقلب فلج
وروح تفرفط من أحساس قوي مكن بين ضلوع نار جاشها كواتها وعلات شهقاتها قربتلو تحرك
في راسها كيف بقي حل فمو ومعرفهاش
_ لا متقولش مرعفتنيش متكونيش يانور لعين ياحمزة ياتاج راسي ياروحي يابابا
ياخويا جيت لقيتك بعد سنين ياروح اختك توحشتك قد دنيا توحشت ريحة ياقطعة من روحي
_ وقت لسمع صوتها وسمع أسمو خارج من بين شفايفها بقي مركز مع لون عينيها لون
عينها لمستحيل ينساه كيفاه ينسي عيونو أختو لهزوها وبعدوها عليه كووه وشوه يشوف
فيها تقدم تشهق بصوت ...يدها تمدتلو حس جنة فتحت بابها حللها
يدو خذاها في حظنو دمعتو سبقتو احساس قوي صدمة وقوة ها لمفاجئة لي عمروا مكان
يتخيل في يوم يشوفها يحظنها ويشم ريحتها وكانو طفل صغير لقا أمو بعد سنين وكأنو
عطشان وروا بعد أيام كأنو جبل فوق صدر وأنزاح يحملو في بعضهم شهقاتهم علات زوز
يبوس في بعضهم حتي أيمان نسات خوها من قوة لموقف ناس في شارع تصور وتبكي ناس
مصدومة من شئ ليشوفو فيه
_ يازينب ياروحي موش مصدق لقيتك ياضي لعين وينك خطفوك هزوك وباعوك بعدوني
عليك ضروك وهانوك من غيري شردوك خلوك تعاني وانا خوك حي يدي مكتفة وروحي مشققة
صغير لاقدرت نحارب ولانخبش باش نرجعك ونحميك سامحني يانوارة سامحني ياضي لعين
ياروح لقلب
أيمان كانت تمسح في دمعتها تلفونها
صونها فوقها علي وضعها تفكرت خوها وقت لطلبها محمد هزت تشهق وي محمد شفمة طمني
يعيشك
_ متخافش حددنا بلاصة كرهبتو وين هانا ماشين لوين مكان لهو فيه
_ باهي محمد أمان قلي وين طمني خويا وين
_ زينب وشقح بعدو علي بعضهم وقت لتفكرو شصاير بقا حمزة شادد زيزي تحت ذراعو
وشاف لأيمان وين سيف
_ في طريق سريع ماشي لولاية ***
_ باهي خليك مع زينب وتوا نتصرف
_ لا مستحيل نخليك حمزة الشرطة باش تقوم بالواجب
_ انا شرطة متعرفش ناس هذوم
_ حمزة لمرا هذي مرت لمعلم متع لميتم هيا لكابو لكبير وفما كرهبة تراقب في
سيف انا ريتها خرجت
_ باهي وين لعنوان أيمان
_ لا حمزة يعيشك ماتفجعنيش عليك مبقالي حد بخلافك انت وسيف
_ زيزي مستغربة منين أيمان تعرف خوها
_ وعد مايصيبني شئ هز زيزي لدار وعد نرجعلك سيف ليوم
_ بعد لركبهم في لكرهبة وطمن عليهم ...رجع خذا موتورو وساق بقوة يسوق وكلم مجموعة من لموتريست صحابو تفاهم يلقوهم
وين قاتلو أيمان ...
***
وقت لوصلو لمساج من أيمان يقري
ويتبسم يعني أيمان منين ليها ..بالموضوع ...بقا يسوق ويثبت في لكرهبة لوراها
لمن لحظة لخرج يشوف فيها ....من لحظة لجاتو نور عرف الي بو بيسان بعثها بعد متاكد الي الأوراق متع
زواجها لمدتهوملو مزورين وسئل وعرف الي هيا صاحبة لمعلم محجوب ولقايم بالأمور هذي
لكل...زود في سرعة باش يضيع لكرهبة بعد مشاف كراهب لحاكم
وصلتلو لزم يكون حذر نهاية محجوب متكون ليوم علي يدو لو هو يتلاعب بالقانون هو ولد
القانون ... بقا كل مرة يخزرلها ويتبسملها تفكر
شعمل مع بيسان من يومين
_ فلا ش باك
وقت لكلمتو بيسان وقاتلو ينفذ وعدو
بعد مخرجت محمد من لحبس كره روحو وفد أكثر ماهو فاد لزم يربيها ويواريلها رجال
شتعمل دبر طرف زطلة ..وخذا كعبات شراب ومشا لنفس دار لخرج
منها صاحبو مسلسل ...سهرة كاملة طيبها كيف محب بين شراب
وزطلة ...خلاها ماشاخت بظبط وطلب شرطة ...قبل متوصل بدرج هبط وخلاها مع جرمها بقا في راس نهج يشوف فيها كيفاه خارجة
من سلسلة تبسم ضحكة انتصار كيف ماصحبو تهان وتذل تذلت لكن بالكبير صحافة صفراء
كانت تصور في فضيحة أبنة رجل القانون ...
**رجوع للواقع
وصل لنقطة تفتيش كيف ماتفاهم معاهم
وتم تبليغهم يشوف في نور كيفاه تكمشت ولكرهبة بقات حابسة من بعيد
_ علا ش باش يفركتوك قلهم زميل
_ شنوة نقلهم زميل القانون هو القانون يا نور
_ بقات ترمش في عنيها وهوما يفركتو في لكرهبة ...أمروهم باش يهبطو قلبها ردك بقوة تشوف في لكلاب في يدهم الي من لهبطت وهوما
ينبحو عليها
_ سيف امان نخاف من لكلاب يعيشك
_ متخافش
_ شنوة عندك في صاك
_ مفما شئ حوايجي وراقي برك
_ تراه نشوفو لكلاب مدام نبحو نكرو حاجة
_ عارفة لو باش تمد صاك باش تخلي عليها لزم تتصرف والأ باش تتحشي في قلبو طول
لعمر ..وقت لجات تمد في صاك جبدت بستولي كان
مخبي في محزمها وحطتو في راس سيف لكانت بجنبو
_ أي حركة نفرغ سلاح فيه
_ لكلهم جبدو سلاحتهم وشبروها فيها سيف بقي يقهقه
_ شنوة للا نور باش تقتلني ياخي مهبولة
_ رودبالك تتحرك لو تتصور نفدلك
_ صوت سلاح جاي من كرهبة لكحلة بعد معطاهم محجوب الأوامر بقتل نور لولات
كارطة محروقة ...سيف جا علي الأرض وهو يشوف في نور
دمها جا علي دبشو لكلهم طاح علي الأرض وتخبو ورا لكرهبة وقت لكرهبة لكحلة تعدت من
جنبهم وتضربهم بسلاح علي بعضو ...
سيف وصحابو جبدو سلاح يصاوبو عليها
لكن بعدت ...بأمتار وقت لقفو يضربو يشوفو في برشا
موتورات يسوقو بسرعة وبرشا عصي في يدهم ولكلهم كان تركيزهم علي لكرهبة لبدات ترخ
ودور في لكياس بقوة ...للي تقلبت قدمت شرطة ودعم لوصل
للولاد علي موتورات رافعين سلاحتهم عليهم شكونكم سلموا أنفسكم
_ نحا شقح لكاسك وري وجهو لسيف ...وعدت اختك تروحلها سالم ليوم سي سيف يظهرلي كملنا خدمتنا نجمو نروحو احنا
ولولاد متسلفهم خدمة رجلة
_ سيف بقي مصدوم لو موش شقح وجماعتو ممكن لكرهبة ولفيها يخلصو علي لمجموعة من
شرطة لولاد صحابو لكل حيوه رجع شقح ركب هو وصحابو في موتوراتهم وندهو ...وكان لبو سعادة في يدهم تشاور( "طقوس يعملوها ولاد لحوم ورجلة كيف يخلصو طار مع صاحبهم "ولاد بابا وماما خطيتكم هذي متاع لحوم لعربي وصناديد
لميخافوش لموت في سبيل صحبة )
حلقة 53
يافا
تمشي وتجي ودمعة فوق خدها تفرك في
يدها من لخوف لو تصيرلهم حاجة زوز تموت تشوف في زيزي كيفاه تشهق وتبكي تنهدت
مغلطتش كيف راتها وشبهت عليها
_ زينب يزي حمزة توا يجي متخافش عليه
_ زعمة مايصيرلو شئ قلبي واكلني
_ يزي متخممش لباس بأذن الله توا يرجعولنا زوز
_ ان شاء الله
_ تعرف زينب اول مرة ريتك شبهت عليك وبعد وليت نهتري أني مستحيل تكون فما
قرابة بينك وبينو
_ شفت صدفة موش مصدقة والله فرحتني سيف كان يحكيلي علي حمزة وهو يحكي علي
خويا ومافي باليش
_ أقدار صدقني
_ سبحان الله ...ربي يحفظكم لبعضكم ظاهر خويا عاشق
فيك
_ حتي أنا زادة موش عاشقة للعنكوش أصل
_ ربي يهنيكم
_ وانتي ياوحيدة
_ أنا شنوة
_ هك مع سيف
_ لا موش لفي بالك صدقني
_ ملا
_ سيف مخبيني عندو حاميني لا اكثر لا
أقل
_ وأنت (غزرتلها خزرة بمعني فايقة بيك)
_ انا شنوة (تربثت وسكتت)
_عاشقتو ومتقولش لا ظاهر من عينيك وخوفك عليه
_ حتي لو حبيتو معندي وين نوصل معاه أنا وياك نعرفو سيف كيفاه يخمم لاهو يرضا
بيا ولا انا نرضي نوسخو بيا
_ علاش تقول هكا
_ منزيفش لحقائق أيمان
_ شوف اكبر دليل انا وحمزة عايشين متهنين
_ فما فرق بيني وبينك حمزة راجل مايتعايبش أنا مرا موش نظيفة توسخت ودنسوني
شكون راجل لباش يرضي يخذ مرا باعوها وكانت ملكية عمومية أغتصبوها ودنسوها حتي عقل
مايصدق ولا حلم حتي في لخيال يتحقق أنا وياه كيف بعد سماء علي لوطاء
_ جبدتها أيمان حضنتها الله يهلك لكان سبب يزي بربي لاتبكي
_كان مروح حل لباب ودخل كان باش يحل لباب ويدخل يسمع في حوار اختو وأيمان
دمعتو سبقتو يعني خدمو بيها ودنسوها يعني عانت وتهانت من بعدو تحلف وتوعد ما
يداويلها جروحها ويشرب دم لكان سبب وليام مزالت طويلة
دخل ولبسمة مرسومة فوق فمو جاتو
أيمان تزرب حظنتو مد يدو لزينب حظنهم زوز
_ شبيكم بكيات ياخي يزو عاد هاني جيت لباس وسيف لباس كلمو راهو روح توا
_ بالحق سيف روح لباس
_ وراس عيونك أيا عاد يزي بلا بكاء وأفرحلي بأختي نوارتي راني موش مصدق الي
لقيتها بعد سنين وسنين
_ حمزة
_ نور عيون خوك توحشتك والله عمري لكل نحلم نلمسك ونشم ريحتك ونضمك راك
لبقيتلي منها دنيا من غيرك كنت ضايع (حملها بين يديه يدور بيها أيمان طرمت شفتها حستو نساها برغم فرحتلو لكن حبو
قوي لدرجة متحب حد يلمسو)
_ شنوة غرت انت
_ أيه غرت خاطر قلت معندك حد بخلاف زينب وانا وين مشيت
_ انتي دنيتي لكل وروحي ولهواء لنتنفسو وانت لبركة لحلت في داري شوف من يوم
للقيتك حتي اختي لقيتها
_ حمدلله ربي يفرحكم ببعضكم يارب أيا عاد ليوم لزم نفرحو بزيزي
_ شنوة شاهية لتوا تحبي لحوت
_ لتوا حمزة لتوا منسيت
_ وكيفاه ننسي تي لحاجة لوحيدة لناكلها وين نسكر باش نتفكرك هههه
_ لطف عليك حمزتي ياغالي
_ أيا نهبط لوسط لبلاد نخذ شوية حوت ونجيب لوازم شويان ونجي منبطاش
_ باهي حمزة نستنو فيك
بعد لخرج تلفون أيمان صونا لقاتو
مساج من سيف باش تبعثلوا عنوان دار متع حمزة يحب يجيها
بقات تبعث في لعنوان ويدها ترعش ...بقات تخزر لدار شناقصها برغم تقدت شوية اما شنوة باش يشوف سيف وقت ليرا
مستوي لمعيشي لعايشة فيه
حلقة54
يافا
دقة لباب قوات لخلا زوز قلوب تقوي
دقاتهم ..عملت اخر نظرة علي دار وخرجت تزرب
تحل في لباب زينب بقات في صالة تخزر من شباك تشوف فيه بطولو ونفس وهرتو حمدت ربي
وشكرتو ..وتنفست صعداء الي رجع بخير من غير
متمست منو شعرة
_ اول محلت أيمان لباب لبسمة كان معبية وجها وزادت فرحتها كيف راتو بخير كانت
باش تقدم تحظنو لكن يدو لمنعتها خلاتها توخر خطوتين بدنها لكل تكمش من صدمة رفضو
سكت عرفتو مخذ في خاطرو منها
_ مكنش خير منها متمني يحظنها يخبيها في قلبو متوحشها صغرونتو أيمان تقول
بنتو موش أختو اما قلبو وخاطرو مكسور منها بعد سنين حب واهتمام تبيعو وتختار راجل
عرفتو في شهور دخل بعد ماقتلو أدخل عينيه تخزر لدار كان موجوع من شئ ليرا فيه كمل
وقت لدخل لدار لكانت أقل من لبساطة يخزر لحيوط ريحة ندي لمعبية دار ضيق لموبل حس
روحو يحلم بنت لعز كيفاه حملت تعيش حتي يوم في دار كيف هكا كان باش يتلفت يسئلها
علي راجلها لكن عينيو رفت علي بدن كان واقف في أطرف لبيت لمن كثرة تخمام منتبهلوش
بقي مركز مصدوم ...
_ شتعمل زيزي هنا
_ سيف لحمدلله علي سلامتك ( قربتلو)
_ انت لقلت لأيمان
_ أيه
_ وعلاش مقتليش
_ هددتني بيك لو نقول ممكن يدخلو يقتلوك
_ فهمتك ..حضر روحك باش تروح
_ وين تروح (صوت شقح وهو داخل بالقضية خلا سيف
يدورلو )
_ أهلا حمزة
_ أهلا سي سيف نورت (هبط لقضية من يدو ومدلو يدو سلم عليه
)
_ جيت حبيت نشكرك علي لعملتو معايا ليوم (وخزر لاختو لشاف دموع فوق خدها هبط عينيه موش حابب يضعف )
_ معنديش مزية خو مرتي راك نفديك بروحي كان لزم
_ يعيشك ملا مرتك أستحفظ عليها (خزر لزيزي ) خلينا نروحو
_ وين تروح سيف
_ شنوة دخلك انتي حمزة نحكي مع زينب موش علي مرتك
_ سيف زينب أخت حمزة راهي (قربتلو أيمان تحب تقولو لخبر لمتأكدة
باش يصدمو)
_ شنوة (خزر لشقح وأيمان مصدوم )
_ أيه سيف هذا خويا لحكيتلك عليه حمدلله لقيتو شفت صدفة
_ شنوة صدفة يعني لهادرجة صدفة
_ شتقصد( قالو شقح )
_ شنقصد ...يعني لخو لمجرم يخذ مرا طير بيه
ولاخت تمثل لحب علي لخو
_ شنوة لتقول فيه سيف (زيزي بقات مصدومة)
_ احترم روحك واعرف شتقول
_ شنوة تحب نقول بعد ها صدف ولا نقولو ها لخطط
_ أسمع من فضلك أعرف شتخرج من فمك
_ هاني باش نعرف شنخرج من فمي (خزر لأختو ) رودبالك شفت لعبو بينا كيف محبو وربي
كشفهم يعني يمثلو من سنين وبصدفة نفس طفلة يطلع خوها حبك أنت فيق علي وضعك أيمان (وخرج وخلاهم )
_ زيزي بدات تشهق من لبكاء تخنقت أيمان بقت تسكت فيها وتريض في شقح لحستو باش
يلحق عليه يفتقو من بعضو
_ يعيشك زيزي يزي
_ والله صدفة لجمعتني بيه من سنين معرفتش خويا وكيفاه باش نعرفو سي سيف تي هو
لأنقذني يعني هو للقاني موش أنا وخرجني من لموت
_ يزي زينب يعيش اختي وعد نبكيه دم موش دموع
لا رودبالك تلمسو منحملش فيه يعيشك حمزة هو
لأواني هو لوقف معايا وحسسني لانا مرا وكان راجل معايا لأقصي حد مزيتو مننساهاش لو
موش هو ليوم راني ميتة
_ باهي يزي عاد تو يتحل كل شئ ربي
موجود متهني عليها الإ مضحكها وخلاها تقوم تشوي معاهم وتاكل لحوت
_ أيمان برغم متأكدة اللي صدفة جمعتها مع حمزة لكن شيطان بدي يصورلها لممكن
يكون كلام سيف صحيح يعني صدفة تكون بها درجة تي حكياتهم تقول مسلسل مكسيكي ستعوذت
من شيطان وحاولت تتنسي لحكاية
***
قاعد فوق كبوط لكرهبة ..يخزر للبحر لهايج ...ينفخ وفادد لكلامو لقالو حس روحو
تسرع فيه ندم وندم كبير كان ماشي باش يشكر راجل ولا يسب فيهم موش فاهم علاش ...أما هو مكسور حاسس لحمزة خطفلو زوز نساء مهمين في حياتو مرا أخت وبنت وكل
حياتو ومرا كيف صندوق راحة ليجي يخبي فيه كل هموم ويحكي ويعبر وينسي عذابو ..حمزة هو لمذنب هو لي فرعسلو حياتو تفكر دار لعايشا فيها اختو يعني لهادرجة
رضات بالهم ولفقر علي أٌقل تخرج من حوم لكلوشارات كيفاه باش تعيش فيها كيفاه باش
تتحمل تعيش في دار سقفها مشقق وريحة نداء معبية لحيوط ...هبط من فوق لكابوط وركب في لكرهبة بعدما بدي سرد يهبط دخل من كثرة تعب رقد
في لكرهبة
**
حلقة 55
يافا
أيام تعدت كل يوم قلبها يتشقق بالوحش
علي راجل عشقتو حد لهوس كل يوم تحلم بيه كل يوم تتمني تراه تلمسو تسمع صوتو وين
تجي باش تقول لأيمان تحشم تحس روحها باش تشلق توالي تسكت ...كل يوم تنظف دار وطيب للي تروح أيمان ويروح شقح لكان يخدم من صباح ليل في
دهينة ..كان يسهر معاهم ويضحك ويفدلك مع مرا
عشقها واخت رجعت بعد سنين حاسس روحو في لجنة كان يسهر معاهم للي يهزو نوم ...وتقومو ايمان يدخل أيام علي نفس لحال ونفس لموال للي أيمان ولات تفد لا يزي
دار ضيقة بيت وصالة وزيد حتي راحتها معاه ولات معدومة لاتنجم تحكي لاتنجم تعبر ولا
تحظنو وحتي كيف يجي ليل ويسهرو شوية يبدو يوتوتو باش متسمعش فدت لدرجة هبلت في
مخها في يوم روحت بكري كملت خدمتها تعدت عملت دي سوان صبيغة جديدة ووشرات حوايج
جديدة وخذات بلازما و روحت كلمت شكون جاب ركبلها لبلازما في بيت نوم حبا تكون
عندها شوية خصوصيات هيا وياه وحدهم كانت فرحانة حضرت لوازم سهرة ...في بيت نومها ختارت سوفتمون جديدة من لشراتهم وحطتها فوق لفرش بدلت دبشها
وخرجت لكوجينة لقات زيزي طيب ...
_ فاش تعمل (قاتلها متعجبة )
_ نطيب أمونة (صحة محلاه شعرك ومكياجك )
_ يعيشك من غير مطيب ياخي مريتش بكوات لماكلة جبت كل شئ من برا
_ سايي حضرت تعرف حمزة يحب ماكلة دار
_ شوف عاد اك لماكلة بربي تقارن في مقرونة بلماكلة هذي ركز مليح ولا منين ليك
ها لماكلة ودخلت لبيتها فادة ..ليوم بذات حبا تبقي وحدها هيا وحمزة
متوحشتو من يوم لجات زينب حست حريتها ندثرت حست راجلها أهتمامو لكل أختوو ...تسمع في لباب يدق خرجت
_ نعم زينب شتحب
_ باش نخرج نجيب لقاز وفا
_ تصرف علي راحتك تحب فلوس
_ لا منحبش فلوس حمزة خلالي مصروف
_ أه يعني حمزة يخليلك في مصروف دار ليك (بقات مستغربة )
_ لا صباح كيف جا خارج قالي خلي فلوس عندك باش متتسرقليش في لخدمة وخوذ لناقص
_ تصرف أعمل لتحب(تنرفزت لتوب يعني كأنها هيا مولات
دار موش هيا مرتو)
_ خرجت مكسورة شبيها أيمان متبدلة معاها وتنطر ...تكركر في دبوزة لقاز وعينين تصطاد فيها ...مكنتش مهتمة بالخطوات لكانت تمشي وراها قريب تدخل للحومة ووتقرب لدار خوها
لتبسمت كيف رات موتورو قدام دار يعني جا ...ويد تجبدلها لمحرمة لفوق راسها ..
***
مروح من لخدمة مهدود تاعب حاسس روحو
باش يدوخ من تعب وقت لوصل نادي علي زيزي من لول من بعد أيمان مكنش قاصد يقدم أسم
علي أسم صوت مرتو لخارج منرفز صدمو
_ فما أيمان لأسف مفماش زيزي
_ علاش زينب وين مشات (قالها بفجعة)
_ متخافش بابا خرجت للعطار
_ باهي يعني مفماش حتي ماء سخون باش نحي وسخ دهن
_ فيت وانت علاش متنحيشو لوسخ هذا في لخدمة
نرمال تمشي بيه في شوارع
_ علا ش فيت يوكل فينا في لخبز هاكا
_ شو عاد اك لخبز
_ شنوة أيمان موش عاجبك لخبز لتاكل فيه (حسها تتمقصد موش عجبها حال )
_ لا عجبني ياسر ودخلت للبيت تتهز وتتنفض . لحق عليها ..وقت لدخل لقي بلازما معلقة في لحيط
_ شنوة هذي
_ تلفزة معرفتهاش شقولك فيها علي أٌقل من ليوم نلقو حريتنا ونعودو نسهرو مع
بعضنا في لبيت
_ علاش متقلقة نسهرو مع أختي
_ موش متقلقة اما من لجات زينب وليت مهتم بيها ونسيتني نعرف تحبها اما من حقي
عليك عروسة جديدة راني نحب نكون معاك نحظنك ونركش عندك موش تجي من لخدمة تقعد قدام
تلفزة ومنقومك كان وانت راقد وكان صدفت وسهرنا تبدي توتوت تخنقت حمزة (حكات بنطرة )
_ قرب للبلازما جبدها من لحيط وشدها بيد وحدا وقت لحاجتك ببلازما تقولي وانا
نشراها وألف مرة نقلك داري مدخلش فيها حتي فرنك
فهمت ويطيشها علي طول يدو
_ هبلت أنت تعرف بقداه هاكي منين باش تشريها بدهينا لتخدم فيها
_ تعاير فيا بخدمتي أيمان
_ علاش مخك حابس هوني مرتك راني حمزة عيب لتعمل فيه لو منعونكش شكون باش
يعاونك لعيب موش تمد يدك ليا لعيب أنك تبقي دافن روحك فيها لبلاصة ومرتك قادرة
تعيشك في أعز دار خلينا نخرجو من هوني ونتشاركو في كريان دار باهية علي أٌقل نكونو
فيها مرتاحين ونعيشو فيها من غير لا نخمم في صوتي باش يتسمع لا ضحكتي باش تتفهم
بطريقة أخري لا كلامي يتؤول يعيشك
_ يزي ملول قبلت بيا هكا قتلك مخذا زوالي فقري معنديش فلوس كان لقيت باش
نغديك منلقاش باش نعشيك وقبلت وقتلي نعيش معاك في قربي وبعدت وأنت كبشت كنت عارف
باش تكون مجرد كلام نفحة وتتعدي كيف ماقالي خوك تحب تذلني بفلوسك نقلك لا منتذلش
لا ليك لا غيرك تحب تعيش هوني مرحبا تحب تمشي في لمان تهز روحك وتخرج منها درا
لموش عجبتك ولموش طايقتها فهمت
_ طرد فيا اخرتها حمزة
_ أفهمها كيف متحب ومتقفش عند ويل للمصلين لو باش تعيش تعيش كيف مرجلك يعيش
تحب تعيش في مستوي راقي نقلك هوني عندي كان لحظيظ وخرج لصالة يبرد في دمو من سم
لقالتو ستصغرتو ورخصتو وقللت من قيمتو من غير متشعر يكفي قالت علي حلمها تحب دار
كبيرة فلوس وهو موش قادر يحققها واخيب وأفظع الأحاسيس رجل يكون موش قادر علي تلبية
حاجيات مرتو
_صوت صياح فيقو من تخميرة لغش بقي مركز يسمع في صوت زيزي وصوت كفران خرج
يجري حفيان وقت لخرج يشوف في ولاد يضرب في اختو وولاد لحومة يخزرو من بعيد ولا حد
تكلم مايعرفش كيفاه جبد لوحة من لوح جيرانهم وقربلو ضربو بيها علي راسو بقوة جا
دمو ينز ...جبدو من مريولو ويعطيه راس ويكمل
يكسرلو ساقو برجلو مرمد بحالو خلاه مرضرض تقول قطعة لحم ولات من غير عظم ولاد
لحومة لكل يخزرو مصدومين يعني هيا تبعتو خلات علي روسهم لفروخ لكل تخبو ولكبارية
قدملولو باش يفكو لولاد من يدو لا يموت ...مزالو ماقربوش ويهز لوحة يضرب بيها زوز ولاد وخرو لتالي من قوة ضربة
_ مكمش رجال تخزرو لاختي ها نذل يتحرش بيها وأنتم ساكتين ياخسارة لعشرة
وخسارة رجلة تفيه عليكم وعلي رجوليتكم ياخنازير
_ شقح منعرفوش لهيا اختك سامحنا
_ لعنة الله عليكم مشات رجلة يعني بنات رجال تداس حتي لو موش اختي موش اخت
وبنت راجل كيفكم تفيه عليكم أٌقلبو وجوهكم من قدامي رجع لراجل لكان دايخ من ضرب لكلو بنز بدم حط
رجلو علي بطنو وشد لخشبة ضربها بين رجلو ...من ليوم لحاضر يعلم لغايب زينب أخت شقح تتمس منها شعرة تتقلب عليكم دنيا
وانتم تعرفوني كيف نقول شنعمل فهمتو مرتي واختي حاجز ليقربو يموت ورما لوحة وقدم
لزينب لكانت تبكي من شئ لكانت تري فيه ...هزها بين يديه مخزرش لأيمان لكانت تخزر مصدومة من شئ لراتو حست بروحها تشلت
شكون لوحش لعايشة معاه قتل بشر راجل كان دموي ينز شكونو هذا مستحيل تخزر لوجوه ناس
لكانت تخزرلها ومن بعد قربو يهزو في راجل و ما تسمع كان قلهم تحامو فيه جماعة
مايعرفوش شكون وردبالكم يتذكر أسم شقح لقيامة تقيم
_ شكونو رجلها لهادرجة عندو قوة لهادرجة ناس تخافو لهو أمني لهو عسكري ولا
نائب برلماني ولا صاحب مشاريع وعقارات رجل كيف رجال لكل علاش هاراجل بذات تركعلو
لأعناق سؤال خلاها تعيد قرار زواج كان لقلب هو لفاصل موش لعقل كلام سيف بقي يتعاود
في مخها
_ حمزة عمرو ماكان من مستواك لهو ليك ولاك ليه مجرد نفحة وباش تفيق بعد
مايفوت لفوت
حلقة56
يافا
وقت لتبكي دم في بلاصة دموع تصيح
وجايع وهم معبي لقلب
دمعة مظلوم يتيم أغتصبو بدنو وجردوه
من أنسانيتو لمجرد عقول أبالسة كل همهم تجارة لمال ..كل جسد يعتبر ملكية مدام يدر مال
تبكي بحرارة روح كلامو سكاكن في
قلبها تقطع فيها وقت للتعايش حتي ولو ليوم واحد في نعيم في نظافة وانت كنت في
لحضيض لسنين تحسها حاجة كبيرة وصدمة اكبر وهذا لصار لزيزي لمكنتش تتصور لممكن ترجع
لنفس دومان اللي رجل يحاولها علي بدنها وخاصة كان من أنتهشوا لحمها في سابق بدفع
درهم أو أثنين هنا كانتلها الأستفاقة من واقع وردي وخالتها تحب تعمل أنتفاضة في
داخلها في حق كل شخص عذبها
يزي زينب يزي (كانت تصيح وتضرب في روحها )
_ أغتصبوني حمزة هانوني دمروني عروني ..ضربوني هانوني شيحبو مني نحب نعيش نظيفة نحب نرتاح كرهت رجال عفت بدني نحب
نموت قلو يبعدني ميلمسنيش...منحبش فلوس يعيشك قولو ميلمسنيش يدو
تحرق في لحمي تحرق ياحمزة يحب يعريني ياحمزة أسترني
_ يزي زينب (كان يشوف فيها في حالة هستيرية وفي
لخر طاحت تصصكك)
حاول يهداها يسكتها مخلا معمل خرج
ينادي في أيمان لقاها قاعدة في باب دار مسوهمة
_ أيمان اختي باش تضيع يعيشك قوم يعيشك عاوني شوف حل بقا يحرك فيها ينادي صاح
شئ مرتو كانت مصدومة أكثر منو ...حار في أمرو صاح في وجها بقوة
_ أحتجتك مرة أيمان متخلنيش أختي باش تضيع بعد ملقيتها أيمان فيق راجلك راني
قوم
_ بقات تخزرلو بعد معينيها كانو مسوهمين فيه هبطو دموعهم روو خدها مشات تزرب
من غير محكات وقت لدخلت لقات زيزي تصيح وتتبربص في القاعة ...دخلت بعضها
_ حمزة لزم نهزوها لسبيطار توا
_ باهي نهزوها (قالها بخوف طبس عليها وخرجها في
حملتو .)..جبدت مفاتحها ولحقت عليه ركبوها في
لكرهبة وساقت كل مرة تسمع صوت حمزة لقطعلها قلبها
_ زينب يانورتي قوم يزي متخلنيش معندي حد غيرك متخليش وخيك يتيم معندي حد قوم
نوراتي قوم ونخذلك حقك نحرق كل حد هانك ومسك قوم ياروحي قوم ويزي لشواك نشويه وعد
مني ليك (جبدها ليه يشم في ريحتها ويبكي بصوت
لكلامو لسمعو منها وهيا تصيح خلاه يحس بروحو عاجز بدنو لكل يرقل وشاعل من لعصب
ودمار لركبو موصل لسبيطار كان مريولو ولا دموع منها ومنو هبطها يزرب أيمان كانت
أعظم منو منجمتش حتي تدخل معاهم بقات حظنا حمزة تواسي فيه قلبها تشوي وتقطع موش
مصدقة مقدار لحب لفي داخلو لأختو ...
_ يزي حمزة توا تفيق لباس
_ وكيف تفيق باش تبري مرضها هوني في مخها في قلبها لا يداوي لا يتنسي قداه
باش تنسي قداه باش تبري عذبو أختي تعدوا عليها صغيرة لعبو بيها ومرمدوها
_ فما قانون
_ في تونس فما كل شئ كان القانون كان القانون قلي خذولها حقها لكبار هوما
لعملو لقانون والقانون ميجيش كان علي زوالي لكيفي يداس بصباط ويمشي تحت ساقين نحنا
مساحات ليهم بدونتنا عبيد ليهم ....أعمل هز خوذ أخدم جيب هذي حياتنا
وليحل فموي تسكر لأبد وأفهم لباقي هوني في بلاد كيف ملكبار تحكام بدولار لكلوشار
يحكم بزلاط وهذا للزم يصير مفماش كان القوة تجيب
_ عمرنا منخذو حقنا بالعنف لتعمل فيه غالط علاش عنيف هكا وتقول هكا
_ خاطرني هكا (نطر عليها ) خاطر اختي هكا تحبني نكون هادي ونقول حمدلله ونسكت ونولول كي نسا ءبحذاك
ونسكت
_ متولولش اما عنا عقل
_ بهيم أنا منفهمش موش قاري كيفك نخدم مخي جاهل نفهم نجيب حقي بونيتي أختي
بحذاك توا نجي
_ وين ماشي يزي حمزة
_ قتلك بحذاك لحظة ونجيك موش خارج من هوني متخافش
_خرج لبرا من سبيطار جبد تلفونو ...كلم شكون اعطاه أسامي متع عباد مزال يتفكرهم قبل وهو صغير ...وصا لكبارية ليعرفهم لكل يجيبولو عنوانهم كمل تلفونو ورجع لأيمان للقاها
دخلت بحذا زينب اول مدخل لقاها راقدة مغمضة عينيها خدها مجروح أحمر تنهد وهبط علي
الأرض يبوسلها في يدها
_ زينب أرقد ياكبدي وراس لحنينة منجيبلك خبرهم غير تهني وأرتاح يالوخية أرتاح
_ حمزة نجمو روحو بيها زيزي لو حبيت
_باهي ملا نروحو توا
_ فما مشكل
_ لهيا
_ لو باش ترجع غادي خايف تتفكر لصارلها وتتأزم
_ شيحب يقول
_ لنحب نقولو.حمزة زيزي توا بقيا تمر بحالة من رفض
لماضيها وهذا لصار اول مواحد فكرها بالماضي تعبت وتأزمت للي جاها صرع حيني ...وخايفة يعاود يجيها وتوالي تتأزم أكثر
_ ولحل
_ لزم لفترة هذي نبعدو من لبلاصة هاكي
_ معندي حد وين باش نهزها
_ نمشو لداري حمزة
_لا
_ أيام حمزة موش باش نسكنو فيها وزيد علي بحر علي أقل زينب تتفرهد (بقات تقنع فيه للي لان وخرجها ..أيمان خذات دواء لزم تأهبا لحالة أخري وخرجت لحقتهم ...تسوق وتخمم من سنين مدخلتش لدار هذي دار لمعبية ذكريات بماضي بوها وعايلتها
دار لورثتها علي بوها لتعشق كل تفاصلها ومن يوم لمات قررت متجيهاش وبعد سنين تلقي
روحها جايتها ...أول موصلت شريط لماضي لكل جا قدامها
وكأنو رجعت لطفولتها لأيام عزها هبطت غصبا تحل في لباب بيد ترعش ...تخزر لكل جزء للغبرة للموبل لكواتروات لتصاورهم دموعها نزلت ومسحتهم قبل
مايشوفها حمزة موش ناقص هم تكمل علي مابيه ..مشات تزرب نحت ملحفة فوق لكنابي
_ شوي ونكلم شكون يجي ينظف لغبرة علي أقل لو تحب ندخلوها لبيت أتوا نضف لغبرة ونشوف ملاحف جدد
_ باهي أيمان
_دخلت لبيت اول مسكرت لباب شهقت من لكبت عينيها طرشقت بدموع تبكي علي
تعاستها علي يتمها علي ماضيها لكان محصور في عزلة وسيف وامها ليوم نعزلت علي عالم
بأختيارها تتزوج رجل موش من قشرتها لكن حبتو رجل هذا لخرجها من لعتمة من لعزلة من
ليتم من لوجيعة هيا لحست معاه بالفرحة حست لدنيا لون وطعمة تمسح في لغبرة وتشهق ...يدو جبدتها ليها درتلو من لفجعة بقات تشوف في نظرة لحيرة في عينيه ترمات
عندو تبكي
_ نحبك حمزة رغم كل شئ رغم أختلافنا رغم قوتك وغطرستك متخلنيش كيف بابا حمزة
يعيشك محتاجتك تاعبة متخلنيش منحبكش تبعد وتخليني
_ علاش تقول هكا مرتي راك كيفاه نخليك نموت ولا نسلم فيك
_ تحبني
_ أكثر من روحي
_ بعدت عليه تسمح في دموعها منعرفش شبيني وليت حساسة هكاكا أفف كملت عليك
_ بطبعك أنت حساسة خلي نجيب زيزي ترقد هوني ونخرجو نقعدو نحكو مع بعضنا شوية
ظاهر عندك متحكيلي
_ باهي
_ غطو زيزي وطمنو عليها ..وخرجو قعدو لبرا يخزر لموج ولبحر
لكان هايج
_ من سنين مجيتش لهوني دار هذي جنة وجهنم في نفس لوقت وقت لكنت صغيرة كنا كل
أخر جمعة نعدوه هوني نشوو ونسهرو قدام لبحر بابا كان يتيم ويقلنا انتم بابا وأمي ..كان صحبنا موش بو ..ليام لباهية فيسع ماتتعدي مات وخلانا
ومن يومها سيف ولا بابا تعرف حمزة فما نقطة تشابه بينتنا حبك لأختك كبير كبر حب
سيف ليا نعرف سيف مايكلمنيش توا أما لو نقولو شوكة لمستني ماتلقاه يبكي عليا ..
_ فرقت علي خوك
_ لا بالعكس عمري لكل عايشة تحت جناحو وقيت نفرد جناحي ونحلق لفوق نغلط ونتعب
وحدي سيف خلاني بخوفو وحبو نكون ضعيفة برشا
_ خاطرو يحبك
_ نعرف
_ وأنا زادة نحبك أمونتي نعرف اللي موش رومنسي كيف متقول انتي موش حساس وأك
لغة لتحبوها لبنات ماركة شوكولاه ودبادب أما نحبك لحب موش كلام أقوال
_ حمزة يعيشك اللي كنت معايا
_ خفت مني ليوم موش هكا
_ برشااا
_ اااه ايمان قتلك طريقي غير طريقك وأنت أصريت
_ حاول حمزة تبعد علي عنف بشر كيفك كيفو كيفاه باش تقدر تعذبو خاطرك قوي لبدن
عمرو ماكان لحل باش يفض نزاعات لمخ هو لفيصل في كل نزاع وأنت بيدك تعرف أكبر
كلوشار في تونس قتلو فرخ صغير يعني لمخ هو لفيصل
_ أسمع مرتي تعبر
_ ملا نلعبو أحنا ههه
_ بقا و يحكو ويفدلكو بدمعة وضحكة بكلمة وعتاب تتعدي لحياة برغم حتي لو أخطئت
في الأختيار في نظر لمعتقدات لكن يبقي لحب وشغف هو لمحرك لسعادة في قلبها
حلقة 57
يافا
عروق جبينو باينة حواجبو مقطبين وشفايفو يرقلو
من لغزول مسوهم كلمة قليلة وقت لراها قدامو يعني فيها لبلاد عيني عنينك ياخرجو
ظالم من سجون ويدخلو لمظلوم خاطر بنت فلان تخرج وكأن شئ لم يكن
_ شنوة سيفون متقوليش مصدوم هكا توا لحمدلله علي سلامتك لا كفارة صاحبي _ فاش كفارة علاه دخلتلو لحبس انت
_ هههه مك غبي تتصور الي انا بنت محجوب نعفس يوم في لحبس تحلم يابابا
_ أيه وعلاش جايا هوني متحشمش ياخي
_ نحشم ههه تي من ليوم معادش فما حشمة معاك من ليوم باش نشن عليك حروب هاني
قتلك في بيروك وأنت لبس زيك ومعلق نجومك من ليوم بيسان باش تنتقم من لعملتو وحسابك
عسير
_ وريني حسابك ملا نستني فيك وأقلب
منظرك من هوني خير منخلطك في بعضك وقتها خلي بوك يفكك مني
صوت لباب دق خلاهم يسكتو دخل محمد
لمركز ش معاها بلكل
_ سيف توا تقابلت مع أيمان صدفة قاتلي اللي زينب جاها كريز وصار فيها
_ شبيها زينب (قالها مفجوع )
_ منعرفش سيف حبيت نقلك يظهرلي فما مشكلة وكبيرة وزينب سبب ها لمشكلة علي هكا
صار فيها هكا
_ باهي محمد لزم نمشي خرج من غير مكلم بيسان اللي نساها حتي خرج وشعل نار في
قلبها وخلاها في حيرة في ألف سؤال وسؤال ؟؟
تحضر في عشا زينب وتلونها صونا وقت
لهزت لقاتو سيف فرحت هزت تحكي بفرحة
_ سيف خويا لغالي لباس
_ لباس شبيها زينب
_ لباس عليها سيف تعبت شوية
_ باهي هاني باش نجي لدار توا نطل عليها
_ لا سيف مناش في دار حمزة
_ ملا وين
_ في دارنا
_ مفهمتكش وين
_ في دار بابا سيف زينب تاعبة كنت لزم نخرجها من لحومة
_ باهي باهي علق ورجع يسوق تعدي لدارهم بدل دبشو وومشالهم يدق في باب دارهم
تقول أمس في ليامات خلاها ...دار لعاش فيها صغرو وعاش أحلا أيامو
لباب تحل لقاها أيمان سلم عليها برغم ظاهريا كان بارد لكن عينيه من عليها من
تشالتش بقي يشوف في لقة جديدة لفي عينها ضحكة لمرسومة علي شفتها واضح لعايشة سعيدة
فرح في داخلو لهمو أختو تكون متهنيا برغم ختارت لغير عليه دخلتو لبيت زينب لكانت
شبه مغمية عين مغمضة وعين محلولة ...دخل قال لأيمان خليني وحدي معاها ممكن
_ باهي سيف خوذ راحتك (خرجت وخلاتهم)
_ تنهد من جواجيه رغم تناقض لفي داخلو رغم لعذاب لفي داخلو أما لحظة لسمع
بيها منجمش مقدرش مايجيش ويراها حاجة غريبة تربطو بيها لحد ليوم موش فاهمها جبد
كرسي وقعد بجنبها جبدلها يدها وقرب باسهم
_ لطف عليك زينب لباس
_ تخزرلو بعين مضبضبة عين فاشلين حتي علي ترميش تشوف فيه تقول حلمة تبسمت
بمجرد ماعينيها شافت صورتو حركت شفايفها تحب تنطق أسم راجل لعشعش في قلبها "سيف..سيف"
_ أنا هوني زينب قدامك قوم كلمني قوم قلي شكون عمل فيك هكا وجرحك وضرك قلي
وعد نخذلك حقك قول
_ حقي ربي يخذو متتعبش سيف
_ تعبك راحة (تنفس بقوة ) نعرف لمريت بيه يهد جبال اما لزم تكون قوية لزم تكون جبل مايهزو ريح قوم
وأقف علي ساقيك من جديد وعيش حياتك وتفرهد لحجات لخايبة تتنسي ولباهية تتحفر قوم
خلينا نخرجو لو حبيت مع بعضنا قوم زيزي
_ تخرج معايا أنا (حلت عينيها تخزرلو بعد محست روح بدات
تحيا ونفسها رجع ينتظم )
_ علاش فما زيزي غيرك هوني
_ تاعبة سيف
_ زينب قوم قالو تاعبة ويزي بلا دلال
_ (قعدت علي لفرش سوات روحها وبقات تخزرلو وتثبت هل لقدامها حقيقة ولا وهم ) ياخي سيف ولانحلم
_ هههه سيف بشحمو ولحمو (مد يدو)هاك قرص
_( هزت يدها لمستو تبسمت )صحيح سيف
_ علاه تخيلتني وهم
_ بعد أخر كلام قلتو تخليتك مستحيل نراك مرة اخري
_ كلام صدمة قلتو في لحظة غش كل حاجة في وقتها صارت وتوا انت مريضة منجمش
منجيكش
_ يعيشك سيف ربي يخليك
_ قوم نتعشو لبرا ونحكو ونتفرهدو شقولك
_ لا تاعبة
_ ساعة وعد نرجعك لو تحب نقعدو علي لبحر
_ معنديش حوايج باش نخرج هكا معاك
_ عادي هاك لابسا ..(وقف نحا لفاست متاعو نحا كابيش لبسها
..مدهلها) ألأبس هذي مايعقلك حد
_ زعمة (تبسمت وبقات شادة مريولو)
_ جرب قومها لبسهالها وسكرها ..(.هز طربوشة حطها فوق راسها )هكا معاد يراك حد
***
ملي روح مزال في لباب بقي يثبت في
يدو لتكون مزالت فيها أثار دم لبسمة كانت مرسومة علي فمو ..بسمة نصر ليوم حس بروح حياة ليوم خذا حق أختو من زوز ضباع نهشولها لحمها ...تبسم كيف رماهم قدام لمركز مع تسجيل كامل لهوما مسؤولين علي خطف صغار وهوما
لسلمو رواحهم خوف منو ومن تهديد انو صغارهم يتضرو لأول مرة يفكر بعقلو موش كان
بالعنف كيف ماقتلو مرتو ..اما لعنف لزم هكا لقالو مخو ...مزال روس لكبار ليام كفيلة تجيبهم دخل ينادي علي أيمان عرضتو تزرب تحمل
وتبوس
_ حبيبي جيت
_ جيت امونتي لباس
_ لباس
_ جبت لوصيتك
_ جبت خو (مدلها صاك قلاس )
_ أممم من بكري شاهية لقلاس نحب نبرد سخانة لفي داخلي
_ صحة ويني زينب قامت
_ قامت وهو سيف معاها
_ سيف خوك (بقا مستغرب)
_ أيه سيف كان تراه مفجوع عليها
_ وكي سبة متقوليش شفمة حستو موش عادي
_ من قبل زينب تعني لسيف برشا حجات موش لفي مخك طبعا أما يظهرلي معجب بيها
_ (تبسم بأستهزاء) معجب بشكون واعية شتقول زيزي أختي
راهي
_ (قصت عليه ) يزي سيف منتصورش يخمم هكا لو جا يخمم
بها طريقة مايجيش لهوني
_ وشكون قالو سيف
_ يظهرلي محمد صاحبو تقابلت معاه في لفرمسي سئلني وقتلو
_ وشكونو ها محمد وأش موقفك معاه باش تسلم عليه وتحكيلو (حكا بنطرة)
_ يزي حموزتي كيف خويا محمد
_ خوك راضعين من فرد ام تي كيبداش سيف بيدو متوقفش معاه في شارع هاو نبه عليك
_ باهي سي لحزار يزي لا سيف يسمعك برك
خرج سيف تقابلت لعين في لعين ...زوز سلمو علي بعضهم بلعين زينب قدمت لحمزة حظنتو _
_ لباس زيزي
_ لباس حموزتي حمدلله
_ حمزة باش تخرج معايا زينب وتوا نروح بيها من بعد
_ باهي سيف...ابقي تعشي ومن بعد أخرجو
_ لا باش نتعشي أنا وزينب لبرا
_ علي راحتكم باهي
_ شيعهم لبرا وبقوا يبايبو عليهم للي غابت لكرهبة
_ شبيك حمزة علاش موش فرحان
_ ظاهرة زينب عشقتو سيف
_ برشا نعرف
_ قاتلك
_ أممم
_ باش يتقسم قلبها
_ ربي هو ليجبر لقلوب خليها تعيش مرتاحة من غير متفكر وربي هو ليرزقها ولا
نسيت كلامك "يحلها لماينام ليل"
_ (تبسملها ) صحيح يانور لعين
_ أيجا نتعشوا طيبتلك عجة تعمل ستة وستين كيف
_ باش نتعشاك أما عشا يعمل ميات كيف (وحمل عليها حطها فوق كتافو ودخل بيها يزرب وهيا تبربص فوقو تحرك في ساقيها
وتصيح )حموزتي يزي سيبني يابليد
_ توا تشوف لبلادة غير ريض ...وحطها فوق لفرش وهبط عليها عيشها ملكة توجها بأحلي شعور وأعظم أحساس أتحاد
الأرواح قبل الأبدان
حلقة58
يافا
تضحك من قلبها صوت ضحكتها يتسمع من
امتار قاعدة علي شط فوق سور لكورنيش تحرك
في سقيها وتضحك علي كل نكتة يقولها
_ أسمع نكتة هذي
_ يزي سيف فلقتلي كرشي بضحك
_ ههه باهي هاني سكتت يلا عجبك سوندويتش
_ اممم بننين يهبل نحب لحار أنا
_ صحة وبشفاء
_ مرسي سيف علي لتعمل فيه معايا
_ معندي معملت (تنهد) مستغربة أكيد كيفاه جيتك
_ قول مصدومة
_ كيفك منعرفش علاش وين نقول لزم نعمل حاجز بيني وبينك نلقي روحي اول منسمع الي صارتلك حاجة قبلي يتقبض نحزن ونتوجع نتعب ومنفهمش علي روحي شنوة
لصايبني
_ (تنفست بقوة وجبدت دبوزة لماء تشرب تبرد في نارها )
_ غريبة فيك زينب شعملت فيا ليوم وقت لسمعت بيك حسيت روحي في زمهريرا لافكرت
لاسئلت نلقي روحي قدامك من غير لاحسبت ولا خممت
_ خاطر طيبة قلبك
_ قلبي طيب مع ناس لكل لكن معاك نوع من طيبة أخري (بقا يخزرلها يملي في عينو منها يشوف في جراح في وجها تنفس بقوة وقربلها مد
يدو عداهم علي جراحها ...شكون جرحك هكا )
_ لوجيعة لفي صدري هيا لجرحتني سيف
_ لطف عليك توجع موش هكا
_ لا( هزت يدها حطتها علي يدو لكانت نار
كويانها بنين )
_ قربلها باس لخبش لفي خدها يدها شدت في يدو بقوة وجات باش تبعد شدلها يدها
وقربها ليه ....وقت لسمعت الي حمزة خوك ستغربت تصدمت
ومن فوق خفت باش تبعد عليا معادش باش نراك ونشبع من طلتك كل يوم من لدخلت لحياتي
نشوفك ونفضفضلك ونرتاح عندك لكن حمزة خطفلي زوز نساء مهمين لقلبي برشا
_ مهمين لقلبك(قالتها بأستغراب كبير)
_ (حمحم وهبط من فوق سور..) نقصد (تنفس بقوة ودارلها يخزرلها نظرة لبرأة لفي عينيها نظرة لحزن لمخلطة بوجيعة
نظرة لقسمتلو ظهرو) ..زينب
_ نعم احكي سيف (هبطت من سور وقفت قدامو )
_ منعرفش اش باش نقول أما من يوم لمشيت من دار حسيت حياتي ظلامت معادش عندي
لشكون نحكي ونفضفض لشكون يفرحني ويزهيني كنت ماليا عليا حياتي بطريقة غريبة حاجة
غريبة كانت بيني وبينك فهمني ضايع راني فسرلي معادش فاهم روحي
_ متفهمش خير (قالتها بخنقة ) خليك ضايع خير متفهم تضيع
_ وأنت فاهمة لبيني
_ لصابك صايبني أما لفرق بيني وبينك أنا فاهمة علي هكا ضعت
_ زينب
_ سيف يعيشك غالط جيتني وخرجتني أنت كنت حاجة كبيرة في حياتي
_ كنت (قص عليها)
_ وباش تبقي ولاخر لعمر اما لزم نخرج من حياتك قبل متضيع ونلخبطها أنا مرا
ماضيها مسخ برشاااا ملعونة
_ لطف عليك (قص عليها)
_ سيف ( حطت شعرها ورا وذنيها وقربتلو) لزم تعرس وتبني حياتك تجيب صغار وتنفذ وصية أمك ولو تعزني عرس شهر هذا نحب
نراك متهني متعرفش علي دنيا
_ شدخل لعرس توا فهمني
_ نحب نتهني عليك
_ منحبش نتهني نحب نبقي معاك (قالها من قلبو)
_ معايا بأنا صيفة سيف انا وياك كيف لماء وزيت منتقبلوش
_حتي لو مايتقبلوش يتعايشو مع بعضهم زينب ...
_ سيف
_ يعيشك ليام لبعدتهم عليا حاسس بروحي ضايع وضياع كبير خليك معايا زينب
محتاجك متخلينيش
_ هزت يدها حطتها علي خدو ...منتصورش قد أحتياجي أنا أما صعيب
نكون معاك ويتربط أسمي حتي بمجرد صيفة موش قانون
_ زينب
_ سيف يعيشك خرجنا باش نتفرهدو متأزمنيش لحكاية هاكي رودبالك حتي تخمم فيها ...
_ يعني تحب تبعد ومعادش تراني
_ لا نحب نراك في كل يوم سيف أنت راجل لوحيد لخممت فيه في حياتي حبيتك ونحبك
نعرف محقنيش نقول لكلام هذا أما كان لزم نقولو
_ عاودها (قالها بفرحة )
_ نحبك سيف
_ جبدها ليه باسها بكل قوة أنصهر معاه بقبلة نساتها كل عذابها عشقها فيها
وخلا لمشاعر هيا لمسيطر هيا لمحرك للاحلي لحظات حياتهم ...
_( بعد عليها يتنفس بقوة حط جبينو علي جبينها وتكلم وهو ينهج )نحبك زيزي
_ وكأنو بواب سماء نفتحتلها كلمة رجتها زلزلتها خلاتها تحس روحها طايرة رمات
روحها عندو حظنتو بقوة ..حملها وخذاها في حظنو كلمة برغم يعرف
الي بعدها لزم تجي برشااا قرارات صعيبة لكن قالها موش نادم عليها
****
موش مصدقة لترا فيه شكوني هذي ليبوس
فيها من ساعة وهيا قاعدة في كرهبتها تراقب فيهم تشوف في ضحكهم لعبهم وفي لأخير
تحول شئ لبوس شئ لخلا نارها تشعل كيف مهانها وحرقلها قلبو تحرقلها قلبها ...هزت تلفون وطلبت شكون عطاتو الأسم ولعنوان وطلبت منو غدوة جيبها لدبو لقديم
لزم تخلص منها وتحرقلو قلبو وقلبها سيف ليها ومستحيل وحدة اخري تفكو
**
ساعات عدوهم علي شط كانت قاعدة عندو
يضحكو يفدلكو ويلعبو ..روح بيها مظطر كيف لقا لوقت وخر
وصلها قدام دارهم وهبط معاها وصلها فم باب دار كل وين يقلها ادخل تبقي مكبشة باش
تزيد معاه درج ...تحب تشبع بيه تحب تشم ريحتو وتملي
عينها منو ...حست ليلة هذي غير كل ليلة ليلة ممكن
تكون حلمة موش حقيقة رمات روحها حظنتو وشبعت بيه وبعدت عليه بصيف تكلمت قبل متدخل
_ سيف نحبك برشا ريتو لكلام هذا عمرك متناساه نحبك نحبك (ودخلت تزرب لدار حاشمة بقي يتبسم علي لصاير معاه تقول حلمة تنهد بقوة ورجع
لكرهبتو يسوق ويفكر في حل لحياتو معاها ..
حلقة59
يافا
كل حاجة في حياتنا مقدرة خيرنا في
حجات وسيرنا في اخري وكل أنسان وأبتلاؤتو باش منقولوش مصائب ونعترضو علي حكم ربي
وهيا كان قدرها اظلم قدر موجع قدرها
أن تأتي لهذه لحياة لتشقي وأن تكون اخرتها مخيرة من قبل من كان سببا في أتيانها
علي هته دنيا
تنظف في دار بعد مخرج حمزة للخدمة هو
وأيمان ...ملقات متعمل غير تنظف وتلاهي روحها
بحاجة ...لباب يدق ستغربت زعمة شكون زعمة حمزة
جا لكن مزال غير مخرج مشات تزرب تحل في لباب من غير متعرف الي وراء لباب قباض
روحها ..وقت لشافتو تصدمت هو كان في صدمة
اكثر منها كان جاي باش يجيب طفلة لبنت عرفو لقي زيزي لقالب دنيا عليها لبسببها
منبوذ منعند عرفو ..تبسم بخباثة وقت لجات تسكر في لباب
وتصيح شدو بيد وحدا ودزو بقوة للي جات علي الأرض جات هاربة شدها من ساقها وضربها
بساقو لخرا في كرشها
_ اه تتخيل منلقاكش ليوم نهارك ياكلبة قاتلك تسببتلي في أهانة وتسميع لكلام
من عندي عرفي شدها من شعرها وضربها بكف ...خبشتو في يدو وضربتو جات هاربة عاود شدها هو يشد فيها وهيا تمد في يدها
للفاز وتفارع فيه
_ سيبني يعيشك شتحبو مني بعد لعملتوه
_ شنحبو منك تتصور هاربة منجموش نشدوك اه مع شكون طايحة نهارك ليوم
_ يعيشك نعطيك شتحب نعطيك فلوس لمهم سيبني يعيشك متورطش روحك
_ جا يجبد فيها وهو يضحك جبدت فاز ضربتو في راسو بقا شادد راسو ويصيح هربت
تجري لبرا وتعيط شكون يسمعها دنيا خلا وقيفار كان لبحر قدامها علي بعد أمتار ديار
بعيدة علي بعضها تشوف في ناس من بعيد بدات تشاور عليهم وتصيح رجلها غاست في رملة
غرقت شلاكتها ..خرجت رجلها وبدات تجري وتنادي خيالو
قربلها ويدو لقوية جبدتها بقوة شدلها فمها وهزها بين هواء وفضا وبدا يكركر فيها
كانت تفارع تصيح وكأنو موش يسمع فيها حل لكرهبة حطها من تالي جبد خيوط ربطلها
ساقيها ويدها وسكرلها فمها ...فرعت صاحت منجمتش تقاوم قدام جهامتو
لباب تسكر دخلت في حالة هستيرية نفس لموقف وكأنو زمن يعيد نفسه في يوم تخطفت في
كرهبة كحلة وتقرر مصيرها لكن ليوم عارفة لمصيرها لموت ولاشئ غير لموت
***
وصل لدار ميت من تعب ملي وصل يشوف في
لباب محلول ستغرب دخل يزرب ينادي
_ زينب وينك وقت لدخل لي فاز مكسر دم علي الأرض زربية مكعرشة قلبو تقبض صاح
بقوة زيزي اختي وينك يحل في بيوت دار وكل باب يعرضو يضربو خرج يجري لبرا ينادي
يشوف في بلاصة كرهبة هز عينو شاف شلاكتها واحلة في رمل لا زينب وينك أختي وينك
ياربي لا ياربي موش بعد ملقيتها ياربي
_ ينادي ويصيح طاح في رمل يشد في رمل ويعيط
_ لا لا زينب شكون هزك وينك ياروحي وينك يانورتي ياروح خوك وينك وينك
ياحنونتي وينك
_ أيمان أول موصلت وراتو حبست لكرهبة وهبطت تزرب مصدومة
_حمزة شبيك شفما قلي
_ زيزي مشات هزوها هزولي أختي
_ شكون هزها متأكد قلي
_ متأكد مفماش (مدلها شلاكتها ) هزوها دمها في دار ياربي اختي وين
_ باهي اهدي متخافش فما كاميرا توا نعرفو شكون هزها
_ وين لكاميرا قلي امان قول
_ في دار خلي نطلب سيف قبل كل شئ (تحكي وتزرب لدار ) كلمت سيف حكاتلو علي لصار )
**
ملي وصل وهو مصدوم خلا زملاؤو هوما
ليهتمو برفع لبصمات ويشوفو لكرهبة بأسم شكون ويطلعو شخص مدام صورتو موجودة كان يشوف في لفيديو كيفاه يضرب فيها حس بنار
تغلي في داخلو 3 قلوبهم دم 3 قلوبهم مكوية واحد عاشق ولخر أختو للقاها بعد سنين ...
بعد بساعة جاه مساج بأسم صاحب سيارة
تبعثت فرقة خاصة باش يجيبوه من دارو ولصدمو أكثر كيف جاه محمد وقالو الي راجل يخدم
مع محجوب صدمة لخلاتو يخرج يزرب لحق عليه حمزة
_ سيف شكونو محجوب هذا وشدخلو في زينب اختي
_ منعرفش حمزة توا باش نعرفو لزم نشدو لخطفها
_ محمد شوفلي وين تسجل وجود رقم لكرهبة أخر مرة
_ حاضر سيف لزم تهز معاك مجموعة متمشيش وحدك
_ باهي محمد (ركب في كرهبتو يسوق ويخزر لحمزة لكان
صدرو يتهز ويتنفض من لعصب
_ حمزة نلقوها أكيد
_ أن شاء الله سيف معندي حد غيرها مصدقتش ربي لقيتها زيد خطفوها
_ تهني تهني (ربت
علي كتفو يصبر فيه)
حلقة 60
وقت لكلمو واحد من رجالو وقالو
لقيتلك زيزي فرح وأخيرا لقي لكان شاغلو بالو بعد لملف لوصلو الي هيا حكات لشرطة
لكل شئ وشرطة تبربش وراه كان لزم يصفيها ...ويقتلها بيدو ويعرفها مع شكون تلعب كلمو قالو شوية ونجيك
_ علق من عندك محجوب وخزرلها ...شفت كي قتلك مستحيل نخليك تعيش بعد لعملتو هاو لعرف لكبير جاي وقتها تهني
عاد تلفونو عاود صونة لقاها بيسان ..هز
_ عسلامة أنسة
_ ويني لقتلك عليها
_ ساي هاي عندي في دبو أما بوك باش
يقوم معاها بالواجب (كان يتخيل اللي بيسان في بالها بخمج
بوها ) انا دبو وعلاش بابا شدخلو
_ دبو لقديم متع بوك
_ باهي هاني جيت لهم هذا باش تواحلني مع بابا (علقت عليه وخرجتلو تزرب )
_ وجها لكل مدمدم ملامحها شبه مخفية ...يخزرلها بأشمئزاز لحظات وهز سلاح من لدخل خزر لو وين لقيتها
_ في دار متع واحد شرطي
_ صار هذا هو شرطي لحل قضية ضدنا
_ أيه سي محجوب
_ نحبك تقتلو وتخلص عليه موش ناقص وجع راس
_ لا لا (صاحت زينب بقوة برغم كانت دايخة من
ضرب موش ترا في شئ لكن أسم سيف سمعتو بلقدا بدات تهز في روحها بصيف أقتلني أنا
وسيف لا خاطيه معملك شئ
_ معمل شئ ههه باش تعلمني مومس كيفك ..حياتك متهنيش قد ميهني نظام لمملكة متاعي ..كنت حابب نستفاد منك كيف مستفدت من بدنك سنين أما بدنك مسخ مافيه مايصلح
حياتك لزم تنتهي ليوم قبل غدوة ...ضربها برصاصة في صدرها ...صاحت بقوة ...وبقات شادة صدرها
هز رميها قدام ليخدمو عندي لكل
وريلهم الي يخالف محجوب شنوة يصير فيه ليخالف نظام مملكتي ليه لموت ولا شئ غير
لموت فهمتي قدملها يشوف فيها كيفاه تبربص وتنهج من قوة ضربة ...قعد علي رجله وجبدها من شعرها حط وجها قدام وجهو وبدا يحكي أي شخص يخالف
محجوب *** مصيرو لموت
_ كانت تبربص من قوة لوجع لفي صدرها ...تخزرلو بعين كلها وجيعة عينين غاضبة عين أنثي ظلمها نفس شخص محجوب لبو
لجابها لدينا لخلاها ورماها في شارع لمجرد أنو كره أمها بمجرد أو نقم عليها نقم
علي صغارو ونساهم وطيشهوم لشوارع وكان هو ذئب لصدادهم هو لعراهم وشوهم وتاجر
ببدنهم كلمة بابا لخرجت من فمها صدمتو كلمة تفارع باش تخرج قبل طلوع روح ..هزت يدها وهيا تنهج بابا أنا زززززززينب بنتك ب.ن.ت.ك وترخات يدها وتقلبت عينيها تصدم يمسح في دم لفي وجها ويصيح مستحيل نفس
عينيه نفس ملامحو هو لا مستحيل زينب لا موش بنتو موش هيا يرج فيها باش تفيق يرج
فيها باش تقولو راني كاذبة يخزر لرجالو ويخزر لبيسان لداخلة تتمايل من لشافتو
وسمعتو ولراتو ولكتشفتو يعني لا يكفي بوها مجرم متخفي ورا القانون ومن فوق بوها
قاتل وقاتل شكون اختها لتعرف من سنين لعندها خو وأخت مفقودين وهيا سبب في جيبان
اختها وقاتلها هبطت تصيح بحذا بوها
_ هذي زينب أختي قتلتها موش صحيح قول تكلم تكذب
_ بيسان لا موش بنتي موش هيا
_ هيا اختي هيا تخزر لملامحها لبرغم معبية دم لكن نفس لملامح نفس لون لعين
جبتها وتصيح
_ هيا ياقاتل يامجرم
_ جا باش يشدها بدات تفارع وتصيح للي طاحت في لأرض تعيط من شئ لراتو ...شادد بيسان ويشوف في رجال شرطة لدخلو
_ سيف كان شادد سلاحو لكن شئ لراه خلا سلاح يطيح من يدو حمزة قدم مستوه
موصللها كان يحبي لقاها غارقة في دمها
_ زينب قوم أختي قوم متخليش خوك وحدو لا زينب ياروحي قوم
_ بيسان بدات تبكي بقوة وتنادي عليه حمزة بابا قتل أختنا قتل زينب قتلها تحكي
وهيا شادة شعرها ...قتلها وقتلني أنا سبب أنا سبب
مئسات حلت وقدر مؤلم وفظيع لي عائلة
أنبنت علي ظلم ودمار عائلة محجوب رجل لمحلف أن يحرص القانون وأن يكون يد لمظلوم
صار جلادهم صار جنة ظالم وجهنم لمظلوم تلاعب بأجساد بشر فقط من اجل لمليم من اجل
متاع دنيا نسا الله فنساه الله وعاش في صخته وغضبه وعاش ملعون ليوم يبعثون
***
مرت الأيام وشهور وتتالت سنون تغيرت
أقدار وصار لكل شخص حياة لا يعرف كيف ستمرا بيها الأ برحمة الله
زينب أيجا لغداء حضر
_ مامون شوية ونجي بابا تعبني راهو وهو يدغدغ فيا (تحكي تضحك)
_ شنوة حمزة مكش باش تسيب طفلة
_ وعلاش نسيبها هاكي زيزي روح بابتها هيا
_ امم بابا حتي أنا نحبك راهو (عطاتو بوسة علي خدو جبدها حظنها وقام هزها فوق كتفوا ) أيا وقيت فطور لأمك ليوم تتغشش وتبيتني لبرا وغمز أيمان (لشاخت ضحك)
_ وأنا نجمكم أنتي وبنتك
_ مزال غير يجي براهيم توا تشوف (حط يدو علي بطنها ) تعبك ليوم
_ برشا طالع شيطان كي بوه
_ لطف عليا أنا شيطان
_ عاقل خاطيك أقعد أقعد
_ توا أنا موش عاقل يادبة
_ أنا دبة حمزة قوم مفماش غداء قوم
_ يابنتي صلي علي نبي جيعان ومن بعد راجع نخدم
_ برا من توا
_ مامون يزي علي بابا
_ اسكتي أنت فالحة كان جايا معاه
_ هاو خالي سيف جا توا نحرشو بيك
_ مشات تزرب حلت لباب بشعرها لصفر ليتمايل فوق كتافها حلتلو بنفس ضحكة طول
هزها بين يديه وبقي يبوس فيها وشايخ ضحك علي يدها لتدخل لجيب لفاست متاعو تجبد
شوكولاه
أمم خالو منسيتنيش
_ تنساك لموت وانا نجم ننسي صغرونتي
_ يعيشو أيجا هنا باش نتغدو
_ قدم سلم علي حمزة وأيمان حظنتو
_ وينك من أمس ماجيتش
_ نخدم (تنهد ) لباس ليوم
_ حمدلله أقعد لغداء حضر
_ يكل ويخزر لزيزي لنسخة مطابقة لأصل لمعشوقتو لعايش علي اطلال لماضي سبحان لخالق تقول زيزي نفسها بنفس شعر لون لعين
لخيال نسخة عليها وكأنو ربي بعثها من جديد ...لو مجاتش لدنيا كان جن حس ربي بعثلو زيزي صغيرة باش يصبر علي لموقف لراه
وهول لمشهد ليكفي انو لمرا لحبها مقتولة زيد بوها هو لقتلها بوها اللي تمني يشنقو
بيدو حتي كيف تحكم عليه اعدام مبراش مرتاح الا وقت لسمع الي هو نتحر ...خزر لحمزة وتبسم بمرارة رغم قساوة مفارقة اختو لكن وقف معاه وحسبو خوه وساه
وصبرو زوز في يوم قريبو يجنو ...وكبر في عينوا كيف كان باش يقتل بوه
بيدو وخذا بخاطرو وسيبو وخلاه بعد ماقالو عيش مع ذنب قتلان بنتك طول لعمر """"و كبر أكثر . في عينو كيف املاك بوه تحولت لكل ليه بعد ما بيسان دخلت بعضها في فترة ما
ورفض يخذ حتي فرنك من عندو وتبرع بيهم لكل قال أموال حرام منمسهاش ...وكمل فخروا بيه وبطيبة أخلاقو وقت
لخلا علاقتو بأختو تكون باهية وقف معاها في لجبس ووحتي كيف دخلت لرازي وقف معاها
وعاونها لبدات تبرا وليوم ولات تعيش لبرا بعد لفضيحة لشافتها وعاشتها من جراء صمعة
بوها ...تنهد وقت لتفكر لماضي لكانو كان ليوم
وين يشوف وجهم يتفكر عذاب سنين ..يتفكر قسوة زمن وعذاب لذاقوه
_ ضحك ضحكة من اعماق قلبو برغم موقفو من حمزة لكن زمن أثبتلو أنو غالط ليوم
حمزة هو لخو لعطاتو دنيا وخرجو من رحم الحزن وأثبتت أيمان انو ضعفها كان قوة وحبها
كان صادق برغم القسوة ورغم انو كان يعرف لفارق ثقافي ولعملي والمادي لبينتهم أما
كان مجرد حاجز مجرد وهم مع عشقهم لأثبت لزمن أنو مهما اختلف الفرد تجمعهم نقطة
واحدة وهيا لعشق
أثبتت أحصائيات التونسية مث لنون بوست
وأفريكان مانجر
تفاوتت نسب في فترة لاخيرة في أطفال الشوارع 8 ألاف طفل موزع علي كامل تراب جمهورية وأن 3 ألاف طفل يقطنون في تونس العاصمة منهم من
تم خطفهم وتحويل وجهتهم وتجارة بيهم والكشف عن لعديد من لمنظمات اللي تخدم
تحت طائلة القانون ومتخفية وراء رداء طيبة انها متورطة في لعديد من القضايا مثل
لمتاجرة بالاعضاء وأكثر من 40/ من اطفال شوارع أيتام تم خطفهم او
تواجدوا في شوارع يشتغلون تحت أيادي منظمات ..وأنا اكثر من نسبة 35/ من نساء لملاهي ليلة أيضا يشتغلون
تحت منظمات داعمة لتجارة بالبشر واكثرية من كانو داعمين لهته الفئة من رجال اعمال
ورطو في هذه لقضايا وسرعان ماختفت بعض الأسماء مثل الفضيحة رجل الاعمال التونسي من
جنسية فرنسية *** لكان مسؤول علي تسفير اكثر من 20/ من فتيات ليل لبلدان لخليج تحت مسمي تجارة العاهرات ...والدعارة اللي هيا في دول لخليج تعتبر نهر من ذهب
وحال لكثيرين من تجارة طالت حتي
اجساد رجال في الأونة لاخيرة صرحت بعض المجلات مثل مجلة نيوز أن ثقافة لجنسية
أنتشرت في بلاد لمغرب لعربي بصفة رائعة ومايدل علي وعي كبير عند شباب قمة لعهر
ولعجز أصبحو رجال يتجرون بأجسادهم تحت مسمي ممتع سيدات ويدفع له بدولار ولعديد من
لعقود التي كتبت تحت مسمي عقد عمل خليجي أو أوروبي وراءه كارثة من رجال باعو
أنفسهم ليكونو ممتعين في بلدان لغرب الذي يضمن سكن لهذا شخص سيارة وأجر شهري محترم
هذا موصل لحال بالكثر مرض الغرب ليوم أصبح متواجد في تونس ولبلدان العربية بكثرة
بعد لغزو لأروبي
قصة جسدي ملكية عمومية قصة أردتو
أبلاغ بعض مايحدث في وطني من فساد من عهر فكري ودعر جنسي تواجد بكثرة في الأونة
لاخيرة ولأسف بعضهم من تخفي تحت رداء القانون وبعضهم القانون نفسو لم يقدر سيطرة
عليهم لانهم أقوي من القانون
خلاصة القول
_ متي أستعبدتم ناس وقد ولدتهم أماهتهم
أحرار "
أن شاء الله تكون عجبتكم القصة وأنتظر أرائكم
بقلم صابرينا أم يافا
أنتضروني قريبا في قصة جديدة موضوع أقوي قصة جريئة
بطرح جديد "قيود
لخيانة "
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء