صغيرتي أرهابية جزء 4 من أسميتك وطني 1

سجل بلاغي هذا

جميلتي الأرهابية

تعرف جميع أنواع القنابل

وفي غرفتها كل أصناف رصاص

عشرون عاما وفوقها بضع أعوام عمرها

عشرون فراشة في شعرها

وعشرون قصيدة حب كتبت لها

ولا زلت أنتضرأول الغيث ...كلمة

ياسيدي العسكري

فتش حقيبتها

ربما تجد مشط شعر أو مقص أظافر أو قلم رصاص

أو تقرأ في هويتها مايكشف جريمتها

أرجوك ألقي عليها القبض

وأختم علي جوازها

عودي أليه ..فحبيتي اليافية فراشة وردية لاتعرف معني الأذية

الحلقة الأولي

معني سعادة الحقيقي أن تكون خادما لهذا لوطن ان تكون حاميا حارسا علي سلامة شعب تلك  هيا السعادة التي ترسم علي وجه كل عسكري حامل لسلاح ومدافع علي هذا لوطن

دنيا برد صقيع .

 -.ظلام دامس كحال هذا لمكان الموحش ...متسمع كان صوت الريح اللي صفر صوت سنفونية طبيعية تعلن علي تكدر طقس كحال تكدر لبلاد والعباد ...

الشعانبي في

لكلهم يدهم علي

زناد كل شي ممنوع حتي لكحة ممنوع تخرجها نفس محسوب ممنوع أشعال حتي عود ثقاب يكفي قلوبهم التي شعلت  فيها حمم من نار ..من أخر عمليات أرهابية شنوها جرذان ...كل لجنود متؤهبة كلهم مستعدون للموت من اجل رفع راية نجم وهلال ...دمهم فداء وحياتهم قدموها قربان ليعيش الشعب في أمان ...

عينيه كيف الصيد لقاعد في عارينو صيد لاول ميعرف أنو لبوتو واشبالو في خطر نضرتو تتبدل وهو صيد المجموعه لزم يكون متأهب لغمار أي مواجهة ممكن تصير حسب بعض الأخباريات ...صوت بعض لحركات حرك الاذاني همست الأفواه بتأهب كلهم في أستعداد ..تام وماهيا الأ لحظات وتداوت أصوات رصاص في كل لمكان لاتسمع الإ تكبيرا وتهليلا من قبل منافقين ادعو وأباحو جهاد شعب شهدوبأسم الله ورسوله ...كان يضرب بكل قوتو مافي بالو الإ جنود لماتو أمامو ...وليوم وبعد شهر من الأنتضار رد ثأر خرجت من سلاحه أول رصاصات لأختراق صدور قوم جهلوا ونصبو أنفسهم رب ..

أنتهت المعركة بعد بضع ساعات تدخلت المروحيات كل التلفزات تبث أخبار عاجلة بحدوث هجوم أرهابي جديد بث في صدور شعب رعب وفي صفوف جنود حمية لخروج للميدان لجز رؤس العدوان

أنقشع ظلام أصوات الجنود والمصورين والمحليلن كضوضاء أنهكت قلبه وعقله نظرتو لم تبرد لحد الأن يخزر لبضع أشلاء مرمية فوق تراب دنسوه بدمائهم ..المتعفنة بفكر متطرف خطي بضع خطوات مع كل خطوة وكل جندي يمر أمامو يتم تحيتو تحية حب وفخر بما فعله هذا شبل ...صوت أمر الأفواج حبسو...وخر خطوتين لتالي ورجعلو تحية عسكرية

سيدي

_ تحياتي عسكري

_) بقا يخزرلو لثواني شاف في وجهو نظرة الفرح والفخر بما صنعه فريقه )

_ غالي فخور بلي عملتو لبارح

واجبي سيدي

_ نعرف الي واجبك اما مكش مظطر باش تخوض ها لفترة هذي لكلنا نعرفو انت شكون وتابع أي فريق

_ (هز غالي يدو وحياه) سيدي أنا جندي تونسي ومدام لبسة لبزة الخضراء فلا تعنيني نجومي ولا تعينيني مكانتي انا جندي وواجبي خدمة هذا الوطن بدمي ووروحي أن تطلب الامر

_ (قداه فخور بها الكمية من الوطنية لعندو كمية لحب لعندو وشرارة الأمل لشافها في نظرتو عكس بعض الجنود لشاف في نظرتهم نضرة رهبة من لمستقبل)ليوم لزم يتم تبديل لجنود تعبو لايام لفاتو ولصار لبارح موش شوي

_ حاضر سيدي

رجع للخيمتو رفض يحكي مع أي شخص من صحافة لمد حوايجو وخبر لمجموعة باش تتجهز ... ساعة وتم تبادل ...أول مدخل للقزارنا لكلهم حيوه ..رجع تحية ودخل لبيتو عمل دوش باش يتفرهد ويروح . لدار ليه شهر مراهاش متوحشها قد دنيا صغرونتو وغزالتو مل دوش ولبس حوايجو وجبد تلفونوحلو يلقي برشا مساجات أول موصل أسمها فرح بقي يقري في كلامها لعسل خرجتو منو أأأأه وحش علي ها لغيبة موش مستانس يغيب برشا أما ها لخدمة كانت ضرورية ..طلبها تلفوها مسكر بعثلها مساج باش تحلو يحب يسمع صوتها ...حضر حوايجو وقصد ربي ...طريق كامل يسوق وكل مرة يطلبها ستغرب شبيه تلفونها مسكر  ها لفترة ...طلب بوه سئلو علي حوالو وسئلو عليها ستغرب من ردو .."وين نعرف علاها من بقية عايلتها باش نعرف وينها"يعرف محبة بوه ليها ومعزتها عندهم أما لواه بوه يجاوب هكا ....سؤال حيرو وخلاه يسوق بكل قوة باش يخلط قبل ليل ويشوفها

حلقة 02

أم يافا

بعض لقلوب تحرق من عمل شنيع صنعه عزيز علي قلوبنا التي صدئت من هول خبر يعتبر عار دنس قلوب أحبت ذاك شخص

من لكلمو ولدو وسئلو عليها وقلبو تشوا شنوة باش يقلو وشنوة باش يحكيلو يخزر لمرتو وكل مرة يتفكر لعار لعملتو خطيبة ولدو وبنت صاحبو وبنتو لرابها بيدو بنت المؤسسة العسكرية اللي تعتبر مقدسة بنسباليه ...يد عشيرة عمرو تحطت علي يدو رجعت فيه روح

………………...

_ أهدي أياد متعبش روحك

_ كيفاه باش نهدي يافا كيفاه غالي باش يروح ليوم شنوة باش نقولو شنوة باش نحكيلو

_ أحكيلو لصار

_ بربي ساهل هو تحب ولدي يجن متعرفش قداه يحبها ومتعلق بيها

_ يحبها ومتعلق بيها قبل أما بعد يعرف لعملتو مستحيل يبقي يحبها كان منقمش عليها أصل ولدي ونعرفو

_ لحب عمرو مايكره وأنتي تعرف حب يافا وغالي

_ نعرف (وجها تكمش بالحزن بقات تتأفف علي لصار ولباش يصير بعودة غالي)موش لزم نقولولو ليوم تعرفو تاعب وفادد خليه حتي يرتاح

_ أففف متعرفش غالي يافا مستحيل يتعدي هوني من غير ميري يافتو متعرفوش

_نعرفو صبر والله ربي يهديها يافا مانيش  مصدقة لصار لحد الان يافا طفلة صغيرة دلولة لروحها عسكر وبزة العسكر وتحية العسكر لروحها سلاح لوطن وتحية لعلم ليوم تكون ضد لوطن

_ لأسف لصار كبير موش كان هيا تلعب بمخها برشا من جنودنا لعبولهم بمخهم ورطوهم لأسف عشعشولهم شر والدمار في قلوبهم باش يقفو ند لند هوما ولوطن لكانو حامينو

زوز حديثهم مايوافش وصدمتهم ما تبراش ووجيعتهم عمال وتكبر لقدام لصار يشيب راس وينقص  من لأعمار

***

خذا بوكي نوار وتعدي لدارهم أول موصل قدام دار طلب طلب كيف لعادة مسكر هز لبوكي وهبط يدق عليها ضحكة مرسومة علي وجهو .أول مرا مرت بوها حمحم وسلم عليها

_ عسلامة مدام

_ أهلا سي غالي تفضل

_ يزيد فضلك جيت ليافا

_ شكون نرهان

_ مزالت باش تنطق وصوت صدام كيف دوي القنبلة صاح بكل قوة بو محروق علي بنتو بو مشوي علي بنتو وسبب هاو قدامو سبب ليعتو وهروب غزالو واقف قدامو تخدر قرب لغالي يزرب شدو من خناقو وهو يخنق فيه ويصيح بقلب مكسور كسرتو فتاة لطالما أفتخرا بيها أعوام

_ شمجيبك بعد لعملتو مزال عندك عين تسئل علي بنتي

_ عم صدام فهمني يعيشك موش فاهمك راهو

_ موش فاهم تتزعبن اخرج من حياتنا اخطانا يزي مك حرمتني من بنتي

_ (مرتو تجبد في صدام وقلبها باش يقف خايفة لاحالة صدام تتعكر اكثر )يعيشك غالي امشي عمك صدام مريض موش وقت كلام توا

_ فهموني شنوة لصار يعيشكم

_ (نرهان جبدت صدام لكان فاشل دخلتو وسكرت لباب علي غالي غالي بقا يدق موش فاهم شنوة لباقي يصير كيفاه عمو لرباه يعمل معاه هكا علاش نرهان سكرت في وجهو لباب ألف سؤال خلاه يرجع يزرب لدارهم لكانت مقابلة دار يافتو حتي في هذي مكانش يعرف الي تحرم من شوفتها و جيراتها يدق في باب دارهم بقوة عروق وجهو بارزين بدنو لكل عرق من لعصب ليزي سهر وتعب وسفر وزيد لصار تو يحبس راس

***

تمسحلو في وجهو من لعرق بدنو لكل يرقل وجهوأصفركيف كعبة لقارص ...

صدام لطف عليك يزي متنرفزش روحك يعيشك

_ (عينيه رغرغت بدموع علي حالو تهد وهو لعمرو ماهدو حد ليوم جات بنتو ودكتلو راسو في لوحل ليوم بنتو جبتلو لعار اما عار من نوع اخر هذا موش عار شرف هذا عار الخيانة )مزال جاي يانرهان وعندو وجه جاي يحب يقتلني

_ ميعرفش صدقني انت تعرف لي كان في شعانبي

_ ياريتو مات ومجاش

_ لطف عليه علاش تقول هكا غالي مو ولدك مرابيه بيدك

_ لو جا ولدي ماكنش عمل في بنتي هكا

_ معندو معمل يزي صدام متلقيش خطئ بنتك عندو

_ بربي يعني بنتي من راسها عملت هكا ماو من خيانتو عام عايشها علي عصابها عام هو يخون فيها للي بنتي تعقدت

_  توا هكا لصار لزم تلقي حل ترجع بنتك موش تبقي شادد بيت وتبكي صدام

_ معنديش بنت متبري منها ليوم دين نسيتها وربي ينتقم منها علي لعملتو فيا معادش أسمها يتذكر في دار معادش تحكي عليها وفات من حياتي مجبتش صغار نعتبر روحي (هز روحو وقام مترهوج جمعتين وهو حابس روحو في دار ليحب يحكي مع حد وليشوف حد ملي وصل لبيتو رما روحو فوق لفرش وبقا يتفكر في ذكريات بنوتو صغرونة كيفاه مالية عليه دار قبل ماتتحول وتوالي شيطان)

حلقة03

أم يافا

سجل بلاغي هذا

جميلتي الأرهابية

تعرف جميع أنواع القنابل

وفي غرفتها كل أصناف رصاص

عشرون عاما وفوقها بضع أعوام عمرها

عشرون فراشة في شعرها

وعشرون قصيدة حب كتبت لها

ولا زلت أنتضرأول الغيث ...كلمة

ياسيدي العسكري

فتش حقيبتها

ربما تجد مشط شعر أو مقص أظافر أو قلم رصاص

أو تقرأ في هويتها مايكشف جريمتها

أرجوك ألقي عليها القبض

وأختم علي جوازها

عودي أليه ..فحبيتي اليافية فراشة وردية لاتعرف معني الأذية

شهرين تعدو علي خبر كا ن صاعقة بنسبا ليه خبر قلبلو حياتو وخلاه يمشي جهامة بلا روح خبر خلاه يكره دنيا بما فيها يري فيها سواد عاتم ماحليلو شئ أيامو كانت كيف بعضها خدمة وبار ودار يروحلها باش يرقد وبس ...ليوم مايخدمش عداه لكلو راقد مفاق كان مطاح ليل ...لبس حوايجو كيف عادتو وخرج ...دارهم كانو ملمومين لكل سلم عليهم وجا خارج صوت بوه حبسو في بلاصتو غالي أيجا هوني

_ أهلا بابا

_ أيا باهي كيف متفكر الي عندك بو

_ لواه بابا علاش تقول هكا

_ يافا كانت متأكدة لأياد باش ينفجر عليه قامت باش تهديه يزي أياد لواه صياح هاو معانا غالي

_ متدخلش أنتي خليني نحكي معاه وبربي منين معانا راجل من شهور عايش وحدو حتي شوفان منشوفوش نحب نفهم شصاير هذا لكل باش يتقوقع علي روحو هكا لواه جابد روحك منا شعملنالك

_ (من ربي فادد زاد كمل عليه بوه بمحاضرتو ) معملتولي شئ بابا تاعب وفادد نحب نبقي وحدي أستحملوني لفترة هذي

_ لوقتاش باش نستحملوك غالي (تكلم شهاب لكان يرحي دخلاني

_ ( غالي فد من ربي ميتفهمش برشا مع خوه صغير وعارفو يتمقصد عليه)علاش سي شهاب مثقل عليك

_ بتصرفاتك مثقل عليا (قام وقربلو ) أنت لخو لكبير عوض راك لممنا عوض راك واقف في ظهرنا .عوض راك متلاهي بخدمتك وراكز وليت تخمم في حكايت مالها معني

_ شيحب يقول سي شهاب (كان كابس علي يدو من لعصب)

_ منحبش نفاق وباش نجيك ملخر ضيعت روحك بتلواجك علي سي يافا عوض تتبري منها وتنساها وليت في كل لحظة من حد لحد وانت تلوج كل يوم لعباد يكلموني ويقولولي ريض خوك ليوحل في حكاية ريحة فاحت ومؤسستك بعض من لكوادر ولو متقلقين وانت لا حبيت تفهم قلنا يوم وثنين توا ينسي وانت كل يوم زايد علي قدام وليت ساكن لبيران

_( أياد كان يعقل زاد فاد يعني اخرتها طاح للكاس )شتحكي شهاب

_ لسمعتو بابا ولدك يحب يضيع روحو علي خاطر مرا باعت بلادها باعتو وباعت روحها علي خاطر لفلوس يحب يقضي علي روحو وعلي مركزو وعلي أسم عايلتنا علي خاطر مرا متسواش فرنك

_ سكر فمك (جبدو من مريولو شافلو بنظرة لكلها غل ) أخر مرة مزلت تنطق عليها  كلام هكا فهمت

_ نحي يدك صار مزالت دافع عليها حلو تسمع بابا وباقي تشوف ولدك لتوا يدافع علي أرهابية داعشية لتوا يدافع عليها ويحب يضربني علي خطرها ...برافو ياخويا (خزر لأمول حطا يدها علي فمها عمرها مكنت تتصور ولادها باش يمدو يدهم علي بعضهم وقدامهم ) شنوة أمي حتي في هذي باش دافع عليه سي غالي طبعا هو ولدك موش انا

_ أياد شد كرسي وقعد موش مصدق لصار موش مصدق لولدو لتوا يدافع عليها ولتوا يخمم فيها خايف عليه لقالتو مرتو ينجم يكون صحيح بدنو لكل فشل لخوف لتمكن بيه علي ولدو نوارتو كان كبير لدارجة أثلج صدرو ولسانو عن نطق

...غالي فادد سكوتهم لكل وترو حس روحو في واجها مع خو عمرو لكل يحسو يكرهو خو غيرتو عاميتو حتي باش يقف مع خوه ويساندو في محنتو موش يزيد علي مابيه ويكثر محيانو جا خارج رجعو صوت  أمو

_ وين ماشي غالي يعيش ولدي متخوش عليه شهاب خايف عليك

_ بربي أمي مايخوش عليا ديما أمي في صفو ولدك راني متنساش لانا ولدك موش هو

_ سكر فمك غالي ولد روحي وقلبي قبل مايكون ولد كرشي هو ولدي لبكر قبل لكل خزرت لقمر لدموعها فوق خدها علي لصار ...وقت لانتم ترقدو غالي مايرقد ومايتهني الا مايطمان عليا نبدي مريضة هو ليتوالها بيا حتي لو هو مايعبرش ومايحكيش برشا نعرف لحبو ليا فوق دنيا ونعرف لو نطلب روحو يفداها ليا مزال واحد فيكم يعلي صوتو علي خوه لكبير حليبي يحرم عليه ومنرضاش عليه ليوم دين غالي هو أنا وأنا هو والله ياشهاب مزلت نراك تسمع خوك كلمة وتقول فيه حاجة تجرحو لاني أمك لا عاد لساني يخاطب لسانك

_ لها درجة أمي ولدك أنا لواه كل شئ غالي علاش مكش عادلة بينتنا علاش طول عمرنا انا وقمر ناقصين حنانك كل شئ لغالي أهتمامك لكل ليه حتي دخولو لمؤسسة لعسكرية أنت لحددتو لانا اختصاص يمشي انت لسهرت ودربت أنت لوقفتلو كبرتلو أسمو وعمتلو صيت وقدر

_ قدرو صانعو بخدمتو وعمري ماسهمت في بناء مستواه لعسكري وهو لختار باش ينظم لمؤسسة لعسكرية وانت خترت تنظم لمؤسسة داخلية

_ معارضتش امي

_ علاش نعترض وانت حاببها علاش نرفض دخولك لمؤسسة أنا كنت تابعتها علاش

_ عمرك مكنت تابعة لمؤسسة داخلية أصلا نعرف الي أنت حبك لمؤسسة لعسكرية أقوي ولكلكم شايفين رواحكم علينا

_ عيب عليك باش تشكك في نزاهتي عيب مفماش فرق بين أي بدلة سواء خضراء ولا كحلة لكلهم يخدمو تحت درابو لوطن لكلهم يحيو في نشيد لوطن وصدوراتهم معرضينها لحماية ها لوطن يزيك بلا محسوبيات ويزيك بلا تخاريف زائفة معندها حتي معني وليت تؤول ليا منين جايب ها لقسوة ياشهاب علاش طبيعتك ولات حادة هكا

_ خاطر خايف عليه غالي وليت حادة طبيعتي اسيدي ننسحب واعتبرني ما قلت شئ ولو سمعت حتي أنو ماشيلها منرجعوش مدام وليت كاره ليه تو وطلع وخلاهم وبدنو لكل يفبري بالعصب

**

بابا نعرف الي كثرت عليكم ها لفترة سامحوني اما تاعب وياريت ولا واحد فيكم يبربشني توا ممكن

_ غالي تنجم تخرج وعندي ثيقة فيك وأني جبت راجل رودبالك حط كان حاجة وحدة قدام عينيك لقسم لأقسمتو لفداء هذا لوطن بدمك وروحك

متخافش بابا ولدك راجل

(جا خارج لحقت عليه قمر حظنتو ) غالي متنرفزش روحك شهاب تعرفو يحبك ميقصدش اما من خوفو عليك والله

_ نعرف قمرتي نعرف شهاب خويا صغرون عمري منتنرفز منو باهي أطلع أقري علي روحك باش تجينا طبيبة وداوينا

_ لطف عليك أن شاء الله لا نهار يصيبك مكروه

_ يعيشو صغرون باسها علي خدها وشاورلها باش تمشي بقا يشوف ليافا لكانت تشوفلو بعين معبية حزن قربلها جبدها باسها من جبينها أمي متنرفزش روحك

_ مانيش منرفزة شهاب وتعودت علي عصابيتو مزال طايش صغير ربي يهديه

_ أمين أمي ربي يهدينا أجمعين

_ قولي غالي موش صحيح لكلامو لقالو شهاب مكش تلوج عليها يافا

_ امي وراسك لاهو وقتو لكلام وعد نحكو اما امي تاعب ومخي شايط يزي ليصار تو(خزر لبوه لكان مركز مع تلفزة لقدامو وجهو مبدل)نعرف بابا منرفز مني هديه يعيشك

_ متخافش خليه عليا

_ تبسملها نعرفك بكلمة واحدة تناسيه في أسمو الكمندا أياد وما أدراك من كلمة من يافتو تجيبو سبركة

_ يزيتشي توا أيا طير خير تبدي تفرك فيهم عليا توا

_ باسها علي خدها وخرج فوق شفايفو بسمة زرعتها في وجهو ام كبرت وربت وسهرت أيام وليالي عليه علي تعبو امو لا جبتو لا رضعتو لكن أحن من ولدت ورضعت كلامها لتقال لشهاب رد فيه روح وخلاه يزهي شوي ركب علي موتورو وساق بكل قوة كان يسابق في ريح يحب يسابق مواجعو يحب ينسي مع صوت لعجالي لتحرق في لكياس قوي لفوليم يحب يشيخ وينحي لكبت لفي داخلو

حلقة04

أم يافا

كيف لقلب طعن من خيانة عشق أن يبقي حامل لذاك لعشق

أو لنقل ذاك لهوس

لكاس ورا خوه كان يرحي فيه مكنش قادر يخمم في شئ كان في لكاس ليداوي لجروح لكاس ليبري محاينو ويناسيه صحيح موش باش ينسي سنين أما علي أٌقل ينسي للحظات أول بعض دقائق أو حتي ساعات مافيهمش ألم ذاك لعشق وتلك الصورة التي باتت تمزق الكينون والفؤاد

صوت بدر رجعو من ثمالتو تبسملو وهز يدو دق بقوة وحياه بحاجبو

_ صحوبة لغالي سافا

_ مريقل يالخو وانت شنوة كيف لعادة بديت علي بكري

_ سبقتك (شهق )

_ صحة يالخو سيب ويزيك خلينا نخرجو نسهرو وفك علينا من لبار و مريحة شراب ودخان لمعبي دنيا

_ منحب نمشي لحتي بلاصة نحب نبقي هوني ونشرب لصباح

_ غالي علاه تعذب في روحك عيب خويا لغالي طول عمرك قوي هكا يصير فيك

_ لقوة ربي خو ك ضعيف بعد لصار تهديت ولهديتني مرا تصدق هههه أأأأه يابدر يالخو جمرة تكوي في صدري (ضرب علي صدرو لشاعل )كل يوم نتشوي ونتكوي وقت لنتعدي نشوف نظرة شفقة في عينين ناس وبعض نظرات شماتة لكانت كيف لخناجر سامة وكلامهم لادغ كيف لأفعي  ونسكت وهاني ساكت أصلا معندي منعمل غير نسكت

_ حاسس بيك والله مفما حتي حل كان تنسي فكر في حاجة أخري اهي تحبش نمشو لنايت نسهرو فيه وتشوف مزة أسهر معاها وبدل جو موش يقولو مايناسيك في مرا كان مرا

_ قهقهاتو علات صوت ضحكو ورنتو لكانت مرة تعلي ومرة تخفت خلا بدر حاير فيه حسو سكر

_ شنوة غالي سكرت ظاهر فيك

_ سكرت من كلامك ياوالله حوال

_ علاش شقلت (ستغرب)

_ تعرف بدر ملي حليت عيني علي دنيا لقيت يافا قدامي كبر حبي معاها كان حب طفولة بريئ كان كيف لوردة لتكبر كل يوم للي تغلغلت في عروش لقلب ولعقل حبها ساكن فيا في داخلي في روحي وكياني في شخص غالي وهيبة غالي في كلامي يافا هيا دواء ولماء هيا لهواء لنتنفسو كانت اميرتي صغرونتي لتكبر بين يديا يوم بيوم كبرت وكبرت معاها وكبر حبنا لكان ناس لكل يحكو عليه ...ناس لكل يعرفو لي يافا ليا وانا ليها ...لحد مجا يوم قلبلي حياتي معاها وبعدني عليها وخلا يافا تبعد عليا خليتها متوجعة بكيتها وقسمتلها قلبها رجيتها بخبر نعرف عمرها متسامحني عليه أما وراسك مجبور

_ هدي روحك غالي نعرف علاش تحكي واكيد يافا موش بها لغباء باش تصدق أكيد حكيتلها وبرتت

_ لا محكيتش كان ممنوع نحكي ونخرج أسرار خدمتي ...ظاهريا انا خنت أما مجبور خنت حاسس أنو يافا ترجع في طارها معايا

_ كيفاه ترجع في طار ولحكاية ليها أكثر من عام

_ ولو متعرفش يافا متعرفش قلبها ومتعرفش مخها كيفاه قالتها مرة قالتها ياويلك مني ياغالي غير أصبر عليا ""

_ أففف غالي كنت وقتها تنجم ترفض لمهمة كنت تنجم تقول راك مرتبط

_ منجمش نرفض خدمة باش نخدم بيها بلادي كنت نتصور باش تم لحكاية من غير يافا متعلم ياخي طلعت معندهاش فيا ثيقة وكانت تبربش ورايا

_ كانت عندك علاقة مع وعد

_ أبدا عمري مخنت يافا عمري ملمست مرا في حياتي بدني بنسباليا مقدس ليها هيا عمري مخممت ندنسو بأي جسد أخر

_ وفا غالي لوم بعد لقضا بدعة يافا بنت لمؤسسة لعسكرية كنت لزم تلمحلها حتي انك في مؤمورية وسرية لفائدة امن دولة

_ يافا حتي لو عسكرية لفكر هيا مراءة ومشاعر لمرأة عمرها ماتكون خاضعة لأي قوانين وانظمة وكيف تثور ها لمشاعر وتحس الغيرة ردة لفعل تكون عنيفة وخايفة تكون رجة فعلها هذي

_ مستحيل يافا تكون بها تفكير هذا حاسس فما لعبة كبيرة وامر غريب صاير

_ بدر خويا منجم نفهم لعبة كان منكون فوسطها

_ مفهمتكش

_ لزم نرجع يافا لزم ننقذها لزم نعرف علاش نظمت لها تنظيم وباعت لمؤسسة وباعت روحها للفكر المتطرف هذا

_ يزي بلا لعب غالي تحب ترمي روحك في جهنم بيدك

_علاش موش في جهنم انا

_ مستحيل نعاونك

_ غيرك يعاوني واعتبرني مقلت شئ

_ خويا راك غالي كيفاه تحبني نضحي بيك جاوبني

_ متضحيش بيا نعرف برشا معارف في جيش ليبي هوما لباش يعانوني باش نرجعها يافا علي شرط انا نستلمها اما لزم نخرج من هوني لمدة  24 ساعة ونرجع تعرف الي ممنوع علينا لخروج من لأرض لوطن من غير تصريح ولزم ندخل

_ وشتحب نعملك انا

_ نمشي تعزيز لبن قردان ومن غادي نخرج ولزم انت تغطي عليا فهمت _ __-غالي يعيش خويا لطالبو صعيب

_ موش صعيب غير قول أيه وعاون خوك متخليش قلبي موجوع ومحروق واثق فيك كان انت

_ باهي غالي نحاول

_ لا لزم نعرفك تنجم

_ باهي ليومين هذوم نحاول نخرجك تعزيز

شرب أخر رشفة وتبسم بفرحة انو ينجم يوصللها حتي لو كلف لامر حياتو

حلقة05

أم يافا

بعض الخيارات قد تؤدي بينا للهلاك

ليبيا في ***

صوت رصاص ماكل  بعضو صفوف صفوف من لمجندين ليدربو متسمع كان أنطلاق وصوت رصاص يدوي في كل مكان نساءا ورجال مكان جعل لتدريب محبي لموت ودمار ...تخزر لوجوهم لمعبية كره وحقد ..وجوه متعددة الألوان ونضرات وكل نظرة وراها قصة وكل يد تحطت علي زناد واطلقت لعنان لتدريب علي رصاصة لقصد توضيف وجهتها في لمستقبل تحكي وراها نظرة رعب رعب متمنين يبثوه في صفوف الأعداء ألا وهم قوم كانوا منهم واكلو من اكلهم وشربو من مشربهم وعاشو في أرضهم وتنعمو بخيرات وطن اباحو له الجهاد تحت مسمي كفار متؤسلمون ...تشوفلهم بعين ثاقبة عين معبية غل ...صياحها مع صوت رصاص هيا لدرب فيهم وهيا لقايمة علي تكوينهم ..تخزر لأشخاص معبين طاقة وومعبين موت

كملت تدريبهم ورجعت لخيمتها جبدت دبوزة ماء وبقات تشرب تطفي في نار في داخلها ..تنهدت ورجعت تشم في لهواء معادش حاملة بلاصة مسكرة تحب لهواء تحب تنطلق وتتنفس بكل حرية  اول مخرجت تبسمت بهزوة تشوفهم فيهم هبطو من لكرهبة وماقدمين ليها ....طيشت دبوزة متاع لماء وكبست روحها

_ سلام عليكم ورحمة الله وبركاته

_ (تبسمت ورجعتلهم سلام بوجها)

_ شحالك ام حفصة

_ حالي زفت كي وجهك وانت

_ شنوة باش يبقي منطقك ديما عادم هكا مكش تتبدل تحكي مع الامير راك

_ أسمع سي لأمير طبيعتي هاكي هيا وامير علي روحك وعليهم موش عليا نخدم في خدمة نكملها وولا واحد يتحكم فيا فهمت

_ يحرزلك شكون ساندك والإ والله جائز قتلك

_ من حينك كان نجمت أقتل

_ مزالنا حاشتنا بيك حضر روحك ليوم باش نحولو من هوني باش نبعدو لمنطقة لاخري لأمارة تقامت ولزم شكون يقف علي دولة الأسلامية

_ أيا باهي حتي هو لواحد قريب يوالي فار صحراء من خيمة لخيمة

_ رودبالك دخولك لدولة موش بساهل نظام هوني ميرحمش والامراء لكبار ميلعبوش موش كيفي انا متساهل اعرف شتحكي (مدلها روب رماها علاها )ألبس العباءة والنقاب ممنوع حرمة تدخل عارية رأس

_ شنوة وليتو تحرمو وتحلو وعلاش هوني جائز نعري ...وغادي واجب نغطي شتنافقو

_ أخت يافا عيب تقول هكا مايعلمو سرائر الإ ديان

_ خرجت منها قهقها خلات كل من في لمكان يخزرلها تخزر لوجوهم كيفاه تكشبرت ...شنوة ضحك غير جائز زادة

_ وهل يجوز لحرمة رفع صوتها صوت المراة عورة يعيشك ماتفسدش نظام

_ اه صار نظام هو موش شرع

_ 'كبس علي بونيتو عرفها باش تعبهم موش فاهم علاش جايبينها ومواصين عليها وشكوني لأمر باش درب  وهيا انثي تبسم مستحيل تكون انثي هذي أفعي ألاكوندا ...أشارلها باش تجيب دبشها وسبقها للكرهبة ...بقا يشوف في لمجندين يركبو في كماينهم أشار لرجال باش يسبقوه ...شافها جايا وموش لابسة لعباءة هبط من لكرهبة منرفز

_ شقتلك انا

_ (حسبت روحها مسمعتوش حلت باب لكرهبة وطلعت ضرب لارض برجلو وطلع منرفز طريق كامل يخزرلها يشوف في لقوة منين جايبتها مرا ولخوف متعرفوش تي أشجع من رجال ليخدمو تحت امرتو ...ساعات تعدت في طريق وقت لوصل قدام دار لباش تسكن فيها طلب نساء لباش تهتم براحتها ...

أهبط أمشي معاهم ومن دار متخرجش وقت لحشتنا بيك نجو هزوك فهمت

_ هبطت من غير ماكلمتو وقفت تشوف لدار لباش تسكنها ...ودخلت من غير مرجعت سلام حتي ...ورولها بيتها وين ..أول مدخلت دوشت ونحت تعب أيام خرجت في كاب ومنشفة صغيرة تنشف بيها في شعرها...من تعب لمكنها ...تشوف في فرش ومخدة حرير ونوم تتهني فيه ..كأنهم جنة ... جات باش تناحي لكاب ولباب يتهد تلعثمت مشات تجري تجبد في سلاح ...لوقت كان في صالحو جبدها من يدها ورجعها شعرها لمبلول تناطر علي وجهو بريحتو زكية اول ما بعدو خزرلها خزرة ثاقبة كان يشوفلها ويكتشف في ملامحها جريئة يكتشف في برائة ظاهرة علي وجه ملائكي في جسد مرتزق عسكري ...

جبدت يدها منو بقوة وجات باش تضربو شدلها يدها وتكلم بصوت راكز قوي

ريض أنا  مراد اهدي يافا

_ شكونك انت باش نهدي علاش هد عليا لبيت من غير مدق اه ..

_( بعد عليها وبقا مركز معا ساقيها لبيض بدنها لمندي بالماء لكاب كان روج زادها أغراء تبسم ..وحك خشمو ) هوني موش في دارك باش تخرج من دوش تتبختر هوني معسكر بدل دبشك في دوش وخلينا نحكو

_ وشكونك انت

_  أنا رقم 401

(وجها صفار وخضار يعني هذا هو لوكيل هذا لمرتزق الأجنبي لباش يقوم عليها ويكون هو لكن هاو يحكي بتونسي كيفها أما ظاهر من لكنة موش تونسية بير)

تشرفنا سي مراد (جبدت حوايجها ...وخزرتلو خزرة ثاقبة نبدل ونرجعلك )

_ نستناك (بقا مركز مع بدنها لملفوف في لكاب ...عض شفتو من ها الأنثي لقدامو ...) درج وخرجت لأرض تتهز تحت لبرتكان متاعها تبسم من جراتها

_ شنوة يافا موش قالولك هوني تلبس الحجاب

_ بربي عليا انا لحجاب جيت نخدم في خدمة هوني موش باش نتجب

_ وهوني ممنوع تلبس زي عسكري

_ ولحل

_ بدل ألبس لعباءة وكمل اخدم في صمت عنا خدمة لزم تنفذها وانت تعرف لوكالة ما ترحمش متعبناش وقت لجاو قالولي توا تصدمت من جرأت جندي  ليعصي لأوامر أي امر يطلب منك يتنفذ

_ يظهرلي موش انت لباش تواريلي واجباتي شنوة وقت لدخلت للوكالة لكلهم تعرفو الي انا عسكري

_ قص علاها (علا ش انا موش عسكري )

_ فما فرق كبير بيني وبينك سيد مراد أنا دخولي للوكالة لهدف وأنت الله اعلم لهدف متاعك

_ تبسم علاش فما هدف لدخول لوكالة  لمرتزقة .. ملازم يافا

_ سلطة والقوة والمادة (وحركت حجبها)

_ هنا طلعنا نفس لهدف

_ (تبسمت ورجعتلو بسؤال )شنوة مهمتي هوني يظهرلي ملي جيت كان ندرب

_ هوني زادة باش درب وباش تكون عندك مهمات اخري

_ ولهيا

_ توا تعرف باش نكون انا رئيسك لتخذ منو لأوامر ومتنفذ من عند أي حد ياريت لقوة وسلاطة لسان تناحيها هوني برصاصة ينهوك ...اه وعلي فكرة هوني يمشو بأنظمة الامارة علي هذا ياريت متحتكش بحد ولزم تلبس لحجاب وردبالك ترفض متعملش مشاكل لينا من أول يوم نفذ ربع ساعة وتكون في بيرويا

_ حاضر سيدي

حلقة 06

أم يافا

هل أباحة دماء المسلمين حلال سؤال يطرح في كل لحظة ألف مرة أصوات الانفجارات الطائرات التي تعم المكان وأصوات رصاص يعم أرجاء لبلاد دولة حولوها لرماد فكيف لدولة أن يتفشي فيها هذا لفساد وهذا لموت لمباح في ثواني ولحظات بعض العشائر والقبائل تسلم وتبيع وتستلم الغنائم تحت مسمي نفسي نفسي ولايهم غيري

واقفة قدام بيروه بعباءة سوداء وحجاب يغطي شعرا لطالما وضعت فوقه قبعة عسكرية ...العيب ليس في الحجاب العيب ان يكون الاجبار في لبسه وهنا تكون المفرقات

قداه لحجاب زينها بقا مركز مع وجها وملامحها حسها ازين حسها أنثي مغرية برغم هو ضد لحجاب لكن أباح لحجاب الذي أندمج مع هاته الملامح لأضفاء لوحة فنية تدل علي لكمال

يافا ليوم عندك أول مهمة

_ لهيا سيد مراد

_ باش نقومو بث فيديو فيه أنت تحكي

_ وشنوة يتمثل ها لفيديو

_ باش يكون فيه تهديد لبعض الحكومات والأشخاص لمثلو سلطة

_ أي سلطة (بقات مركزة مع كلامو )

سلطة بلادك  يافا

_ أكيد تفدلك أنت موش هكا

_ علاش نفدلك هذي مهمة

_ مستحيل نعملها حطها في بالك

_ باش تعملها باش تعملها وبعد ربع ساعة باش تدخل تسجل أنت ولمجموعة شوف يافا أنت هوني في مهمة تابعة لوكالة وعنا مهمة لزم نخدموها مفماش فرق بين أي دولة هوني متخلينيش نشك في ولائك لوكالة لمرتزقة

_ تتخيل باش يكون فما ولاء للمرتزقة تي لولاء ماعطيتوش لمؤسستي

_ فما فرق كبير بينها وبينا انت كنت خادم فيها وليوم معارض بظبط كيف معارضة سلطة المرتزقة هم معارضة المؤسسات العسكرية وعلي حسب علمي انت تهضم حقك وحق أمك علي هكاقررت لعصيان واخذ ثأر

_ دخولي لوكالة موش مجرد عصيان برك حب طار امي يرجع  وطاري انا وليوم قبل غدوة وكالة وعدت بهذا ولولاء لنفسي وبس

_ (موش مصدق ها لقوة لعندها باقي تناقش فيه وترفض في طلب أمرو شنوة لباش يعملو معاها لم تنفذ وهيا بذات هذا لوصلو متاكد لطلبين ضهورها يحبو يدخلو لبلاد والمؤسسة اللي تتنميلها بعضها ...لأنو ضرب باش يكونلهم من داخل وصنع فجوة كبيرة من خلال ركيزة من نظام عسكري ..قاملها وقف قدامها ..) يافا باش تنفذ من غير متناقش انت تعرف ليرفض شنوة يكون ثمن لزم تقول توا أيه ولا باش نخبر عليك

_ موافقة علي شرط

_ لهوا

_ وجهي مايبانش

***

تم تصوير لفيديو وخروجو بعض ساعة من تصويرو 5 دقائق من لخطابات اللي قام بيها رئيس لمجموعة أبو حفصة وزوجتو لكانت تترأس مجموعة من نساء وتندد بدخول تونس وأباحة دم شعبها وتوقيع ام حفصة صحيح كانت عاملة نقاب لكن عينيها كانت ظاهرة ...

***

من لحظة لتم اعلامو بلفيديو لهبط ديراكت حلو ...يسمع في صوت رجل لهدد كان باش يسكر علي تفاهات ها جبناء ليصدعولهم راسهم ببعض خطابات تافهة علي حد قولو ولشد انتباهو صوت لمرأة ام حفصة زوجتو لعطاها لكلمة صوت موش غريب عليه صوت شواه وزلزلو قلبو بقا يحرك في راسو موش مصدق نفس نظرة نفس لون لعين كيف يتوه كان محبوبة لعين ولقلب كل نساء لديهم عيون وانت لديك نجوم هكا كان يلقها لشدة نظرتها لامعة ولونها اللي يشبه لون لعسل

مستحيل يافا مستحيل تكون انت علاش علاش شصارلك باش تتحول هكا طيش تلفون جابو فلوس من لعصب لفيه ولغل ضرب لفوق لبيرو لكل طيحو وصوتو كا ن عالي أفزع بعض الجنود لشادين بيرواتهم ....بدر كان جايو باش يقولو ساي من غدوة تمشي في تعزيز كيف مطلبت وقت لوصل كان يسمع في صوتو لعالي لجاي من بيروه قدم يهرول مفزوع وقت لحال لباب وشاف بيروه لكل مكسر قلبو تخلع عمرو مشاف صاحبو هكا عشيرو صايرلو هكا ..سكر لباب وقرب شدو يهدي فيه يزي غالي راك في قزارنا ريض يعيشك باش تباصي روحك

_ خليهم يباصوني سيبني بدر دزو قريب يطيح شادد راسو باش يهبل موش مصدق رغم لسمعو وكان يبرر كان يقول خارجة في مهمة وممكن تكون مجبورة تخرج لكن لظاهر ومن خطابها ظاهر أنتمت لداعش ظاهر تم أدماجها معاهم

_ شنوة لصار غالي لواه عامل هكا يعيشك قلي شبيك

_ يابدر باش نهبل يافا تعمل هكا مانيش مصدق يافا تهدد تونس تهدد جيش تونس يافا تهددشعب تونس

_ موش فاهمك

_ لفيديو لهبط ليوم ام حفصة لتهدد نفسها يافا نفسها لمرا لحبيتها لمرا لعشقتها وتمنيتها لمرا لامنتها علي روحي وعرضي وكنت باش نحطها علي اسمي لمرا لتونس وثقتها باش تكون حاميتها طلعت خاينة عميلة ولات أرهابية داعشية وصفتنا بطواغيت وجائز قلتنا وأباحة دمنا

_ مستحيل اكيد تفدلك

_ والله يابدر هيا وراس خويا عمري مانضيع علي صوتها ولا علي نظرتها وعينها عمري مانضيع علي لكنة لتحكي بيها هيا يافا هيا

حلقة07

أم يافا

لا لست ك نزار ..ولن أخسر معركة فكل معاركي فيها أنتصار

لاتهزمني أمرأة في عقر داري

أنا أدير الحب والحرب كيفما أختار

كاسكات  تحت يدو يمشي بخطي ثابتة وكأنو مصارلو شئ ومكانش يتهان من اجل أمرأة ادخلها لحياته منذ صغر ركب في كرهبتو وبقا يسوق ولكلو في كلام لكمندا

نقيب غالي أنت أهملت واجبك لعسكري ومسؤولياتك وخلطت بين حياتك شخصية وحياتك لعسكرية هوني كيف تدخل بالبدلة لزم تنسي انت شكون ولد شكون متتفكر كان الأنظباط لعسكري وفداء روح للوطن وانت لأسف اعتبرت أرهابية أهم من خدمتك وتخذلت نظر لأنو اول مرة يصدر امر منك باش نتغضي علي لصار خوذ يومين أرتاح فيهم ونحبك ترجع بكل نشاط أنسي يافا وانسي انو في يوم كانت زميل يافا من ليوم عدو لدود وأنت بسلاحك هذا تمحيها فهمت "

قلبو تلمي غل وحقد لوجيعة لذاقها عمرو مذاقها في حياتو لاول مرة ملي دخل يخدم يتهان ورئيسو في لعمل يلاحظلو ملاحظة كيف ماهذي هو لطول عمرو حريص خدمة لوطن وتأدية لواجب ليوم يكون في وضع لا يحسد عليه أي جندي أبي ..وصل لدار ديراكت دخل لبيتو نحا لكونبا وجبد لقٌون متاع لبوكس وبدي يضرب بكل قوتو يحب يفرغ لكبت لفي داخلو كلمة رصاصة من سلاحك تميحها بقات تتعاود في وذنو ...كلمة طاغوت جاينكم بذبح من صوت يافا كيف طبال لرن في وذنو ...ضرب للي عيا وحيلو تهد ...أخرها خرج صيحة فيقت لفي دار لكل

***

جا قايم شدتو يافا من يدو أياد خليك أنا نشوفو

_ يافا هديه وفهمو باش يقضي علي مستقبلو لصار باش يضرو ويضرنا

_ باهي أياد غالي يمر بفترة عصيبة وتوا يرتاح اكيد

_ شقولك تطلبو وعد نتصور ممكن تخرجو من لحالة لهو فيها

_ (تلعثمت وجها صفار ) لا وعد لا فاش قام حكاية وفات

_ وشبيك دخلت بعضك (بقا مركز مع تقاسيم وجها)

_ وعلاش باش ندخل بعضي أياد بربي خليني نمشي نشوف ولدي ياناري عليه علي حظو حتي لمرا لحبها تطلع هكا

_ ربي يصبرو نعرف لباش يعانيه اما نعرف غالي قوية واكيد باش يتعدي ها لفترة

_ أن شاء الله أياد ...طلعت وبقات دق علي لباب بشوي سمعتو يقول ادخل ...

غالي روحي ندخل

_ أدخل امي

_ قربت قعدت بجنبو فوق لفرش بقات مركزة معا وجهو لعارق لمغصور أحمر حطت يدها علي يدو وجبدت باستها

شبيه ولدي لتوا متقلق

_ لباس أمي خير تاعب وفادد

_ لطف علي ولدي احكي فضفض نسمع فيك

_ معندي منحكي موضوع هكا محيتو من مخي

_ (تنهدت ) غالي نعرف ولدي راجل وقوي ونعرفك باش تتعداها لحكاية ولزم تتعداها لبلاد تو في فترة حرجة وهاك تشوف في كل مرة هجوم ومتخليش شخص يكون معا  ها المجموعة يضعفك ويضلك علي لهدف متاعك نعرف الي ضرب لمؤسسة بأي جندي مهما يكون رتبتو تعتبر كارثة كبري أما لزم لحضر يافا موش شوي في لجيش ولخطة لكانت تشغلها قوية ولفرقة لخدمت معاها من أقوي لفرق يعني تعرف نقاط ضعفنا ونقاط قوتنا وهذي حاجة باش تحتسبلها وتضعفنا لزم تكثيف جهودنا وكل جندي محتاجتو تونس توا وانت اولهم أنت ولد أياد ولد الغالي الأندلسي وما أدراك دم بوك جدك في عروقك يعني أنت حامل لمشعل ليوم انت خلاصة جيل  ونتاج أقوي لمدارس الغالية القمرية والأيادية ونتاجي أنا لعلمتو ليك عمرو ماعرفو حد سري وسر مهنتي وسر مهنة بوك رضعت لعسكر من صغر وطلعت حربي من لمزلت تحبو لزمك تقوم وتقف علي ساقك لزم تتحدي ها الأفة لخلفت دمار في برشا شعوب وليوم تونس لزم يقفولها رجالها باش ماتمشيش في ساقين قوم غالي قوم من ليوم كل شخص دنس ها لبلاد جائز رميو بسلاح (قامت من جنبو حطت يدها فوق كتفوا) أنت ولدي غالي شرفني

_ كلامها دواء بلسم لجروحو كلامها كان شافي وكافي لكل جرح في داخلو وكل تخاذل لممكن يسامح ويحن من ليوم أعلنت الثورة علي من أستابحت موطنها وعرض شعبها ليوم ستكون بداية لعاصفة اما لموت أو

 لأانتصار ..

حلقة 08

أم يافا

أحبته منذ صغر وعشقته حتي لكبر وكل يوم تهيم حبا وتتنفس غراما

تمشي وتجي كيف زربوط في لبيت كل مرة ترجع سؤال من فمها تحس في روحها باش تطرشق كل مرة تحل لباب متاع لبيت طل وترجع دادي من تركينة لتركينة

_ في بيتو كان تحب أمشيلو

_ووه قمر علي شكون تحكي

_ علي حبيب لقلب(هزت حاجب وهبطت لخر بمعني فايقة بيك)

_ يزي قمر عيب لتقول فيه (حشمت وهبطت راسها)

_ يزي قمر عيب لتقول فيه (بقات تقلد فيها) بربي يادغفة تتخيل منعرفش تي دارنا لكل شالقين بيك تي حتي عمتي راهي شالقة

_ تحكي بجدك ماما شالقة

_ هههه والله حايرة انت كيفاه باش تكون طبيبة يابنتي فيق علي وضعك لوتحبو شهاب من حينك قولو لا يخطفوه صحاح وتبقي بلاش ولد خالك شخير منو وبابا روحو عمتي وخلي ياانتي ديما يقولي شخص لو شهد تكون مرت ولدي

_ يا قمر بالحق خالي قال هكا(قربت لصقتها من لفرحة)

_ والله كيف منقلك أسمع تحب تمشيلو شهاب

_ أي شخص (عينيها تلمع وهيا تسمع فيها شتقلها  تعمل )

خرجت تتكعبر قلبها يدق في الألف وصلت قدام باب بيتو جات راجعة بعد تقوات ودقت ..بطا باش حل وقت لراتو لبها لعرق حست روحها باش طيح

_ أهلا شهد لباس أدخل

_ اهلا شهاب لباس

_ حمدلله وينك ويني عمتي سارة لباس وعم رضوان

_ لباس عليهم يعيشك شهاب (بقات مهبطة راسها وتحرك في صوابعها)

_ من ربي فادد زاد جا شكون يدق عليه وزيد بنتو عمتو اللي مايحملهاش وشالق بيها مضروبة فيه  ...ولا من فوق حاشمة مطلع كان لكلمة بصيف فد ونفخ بقوة أي قلي شهد حاجتك بحاجة ولا

_ لا محجتي بشئ حبيت نسلم عليك قبل منروح

_ يعيش أختي هاني بخير كان تعب لبارح نخدم لصباح لتوا مرقدت

_ فهمت نخليك شهاب سلام ورجعت تذل في اذيال لخيبة مخيبها كلمة اختي من فمو كلمة بردتلها قوايمها وكتمت علي نفسها ملي وصلت لقمر ترمات عندها تبكي أمان قمر علاش يقولي اختو مانيش اختو أنا نحبو والله لواه يقول هكا كل ليلة نبات نحلم بيه شهاب في كل لحظة

_ يزي شهد متكونش ضعيفة هكا راجل مايحبش لمرا ضعيفة لزمك تكون قوية باش تكسبو

_ (مسحت دمعتها وكتمت باقي دوعها) خليني نروح خير

_ علاه شهد أمان خليك موش قلت باش تبات هوني

_ لا منحبش نبات وهو هوني

_ باهي شهد لمهم متحط شئ في بالك وراسك هاو خويا وشهاب توؤمي أما انت خير منو وتستاهل راجل خير فك عليك منو واحد متغطرس مفهمتش لشكون جاي

_ متغطرس ونحبو ويزي معادش تقول فيه هكا

_ أسمع أسيدي لحق فيا أنا جيت نهزلك في لمورال دا علي لونك ...

_(باستها علي خدها وخرجت ...أول مخرجت لمحت يافا غير مدخلت لبيتها زعمة سمعتهم ..قلبها وجعها وفدت خرجت خذات تاكسي وروحت دمعة علي أطرف شفرتها من ليوم لكبرت وهيا تخمم فيه كبرت علي صوتو علي مدافعتو عليها وحمايتها منين كان صغير كان لاهي بيها ويضرب عليها شبيه من لكبر بعد تبدل وعلاش طبيعتو ولات هكا من لحظة لدخل لحاكم حستو تقوي وقلبو ولا حجر )

***

تنقر علي أطرف لبيرو مخها لكل في كلام شهد يعني شكوكها في محلها  بنت أخت عشقتها عاشقة في ولدها سبحان الله وكأنو زمن يعيد نفسو يعني سارة ففي مامضي عشقت صدام ومخلت معملت في خاطرو وليوم بنتها حبت ومن طرف واحد لزم ترد بعض من دين سارة عليها وتفرح بنتها ومتخليهاش حزينة أما هذا شهاب موش غالي لقوة ولغطرسة لعندو متعرفش منشكون وراثها ولا قول لخال غالب سبحان الله ساعات تشوف طبيعة خالو فيه برغم لقوة لعندو وارثها منها ومن بوه

مشات دقت عليه لباب تسمع فيه يحكي بالقوي

_ ملا يوم مبروك شكون منمرقدش ياخي فيها دار

_ دا علي لونك متعرفش تحكي بشوي شبيك لباس (تحكي ومقربتلو لفرشو)

_ أه أمي سامحني في بالي أك لصقة شهد

_ ضربتو علي كتفو شهد لصقة تي طفلة عسل دنيا تقول قمرة مضوية سبحان لصورها هزت من زين أمها وعقلها ومن قوة بوها وفطنتو مايخليها تكون ليلات نساء

_ هاكي ليلات نساء ..بربي أمي أخطاني تي طفلة كلمتين متقولهومليش كان متعرق وجها يتبدل

_ يامسطك متعرفش علاش

_ صار فايقة انت

_ (عوجت فمها ) يعني عارف انت

_ ولو أمي كيف منعرفش أنا شكون ليعرف

_ ملا حضر روحك باش تخذها

_ ههههه والله قتلتني ضحك يزي امي ها لفال علي صباح موش مليح

_ بربي من وقتاه نفدلك معاك

_ شنوة يعني تحكي بجدك

_ شنوة شهاب

_ (رما لغطاء وقاملها) شنوة أمي متقوليش تحكي بجدك وتتصور أنا باش نخذ هذيكا تحلم أنت

_ أنا لنحلم ولا أنت لمتحترمش تعالي في صوتك علي أمك متقولش كبرت عليا فهمت

_ مقصدتش أمي سامحني أما

_ قصت عليه وحكات بنبرة لكلها تهديد)شوف شهاب أنانيتك وغطرستك خليها علي برا وكيف أمك تقول علي حاجة نفذها

_ شنوة أمي نمشي نخذ شهد ياامي

_ شبيها شهد خاطر موش كيف بنات توا خاطر حنينة ودافية خاطر عاقلة موش متاع بواتات وسهريات نعرفك تموت علي ها ك نوع يزيك كبرت تو وقت تعقال ومتعقلك كان مرا وخاصة شهد

_وخاصة شهد مستحيل نقبلها وأنساها لحكاية لحولة وكان بابا قالك قولو قولو ينسي مستحيل نخذها بنت عمتي كي تموتش  نساء دنيا لكل وتبقي أخر وحدة

_ بوك ماسمعش بالحكاية وطفلة باش تخذها خمم قبل منفذ عليك عقوبة عمرك متصورتها

_ شنوة امي باش تعاقبني من حينك ملا نعرفك قوية وقلبك كاسح ونعرف الي تكرهني خاطر ديما نكسرلك في كلمتك وجاي ضدك أما حط في بالك لو أنت قوية أنا أقوي منك لو أنت يافا انا شهاب الأندلسي صحيح أمي أما كل حاجة في بلاصتها (جبد دبشو لبسو وخرج وخلا لباب محلول علي عرضو)

_ باهي شهاب أعمل لتحب وأنا زادة نعمل لنحب ....

يقول لقايل علاش يافا لمرأة لمتحررة لمرا لحربية لعسكرية تفرض في زواج علي ولدها زعمة فما موال تحب تغنينه ولا تحب تربح أجر منها لحكاية ؟

حلقة09

أم يافا

طفولة منسية

وحسرة جلية في قلب برئ تكلل بانهزام روح وانتزاع الامل

عشق سرمدي يخيط جوانب التفرد والغرور عشق كتب بماء جلل بماء مكدر علي اعتاب التملك وجرعات الفشل

وعد ياوعد

_ (خرجت تجري طلت عليها من لبلكون)نعم أمي

_ أهبط بوك جا

_ باهي أمي هاني جيت ...(هبطت فرحنا من جمعتين مراتوش ملي شافتو ترمات عندو تحمل وتبوس )بابيتو لباس

_ لباس ياروح بابا أنت شعاملة

_ لباس في خير متوحشتك برشا (خزرت لفاليز ) وينهم كدواتي

_ مجبتش الله غالب

_ (طرمت شفتها وجات باش تبكي ) شنوة بابا موش قلت لطلبتو لكل شريتو

_ جبدها حظنها روح بوك كل شئ موجود لطلبتو لكل وزدتك من فوق

_ يعيشو ياأحلي بو وأحن بو في دنيا ...(.ملي قالها لبون طلعوهم لبيتك مشات تزرب تشوف في لطلبتو لكل وصل ولا)

خزر لمرتو يلقاها تقحرلو

_ شنوة تو بنتي مندللهاش

_ نعرف ريان اما ياسر هكا تي حتي أخوتها غارو

_ علاش يغيرو بربي موش أختهم

_ موش أختهم مهما يكون ريان منكذبوش صحيح أنت حبيتها كيف بنتك وعمرك ماميزتها عليهم وديما مدللها وهذا لخلاني نحبك كل يوم اكثر وأكثر

_ ملا منحبش ها لحساسيات ولادي من لحمي دمي هام لكلهم في بلاصة وعد موش من دمي وقررت تبقي هوني وتخدم معايا وتعاوني وعمرها محسبتني ولا حسستني الي انا مجرد راجل أم

_ وعد تمسها فيا ولاتمسها فيك تي من صباح تصنف وتعاود علي خاطرك

_ نعرفها بنتي لحنينة هاكي قلي شنوة حوالها توا خير

_ (تنهدت كيف قالها وتفكرت شهور لتالي شصار فيها )

خير حمدلله معادش تحكي عليه بلكل حتي تصاورو فسختهم لقيتها ومساجاتو

_ أيا باهي فرحتني قتلك وعد قوية وتواتتعدا منها لحكاية

_ تتعدي منها كيف متعاودش دخل عائلة خوك لدارنا

_ شنوة توا تحب نطردهم لحكاية وفات وتصير عادش شبيه حبو بعضهم

_ حبو بعضهم غالي هكا عمرو محب رغد متأكدة كان عند موال يحب يغنيه (عينيها حمارت من لغل كيف تفكرتو تكرهو وتمقتو ومن اول يوم كانت متاكدة لفما حاجة موش مطمنتها من ناحيو)

_ أفف متنرفزنيش ومنسمحلكش نقبل كل شئ الإ أنك تشكك في اخلاق ولد خويا غالي نعرف تربيتو بلقدا وعمرو مخمم في رغد هكا ولا هكا وصار كيف مايصير بين أي زوز عجبو بعضهم ومتفهموش وانت تعرف الي رغد ياسر حساسة علي هكا ممكن تعلقت بيه

_ أنت تعرف علاش رغد تعلقت بيه خاطر يشبهلك ويشبه لخوها في طبيعتو

_ خوها سيرتو منحبش تتذكر بذات مراد مايتذكرش في داري

_ علاش ميتذكرش موش ولدي

_ ولدك بربي من لمشا يعيش مع بوه في فرنسا شفتوش تي تراه في 5 سنين مرا وفي لحظة نشوفو يجي بالمزية كان موش علي خاطر رغد مايجيش وخلي عاد علي خدمتو خليني ساكت بربي

_ باهي ريان فكني لموضوع هذا بذات منحبش نحكي فيه مراد خطا ربوه وخطار يعيش معاه وهو حر تكفي أنو رغد معايا ولباقي يزي

_ باهي باهي تاعب أصل خليني نطلع نعمل دوش ونرتاح ...

***

مسحت دمعة نزلت فوق خدها ورجعت تزرب قبل مايراها بوها ...حتي لو موش قصدهم يفكروها بيه ديما مستقصدين يفكروها ولا علاش هيا نسات ومن وقتاش نسات غالي راجل لعشقتو في شهور ولد عمها هكا يكون بالمفروض لكن ضروف خلاتها تكون بعيدة لدرجة مايعرفها حد عمها أياد وزكرياء وعمتها سارة من عام راتهم من عام تعرفو عليها علي أساس بنت ريان أما من لحظة لعرفو لهيا بنت نريمان وجوهم لكل تبدلت علاش يكرهوا مها وعلاش وين تتذكر سيرت بوها وخوها قدامهم لكل يقحرولها قحرة كره

حلقة10

أم يافا

أسميتك وطني فغربتني

أسميتك أهلي فيتمتني

أسميتك عمري فضيعتي

أسميتك هوائي فخنقتني

أسميتك حبيبي فخذلتني

بربك..بدينك ..بسمائك

ماذا تريد مني بعد؟؟؟؟

قاعد في بيروه يخدم في أوراق قدامو دق لباب قالو أدخل

_ صباح لخير غالي

_ أهلا بدر لباس

_ لباس حمدلله أنت لباس (بقا مركز مع تفاصيل وجهو ذابلة)

_ لباس شتري انت

_ أيا باهي

_ شعملت

_ مريقل كيف مقتلي كل شئ منظم وحرصت أنا بنفسي باش نقف علي تفريق الخطط

_ يعيشك بدر ..ليلة لزم نفذو حسب لأخبارية ليوم فما كماين داخلة نخافو تكون فيها سلاحات

_ تهني غالي لباس بأذن الله

_ ملا خليني نقوم نحضر روحي

_ علاش باش تخرج أنت هاني ماشي أنا

_ وعلاش منخرجش أنا

_ غالي مزلت تاعب أنت أرتاح وهاني هوني

_ (حط يدو علي كتفو ..عمرنا منكونو تاعبين علي خدمة لوطن هذي مهمتي ولزم نكون اول لجنود ...

دق لباب قالو يدخل ...دخل جندي حياه ...سيدي الكمندا يحب يراك

_ باهي عسكري شوي ونجي

_ خليني نمشي نشوف بابا شيحب وانت بدر تنجم تبقي ترقد شوي وتارتاح للي يطيح ليل

_ باهي غالي

**

واقف قداموبكل هيبة بعد محياه هوني جندي مقابل جندي لا وجود لصلة ذات قرابة بين لولد وبوه وهذا شئ لتربي عليه غالي من لحظة لدخل لقزارنا لكان بوه حكمها

_ ليوم باش تنفذ لعملية

_ نعم سيدي

_ شوف غالي ليوم وحسب لاخباريات لجاتني مفماش دخول لحتي كماين متاع تهريب

_ لكن سيدي

_ متقصش عليا سي غالي لمعلومات اكيدة مجرد تضليل يظهرلي عارفو لأنتم باش تنفذو علي هكا تراجعو في تدخيل أي شاحنة تهريب ولأكيد عنا عملاء هوني يسربو في لباقي يصير

_ سيدي ليخدمو في سريتي لكل تقات ومن عز جنود

_ عمرك ماتثق في حد هوني حتي بوك متثقش فيه جندي شنوة اول درس تعلمتو في الأكادمية

_ لا تثق في شمس ولا في هواء أحمل حقيبة محملة بكل الأشياء لا تثق في جندي أو حارس و قدم لك كوب ماء .. لا تثق في صوت قط حتي وتيقن ان عدم ثيقة سبيل نجاة

أحسنت عسكري عدم ثيقة  ثيقة هيا أساس نجاة في حياتنا العسكرية كل جندي حامل لسلاح لزم يكون قد ثيقة لعطتهالو دولة علي عاتقو لأنو دولة نظام وها الأنظمة تحكمها بشر فيه لخوان وفيه لمستقيم وخايف علي أمن لبلاد وانت أمنها وباش تمم تامينها في سلام كون قد ثيقة لعطتهالك ومتثق فيه حد خلي كل سريات متجهزين وخلاهم يخرجو تمشيط في كل لاماكن لقريبة ومتهزهومش لنفس لمكان لجاتنا عليه لاخبارية وخلي لباقي عليا فهمت

_ حاضر سيدي

_ تنجم تمشي ونعمل عليك

_ (ضربلو تحية وخرج ) عرضو بدر في طريق كان باش يحكيلو تفكر كلمة بوه متثقش في حد حكي معاه شوية ورجع لبيروه عداه للي طاح ليل وخرج مترأس عملية تمشيط لقامو بيها سريتو ..مهبطش من كرهبتو بقا حاير علاش بوه قالو ملزمش تبطل لعملية شكون لفي سريتو خاين وسرب لخبر ...وعلاش بوه قالو متثق في حد تبسم وقت لتفكرها كلام بوه عندو لحق فيه وهيا مزالت فما ثيقة تي مرا لعشقها خانت وباعت خلي ياأي شخص اخر  

  كملو عملية تمشيط هبط من لكرهبة بقا مركز مع وجوه لعسكرين مع كل جواب كان يلاحظ ويدقق في تفاصيل وجوهم كيفاه تنقل في خبر عدم أيجاد ولا مرور أي شاحنة ...بقا مركز مع جندي كيفاه حسو داخل بعضو غمض عينيه متأكد الي هو لينقل في لاخبار يعني قدرو يخترقو لجهاز لعسكري وبثو في وسطهم ناس لصالحهم أمرهم باش يرجعو لكراهبم وخرج مخو لكل في تلك النظرة الحائرة لمرعوبة وكأنه سارق خائف أن ينكمش

***

حلقة11

أم يافا

_النظر الي شفتيك والأدب أمران لا يجتمعان

فوق شفتيك تسير قوافل الشوق وعلي عنقك سراب يوحي لمن يسلكه بالغرق

يخزر للوراق لقدامو موش مصدق يعني ممكن يافا تكون لا مستحيل هبط يزرب لبيتهم ليما عشقها فيها سنين لبيت لكبر فيها حبهم ولتوجوه بأحلي صغار وأحلي ذكريات وقت لدخل لبيت لقاها ممدودة فوق لفرش تخزر لسقف من غير مايشعر دموعو نزلت قربلها وبدنو لكل يرقل يحس في روحو عاجز قدام ها لخبر لقراه وسمعو

_كانت تخمم في عالم أخر لمحت خيالو كيفاه يقرب وجهو أصفر شاحب عينيه دمع من لفجعة قامت كانت باش تهبط من لفرش طاح علي الأرض وشدها من ذراعها يخض فيها

_ علاش مقتليش يافا علاش

_ علي شنوة أياد فهمني

_ من وقتاه مريضة من وقتاه

_ عينيها تغمضت مكنتش حابة حد يعرف مزال بكري باش يعرفو وكيف لعادة أياد سبقها وأي حاجة يطلعها) أياد شكون قالك (شدتها لغصة )

_ موش مهم لقالي علاش خبيت علاش مشكيتش وفرغت قلبك وهمومك علاش مقتليش راني موجوعة علاش

_ يزي أياد مانيش موجوعة هاك ترا فيا لباس

_ منين لباس (جبدها حظنها بكل قوتو عمرو محس بضعف حس روحو عاجز حس روحو مكبل بقيود لمرض الخبيث لممكن يخطفلو نوارتو مرتو عشقتو وحب حياتو)

كانت تهدي فيه وتصبر فيه عوض يصبرها تعرف مكانتها في قلبو تعرف قداه يعشقها ويحبها علي هكا خبت خافت عليه من صدمة من ها لكلمة لباش تقلها خافت عليه وتحملت لوجايع شهور لمهم أيادها مايتوجعش

_ (يرحي في دخان ويسمع فيها موش مصدق الي مرتو عشقتو معاه من 4 شهور وهو مافيبالوش محسش لها درجة )

من 4 شهور حسيت بحاجة تتحرك تحت صدري كنت نتخيل حكاية عادية بمانو لوجيعة كيف نخزة مأثرتش معطيتهاش اهمية تعدات أيام ساعات نلمس أك لحبة صغيرة لبدات تكبر في صدري وقتاها حسيت للي لزم نشوف طبيب وكنت متاكدة من كلامها شنوة لمرض مزال في أولو موش خطير

_ علاش معملتش لعملية

_ مستحيل أياد نعملها

_ علاش قلي علاش

_ منجمش لموت أهون ولا نقص صدري يعيشك

_ أنت ليعيشك يافا لو تحبني ماتخلينيش متعذبنيش بدنك من حقي فيه لزمك دوايه

_ لانو بدني من حقك منجمش نشوهو يزي دهر لكلا عليه نعرف لكبر وتجاعيد ملات بدني نعرف اللي مهما لعب صبور وريجيمات كبرت

_ جات باش تكلم قص عليها وجبدها ليه ...يزي عشقتي راك مهما تكبر تبقي يافتي المغرورة  تبقي صغرونتي دلولة تبقي معشوقتي المتمردة لمخلات معملت بيا انت ماضيا وحاضري ومستقبلي بيك أعيش بيك أحيا فكيف لي أن أعيش يوما بدون عطرك ورائحة أنفاسك زكية كيف لي أن أغفو من غير حظنك الدافي مرسئي وراحتي ...يافتي جنيتي لو حبيتو أيادك أنقذ روحي   فكر فيا ومتفكرش في حد أخر معندي حد غيرك أنت يعيشك متقصاش عليا

_ أياد (قربت حظنتو وباستو خدو نحبك خايفة أياد منحبش نحكي منحبش نقول ونذكر روحي بيه ها لخبيث لصابني منحبش نتفكر ولا نتخيل باش نكون أنثي ناقصة في نظرك

_ (هزلها دقنونتها وبقا يخزر لملامحها صحيح أخذا منها لكبر ما أخذ لكن تلك النظرة البريئة وشفاه ندية نفسها لم تتغير قربلها وطبع قبلة فوق شفتها وهمس فوقهم وهو يحرك في شفايفو وعينيه محصور بدمعة) أنوثتك عمرها ماتنقص أنت في نظري كل نساء وكل نساء أنت ياوطني فأنت ضوضائي وكينوني أنت عشق والعشق عبادة تسكن روح والفؤاد

جبدها ليه وغاص معاها في قبلة محت كل وجع محت كل كل ألم وأججتت نار لحب في قلوبهم المتيمة ..

. حكاية عشق، حكاية حب ، 

وحكاية وجع 

ألم ،تشوه ،ونار تحرق القلب، فكيف لروح عشقت ان تتخلي عن عشقها من أجل تشوه جسد... لا ياحبيبتي اقتربي ودثريني بذاك الصدر فأنا عشقت روح قبل الجسد عشقت طفولة وروح الامل زرعتي سعادة فقلب صدئ سقيت الوفاء وكتبتي بنرجسيتكي هياما كان ولا يزل حب اتحاد لاخر لأزل

حلقة12

أم يافا

*صوت صياحو زلزل المكان كان يتضرب ويتهان بكل لعبارات تم تعذيبو شتي أنواع العذاب لا حب يحكي لاحب ينطق

يشوف فيه كيفاه مكسح راسو وموش حب ينطق ويعترف بدنو فار لزم يدخل بيدو كان ماشي لبيت تعذيب عرضو بدر في يدو ورقة بقي مركز مع وجهو للي لونو مخطوف سئلو بعينو ...قري نظرة رعب في عينيه ومدلو بدر لورقة هزها غالي يقري فيها مصدوم

_ شنوة بدر متأكد

_ متأكد غالي لخان عندو علاقة بيافا

_ يعني يافا هوني في تونس

_ منعرفش المكالمة لتلقاها جندي واضحة وهذا تسجيل بكل لكلام لتقال

طيش لورقةومشا يزرب لبيت تعذيب أمر رجالو باش يخرج هو لباش يتوالي لمهمة هو لزم ينطقو هو خيط نجاة ليه هو لباش يدلو علي مكان يافا

_ منين تعرفها يافا (شدلو شعرو وهزلو وجهو لمعبي دم )

_ منعرفهاش (كان يحكي بصيف)

_ شوف ياجندي كلمتين باش نقولهم والا باش نعذبك تعذيب شنيع باش تحكي ولا نتصرف

_ معندي منحكي

_ صاح بكل قوة باش يجيبو لكلاب جائعة

_ منعرفش نقيب غالي صدقني نعرف اللي هيا تخدم معانا يعيشك لكلاب لا(كان يبلع في ريقو وهوما حطين قدامو زوز كلاب كبار...من لخوف عملها علي روحو)

_ يظهر فيك مكش باش تقول خليك مع خواك توا يفرحو بيك (جا خارج سمعتو يستنجد بيه وباش ينطق)

_ أحكي نسمع فيك (أمر جنود يطلعو لبرا)

_

صدقني سي غالي منجمش نقول شئ غير انو أنا مجرد شخص نخدم في خدمة لصالح دولة ونفذتها يعيشك متضغطش عليا ومتوحلش روحك وتواحلني

_ شنوةخاين وتزيد تحكي بها الأرياحية

_ أنا جندي وجندي عمرو مايخون لصار أقوي مني ومنك ومن يافا في حد ذاتها صحيح رتبتي علي قدها أما باش تتضر من ورايا

_ ضربو بونيا وجبدو بقوة...نحب نتظر باش تحكي شنوة علاقتك بيافا وهيا وين خير

_ منعرفش (بدا يخرج في دم من فمو من كثرة ضرب )

_ زادو غالي بونيا أخري وعطاه بركبة في خشمو للي كسرو جندي صاح بكل قوة غالي تخدر معادش واعي فاش يعمل موش واعي لهو هازز روحو لنار باش تحرقو

_ باش تنطق ولا ...أه

_ (بزق دم وتكلم وهو ينهج ) موش كل شخص تقال عليه خاين راهو خان فما خيانة مشروعة لزم تتقام باش تتكشف برشا حقائق ..وسكت بقا غالي يخض فيه حط يدو علي رقبتو لقا نبضو ضعيف خرج ينادي في لعساكر باش ينادو طبيب بدر تفجع وهو يشوف في جندي معلق ودمو يقطر

_ شعملت غالي هبلت

_ عملت للزم يتعمل لزم تنقذوه مزال عايش

_ حبس زوز جنود لكانو باش يمشو ينادو طبيب ميتحرك حد من هوني كلم عمتي سارة لزم هيا تشوفو ملزمش أي حد يعرف بالحكاية غالي باش تورطنا وتورط روحك (حكي مع جنود باش يهزوه لكرهبتو وكلم عمتو تعرضلو أمبيلونس في طريق )

***

كانت منرفزة لتوب وهيا تحكي معاه مصدومة من كمية لغضب لفي داخلو وتهور لولا عندو ...

علاه غالي تعمل في روحك هكا تعرف الي ممنوع يدخل لكلينيك من غير منبلغ عليه

 _نعرف عمتي الله غالب أنفعلت أنا

_ (قصت عليه ) غالي صدقني كيف شهد بنتي وأنت تعرف معزتك عندي متتهورش ولزم تلملم لموضوع قبل مايسمعو لكبارات وقبل مايسمع بوك هذا كان مسمعش توا

_ قتلو عمتي موش منحقو يحاسبو فما ناس مختصين في هذا

_ وانت بدر علاه موقفتوش غلطتك زادة ربي يهديكم راجل خشمو مكسر وجهو لكل مدمدم

_  (مخو موش معاهم مخو كيفاه يفيق ويخليه يحكي كلام راجل لتوا يرن في وذنو فما خيانات مشروعة بمعني قاصد لخيانة يافا ممكن تكون تحت طائلة القانون مستحيل مخو شاط معادش قادر يقف علي ساقيه

 أستئذن منهم وخرج للبلكون لزم يتصرف لزم يلجم لغضب لفي داخلو ويستعمل ذكاءوولزم يعرف مكانها يافا وعلاش أنتسبت لمنظمة أرهابية هذي منظمة اعتبرت عدو لدود لأنسانية عامة ولأسلام خاصة

حلقة13

أم يافا

طوفان يحمل وجعا يغرق بلدا يزلزل قيما ويسقط حضارات بنيت منذ قديم الازمان

صوت لكرتوش ماكل بعضو في يدها "لبويكا "تخزر بعين مسوهمة موش عارفة علي شكون تصوب تخزر للملثمين لمعاها محبين لموت ودمار ...يصوبون يضربون بكل قوة وكل نشاط أصوات تكبير تعالا وهتافات الموت عجت لمكان وصوت رشاش يقصف رعدا في كل المكان يزعزع قلبا وينهك شعبا ويقتل بشرا يريد سلام ...تشوف في جنود من جيش ليبي يدافعون عن عرضهم يدافعون عن أرض وطن وأمن بلاد كيف لها ان تحمل سلاح ضد شخص أقسم قسما ولبسا بدلة تشاركت فيها جميع الأركان وجميع جيوش الاوطان ..كيف لي عسكرية أن تحمل سلاح العدو في وجه زميل ووجه ..حامي وطن

كرتوش كلا بعضو يدها ترخفت علي زناد ترجعت خطوتين لتالي وهيا تحبو بتوالي ...يخزرلها كيفاه مرعوبة حسها موش قد بعضها امر رجالو باش يحموه تعدالها جبدها من يدها وتخبو ورا شكاير تراب كبيرة

_ تلهج من لكبت لفي داخلها ..منجمش مراد يعيشك منجمش كيفاه نضرب جندي كيفي

_ يافا باش يقتلونا هوما أكثر منا

_ خليني نموت ولا نقتل شخص برئ منجمش غلطت دخلت فيها لمعمعا

_ باهي يافا متخافش أبقي بجنبي ورودبالك تتحرك ....أمر رجالو باش يضرب البلاصة بالكرومجان .وينشرو دخان صناعي في لمكان لزم ينسحبو في لحال درج وكانو في كراهبهم رجعو مذلولين من معركة تقرر فيها الأنسحاب

يعرف لعملو غالط وممكن يجبلو مشاكل ميعرفش علاه كيف شاف لخوف لفي عينيها وبدنها ليرقل تفكر ماضيه تفكر أول مدخل للمنظمة كيفاه

أغتلو برائتو وطنيتو كجندي...صحيح هو جندي فرنسي من أصول فرنسية وأم تونسية لكن دم لعروبة يجري في دمو...من يومين كيف دخلو لأراضي تونسية وسلم أمانة امروه باش يافا تسلمها بيدها ...كان خايف عليها موش عارف لواه ها لخوف ولا ها لجبن لصابو ناحيتها أما حاسها أمانة ليه حسها تعنيلو بدم لعروبة لفيه ...وصلو لمستعمرة ليسكنو فيها هبط لبيروه بعد مطمان عليها دخلت لدار لتسكن فيها بقا يخمم شنوة باش يقول وشنوة باش يفسر لقائد لكتيبة لأمير لمسؤول عن 10 كتائب تبعثو خصيصا لأستلاء علي بعض القري

من لدخلت لبيتها قلبها وجعها شدت تركينة ترقل هيا موش مجرمة هيا جات باش تنتقم من أعداء البشرية هياموش أرهابية باش تقتل جندي كيفها وتهدد امن وطن ...

سؤال بقا يجول بخطرها المشتت ماذا فعلتي بروحك نقية يافا ماذا تفعلين بعباءة ولثام يخنق وجها ويضيق نفسا  ...كيف ليافا أن تنزع بدلة وترمي نجوما معلقة فوق اكتاف من اجل ماذا من اجل أنتقام ترمي بروحك المنزها في هلاك الأرهاب

صوت لباب لتحل خلا قلبها يعزق بقوة جات باش تقوم شافتوا دوب مدخل راسو من ورا لباب

يافا علاش من بكري ندق ماحليتش

_ مراد مسمعتكش سامحني

_ (قربلها يشوفلها كيفاه قاعدة علي أرض كان حاسس بلي صايرلها ...قرب قعد قدامها)يافا علاش خايفة

_ مراد عاوني منحبش نخرج في ها القتلات لتعملو فيها منظميتش للمرتزقة باش نكون قاتلة مستعدة ندرب نقوم بأي حاجة أخري الا هذي

_ يافا ممنوع تواجدك هوني لها سبب أنت جندي مرتزق ولزم تشارك فيها لمعارك لمنظمة لنخدمو عندها في يدها شهر وتبعثنا لمنطقة اخري ..ولا دولة اخري وانت تعرف عقوبة لي ماينفذش ودخول لمنظمة هذي موش بساهل تتلاعب معاها ومع نظامها يمحوك ويقتلوك

_لموت اهون منقتل شخص برئ

_ يافا علاش دخلت للمنظمة قلي شنوة سبب لخلي طفلة بريئة كيفك تدخل في معمعا كيف هذي تعرف اللي ممكن يقتلوك لو شمو خبر أنك بها لبرائة هذي وانك ضد مبادئهم

_ نعرف مراد (قدمت حطت يدها علي يدو ..وقت لدخلت مخممتش برشا كل لخممت فيه نخذ ثاري ونرد أعتباري .....

تلفون في جيبو صونا هزو يلقاه واحد من رجالو ... أمر برجوع لمكتبو لأمير جا باش يقبلو غمض عينيه عرفها خلات قام وبقا يخزر ليافا متخرجش من لبيت جملة فهمت

_ باهي مراد ..

خرج يخمم في حكاية باش يبرول بيها رئيس لكتيبة وعلاش انسحب وقت لدخل لقاه قاعد ورا بيروه ...قربلو وسلم عليه من بعيد

_ سلام عليكم مراد

_ عسلامة أبو أسحاق

_ أكثر من شهرين تخدم معانا وفي كتيبتنا وعمرك مانسحبت من معركة وخاصة مهمة كيف هذي نجم نعرف الأسباب

_ شوف أبو أسحاق حكاية لأنسحاب تعود ليا وقت لريت لفما خطر علي ناس لمعايا نسحبت

_ موش صحيح لبلغني عكس هذا

_ مفهمتش يعني تكذب فيا

_ حاشا وكلا وعلاش نكذب فيك ...باهي موش باش ندخل في قرار أنسحابك أما زميل لمعاك علاش مقمش بواجبو

_ كان باش يحكي قص عليه صوت لباب دخلو زوز رجال وقالولو بعثنا الاخوات باش يجبو يافا ...لبو لعرق خاف لاتفلت منها حاجة ولايشم الي هيا ضد ها المبادئ ميعرفش علاش خاف ولواه خاف هو مجرم حرب مرتزق لاعندو قلب ولاضمير لواه ضميرو فجأة صحا معاها هيا ...لحظات وكانت قدامو بلباس أسود مابين كان عينيها بقا يخزرلها علي جنب يسمع فيه يسئل فيها ويدو علي قلبو لاتجاوب جواب غير مقنع يخليه يشك

_ اخت يافا علاه ليوم ماعملتش مهمتك كيف مطلبت منك انتي عنصر في لكتيبة وعنصر خاص يظهرلي أخطرناك خاطر تستعمل في ألات القنص بمعني لو ستعملت مهارتك كنا ليوم مستولين علي القرية أما انت يدك متحطش علي زناد لواه هذا لكل قول

_ (قلبها يدق بقوة من لحظة لقالولها الي أبو أسحاق يحب يقبلها وحست بلي جنة تفتحتلها ...لتلوج عليه لدخلت للمنظمة علي خاطر باش تنتقم قاتل امها قدامها ...واقف ويحكي وهيا يدها مكتفة لزم تقتلو تخنقو تشرب من دمو وتبرد نارها ...أما شنوة لحل لبرا برك أكثر من 10 رجال مسلحين ولبرا مسركلين دنيا وفي لبيت زوز ..موش كل يوم تراه موش كل يوم تيحلها لفرصة باش تقابلو وجه لوجه

_ علاش ساكتة بقا مركز معينيها لكانت شاردة فيه ..

_ أسفة ليوم مكنتش في فورمة ولأسباب لو تحب نذكرها (كانت تدعي لباش تقولو يلقي صدي في نفسو)

الي هوما تفضل

_ أنا قناصة ولقناص ملزمش أي حاجة تعطلو ..وأنا موش متعودة بلبس لعباءة ولبس نقاب لخلاني عاجزة علي تحرك وعلي القتال

هذا سبب هاك ترا في جندياتنا بنقابهم ويحاربو

_ كل شخص كيفاه تعلم

_ قول يظهرلي فيهم يشكرو فيك بالفاضي خزر لمراد ..متأكدين لهيا تعرف تستعمل القناصة

_ جا مراد باش يجاوب جوبتو يافا وهيا تدعي يتنفذ لتخططلو

جربني لو تحب توا علي أي ألة قنص

_ نجربك علاش لا امر رجالو باش يحضرلو القناصة وخرج قدامها بعد ما أشارلها باش تلحقوا جات خارجة يد مراد شدتها شباقيا تعمل علاش مقلتش راك متعرفش تستعملها علاش

_ جبدت يدها وعلاش تحبني نكذب نعرف نستعملها ...وخرجت خلاتو وحدو ضرب لباب ولحق عليهم ...

حلقة 14

أم يافا

لكلهم يخزرولها وهيا لابسة سروال ومريول بعد مطلعو فوق سطح خلعت لحجاب ولعباءة فورا من غير مشورتو كانت مصتقصدة تلعب علي نقطة جمالها وأغراء بدنها تعرف الي أمكانيتها قادرة تذوب أي رجل وخاصة هذا رجل لمعروف أنو زير نساء ...

أمر رجالو باش يخلوهم وحدو بعد مامجموعة منهم هبطو روسهم وستغفرو ربي علي لعملتو لكن هو ترسمت عليه علامة الأعجاب بهذا لجسم الممشوق والبشرة البيضاء التي تشع نورا أما ذاك شعر فوحده حكاية تسلب لعقول والأذهان ...مراد كان مصدوم بلي عملتو بقا يخزر لأبو أسحاق ونظرة الاعجاب لراها في عينيه خاف تعجبو وتكون كا اخرياتها

أعجابو زاد بيها وهيا تصوب بقوة علي الهدف لكان يبعد اكثر من 50 مترو قوية وقوة الشجاعة لعندها خلاتو مبهور بيها لدرجة كبيرة ...

كملت الاهداف ودارتلو بنظرة أنتصار شقولك أبو أسحاق

_ واو يافا بصراحة عمري ماريت هاشئ حلوة برشا

_ نعم

_ نقصد تصويب ياسر حلو برافو عرفت تصوب ملا علاه ليوم خليتنا في تسلل

_ ماو قتلك عاد ..تحكي وتقربلو ...لعباءة وونقاب يقلقوني رجعني نلبس الكونبا

_ انت تخرج من غير كونبا ياكلوك هوني

_ علاش ياكلوني

_ لا يجوز نقصد (تلعثم وهو يشوف فيها كيفاه تتمعجن وتحكي بطريقة أنثوية مغرية)

مراد خلينا نرجعو للبيرو ألبس عباءتك يافا وهبط يزرب لبيرو مراد ...

هبلت يافا شكنت تعمل

_ علاش هبلت مراد شبيك تصيح

_ انت فاهمة شنقصد علاش نحيت لعباءة وريتلو وجهك

_ علاه حرام متقوليش أندمجت معاهم

_ مكش فاهمة أبو أسحاق راهو خطير اخطر ماتتصور وأي مرا هوني يراها مستحيل يسلم فيها وخاصة مرا كيفك سلكها تو

_ تحكي بجدك(تبسمت بفرحة)

_ حسيتك فرحت

_علاش منفرحش رجل بطل يشرفني يخزرلي وغمزتو وهبطت

 تجلط بطل أصل يعني في لحظات تتحول ..توا فهم قصدها وين تحب توصل وعلاه تتصرف هكا هبط لحق عليها....

كان باش يدخل منعوه قالولو أبو أسحاق طالب يافا وحدها كبس علي يدو عرفها باش توحل مكنش يتخيل بها سرعة هذيا

واقفة قدامو لفرحة معبية عينيها فرحة مخبية وراها برشا وجيعة ونقمة ...

تشوف فيه يقدم ويمشي وراها امرها باش تهز نقاب مدام موش متنقبة ...وقف قدامها وسئلها

_ انت متزوجة

_ لا مزلت عزباء (وتبسمت)

_ تحكي برسمي زين هذا لكل وعزباء

_ الله غالب رجال يظهرلي فيهم مايشوفوش

_ لا موش ميشوفوش اما أنا محظوظ

_ مفهمتكش (تحكي بتزعبين )

_ يعني ممكن لحظ لعاثر ليك قادك ليا انا تعرف أنا زادة اعزب

_ بالحق

_ أيه علاش ستغربت كنت معرس وطلقت ونحب نستحسن ومن واجباتي أني نستر اكثر عدد ممكن من نساء وأنت تعرف لشرع حللنا 4

_ ربي ينولك بنت لحلال

_ لقيتها

_ أيا باهي (كانت تدعي يقلها لقيت كانت بقات تستني في لكمة حتي لو بها سرعة وعارفة مبتغاه اما لزم تكون معاه وتستفرد بيه وحدهم )

شقولك تعرس بيا يافا وكيف توالي من نسائي وحرمي أكيد باش تكون معززة ومعادش باش تخرج للمعارك شقولك

_ موافقة قالتها بنصر حققتو في ساعة واحدة جابتو علي قلاقمو طايح من اول لحظة مغلطوش كيف قالولها راهو زير نساء لمرا لتعجبو يعر س بيها شهر ولا جمعة وبعد يطلقها ويزوجها لراجل اخر باش مايبقاش يخمم برشا في تأنيب ضمير وأنو خلا طليقتو من غير سترة ...

حس بفخر وافقة فورا وعلاش متوافقش هو الامير وأي وحدة تتمني تواجدها معاه وخاصة مرا كيف هذي اكيد تحب تككون قوية معاه ...مسكينة كان يقول بين روحو موش عارفة وين طايحة

***

وقت لخرج لقا مراد لبرا قبل مايمشي سلم عليه وقالو ..غدوة زواجي سي مراد مستدعيك عاد

_ زواجك ومنشكون (بقا مراد مصدوم شمها قارصة )

_ غدوة تعرف سلام

_ دخل لبيروه لقاها هزا نقاب وبسمة مرسومة فوق شفتها

_ متقوليش لفي بالي صحيح

_ وشنوة لفي بالك

_ باش تعرس بيه

_ أيه علا ه عيب

_ شتعمل أنت ممنوع مرتزق يتزوج رئيس كتيبة ممنوع متخلينش نبلغ عليك

_ بلغ علاش تهدد فيا ياخي حياتي وانا حرة فيها

_ أناهي حياتك طفلة في عمرك أش  جابها لحفرة لموت هذي وزيد طايحة مع أبو أسحاق لشواطن بيدهم ما يلعبوش معاه

_ وهاني أنا باش نلعب معاه اما لعبة موتو (وشافتلو نظرة لكلها غل )

_ (خوفو عليها كان ظاهر من عنيه ملزمش يدخل اكثر منهكا هيا حرة أما قانونا لزم يبلغ عليها ممنوع في قانون لمرتزقة تزوج أثناء مهمة رسمية )

حلقة15

أم يافا

الكبت يخلف الأنفجار ...أنفجار الألم ووجع ذات ..حسرة وندم في قلب عاشق ولهان أصيب بخيبة في عشق سرا في عروق البدن  ...وطعنة في صميم روح

يمشي هايم فوق الأرض يحب يعرف عليها خبر تعب من بعدها  دوامة شك عايش فيها بين غدر وخيانة وبين واجب تؤدي فيه ...معارفو لكل اتصل بيهم يحب يعرف فين  مستعد يشق بحور وبراري لمهم يتحصل عليها وقتها مستعد يحاسبها هوا بيدو خير ماتتحاسب علي يد غيرو ...كان مروح لدار طريق كامل يخمم في حل ..وقت لوصل للحومة يشوف في كرهبة حماية قدام دار صدام عمل فران بقوة وهبط يجري ..مفجوع يشوف في نرهان تبكي وصدام في شريو يجرو فيه ...يلهج من لخوف عليه قرب لنرهان يحكي بربثة وخوف

_طاطا شبيه عم صدام

_ غالي ولدي عمك تجلط باش يموت ويخليني ...

_ لطف عليه طاطا متخافش لباس قرب بحذاهم وهوما يطلعو فيه يشوف في كشاكش طالعة من فمو قلبو تخلع عليه كلمهوم باش يهزوه لكلينيك ...متاعهم..رجع لكرهبتو وبقا يتبع فيهم كلم عمتو سارة باش تكون حاضرة هيا ولكادر طبي ...من لكلمها ضرب علي لفلون بقوة وهو يصيح

_ يافا يافا علاه هكا ربي يهديك باش تقتل بوك ..وينك يافا وينك ...

ملي وصل يلقي عمتو تستني في باب لكلينيك ...هداتهم وبقاو يجرو بيه لبيت لمعاينة ...نرهان تبكي ومكبشة في شريول ...يدها في يد صدام ...قبل مايدخلوه ..بقات تقول صدام ارجعلي معنديش حد غيرك كون قوي ...غالي شدها يهدي فيها طاطا عم صدام قوي اكيد باش يفيق لباس متخافش

_ غالي صدام مريض هدتو يافا تهد صيد تخاف منو رجال جات هيا طيحتلو راسو في لغرم ..حسيبها لعالي قداه كرهتها

_ يزي من فضلك شنوة لتقول فيه عوض راك تدعي راجلك باش يفيق

_ كلو منها لتو دافع عليها غالي يافا أفعي سامة شوف شعملت فينا لكل فرقتنا ...ومزال باش يصير فينا أكثر منهكا مزال ...

موش حامل يسمع كلام خايب في حق يافتو مهما عملت تبقي صغرونتو ...يعرف نرهان كيفاه تكرها يعرف شعانت يافا منها...بعد عليها وقعد فوق كرسي وعلي لسانو كان دعاء باش صدام يخرج لباس ...

****

شدلها يدها يبوس فيها عينيه مرغرة دموع قلبو واجعو يشوف في وجها ذابل هكا ...الألم لباين علي تقاسيم وجها وهيا تكابر يعرف قوتها يعرف يافتو عمرها ماتخضع ومتتهد لمرض يعرفها تكابر موش حبا تبين ضعفها لحد ......لتوا في عادتها لتوا متبدلتش صنعتها أما شنوة لحل خليه مساندها حتي وهيا تكابر وصدا أي معاونة منو ممكن تتصورها شفقة ولا واجب ناحيتها ..

جبد كابوطها لبسهولها وباسها علي جبينها ...

_ حبيتي نروحو

_ نروحو أياد سامحني تعبتك

_ متقولش ها لكلام هاي سارة طمنتنا وشوفت طبة شاقلو لحكاية ساهلة غير انت ترضي

_ أياد حكينا فيه الموضوع منحبش نعاودو توا موش وقت باش نعمل لعملية توا خليني نكمل تراتمون هذا مدام لورم موش باقي يتقدم ومسيطرين عليه

_ قلي علاه يافا قلي

_ أياد تاعبة كيف نروحو نقلك روح بيا نكره ريحة دواء وسبيطارات روح بيا لفرشي نحب نرقد

_ شدها من يدها بقا يددش بيها شوي شوي يدهم زوز مكابشين في بعضهم ...أياد مخو هايم سارح ...مخو لكل مع مرتو عشيرت عمرو خايف عليها من خباثة مرض ينهك الجسم والروح والعقل ...مرض خبيث كخباثة شيطان يضعف روح والبدن ...ويبلي الأيمان فيه من شدة لخوف ...

يسمع في يافا تقول غالي وتجبد في يدها منو يشوف فيها منين كانت فاشلة ودايخة تقوات علي بدنها ومشات تمشي بخطي فيها برشا قوة باش تتقوي علي ضعف بدنها ...حب لام وخوفها علي ضناها خليها تنسي مرضها قربتلو مفجوعة ..غالي شتعمل هوني

_ أمي (بقا مستغرب شتعمل أمو وبوه لجاي وراها ..وقفلها ) امي لباس متتفجعش

_ شبيك علا ش جيت لكلينيك  شنوة يوجع فيك يابابا قلي شدتلو يدو بيد ويد لخرا فوق خدو تتحس في سخانة طلعتلو

_ شدلها كفة يدها وباسها ...وراس أمي لباس جيت مع عم صدام مريض شوي

_ شبيه صدام بقا أياد يخزر لنرهان لكانت قاعد في أخر لكلوار ومركزوش معاها

_ جاتو جلطة خفيفة متخافوش

_ (أياد حط وجهو بين كفوا ونفخ بوجيعة علي عشير عمرو ...يافا رجتها دوخة شدها غالي وحطها فوق لكرسي) اهدي أمي صدقني لباس خرجت لفرملية توا هدتنا

_ ياناري عليه صدام لحظ لعندو مسكين يارب تقومو سالم

_ لباس امي لباس بابا أيجا أقعد أدعولو توا يرتاح ..

أن شاء الله غالي تعرف غلاوة صدام عندي هو خويا لعطتهولي دنيا ولخدمة ...

_ ساعة وزوز تعدو وهوما وجوهم لكل علي لباب يستنو في طبة يخرجو يطمنوهم ..يشوفو في طبيب خارج وسارة وراه ...وقفو لكل يطمنو عليه ..

_ دكتور راجلي لباس

_ لباس سيطرنا علي لوضع جلطة خفيفة وحمدللة جبتوه فيسع

_ حمدلله ياربي بقات نرهان تبكي جبدتها يافا حملتها ..متخافش نرهان لباس صدام قوي هاو تعداها

_ حمدلله (جبدت نرهان روحها من يافا وعوجت فمها بقات تمتم في قلبها ...أكيد متشمتة فيها خزرتلها خزرة كره وبغض ومشات قعدت بعيد عليهم ) أياد صدقني لباس صدام ليوم باش يبقي في لكوما ...ممنوع تقابلوه ليلة يفيق وانا هاني موش مروحة هز يافا تاعبة وموش حمل وقفة

_ علاش شبيها امي (وقت لسمع عمتو تقول لبوه هككا قلبو نقزو قرب لسارة يسئل فيها مشغشب ..وزيد تفكر الي هيا موجودة هوني في لكلينيك ونسي باش يقلهم فاش تعملو لكلهم تلعثمو كان صوت يافا لخرج قوي كيف عادتها ...) لباس ياروحي متتفجعش

_ علا ش جيت لعمتي انت وبابا شبيك امي شنوة ليوجع فيك متفجعنيش

_ وراس ولدي لباس شوي تعب قاتلي عمتك أرهاق لا اكثر لا أقل

_ بالحق عمتي

_ وراسك ياروح عمتك (شدتو من خدو )..هز امك وبوك وبرا روح مفما شئ

_ باهي عمتي متغفلش علي تلفون وين نطلبك طمني علي عم صدام

_ تهني غالي ...

_ روح بأمو في كرهبتو وخلا بوه وحدو ...طريق كامل شدلها يدها وهو يسوق ...

يافا مكبشة في يدو خايفة لا تتحرم منو ومن اخوتو ..تحب تفرح بيهم تحب تراهم معرسين وبصغارهم تحب تفرح بيهم كيف أي ا م اما ظاهر موش مطولة هكا كانت تقول قلبها كان يردك بقوة ..دمعتها محصورة علي أطرف شفرتها .. تحب تجبدو تحملو ودخلوفي وسطها تحب تقولو راك بكري وسندي راني نتوجع ...تحب تقولو نحب نرا صغارك ونشطح في عرسك ونزغرد ...ألف حلمة وحلمة تعدت قدام عينيها ..تفكرت أيام الماضي تفكرت صغرهم ولادها كبست علي يدو من غير ماتشعر بقا يخزرلها ...أمي لباس

_ لباس غالي ربي يحميك يابابا ولا يحرمني من طلتك

_ أمين امي وربي يحميك ليا أحلي أم في دنيا ...

حلقة16

أم يافا

ليلة كامل لا رقد لاتهني كل شوي يطلع يطمان عليها ..قلبو ماقايلو خير حاسسها مريضة وبيها حاجة وتكابر كيف عادتها...كل شوي كان يطلب عمتو يطمان علي صدام ...للي طلع صباح مرقد كان لفجاري ..هزو نوم مفاق كان علي صوت تلفون ..هزو وعينيه مغمضة بقا يقول ألو ..ميسمع كان في صوت نفس قوي كان راقد وقف هز لغطا ونقز بحرارة روح ...من غير مايسمع صوتها من غير ماتتكلم ولاحتي يعرف رقمها عرفها من طريقة نفسها ..صوتو خرج يفغم من لخوف ولوجيعة ولفرحة يافا نعرف لي انت قول وينك انت انطق يافا كلمني

_ كان يسمع كان في صوت نهجان حاسسها تبكي قلبو وجعو صوتو علي بقوة يافا شنوة لصايرلك امانك حبيبي قلي وينك نجيك في اخر دنيا يافا أرجع ومسامحك علي اي حاجة عملتها يافا كلمني

_ كان باش يكمل يحكي يسمع في صوت تلفون كيف بقا يقول (تن..تن..تن..تن..) لا يافا لا كلمني أمان يافا ضرب جراية بقوة بيديه جبد لفاست متاعو ومفاتح لكرهبة وهبط يجري .بشلاكة دار ...أياد ويافا وقمر كانو قاعدين يفطرو يشوفو فيه من بعيد يجري ودخل لكرهبتو أياد وقف مفجوع حب ينادي عليه مسمعوش

_ شبيه غالي أياد (يافا كانت مفجوعة عليه)

_ منعرفش يافا ارجعو أفطرو أكيد راهي خدمة ....

وصل لمقر ***لقا بدر يستني فيه

_ غالي لباش نعملوه غير قانوني

_ فكني من سما لقانون توا لولاد لكل خدمهوم ألف خدمة وقت يرجعوها

_ باهي غالي اهدي وراس خويا هاني هوني كل شئ يتعمل كيف متحب

_ يستني في لعون لباقي يحدد في مكان لاتصال عينيه لكل علي شاشة يخزر لردار *** بقا يبلع في ريقو ثواني حسهم ساعات ...

لمكالمة صارت من ليبيا تحديدا في ****

خرج يزرب لحق عليه بدر غالي قلي شنوة باش تعمل

_ باش نمشي نجيبها بدر

_ هبلت انت اكيد

_ علاش هبلت يافا كلمتني وهيا تنهج يعني يافا في خطر قلبي حاسسني

_ باش تمشي للموت غالي تعرف لصاير في ليبيا

_ لموت أهون من أنو نبقي نستني فيها ترجع يافا لمرا لعشقتها ...تعرف شمعناها حتي لو غلطت نرجعها نرابها انا نقتلها انا ولانخلي حد يلمسها ..

ولعمل غالي

_ بدر باش نكلم شكون عندو علاقة بمرتزقة جيش ليبي هوما لينجمو يعاونوني وكل شئ بثمنو ...وهوما هذي خدمتهم

_ معاك غالي

_ لا بدر خليك عم زكرياء لو تصيرلك حاجة يموت

_ لموت معاك مستحيل بابا يعارضو غالي ..

_ ضربو كف بيد صاحبو ...في ساعة كانت طيارة خاصة تستني فيهم والهدف أرجاع أمرأة أتهمت بأكبرة تهمة تتوجة لعسكري خيانةدولية وأرهابية وهابية تهدد أمن لبلد .

.

الحلقة17

أم يافا

أحببتك لأنك كنت الوحيد الذي أستطيع أن أتحدث معه عن ثقب جواربي الصغير لساعة كاملة و أنت في كامل إنتباهك ..!

.

أحببتك لأنك كنت الوحيد الذي تمنيت لو تعرف أين أسكن وماذا أشتهي و كيف هي حياتي …! 

.

أحببتك لأنك كنت الوحيد الذي يُفرق بين نبرة صوتي حين أكون حزينه وحين أكون سعيدة ..! 

.

أحببتك وأنت تكبرني  لأنك كنت الوحيد الذي خاطب عقلي قبل سني ..!

.

أحببتك لأنك كنت الوحيد الذي وثق بي قبل أن أعطيه الأمان و أحبني قبل أن أأذن له ..!

.

أحببتك لأنك كنت الوحيد الذي نظر لعيناي وخاطب قلبي ..!

.

أحببتك لأنك كنت الوحيد الذي بكيت له و أشتكيتُ له ..! 

.

أحببتك لأنك الوحيد الذي لم أخف معه وكأنكَ أحد محارمي ..!

.

أحببتك لأنك كنت الوحيد الذي أحببت 

تفرك في يدها قلبا يدق بقوة وجها لكل عارق خوف وقشعريرة من ليستني فيها في فمها كان ذكر رحمان ودعاء وتشهد تعرف الي ليلة قدرها لموت أونجاة والانتصار في اخذ ثأر.تسمع في صوت لكرتوش لباقي يضرب معلن علي فرحة دف يضرب صوت ساقين باقي يقرب عينيها ترمش بقوة قلبها يغفق مع كل دعوة يدعو فيها "الاخوة"والمناصرين"ليه دعاء الهناءو البنون قامت ورجعت قعدت غمضت عينيها ودوب مهزت روب من شيرة صدرها بقات تخزر "لسرنق" لفيه هبطت يدها لوين فخضها لقات سكاكن حاضرين توكلت علي ربي وهيا تشوف في لباب باقي يتحل ريحت عطرو سبقتو صوت وهو يقول "سلام عليكم ورحمة الله وبركاته.."بث فيها رعب لمتاكدة منو انو أقوي منها ومدرب أكثر منها ليوم هيا قدام بركان ياتطفيه يايشعلها ...

عينيه كلاتها وعراتها كانت متغطية بالبرنس الأبيض . بكلها يشوف كان في شعرها علي كتافها وجها لينور خرج لسانو عداه علي شفايفو من لفرحة وشهوة ليلة ليلتو باش يتفرهد في جسد عذراء قربلها مع كل خطوة  قلبها يعزق ...وقف قدامها حط يدو علي راسها وبقا يدعي "اللهم أني أسألك خيرها وخير ماجبلتها علي وأعوذ بك من شرها وشر ماجبلتها علي"

بقات تمتم من لخوف يدو حستها لكلها شوك فوق شعرها غمضت عينيها تفكرت غاليها تفكرت لمستو لحنينة يدو لتعشق شعرها وتلعب بخصلاتو شفايفو ليقبلو راسها بمعزة خشمو ليبقي يعدي فيه ويجيب يشم في ريحتو لبنينة نزلت دمعة من عينيها ...هذا قدرها ولزم تتقبلو هيا ختارت ثأر علي لحب اختارت ترمي قلبها وتعفس عليه من حق امها عليها تريحها في قبرها وجا لوقت ...يدو نحت لبرنس ومد يدو لشعرها غلغل صوابعو فيهم وجبدها قبلها في جبينها صدرها تهز وتحط جبدت روحها منو وتكلمت بصوت معبي خوف ...أبو أسحاق خلينا شوي

_ خايفة يافا (بقا مركز معاها وجها احمر مغصور )

_ شوي انت تعرف منعرفوش بعضنا علي هكا حاشمة

_ أممم فهمتك متخافش مني راجلك راني قربلها وجبدها من يدها نحالها لبرنس طاح علي الارض بقات في روب بروتال ..عينيه ترشقت علي صدرها عض شفتو وتكلم بصوت مهجرش متخافش يافا سويعة وتنسي كل شئ وتدخل لعالم جنتي ونعيشك ملكة جبدها من يدها حط خشمو في رقبتها يعدي ويجيب كان يتنفس بقوة ريحتها هبلتو وزطلتو خلاتو يعدي يدوا علي كامل بدنها لكان يرقل من الاشمئزاز غمضت عينيها وجبدت روحها دارت باش يحللها روب يدها جبدت "سيرنق "...حط شفايفو في رقبتها جا يحل في روب ...دارتلو وتكلمت بصوت لكل دلال ...

_تعرف اللي أنت تعجبني برشا

_ وباش نزيد نعجبك أكثر متاكد جبدها جا باش يبوسها في شفايفها ...دوب مشفايفو تحط فوق شفايفها وحاجة حارة تغرست في كتافو تقول سم ...بعد يتأوه جا باش يصيح تجبدو من رقبتو وتعطيه بركبة في خشمو جا لكل دم .

طاح علي الارض يخزرلها كيفاه جبدت زوز سكاكن جات باش تغرس وحدا فيهم في قلبو يضربها برجل في كرشها ..جات طايحة قرص علي لمنقلة لفي يدو بعد محس بروحو باش يموت كان عارف اللي سم لتزرع فيه

يوشف فيها تحبو وقربت شدتلو رقبتو تتكلم بصوت لكلو كره وغل

_ موت لجهنم وبئس لمصير ريتو سم لغرستوه في بلادي غرستو فيك وقلبك باش نخرجو وناكلو يامجرم هذا طار غزلان تتفكرها أنا بنتها بنتها يافا وجبدت سكينا غرستها في قلبو للي أن بقوة وبقي يتفرفط بقات تتبسم من لفرحة اما فرحتها مدامتش  ثواني ..تسمع في لباب يدق بقوة قلبها عزق تشوف في لباب باقي يتخلع  هزت لبستولي لكان بجنبو ومشات تحل في شباك لبلكون مع تخبيتها ورا لحيط لكرتوش ضرب بقوة لكلهم يصيحو باش يقتلوا عرفتها نهاتيها لبلاصة لكلها مسركلة بجنود اما هيا جندي ومستحيل تسلم لاخر نفس فيها ...

حلقة18

يافا

جنتني انت يافا  أن أرزق بيك بعملي وصبري أو أعيش في جهنمي وجبني

لكلو بلكحل حتي وجهو "بالكاقول "بدنو لكل خزنات وفرودة ليوم يايرجعها يايموت في سبيلها يافا موطنو ومن حقو يحررها ...بدر ومجموعة من لمرتزقة *** ليخدمو في ليبيا كانو في أنتضارو ملي وصلتو طيارة  لخاصة لقا لكراهب تستني فيه مع كل وين يقرب يحس بفوران في داخلو مايسمع كان في صوت الناس لمدسوسة في جنود دولة يخدمو لكلا الطرفين لكلو من أجل لمال ولا شئ غير لمال ...أول موصل لمنطقة لتحددت من قبل لمجموعة لمعاه كان يشوف في صوت لكرتوش ومظاهر لفرحة بقي مستغرب سئل لمعاه قالو الي الامير ليلة زواجو وهذا باش يسهلنا مؤموريتنا ...واحد من لمعاه تكلم وسئل باش يعرف في انا بيت تسكن يافا كان غالي يشوف في وجهو كيفاه تبدل مع لون شمس لبقيا تغرب ...

_ شفمة

_ ليلة زواج يافا لجاي علي خاطرها سي غالي

_ شنوةاكيد تفدلك مستحيل

_ تكلم بدر مستغرب ياخي موش من فترة خرجت في لفيديو علي أساس زوجة ابو حفصة   ولا أنا غالط

_ لزم ننقذها فورا بدر جا باش يقدم شدو بدر متخطرش بروحك يظهرلي جاينا غالط غالي مدام بقيا تعمل هكا يافا باعت روحها للمنظمة هذي

_ حتي لو باعت روحها من حقي نرجعها لبلادها وتتحاسب غادي فهمت بدر ...وخزر لرجال لمعاه باش ترجعوها معايا ولزم تخرج حية ونضعفلكم لمبلغ لمطلوب

_ معا ك سي غالي

جا با ينقز يسمع في صوت لكرتوش كلا بعضو قلبو عزق بقوة ...جبد سلاحو وقرب يزرب يشوف في لجنود لكل مسركلين لبلاصة ويصوبو علي بلكون  وكان كلامهم موش مفهوم خزر لبدر لكان موش وضحلو بالباهي يضهرلي فما حكاية كبيرة شنوة لحل

_ منعرفش صوت لمرتزق لمعاه لكان يجري ويتكلم بصوت شبيه بالهمس يافا قتلت الامير سي غالي هوما ليصوبو عليها باش يقتلوها

_ شنوة (تكلم بصوت لكلو خوف .)

توا خبروني وقالولي فما لداخل10  ولوطا20 شخص واحنا كان 6برك باش يغلبونا

_ لموت اهون من خلي يافا تحت مطر من لكرتوش وجبد رشاشة وبدا يصوب علي جنود لكانو يضربو علي لبلكون ...6 رشاشات كانت تضرب بكل قوة في 20 جندي موش عارفين منين جاي وابل رصاص لصوتو يدوي في أرجاء لقرية ...

شدا جنبها لتضرب برصاصة وكل مرة تخرج يدها تضرب صوت رصاص لمكنتش تعرف منين هابط صوات صياح لكان تحتها خلاها تخاف لموت قرب لوجيعة قوات رصاصة خترقت لكتف ...هزت راسها لسماء ..امي باش نجيك خذيتلك طارك ساي تحكي وتنهج ...صوت ساقين قرب ليها غمضت عينيها وتعكزت علي لحيط حضرت سلاح لمزال فيه 3 رصاصات لزم تقتل بيهم 3 أشخاص قبل متودع دنيا .خرجت من ورا لباب جات كف وغرزة هيا ومجرم حرب رصاصة جات في راسو علي لفور رجعت تخبت تخزر لبيت لكان فاضيا من لجنود الا لبعض لمتحامين ورا لباب رجعت تنهج مزالو زوز رصاصات تكلمت بصوت برغم لهو ا ظاهر ضعيف اما معبي قوة ...ياجبناء لو تتخيلو باش تغلبوني تكونو تحلمو انا يافا تونسية رمز لعزة وانتم جبناء سيذكركم تاريخ علي أنكم شرذمة قتلت شعوب بمسمي الدين ...الله اكبر من افعالكم والله برئ منكم ...وتخرج من ورا لباب تصوب سلاحها في قلب جندي اخر كرتوشة خترقت بطنها وكرتوشة اخري خترقت كتفها أخر كرتوشة كانت في الهوا طاحت معاها ...والبسمة مرسومة فوق شفايفها ..وشهادة في لسانها ...

**

كان يجري في لكلوار مكنش مصدق لسمعو بعد مغم علي راسو ورقد كيف سمع رصاص وخرج وقالول الي يافا قتلت لأمير مصدقش مكنش متوقعها بالغباء هذا مكنش متصور تنفذ ليوم هز سلاحو وطلع يجري لقا جنود راجعين يجرو لوين ضرب وجهو تخطف وهو يسئل فيهم عليها ...قالولو ماتت ولزم تهبط معانا فما هجوم لوطا كلمة كيف صاعقة نزلت عليه

حلقة19

يافا

من أول  نظرة أحسست أني قريب من موطني واني لم اعد مغترب "

مكنش مركز معاهم ...قدم بخطي رزينة لبيت قلبو يدق بقوة بعد مفرح بشوفتها بعد محتلت مكانة في قلبو موش عارف حتي شنوة سببها تتقتل في ها لفترة لقصيرة ..قرب ولكل يرقل سلاح في يدو موش قادر يحملو وقت لدخل لبيت ... يشوف في جندي جبد سلاحو وخرج منو سكين كان باش يغرسها في قلبها ميعرفش كيفاه جبد سلاح وضربو في راسو من تالي جا فوق يافا لوقت لطاح فوقها أنُت بقوة وحركت بدنها قرب يجري جبد جثة من فوقها شاف صدرها تهز وتحط تحب تتنفس تكلم وهو يرقل

_ يافا مزلت حية(حس بروحو رجعتلو)

_ كان يسمع كان في انينها حمل عليها بدمها ليقطر خرج يجري نسي خدمتو وظيفتو ولخطر لممكن يصبو في جرتها ..لزم يهزها للعيادة لزم ينقذها صوت لكرتوش كلا بعضو بدنو لكل يرقل يشوف في دم خارج من كرشها تكلم بصوت معبي خوف

_ يافا كون قوي خليك  فايقة باش تعيش أوعدني متموتش أوعدني مكنتش تسمع في شئ غير أوعدني صوتو بعيد تقول في قعر بير دوامة تجبد فيها بقات تتقوي علي بدنها ووجيعتها كان يحب يخرج من لباب تالاني لزم يهزها للعيادة لكانت تبعد أكثر من  100 ميترو لبلاصة فارغة وصوت رصاصة من شيرة لخرا خرج يجري بيها صوت قوي وهو يقلو احبس خلاه يقف وهو مغمض عينيه دار يشوف في واحد ملثم باقي يقرب

_ وقت لدار هو وبدر من ورا لبنية وخلا رجال لمعاه يضربو وحدهم تسرسب باش يطلع ينقذها اول مدار لمح خيال هزز مرا في يدو حبسو وقربلو وقت لدار وشاف وجها وروبتها لبكلها دم قلبو عزق بقوة نطق بحرارة روح يافا

مراد طمن شوي كيف سمعو قال يافا

_ انت تعرفها

_ طيح سلاح من يدو وجبدها من عندو لكل يرقل نحا لكاقول عينيه تعبت بدموع بقي يخرج في اسمها وهو ينهج من لكبت ولوجيعة يافا لا حبيتي لا متموتش هاني جيت غالي جا باش ينقذك يافا قوم

_ مسيو يعيشك لزم ننقذها انا طبيب لعيادة هوني قريبة لزم ننقذوها مزالت حية

_ جبد يافا منو .. فيسع لزم نمشو   بدر قومو وبقا يجبد فيه وراه وهو يتكلم غالي فيق يعيشك موش وقت ضعف مزالت حية لزم ننقذوها ..

وقت لدخل للعيادة  كانت مجهزة بغرفة عمليات مطورة ..كان لكلو يرقل متاكد لنص ساعة اخري يوصل دعم للمنطقة لهوما فيها في يدو ربع ساعة  لزم يخرج لكرتوش لفي بدنها ومن بعد يهربها ...

ركبلها لأللات لكل في بدنها بنجها ..وجبد لبول متاع دم لسئل عليه غالي قبل مايدخل دقائق في يدو لوقت كسيف لزم يغلبو في دقائق بدات لعملية .بقا يناحي في لكرتوش حتي لو متاكد للممكن تكون فما خطورة اما لزم ينقذها لزم يحاول ويسعي لزم يوظف لقراه باش ينقذها ...

قاعد علي الأرض عينيه مسوهمة دمها لتوا في يدو بدنها مخرب بالكرتوش مستخيل تعيش هكا قالو قلبو لكان يبكي دم حاسس روحو تخنق كيفاه باش يعيش من غير يافا كيفاه باش يتنفس ويرتاح وهيا هكا باش تموت وتخليني يابدر يافتي باش تموت

_ كان يخزرلو غايضوا حالو وجعو برشا كان لزم ينفذ لقالو عليه الطبيب لزم طيارة تجي بعد ربع ساعة باش تنقلهم من هوني لانو دعم باش يوصل ..طلب لمعاه وقالهم علي بلاصتهم وطلب منهم مروحية عسكرية لنقل مريض

ربع ساعة كانت كفيلة باش نحي زوز رصاصات ونظف جرح وعقمو ورجع خيطو خلا رصاصة جنبها لانو يعرف مافيهاش خطر كبير ...دقات قلبها عمال وتضعاف سكر أخر غرزة تنفس بقوة وبدا في رصاصة لفي كتفها كانت داخلة لداخل برشا بقا يعض علي شفتو لعرق ينز عليه لزم تخرج دم باقي يخرج بقوة خاف ليكون لعروق تفلقو ولا شراين ليدفقو في دم تنفس وبسمل لزم يخاطر غرس لبنقل وعرضلو بانقل أخر باش تخرج بشكل أفقي ومتمسش أي شريان ويتسبب في كارثة في غنا عنها تنفس وقت لخرجت رماها في صفحة لقدامو ورجع يلحم في شارين لخترقتهم رصاصة في بعضهم صوت لباب لدق وترو بدر كان يعلم فيه الي طيارة وصلت تنفس بقوة لو باش تخرج وجرحها محلول هكا كارثة ليها لزم حل يخلي بدنها ميلتقطش اي جرثومة خارجية ويتعفن ولا تفقد اكثر دم جبد برشا بوندقاز وكومبراس عباهم بالبينسلين وحشاهم في جرحها صاح باش يدخلو يخرجوها ولزم الالات تكون لاصقة فيها تحطت لالات في جنبها وبين فخضها باش مطيحش بقا شادد علي جرحها وهوما يجروا فيها للهيلكوبتر ...ركبو لكل دقائق ورجع يكمل في مهمتو ...غالي كان يشوف فيها كيفاه لكل مخيطة بدنها لكل دم دموعو بقات تتقاطر علي حالاتها ..وعلي لصارلها وعلاه عملت بروحها هكا

سؤال خلا يحير ويضيع اكثر من ضياع الالم لفي داخلو ...

..

حلقة20

يافا

قلب الام يسع كل دنيا وحبها لفلذة اكبدها أكبر من اي شئ اخر

من صباح  ولتوا مروحش متقلقا عليه برشا زعمة شبيه شنوة لصايرلو خايفة عليه موش مطمنة عملت اتصالتها لكل وملقاتوش حتي بدر غايب معاه عاودت  تتصل بشكون باش يحددلها بلاصتو وين ربع ساعة وعاود كلمها وقت لقالها الي هو خذا طيارة خاصة ليبيا مصدقتش طاح تلفون من يدها ...تنهج من رعب ولخوف من لكلام لتقال في تلفون لا غالي مستحيل ترمي روحك في نار لا خرجت تجري من بيتها عرضها اياد طالع

شبيك يافا شفما

غالي مشا غالي ولدي باش يموت رما رحو في هافوف كبير مافيشو رجعة

_ شبيه غالي (قلبو تخلع )

_ مشاليبيا ولدي اياد رجعولي ولدي خرجو من غادي مستحيل لمرتزقة تسلمو ولادولة يافا خرجت في مهمة وصحت علي موتها علاش يرمي روحو فيها علاش

شكون قالك يافا مستحيل غالي يكون بها الغباء هذا مستحيل

_ غبي علي خاطر قلبو يسير فيه مسحت دموعها لزم نمشي نجيبو لزم نرجع ولدي قبل مايقتلوه

_ ريض يافا وين مشايا خليني توا نتصرف

_ رجعت معاه لبيروه تشوف فيه يعمل في اتصاللاتو لخبر ملزمش ينتشر لزم رحلة لتسجلت بأسم غالي تتمحي لزم غالي يبان الي هو مزال هوني ويخدم مع سريتو ندي لشهاب بعد معلق تلفون بقا يصيح باش يجي وقف قدامو

_ شهاب توا تمشي لبيرو خوك باش تقوم بعملية في سريتو علي اساس انت لزم تبان اللي انت غالي فهمت

_ مفهمتكش بابا شتحب تقول

_لسمعتو شهاب من غير متسئل باش تلقي لفريق متاعي هوما لباش ينفذو كل شي  وعلي اساس انت خرجت معاهم دورية فهمت

_ بابا انا مانيش من لمؤسسة لعسكرية وهذا اختراق للقانون

_ القانون لزم تخترقو في بعض الاحيان باش يستمر امن لبلاد خوك اخترق حدود دولة وقام بحرب فيها وهو جندي تعرف شمعناها معناها غالي طول راسو للقص انت تعرف لجندي ممنوع خرجوا برا لبلاد الا باذن وزاري ممنوع في القانون دولي تخرج منو رصاصة من سلاحو ولوخرجت تعتبر حرب من جندي يمثل دولة  

_ تكلمت يافا وهيا تغلي شوف شهاب والله ولخلق الارض متعملش لقال عليه بوك وتنقذ خوك لا تعتبرني امك لا نرضي عليك

_ باهي امي اعمل وكثرو لكل علي خاطرك بابا ارموني في لهلاك علي خاطر ولدكم لمتهور باش ينقذ مرا خاينة يحل كارثة علينا

_ تحرك شهاب

_ شهاب تكلم اياد غالي خوك من لحمك ودمك في يوم زكرياء وريان فدوني برواحهم وامك شاهدة لكل في سبيل باش نعيش وانتم عندك كان غالي لمتأكد لو تتمس بشوكة يقلب دنيا عليك متخليش خوك في لمشاكل

_ حاضر بابا ..وخرج يزرب مهما يكون مغلغل عليه يبقي خوه دمو وهو يعرف لقانون دولي في اختراق جندي يمثل مؤسسة نظامهم كارثة لمؤسسة وممكن تصير عداوة ...ملي وصل لبس زي لعسكري لبس لقاكول وعمل لكاسك خلا كان عيونو تبان خرج معاهم في مهمة فقط لتغطية علي فعل عاشق متهور مقراش لعواقب ولمشاكل لممكن يتحط فيها

حلقة21

يافا

أن تعشق وتحب شخصا بروحك وعقلك ..ويصبح مثل لوريد وشريان لا ينفصلان ..مثل دم يسري في لبدن يروي روح ويشفي من كل هم نضرة ولمسة منه ..تزيح ألف وجع شخص تعشقه لدرجة هلاك روحك ولاتبالي بكل ألم حتي لو أظطرك لأمر أن تخسر كل دنيا من اجل ذاك لعشق

***

يدها تمدت تلوج علي تلفون حلت لفايوز وقامت تشوف في تلفون لصوني من ساعة  عينيها معبين نوم تحل فيهم بصيف ...أول مقالت ألو تخضت وهيا تسمع في صوت غالي

_عمتي نلقاك في لكلينيك بعد نص ساعة نحب غرفة لعمليات تكون حاضرة ويكون معاك أكيب تثق فيهم ....وعلق

_ قامت مفجوعة تطلب في غالي معاودش هز بقات تقوم في رضوان ...

_ شبيك سارة لباس

_ منعرفش رضوان كلمني توا غالي قالي نلقاك في لكلينيك لزم نمشي ندري شصاير

_ خير ان شاء الله اهدي حبيبي مفمي شئ

زعمة أخوتي لباس ياربي غالي شبيه مايهزش

_ ألبس دبشك توا نوصلك انا وفي طريق نعرفو

***

يدو مكبشة في صوابعها عينيه معبين دموع محصورة يسمع في مراد كيفاه مربوث ويصيح باش يوصل فيسع . لسانو فيه كان ترجي من رحمان باش يخذ من عمرو ويعطيها يخليها حتي جهامة تتنفس لمهم يلمسها يحظنها ويشم ريحتها ...قلبو كان يدق بقوة وقت لأعلن القبطان علي نزولهم تنفس بقوة بدنو لكل يخض ...لوقت هو لكفيل باش يرجعها بش تعيش يافتو وتتنفس قدامو وتحكي تصيح تغير تحجملو لحيتو تفرفشلو شعرو تلعب معاه تدلل عليه وتتغنج ...دنيا وقفت وزمن وقف معاها وروح قررت لو يافتو تصيرلها حاجة لموت هو لحل باش ينسي ويعيش معاها حتي في قبر لمهم بدونتهم مايفرقها شئ

**

ملي كلمت أياد وقالها يافا هيا لتصوبت اكيد وحكالها شصار بقات تستني بعد ما يافا وأياد لحقوا عليها لكلهم يستنو من لباب لخلفي متع لكلينيك ملزمش حد يعرف بدخولها للمصحة أياد تلفون في يدو كل مرة يحكي مع شخص باش يتمحي من سجل ردار دخول طائرة من لحدود ليبية ...

لكلهم عينيهم علي لباب أول ملمحو كرهبة داخلة عرضوهم يشوفو في غالي لكلو بدم يافا قربت تجري مفجوعة عليه تخيلتو تصاوب تلمس فيه متهنت كان وقت لقالها

أمي انا لباس أما روحي هيا لموش لباس بعد عليها وشد يد عمتو

_عمتي رجعلي يافا خوذ من بدني من روحي لمهم ترجعلي

_ باهي غالي لباس متخافش ..تحكي وتجري ورا لممرضين مراد كان يحكي مع سارة ويفهم فيها في لوضع بظبط باش يكون تحت سيطرة

***

يسمع في صياح امو لمشوية ساكت منجمش ينطق حتي حرف وشنوة باش يقول لام مكوية شنوة لباش يحكي وشنوة باش يبرر

علاش غالي طول عمري نقول غالي عاقل رزين يعرف يتصرف ترمي روحك في لهلاك لواه هذا لكل

_ امي نسيا شكون يافا

_ مانيش ناسيا شكون اما يافا ختارت تمشي ختارت لانتقام وتكبر ختارت ثنية لغالطة تحب تبعها

_ كنت لزم ننقذها كنت لزم نحميها

_ وشكون باش يحميك اه باش تقتلني باش تجلطني تعرف لو لمؤسسة متاعك سمعت لصار ليلة مشينا فيها لكل لواه ياغالي تتخيل لمرتزقة باش يسيبو يافا يافا مشات وانتهت

_ وانت منين ليك يافا دخلت لمرتزقة سؤال دخل يافا الام بعضها بقات تبلع في ريقها

_ متقوليش في بالك امي

_ لا مافي باليش

_ أمي رودبالك تخبي متقوليش كنت تعرف الي يافا دخلت لمرتزقة ومقلتش قول امي

_ والله منعرف كن من ايام وبصدفة عرفت

_ وعلاش مقتل ش امي علاش

_ كيفاه باش نقول لمهمة هذي سرية بعض الاطراف لسمعين بيها ومفما حد يعرفها وحتي لو تتشد يافا معندهاش لحق تقول راني في مهمة وحتي لو كنت نعرف تتخيل باش نقلك ...عجبك لصارلك هكا

_ لانك امي موش باش نحاسبك اما فما حديث من بعد جا خارج من لبيت شدتو من يدو .. شوف غالي ولخلق دنيا ودين متبعدش علي يافا لاني امك لانعرفك

_ شنوة شتحكي امي شبقيا تقول

_ لسمعتو ويظهرلي كلامي واضح يافا ساي توسخت وقربها باش يضرنا ولمرتزقة مايتعلبش معاهم ميعرفو كان لموت موش مستعد نخسرك ولاحتي نشوف  شوكة دقك

_ وانا علي خاطر يافا مستعد نموت الف موتة

_ غالي ولدي يعيشك امك راني

_ امي علي راسي وعيني اما يافا هيا حياتي كيف ما أنتي الاف لمرات ضحيت علي خاطر بابا وحبك انا زادة حبي مستحيل نضحي بيه وخرج وخلاها لصقت علي لحيط تبكي غالي لا ياربي لاتشويني فيه ياربي خوذني عندك ولاتذوقني وجيعة فيه بقات متكية علي لحيط من لواجايع لفي بدنها من ساعات واقفة وحيرة وعصب خلا بدنها يتعب اكثر .

**

ليلة كاملة حط جبينو علي لبلار يخزرلها بدنها لكل مكينات مهدي وطمن كان وقت لعمتو قالت مفماش خطر نسا باش يسئل مراد ويعرف شكونو نسي دارهم ودنيتو لكل كل همو في يافتو تفيق وتحل عينيها وتسمع صوتو

حلقة22

يافا

كانت مبهورة بلي خدمة لخدمها منبهرة أشد لانبهار وقت لدخلت لغرفة لعمليات كانت تتخيل باش تناحي رصاص لقاتهم منحين ولغريب كيف قالها في نص ساعة تم لأامر بقات تحي فيه تحية طبيب لطبيب فخور بعمل زميل

قاعد قدامها في بيروها يشرب في قهوة بعثت جبولو تيني متاع لكلينيك علي اقل يناحي حوايج لموسخين بدم

انت طبيب

_ ايه طبيب عسكري

(توا فهمت تقنيات لكان يستعملها في اجراء لعملية وسرعة )كنت عارفة ألي انت موش طبيب عادي لحقيقة وقت لريت لجروح تصورت عملية في ساعات

_ انت تعرف الي الاطباء لعسكرين ندربو تدريب خاص علي ها لعمليات وتعامل بسرعة في مواقف الحرجة بأقل تقنيات

_ نعرف بابا كان طبيب عسكري  الله يرحمو

_ تشرفنا .انا توا سلمت يافا لزم نرجع

_ انت من هوني بقات سارة تسئل فيه مستغربة

_ أصلي تونسي ايه

_ فهمتك تشرفنا خليك قاعد

_ لا لزم نمشي يعيشك سلام

**

وقت لخرج تقابل هو وغالي كف و غرزة قدملو غالي يزرب شدو من يدو خلينا نحكو

_ معنا علاش نحكو مسيو يافا رجعت وياريت تبقي لفترة هذي متخبية من لاحسن وجبد يدو ومشي بقا غالي يخزرلو شنوة باش يقول وشنوة باش يحكي راجل مايعرفوش اما لمتاكد منو تابع الدواعش

تَقَدُّمِيُّ 

تَلَعْثُمِيِ 

وَتَغَلْغُلَي 

حَدَّ التَمُاهَيِ فِي ضُلُوعِيِ وَمَعْبَدَي 

فَ الَتشُاقيَ فِي بَيادِرِ الْعِشْقِ 

مِنْ لَذِيذِ النُّعْمِ 

يَغرُيَنِي لَوْنَ شِفَاهِكِ عَلَى أَطرافِ الْفِنْجَانِ 

سَأُرْتشِفُهُ تَقُبَيِلْا

ملي قاتلو عمتو تنجم تدخل وتراها معرفش كيفاه يلبس لبس ودخل أول مقربلها حس بقلبو باش يخرج من بلاصتو ..من قوة دقة ..حس بفوارة في داخلو وقت ليدو لمست يدها عينيه تغمضت قداه متوحشها قعد علي ركايبو وبقا يخزر لوجها شاحب قطرة دم مافيشو شفايفها شايحين غمض عينيه وقربلها كان كاتم انفاسو دوب محط شفايفو فوق شفايفها بقا يحرك  فيهم بمحبة ..في شفايف يما باسهم يما تمتع بطراوتهم وليوم قدامو ساكنة بشفاه باردة

قبل ثغرها ان استطعت إليه سبيلا ....أمام شراسة عينها وبسالتها""

حياتهم بسماتهم طعم ثغرها لتوا بين شفايفو كانو يشربو من نفس لفنجان القهوة ونفس موضع شفاه يتنفس من هواها ويتعطر بعطر شقاوتها المتصابية كانت كتلة من لفرح ماذا اصابكي وماذا حلا بيك حبيتي روح ولقلب ؟

بقا لدقائق يحكي ويجاوب في روحو صوت عمتو تعلم فيه باش يخرج خلاه يكبس علي يدها ويتكلم بصوت باح معبي حزن يافتي نحبك مستحيل نسلم فيك وعد ملي تخرج نعرسو نحبك روحي نموت فيك ...قام مكرها موش حابب يخليها وحدها مكنش يعرف الي بعد ها لقبلة باش تتغير برشا اقدار وينكتب قدر جديد تحدده اطراف اخري اطراف في يدها سلطة ....

حلقة23

يافا

عشقتك وأنتهي ياطفلة داعبت لقلب بحركاتها بهمساتها وبدلعها وبسمتها التي حفرت في كياني معبدا أتذود فيه كل ليلة لأري شعاع ثغر يضج شغفا

خرج من دوش يفور دوب ملبس سروال وجا يلبس في مريولو ولباب يتهد عليه .وقت لراها مصدقش رما لمريول وقدملها كان باش يبوسها علي جبينها كيف كل وين يقبلها ...صدتو بيدها

_ قمر حبي علاه

_ عمري منكون حبك أنت أناني بدر عاجز باش تخليني نعيش يوم فرحانة كيف ندادي

_ علاش قمر لواه تقول فيه لكلام هذا

_ لو كان جيت تحبني كنت تقول علي لباش يعملو غالي كنت علي أقل تخبر بابا ومتخليناش في ها لموقف لحرج..كل يوم تثبتلي قداه أنا منسوا شئ عندك مجرد شئ كيفي كيف باب ولا شباك

_ يزي قمر (جاباش يجبدها يحظنها دزتو)

_ اخر مرة تلمسني توا كيف تفكر فيا وتحبني وقتها عندك لحق باش تلمسني (جات خارجة شدها لحق عليها دزها علي لحيط ولصق فيها)يزي حبيتي تعرف قداه نحبك كيفاه تحب نخلي غالي وحدو غالي خويا وخوك يعني قطعة منك و مني منجمش نخليه يمشي وحدو للموت

_ قداه نكرهكم زوز مفكرتوش فيا خممت في رواحكم لو صارتلكم حاجة حرام عليكم

_ يزي حبيتي (قرب خشمو لخدها وبقا يحرك فيه ويجيب ) وراس حبي نحبك ومعزتك في قلبي مايعرفها كان لعالي أما انت تعرف خدمتي وتعرفني منخممش في روحي قد منخمم في لعباد وسعادتهم

_ ظاهر تخمم في سعادة لعباد أما أنا حيوان معنديش خاطر عندك موش مستعدة نموت كل يوم ألف موتة ويدي عل قلبي لاتصيرلك حاجة

_ (تنهد بقوة فوق خدها حسها ترخات يعرف نقاط ضعفها تحكم في روحو وبعد عليها ...تنفس وتكلم بصوت ضعيف )أنت كل شئ في حياتي قمر أما خدمتي قبل كل شئ وانت تعرف لو ربي مقدرلي باش نموت مع غالي ولا مع غيرو وأنت ملول خترت وقتلك لباش تكمل حياتها مع عسكري تحط ديما في بالها ترمل في كل لحظة

_ وانا منجمش نتحمل هذا تعبت بدر يزي لعذاب لعشت فيه سنين من يوم لولدت وانا في عائلة منعرفش وقتاه يجيبو واحد فيهم في صندوق تتخيل نحب هكا يظهرلي حبي ملول كان غالط ليك

_ علي هكا صديتك ملول  قمر

_ صاحت عليه فهمتك وزيد كمل صد اكثر ...منسيتش ظهرت لحق موش فيك فيا انا دزتو وجات خارجة شدها من يدها وجبدها ليه ...ياخي شبيك هكا عوض تجي تطمان عليا وليت تعارك

_ سيب يدي بدر أصلا جيتي ليك غالطة مدامك مجبر تكون معايا

_ صلي علي نبي من وقتاه مجبر تعرفني قداه نحبك

_ قصت عليه رودبالك تقولها كلمة نحبك رودبالك ...كنت نعرف ملول انك معايا مرغم 3 سنين وين نقلك خلي غالي وشهاب يعرفو بحبنا كنت تماطل وتقلي لا نحشم كمل أحشم مليح

_ أفهم قمر جاتني صعيبة نقول لخويا وعشيري راني حابب اختو اكيد باش يقول خاني وتجاوزني

_ جبان خليك خايف وخليي هروبك من لمواجهة ويكفي تعب 3 سنين وعذاب تي حتي باش تشدلي يدي وليت تقول باش نخون صاحبي تي (كانت باش تقول تمنيت نذوق بوسة حب منك تمنت وسكتت كتمت شهقتها وضمت شفتها نزلت دمعة علي خدها وخرجت لحق عليها ينادي صوت أمو خلاه يكبس علي يدو من لخوف تكون سمعت حاجة ولا شلقت بحاجة)

شفمة شبيها بنت عمك خرجة من بيتك تجري

_ مفما شئ امي

_ شنوة لمفاشي قمر موش عوايدها تجينا برشا وكيفاه باقي من غير مريول

_ أمي كنت ندوش دخلت من غير مدقت صحت عليها باهيشي هكا

_ زعمة موش حاجة اخري بدر

_ شنوة امي توا باش تحقق معايا

_ وسع بالك شبيك يابابا وليت تعالي في صوتك علي امك

مقصدتش أمي تاعب ونحب نرقد ممكن

_ أرقد قبل مايجي بوك متحلف فيك علي مشيتك من غير متقول

_ باهي أمي خليي نرقد واعمل لتحبو

رجع تمد في فرشو ينفخ من لكبت لفي داخلو يحبها ويعشقها اما حبو ليها غالط ملول كان لزم يقول وميتجاوزش ولاد عمو حاسس روحو عمل خيانة في حق عشير عمرو ولكن قلبو لخانو وخلا محبوبة لعين تخرج بدمعة فوق لخد جوري عض شفتو بقوة للي خرج منها دم ...وتكلم بصوت معبي غل عاشقك ياقمر أما طريقي واعر انتي حساسة ومدللة برشا مكش باش تنجم تعيش عيشتي مكش باش تقدر تتحمل عذاب وحياة لعسكري لزمك راجل يقدر ك يحبك حب مايفوتك فيه حد أما انا خنت حبك في قلبي حب لوطن قبل حبك باش ترضي تكون "تونس "ضرتك باش تقبل حب  لوطن قبل حبك لو ترضي أنا منرضاش ليك لعذاب منرضاش ليك تعيش يدك علي قلبك في كل يوم نجم نروح في صندوق مكفن بنجمة وهلال باش تنقم عليها وانا ميرضينيش تكره بلادك علي خاطر حب سكن قلبك من صغرتك نحبك قمر أما حب ناقص حب عاشق مهزوم من اول دقة في قلب دقاتو لولة للوطن

حلقة24

يافا

كسرتي قلبي بتلك دموع من عين لمها ياقرة لعين ونبض روح وصدر ..

كان خارج بعد مروح يبدل في دبشو دوب معمل دوش وبدل حوايجو وجا راجع لكلينيك تقابل هو وقمر خدها معبي دموع صدرها يتهز ويتنفض قلبو تخض سكين حافي تغرس في صدرو اختو نوارتو تبكي عرضها مخضوض

_ قمر شبيك شنوة لصارلك

_ وقت لسمعت صوتو هزت عنيها لمعبين دموع كيف شافتو طرشقت بالبكاء ورمات روحها عندو ...صوتها خارج متقطع بشهقة تحكي وتضرب فيه علي صدرو

_ علاش ترمي في روحك للموت علاش أناني غالي نكرهك انت متحبنيش مانيش اختك لكلكم تكرهوني تعبت منكم ومنتصرفاتكم تعب معادش نجم نعيش ونتنفس في وسطكم

_ يزي قمر هاني هوني صغرونتي مصار شئ عملت للزم يتعمل

_ وانا مخممتوش فيه علاش زوز انانين

_ علاش شكون تحكي

_ نحكي عليك انت وبدر

_ عوج فمو وشدخل بدر باش تبكي عليه

_ تكبست ودخلت بعضها في لحظة ضعف نطقت ...علاش موش ولد عمي كي خويا

_ فهمتك قمر وانت تحبني نبقي معذب ونخلي يافا تموت

_ يافا خانت وختارت تبيعنا

_ يافا عمرها مخانت خرجت باش تنتقم من موتت امها وفي خدمة سرية تحت طائلة دولة

_ يعني يافا موش أرهابية

_ أرهابية اما منوع المشرف ارهابها في قوتها وبسالتها حمدلله خلطت عليها ولا كانت ماتت

_ فهمتك غالي صحة ليها يافا قداه تحبها

_ نعشقها موش نحبها برك وعلي قريب باش نعرس بيها

_ نجوم سماء أقربلك (صوت أمو لكان داخل ومعاها أياد خلا غالي يهز عينيو ويخزرلها )

_ شنوة أمي شحكينا في لكلينيك

_ وأنا قتلك لموت أقرب أنك ترمي في روحك للموت لو تقرب ليافا اعرف لحياتك وفات

_ وحياتي باش توفا لو موش باش نكون مع يافا شنوة بابا تسمع في مرتك شتقول

_ مرتو صحيت ياغالي

_ امي

_ (قص عليه أياد بصوت معبي غل) لكلام لقالتو مرتي باش يتنفذ غالي وأنساها يافا

_ لا بابا مستحيل ننساها يافا أطلب لموت ليا لا نتخلي عليها وخاصة في ظرف هذا

_ شهاب هابط في دروج بقا يسمع فيهم وكابس علي يدو ....تكلم بصوت يغلي شنوة غالي ها لقوة وليت تعارض في بابا

_ شهاب يعيش خويا موش وقت تشعل نار

_ نار شاعلة وحدها ياغالي لبارح لو بابا متصرفش وبعثني في بلاصتك كنت ليوم متهم في قضية خيانة عسكرية وقتها شكون باش يسلكهالك

_ يعطيك صحة ومزيتك مننسهالكش

_ من غير ماتشكرني أشكر امك وبوك وطبق كلامهم مصلحتك قبل كل شئ متضرناش معاك

_ صار خممت في مصلحتك موش عليا انت

_ مدامك تخمم في روحك

_ عمري في حياتي مكنت اناني ومخممت في روحي ملي كبرت وحليت عنيني وانا تحت جناج بابا وأمي ولانهار عصيت وتشكيت اما من حقي نختار لمرا لنحبها وندافع عليها

_ حتي لو باش تخسرك فيا غالي (قالتلو يافا بقلب مكسور)

_ ياريت أمي ما تقارنش روحك بمراحبيتها أنت امي نور عيني قبل دنيا لكل أما زادة هيا لمرا لدقلها قلبي

_ أنساها

_ مستحيل امي منجمش يعيشك

_ ياهيا يا أنا

_ لكلهم تصدمو من كلمة يافا الام لكل لعيون خزرتلها وبقات مبهمة مع لكلام لكملت قالتو ...لو باش تعصي كلامي وتختار يافا أنسا في يوم أنو عندك ام اسمها يافا أنساني ليوم دين ومنرضاش عليك ليوم يبعثون جات ماشيا دنيا دارت بيها موش حابة تسمع جوابو لممكن يدمرها

_ امي (حبست بجنبو ببدن فاشل يحب يتمد من دوخة لصابو..)عمري مكنتش نتصور حبك ليا باش يرتبط بمقايضة تعرفني قداه نحبك تعرف قداه نقدرك ونحب أكثر من دنيا لكل أما

_ رودبالك تقولها جبدتو من مريولو وبقتت فيها عينيه ربيتك كبرتك صنعتك راجل لميتك أنا حنيت عليك وقت لامك رماتك تحديت ضعفي وتحديت حتي بوك لكان كارهك مكش من دمي وعتبرتك قطعة مني سنين وسنين نكبر فيك ونستني فيك تعرس وتفرح نضحك معاك نحزن معاك ...حبيتك أكثر من ولادي لمن صلبي متكافينش بالعذاب بدنها بدا يترخا ...تعنكشت فيه ...باش نموت غالي أرحمني في حياتي وبعد موتي أعمل لتحب جات باش طيح لقفها غالي مفجوع أمي شبيك

_ قرب أياد لكان كاتم دمعتو مفجوع فكها من يد ولدو وصاح باش يحلو لباب يهزها لكينيك ...تكلمت بصوت ضعيف لا أياد خليني نموت في داري متهزنيش (كانت تنهج بقوة وتحكي بصيف)

_ لا يافا لو تحبني تعالج مكش باش تموت متخلنيش يعيشك محتاجك ولادك لكل محتاجيني

_ بابا شبيها أمي سؤال تطرح من 3 أفواه قلوبهم مرعوبة علي أم جنة بيديها  

حلقة25

يافا

يامعبدي وجنتي يانور لعين ياأمي بيكي أعيش وبيك احيا كبرت في حظنك ترعرت بجنبك تربيت في مدرستك كبرت وتعلمت انا لقوة يافا ولعزة يافا وجبروت يافا ولفخر يافا يااامي يايافا

لكلهم شادين يدها دموعهم فوق خدههم قمر تشهق علي لخبر لكيف صاعقة لهبط عليهم لمرض انتشر في صدرها ولزم أستئصالو بسرعة لكن هيا رافضة ...لكلهم يلحلحو بيها يشهقوا من هول لفزع في حياة بدون ام وخاصة ام مثل يافا ...

ساعات مرت عليه كسكير مرمي فوق قارعة رصيف محجر بسماء ممطرة وهواء مثلج يرتشف من مر زمن وغدره كيف له ان يعيش يوما في دنيا بدون روح ونبض لقلب فيافا هيا لوريد وشريان يخضان دما في قلبه من غيرها لحياة محال أستمرارها يد يعرفها مليح تحطت فوق كتافو شد يدو وتكلم بصوت مقهور مهزوم امك باش تخليني ياغالي

_ يزي بابا لزم تكون قوي أمي باش تعمل لعملية وهذا وعد مني لزم تكون قوي نعرف ضربة خايبة اما لزم نعملو جهدنا باش امي تبرا وتعيش انت لبيدك هذا نعرف امي ونعرف تخممامها ترضي تموت ولاتشوف نظرة كره ونفران من عندك

_ عمري مننفرها لو كانت عاجزة نحبها بسيئتها بعيوبها بمرضها بكل مصائبها يافا تتخيل حبي مربوط بجسدها لكن حبي ليها مربوط بروح متحد معاها لليوم وغدوة

_ قوم بابا قلها لكلام هذا فهمها اللي انت تبقي عاشقها لمالا نهاية قام بقي يخزر لولدو لظاهر عينيه دامعا سكر عينيه يعرف دمعة غالي قداه عزيزة جبدو حضنو لزم انت لتقولها يافا روحها فيك نفذ طلبها متعذبهاش في حياتها يافا خايفة عليك ومستعدة للموت ولاتشوفك مجروح بشوكة

_ باهي بابا تهني ...

خلا بوه مشا لأمو وتعدي خذا لأذن باش يدخل يشوفها 3 دقائق اخيرة قبل مايخذ قرار باش يقلب حياتو لكلها

يدو مشبكة في يدها يخزر لصاوبعها جبدهم باسهم بقوةوتكلم فوقهم نحبك يافا انت كل حياتي رميت روحي في لموت وموش نادم ومستعد نموت علي خاطرك ألف موتة اما هذي امي حياتي روحي نرضي لعذاب ليا ولا فيها سامحني يافتي سامحني ياروحي شدتو شهقة نحبك قرب باسها فوق خدها وبقا مطول في لبوسة منجمش يمنع روحو يتمتع بثغرها لاخر مرة قرب باسها بحب محروق في قلب عاشق مجبور يسلم في معشوقتو ...خرج ببدن فاشل خلا حبو وراه خلا روحو ساكنة فيها وخرج جاهمة بلا روح

حلقة 26

يافا

جاش والع وجرح طفيانو صعيبة ..نار قادية في روح خلفت رماد كاوي شاوي يحرق فادي منه لعالم بحالي لقلب مريض مرهوج وصعيب يبري مدام محبوب لعين قدامي

تعدات أيام وأسابيع وشهور ..نوم مجافيه ليل محيانو صعيبة لبدن يشتاق لروح لحبيبة تضمو ودافيه من كان يحلم تكون من نصيبه ولا يدعي تبعد من قدام دارهم موش حامل يشوفها عذابو كبر وين يخرج ويراها يشوف فيها برات ورجعت تخرج ودور ...غمض عنيه يتفكر في أصعب قرار خذاه خلا حياتو تتقلب خلاه يتمني لموت كل لحظة وكل ثانية تنهد من جواجيه علي لصابو ...هز روحو من فرش كاره يقوم منو لبس لجا قدامو وخرج هابط يكر في ساقيه كران تاعب معينو يخرج ويشم هواء نظيف ميحبش يشوف نجوم ويشوف ليل كل حاجة فيها دنيا مربوطة بيها  حاسس روحو عاجز ضعيف كل أيامو سواسية خدمة دار وفي ليل يفضل يعديه لصباح بين لكاس لعلا ينسي ويطفيلو نارو تخمد وتبري جروحو لكن عبث كل الأفعال تؤدي لتفكير ليافا وعيون يافا وضحكة يافا ورائحة يافا هابط في دروح ضاو جهرلو عينيه دوب مسكرهم سلم علي دارهم وجا خارج صوت  امو خلاه يحبس غمض عينيه موش حابب يحكي مع حد تنفس بقوة ودارلها

_ نعم امي

 _ كلمة امي من فمو تسوي دنيا غالي حياتها وضو عيونها ...دنيا بلا بيه ظلمة ولحياة طعمها ممرا...قامت تتعكز علي أياد لكان يخزر لولدو لوجهو كان شاحب عينيه طافية علي غير عادتو لحيتو سايبة وشعرو داخل بعضو تنهد بقوة حاسس بحالو وعارف وجايعو أما لكلو في سبيل نجاتو

_ قدمت لضو عيونها بوجه شاحب وبدن ضعيف غلبو لمرض قربت باستو من خدو وتنفست بقوة تخرج في لحديث بصيف ...

_ لباس غالي علاش مهبطتش تعشيت معانا

_ مانيش جيعان امي شبعان

_خارج مع بدر

_ أيه امي ...هو سبقني حاشتك بحاجة

_ لا حبيت نقلك لخطبة شهاب غدوة 

• غرد
• شاركه
• شاركه
• شاركه
• شاركه

YAFFA گرونيـﮯگآت يـﮯآفآ

أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين

مقالات قد تهمك