كتاب حياتي ياعين مشفت زيو كتاب حياتي عذاب ملي مشات امي وخلاتني امي ساره بنت سي مراد.
.... من اعيان لبلاد بعد خمسه سنين جاتو عمل مهرجان سبعه ايام وسبعه ليالي كل يوم ذبايح تتفرق وعشاوت وسهريات كبرت ورده بين بو يخاف علاها من نسمه وام حنينه مدلتها كبرت نوارتهم والخطاب ولو بصف لكن نوارتهم عشقت في خليل ولد المكاس عايله فقيره موش من قيمة سي مراد من اعيان لبلاد ساره كل يوم حبها بخليل يكبر
...كل مكروه مرغوب بوها تنرفز قالها انسي ونغضب عليك ليوم الدين لوكان متنسيشو بكات ساره عند امها للي هزها نوم في ليل فاقت هزت روحها ومشات لخليل كتبو صداق وهزها لدار حماها بوها غضب علاها لكن حب خليل كان منسيها في دنيابرغم للفقر ولمزيريا لعشتها بنت الاكابر ولات تكنس وتغسل وطيب لبنيه لكانت تخدم فيها الخدمان ولا ت خديمه عند حماتها شمطه وكل مره تفكرها الي هيا عملت العار لبوها بهروبها لولدها كانت تتحمل هذا الكل علي خاطر حب حياتها تنسي اول مايخوها خليل في حضنو لكن مع الايام خليل تبدل والا يكش وينش وصلت بيه لضرب علي اتفه الاسباب بطبيعه كان دخل علي طمع لكن بوها قالو مضمض لو كان نقبل بيك ولا كل يوم يروح سكران يدقدقها علي اقل سباب للي طيحلها صغير مرتين وهيا ساكته وصبرا علي خاطر حبو وديما تلقالو في الاعذار للي وصلت للخيانه اكتشفت انو يخون فها مع بنت خالو سكتت وبكات من القهره للي هزتها الغصه ورقدت جا خليل كي العاده سكران عباتو امو في مطيبتش لعشا في خرجت وتكلم في عبد الحميد العطار دخل دقدقها بطريحة نبشت لقبور دمومتها شرتله ولواحد من دار حز علاها وهز كركرها من شعارها ورماها في شارع ولاد لحلال هزوها لسبيطار دم خارج من كل بلايص وجها معادش يبان ...
مدير سبيطار عقلها كلم سي مراد وحكالو شصاير في بنت وجا طاير دخل وياريتو مدخل نوارة عينيه وجها الكل مرضرض بسلها يدها وبدي يبكي كلم محاميه وقالو قوم بلازم ....باختصار لحديث دخل خليل للحبس هو وامو وبوه وبعد جمعه روحت ساره لدارهم لعامين محطتيش فاهم ساقيها لكن روحت وفي بدنها قلب ينبض ثمرة حبها بعد ثمنيه شهور جات احلي بسنت في دنيا كنت كي الاميره كل منطلب نلقي بابا عزيزي فرح بيا قد دنيا كبرت لكن كبرة علي امي تمشي بالحرابش تفيق كل ليله تصيح تجاها كريزات تقل باش تموت توا بابا عزيزي دار بها طبة العالم باش تبري لكن شي كل يوم كانت نوارتو تذبل قدام عينيه وهو موش عارف كيفاه يحيها ساعات امي تبدي تحمل فيا وتبوس للي تخنقني وساعات تبدي تكش عليا وتقولي اخرج انتي بنتو منحبش نراك عيشت في صراع نقمت علي بابا ملي انا صغيره كرهت رجال هوما سباب عذاب امي ....
ليوم طقس ريح موحشه دنيا فما نسمه بردا ساعات تتعدي ترعرشلي قلبي كنت نلعب بلعاب نسمع في صيحة داده حليمه مشيت نجري مفجوعه لقيت امي ممدوده فوق فرشها عينيها مرشوقين في سقف بدنها ازرق يابس مشيت نفيق فها لمستها بدنها بارد كي ثلج ...
ماااافيق شبيك تخزر هكا مااا فيق شبيك بدنك ازرق مااااا مااااا مااااااااا مااااا لا حياة لمن تنادي نسمع كان في داده حليمه تقول انا لله وانا اليه راجعون مفهمتهاش شتقول خزرتلها دموعها شلال جديتي تبكي وجدي كيف كيف بديت نصيح فيقولي ماما امي فيق متخلينيش وحدي يما معندي حد غيرك امان ياما معادش نوريك وجهي باش نفكركش بيه شي هزتني داده وانا شده في يد امي البارده مفلتها كان بصيف امي انتحرت خاطر حب الماضي لتوا ملاحقها كتبت ورقه تقول فها متحبش تعيش في دنيا مفيهاش خليل ....
.كبرت وكبر الحقد في داخلي كبرت في دار الكلها ظلام مفماش فرحه عمري محسيت بدفاا جدي كان تعب علي فراق نوارتو وجديتي كيف كيف عمرهم مضحكو نهار قلبهم حزين وجوهم احزن كبرت وكبرت معانتي كنت ناسي في روحي بالخارجات وسهريات كنت كل مره نخلي راجل يحبني ونخليه يتعذب نحس هكا نرجع في طار امي حياتي فرغه معنديش صحاب معنديش اخوه والا خوال والا عمام ديما في دار وحدنا نجحت في الباك بعثني بابا عزيزي لكندا بلاصه بردا كي قلبي ناسها ابرد بديت نقرا وفرد وقت نكمل في تعذيب شباب كنت نتفنن وكانت عندي لذه غريبه في هذا خمسه سنين تعادو روحت فيهم لتونس ثلاث مرات اصلا معنديش اش يربطني بيها عايلتي كانت كي تتوحشني هيا لتجيني كنت ديما سهريا شراب دخان خرجات عشت فها فسادا عملت لميتعملش وكنت كي روح لداري منحبش نرقد في فرشي وليت نكره الدفا ممكن يفكرني في حضن الغاليه وليت نمشي لطبيب نفساني نرقد بدوا حياتي تحطمت علي صغر سني ....
كملت لقرايه ليا سته شهور جدي كل مره يقولي روح وانا نمطل فيه للي يوم كلمتني جديتي تبكي قتلي عزيزك مريض برشااا خذيت طايره روحت منعرفش كيفاه وصلت دخلت نجري لقيتو قعد في الفيراندا ويضحك تنرفت عليهم لكن بعد حملتهم وبستهم المهم كي طلع لباس مبقالي في دنيا كان هوما كان تصيرلهم حاجه منعرفش اش يصيرلي تعشيت طيبت داده حليمه كسكسي يهبل كليت وين شبعت طلعت دوشت وارقدت فقت صباح نسمع في صوت جدي يصيح تربثت هبططت نجري نلقاه يعارك في عم صالح وداده حليمه تبكي مفهمت شي ...داده شفمه مجوبتنيش لحقت جدي خفت عليه كشاكشو طالعه وهو عندو سكر ودم هديتو قالي الي البارح جا داخل لدار ملقاش شكون يحللو الباب عم صالح ظهر مشاا للمسجد وكل مره نبه عليه ويعاودها هديتو جبتلو دواه وبستو من جبينيو مشيت للكوجينه بست داده وقتلها حقك عليا مك تعرفو نرفوزي اما قلبو حنين وزيد عم صالح قلو يعود يصلي هوني ميجيش يخلي دار هكا خزرتلي وعينيها بدموع ...ووه يابنيتي كيفاه نقولو متمشيش لبيت الله وهو واجب عليه خزرتلها وحطيت يدي علي كتفها ومشيت طلعت لبيتي ليا برشااا علي بيت الله وصلاة متستغربوش عمري مصليت والادخلت لمسجد منعرف من الاسلام كان لا اله الا الله محمد رسول الله خزرت روحي في المرايه وبعد رجعت تمديت وانا نفكر في حياتي فقت لبست دبشي مشيت لجلاز توحشت امي مشيت قريت علاها الفاتحه هكا لحفظتها وبست قبرها وبقيت نحكي معاها للطاح ليل روحت نلقي جدي قعد قدام تلفزا يشرب في كاس تاي اخضر وجديتي تقرا في كتاب بستهم وجيت طالعه قالي جدي بسنت اقعد يعيش بنتي عند منحكيلك .....تفضل عزيزي ان شاء الله خير .....
خير خير تعرف انا كبرت توا معادش نحمل قعدت البيرو برشاااا وقيت باش تشد شريكه وتهانيني ...جدي شنوا تحكي مزلت البرك هاما نشد شركه مره وحده منجمش انت تعرف ايامات ورجعه لكندا قص عليا وقالي ..انا قريتك ونستنا باش تروحلي مهندسه ونقول عندي بنتي بالف راجل باش تهنيني علي شقا عمري باش تزيد تخليني كيما خلتني ساره وعينيه تعبت بدموع مشيتلو حضنتو قتلو متبكيش انا منخليك ش انت وامي يام لبقاولي في دنيا قتلو باهي فوق من قلبي جات الاثنين لبست جيب نوار ميني وسوريه بيضاء تراسبارون وبوتس نوار هزيت كبوطي وخرجت سلمت علي جديتي وداه فطرت وخرجت لكرهبه ثنيه كامله نخمم في منامه ريتها البارح وصلت لشركه عودت ريقلت مكياجي سويت شعري هبطت شركه كمله تخزرلي وصلت لسكرتار محلاها لبسه حجاب سلمت علاها قتلها بنت سي مراد دخلتني لقيت جدي قعد مع عم محمود محامي شركه سلمت عليه وعلي جدي قام جدي قالي ايه مليوم هاذي بلاصتك هاني ريقلت اوراق باش توالي انت لتصحح في بلاصتي الحاصل بقا نهار كامل يعلم فيا وعرفني علي زوز مسؤولين في شركه واحد اسمو قيس واحد اسمو خالد سلمت علاهم
جمعه كامل وهوما كل مره يعلموني حاجه للي وليت نقد روحي تعلمت انا بطبيعتي ذكيه فيسع منكبتي تعرفت علي ايمن زاده ولد سي عبد العزيز هو شريك معانا بنسبة ثلاثين بالميه سي ايمن يجي ممكن مرتين في جمعه واحد ماركه اصل ميتهضمش وحسيت جدي وبوه يحبو يربطو لخيوط بينتنا يحلمو الحاصل ليا شهر توا وحله في دوسيات قليل وين نخرج نسهر وليت انا سلوي سكريتار صحاب نهار جاني قيس هو مهندس ميكانيك قالي الي فرن نفوير عدم ولخدمه الكل وقفه عليه وعنا طالبيات لزم تخرج اخر جمعه وفريق صيانه متاعها يجو من فرنسا معناها موصلو كان شركه تخسر ملايين مشيت هزيت بلوزتي ومشيت نشوف فها ناس الكل تخزرلي حليت المكينه بديت نبربش فها صحيح موش اختصاصي لكن عندي فكره كبيره انا قاريه هندسه اقتصاديه معناها نفهم بلقدا في الميكانيك بربششت بربشت شي ياربي ملا عمله كلبه
وانا هكا ونسمع في صوت قالي سلام عليكم هاني جيت توا انانشوفها تلفتت علي صوت عملي رعشه في قلبي نور وجهو سبقو سبحان لي صورو عينين كبارخشم صغير فم رقيق مرسوم رسمان بوست خال في خدو ولحيه ايه ملتحي نور في وجهو عمري مريتو عينيه في القاع نسمع كان قيس يقول مدومزال بسنت هذا عمر المسؤول علي صيانة المكينات مديت يدي باش نسلم عليه اععععععععععععععع ملا زلعه بقيت معلقتها قالي قيس عمر ميسلمش علي النسااا خزرتلو ومشيت وخليتو قلبي عصر عليا اش يستخيل في روحو هو يخدم عندي كيفاه يحقرني الا منوريلك ياسي عمر خرجت هزيت صاكي ومشيت لدار دخلت تحت دوش الماء يمشي فوقي وانا نخمم فيه صورتو بين عينيا شبيني هبلت انا اوف كيفاه نخمم في راجل لبست دبشي قديت روحي ومشيت كلمت شله نعرفهم نسهرمعاهم مشيت سهرت لصباح شطيح رديح فتقت مواهبي ليا برشااا حتي انا مسهرتش روحت قريب الاربع دخلت رقدت بدبشي محسيتش بروحي كان داده تفيق فيا قتلي راهي تسعه ووه عليا عندي اجتماع بعد ساعتين لبست دبشي فيسع هبطت بوست جديتي وخرجت نمكيج وانا نسوق ريقلت روحي وهبطت سلمت علي سلوي قتلها تجيبلي قهوه وحاجه تتكل وتجيبلي دوسيات متاع الاجتماع دخلت كلمت قيس علي المكينه قالي الي هيا تصلحت البارح وعملو سوايع زايده باش يتفادو نقص رجعت فكرت في عمر ولي عملو معايا امس اما يعطيه صحه كيفاه صلحها دخلت سلوي جيبتلي قهوه وقاتو صنعتو هيا في دار قاتلي طيبتو بذمه ليا شربت قهوتي و كليت قاتو بنين يعطها صحه
بدا الاجتماع سلمت علاهم عمل هكا والباب دق دخل عمرومعاه قيس نسيت الي هوما معانا ليوم في الاجتماع بديت نسمع في كل واحد وافكارو وشنيه نقائص لموجوده وكيفاه نتفدوها وفماش حلول جا دور عمر بدي يحكي وعينيه لوطه منعرفش وين يخزر بقيت مركزه مع كلامو عينيه كيفاش كل وين يهزها يلقاني نخزرلو يهبطها ويتربث بقيت نخزر لشفايفو كيفاه يتحركو كمل كلامو عجبتني افكارو قتلو تنجم تعمل دراسه وتكتبلي افكارك وتواندرسوها وفا الاجتماع وانا تمنيتو مايتمش خرجو وبقيت نشيع فيه بعينيه ملا طول وملا بدن بقيت نخمم فيه للي صونه تلفون قتلي سلوي ايمن جا دخل قداش منرتاحلوش ..ادخل ايمن تفضل جا باش يسلم عليا بالبوس جبدت وجهي قتلو تفضل ايمن اقعد شبيك ماجيتش للاجتماع ..
.والله قمت موخر معنيش بالخدمه وزيد حط شكون يعوضني عندي حاجات ما اهم ..اه ايه باهي .....تحبش نمشو اخر جمعه لبلاصه نتفرهدو ونبدلو الجو ....لا يعيشك اخر جمعه نحب نرتاح ونعدها مع العايله ....باهي ملا نمشيو نتعاشو ومتقولوش لا .....ان شاء الله اما موش ليوم عندي برشااا خدمه اوكي مالا نستني تلفون منك وعمل هكا باس صبعو وحطو علي خدي بيزو بسلامه ....خيت مخيبو اففف كملت الخدمه وجيت خارجه نشوف في عمر خارج يتكلم مع موضفين ركبو في الاسنسور طلعت معاهم الكلهم كلاوني بعينيهم اما هو معبرنيش حتي بدي واحد فاهام يحكي مدمزال بسنت وينو سي مراد شحالو لباس عليه عيشك وانتوما لباس ....لباس يعيشك حمدلله سلمت علاهم وخرجت هزيت كرهبتي فيه شوفتو هو زاده ركب الكرهبه ومشا روحت لدار لقيت عزيزي قعد يقرا في كتاب بوستو شنوا عزيزي لباس ....حمدلله يعيش بنتي شنوا الخدمه مشيا ....
حمدلله جدو كي زيت فوق الماء تهني عندك كان رجال....ايه هنيتني جيت طالعه لبيتي قالي ليله عايلة ايمن جايين يتعاشو بحذانا قد روحك مع سبعه تهبط تتعشا معانا طلعت زاح ملا عمله كلبه لبست روب روج حمرا قصيره ومكيجت قديت روحي وهبطت لقيتو هو وبوه وامو بينه ضربتها في روحها سلمت علاهم وقعد تصلي علي نبي في محلا بنتكم ومزينها وسي ايمن يخزرلي عراني بعينيه افكارو الخامجه باينه في عينيه تعشينا وانا قعد فوق من قلبي جابت داده القهاوي وانا نحكي كلمه وقص في لخر قتلهم غدوي نخدم بكري سامحوني جيت طالعه قالي ايمن نجم نحكي معاك قبل متطلع قتلو اوكي خرجنا للبالكون قعد يشكر فيا علي العشاقتلو موش انا لطيبتو تنجم تشكر داده حليمه ....
تعرفي محلاك ليله روب الحمرا وتاتك برشاااا بدنك ياسر حلو اصلا الكلك عسل وقربلي قريب يلصق فيا جا باش يبوسني دزيتو قتلوا خر مره تعملها جيت ماشيه قالي هكا تعمل مع خطيبك ....خطيبي شنوا لباقي تحكي فيه....ايه جدك وبابا تفاهمو باش نعملو خطبه علي قريب ....تحلم انتي مستحيل نخذك....مشيت لبيتي تنرفزت وين لعبة عليا دوخه ستنيت وين روحو هبط لجدي ....شنوا بابا عزيزي لكلام لسمعتو ....ان شاء الله خير اش سمعت ...كيفاه تعطيني راجل ومتقوليش......تي تي ماوو .شبيك تاهته احكي .....صاحبي حشمني منجمتش نقولو لا نحب نتهني عليك قبل منام عيني ....غير انسي جدي مستحيل نخذو وحكاية العرس انساها فهمت والا نرجع لكندا ومعادش تراني . طلعت نجري هزيت كبوتي ومشيت نسوق بالقوي للي وصلت قدم لبحار بكيت للي معادش شمس طلعت روحت لدار بدلت دبشي وخرجت لشركه وصلت اول وحده عملت قهوه وريقلت مكياجي وريقلت شعري وبديت نقرا في دوسي عمر عجبتني دراستو برشااا جات سلوي لقاتني مانيش قد بعضي حكتلها استغربت ....
قاتلي مكنتش نتصور سي مراد يخمم هكا ...ريت ياسلوي ملا حكايه ....بقينا نحكو قتلها تقول لعمر يجي بعد شوي دق لباب دخل عندو ريحه تهبل معرفتش شنوا اسمها سلمت عليه قتلو تفضل قعد بقيت نحكي معاه وهو يحكي عينيه مهازهاش فياا وقفت وانا لسه روب نوار قصيره جيت في الكرسي لقدامو وحطيت ساق فوق ساق وجبدت سياقرو وبديت نحكي معاه معرفتش علاه عملت هككا موش عوايدي نتكيف ساعات لجو كيف نبدي نسهر حسيتو تنرفز وبدا يحكي بتلعثيم قالي كان مفماش حاجه نجم نخرج افففففف شبيني وليت هكا جبدت دوسي عمر حبيتي نتعرف عليه بديت نقرا عمرو ثلاثين سنه عندو دكتوراه في الهندسه الميكانيكيه شهايدو الك....لا اقعد مزلت نحب نسالك علاش المره لفاتت قهرتني كي مدتلك يدي هز عينيه فيا اول مره نثبت فاهم مزيج بين الاخضر ورمادي لون مفهمتوش نظرتو بريئه فكرتني بنظرتي قبل عشرين سنه في لحظه هبط عينيه وقالي سامحني لكن لا يجوز ان نسلم علي امراه موش من محارمي وقفت جيت قدامو .....
ملا تخلف ورجعيه كي انت لتوا عايش في العصر الحجري علاش تقرا وتعب في روحك والا حقه انتم سلافين كل مره طلعيننا بفتوه بعد ها الثوره الكل وليتو تفتو وتحرمو خزرلي خزره ندري كيفاه وجا خارج ....مقتلكش اخرج كي نبدي نكلم فيك طفاني سكرت بالباب بقرص تحت طاوله رجعلي قالي حل الباب عيب لتعمل فيه .....هههه علاه عيب مزلت مكملتش كلامي موش عيب انت تخليني نحكي وتخرج عودت قربتلو وخر لتالي قتلو اخزرلي في عينيا شبيك لها درجه مطوقش تخزرلي قالي يعيشك مفماش علاش نخزرلك وزيد انت ماشاء الله لبسه ومكش لبسه العريان اكثر من المتغوطي ..حسيتو حقرني رجعت البيرو حليت الباب جاتني سلوي تجري قاتلي لباس صحت علاها قتلها اخرج شد بيروك رجعت مسكينها ودمعه علي خدها .....ل فوق الحسن انسان قراي برشاا اصلو من الوسط بوه عامل يومي افففف وهو كي تشوف عنتزتو تقول ولد البشوات دخلت للفايسبوك لوج علا اسمو واخيرا لقيتو لكن منجمش نشوف بروفيلو بقيت نخمم اش تنعمل عملت فايس باسم محمد امين .....
عملت نفس لقب قلت باش فيسع يقبلني هبطت حاجات علي دين في بروفيل بقيت نستانه شي لتوا مقبلنيش ...تفكرت سلوي كيفاه نبزتها كلمتها جاتني تفضل مدومزال بسنت وقفتلها ....شنوا سلوي سامحني عزيزتي والله منقصد الله غالب منعرفش شنوا صارلي نرفزني عمر المهم رضيتها قتلها نخرجو نتعاشو البرا تعشينا حكاتلي علي رجلها والي هيا لتوا مجبتش صغار مسكينها ساخفتني شيعتها لدارها ورحت طلعت لبيتي حليت نكنتي واو لقيتو قبلني ديراكت بعثتلو كوكو رجعلي وعليكم سلام ورحمة الله وبركاته اعععععععع ملا انا مسخفني تي واحد مهبط علي عذاب القبر بعث كوكو اي تكبست وبديت نحكي معاه بربي موش فلان قالي لا غالط الحاصل قتلو سامحني موش مشكل نجمو نحكو ونتعرفو بدينا نحكو محلا كلامو بديت نقولو نحب طفله وهيا موش معبرتني قالي راهو لا يجوز واتقي الله واطلبها في الحلال كان وافقت خير كان موافقتش احتسبها عند الله حاصل يحكي في كلام والله شطر و لا فهمتو وانا مبهمني طايحه مع جماعة لا يجوز باش بحبني .........
قمت صباح ناشطه خزرت لصورتو لبست سروال ستيل كالسون نوار ومريول روز وفوقو جيلي نوار وكونفارس نوار عملت مكياج في روز خفيف ومشيت طريق كامل نخمم فيه ليوم عندي اجتماع وباش نراه دخلو ناس الكل كان هو مفماش تعدي اجتماع ممسطو قلت سلوي تطلبو جاني وقفتلو شبيك محضرتش للاجتماع ....سامحني اما مفماش مشاكل والخدمه ماشيا وقيس خليتو باش يحكي منعرفش علاش عليت صوتي ..وين تستخايب في روحك في كوري نخلص فيك راهو وقت لتبدي الاجتماع تكون اول واحد وانا لنقرر تحضر والا متحضرش فهمت ....
حسيتو تنرفز ومحكا حتي كلمه قالي شنوا تحب تعرف اهو الملف اقريه وكان فما حاجه توا نجاوبك هديت وحسيت بروحي غلطت في حقو غضني برشاااا قتلو سامحني مقصدتش نصيح عليك جيت باش نقرب نشدلو يدو حس بيا وخر لتالي ضربت جبهتي قتلو نسيت الي انت متسلمش ..قالي موش مشكل ....اقعد عمر قعد قتلو شهر جاي عنا سمينار في فرنسا باش نمثلو شركه متاعنا واخترتك انت وقيس باش تمشو حسيتو محبش وجا باش يتكلم قصيت عليه قتلو بربي نعمل عليك كان انت لزمنا نعرفو بشركه ونعملو اسم باهي قالي باهي قتلواعطي بسبورك لسلوي باش تخدملك الفيزااحنا نحكيو ودخل ايمن ريحتو بشراب تعطعط شنوا سي ايمن معلموكش دق الباب قبل متدخل .....داخل لشركه متاعي والا نسيت عندي فها ثلث ....لا منسيتش ....تلفت لعمر قالو اخرج عندي منحكي معاها جا عمر خارج ....اقعد عمر انت اخرج سي ايمن عندي اجتماع توا نخدم علي روحي تنجم تخرج شدلي يدي بالقوي وقالي هكا توا طرد خاطيبك و بعد ايامات باش يوالي راجلك.......
نطرت يدي اخرج بعد نحكو ضرب طاوله بالقوي وخرج ....شديت يدي وجعتي دقه علي لونو مخيبو جيت باش نفسر لعمر الي هو موش خطيبي قالي ....بسنت نخليك توا عندي برشاااا خدمه ....وخرج وخالني اففففف ملا سخطه هذا مشيت لجلاز توحشت امي حكيتلها حسيت الي انا نخون فها لاني نخمم في راجل قعدت بحذاها فرغت قلبي رجعت للبيرو نلقي برشااا خدامه معتصمين علي ظروف الخدمه وتعب وشهريه شويه دخلت موش فاهمه شي صباح خليتهم لباس دخلت لسلوي لقيتها مفجوعه قاتلي لايمن ضرب واحد من الخدامه حللو غرز وزيد طرد خدامه قال شنوا كبرو هبطت للمعمل لوطه نلقا قيس وقف معاه عمر وعم محمود المحامي جاني عم محمود يجري قالي وينك يابنيتي المعمل خاض قتلو كنت في جبانه خزرلي عمر ديراكت كي قلت جبانه مركزتش معاه بقيت نسمع في الخدامه هديتهم وعدتهم بتسوية وضعيتهم رجعت كلمت بو ايمن مقال شي كانو عادي عندو برولني بكلمتين تعداو نهارين علي لحكايه رجع لمعمل يخدم كي العاده وليت نهبط بيدي نتفقد الخدامه وعملت شخص معين يكتبلي مشاكلهم وقررت باش نعاون عباد فاهم ضروفو تعبه اصل نسمع في حكاية من عندهم موش مصدقه كاني عايشه في عالم اخر ناس تخلص ثلاث ميات دينار وتبدي راضيه باهي وتحمد في رابي وانا ساعات في سهريه واحده ندفع دوبل متاعهم ...
نهار جديد مشيت نخدم كي العاده ملقيتش سلوي طلبتها مهزتش تحيرت علاها بقيت نخمم دق الباب جاني قيس قالي فما مشكله في المكينه لوطه عمر منجمش يصلحهاهبط لقيت عمر قعد لوطه يتفقد فها سلمت عليه رد عليا ببرود مفهمتش شبيه مركزتش معاه بقيت نشوف في المكينه ونسيت الي انا لبسه جيب ميني الخدامه الكل باش يكلوني بعينيهم بقيت نصلح في المكينه واخيرا عرفت عطل منين صلحتها جيت وقفه خبشني حديد صحت جاني قيس يجري جبد مشوار شدلي ساقي حطها علاها قالي لباس حسيت عمر تفجع عليا اما كي را قيس شدلي ساقي ندرا كيفاه قحرلي وقحرلو مسحت دم وقتلو لباس متتقلقش هزيت راسي بعد مقالي ان شاء الله لباس ومشا زاح مالا راجل ....رجعت نخدم عودت طلبت سلوي واخيرا هزيت عليا صوتها تعب قاتلي جريبي توا تجي غدوه وتبعث سرتيفيكا تحيرت علاها كملت الخدمه هزيت قاتو في يدي اول مره نمشي لدارها دقيت وحلت البابا مسكينها شفايفها مفلوقه عيناها زرق وجها مخبش حاله اصل تفجعت علاها شبيك لباس قاتلي رجلها دقدها البارح بطريحه روح سكران وبدات تبكي قتلها امشي اشكي بيه توا تمشي للحاكم وطلقيه قاتلي منجمش نحبو فكرتني في امي حملتها وبديت نبكي معاها قتلها تمشي معايا متبقيش بحذاه لزم يعرف قيمتك تردد قتلها لم دبشك جينا خارجين تفكرت القاتو هزيتو ميستهلش يكلو مكبوب سعد هبط لقيت راجل في طريق مدتهولو
وصلنا لدار دخلتها دوشت شيحتلها شعرها هبطنا تعشينا جا جدي تفجع كي راها هككا قالها كان تحب نوريك فيه قاتلو لا مالوا لا راجلي حسيت عزيزي تفكر امي عينيه زغلت المهم تعشينا وطلعنا لبيت حطيتها في بيت بجنبي باش تلقي راحتها الحاصل طلعنا بقينا نحكو حكاتلي علي حبها لراجلها وكيفاه تحدا دارهم باش خذاتو وحماتها خايبه معاها ديما تعملها في سحر باش تفرقهم قالت وفي الاخر زيد مجبتش صغار ولات حياتنا الكلها مشاكل فكرتني في همومي كل واحد في دنيا وعندو هموم حكيتلها علي حياتي وعلي امي بكات معايا مسكينه جييت باش نقوم لكن فما كلام في قلبي نحب نفرغو باش نتفلق قلتلها علي عمر واني ممكن معجبه بيه فرحتلي وبدات تضحك قاتلي نص البنات في شريكه مضروبين فيه تي انا نتمنه راجل كيفو ضربتها علي يدها قتلها شنوا متحشمش تقولي مضروبه فيه ...تي لا في اخلاقو برك تمنيتها تكون عند راجلي الحاصل قاتلي ليه اربع سنين يخدم في شركه وعزيزي يحبو برشااا موش خاطب نقزت علاها بوستها قتلها شكون قالك قاتلي اختو ...اختووووو وانتي وين تعرفها ....يزي مصياح ضبعتي باش تقيم دار ....هيا خياطه تعرفت علاها بصدفه عارفت الي هيا اختو وقاتلي تلوجلو علي مرا فقت هيا هزني ليها خليني نعرفها ....يابنتي ارزن شبيك بسنت هبلت نص ليل توا ضربت راسي ايه صبر صباح لزم نمشولها باهي قاتلي باهي حسيت روحي طايره جيت ماشيه لبيتي رجعتلها بوستها بوسه مرصوصه رصا هههه مشيت حليت نكونكتي لقيتو يكونكتي سلمت عليه بقينا نحكو ياخي لقيتو عمل كومنتار لواحد صاحبو يهني فيه علي زواجو وهو قالو ان شاء الله ربي يرزقنا زوجه صالحه ....صالحه تي انا طالحه عمري لنهار حليت مصحف اصلا معنديش مصحف مصليتش مقومتش بعمل نحس روحي لانا مسلمه تربيت في دار عمري مريت سجاده فها حتي عم صالح وداده حليمه كانو يصليو في دارهم وتحسهم بسرقه علي جدي .....هبطت دمعه علي خدي وين فقت صبح مع سته مشيت نجري لبيت سلوي قوم قوووووم فيسع فاقت مفجوعه مسكينه شفمه يابنتي شبيك نسيت لبارح شحكينا والا كلام ليل مدهون بزبده ضربتني بالمخده وقاتلي انا لمهبوله جايا غضبانه عندك طريحة راجلي اهون متقربيع متاعك .....امان سلوي ماني اختك ...يابنتي تحل كان ثمانيه ايه ماو ملبسنا وفطرنا ومشينا شرينا لقماشات كان جا لوقت وبوست مشيت قديت روحي عملت مكياج خفيف لبست روب في الموف وخرجت فطرت هبطت سلوي مسكينه مدهشره ليزي دقديقة راجلها ولا يزي هبلتي علاها فطرت وخرجت طايره شريت زوز قماشات ومشينا دخلنا في برشااا زناقي باش وصلنا قاتلي اهو حانوتها هبطت دخلت نلقا وحدا اععععع مخيبها مشيت نبوس ونحمل قرصتني سلوي قاتلي موش مني تخدم عندها حمدت ربي ايه حمدت ربي جات بلطف المهم بقينا شوي جات وحده لبسه نقاب لحقيقه انا نخاف منهم المنقبات وقتها دخلت هزت نقاب علي وجها سبحان لخالق تبارك رحمان في مصور نسخه كي خوها غير برك عيناها عسليين سلمت علي سلوي وانا مبهمه فها سلمت عليا وانا نخزرلها ونثبت بقات تسال في سلوي علي حولها وشنوا لغيبه وانا مستوهه ها الايامات كثرة ستحه عندي بدت سلوي تحمحم وتعاود فقت بها بصيف مني تسال فيا وانا سارحه مفهمتش علاش قاتلي ...سلوي قاتلي تحب تخيط كساوي متاع خدمه قتلها ايه قاتلي باهي قوم نخذ لقياسا ت بدات تقيسلي قتلي تبارك الله ماشاء الله بدنك معندكش زايد قتلها يعيشك حتي انت مصلي علي نبي عليك تبسمتلي رجعت قعدت ياخي سلوي سالتها علي عمر وشعامل قاتلها هونوا لخدمه مخذا وقتو لكل الحاصل سلوي قاتلها هاذي مديرة شركه حسيتها تصدمت قاتلي انتي هوبسنت قتلها ايه تعرفني تربثت قاتلي لا منعرفكش اما نهار عمر قالي جا في بلاصة المدير مديره حسيتها برولتني اما نحس نظرتها تبدلت بدات تهز فيا من فوق لوطه وبعد قاتلي وقتاه تحب يحضرو قتلها ياريت جمعه جايه باش نمشي لفرنسا نحب نلبسهوم قاتلي باهي سلمت علاها كي جيت خارجه جبدتني من ايدي وقاتلي حبيتك في الله معرفتش شنوا نجاوبها حملتها وقتلها يعيشك حتي انا ارتحتلك برشااا تمنيت عرفتك قبل قتلي هك عرفت لحومه عود طل .....خرجت طايره بالفرح هاما حسيت عمر حكيلها عليا قلت سلوي ريتها كي قتلي هو انتي بسنت قتلي ايه الحاصل فرحت برشاااا مشيت عديت نهار في الخدمه جاني ايمن قالي نخرجو نتعاشو ليله مع بعضنا كبش قتلو باهي من غير منشعر جيت مروحه لقيت قيس وعمر يحيكو حسبت روحي نسال في قيس وانا مطفيه عمر نخزرلو من تحت قالنا علي خير لحقتو ركبت كرهبتي وبديت نتبع فيه بدي يدخل في زناقي وهبط قدام مسجد دخل اذن المغرب صلي وخرج يحكي هو ولاد ظاهرين ملتاحين سلم علاهم وصل قدام دار حبس الكرهبه ودخل لسيبرات وقفت قدام سيبرات بدي يسلم علي راجل ممكن في ستين عمل لحية زاده يشبهلو برشاا ظاهر بوه ودخل من باب موجود في سيبرات لداخل بقيت ربع ساعه نستنه هبطت دخلت لسيبرات عسلامه حاج .....تبسملي وعليكم سلام بنتي تفضل مرحبا قتلو اعطيني دبوزه ما وكعبه شكلاطه وكارط تليكوم وانا نخزر لباب لدخل منو حبيبي مديت عشرين دينار للحاج هو جا باش يرجعلي لفلوس ونشوف في خيال جاي للباب تربثت هزيت ساك ومشيت والحاج ينادي ايجا خوذ باقيك طلعت للكرهبه نخزر من بعيد نشوف في وليد يعمل في سبعه سنين يلعب عليه الحاج بوه بقيت نستنا وين يتو خارج لابس قميص افغاني في الباج ماشاء الله عليه زيدو زين علي زين وجبد عود اراك يقد بيه في سنيه اه ياقلبي ياريتني كنت عود اراك بقيت نتبع فيه للمسجد صلي العشاء بطي شوي في المسجد وبعد خرج هو وزوز ولاد مشو للقهوه موش بعيده علي دارهم بقيت نراقب فيه من بعيد وهو شايخ ضحك ياااا هو يضحك مالا شبيه ديما مكشبر وضربها في روحو .....بقيت نراقب فيه لين تهنيت روح لدارهم روحت لدار جيت دخله ونلقا ايمن تربثت نسيت الي وعدتو نتعاشو مع بعضنا جاني عينيه حمرا ريحتو تعيف بشراب شدلي يدي وبدي يصيح طرطور عندك يالا تخليني ليله كامله نستنه .....سيبني نسيت صاحبتي مريضه هزيتها لسبيطار ومفماش علاش نتعاشا معاك افهم منحبكش وكان تبوس عينيك منخذكش ونطرت يدي ودخلت نجري طلعت لبيتي تفكرت ضحكة حبيبي ......جا وقت سفر لبست سروال دجين ومريول بني وجلي دجين خلعه عملت مكياج ترابي وخرجت سلمت علي دار مشيت للمطار لقيت عمر وقيس يستناو فيا بقيت نخزرلو وهو موش معايا اصل طلعنا في طياره بلاصتو جات بحذايا قعدنا بدي قيس يفدلك عليا وانا نفدلك معاه حبيت نغزلو لكن شي معبرنيش جاني فيلم شيطاني في مخي حسبت روحي دايخه وباش نرجع حسيتو تفجع عليا مدلي ما ياخي قس عليا فيلم سي قيس هزني غسلت وجهي ملا سخطه هذا اففففف اما هو تفجع عليا زعمه يحبني رجعت لبلاصتي قالي لباس قتلو لياس يعيشك حط كيت في وذنو نسمع فيه يسمع في القران صوتو خارج من الكيت بقيت نخزرلو في وجهو وفي لحظه حل عينيه جات عيني في عينو حسيتو بقا مركز معايا ممكن اول مره يثبت في وجهي عينيا تعبت بدموع انا جيت باش نحكي وصوت قيس قالي بسنت تعطيني لكتاب لفي يدك اففففف مالا سخطه اول من نروح الا مندردو من الخدمه مديتلو لكتاب بغش خو....هبطنا احنا جينا خارجين ودنيااا بردا برشااا نسيت مخرجتش كبوط من الفاليز شديت ذراعي ياخي مدلي عمر الفاست متاعو ومشاا قدامي شميتها محلا ريحتو ياربي لبستها وطلعنا في تاكسي قيس يحكي وانا نجاوب فيه بصيف ريحتو هبلتني وصلنا للاوتال كل واحد خذا مفتاحو ومشاا للبيت دخلت لبيتي طول حملت الفاست متاعو بقيت نشم في ريحتو للي هزني نوم فقت كان علي صوت لباب يدق مشيت حليت لباب لقيتو قيس قالي هيا نهبطو نتعاشو ثمانيه توا قتلو باهي دخلت دوشت مكيجب لبست روب باج ميني وعملت روج وهزيت شعري لفوق وهبطت سبايل دخلت لرستو قيس وقف من بلاصتو وقف جبدلي الكرسي قعدت لقيتهم حطو لعشا خزرت لعمر معبرنيش اصل وانا نقد في روحي علي خاطرو
جيت باش نطلب لعشا قالي عمر طلبتلك بيتزا خاطر لقيت الميني لكل بلحومات وزيد موش حلال فرحت خاطر حسيتو يخمم فيا بقيت نكل ونخمم فيه ونتبنن قالي قيس تحبشي نخرجو نسهرو فما لوطه بار تحفون قتلو لا راسي يوجع وغدوه مبكرين مشا قيس قال انا خارج نسهر طلبت قهوه وقعدت نخزرلو وهو موش هوني ....عمر نجم نحكي معاك ....تفضل .....شبيك نحسك موش مرتاح لباس ....لا لباس تعب شوي من سفر مرقدتش من بكري قالي باش يقوم تعب قتلوا وكي مشا وخلاني بقيت سارحه فيه بعد طلعت باش ندخل للبيت لبست شورت وبروتال وسيبت شعري حليت تلفزه شي مجانيش نوم جبدت الفاست متاعو شميتها قلت نهزهالو لبست جيلي نوار حطيتها فوقي دقيت لباب خرجلي لبس شورت ومريول نصف ايد كي راني هككا تربث وقال استغفرالله ودور وجهو قالي تفضل اختي شتحب ...اختو اختو مانيش اختوقلتها في قلبي قتلوبشويه وانا قلبي عصر عليا جبتلك الفاست متاعك مدتهالو هزها وسكر لباب في وجهي رجعت لبيتي نخزر لروحي شبيني علاه ميخزرليش منعجبوش انا بقيت نخزر روحي للمرايه بدني مستوي لاني ضعيفه ولاني سمينه قمحية عينيا كبار عسليه شفافي روز مليانين خشمي صغير عندي بوسة خال فوق فمي وتحت فمي شعري طويل اكحل وديما قده روحي رجال الكل تتمنا مني نظره مالا شبيه هو تمديت فوق الفرش نتفكر في بدنو محلاه في شورت ومريول بدنو مخدوم بقيت سارحه فيه ونتفرج في صورتو بقيت مركزه في شفايفو يتقرمشو تقرميش بدات الافكار شيطانيه تجي لراسي ههههههههههه نحتفظ بها لنفسي قمت صباح لبيست سروال قماش نوار وفاست متاعو وسوريه بيضا ومعها صباط طالون نوار عملت روج في شفايفي خدمت عينيا سيبت شعري الحاصل طلعت نفتق جيت خارجه ونلقي قيس قدامي صبح عليا وزفر قالي شنوا هذا الكل يعيشك وينو عمر .....قالي باش نسبقكم لبست كبوطي دنيا بردا خذينا تكسي وصلنا دخلت انا وقيش شدلي يدي لوج علي عمر بعيني واخيرا لقيتو حبيبي لبس كوستيم نوار وسوريه نوار وكرافات نوار يفتق محلا زينو جيت مشيتلو نلقاه يحكي مع رجال الحاصل بدي سيمنار بدي حبي يحكي ناس الكل تسمع فيه عرف كيفاه يحكي مغلطتش كي خترتو عرفتو ذكي ويقد روحو بقيت نخزرلو ونتبسم الحاصل كمل وبدات ناس تجيني تحب تتعامل معانا عجبتهم مقترحاتنا نسمع في وحدا مصفرا بلندا تقول محلاه لزمني نطيحو وين طيحو تي انا غلبت باش يخزرلي هزيت روحي ومشيتلو نزرب قتلو عمر يعطيك صحه عرفت كيفاه تمثلنا بلقدامخزرليش اصل وقالي خدمتي مفماش علاش باش تشكرني جات اك لمصفره بدنها الكل ظاهر مدتلو يدها ياخي طفها ضحكت ضحكا صفرا وشديتلها يدها قتلها سامحني اما راهو ميسلمش علي نسا تنبزت ومشااات اياه غمه وزاحت علي قلبي خزرتلو نتسكبن ايه وين كنا سي عمر وانا في قلبي نقول محلا دين الاسلام حبيبي ميمس حتي مرا متجوزلوش خزرلي مستغرب فيا كيفاه نثبت فيه ووه عليا باش يقتلني بها الغزره ضحكلي اول مره يتبسملي ياربي راني في جنه متخرجنيش منها .......وهو يجي منو ماو لزم مسطين لحلق يخدمو خدمتهوم جا واحد اسمو دافيد جايب زوز كيسان شراب في يدو سلم علينا ومدلي الكاس قتلو لا يعيشك منشربش بقااا عمر يخزرلي باز راهو يقول تفلم اما نلي عرفتو محطيتيش رشفه في فمي اصلا انا مره في الفال كي نبدي فده ......بقي يحكي في محلاك في ندري شنوا قالي تحبش نخرجو نسهرو نتعرفو قتلو لا حسني نجبد في روحي مشااا رجعت نحكي مع عمر لقيتو يشرب في كوكا كولا قتلو ووه موش لا تجوز ضحك وقالي وشكون قالك لا تجوز منغير منشعر قتلو محلا ضحتك يا لا تجوز حسيتو تكبس وهبط عينيه وتبسم بقيت نخزرلو هههههه علي اخر عمري وليت انا لنبزنز ملا عمله كلبه جا قيس قالي ليله نخرجو نسهرو ونشطحو لصباح وشدلي ذراعي خزرت لعمر لقيتو وجهو حمار وتنرفز قال انا مروح تعبت مشا جيت نلحق عليه جبدلي قيس يدي نطرتهالو وانا نتبع فيه شادوني جماعه بالحديث ويحبو يتعاملو معايا قتلهم اهوكا قيس تفاهمو معاه نديت قيس جاهم خذيت صاكي وكبوطي حبست تاكسي مشيت نجري للاوتال وصلت لبيتو بديت ندق شي مراد عليا حد وانا جيت ماشيا والباب تحل كرافات محلوله سوريتو خرجه من سروالو عينيه حمر نار شعله منهم عمري مريتو في هك الحال .....عمر شبيك لباس ......ودخلت من غير مشورتو لقيت الفست مطايشه لوطه وكتب طايحه في لوطه خزرتلو قتلو عمر انا نرفزتك من غير منقصد ....لا منرفزتنيش تنجم تخرج عيب دخله للبيت وانا وحدي .....من غير منشعر قتلو عمر نحبك .....ضحك عليا وقالي وشكون تحب اخر زاده فلان وفلتان بربي اخرج انا نخدم عندك بنتنا الخدمه وكملتهالك شتحب اخر اخرج .......جيت باش نقربلي عملي بيدو اقف متقربليش يعيشك انتم تعاوده بلمسان رجال ليك انا الامر هذا منعملوش خلي مسافه بيني وبينك اخرج من فضلك وحل الباب متعاوده بلمسان رجال انا عمرو ملمسني راجل اصلا كنت معقده منهم غضتني روحي هزيت روحي دخلت لبيتي دموعي شرتله بديت نكسر ونضرب في ايدي علي الحيط شكون تستخايل روحك انت جرد خدام عندي نشريك بفلوسي والله مندمرك علي نهار لعرفتني كسرت بلار لمراية يدي تجرحت بقيت نبكي للي طاح ليل مشيت غسلت وجهي وايدي بدم لفيتها وخرجت حالتي نبكي ليراني يبقي يخزر مشيت للبار حبط الكاس لول الثاني الثالث......وين سايي معادش نشوف رسيبيون كلمو عمر قالول ايجا لمرا لمعاك عمله عركه جا لقاني نشرب نحا الكاس من يدي وقالي امشي بسنت خزرتلو وانا حلتي حليله بشراب نعيف حسيتو تقزز مني ضربتو بيدي علي سدرو قتلو اخطاني امشي ميهمكش فيا ....يعيشك يزي احشم شنوا لفضايح توا انت مسلمه انتي هكا عمله في روحك خسارتك ..........هههههههههه مسلمه وشكون قلك مسلمه خليتو الاسلام ليك وبديت نصيح لعباد تخزر موش فاهمه شنوا باقين نحكو جبدني من ذراعي بالقوي وهزني وانا نصيح سيبني موش قلت منجوزش تلمسني انت منافق طلعني في الاسانسور ونحي يدو وخلاني طحت علي القاع بديت نبكي انت سبب في الي صايرلي انت كيف بابا كلكم خايبين نحب نموت نحب نموت تحل الاسنسور ناس تخزرلي كيفاه قعده في القاع جا واحد باش يهزني شدلو ايديه قالو انا معاها سايي جبدني من ايدي انا توجعت خزر لقا دم في ايدي تفجع شبيك بسنت شبيك خزرتلو في عينيه بديت نبكي انت تكرهني متحبنيش تاعفني مشي بالك بنيه فاسده مدلله تعمل كل شي ميحسبها حد قص عليا قوم بسنت لعباد تخزرلنا قمت نترامي قريب نطيح خرجني من الاسنسور مرتين قريب نطيح واوب في لحظه شدني بصيف جيت في حضنو حضنو دافي كي امي جبدني بالقوي وهزني لبيتي اول مدخل لقا كل شي طايح مكسر ملا مهبوله شنوا لعملتوا دخلني قعدت فوق الفوتيه بقيت نخزرلو طلب قهوه وقالهم تجي مرا تنظف وهو يحكي وقفتلو بجنبو بوستو ايه بوستو في شفايفو دزني بالقوي جيت طايحه فوق الفرش بدي يصيح حرام عليك شعمتلك تركبلي في ذنوب وجا خارج شديتلو يدو امان عمر نحبك علاه متفهمش نعشقك ....يعيشك انت عجبتك اللعبه واحد قالك لا كبشتي فيه مانيش متاعك يعيشك قتلو عرس بيا ونعطيك فلوس قد متحب المهم متسيبنيش ....نخذك انتي هبلت مكش تشوف في حالتك انت لاك متاعي ولك من قشرتي عيشتك غير عيشتي جا خارج قتلو تخرج نطيش روحي من شباك خزرلي بغش وقالي اعمل ليظهرلك جا خارج منعرفش علا روحي كيفاه مشيت للبالكون باش نموت هكا اش قررت انا جيت نطيش روحي وهو جبدني من شعري بدي يصيح هبلت تحب تمشي فطيس علاه هكا ....علاش نبقي حيه كي انت متحبنيش هزني غسلي وجهي جات المنظفه جات تنظف وجابو قهوه شربهالي بصيف نسمع فيه يقول مالا ليله كلبه شو الوحله لوحلتها ياربي لا حول ولا قوة الا بالله خرجت نلقاه يمشي ويجي في البيت والمنظفه نخزرلها كل شوي تخزرلو صحت علاها قتلها اخرج علا ش تخزر هذاك متاعي انا بقا يخزرلي مبهم وقال كثر الهم يضحك شعملتلك لمسكينه .....مسكينه نشوف فيك كل شوي تخزرلها عجبتك اه بدنها حلو موش هكا وعملت هكا قطعت سوريتو بدني منفوق ظهر لبسه كان ستية ابيض قتلو وانا هكا نعجبك ضربني بكف وخرج من غير مخزرلي بقيت نبكي للي رقدت وانا علي الارض
صباح فقت حلتي حليله لبست دبش قدامي وغسلت وجهي تفكرت لصار لبارح الكل حشمت علي روحي مشيت نجري لبيتو ملقيتوش مشيت لقيس قالي راهو روح صباح بديت نبكي ....ياربي شعملت راهو زاد كرهني اكيد معادش يحب يراني وقيس موش فاهم شي قتلو لزمني نروح توا مشيت بدلت دبشي ومشي للمطار وصلت بليل خذيت تاكسي وصلت لدار حطيت الفاليز وطلعت هزيت مفتاح الكرهبه مشيت قدام دارهم هبط ضو يشعل وسيبرات مسكره ياربي لزمني نحكي معاه نمشي ونجي كي المهبوله ليتعدي يبقي يخزرلي مشي حتي للقهوه ليقعد فها ملقيتوش رجعت قعدت قدام دارهم ليله كامله نستنه للاذن الفجر نشوف فيه هو وبوه ماشين يصلو جيت تنهبطلو حشمت من بوه تبعتهم للمسجد كملو صلاة بوه خرج وهو مزال مسجد فراغ وهو مزال مخرجش شمس طلعت هو فين ياربي زعمه ندخلو جيت باش نهبط ندخلو لقيتو خارج ويمسح في عينيه كان يبكي ايه يبكي شافني جايتو تصدام جاني يزرب هبلتي ياخي شمجيبك هوني ...امان عمر خليني نحكي معاك امان .....بالله امشي وابعدني واحسبني معادش نخدم معاك انساني اخرج من مخي وجا مشي شديتلو يدو نترهالي بالقوي لكن بقيت مكبشه فيه كان متطلعش معايا نعملك شوها ونقولهم تعدي عليا ...خزرلي بنقمه قالي انت شيطان ياربي شنوا ها لابتلاء لبليتني بيه ......اطلع امان طلع بصيف عليه ثنيه كامله متكلمش وانا نبكي وصلت لجلاز قلي هبلتي وين جايبتني قتلو تبعني بقا باهت فيا جبدت محرمه حطيتها علي راسي بقا يخزرلي اول مره يراني بمحرمه اما انا كي نمشي لجبانه مندخلش راسي عريان دخلت وصلت لقبر ما قريت الفاتحه وبستلها قبرها وهو باقي يخزرلي عرف الي هو قبر امي بين من الاسم وقفتلو وقربتلو عينيا بدموع قتلو ملي عرفتك حياتي تبدلت وليت نفيق علي خاطرك نعيش بصورتك حبك حياني رجع فيا روح وليت نقرا علي دين نحب نعرف الاسلام من وجهة نظر متاعكم حياتي مكنت نتوقع اني نحب كنت نقمه علي رجال نعيفهم نكرهم جيت انتي بدلتلي معطيات حياتي من اول مريتك مخي تلحس امي انتحرت علي خاطر الانسان لحبيتو برغم لهو عذبها رجال لكل كيف كيف ساعه كامله نحكي في عذابي وهو ولا عبرني مكسح قلبو خذيت نفس لقوي باش نسمع واش باش يحكي محكا شي بقا ساكت يخزر للقبورات قتلو تنجم تمشي نوعدك معادش تراني هز روحو ومشا شوي جبدت سكينه في جيبي خزرت لامي قتلها باش نجي بحذاك توحشتك حليت عروق يدي زوز ومتحركتليش شعره ودم يجري من يدي طحت علي القبر امي ........................................................................................................................................................................................................................................................................................................................قلبي عصر عليا نحب نمشي نحضنها نقولها لانا زاده حبيتها من اول مريتها ضحكتها براتها الحزن لفي عينيها نحسها طفله صغيره ضايعه تلوج علا شكون ينقذها اما منجمش حرام ياربي علاش خليتني نحب مرا موش من ثوبي تلفتت باش نقلها تروح محبيتش نخلاها وحدها نلقاها فوق القبر دم معبي دنيا مشيت نجري معادش نعرف اش باش نعمل بسنت امان فيق امان متموتش وتخاليني حملتها هزيتها حطيتها في الكرهبه منعرفش كيفاه نسوق لمست رقبتها لقيت نبض ضعيف خفت لاتموت اول مره نحب وحب حياتي باش تضيع من ايدي كلمت لكلينيك قتلهم علي حالتها باش نلقاهم حضرين وصلت ومنعرفش كيفاه وصلت دخلتها وايدي في يدها خايف لا تمشي مني وتضيع بدنها برد هزوها مني دخلوها لعمليات خرجت فرمليه تسال علي شنوا نوع دمها منعرفش شنوا نوع دمها ياربي ملقي تحتي حد كلمت سلوي سالتها قاتلي متعرفش تكلم لكلينيك لتعدي فيه بعد دراج كلمتني قتلي دمها كي دمي مشيت نجري قتلها دمي كي دمها خوذو دمي الكل مشيت هزو دم منعندي ومن عندهم نزفت برشاااا قلبي عصر عليا جات سلوي مفجوعه مسكينه تبكي .....عمر ويني بسنت عمر شباها منجمتش نتكلم لساني وقف انا منجيش راجل خليتها تموت وهيا بحذايا ضربت ايدي علي الحيط وليت كي لمجنون معاد فهم شي بعد ساعه خرجتلي طبيه قاتلي طمن حالتها لباس توا هبطت علي ركيبي شديت وجهي بايدي يارب حمدلله حمدلله خارجوها يديها الكلها بالفسمات مخلوني نقربلها قالولي بعد اربع عشرين ساعه تشوفها جات سلوي تسال فيا شصار حكيتلها لصار الكل بدات تبكي قاتلي كلمتني حسيتها تودع فيا قاتلي عمر ميحبنيش وزيد والا يكرهني باش نهج ونخليه يتهني في حياتو قاتلي سلوي راهيملي عرفتك ولات تحب تسمع القران تحب تعلم دين بدلت عاداتها قاتلي حبيتك بجنون وشوف حبها وين وصلها قلبي عصر عليا انا سبب في ماستها لكن منجمتش نقبل ناخو مرا تشرب تتكيف تصوحب مانش فرد مستوي انا ولد عايله فقيره كون روحنا بروحنا وهيا تولدت في العز منجمش نوفرلها حتي ابسط الحاجات لعندها بقيت نخمم .......بعد اربع عشرين ساعه جاتني الفرمليه تجري قاتلي الي هيا فاقت وتنادي باسمك قتلها نجم ندخلولها مشيت بحذاها راقده كي الملايكه قربتلها بقيت نخزرلها حلت عينيها ضحتلها عينيها تعابو في دموع ودمعتي انا سابقتني خزرتلي قاتلي ..........احنا في جنه ...........ههههههههه ديما مهبوله انت معايا لهنا في دنيا قربتلها مسحتلها دموعها ......موش لا يجوز .....اشششش خليك مرتحها جات الفرمليه خرجتني بقات تشيع فيا بعينها كلمت مني قتلها ايجاني حاشتي بيك جاتني حكيتلها علي ليصار موش بتفصيل بطبيعه هيا اصل تعرف الي انا نحبها ..........خرجوني لبيت عاديه نحس في راسي ثقيل يوجع نحل في عينيه بصيف رقلتلي الفرمليه الفرش وسيروم وخرجت دخلت مني وعمر نحات نقاب وباستني ....سمله علي الاختي علاه تعمل في روحك هكا فما شكون يستهل تقتل روحك علي خاطرو قتلها اي خوك يستحق نومت ميات مره علي خاطرو ضحكو عليا بديت نبكي تهزو عليا ياخي بستني من خدي وقاتلي لا اما محلاك كي لولاد صغار حمدلله علي سلامتك قتلها كلم جدي راهم متحيرين عليا قاتلي باهي خرجت وخالتني مع حبيبي مشا قرب لشباك وتلفتلي حك لحيتو وخزرلي خزرا ذوبتني من غير منشعر قتلو كيف ماقالت سيده عائشه سبحان الذي زين الرجال بلحي ...........تبسملي وقال اسمع ياسيدي وليت تعرف احاديث قتلو ايه برشاااا احاديث وانت نعرف الي انا توا باش ندخل لجهنم خاطر حبيت نقتل روحي ....لا الله غفور رحيم صحيح لعملتيه غالط ومن الكبائر اما لزم توب لله ...........ايه نحب نتوب ونصلي ونصوم ونقرا قران وكل شي علمني ضحك وخزرلي قالي باهي ياصغرونتي ........بقيت نخزرلو صغرنتو جيت تنقرص روحي تفكرت الي يدي بالفسمات قتلي اقرصني قالي علاه قتلو علي خاطر ظاهرلي نحلم لا مكش تحلم .....تحل الباب دخل جدي وجده مفجوعين يبكيو خرج حبيبي بقيت نقلهم راني لباس المهم عزيزي مسيبني ال مفهمتو شنوا لصار والي انا عشقه ضربني علي راسي وباسني وقالي كبرتي يا ممو عين جدك خرج جدي خفت ليعمل حاجه لعمر نعرفو ديما يحكي علي سلافين بالخايب بعد شوي جاني قالي ايه بنتي لعروسه كبرت وباش نعطاها راجل خزرتلو جديتو ووه ياراجل لشكون باش تعطاها قالها للي خطبني فها قبل تفجعت قتلواا يمن مستحيل نخذ ووتوا نطيش روحي من فوق يامهبوله ارزن ندكك عليك عمر جا وخطبني فيك صحت صيحه جا عمر ومني مفجوعين مشا في بالهم ندري شصارلي جو يجريو قتلهم بابا عزيزي خطبوني فيه ....اه تي لا خطبوني مني ليه .....تي اففففف تي معناها الكلهم طرشقو بضحك لي...........................جات ايام العرس انا وعمر منحكوش برشا برشااااا حاجات فهمتهوملي مني وليت نصلي نلبس حجاب شرعي نقرا قران محلاهم لايامات هذوكه تقربت فيهم لربي برشاااا جا ليوم الوعود عملنا زواج شرعي نهار الوطيه جو برشاااا ناس تعاشو وروحو يقولو مالا وطيه تقول زنازه هههههه جات مني معاها برشااااا اخوات لبسين نقاب وحجاب شرعي عملولي سهريه تعشق وغنو بدف اناشيد تهبل روحو ناس الكل بقات مني معايا قتلي غدوي نهارك الحاصل صباح جاتني الحنيه حناتلي نقتلي وكلتني طريحه سخطه مع نصف نهار مشيت للحجامه قتلها مكياج خفيف ومتصبغليش منحبش صبايغ لبستني روبه خطرتها انا ومني تهبل لبستني حجاب خزرت لروحي في المرايه محلاني مني تبارك وترقي فيا وتعاود ليخذوني بالعين جيت خارجه باش نمشي نكتب صداقي لبستني الحجامه برنس حرير فيه ذيل طويل وفيه نقاب هبطت لقيت جدي يستنه فيا زاح موش لزم نلقي عمر بسني جدي من جبيني وقالي تبارك الله علي بنتي خرجت نلقي عمر قدام الكرهبه لبس لبسه محلاها كيف متاع الهنود شدلي يدي ودخلني في الكرهبه ركبت مني مع جدي وانا وياه وحدنا هزيت نقاب علي وجهي بقا يخزرلي تبسم محلاها تبسيمتو قالي ماشاء الله عليك وقال اللهم بارك لي فيها بدي يسوق كل شوي يخزرلي ويتبسم وصلنا لصاله مقسومه علي زوز نسا وحدها ورجال وحدها دخلت باو ناس الكل تزغرد جات امو بستني قداش محلاها حبيتها من اول مريتها ناس الكل تخزر وتبارك دخلنا لبيت باش نكتبو صداق كتبنا صداقنا مصدقتش وقت لصححت كملنا خرجو الكل خلونا وحدنا سكرو الباب قربلي هزلي نقاب علي وجهي وشدلي وجهو بيديه وبسني من جبيني بوسه طويله وتنهد وقال الحمدلله انك رزقتني بيها في الحلال فرحت عينيا دمعت من الفرحه بدني الكل بدي يرعش قربلي باسلي عينيا وبعد خدودي كان يتنفس بالقوي في وجهي قلبي بدي يدق بالقوي بدات الافكار الخبيثه تجيني زعمه موش ناوي هوني وناس تستانه فينا لبراه هههههههههههههه هبط لشفايفي بقي يخزرلهم وهبط بسلي بوسة الخال لتحت شفايفي شعلت بعد شوي وقالي هيا نخرجو اععععععععععع سطل ما برد وكبو عليا قالي هيا نخرجو ناس تستنه قتلو هذا كاهو كملنااااا ضحك وقربلي وشوشلي في وذني قالي يامهبوله اصبر سوعتين اخرين توا نكملو تكبست زاح راهو يقول متحشمش اما راجلي علي سنة الله ورسول تي انا قبل شد روحي عليه بصيف خلي ياتوا والا ملكي خرجنا مشينا وصلني لمني هو مشا بحذا رجال وانا نعد في الوقت وقتاش تجي العشره خلينا نروحو ومني شيخه عليا ضحك جاتني سلوي قرصتني قتلي فضحتينا شويه حياء يااختاه تي قتلها غير اخطاني توا وقت حياء ....والله لتحشمها توا ملا تشوف لوجيعه من بعد خزرتلها بلعت ريقي قتلها تبصري عليا بربي احكي قاتلي منحكيش توا مبعد تعرف خوفتني زاح اما معلا بالي فيسع منسيت بقيت نعد في الوقت ..........................ليله كامله علي عصابي صحيح خذيتها لكن خايف مانش فرد طبيعه زعمه باش تتاقلم وزيد هيا عنده تجارب وانا حابس عمري ممسيت مرا خايف تبدي تضحك عليا بداو الاخوه الكل يحكيو وانا نتعلم ونقول ربي تستر جات العشره كلمت مني وقيت ...........جاتني مني قاتلي هيا نمشيو جاتني جديتي تبكي وداده حليم هوانا نسكت فيهم غاضوني اما زاح تي سبقو الخير يقولش ماشيا نحارب سلوي تكل في وجها وتعاود جاتني يابنتي احشم تي هبط حتي دمعه منين نجيبها دموع انا توا ....... تي اهل العريس تيقولو مصدقتش منرابي خذات راجل انا سمعت هككا منعرفش دموع منين جيت بديت نبكي ونمخط سلوي تعوج في راسها وتتبسم هزتني مني لقيت جدي باسني ومدلي صياغه ديامون قالي نحبك وباسني من جبيني بديت نبكي المره هاذي بالحق غاضني جدي معندو كان انا وعمر محبش يسكن معاهم قال نحب ناخو راحتي سكنت في برتمان هدهالو عزيزي موش بعيد علي دارو عمر قبل بصيف ........وصلنا ثنيه كامله عمر شدلي يدي يبوسلي فها وكل شوي يتغزل فيا وصلنا لدارنا طلعنا في الاسنسار هزلي عمر نقاب بسني بوسه خفيفه في شفايفي قلبي رعش اول مره حد يبوسني في شفايفي اول مره برغم لعشتو الكل وصلنا للايتاج ثالث خرجنا سبقني حل الباب دار الكل مريقله مني وسلوي ريقلو كل شي دخلت قلبي بدي يرعش نحيت نقاب ونحيت البرنس شدلي باسها وهزني في حظنو دخلني للبيت نوم محلاها كلها بنوار ريحة الياسمين تعطعط قربلي ليه باسني في خدودي وهبطني علي الفرش هو عمل هكاا وانا تكونسيت تفكرت كلام سلوي خفت بعدت شوي حسيتو حس بيا قالي نصليو ركعتين كان متوضيه قتلو ايه متوضيه صلينا ركعتين وبعدين دارلي حط يدو علي راسي وبقا يدعي بديت نبكي احلي احساس انك تبدي حياتك بطاعة ربي قربلي بسلي عينا وقلي معدش تبكي مدامك معايا نسيك في همومك الكل وانسي الماضي واي تجربه عشتها خايبه قبلي جيت باش نحكي حط شفايفو علي شفايفي بدا يبوس فيا احلي احساس في دنيا وقفت قتلو نحب نبدل دبشي رخف روحو وبعد وقف عاوني باش نحيت روبتي والحجاب وهو بقي يخزرلي قربلي بقيت لبسه نويزات بيضه قتلو نمشي ندوش قالي لا معادش نجم نصبر قربلي وبدا يبوس فيا جا فوقي وبدا يبوس في كل بلاصه من بدني صار كل شي وليت مرتو حسيتو تصدم كي لقاني فيارج بقي يبوس في عيني ويمسحلي في دموعي وقالي سامحني وجعتك ضحكتلو بقيت في حضنو لين هزني نوم فقت صباح يفيق فيا لصلاة الفجر قالي قوم دوش وصالي وقرب باسني قمت دوشت وصليت لقيتو محظر لفطور جا من المسجد لقاني لفه روحي بمنشفه وشعري مبلول علي كتافي قتلو ايجا نفطرو ضحك وقالي باش نفطرك انتي حملني في يديه وهزني لعالم اخر ............................ليا عشره شهور عرس عايشه ماليكه جبت فاهم ولي العهد عبد الرحمان نسخه علي بوه والحمدلله بديت نحفظ في القران ولبست نقاب جدي ملول اعتراض لكن اقتنع حمدلله عايشه احلي عيشه مع احلي عيلة في دنيا وفااااااااااااااااات
أتمنى للجميع نزهة طيبة بين سطوري ... فأنا اكتب بشروط الحياة.... صابرين، أتمنى للجميع نزهة طيبة بين سطوري ... فأنا اكتب بشروط الحياة.... صابرين
تحويل كودإخفاء محول الأكواد الإبتساماتإخفاء